Library·Brahmavaivarta Purāṇa·4·4.125
नारद उवाच गणेशपूजनादेव राधास्तोत्रात्परं विभो । बभूव किं रहस्यं वा तन्मे व्याख्यातुमर्हसि
nārada uvāca gaṇeśapūjanādeva rādhāstotrātparaṃ vibho | babhūva kiṃ rahasyaṃ vā tanme vyākhyātumarhasi
Sanskrit only: no published translation is held for this verse.
नारायण उवाच गशेशपूजने तीर्थे ये देवाश्च समाययुः । मुनयश्चापि योगीन्द्रा वसन्तो वटमूलके
nārāyaṇa uvāca gaśeśapūjane tīrthe ye devāśca samāyayuḥ | munayaścāpi yogīndrā vasanto vaṭamūlake
Sanskrit only: no published translation is held for this verse.
वसुदेवो देवकी च परमादरबूर्वकम् । पप्रच्छ शंभुं ब्राह्मणमनन्तं मुनिपुंगवान्
vasudevo devakī ca paramādarabūrvakam | papraccha śaṃbhuṃ brāhmaṇamanantaṃ munipuṃgavān
Sanskrit only: no published translation is held for this verse.
भवेद्भवाब्धितरणमावयोरुत्तमा गतिः । शीघ्रं ब्रूत महाभागा दीनयोर्दीनबान्धवाः
bhavedbhavābdhitaraṇamāvayoruttamā gatiḥ | śīghraṃ brūta mahābhāgā dīnayordīnabāndhavāḥ
Sanskrit only: no published translation is held for this verse.
भवाब्धितरणे तर्यां तत्र यूयं च नाविकाः । न ह्यम्मयानि तीर्थानि न देवा मृच्छिलामयाः
bhavābdhitaraṇe taryāṃ tatra yūyaṃ ca nāvikāḥ | na hyammayāni tīrthāni na devā mṛcchilāmayāḥ
Sanskrit only: no published translation is held for this verse.
यज्ञरूपाणि पुण्यानि व्रतान्यनशनानि च । तपांसि नानादानानि विप्रदेवार्चनानि च
yajñarūpāṇi puṇyāni vratānyanaśanāni ca | tapāṃsi nānādānāni vipradevārcanāni ca
Sanskrit only: no published translation is held for this verse.
चिरं पुनन्ति सर्वाणि दर्शनादेव वैष्णवाः । सतां च विष्णुभक्तानां रजसां स्पर्शमात्रतः
ciraṃ punanti sarvāṇi darśanādeva vaiṣṇavāḥ | satāṃ ca viṣṇubhaktānāṃ rajasāṃ sparśamātrataḥ
Sanskrit only: no published translation is held for this verse.
पूतानां पादपद्मानां सद्यः पूता वसुंधरा । तीर्थानि च पवित्राणि समुद्राः पर्वतास्तथा
pūtānāṃ pādapadmānāṃ sadyaḥ pūtā vasuṃdharā | tīrthāni ca pavitrāṇi samudrāḥ parvatāstathā
Sanskrit only: no published translation is held for this verse.
सुरा दर्शनमिच्छन्ति पातकेन्धनपापकम् । सोऽज्ञानि नैव बुबुधे ज्ञानं च ज्ञानिना सह
surā darśanamicchanti pātakendhanapāpakam | so'jñāni naiva bubudhe jñānaṃ ca jñāninā saha
Sanskrit only: no published translation is held for this verse.
परमं स्वादुरूपं च दधिदुग्धरसं यथा । यथा कृणस्य तातोऽहं सङ्गी सुचिरमेव च
paramaṃ svādurūpaṃ ca dadhidugdharasaṃ yathā | yathā kṛṇasya tāto'haṃ saṅgī sucirameva ca
Sanskrit only: no published translation is held for this verse.
तथैव देवकी माता ज्ञानिनां च गुरोर्गुरोः । वसुदेववचः श्रुत्वा प्रहस्य शंकरः स्वयम् चतुर्णामपि वेदानामुवाच जनको गुरुः
tathaiva devakī mātā jñānināṃ ca gurorguroḥ | vasudevavacaḥ śrutvā prahasya śaṃkaraḥ svayam caturṇāmapi vedānāmuvāca janako guruḥ
Sanskrit only: no published translation is held for this verse.
