Library·Brahmavaivarta Purāṇa·4·4.129
नारायण उवाच श्रीकृष्णो भगवांस्तत्र परिपूर्णतमः प्रभुः । दृष्ट्वा सारोक्यमोक्षं च सद्यो गोकुलवासिनाम्
nārāyaṇa uvāca śrīkṛṣṇo bhagavāṃstatra paripūrṇatamaḥ prabhuḥ | dṛṣṭvā sārokyamokṣaṃ ca sadyo gokulavāsinām
Sanskrit only: no published translation is held for this verse.
उवास पञ्चभिर्गोपैर्भाण्डीरे वटमूलके । ददर्श गोकुलं सर्व गोकुलं व्याकुलं तथा
uvāsa pañcabhirgopairbhāṇḍīre vaṭamūlake | dadarśa gokulaṃ sarva gokulaṃ vyākulaṃ tathā
Sanskrit only: no published translation is held for this verse.
अरक्षकं च व्यस्तं च शून्यं वृन्दावनं वनम् । योगेनामृतवृष्ट्या च कृपया च कृपानिधिः
arakṣakaṃ ca vyastaṃ ca śūnyaṃ vṛndāvanaṃ vanam | yogenāmṛtavṛṣṭyā ca kṛpayā ca kṛpānidhiḥ
Sanskrit only: no published translation is held for this verse.
गोपीभिश्च तथा गोपैः परिपूर्णं चकार सः । तथा वृन्दावनं चैव सुरम्यं च मनोहरम्
gopībhiśca tathā gopaiḥ paripūrṇaṃ cakāra saḥ | tathā vṛndāvanaṃ caiva suramyaṃ ca manoharam
Sanskrit only: no published translation is held for this verse.
गोकुलस्थाश्च गोपाश्च समाश्वासं चकार सः । उवाच मधुरं वाक्यं हितं नीतं च दुर्लभम्
gokulasthāśca gopāśca samāśvāsaṃ cakāra saḥ | uvāca madhuraṃ vākyaṃ hitaṃ nītaṃ ca durlabham
Sanskrit only: no published translation is held for this verse.
श्री भगवानुवाच हे गोपगण हे बन्धो सुखं तिष्ठ स्थिरो भव । रमणं प्रियया सार्धं सुरम्यं रासमण्डलम्
śrī bhagavānuvāca he gopagaṇa he bandho sukhaṃ tiṣṭha sthiro bhava | ramaṇaṃ priyayā sārdhaṃ suramyaṃ rāsamaṇḍalam
Sanskrit only: no published translation is held for this verse.
तावत्प्रभृति कृष्णस्य पुण्ये वृन्दावने वने । अधिष्ठानं च सततं यावच्चन्द्रदिवाकरौ
tāvatprabhṛti kṛṣṇasya puṇye vṛndāvane vane | adhiṣṭhānaṃ ca satataṃ yāvaccandradivākarau
Sanskrit only: no published translation is held for this verse.
तथा जगाम भाण्डीरं विधाता जगतामपि । स्वयं शेषश्च धर्मश्च भवान्या च भवःस्वयम्
tathā jagāma bhāṇḍīraṃ vidhātā jagatāmapi | svayaṃ śeṣaśca dharmaśca bhavānyā ca bhavaḥsvayam
Sanskrit only: no published translation is held for this verse.
सूर्यश्चापि महेन्द्रश्च चन्द्रश्चापि हुनाशनः । कुबेरो वरुणश्चैव पवनश्च यमस्तथा
sūryaścāpi mahendraśca candraścāpi hunāśanaḥ | kubero varuṇaścaiva pavanaśca yamastathā
Sanskrit only: no published translation is held for this verse.
ईशानश्चापि देवाश्च वसवोऽष्टौ तथैव च । सर्वे ग्रहाश्च रुद्राश्च मुनयो मनवस्तथा
īśānaścāpi devāśca vasavo'ṣṭau tathaiva ca | sarve grahāśca rudrāśca munayo manavastathā
Sanskrit only: no published translation is held for this verse.
त्वरिताश्चाऽऽययुः सर्वे यत्राऽऽस्ते भगवान्प्रभुः । प्रणम्य दण्डवद्भूभौ तमुवाच विधिः स्वयम्
tvaritāścā''yayuḥ sarve yatrā''ste bhagavānprabhuḥ | praṇamya daṇḍavadbhūbhau tamuvāca vidhiḥ svayam
Sanskrit only: no published translation is held for this verse.
ब्रह्मवाच परिबूर्णतम् ब्रह्मस्वरूप नित्यविग्रह । ज्योतिःस्वरूप परम नमोऽस्तु प्रकृतेः पर
brahmavāca paribūrṇatam brahmasvarūpa nityavigraha | jyotiḥsvarūpa parama namo'stu prakṛteḥ para
Sanskrit only: no published translation is held for this verse.
सुनिर्लिप्त निराकार साकार ध्यानहेतुना । स्वेच्छामय परं धाम परमात्मन्नमोऽस्तु ते
sunirlipta nirākāra sākāra dhyānahetunā | svecchāmaya paraṃ dhāma paramātmannamo'stu te
Sanskrit only: no published translation is held for this verse.
सर्वकार्यस्वरूपेश कारणानां च कारण । ब्रह्मेशशेषदेवेश सर्वेश ते नo
sarvakāryasvarūpeśa kāraṇānāṃ ca kāraṇa | brahmeśaśeṣadeveśa sarveśa te nao
Sanskrit only: no published translation is held for this verse.
