Brahmavaivarta Purāṇa 4.126

नारायण उवाच गणेशपूजनं कृत्वा माधवो यादवैः सह । देवैर्मुनिभिरन्यैश्च देवीभिः सह नारद

nārāyaṇa uvāca gaṇeśapūjanaṃ kṛtvā mādhavo yādavaiḥ saha | devairmunibhiranyaiśca devībhiḥ saha nārada

Sanskrit only: no published translation is held for this verse.

अंशेन देवो देवीभी रुक्मिण्याद्याभिरेव च । प्रययौ द्वारकां रम्यां तस्थौ सिद्धाश्रमे स्वयम्

aṃśena devo devībhī rukmiṇyādyābhireva ca | prayayau dvārakāṃ ramyāṃ tasthau siddhāśrame svayam

Sanskrit only: no published translation is held for this verse.

कृत्वा सुप्रीतिसंभाषां सार्धगोलोकवासिभिः । गोपैः सुहृद्भिर्नन्देन मात्रा गोप्या यशोदया

kṛtvā suprītisaṃbhāṣāṃ sārdhagolokavāsibhiḥ | gopaiḥ suhṛdbhirnandena mātrā gopyā yaśodayā

Sanskrit only: no published translation is held for this verse.

उवाच मातरं तातं सुनीतं च चथोचितम् । गोपांश्च गोकुलस्थांश्च बन्धुवर्गाश्च सांप्रतम्

uvāca mātaraṃ tātaṃ sunītaṃ ca cathocitam | gopāṃśca gokulasthāṃśca bandhuvargāśca sāṃpratam

Sanskrit only: no published translation is held for this verse.

श्रीभगवानुवाच गच्छ नन्दव्रजं नन्द हे तात प्राणवल्ल्भ । मातर्यशोदे त्वमपि परमार्थे यशस्विनि

śrībhagavānuvāca gaccha nandavrajaṃ nanda he tāta prāṇavallbha | mātaryaśode tvamapi paramārthe yaśasvini

Sanskrit only: no published translation is held for this verse.

भुक्त्वा कालावशेषं च गच्छ गोलोकमुत्तमम् । सालोक्यमुक्तिं दास्यामि सार्थ गोकुलवासिभिः

bhuktvā kālāvaśeṣaṃ ca gaccha golokamuttamam | sālokyamuktiṃ dāsyāmi sārtha gokulavāsibhiḥ

Sanskrit only: no published translation is held for this verse.

इत्युक्त्वा भगवान्कृष्णः पित्रोरनुमतेन च । जगाम राधिकास्थानं नन्दश्च गोकुलं तथा

ityuktvā bhagavānkṛṣṇaḥ pitroranumatena ca | jagāma rādhikāsthānaṃ nandaśca gokulaṃ tathā

Sanskrit only: no published translation is held for this verse.

ददर्श राधा रुचिरां मुक्ताहारां च सस्मिताम् । यथा द्वादशवर्षीयां शश्वत्सुस्थिरयौवनाम्

dadarśa rādhā rucirāṃ muktāhārāṃ ca sasmitām | yathā dvādaśavarṣīyāṃ śaśvatsusthirayauvanām

Sanskrit only: no published translation is held for this verse.

रत्नोच्चैरासनस्था च गोपीत्रिशतकोटिभिः । आवृता वेत्रहस्ताभिः सस्मिताभिश्च सांप्रतम्

ratnoccairāsanasthā ca gopītriśatakoṭibhiḥ | āvṛtā vetrahastābhiḥ sasmitābhiśca sāṃpratam

Sanskrit only: no published translation is held for this verse.

दृष्ट्वा च दूरतो राधा श्रीकृष्णं प्राणवल्लभम् । शिशुवेषं सुवेषं च सुन्दरेशं च सस्मितम्

dṛṣṭvā ca dūrato rādhā śrīkṛṣṇaṃ prāṇavallabham | śiśuveṣaṃ suveṣaṃ ca sundareśaṃ ca sasmitam

Sanskrit only: no published translation is held for this verse.

नवींनजलदश्यामं पींतकौशेयवाससम् । चन्दनोक्षितसर्वाङ्गं रत्नभूषणभूषितम्

navīṃnajaladaśyāmaṃ pīṃtakauśeyavāsasam | candanokṣitasarvāṅgaṃ ratnabhūṣaṇabhūṣitam

Sanskrit only: no published translation is held for this verse.

मयूरपिच्छचूडं च मालतीमाल्यशोभितम् । ईषद्धास्यप्रसन्नास्यं भक्तानुप्रहविग्रहम्

mayūrapicchacūḍaṃ ca mālatīmālyaśobhitam | īṣaddhāsyaprasannāsyaṃ bhaktānuprahavigraham

Sanskrit only: no published translation is held for this verse.

क्रीडाकमलमम्लानं धृतवन्तं मनोहरम् । मुरलीहस्तविन्यस्तं सुप्रशस्तं च दर्पणम्

krīḍākamalamamlānaṃ dhṛtavantaṃ manoharam | muralīhastavinyastaṃ supraśastaṃ ca darpaṇam

Sanskrit only: no published translation is held for this verse.

