Brahmavaivarta Purāṇa 4.132

शौनक उवाच श्रुतं सर्वं नावशेषं धर्मेश व्रह्मणं च माम् । कथयस्व महाभाग पुराणं पुनरेव हि

śaunaka uvāca śrutaṃ sarvaṃ nāvaśeṣaṃ dharmeśa vrahmaṇaṃ ca mām | kathayasva mahābhāga purāṇaṃ punareva hi

Sanskrit only: no published translation is held for this verse.

एवंविधं पुराणं च जन्मनैव न हि श्रुतम् । नधृष्टं न श्रुतं तात ता (त्वा) दृशं वाजकं तथा

evaṃvidhaṃ purāṇaṃ ca janmanaiva na hi śrutam | nadhṛṣṭaṃ na śrutaṃ tāta tā (tvā) dṛśaṃ vājakaṃ tathā

Sanskrit only: no published translation is held for this verse.

सूत उवाच श्रूयतां भो महाभाग सावधानं च संयतम् । अध्यायश्रवणेनैव पुराणफलमालभेत्

sūta uvāca śrūyatāṃ bho mahābhāga sāvadhānaṃ ca saṃyatam | adhyāyaśravaṇenaiva purāṇaphalamālabhet

Sanskrit only: no published translation is held for this verse.

ब्रह्मखण्डं च कथितं परं ब्रह्मनिरूपणम् । तदनिर्वचनीयं च येषामपि यथागमम्

brahmakhaṇḍaṃ ca kathitaṃ paraṃ brahmanirūpaṇam | tadanirvacanīyaṃ ca yeṣāmapi yathāgamam

Sanskrit only: no published translation is held for this verse.

साकारं च निराकारं सगुणं निर्गुणं पृथक् । येषामपि यथा शक्तिस्तथैव ध्यानमेव च

sākāraṃ ca nirākāraṃ saguṇaṃ nirguṇaṃ pṛthak | yeṣāmapi yathā śaktistathaiva dhyānameva ca

Sanskrit only: no published translation is held for this verse.

गोलोकादेर्वर्णनं च क्रमेण च पृथक्पृथक् । तत्रोपयुक्तोपाख्यानं यद्यत्प्रासङ्गिकं द्विज

golokādervarṇanaṃ ca krameṇa ca pṛthakpṛthak | tatropayuktopākhyānaṃ yadyatprāsaṅgikaṃ dvija

Sanskrit only: no published translation is held for this verse.

जातीनां नीर्णयश्चैव संकराणां तथैव च । यद्यद्विशिष्टोपाख्यानं तत्तत्प्रशनानुरोधतः

jātīnāṃ nīrṇayaścaiva saṃkarāṇāṃ tathaiva ca | yadyadviśiṣṭopākhyānaṃ tattatpraśanānurodhataḥ

Sanskrit only: no published translation is held for this verse.

राधामाधवयोः क्रीडा महाविष्णोः समुद्भवः । निरूपणं च विश्वेषां समासेन द्विजोत्तम

rādhāmādhavayoḥ krīḍā mahāviṣṇoḥ samudbhavaḥ | nirūpaṇaṃ ca viśveṣāṃ samāsena dvijottama

Sanskrit only: no published translation is held for this verse.

ब्रह्मनारदयोश्चैव संवादः परमार्थतः । विपेको नारदस्यैव मुनीन्द्रस्य तथैव च

brahmanāradayoścaiva saṃvādaḥ paramārthataḥ | vipeko nāradasyaiva munīndrasya tathaiva ca

Sanskrit only: no published translation is held for this verse.

आज्ञया ब्रह्मणश्चैव नरनारायणाश्रमम् । गमनं नारदस्यैव तेन सार्थं च दर्शनम्

ājñayā brahmaṇaścaiva naranārāyaṇāśramam | gamanaṃ nāradasyaiva tena sārthaṃ ca darśanam

Sanskrit only: no published translation is held for this verse.

तयोः संभाषणं चैव नारदाद्य(य) निवेदनम् । तत्र देव ब्रह्मखण्डं क्रमेणोक्तं द्विजोत्तम

tayoḥ saṃbhāṣaṇaṃ caiva nāradādya(ya) nivedanam | tatra deva brahmakhaṇḍaṃ krameṇoktaṃ dvijottama

Sanskrit only: no published translation is held for this verse.