सरस्वतीश पद्मेश पार्वतीश परात्पर । हे सावित्रीश राधेश रासेश्वर नo
sarasvatīśa padmeśa pārvatīśa parātpara | he sāvitrīśa rādheśa rāseśvara nao
Sanskrit only: no published translation is held for this verse.
सर्वेषामादिभूतर्स्त्वं सर्वः सर्वेश्वरस्तथा । सर्वपाता च संहर्ता सृष्टिरूप नo
sarveṣāmādibhūtarstvaṃ sarvaḥ sarveśvarastathā | sarvapātā ca saṃhartā sṛṣṭirūpa nao
Sanskrit only: no published translation is held for this verse.
त्वत्पादपद्मरजसा धन्या पूता वसुंधरा । शून्यरूपा त्वयि गते हे नाथ परमं पदम्
tvatpādapadmarajasā dhanyā pūtā vasuṃdharā | śūnyarūpā tvayi gate he nātha paramaṃ padam
Sanskrit only: no published translation is held for this verse.
यत्पञ्चविंशत्यधिकं वर्षाणां शतकं गतम् । त्यक्त्वेमां स्वपदं यासि रुदतीं विरहातुराम्
yatpañcaviṃśatyadhikaṃ varṣāṇāṃ śatakaṃ gatam | tyaktvemāṃ svapadaṃ yāsi rudatīṃ virahāturām
Sanskrit only: no published translation is held for this verse.
महादेव उवाच ब्रह्मणा प्रार्थितस्त्वं च समागत्य वसुंधराम् । भूभारहरणं कृत्वा प्रयासि स्वपदं विभो
mahādeva uvāca brahmaṇā prārthitastvaṃ ca samāgatya vasuṃdharām | bhūbhāraharaṇaṃ kṛtvā prayāsi svapadaṃ vibho
Sanskrit only: no published translation is held for this verse.
त्रैलोक्ये पृथिवी धन्या सद्यः पूता पदाङ्किता । वयं च मुनयो धन्याः साक्षाद्दृष्ट्वा पदाम्बुजम्
trailokye pṛthivī dhanyā sadyaḥ pūtā padāṅkitā | vayaṃ ca munayo dhanyāḥ sākṣāddṛṣṭvā padāmbujam
Sanskrit only: no published translation is held for this verse.
ध्यानासाध्यो दुराराध्यो मुनीनामूर्ध्वरेतसाम् । अस्माकमपि यश्चेशः सोऽधुना चाक्षुषो भुवि
dhyānāsādhyo durārādhyo munīnāmūrdhvaretasām | asmākamapi yaśceśaḥ so'dhunā cākṣuṣo bhuvi
Sanskrit only: no published translation is held for this verse.
वासुः सर्वनिवासश्च विश्वनि यस्य लोमसु । देवस्तस्य महाविष्णुर्वासुदेवो महीतले ।।
vāsuḥ sarvanivāsaśca viśvani yasya lomasu | devastasya mahāviṣṇurvāsudevo mahītale ||
Sanskrit only: no published translation is held for this verse.
सुचिरं तपसा लब्धं सिद्धेन्द्राणां सुदुर्लभम् । यत्पादपद्ममतुलं चाक्षुषं सर्वजीविनाम्
suciraṃ tapasā labdhaṃ siddhendrāṇāṃ sudurlabham | yatpādapadmamatulaṃ cākṣuṣaṃ sarvajīvinām
Sanskrit only: no published translation is held for this verse.
अनन्त उवाच त्वमनन्तो हि भगवन्नाहमेव कलांशकः । विश्वैकस्थे क्षुद्रकूर्मे मशकोऽहं गजे यथा
ananta uvāca tvamananto hi bhagavannāhameva kalāṃśakaḥ | viśvaikasthe kṣudrakūrme maśako'haṃ gaje yathā
Sanskrit only: no published translation is held for this verse.
असंख्यशेषाः कूर्माश्च ब्रह्मविषणुशिवात्मकाः । असंख्यानि च विश्वानि तेषामीशः स्वयं भवान्
asaṃkhyaśeṣāḥ kūrmāśca brahmaviṣaṇuśivātmakāḥ | asaṃkhyāni ca viśvāni teṣāmīśaḥ svayaṃ bhavān
Sanskrit only: no published translation is held for this verse.
अस्माकमीदृशं नाथ सुदिनं क्व भविष्यति । स्वप्नादृष्टश्चयश्चेशः स दृष्टः सर्वजीविनाम्
asmākamīdṛśaṃ nātha sudinaṃ kva bhaviṣyati | svapnādṛṣṭaścayaśceśaḥ sa dṛṣṭaḥ sarvajīvinām
Sanskrit only: no published translation is held for this verse.
नाथ प्रयासि गोलोकं पूतां कृत्वा वसुंधराम् । तामनाथां रुदन्तीं च निमग्नां शोकसागरे
nātha prayāsi golokaṃ pūtāṃ kṛtvā vasuṃdharām | tāmanāthāṃ rudantīṃ ca nimagnāṃ śokasāgare
Sanskrit only: no published translation is held for this verse.