जवेन च समुत्थाय गोपीभिः सह सादरम् । प्रणम्य परया भक्त्या तुष्टाव परमेश्वरम्

javena ca samutthāya gopībhiḥ saha sādaram | praṇamya parayā bhaktyā tuṣṭāva parameśvaram

Sanskrit only: no published translation is held for this verse.

राधिकोवाच अद्य मे सफलं जन्मजीवितं च सुजीवितम् । यद्दृष्ट्वा मुखचन्द्रं ते सुस्निग्धं लोचनं मनः

rādhikovāca adya me saphalaṃ janmajīvitaṃ ca sujīvitam | yaddṛṣṭvā mukhacandraṃ te susnigdhaṃ locanaṃ manaḥ

Sanskrit only: no published translation is held for this verse.

पञ्च प्राणाश्च स्निग्धाश्च परमात्मा च सुप्रियः । उभयोर्हर्षबीजं च दुर्लभं बन्धुदर्शनम्

pañca prāṇāśca snigdhāśca paramātmā ca supriyaḥ | ubhayorharṣabījaṃ ca durlabhaṃ bandhudarśanam

Sanskrit only: no published translation is held for this verse.

शोकार्णवे निमग्नाऽहं प्रदग्धा विरहानलैः । त्वद्दृष्ट्याऽमृतवृष्ट्या च सुसिक्ताऽद्य सुशीतला

śokārṇave nimagnā'haṃ pradagdhā virahānalaiḥ | tvaddṛṣṭyā'mṛtavṛṣṭyā ca susiktā'dya suśītalā

Sanskrit only: no published translation is held for this verse.

शिवा शिवप्रदाऽहं च शिवबीजा त्वया सह । शि (श) व स्वरूपा निश्चेष्टाऽप्यदृश्या च त्वया विना

śivā śivapradā'haṃ ca śivabījā tvayā saha | śi (śa) va svarūpā niśceṣṭā'pyadṛśyā ca tvayā vinā

Sanskrit only: no published translation is held for this verse.

त्वयि तिष्ठति देहे च देही श्रीमाञ्छुचिः स्वयम् । सर्वशक्तिस्वरूपा च शिवरूपा गते त्वयि

tvayi tiṣṭhati dehe ca dehī śrīmāñchuciḥ svayam | sarvaśaktisvarūpā ca śivarūpā gate tvayi

Sanskrit only: no published translation is held for this verse.

स्त्रीपुंसो विंरहो नाथसामान्यश्च सुदारुणः । यान्त्येव शक्तिभिः प्राणा विच्छेदात्परमात्मनः

strīpuṃso viṃraho nāthasāmānyaśca sudāruṇaḥ | yāntyeva śaktibhiḥ prāṇā vicchedātparamātmanaḥ

Sanskrit only: no published translation is held for this verse.

इत्युक्त्वा राधिका वेवी परमात्मानमीश्वरम् । स्वासने वासयासास कृत्वा पादार्चनं मुदा

ityuktvā rādhikā vevī paramātmānamīśvaram | svāsane vāsayāsāsa kṛtvā pādārcanaṃ mudā

Sanskrit only: no published translation is held for this verse.

रत्नसिंहासने श्रीमानुवास राधया सह । गोपीभिः सप्तभिः शश्वत्सेवितः श्वेतचामरैः

ratnasiṃhāsane śrīmānuvāsa rādhayā saha | gopībhiḥ saptabhiḥ śaśvatsevitaḥ śvetacāmaraiḥ

Sanskrit only: no published translation is held for this verse.

चन्दना सा ददौ गात्रे सुगन्धि चन्दनं हरेः । सस्मिता रत्नमाला सा रत्नमालां गले ददौ

candanā sā dadau gātre sugandhi candanaṃ hareḥ | sasmitā ratnamālā sā ratnamālāṃ gale dadau

Sanskrit only: no published translation is held for this verse.

पद्मैः पद्मार्चिते पादपद्मे पद्मावती सती । अर्ध्या ददौ सा सजलं दूर्वा पुष्पं च चन्दनम्

padmaiḥ padmārcite pādapadme padmāvatī satī | ardhyā dadau sā sajalaṃ dūrvā puṣpaṃ ca candanam

Sanskrit only: no published translation is held for this verse.

मालतो मालतीमाल्यं चूडायां च हरेर्ददौ । चम्पापुष्पस्य पुटकं ददौ चम्पावती सती

mālato mālatīmālyaṃ cūḍāyāṃ ca harerdadau | campāpuṣpasya puṭakaṃ dadau campāvatī satī

Sanskrit only: no published translation is held for this verse.

पारिजाता च हरये पारिजातं ददौ मुदा । सकर्पूरं च ताम्बूलं वासितं शीतलं जलम्

pārijātā ca haraye pārijātaṃ dadau mudā | sakarpūraṃ ca tāmbūlaṃ vāsitaṃ śītalaṃ jalam

Sanskrit only: no published translation is held for this verse.