श्रूयतां प्रकृतेः खण्डं सुधाखण्डसमं मुने । प्रकृतेर्लक्षणं प्रोक्तं प्रकृतीनां च वर्णनम्

śrūyatāṃ prakṛteḥ khaṇḍaṃ sudhākhaṇḍasamaṃ mune | prakṛterlakṣaṇaṃ proktaṃ prakṛtīnāṃ ca varṇanam

Sanskrit only: no published translation is held for this verse.

उपाश्यानं च तासां च वर्णनं बूजनादिकम् । लक्ष्मीः सरस्वती दुर्गा सावित्री राधिका तथा

upāśyānaṃ ca tāsāṃ ca varṇanaṃ būjanādikam | lakṣmīḥ sarasvatī durgā sāvitrī rādhikā tathā

Sanskrit only: no published translation is held for this verse.

एतासां चरितं चैवमन्यासां च पृथक्पृथक् । उपाख्यानं महालक्ष्म्याः सरस्वत्यास्तथैव च

etāsāṃ caritaṃ caivamanyāsāṃ ca pṛthakpṛthak | upākhyānaṃ mahālakṣmyāḥ sarasvatyāstathaiva ca

Sanskrit only: no published translation is held for this verse.

अपूर्वं राधिकाख्यानं सावित्र्याश्च तथैव च । संवादो यमसावित्र्योः सत्यवज्जीवदानकम्

apūrvaṃ rādhikākhyānaṃ sāvitryāśca tathaiva ca | saṃvādo yamasāvitryoḥ satyavajjīvadānakam

Sanskrit only: no published translation is held for this verse.

कृण्डानां वर्णनं प्रोक्तं तेषां च लक्षणं तथा । जीवितर्मविपाकश्च भोगनिर्णय एव च

kṛṇḍānāṃ varṇanaṃ proktaṃ teṣāṃ ca lakṣaṇaṃ tathā | jīvitarmavipākaśca bhoganirṇaya eva ca

Sanskrit only: no published translation is held for this verse.

अपूर्व राधिकाख्यानं पुराणेषु सुगोप्यकम् । सुयज्ञस्च नृपेन्द्रस्य चरितं परमाद्भुतम्

apūrva rādhikākhyānaṃ purāṇeṣu sugopyakam | suyajñasca nṛpendrasya caritaṃ paramādbhutam

Sanskrit only: no published translation is held for this verse.

प्रोक्तं तुलस्युपाख्यानं पुराणेषु सुगोप्यकम् । महायुद्धं च संवादे महेशशङ्खचूडयोः

proktaṃ tulasyupākhyānaṃ purāṇeṣu sugopyakam | mahāyuddhaṃ ca saṃvāde maheśaśaṅkhacūḍayoḥ

Sanskrit only: no published translation is held for this verse.

तुलसीकृष्णसंवादस्तयोः संभोग एव च । निधनं शङ्खचूडस्य श्रीदाम्नः शापमोक्षणम्

tulasīkṛṣṇasaṃvādastayoḥ saṃbhoga eva ca | nidhanaṃ śaṅkhacūḍasya śrīdāmnaḥ śāpamokṣaṇam

Sanskrit only: no published translation is held for this verse.

पदप्राप्तिः सुराणां च विपदां खण्डनं तथा । जीविनां मोक्षबीजं च गङ्गोपाख्यानमीप्सितम्

padaprāptiḥ surāṇāṃ ca vipadāṃ khaṇḍanaṃ tathā | jīvināṃ mokṣabījaṃ ca gaṅgopākhyānamīpsitam

Sanskrit only: no published translation is held for this verse.

तथैव मनसाख्यानं परं हर्षविवर्धनम् । स्वाहास्वधाख्यानमेवमन्यासां च निरूपणम्

tathaiva manasākhyānaṃ paraṃ harṣavivardhanam | svāhāsvadhākhyānamevamanyāsāṃ ca nirūpaṇam

Sanskrit only: no published translation is held for this verse.

यद्यतप्रासङ्गिकाख्यानं वक्तुः प्रश्नानुरोधतः । प्रोक्तं तत्प्रकृतेः खण्डं खण्डं गणपतेः श्रृणु

yadyataprāsaṅgikākhyānaṃ vaktuḥ praśnānurodhataḥ | proktaṃ tatprakṛteḥ khaṇḍaṃ khaṇḍaṃ gaṇapateḥ śrṛṇu

Sanskrit only: no published translation is held for this verse.