देवा ऊचुः वेदाःस्तोतुं न शक्ता यं ब्रह्मेशानादयस्तथा । तमेव स्तवनं किं वा वयं कुर्मो नमोऽस्तु ते
devā ūcuḥ vedāḥstotuṃ na śaktā yaṃ brahmeśānādayastathā | tameva stavanaṃ kiṃ vā vayaṃ kurmo namo'stu te
Sanskrit only: no published translation is held for this verse.
इत्येवमुक्त्वा देवास्ते प्रययुर्द्वारकां पुरीम् । तत्रस्थं भगवन्तं च द्रष्टुं शीघ्रं मुदाऽन्विताः
ityevamuktvā devāste prayayurdvārakāṃ purīm | tatrasthaṃ bhagavantaṃ ca draṣṭuṃ śīghraṃ mudā'nvitāḥ
Sanskrit only: no published translation is held for this verse.
अथ तेषां च गोपाला ययुर्गोलोकमुत्तमम् । पृथिवी कम्पिता भीता चलन्तः सप्तसागराः
atha teṣāṃ ca gopālā yayurgolokamuttamam | pṛthivī kampitā bhītā calantaḥ saptasāgarāḥ
Sanskrit only: no published translation is held for this verse.
हतश्रियं द्वारकां च त्यक्त्वा च ब्रह्मशापतः । मूर्तिं कदम्बमूलस्थां विवेश राधिकेश्वरः
hataśriyaṃ dvārakāṃ ca tyaktvā ca brahmaśāpataḥ | mūrtiṃ kadambamūlasthāṃ viveśa rādhikeśvaraḥ
Sanskrit only: no published translation is held for this verse.
ते सर्वे चैरकायुद्धे निपेतुर्यादवास्तथा । चितामारुह्य देव्यश्च प्रययुः स्वामिभिः सह
te sarve cairakāyuddhe nipeturyādavāstathā | citāmāruhya devyaśca prayayuḥ svāmibhiḥ saha
Sanskrit only: no published translation is held for this verse.
अर्जुनः स्वपुरं गत्वा समुवाच युधिष्ठिरम् । स राजा भ्रातृभिः सार्धं ययौ स्वर्गं च भार्यया
arjunaḥ svapuraṃ gatvā samuvāca yudhiṣṭhiram | sa rājā bhrātṛbhiḥ sārdhaṃ yayau svargaṃ ca bhāryayā
Sanskrit only: no published translation is held for this verse.
दृष्ट्वा कदम्बमूलस्थं तिष्ठन्तं परमेश्वरम् । देवा ब्रह्मादयस्ते च प्रणेमुर्भक्तिपूर्वकम्
dṛṣṭvā kadambamūlasthaṃ tiṣṭhantaṃ parameśvaram | devā brahmādayaste ca praṇemurbhaktipūrvakam
Sanskrit only: no published translation is held for this verse.
तुष्टुवुः परमात्मानं देवं नारायणं प्रभुम् । श्यामं किशोरवयसं भूषितं रत्नभूषणैः
tuṣṭuvuḥ paramātmānaṃ devaṃ nārāyaṇaṃ prabhum | śyāmaṃ kiśoravayasaṃ bhūṣitaṃ ratnabhūṣaṇaiḥ
Sanskrit only: no published translation is held for this verse.
वह्निशुद्धांशुकाधानं शोभितं वनमालया । अतीव सुन्दरं शान्तं लक्ष्मीकान्तं मनोहरम्
vahniśuddhāṃśukādhānaṃ śobhitaṃ vanamālayā | atīva sundaraṃ śāntaṃ lakṣmīkāntaṃ manoharam
Sanskrit only: no published translation is held for this verse.
व्याधास्त्रसंयुतं पादपद्मं पद्मादिवन्दितम् । दृष्ट्वा ब्रह्मादिदेवांस्तानभयं सस्मितं ददौ
vyādhāstrasaṃyutaṃ pādapadmaṃ padmādivanditam | dṛṣṭvā brahmādidevāṃstānabhayaṃ sasmitaṃ dadau
Sanskrit only: no published translation is held for this verse.
पृथिवीं तां समाश्वास्य रुदतीं प्रेमविह्वलाम् । व्याधं प्रस्थापयामास परं स्वपदमुत्तमम्
pṛthivīṃ tāṃ samāśvāsya rudatīṃ premavihvalām | vyādhaṃ prasthāpayāmāsa paraṃ svapadamuttamam
Sanskrit only: no published translation is held for this verse.
बलस्य तेजः शेषे च विवेश परमाद्भुतम् । प्रद्युम्नस्य च कामे वै वाऽनिरुद्धस्य ब्रह्मणि
balasya tejaḥ śeṣe ca viveśa paramādbhutam | pradyumnasya ca kāme vai vā'niruddhasya brahmaṇi
Sanskrit only: no published translation is held for this verse.
अयोनिसंभवा देवी महालक्ष्मीश्च रुक्मिणी । वैकुण्ठं प्रययौ साक्षात्स्वशरीरेण नारद
ayonisaṃbhavā devī mahālakṣmīśca rukmiṇī | vaikuṇṭhaṃ prayayau sākṣātsvaśarīreṇa nārada
Sanskrit only: no published translation is held for this verse.
सत्यभामा पृथिव्यां च विवेश कमलालया । स्वयं जाम्बवती देवी पार्वत्यां विश्वमातरि
satyabhāmā pṛthivyāṃ ca viveśa kamalālayā | svayaṃ jāmbavatī devī pārvatyāṃ viśvamātari
Sanskrit only: no published translation is held for this verse.