ददौ कदम्बमाला सा कदम्बमालिकां शुभाम् । क्रीडाकमलमम्लानममूल्यं र्तनदर्पणम्

dadau kadambamālā sā kadambamālikāṃ śubhām | krīḍākamalamamlānamamūlyaṃ rtanadarpaṇam

Sanskrit only: no published translation is held for this verse.

ददौ हस्ते हरेरेव कमला सा सुकोमला । वरुणेन पुरा दत्तं वस्त्रयुग्मं च सुन्दरम्

dadau haste harereva kamalā sā sukomalā | varuṇena purā dattaṃ vastrayugmaṃ ca sundaram

Sanskrit only: no published translation is held for this verse.

साक्षाद्गोरोचनाभं च सुन्दरी हरये ददौ । मधुपात्रं मधुस्तस्मै मधुरं मधुपूर्णकम्

sākṣādgorocanābhaṃ ca sundarī haraye dadau | madhupātraṃ madhustasmai madhuraṃ madhupūrṇakam

Sanskrit only: no published translation is held for this verse.

सुधापूर्गं सुधापात्रं ददौ भक्त्या सुधामुखी । चकार पुष्पशय्यां च गोपी चन्दनचर्चिताम्

sudhāpūrgaṃ sudhāpātraṃ dadau bhaktyā sudhāmukhī | cakāra puṣpaśayyāṃ ca gopī candanacarcitām

Sanskrit only: no published translation is held for this verse.

अम्लानमालतीपुष्पमालाजालविभूषिताम् । रत्नेन्द्रसारनिर्माणमन्दिरे सुमनोहरे

amlānamālatīpuṣpamālājālavibhūṣitām | ratnendrasāranirmāṇamandire sumanohare

Sanskrit only: no published translation is held for this verse.

मणीन्द्रमुक्तामाणिक्यहीरहारविभूषिते । कस्तूरीकुङ्कुमाक्तेन वायुना सुरभीकृते

maṇīndramuktāmāṇikyahīrahāravibhūṣite | kastūrīkuṅkumāktena vāyunā surabhīkṛte

Sanskrit only: no published translation is held for this verse.

रत्नप्रदीपशतकैर्ज्वलद्भिश्च सुदीपिते । धूपिते सततं धूपैर्नानावस्तुसमन्वितैः

ratnapradīpaśatakairjvaladbhiśca sudīpite | dhūpite satataṃ dhūpairnānāvastusamanvitaiḥ

Sanskrit only: no published translation is held for this verse.

कृत्वा शय्यां रतिकरीं ययुर्गोप्यश्च सस्मिताः । दृष्ट्वा रहसि तल्पं च सुरम्यं सुमनोहरम्

kṛtvā śayyāṃ ratikarīṃ yayurgopyaśca sasmitāḥ | dṛṣṭvā rahasi talpaṃ ca suramyaṃ sumanoharam

Sanskrit only: no published translation is held for this verse.

माधवो राघया सार्ध विवेश रतिमन्दिरम् । नानाप्रकारहास्यं च परिहासं स्मरोचितम्

mādhavo rāghayā sārdha viveśa ratimandiram | nānāprakārahāsyaṃ ca parihāsaṃ smarocitam

Sanskrit only: no published translation is held for this verse.

द्वयोर्बभूव तल्पे च मदनातुरयोस्तथा । माल्यं ददौ च कृष्णाय ताम्बूलं च सुवासितम्

dvayorbabhūva talpe ca madanāturayostathā | mālyaṃ dadau ca kṛṣṇāya tāmbūlaṃ ca suvāsitam

Sanskrit only: no published translation is held for this verse.

कस्तूरीकुङ्कुमाक्तं च चन्दनं श्यामवक्षसि । चारुचम्पकपुष्पं च चूडायां प्रददौ सती

kastūrīkuṅkumāktaṃ ca candanaṃ śyāmavakṣasi | cārucampakapuṣpaṃ ca cūḍāyāṃ pradadau satī

Sanskrit only: no published translation is held for this verse.

सहस्रदलससंक्तक्रीडापद्मं करे ददौ । प्रक्षिप्य मुरलीं हस्तात्प्रददौ रत्नदर्पणम्

sahasradalasasaṃktakrīḍāpadmaṃ kare dadau | prakṣipya muralīṃ hastātpradadau ratnadarpaṇam

Sanskrit only: no published translation is held for this verse.

पारिजातस्य कुसुममम्लानं पुरतो ददौ । उवाच मधुरं राधा रहस्ये मधुरं वचः सस्मिता सस्मितं शान्तं कान्तं कान्ता मनोहरम्

pārijātasya kusumamamlānaṃ purato dadau | uvāca madhuraṃ rādhā rahasye madhuraṃ vacaḥ sasmitā sasmitaṃ śāntaṃ kāntaṃ kāntā manoharam

Sanskrit only: no published translation is held for this verse.