अतीव मधुरं रम्यं स्वादु स्वादु पदे पदे । सुगोप्यं तत्पुराणेषु रम्यं रम्यं नवं नवम्

atīva madhuraṃ ramyaṃ svādu svādu pade pade | sugopyaṃ tatpurāṇeṣu ramyaṃ ramyaṃ navaṃ navam

Sanskrit only: no published translation is held for this verse.

सुदुर्लभमुपाख्यानं श्रोतृप्रीतिकरं परम् । प्रोक्ता क्रीडा च परमा पार्वतीपरमेशयोः

sudurlabhamupākhyānaṃ śrotṛprītikaraṃ param | proktā krīḍā ca paramā pārvatīparameśayoḥ

Sanskrit only: no published translation is held for this verse.

स्कन्दोत्पत्तिः प्रथमतः क्रीडाभङ्गस्तयोस्तथा । पार्वतीतोषणं चैवमभिमानविमोक्षणम्

skandotpattiḥ prathamataḥ krīḍābhaṅgastayostathā | pārvatītoṣaṇaṃ caivamabhimānavimokṣaṇam

Sanskrit only: no published translation is held for this verse.

पुण्यकं च व्रतं विष्णोर्देव्याश्चरितमुत्तमम् । वरदानं हरेरेव सुव्रतां पार्वतीं प्रति

puṇyakaṃ ca vrataṃ viṣṇordevyāścaritamuttamam | varadānaṃ harereva suvratāṃ pārvatīṃ prati

Sanskrit only: no published translation is held for this verse.

हरेश्च दर्शनं चैव ब्राह्मणातिथिरूपिणः । आविर्भावो गणेशस्य कृपया शिवमन्दिरे

hareśca darśanaṃ caiva brāhmaṇātithirūpiṇaḥ | āvirbhāvo gaṇeśasya kṛpayā śivamandire

Sanskrit only: no published translation is held for this verse.

दर्शनं पुत्रवक्त्रस्य पार्वतीपरमेशयोः । परमानन्दरूपं च शिवगेहे महोत्सवम्

darśanaṃ putravaktrasya pārvatīparameśayoḥ | paramānandarūpaṃ ca śivagehe mahotsavam

Sanskrit only: no published translation is held for this verse.

देवाद्या ददृशुः सर्वे बालं नित्यमजं विभुम् । सत्यस्वरूपं परमं परब्रह्मस्वरूपिणम्

devādyā dadṛśuḥ sarve bālaṃ nityamajaṃ vibhum | satyasvarūpaṃ paramaṃ parabrahmasvarūpiṇam

Sanskrit only: no published translation is held for this verse.

सर्वविघ्नहरं शान्तं दातारं सर्वसंपदाम् । तपसां जपयज्ञानां व्रतानां फलदं विभुम्

sarvavighnaharaṃ śāntaṃ dātāraṃ sarvasaṃpadām | tapasāṃ japayajñānāṃ vratānāṃ phaladaṃ vibhum

Sanskrit only: no published translation is held for this verse.

अतीव कमनीयं च रमणीयं च योषिताम् । प्राणाधिकं प्रियतम् पार्वतीपरमेशयोः

atīva kamanīyaṃ ca ramaṇīyaṃ ca yoṣitām | prāṇādhikaṃ priyatam pārvatīparameśayoḥ

Sanskrit only: no published translation is held for this verse.

परमात्मस्वरूपं च भगवन्तं सनातनम् । सर्वेशं सर्वबीजं च साक्षान्नारायणात्मकम्

paramātmasvarūpaṃ ca bhagavantaṃ sanātanam | sarveśaṃ sarvabījaṃ ca sākṣānnārāyaṇātmakam

Sanskrit only: no published translation is held for this verse.

यद्दर्शनाच्च स्तवनात्प्रणामात्पूजनात्तथा । ध्यानासाध्यं दुराराध्यं जन्मकोट्यघनाशनम्

yaddarśanācca stavanātpraṇāmātpūjanāttathā | dhyānāsādhyaṃ durārādhyaṃ janmakoṭyaghanāśanam

Sanskrit only: no published translation is held for this verse.