या या देव्यश्च यासां चाप्यंशरुपाश्च भूतले । तस्यां तस्यां प्रविविशुस्ता एव च पृथक्पृथक्
yā yā devyaśca yāsāṃ cāpyaṃśarupāśca bhūtale | tasyāṃ tasyāṃ praviviśustā eva ca pṛthakpṛthak
Sanskrit only: no published translation is held for this verse.
साम्बस्य तेजः स्कन्दे च विवेश परमाद्भुतम् । कश्यपे वसुदेवश्चाप्यदिव्यां देवकी तथा
sāmbasya tejaḥ skande ca viveśa paramādbhutam | kaśyape vasudevaścāpyadivyāṃ devakī tathā
Sanskrit only: no published translation is held for this verse.
रुक्मिणीमन्दिरं त्यकत्वा समस्तां द्वारकां पुरीम् । स जग्राह समुद्रश्च प्रफुल्लवदनेक्षणः
rukmiṇīmandiraṃ tyakatvā samastāṃ dvārakāṃ purīm | sa jagrāha samudraśca praphullavadanekṣaṇaḥ
Sanskrit only: no published translation is held for this verse.
लपणोदः समागत्य तुष्टाव पुरुषोत्तमम् । रुरोद तद्वियोगेन साश्रुनेत्रश्च विह्वलः
lapaṇodaḥ samāgatya tuṣṭāva puruṣottamam | ruroda tadviyogena sāśrunetraśca vihvalaḥ
Sanskrit only: no published translation is held for this verse.
गङ्गा सरस्वती पद्मावती च यमुना तथा । गोदावरी स्वर्णरेखा कावेरी नर्मदा मुने
gaṅgā sarasvatī padmāvatī ca yamunā tathā | godāvarī svarṇarekhā kāverī narmadā mune
Sanskrit only: no published translation is held for this verse.
शरावती बाहृदा च कृतमाला च पुण्यदा । समाययुश्च ताः सर्वाः प्रणेमुः परमेश्वरम्
śarāvatī bāhṛdā ca kṛtamālā ca puṇyadā | samāyayuśca tāḥ sarvāḥ praṇemuḥ parameśvaram
Sanskrit only: no published translation is held for this verse.
उवाच जाह्नवी देवी रुदती परमेश्वरम् । साश्रुनेत्राऽतिदीना सा विरहज्वरकातरा
uvāca jāhnavī devī rudatī parameśvaram | sāśrunetrā'tidīnā sā virahajvarakātarā
Sanskrit only: no published translation is held for this verse.
भागीरथयुवाच हे नाथ रमणश्रेष्ठ यासि गोलोकमुत्तमम् । अस्माकं का गतिश्चात्र भविष्यति कलौ युगे
bhāgīrathayuvāca he nātha ramaṇaśreṣṭha yāsi golokamuttamam | asmākaṃ kā gatiścātra bhaviṣyati kalau yuge
Sanskrit only: no published translation is held for this verse.
श्रीभगवानुवाच कलेः पञ्चसहस्राणि वर्षाणि तिष्ठ भूतले । पापानि पापिनो यानि तुभ्यं दास्यन्ति स्नानत
śrībhagavānuvāca kaleḥ pañcasahasrāṇi varṣāṇi tiṣṭha bhūtale | pāpāni pāpino yāni tubhyaṃ dāsyanti snānata
Sanskrit only: no published translation is held for this verse.
मन्मन्त्रोपासकस्पर्शाद्भस्मीभूतानि तत्क्षणात् । भविष्यन्ति दर्शनाच्च स्नानादेव हि जाह्नवि
manmantropāsakasparśādbhasmībhūtāni tatkṣaṇāt | bhaviṣyanti darśanācca snānādeva hi jāhnavi
Sanskrit only: no published translation is held for this verse.
हरेर्नामानि यत्रैव पुराणानि भवन्ति हि । तत्र गत्वा सावधानमाभिः सार्धं च श्रोष्यसि
harernāmāni yatraiva purāṇāni bhavanti hi | tatra gatvā sāvadhānamābhiḥ sārdhaṃ ca śroṣyasi
Sanskrit only: no published translation is held for this verse.
पुराणश्रवणाच्चैव हरेर्नामानुकीर्तनात् । भस्मीभूतानि पापानि ब्रह्महत्यादिकानि च
purāṇaśravaṇāccaiva harernāmānukīrtanāt | bhasmībhūtāni pāpāni brahmahatyādikāni ca
Sanskrit only: no published translation is held for this verse.
भस्मीभूतानि तान्येव वैष्णवालिङ्गनेन च । तृणानि शुष्ककाष्ठानि दहन्ति पावका यथा
bhasmībhūtāni tānyeva vaiṣṇavāliṅganena ca | tṛṇāni śuṣkakāṣṭhāni dahanti pāvakā yathā
Sanskrit only: no published translation is held for this verse.
तथाऽपि वैष्णवा लोके पापानि पापिनामपि । पृथिव्यां यानि तीर्थानि पुण्यान्यपि च जाह्नवि
tathā'pi vaiṣṇavā loke pāpāni pāpināmapi | pṛthivyāṃ yāni tīrthāni puṇyānyapi ca jāhnavi
Sanskrit only: no published translation is held for this verse.