राधिकोवाच निष्फलं मङ्गलप्रश्तं मङ्गले मङ्गलालये । सर्वमङ्गलबीजे च माङ्गल्ये मङ्गलप्रदे

rādhikovāca niṣphalaṃ maṅgalapraśtaṃ maṅgale maṅgalālaye | sarvamaṅgalabīje ca māṅgalye maṅgalaprade

Sanskrit only: no published translation is held for this verse.

तथाऽपि कुशलप्रश्ने सांप्रतं समयोचितम् । लौकिको व्यवहारोऽपि वेदेभ्यो बलवांस्तथा

tathā'pi kuśalapraśne sāṃprataṃ samayocitam | laukiko vyavahāro'pi vedebhyo balavāṃstathā

Sanskrit only: no published translation is held for this verse.

कुशलं रुक्मिणीकान्त सत्यभामेश सांप्रतम् । महन्द्रेण समं युद्धं लीलया च यदाज्ञया

kuśalaṃ rukmiṇīkānta satyabhāmeśa sāṃpratam | mahandreṇa samaṃ yuddhaṃ līlayā ca yadājñayā

Sanskrit only: no published translation is held for this verse.

पारिजाततरुं स्वर्गादुत्पाट्य चामरावतीम् । गत्वा विजित्य देवांश्च तस्यै दसमिति श्रुतम्

pārijātataruṃ svargādutpāṭya cāmarāvatīm | gatvā vijitya devāṃśca tasyai dasamiti śrutam

Sanskrit only: no published translation is held for this verse.

पुण्यकं च कृतं तेन पारिजातेन सुव्रतम् । त्वामेव साध्यं कान्तं च संपूर्णे दक्षिणां ददौ

puṇyakaṃ ca kṛtaṃ tena pārijātena suvratam | tvāmeva sādhyaṃ kāntaṃ ca saṃpūrṇe dakṣiṇāṃ dadau

Sanskrit only: no published translation is held for this verse.

ब्रह्मेशशेषासाध्यस्त्वं तया साध्यः कृतः कथम् । सर्वभ्यः कामिनीभ्यश्च सत्यभामां बिभेषि च

brahmeśaśeṣāsādhyastvaṃ tayā sādhyaḥ kṛtaḥ katham | sarvabhyaḥ kāminībhyaśca satyabhāmāṃ bibheṣi ca

Sanskrit only: no published translation is held for this verse.

रुक्मिण्यां प्रेमसौभाग्यमतिरिक्तं च गौरवम् । भयं माल्यं च धन्यायां सत्यायां सततं श्रुतम्

rukmiṇyāṃ premasaubhāgyamatiriktaṃ ca gauravam | bhayaṃ mālyaṃ ca dhanyāyāṃ satyāyāṃ satataṃ śrutam

Sanskrit only: no published translation is held for this verse.

सत्यं जाम्बवतीकान्त वद मां च सुनिश्चितम् । तासु सर्वासु कान्तासु कस्यास्ते प्रेम चाधिकम्

satyaṃ jāmbavatīkānta vada māṃ ca suniścitam | tāsu sarvāsu kāntāsu kasyāste prema cādhikam

Sanskrit only: no published translation is held for this verse.

शृङ्गारे सर्वभावे वा तासु का रसिका परा । त्वयि स्निग्धा विदग्धा का तामु धन्याऽतिसुव्रता

śṛṅgāre sarvabhāve vā tāsu kā rasikā parā | tvayi snigdhā vidagdhā kā tāmu dhanyā'tisuvratā

Sanskrit only: no published translation is held for this verse.

सा स्त्री भावानुरक्ता या भार्यां पाति पतिश्च सः । प्रेमातिरिक्तं स्त्रीपुंसोस्त्रैलोक्येषु सुदुर्लभम्

sā strī bhāvānuraktā yā bhāryāṃ pāti patiśca saḥ | premātiriktaṃ strīpuṃsostrailokyeṣu sudurlabham

Sanskrit only: no published translation is held for this verse.

रसिका स्त्री विजानाति सती गुणवती पतिम् । गुणज्ञं रसिकं शूरं सुशीलं सुरतौ सदा

rasikā strī vijānāti satī guṇavatī patim | guṇajñaṃ rasikaṃ śūraṃ suśīlaṃ suratau sadā

Sanskrit only: no published translation is held for this verse.

दूराद्धावति पद्मार्थ मधुलोभान्मध्रुव्रतः । भेकस्तन्न हि जानाति तन्मूर्ध्नि पादमुत्सृजेत्

dūrāddhāvati padmārtha madhulobhānmadhruvrataḥ | bhekastanna hi jānāti tanmūrdhni pādamutsṛjet

Sanskrit only: no published translation is held for this verse.

यन्त्री जानाति संगीतरसं यन्त्रं च नैव च । दुग्धास्वादं विदग्धश्च न दर्वी नैव भाजनम्

yantrī jānāti saṃgītarasaṃ yantraṃ ca naiva ca | dugdhāsvādaṃ vidagdhaśca na darvī naiva bhājanam

Sanskrit only: no published translation is held for this verse.