महादेव उवाच संनिकर्षो ज्ञानिनां चाप्यनादरणकारणम् । यान्ति गङ्गाम्भसा पूतास्तीर्थान्यन्यानि सिद्धये
mahādeva uvāca saṃnikarṣo jñānināṃ cāpyanādaraṇakāraṇam | yānti gaṅgāmbhasā pūtāstīrthānyanyāni siddhaye
Sanskrit only: no published translation is held for this verse.
वासुदेवास्य तातोऽयं वसुदेवश्च पण्डितः । ज्ञानिनः कश्यपस्याशो वसोस्तातस्य चाऽऽत्मनः
vāsudevāsya tāto'yaṃ vasudevaśca paṇḍitaḥ | jñāninaḥ kaśyapasyāśo vasostātasya cā''tmanaḥ
Sanskrit only: no published translation is held for this verse.
पृच्छति ज्ञानमस्मांश्च कृष्णाज्ञान्पुत्रबुद्धितः । अहो दुर्गा महामाया ज्ञानिनामपि मोहिनी
pṛcchati jñānamasmāṃśca kṛṣṇājñānputrabuddhitaḥ | aho durgā mahāmāyā jñānināmapi mohinī
Sanskrit only: no published translation is held for this verse.
विष्णुमाया दुराराध्या न साध्या जागतामपि । वयं च मोहिताः शश्वद्वेदानां जनकस्तथा
viṣṇumāyā durārādhyā na sādhyā jāgatāmapi | vayaṃ ca mohitāḥ śaśvadvedānāṃ janakastathā
Sanskrit only: no published translation is held for this verse.
ब्रह्मा कृष्णं परीक्षेत मोहितस्तस्य मायया । ध्यायते यत्पदाम्भोजं तपसा जीवनावधि
brahmā kṛṣṇaṃ parīkṣeta mohitastasya māyayā | dhyāyate yatpadāmbhojaṃ tapasā jīvanāvadhi
Sanskrit only: no published translation is held for this verse.
इन्द्रेषु दशलक्षेष्वप्यधिकाष्टशतेषु च । पातेषु ब्रह्मणः पाते निमेषो माधवस्य च
indreṣu daśalakṣeṣvapyadhikāṣṭaśateṣu ca | pāteṣu brahmaṇaḥ pāte nimeṣo mādhavasya ca
Sanskrit only: no published translation is held for this verse.
सह तेनेन्द्रयुद्धं च पारिजातस्य हेतुना । पारिजाततरुं दत्त्वा मया शक्रश्च रक्षितः
saha tenendrayuddhaṃ ca pārijātasya hetunā | pārijātataruṃ dattvā mayā śakraśca rakṣitaḥ
Sanskrit only: no published translation is held for this verse.
यज्ज्ञानं न गिरामेव तत्वं वा विषयात्मकम् । नहि किं चित्तदज्ञानां तस्माद्ध्यानं सदैव हि
yajjñānaṃ na girāmeva tatvaṃ vā viṣayātmakam | nahi kiṃ cittadajñānāṃ tasmāddhyānaṃ sadaiva hi
Sanskrit only: no published translation is held for this verse.
प्राणिनामात्मनो ज्ञानमस्माकं ज्ञानमस्ति च । तदूधर्वं तत्समं नैव कृष्णं पृच्छ शुभाशुमम्
prāṇināmātmano jñānamasmākaṃ jñānamasti ca | tadūdharvaṃ tatsamaṃ naiva kṛṣṇaṃ pṛccha śubhāśumam
Sanskrit only: no published translation is held for this verse.
ब्रह्मणश्च चतुर्यामं कल्पं कल्पविदो विदुः । सप्तकल्पान्तजीवी च मार्कण्डेयो महामुनिः
brahmaṇaśca caturyāmaṃ kalpaṃ kalpavido viduḥ | saptakalpāntajīvī ca mārkaṇḍeyo mahāmuniḥ
Sanskrit only: no published translation is held for this verse.
अष्टानवतिशक्रेषु पातेषु पतनं मुनेः । ततः प्राप्तं हरेर्दास्यं मुनिना तपसः फलात्
aṣṭānavatiśakreṣu pāteṣu patanaṃ muneḥ | tataḥ prāptaṃ harerdāsyaṃ muninā tapasaḥ phalāt
Sanskrit only: no published translation is held for this verse.