मद्भक्तानां शरीरेषु सन्ति पूतेषु संततम् । मद्भक्तपादरजसा सद्यः पूता वसुंधरा
madbhaktānāṃ śarīreṣu santi pūteṣu saṃtatam | madbhaktapādarajasā sadyaḥ pūtā vasuṃdharā
Sanskrit only: no published translation is held for this verse.
सद्यः पूतानि तीर्थानि सद्याः पूतं जगत्तथा । मन्मन्त्रोपासका विप्रा ये मदुच्छिष्टभोजिनः
sadyaḥ pūtāni tīrthāni sadyāḥ pūtaṃ jagattathā | manmantropāsakā viprā ye maducchiṣṭabhojinaḥ
Sanskrit only: no published translation is held for this verse.
मामेव नित्यं ध्यायन्ते ते मत्प्राणाधिकाः प्रियाः । तदुपस्पर्शमात्रेण पूतो वायुश्च पावकः
māmeva nityaṃ dhyāyante te matprāṇādhikāḥ priyāḥ | tadupasparśamātreṇa pūto vāyuśca pāvakaḥ
Sanskrit only: no published translation is held for this verse.
कलेर्दशसहस्राणि मद्भक्ताः सन्ति भूतले । एकवर्णा भविष्यन्ति मद्भक्तेषु गतेषु च
kalerdaśasahasrāṇi madbhaktāḥ santi bhūtale | ekavarṇā bhaviṣyanti madbhakteṣu gateṣu ca
Sanskrit only: no published translation is held for this verse.
मद्भक्तशून्या पृथिवी कलिग्रस्ता भविष्यति । एतस्मिन्नन्तरे तत्र कृष्णदेहाद्विनिर्गतः
madbhaktaśūnyā pṛthivī kaligrastā bhaviṣyati | etasminnantare tatra kṛṣṇadehādvinirgataḥ
Sanskrit only: no published translation is held for this verse.
चतुर्भुजश्च पुरुषः शतचन्द्रसमप्रभः । शङ्खचक्रगदापद्मधरः श्रीवत्सलाञ्छनः
caturbhujaśca puruṣaḥ śatacandrasamaprabhaḥ | śaṅkhacakragadāpadmadharaḥ śrīvatsalāñchanaḥ
Sanskrit only: no published translation is held for this verse.
सुन्दरं रथमारुह्य श्रीरोदं स जगाम ह । सिन्धुकन्या च प्रययौ स्वयं मूर्तिमती सती
sundaraṃ rathamāruhya śrīrodaṃ sa jagāma ha | sindhukanyā ca prayayau svayaṃ mūrtimatī satī
Sanskrit only: no published translation is held for this verse.
श्रीकृष्णमनसा जाता मर्त्यलक्ष्मीर्मनोहरा । श्वेतद्वीपं गते विष्णौ जगत्पालनकर्तरि
śrīkṛṣṇamanasā jātā martyalakṣmīrmanoharā | śvetadvīpaṃ gate viṣṇau jagatpālanakartari
Sanskrit only: no published translation is held for this verse.
शुद्धसत्त्वस्वरूपे च द्विधारूपो बभूव सः । दक्षिणांशश्च द्विभुजो गोपबारकरूपकः
śuddhasattvasvarūpe ca dvidhārūpo babhūva saḥ | dakṣiṇāṃśaśca dvibhujo gopabārakarūpakaḥ
Sanskrit only: no published translation is held for this verse.
नपीनजलदश्यामः शोभितः पीतवाससा । श्रीवंशवदनः श्रीमान्सस्मितः पद्मलोचनः
napīnajaladaśyāmaḥ śobhitaḥ pītavāsasā | śrīvaṃśavadanaḥ śrīmānsasmitaḥ padmalocanaḥ
Sanskrit only: no published translation is held for this verse.
शतकोटीन्दुसौन्दर्यं शतकोटिस्मरप्रभाम् । दधानः परमानन्दः परिबूर्णतमः प्रभुः
śatakoṭīndusaundaryaṃ śatakoṭismaraprabhām | dadhānaḥ paramānandaḥ paribūrṇatamaḥ prabhuḥ
Sanskrit only: no published translation is held for this verse.
परं धाम परं ब्रह्मस्वरूपो निर्गुणः स्वयम् । परमात्मा च सर्वेषां भक्तानुग्रहविग्रहः
paraṃ dhāma paraṃ brahmasvarūpo nirguṇaḥ svayam | paramātmā ca sarveṣāṃ bhaktānugrahavigrahaḥ
Sanskrit only: no published translation is held for this verse.
नित्यदेहश्च भगवानीश्वरः प्रकृतेः परः । योगिनो यं वदन्त्येवं ज्योतीरूपं सनातनम्
nityadehaśca bhagavānīśvaraḥ prakṛteḥ paraḥ | yogino yaṃ vadantyevaṃ jyotīrūpaṃ sanātanam
Sanskrit only: no published translation is held for this verse.
ज्योतिरम्यन्तरे नित्यरूपं भक्ता विदन्ति यम् । वेदा वदन्ति सत्यं यं नित्यमाद्यं विचक्षणाः
jyotiramyantare nityarūpaṃ bhaktā vidanti yam | vedā vadanti satyaṃ yaṃ nityamādyaṃ vicakṣaṇāḥ
Sanskrit only: no published translation is held for this verse.