परिपक्वफलास्वादं जानन्ति भोगिनः सुखम् । एकत्रावस्थिताः शश्वन्नकिंचित्फलिनो यथा

paripakvaphalāsvādaṃ jānanti bhoginaḥ sukham | ekatrāvasthitāḥ śaśvannakiṃcitphalino yathā

Sanskrit only: no published translation is held for this verse.

सुशीलजलास्वादं विजानन्ति तृषाल्वः । न च वापी न घटश्चैकत्रावस्थितो यथा

suśīlajalāsvādaṃ vijānanti tṛṣālvaḥ | na ca vāpī na ghaṭaścaikatrāvasthito yathā

Sanskrit only: no published translation is held for this verse.

भोकिनो हि विजानन्ति शालिस्वादुरसं परम् । एकत्रावस्थितं चेतु न क्षेत्रं भाजनं यथा

bhokino hi vijānanti śālisvādurasaṃ param | ekatrāvasthitaṃ cetu na kṣetraṃ bhājanaṃ yathā

Sanskrit only: no published translation is held for this verse.

बुबुधे चन्दनाघ्रणं चन्दनार्थी च भोगवित् । न गर्दभो भारवाही न तस्य पात्रिका यथा

bubudhe candanāghraṇaṃ candanārthī ca bhogavit | na gardabho bhāravāhī na tasya pātrikā yathā

Sanskrit only: no published translation is held for this verse.

यं न यानन्ति वेदाश्च ब्रह्मेशानादयस्तथा । योगिनो मुनयः सिद्धास्तं किं जानन्ति योषितः

yaṃ na yānanti vedāśca brahmeśānādayastathā | yogino munayaḥ siddhāstaṃ kiṃ jānanti yoṣitaḥ

Sanskrit only: no published translation is held for this verse.

सौभाग्यं गौरवं प्रेम दुर्लभं नित्यनूतम् । यौषितां च परं नैव चूर्णीभूतं क्षणेन च

saubhāgyaṃ gauravaṃ prema durlabhaṃ nityanūtam | yauṣitāṃ ca paraṃ naiva cūrṇībhūtaṃ kṣaṇena ca

Sanskrit only: no published translation is held for this verse.

अत्युच्छ्रितो निपतनं प्राप्नोत्येव ध्रुवं प्रभो । आराद्विपत्तिबीजं च वैष्णवानां विहिंसनम्

atyucchrito nipatanaṃ prāpnotyeva dhruvaṃ prabho | ārādvipattibījaṃ ca vaiṣṇavānāṃ vihiṃsanam

Sanskrit only: no published translation is held for this verse.

श्रीदामा च मया शप्तस्त्वद्भक्तो भक्तवत्सलः । एतादृशी विपत्तिर्मे पुत्रश्रीदामशापतः

śrīdāmā ca mayā śaptastvadbhakto bhaktavatsalaḥ | etādṛśī vipattirme putraśrīdāmaśāpataḥ

Sanskrit only: no published translation is held for this verse.

ईश्वरः कस्य वा बन्धुः प्रियो वा विप्रियस्तथा । सततं भक्तिसाध्यश्च यो भक्तश्च तदीश्वरः

īśvaraḥ kasya vā bandhuḥ priyo vā vipriyastathā | satataṃ bhaktisādhyaśca yo bhaktaśca tadīśvaraḥ

Sanskrit only: no published translation is held for this verse.

वेदाश्च वैदिकाः सन्तः पुराणानि वदन्ति च । राधाया माधवः साध्यो भगवानिति निष्फलम्

vedāśca vaidikāḥ santaḥ purāṇāni vadanti ca | rādhāyā mādhavaḥ sādhyo bhagavāniti niṣphalam

Sanskrit only: no published translation is held for this verse.

जित्वा च सगणं शंभुं बाणस्य भुजकृन्तनम् । कृत्वा च रुक्मिणीपौत्रः समानीतः सभार्यकः

jitvā ca sagaṇaṃ śaṃbhuṃ bāṇasya bhujakṛntanam | kṛtvā ca rukmiṇīpautraḥ samānītaḥ sabhāryakaḥ

Sanskrit only: no published translation is held for this verse.

अहो त्वयि समायाते रुक्मिणी किमुवाच ह । प्रेम स्थितं समानं ते किं विवृद्धं च गौरवम्

aho tvayi samāyāte rukmiṇī kimuvāca ha | prema sthitaṃ samānaṃ te kiṃ vivṛddhaṃ ca gauravam

Sanskrit only: no published translation is held for this verse.

कुरुपाण्डवयुद्धेन कुरवो निहतास्त्वया । पाण्डवार्थे तथा भूपाः क्व साम्यं परमात्मनः

kurupāṇḍavayuddhena kuravo nihatāstvayā | pāṇḍavārthe tathā bhūpāḥ kva sāmyaṃ paramātmanaḥ

Sanskrit only: no published translation is held for this verse.