प्रलये ब्रह्मणः पाते पतनं लोमशस्य च । दिक्पालानां ग्रहाणां च तदायुश्चिरजीविनाम्
pralaye brahmaṇaḥ pāte patanaṃ lomaśasya ca | dikpālānāṃ grahāṇāṃ ca tadāyuścirajīvinām
Sanskrit only: no published translation is held for this verse.
अन्येषामपि देवानां मुनीनामूर्ध्वरेतसाम् । तदेवाऽऽयुश्च रुद्राणां मां च मृत्युंजयं विना
anyeṣāmapi devānāṃ munīnāmūrdhvaretasām | tadevā''yuśca rudrāṇāṃ māṃ ca mṛtyuṃjayaṃ vinā
Sanskrit only: no published translation is held for this verse.
प्रलये च विधेः पाते शिवलोकेऽप्यहं शिवः । ब्रह्मभालोद्भवः शंभूः सर्वादिः सर्गभाषणः
pralaye ca vidheḥ pāte śivaloke'pyahaṃ śivaḥ | brahmabhālodbhavaḥ śaṃbhūḥ sarvādiḥ sargabhāṣaṇaḥ
Sanskrit only: no published translation is held for this verse.
कृष्णवामाङ्गसंभूता यथा राधा तथैव च । तथैव दुर्गा लक्ष्मीश्च सावित्री च सरस्वती
kṛṣṇavāmāṅgasaṃbhūtā yathā rādhā tathaiva ca | tathaiva durgā lakṣmīśca sāvitrī ca sarasvatī
Sanskrit only: no published translation is held for this verse.
आदित्योऽऽयदितेः पुत्रः कायव्यूहेन द्वादश । तथैव च महेन्द्रश्च कायव्यूहाच्चर्तुदश
ādityo''yaditeḥ putraḥ kāyavyūhena dvādaśa | tathaiva ca mahendraśca kāyavyūhāccartudaśa
Sanskrit only: no published translation is held for this verse.
तथैव वसवश्चाष्टौ रुद्राश्चैकावशैव ते । मनुपाते चेन्द्रपातो विषयात्पतनं भवेत्
tathaiva vasavaścāṣṭau rudrāścaikāvaśaiva te | manupāte cendrapāto viṣayātpatanaṃ bhavet
Sanskrit only: no published translation is held for this verse.
समाययौ च सर्वेषां निधनं प्रलयेऽपि च । प्रलयो दर्शयामास ब्रह्माण्डं च जलप्लुतम्
samāyayau ca sarveṣāṃ nidhanaṃ pralaye'pi ca | pralayo darśayāmāsa brahmāṇḍaṃ ca jalaplutam
Sanskrit only: no published translation is held for this verse.
ब्रह्माणं च स्वलोकं च स्वात्मानं शक्तिभिश्च माम् । सर्वेषां मूलरूपश्च सर्वेशः कृष्ण एव च
brahmāṇaṃ ca svalokaṃ ca svātmānaṃ śaktibhiśca mām | sarveṣāṃ mūlarūpaśca sarveśaḥ kṛṣṇa eva ca
Sanskrit only: no published translation is held for this verse.
भज पुत्रं राजसूये यज्ञेशं यज्ञकारणम् । विधिवद्दक्षिणां दत्त्वां भवाब्धिं तर यादव
bhaja putraṃ rājasūye yajñeśaṃ yajñakāraṇam | vidhivaddakṣiṇāṃ dattvāṃ bhavābdhiṃ tara yādava
Sanskrit only: no published translation is held for this verse.
मुक्तिस्ते नास्ति निर्वाणा विषयी कश्यपो भवान । न ते दास्यं क्तधनमदितिर्देवकी तथा
muktiste nāsti nirvāṇā viṣayī kaśyapo bhavāna | na te dāsyaṃ ktadhanamaditirdevakī tathā
Sanskrit only: no published translation is held for this verse.
व्रज स्वर्गं भोगबीजं स्वस्थानममरालयम् । शिवस्य वचनं श्रुत्वा संयत श्चशुभक्षणे
vraja svargaṃ bhogabījaṃ svasthānamamarālayam | śivasya vacanaṃ śrutvā saṃyata ścaśubhakṣaṇe
Sanskrit only: no published translation is held for this verse.