यं वदन्ति सुराः सर्वे परं स्वेच्छामयं प्रभूम् । सिद्धेन्द्रा मुनयः सर्वे सर्वरूपं वदन्ति यम्
yaṃ vadanti surāḥ sarve paraṃ svecchāmayaṃ prabhūm | siddhendrā munayaḥ sarve sarvarūpaṃ vadanti yam
Sanskrit only: no published translation is held for this verse.
यमनिर्वचनीयं च योगीन्द्रः शंकरो वदेत् । स्वयं विधाता प्रवदेत्कारणानां च कारणम्
yamanirvacanīyaṃ ca yogīndraḥ śaṃkaro vadet | svayaṃ vidhātā pravadetkāraṇānāṃ ca kāraṇam
Sanskrit only: no published translation is held for this verse.
शेषो वदेदनन्तं यं नवधारूपमीश्वरम् । तर्काणामेव षण्णां च षड्विधं रूपमीप्सितम्
śeṣo vadedanantaṃ yaṃ navadhārūpamīśvaram | tarkāṇāmeva ṣaṇṇāṃ ca ṣaḍvidhaṃ rūpamīpsitam
Sanskrit only: no published translation is held for this verse.
वैष्णवानामेकरूपं वेदानामेकमेव च । पुराणानामेकरूपं तस्मान्नवविधं स्मृतम्
vaiṣṇavānāmekarūpaṃ vedānāmekameva ca | purāṇānāmekarūpaṃ tasmānnavavidhaṃ smṛtam
Sanskrit only: no published translation is held for this verse.
न्यायोऽनिर्वचनीयं च यं मतं शंकरो वदेत् । नित्यं वैशेषिकाश्चाऽऽद्यं तं वदन्ति विचक्षणाः
nyāyo'nirvacanīyaṃ ca yaṃ mataṃ śaṃkaro vadet | nityaṃ vaiśeṣikāścā''dyaṃ taṃ vadanti vicakṣaṇāḥ
Sanskrit only: no published translation is held for this verse.
सांख्य वदन्ति तं देवं ज्योतीरूपं सनातनम् । मीमांसा सर्वरूपं च वेदान्तः सर्वकारणम्
sāṃkhya vadanti taṃ devaṃ jyotīrūpaṃ sanātanam | mīmāṃsā sarvarūpaṃ ca vedāntaḥ sarvakāraṇam
Sanskrit only: no published translation is held for this verse.
पातञ्जलोऽप्यनन्तं च वेदाः सत्यस्वरूपकम् । स्वेच्छामयं पुराणं च भक्ताश्च नित्यविग्रहम्
pātañjalo'pyanantaṃ ca vedāḥ satyasvarūpakam | svecchāmayaṃ purāṇaṃ ca bhaktāśca nityavigraham
Sanskrit only: no published translation is held for this verse.
सोऽयं गोलोकनाथश्च राधेशो नन्दनन्दनः । गोकुले गोपवेषश्च पुण्ये वृन्दावने वने
so'yaṃ golokanāthaśca rādheśo nandanandanaḥ | gokule gopaveṣaśca puṇye vṛndāvane vane
Sanskrit only: no published translation is held for this verse.
चतुर्भुजश्च वैकुण्ठे महालक्ष्मीपतिः स्वयम् । नारायणश्च भगवान्यन्नाम मुक्तिकारणम्
caturbhujaśca vaikuṇṭhe mahālakṣmīpatiḥ svayam | nārāyaṇaśca bhagavānyannāma muktikāraṇam
Sanskrit only: no published translation is held for this verse.
सकृन्नारायणेत्युक्त्वा पुमान्कल्पशतत्रयम् । गङ्गादिसर्वतीर्थेषु स्नातो भवति नारद
sakṛnnārāyaṇetyuktvā pumānkalpaśatatrayam | gaṅgādisarvatīrtheṣu snāto bhavati nārada
Sanskrit only: no published translation is held for this verse.
सुनन्दनन्दकुमुदैः पार्षदैः परिवारितः । शङ्खचक्रगदापद्मधरः श्रीवत्सलाञ्छनः
sunandanandakumudaiḥ pārṣadaiḥ parivāritaḥ | śaṅkhacakragadāpadmadharaḥ śrīvatsalāñchanaḥ
Sanskrit only: no published translation is held for this verse.
कौस्तुभेन मणीन्द्रेण भूषितो वनमालया । देवैः स्तुतश्च यानेन वैकुण्ठं स्वपदं ययौ
kaustubhena maṇīndreṇa bhūṣito vanamālayā | devaiḥ stutaśca yānena vaikuṇṭhaṃ svapadaṃ yayau
Sanskrit only: no published translation is held for this verse.
गते वैकुण्ठनाथे च राधेशश्च स्वयं प्रभुः । चकार वंशीशब्दं च त्रैलोक्यमोहनं परम्
gate vaikuṇṭhanāthe ca rādheśaśca svayaṃ prabhuḥ | cakāra vaṃśīśabdaṃ ca trailokyamohanaṃ param
Sanskrit only: no published translation is held for this verse.
मूर्च्छांप्रापुर्देवगणा मुनयश्चापि नारद । अचेतना बभूवुश्च मायया पार्वतीं विना
mūrcchāṃprāpurdevagaṇā munayaścāpi nārada | acetanā babhūvuśca māyayā pārvatīṃ vinā
Sanskrit only: no published translation is held for this verse.