साक्षान्महेन्द्रजातस्य कौन्तेयस्यार्जुनस्य च । राजमण्डलम्ध्यस्थो भवानेव हि सारथिः

sākṣānmahendrajātasya kaunteyasyārjunasya ca | rājamaṇḍalamdhyastho bhavāneva hi sārathiḥ

Sanskrit only: no published translation is held for this verse.

तेन भक्तेन शुद्धेन भीष्मेण च महात्मना । लज्जितेन किमुक्तं ते महतीषु मभासु च

tena bhaktena śuddhena bhīṣmeṇa ca mahātmanā | lajjitena kimuktaṃ te mahatīṣu mabhāsu ca

Sanskrit only: no published translation is held for this verse.

देवैरपि कथं दृष्टो ब्रह्मेशशेसंषज्ञकैः । भक्तसिहैर्भृत्तैः सर्वैर्न चोक्तं किंचिदेव सः

devairapi kathaṃ dṛṣṭo brahmeśaśesaṃṣajñakaiḥ | bhaktasihairbhṛttaiḥ sarvairna coktaṃ kiṃcideva saḥ

Sanskrit only: no published translation is held for this verse.

यश्चानिर्वचनीयश्च वेदेषु च चतुर्षु च । पुराणेष्वितिहासेषु प्रकृतेः पर ईश्वरः

yaścānirvacanīyaśca vedeṣu ca caturṣu ca | purāṇeṣvitihāseṣu prakṛteḥ para īśvaraḥ

Sanskrit only: no published translation is held for this verse.

निर्गुणच नीरीहश्च निर्लिप्तः सर्वकर्मणाम् । कर्मणां साक्षिरूपश्च भक्तानुग्रहविग्रहः

nirguṇaca nīrīhaśca nirliptaḥ sarvakarmaṇām | karmaṇāṃ sākṣirūpaśca bhaktānugrahavigrahaḥ

Sanskrit only: no published translation is held for this verse.

परं ब्रह्म परं ज्योतिः परमेशः परात्परः । परमात्मा च सर्वेषां सूतो नररथस्थितः

paraṃ brahma paraṃ jyotiḥ parameśaḥ parātparaḥ | paramātmā ca sarveṣāṃ sūto nararathasthitaḥ

Sanskrit only: no published translation is held for this verse.

त्वया कुब्जा च संभुक्ता वृद्धा क्षत्रियकामिनी । अपुत्रिणी चाधिकाङ्गी यूनाऽस्पृश्या च ।। प्रक्तनात्

tvayā kubjā ca saṃbhuktā vṛddhā kṣatriyakāminī | aputriṇī cādhikāṅgī yūnā'spṛśyā ca || praktanāt

Sanskrit only: no published translation is held for this verse.

त्वया च निहतः कंसो मातुलः केन हेतुना । आयास्यतीति कृत्वा च गत्तं न पुनरागतम्

tvayā ca nihataḥ kaṃso mātulaḥ kena hetunā | āyāsyatīti kṛtvā ca gattaṃ na punarāgatam

Sanskrit only: no published translation is held for this verse.

निहत्य यादवान्सर्वान्विभज्य द्वारकां पुरीम् । त्वां निबध्य समानेतुमीश्वरी वारिता जनैः

nihatya yādavānsarvānvibhajya dvārakāṃ purīm | tvāṃ nibadhya samānetumīśvarī vāritā janaiḥ

Sanskrit only: no published translation is held for this verse.

इत्युक्त्वा राधिका देवी भृशमुच्चै रुरोद सा । मूर्च्छां संप्राप सहसा निनिःश्वासा बभूव ह

ityuktvā rādhikā devī bhṛśamuccai ruroda sā | mūrcchāṃ saṃprāpa sahasā niniḥśvāsā babhūva ha

Sanskrit only: no published translation is held for this verse.

गोप्यो गवाक्षजालस्थाः शुश्रुवुर्ददृशुस्तथा । दृष्ट्वा तमाययुः सर्वा ऊचू राधा मृतेति च

gopyo gavākṣajālasthāḥ śuśruvurdadṛśustathā | dṛṣṭvā tamāyayuḥ sarvā ūcū rādhā mṛteti ca

Sanskrit only: no published translation is held for this verse.

उच्चैस्ता रुरुदुः सर्वाः क्रोडे कृत्वा च राधिकाम् । ऊचुस्ता रक्षरक्षेति हरे नरहरे प्रभो

uccaistā ruruduḥ sarvāḥ kroḍe kṛtvā ca rādhikām | ūcustā rakṣarakṣeti hare narahare prabho

Sanskrit only: no published translation is held for this verse.

गोप्य ऊचुः किं कृतं किं कृतं कृष्ण त्वया राधा मृता च नः । राधां जीवय भद्रं ते यास्यामः काननं वयम्

gopya ūcuḥ kiṃ kṛtaṃ kiṃ kṛtaṃ kṛṣṇa tvayā rādhā mṛtā ca naḥ | rādhāṃ jīvaya bhadraṃ te yāsyāmaḥ kānanaṃ vayam

Sanskrit only: no published translation is held for this verse.