तत्र संभृतसंभारो राजसूयं चकार सः । वसुदेवस्य हव्यं च साक्षाच्च जगृहः सुराः
tatra saṃbhṛtasaṃbhāro rājasūyaṃ cakāra saḥ | vasudevasya havyaṃ ca sākṣācca jagṛhaḥ surāḥ
Sanskrit only: no published translation is held for this verse.
यत्र साक्षाच्च यज्ञेशो यज्ञोऽयं दक्षिणा सह । बूर्णाहुतिं दत्तवन्तं वसुदेवमुवाच सः ।। सनत्कुमारो भगवान्वासुदेवाज्ञया मुने
yatra sākṣācca yajñeśo yajño'yaṃ dakṣiṇā saha | būrṇāhutiṃ dattavantaṃ vasudevamuvāca saḥ || sanatkumāro bhagavānvāsudevājñayā mune
Sanskrit only: no published translation is held for this verse.
सनत्कुमार उवाच सर्वस्वं दक्षिणां देहि तुर्णं लक्ष्मीपतेः पितः । सार्थकं कुरु कर्मेदं वेदोक्तं वचनं श्रुणु
sanatkumāra uvāca sarvasvaṃ dakṣiṇāṃ dehi turṇaṃ lakṣmīpateḥ pitaḥ | sārthakaṃ kuru karmedaṃ vedoktaṃ vacanaṃ śruṇu
Sanskrit only: no published translation is held for this verse.
दक्षिणां विप्रमुद्दिश्य तत्कालं चेन्न दीयते । मुहूर्ते तु व्यतीते सा दक्षिणा द्विगुणा भवेत्
dakṣiṇāṃ vipramuddiśya tatkālaṃ cenna dīyate | muhūrte tu vyatīte sā dakṣiṇā dviguṇā bhavet
Sanskrit only: no published translation is held for this verse.
वासरे च बहिर्भूते भवेत्साऽपि चतुर्गुणा । त्रिरात्रे समतीते षड्गुणा दक्षिणा भवेत्
vāsare ca bahirbhūte bhavetsā'pi caturguṇā | trirātre samatīte ṣaḍguṇā dakṣiṇā bhavet
Sanskrit only: no published translation is held for this verse.
पक्षान्ते तु शतगुणा मासान्ते तु चतुर्गुणा । षण्मासेऽप्यधिके न्यूने च साहस्त्रगुणा तथा
pakṣānte tu śataguṇā māsānte tu caturguṇā | ṣaṇmāse'pyadhike nyūne ca sāhastraguṇā tathā
Sanskrit only: no published translation is held for this verse.
वर्षान्ते सा लक्षगुणा ब्रह्मणोक्तं च याटव । उभौ च नरकं यांतः कर्मकर्तृपुरोहितौ
varṣānte sā lakṣaguṇā brahmaṇoktaṃ ca yāṭava | ubhau ca narakaṃ yāṃtaḥ karmakartṛpurohitau
Sanskrit only: no published translation is held for this verse.
वासुदैवश्च तच्छुत्वा सर्वस्वमुत्ससर्जं सः । अधिकारांश्च साह् लादो वासुदेवाज्ञया तथा
vāsudaivaśca tacchutvā sarvasvamutsasarjaṃ saḥ | adhikārāṃśca sāh lādo vāsudevājñayā tathā
Sanskrit only: no published translation is held for this verse.
अमूल्यानां च रत्नानां दशकोटिमनुत्तममा । ददौ गर्गाय सर्वादौ स्वयं लक्ष्मौपतेः पिता
amūlyānāṃ ca ratnānāṃ daśakoṭimanuttamamā | dadau gargāya sarvādau svayaṃ lakṣmaupateḥ pitā
Sanskrit only: no published translation is held for this verse.
शतकोटिं मणीन्द्राणां स्वर्णानां तच्चर्तुगुणम् । माणिक्यानां च मुक्तानां हीरकाणां तथैव च
śatakoṭiṃ maṇīndrāṇāṃ svarṇānāṃ taccartuguṇam | māṇikyānāṃ ca muktānāṃ hīrakāṇāṃ tathaiva ca
Sanskrit only: no published translation is held for this verse.
रौप्यं प्रवालं परमं स्वर्णपात्राणि यानि च । स्वस्त्रीणां स्ववधूनां चाप्यमूल्यरत्नभूषणम्
raupyaṃ pravālaṃ paramaṃ svarṇapātrāṇi yāni ca | svastrīṇāṃ svavadhūnāṃ cāpyamūlyaratnabhūṣaṇam
Sanskrit only: no published translation is held for this verse.