उवाच पार्वती देवी भगवन्तं सनातनम् । विष्णुमाया भगवती सर्वरूपा सनातनी
uvāca pārvatī devī bhagavantaṃ sanātanam | viṣṇumāyā bhagavatī sarvarūpā sanātanī
Sanskrit only: no published translation is held for this verse.
परब्रह्मस्वरूपा या परमात्मस्वरूपिणी । सगुणा निर्गुणा सा च परा स्वेच्छामयी सती
parabrahmasvarūpā yā paramātmasvarūpiṇī | saguṇā nirguṇā sā ca parā svecchāmayī satī
Sanskrit only: no published translation is held for this verse.
पार्वत्युवाच एकाऽहं राधिकारूपा गोलोके रासमण्डले । रासशून्यं च गोलोकं परिपूर्ण कुरु प्रभो
pārvatyuvāca ekā'haṃ rādhikārūpā goloke rāsamaṇḍale | rāsaśūnyaṃ ca golokaṃ paripūrṇa kuru prabho
Sanskrit only: no published translation is held for this verse.
गच्छ त्वं रथमारुह्य मुक्तामाणिक्यभूषितम् । परिबूर्णतमाऽहं च तव वङः स्थलस्थिता
gaccha tvaṃ rathamāruhya muktāmāṇikyabhūṣitam | paribūrṇatamā'haṃ ca tava vaṅaḥ sthalasthitā
Sanskrit only: no published translation is held for this verse.
तवाऽऽज्ञया महालक्ष्मीरहं वैकुण्ठगामिनी । सरस्वती च तत्रैव वामे पार्श्वे हरेरपि
tavā''jñayā mahālakṣmīrahaṃ vaikuṇṭhagāminī | sarasvatī ca tatraiva vāme pārśve harerapi
Sanskrit only: no published translation is held for this verse.
तवाहं मनसा जाता सिन्धुकन्या तवाऽऽज्ञया । सावित्री वेदमाताऽहं कलया विधिसंनिधौ
tavāhaṃ manasā jātā sindhukanyā tavā''jñayā | sāvitrī vedamātā'haṃ kalayā vidhisaṃnidhau
Sanskrit only: no published translation is held for this verse.
तैजःसु सर्वदेवानां पुरा सत्ये तवाऽऽज्ञया । अधिष्ठानं कृत तत्र धृतं देव्या शरीरकम्
taijaḥsu sarvadevānāṃ purā satye tavā''jñayā | adhiṣṭhānaṃ kṛta tatra dhṛtaṃ devyā śarīrakam
Sanskrit only: no published translation is held for this verse.
शुम्भादयश्च दैत्याश्च निहताश्चावलीलया । दुर्ग निहत्य तुर्गाऽहं त्रिपुरा त्रिपुरे वधे
śumbhādayaśca daityāśca nihatāścāvalīlayā | durga nihatya turgā'haṃ tripurā tripure vadhe
Sanskrit only: no published translation is held for this verse.
निहत्य रक्तबीजं च रक्तबीजविनाशिनी । तवाऽऽज्ञया दक्षकन्या सती सत्यस्वरूपिणी
nihatya raktabījaṃ ca raktabījavināśinī | tavā''jñayā dakṣakanyā satī satyasvarūpiṇī
Sanskrit only: no published translation is held for this verse.
योगेन त्यक्त्वा देहं च शैलजाऽहं तवाऽऽज्ञया । त्वया दत्तवा (त्ताः शंकराय गोलोके रासमण्डले
yogena tyaktvā dehaṃ ca śailajā'haṃ tavā''jñayā | tvayā dattavā (ttāḥ śaṃkarāya goloke rāsamaṇḍale
Sanskrit only: no published translation is held for this verse.
विष्णुभक्तिरहं तेन विष्णुमाया च वैष्णवी । नारायणस्य मायाऽहं तेन नारायणी स्मृता
viṣṇubhaktirahaṃ tena viṣṇumāyā ca vaiṣṇavī | nārāyaṇasya māyā'haṃ tena nārāyaṇī smṛtā
Sanskrit only: no published translation is held for this verse.
कृष्णप्राणाधिकाऽहं च प्राणाधिष्ठातृदेवता । महाविष्णोश्च वासोश्च जननी राधिका स्वयम्
kṛṣṇaprāṇādhikā'haṃ ca prāṇādhiṣṭhātṛdevatā | mahāviṣṇośca vāsośca jananī rādhikā svayam
Sanskrit only: no published translation is held for this verse.
तवाऽऽज्ञया पञ्चधाऽहं पञ्चप्रकृतिरूपिणी । कलाकलांशयाऽहं च देवपत्नयो गृहे गृहे
tavā''jñayā pañcadhā'haṃ pañcaprakṛtirūpiṇī | kalākalāṃśayā'haṃ ca devapatnayo gṛhe gṛhe
Sanskrit only: no published translation is held for this verse.
शीघ्रं गच्छ महाभाग तत्राऽहं विरहातुरा । गोवीभिः सहिता रासं भ्रमन्ती परितः सदा
śīghraṃ gaccha mahābhāga tatrā'haṃ virahāturā | govībhiḥ sahitā rāsaṃ bhramantī paritaḥ sadā
Sanskrit only: no published translation is held for this verse.