अन्यथा स्त्रीवधं तुभ्यं दास्यामः सर्वयोषितः । गोपीनां वचनं श्रुत्वा राधिकायाश्च माधवः

anyathā strīvadhaṃ tubhyaṃ dāsyāmaḥ sarvayoṣitaḥ | gopīnāṃ vacanaṃ śrutvā rādhikāyāśca mādhavaḥ

Sanskrit only: no published translation is held for this verse.

उवाच जीवयामास मुधादृष्ट्या च नारद । उत्तस्थौ राधिका देवी रुदती मानिनी सती

uvāca jīvayāmāsa mudhādṛṣṭyā ca nārada | uttasthau rādhikā devī rudatī māninī satī

Sanskrit only: no published translation is held for this verse.

गोप्यस्तां बोधयामासुःक्रोडे कृत्वा पुनः पुनः

gopyastāṃ bodhayāmāsuḥkroḍe kṛtvā punaḥ punaḥ

Sanskrit only: no published translation is held for this verse.

श्रीकृष्ण उवाच श्रृणु राधे प्रवक्ष्यामि ज्ञानमाध्यात्मिकं परम् । यच्छ्रुत्वा हालिको मूर्खः सद्यो भवति पण्डितः

śrīkṛṣṇa uvāca śrṛṇu rādhe pravakṣyāmi jñānamādhyātmikaṃ param | yacchrutvā hāliko mūrkhaḥ sadyo bhavati paṇḍitaḥ

Sanskrit only: no published translation is held for this verse.

जात्याऽहं चगतां स्वामी किं रुक्मिण्यादियोषिताम् । कार्यकारणरूपोऽहं व्यक्तो राधे पृथक् पृथक्

jātyā'haṃ cagatāṃ svāmī kiṃ rukmiṇyādiyoṣitām | kāryakāraṇarūpo'haṃ vyakto rādhe pṛthak pṛthak

Sanskrit only: no published translation is held for this verse.

एकात्माऽहं च विश्वेषां जात्या ज्योतिर्मयः स्वयम् । सर्वप्राणिषु व्यक्त्या चाप्याब्रह्मादितृणादिषु

ekātmā'haṃ ca viśveṣāṃ jātyā jyotirmayaḥ svayam | sarvaprāṇiṣu vyaktyā cāpyābrahmāditṛṇādiṣu

Sanskrit only: no published translation is held for this verse.

एकस्मिंश्च भुक्तवति न तुष्टोऽन्यो जनस्तथा । मय्यात्मनि गतेऽप्येको मृतोऽप्यन्यः सुजीवति

ekasmiṃśca bhuktavati na tuṣṭo'nyo janastathā | mayyātmani gate'pyeko mṛto'pyanyaḥ sujīvati

Sanskrit only: no published translation is held for this verse.

जात्याऽहं कृष्णरूपश्च परिपूर्णतमः स्वयम् । गोलोके गोकुले पुण्ये क्षेत्रे वृन्दावने वने

jātyā'haṃ kṛṣṇarūpaśca paripūrṇatamaḥ svayam | goloke gokule puṇye kṣetre vṛndāvane vane

Sanskrit only: no published translation is held for this verse.

द्विभुजो गोपवेषश्च स्वयं राधापतिः शिशुः । गोपालैर्गोपिकाभिश्च सहितः कामधेनुभिः

dvibhujo gopaveṣaśca svayaṃ rādhāpatiḥ śiśuḥ | gopālairgopikābhiśca sahitaḥ kāmadhenubhiḥ

Sanskrit only: no published translation is held for this verse.

चतुर्भुजोऽहं वैकुण्ठे द्विधारूपः सनातनः । लक्ष्मीसरस्वतीकान्तः सततं शान्तविग्रहः

caturbhujo'haṃ vaikuṇṭhe dvidhārūpaḥ sanātanaḥ | lakṣmīsarasvatīkāntaḥ satataṃ śāntavigrahaḥ

Sanskrit only: no published translation is held for this verse.

यन्मानसी सिन्धुकन्या मर्त्यलक्ष्मीपतिर्भुवि । श्वेतद्वीपे च श्रीरीदे तत्रापि च चतुर्भुजः

yanmānasī sindhukanyā martyalakṣmīpatirbhuvi | śvetadvīpe ca śrīrīde tatrāpi ca caturbhujaḥ

Sanskrit only: no published translation is held for this verse.

अहं नारायणर्षिश्च नरो धर्मः सनातनः । धर्मवक्ता च धर्मिष्ठो धर्मवर्त्मप्रवर्तकः

ahaṃ nārāyaṇarṣiśca naro dharmaḥ sanātanaḥ | dharmavaktā ca dharmiṣṭho dharmavartmapravartakaḥ

Sanskrit only: no published translation is held for this verse.