श्वेतचामरलक्षं च लक्षं च रत्नदर्पणम् । कामधेनुगणं सर्वं शतकोटिं गजानपि
śvetacāmaralakṣaṃ ca lakṣaṃ ca ratnadarpaṇam | kāmadhenugaṇaṃ sarvaṃ śatakoṭiṃ gajānapi
Sanskrit only: no published translation is held for this verse.
शतकौटिं गजेन्द्राणामश्वानां तच्चतुर्गुणम् । यद्धनं यादवानां च राज्ञो राजनुमोदनात्
śatakauṭiṃ gajendrāṇāmaśvānāṃ taccaturguṇam | yaddhanaṃ yādavānāṃ ca rājño rājanumodanāt
Sanskrit only: no published translation is held for this verse.
ग्रामाणां शतलक्षं च ससस्यं फलितं तरुम् । धान्याचलानां लक्षं च शाल्यन्नानां तथैव च
grāmāṇāṃ śatalakṣaṃ ca sasasyaṃ phalitaṃ tarum | dhānyācalānāṃ lakṣaṃ ca śālyannānāṃ tathaiva ca
Sanskrit only: no published translation is held for this verse.
पायसं पिष्टकं चैव मिष्टान्नं च सुधोपमम् । स्वस्तिकानां तिलानां च रम्यणि ल़ड्डुकानि च
pāyasaṃ piṣṭakaṃ caiva miṣṭānnaṃ ca sudhopamam | svastikānāṃ tilānāṃ ca ramyaṇi la़ḍḍukāni ca
Sanskrit only: no published translation is held for this verse.
दध्नां मधूनां दुग्धानां गुडानां हविषामपि । कुल्यानां शतकं दत्त्वा परिहारं चकार सः
dadhnāṃ madhūnāṃ dugdhānāṃ guḍānāṃ haviṣāmapi | kulyānāṃ śatakaṃ dattvā parihāraṃ cakāra saḥ
Sanskrit only: no published translation is held for this verse.
सकर्पूरं च ताम्दूलं सुशीतं वासितं जलम् । सुगन्धि चन्दनं चैव पारिजातस्य मालिकाम्
sakarpūraṃ ca tāmdūlaṃ suśītaṃ vāsitaṃ jalam | sugandhi candanaṃ caiva pārijātasya mālikām
Sanskrit only: no published translation is held for this verse.
आसनानि च रम्याणिवह्निशुद्धाशुकानि च । रत्ननिर्माणतल्पानि पुष्णाणि च फलानि च
āsanāni ca ramyāṇivahniśuddhāśukāni ca | ratnanirmāṇatalpāni puṣṇāṇi ca phalāni ca
Sanskrit only: no published translation is held for this verse.
प्रददौ ब्राह्मणेभ्यश्च प्रफुल्लवदनेक्षणः । देवांश्च भोजयामास ब्राह्मणानां मुखैः सुभैः
pradadau brāhmaṇebhyaśca praphullavadanekṣaṇaḥ | devāṃśca bhojayāmāsa brāhmaṇānāṃ mukhaiḥ subhaiḥ
Sanskrit only: no published translation is held for this verse.
देवाश्च मुनयो रात्रौ स्वरामाभिश्चरेमिरे । प्रभाते प्रययुः सर्वे श्रीकृष्णानुमतेन च
devāśca munayo rātrau svarāmābhiścaremire | prabhāte prayayuḥ sarve śrīkṛṣṇānumatena ca
Sanskrit only: no published translation is held for this verse.
वादवाः प्रययुः सर्वेद्वारकां कृष्णपालिताम् । अमूल्यरात्नबूर्णां च रुक्मिणीदर्शनेन च
vādavāḥ prayayuḥ sarvedvārakāṃ kṛṣṇapālitām | amūlyarātnabūrṇāṃ ca rukmiṇīdarśanena ca
Sanskrit only: no published translation is held for this verse.
इति श्री ब्रह्मo महाo श्रीकृष्णजन्मखo उत्तo नारादनाo पञ्चविंशत्यधिकशततमोऽऽध्यायः
iti śrī brahmao mahāo śrīkṛṣṇajanmakhao uttao nārādanāo pañcaviṃśatyadhikaśatatamo''dhyāyaḥ
Sanskrit only: no published translation is held for this verse.