पार्वतीवचनं श्रुत्वा प्रहस्य रसिकेश्वरः । रत्नयानं समारुह्य ययौ गोलोकमुत्तमम्
pārvatīvacanaṃ śrutvā prahasya rasikeśvaraḥ | ratnayānaṃ samāruhya yayau golokamuttamam
Sanskrit only: no published translation is held for this verse.
पार्वती बोधयामास स्वयं देवगणं तथा । मायावंशीरवाच्छन्नं विष्णुमाया सनातनी
pārvatī bodhayāmāsa svayaṃ devagaṇaṃ tathā | māyāvaṃśīravācchannaṃ viṣṇumāyā sanātanī
Sanskrit only: no published translation is held for this verse.
कृत्वा ते हरिशब्दं च स्वगृहं विस्मयं ययुः । शिवेन सार्धं दुर्गा सा प्रहृष्टा स्वपुरं ययौ
kṛtvā te hariśabdaṃ ca svagṛhaṃ vismayaṃ yayuḥ | śivena sārdhaṃ durgā sā prahṛṣṭā svapuraṃ yayau
Sanskrit only: no published translation is held for this verse.
अथ कृष्णं समायान्तं राधा गोपीगणैः सह । अनुव्रजं ययौ हृष्टा सर्वज्ञा प्राणवल्लभम्
atha kṛṣṇaṃ samāyāntaṃ rādhā gopīgaṇaiḥ saha | anuvrajaṃ yayau hṛṣṭā sarvajñā prāṇavallabham
Sanskrit only: no published translation is held for this verse.
दृष्ट्वा समीपमायान्तमवरुह्य रथात्सती । प्रणनाम जगन्नाथं सिरसा सखिभिः सह
dṛṣṭvā samīpamāyāntamavaruhya rathātsatī | praṇanāma jagannāthaṃ sirasā sakhibhiḥ saha
Sanskrit only: no published translation is held for this verse.
गोपा गोप्यश्च मुदिताः प्रफुल्लवदनेक्षणाः । दुंदुभिं वादयामासुरीश्वरागमनोत्सुकाः
gopā gopyaśca muditāḥ praphullavadanekṣaṇāḥ | duṃdubhiṃ vādayāmāsurīśvarāgamanotsukāḥ
Sanskrit only: no published translation is held for this verse.
विरजां च समुत्तीर्य दृष्ट्वा राधां जगत्पतिः । अवरुह्य रथात्तूर्णं गृहीत्वा राधिकाकरम्
virajāṃ ca samuttīrya dṛṣṭvā rādhāṃ jagatpatiḥ | avaruhya rathāttūrṇaṃ gṛhītvā rādhikākaram
Sanskrit only: no published translation is held for this verse.
शतशृङ्गं च बभ्राम सुरम्यं रासमण्डलम् । दृष्ट्वाऽक्षयवटं पुण्यं पुण्यं वृन्दावनं ययौ
śataśṛṅgaṃ ca babhrāma suramyaṃ rāsamaṇḍalam | dṛṣṭvā'kṣayavaṭaṃ puṇyaṃ puṇyaṃ vṛndāvanaṃ yayau
Sanskrit only: no published translation is held for this verse.
तुलसीकाननं दृष्ट्वा प्रययौ मालतीवनम् । वामे कृत्वा कुन्दवनं माधवीकाननं तथा
tulasīkānanaṃ dṛṣṭvā prayayau mālatīvanam | vāme kṛtvā kundavanaṃ mādhavīkānanaṃ tathā
Sanskrit only: no published translation is held for this verse.
चकार दक्षिणे कृष्णश्चम्पकारण्यमीप्सिनम् । चकार पश्चात्तूर्णं च चारुचन्दनकाननम्
cakāra dakṣiṇe kṛṣṇaścampakāraṇyamīpsinam | cakāra paścāttūrṇaṃ ca cārucandanakānanam
Sanskrit only: no published translation is held for this verse.
ददर्श पुरतो रम्यं राधिकाभवनं परम् । उवास राधया सार्धं रत्नसिंहासने वरे
dadarśa purato ramyaṃ rādhikābhavanaṃ param | uvāsa rādhayā sārdhaṃ ratnasiṃhāsane vare
Sanskrit only: no published translation is held for this verse.
सकर्पूरं च ताम्बूलं बुभुजे वासितं जलम् । सुष्वाप पुष्पतल्पे च सुगन्धिचन्दनार्चिते
sakarpūraṃ ca tāmbūlaṃ bubhuje vāsitaṃ jalam | suṣvāpa puṣpatalpe ca sugandhicandanārcite
Sanskrit only: no published translation is held for this verse.
स रेमे रामया सार्धं निमग्नो रससागरे । इत्येवं कथितं सर्वं धर्मवक्त्राच्च यच्छ्रुतम्
sa reme rāmayā sārdhaṃ nimagno rasasāgare | ityevaṃ kathitaṃ sarvaṃ dharmavaktrācca yacchrutam
Sanskrit only: no published translation is held for this verse.
गोलोकारोहणं रम्यं किं भूयः श्रोतुमिच्छसि
golokārohaṇaṃ ramyaṃ kiṃ bhūyaḥ śrotumicchasi
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारदनाo गोलोकारोहणं नामैकोनत्रिंशदधिकशततमोऽध्यायः
iti śrībrahmao mahāo śrīkṛṣṇajanmakhao uttao nāradanāo golokārohaṇaṃ nāmaikonatriṃśadadhikaśatatamo'dhyāyaḥ
Sanskrit only: no published translation is held for this verse.