शान्तिर्लक्ष्मीस्वरूपा च धर्मिष्ठा च पतिव्रता । अत्र तस्याः पतिरहं पुण्यक्षेत्रे च भारते

śāntirlakṣmīsvarūpā ca dharmiṣṭhā ca pativratā | atra tasyāḥ patirahaṃ puṇyakṣetre ca bhārate

Sanskrit only: no published translation is held for this verse.

सिद्धेशः सिद्धिदः साक्षात्कपिलोऽहं सतीपतिः । नानारूपधरोऽहं च व्यक्तिभेदेन सुन्दरि

siddheśaḥ siddhidaḥ sākṣātkapilo'haṃ satīpatiḥ | nānārūpadharo'haṃ ca vyaktibhedena sundari

Sanskrit only: no published translation is held for this verse.

अहं चतुर्भुजः शश्वद्द्वार्वत्यां रुक्मिणीवतिः । अहं क्षीरोदशायी च सत्यभामागृहे शुभे

ahaṃ caturbhujaḥ śaśvaddvārvatyāṃ rukmiṇīvatiḥ | ahaṃ kṣīrodaśāyī ca satyabhāmāgṛhe śubhe

Sanskrit only: no published translation is held for this verse.

अन्यासां मन्दिरेऽहं च कायव्यूहात्पृथक्पृथक् । अहं नारायणर्षिश्च फाल्गुनस्यास्य सारथिः

anyāsāṃ mandire'haṃ ca kāyavyūhātpṛthakpṛthak | ahaṃ nārāyaṇarṣiśca phālgunasyāsya sārathiḥ

Sanskrit only: no published translation is held for this verse.

स नरर्षिर्धर्मपुत्रो मदंशो बलवान्भुवि । तपसाऽऽराधितस्तेन सारथ्येऽहं च पुष्करे

sa nararṣirdharmaputro madaṃśo balavānbhuvi | tapasā''rādhitastena sārathye'haṃ ca puṣkare

Sanskrit only: no published translation is held for this verse.

यथा त्वं राधिका देवी गोलेके गोकुले तथा । वैकुण्ठे च महालक्ष्मीर्भवती च सरस्वती

yathā tvaṃ rādhikā devī goleke gokule tathā | vaikuṇṭhe ca mahālakṣmīrbhavatī ca sarasvatī

Sanskrit only: no published translation is held for this verse.

भवती मर्त्यलक्ष्मीश्च क्षीरोदशायिनः प्रिया । धर्मपुत्रवधूस्त्वं च शान्तिर्लक्ष्मीस्वरूपिणी

bhavatī martyalakṣmīśca kṣīrodaśāyinaḥ priyā | dharmaputravadhūstvaṃ ca śāntirlakṣmīsvarūpiṇī

Sanskrit only: no published translation is held for this verse.

कपिलस्य प्रिया कान्ताभारते भवती सती । त्वं सीता मिथिलायां च त्वच्छाया द्रौपदी सती

kapilasya priyā kāntābhārate bhavatī satī | tvaṃ sītā mithilāyāṃ ca tvacchāyā draupadī satī

Sanskrit only: no published translation is held for this verse.

द्वारवत्यां महाल्क्ष्मीर्भवती रुक्मिणी सती । पञ्चानां पाण्डवानां च भवती कलया प्रिया

dvāravatyāṃ mahālkṣmīrbhavatī rukmiṇī satī | pañcānāṃ pāṇḍavānāṃ ca bhavatī kalayā priyā

Sanskrit only: no published translation is held for this verse.

रावणेन हृता त्वं च स्वं च रामस्य कामिनी । नानारूपा यथा त्वं च च्छायया कलया सती

rāvaṇena hṛtā tvaṃ ca svaṃ ca rāmasya kāminī | nānārūpā yathā tvaṃ ca cchāyayā kalayā satī

Sanskrit only: no published translation is held for this verse.

नानारूपस्तथाऽहं च श्वांशेन कलया तथा । परिपूर्णतमोऽहं च परमात्मा परात्परः

nānārūpastathā'haṃ ca śvāṃśena kalayā tathā | paripūrṇatamo'haṃ ca paramātmā parātparaḥ

Sanskrit only: no published translation is held for this verse.

इति ते कथितं सर्वमाध्यात्मिकमिदं सति । राधे कर्वापराधं मे क्षमस्व परमेश्वरी

iti te kathitaṃ sarvamādhyātmikamidaṃ sati | rādhe karvāparādhaṃ me kṣamasva parameśvarī

Sanskrit only: no published translation is held for this verse.

श्रीकृष्णवचनं श्रुत्वा परितुष्टा च राधिका । परितुष्टाश्च गोप्यश्च प्रणेमुः परमेश्वरम्

śrīkṛṣṇavacanaṃ śrutvā parituṣṭā ca rādhikā | parituṣṭāśca gopyaśca praṇemuḥ parameśvaram

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तo नारदनाo षड्विंशत्यधिकशततमोध्यायः

iti śrībrahmao mahāo śrīkṛṣṇajanmakhao uttao nāradanāo ṣaḍviṃśatyadhikaśatatamodhyāyaḥ

Sanskrit only: no published translation is held for this verse.