कार्तिकोद्धरणं प्रोक्तं तस्याभिषेक एव च । गणेशपूजनं चैव सर्वविघ्नविनाशनम्

kārtikoddharaṇaṃ proktaṃ tasyābhiṣeka eva ca | gaṇeśapūjanaṃ caiva sarvavighnavināśanam

Sanskrit only: no published translation is held for this verse.

जमदग्नेश्च युद्धं च कार्तवीर्यार्जुनेन च । सुरभीहरणं चैव निधनं च मुनेस्तथा

jamadagneśca yuddhaṃ ca kārtavīryārjunena ca | surabhīharaṇaṃ caiva nidhanaṃ ca munestathā

Sanskrit only: no published translation is held for this verse.

पतिव्रतारेशुकायाश्चितारोहणमेव च । प्रतिज्ञातं भृगोश्चैव दारुणं च सुदारुणम्

pativratāreśukāyāścitārohaṇameva ca | pratijñātaṃ bhṛgoścaiva dāruṇaṃ ca sudāruṇam

Sanskrit only: no published translation is held for this verse.

निःक्षत्रीकरणं चैवमेकविंशतिकं द्विज । संवादो ज्ञानलाभश्च गणेशपर्शुरामयोः

niḥkṣatrīkaraṇaṃ caivamekaviṃśatikaṃ dvija | saṃvādo jñānalābhaśca gaṇeśaparśurāmayoḥ

Sanskrit only: no published translation is held for this verse.

तयोर्युद्धं दारुमं च हेरम्बदन्तभञ्जनम् । दुर्गायाश्च विलापश्चाभिशापो भार्गवं प्रति

tayoryuddhaṃ dārumaṃ ca herambadantabhañjanam | durgāyāśca vilāpaścābhiśāpo bhārgavaṃ prati

Sanskrit only: no published translation is held for this verse.

स्मरणे पर्शुरामस्याप्याविर्भावो हरेरपि । पार्वतीं बोधयामास स्वयं नारायणः प्रभुः

smaraṇe parśurāmasyāpyāvirbhāvo harerapi | pārvatīṃ bodhayāmāsa svayaṃ nārāyaṇaḥ prabhuḥ

Sanskrit only: no published translation is held for this verse.

वर्णनं शिवलोकस्य परमाश्चर्यमीप्सितम् । प्रदत्तं पर्शुरामाय महास्त्रं शंकरेण च

varṇanaṃ śivalokasya paramāścaryamīpsitam | pradattaṃ parśurāmāya mahāstraṃ śaṃkareṇa ca

Sanskrit only: no published translation is held for this verse.

मन्त्रं च कवचं चैव कृष्णस्य परमात्मनः । वरदानं चाभयं च प्रदानं सर्वसंपदाम्

mantraṃ ca kavacaṃ caiva kṛṣṇasya paramātmanaḥ | varadānaṃ cābhayaṃ ca pradānaṃ sarvasaṃpadām

Sanskrit only: no published translation is held for this verse.

त्रिःसप्तकृत्वो भूपानां निधनं च चकार सः । बभूव भृगुणा विप्र भुवश्च भारमीक्षणम्

triḥsaptakṛtvo bhūpānāṃ nidhanaṃ ca cakāra saḥ | babhūva bhṛguṇā vipra bhuvaśca bhāramīkṣaṇam

Sanskrit only: no published translation is held for this verse.

प्रश्नानुरोधक्रमतः पूर्वापाख्यानमेव च । प्रोक्तं गणपतेः खण्डं समासेन द्विजोत्तम

praśnānurodhakramataḥ pūrvāpākhyānameva ca | proktaṃ gaṇapateḥ khaṇḍaṃ samāsena dvijottama

Sanskrit only: no published translation is held for this verse.

श्रीकृष्णजन्मखण्डं च श्रूयतां सावधानतः । जन्ममृत्युजराव्याधिहरं मोक्षकरं परम्

śrīkṛṣṇajanmakhaṇḍaṃ ca śrūyatāṃ sāvadhānataḥ | janmamṛtyujarāvyādhiharaṃ mokṣakaraṃ param

Sanskrit only: no published translation is held for this verse.

हरिदास्यप्रदं शुद्धं सुश्राव्यं च सुधोपमम् । अत्यबूर्वमुणाख्यानं रम्यं रम्यं नवं नवम्

haridāsyapradaṃ śuddhaṃ suśrāvyaṃ ca sudhopamam | atyabūrvamuṇākhyānaṃ ramyaṃ ramyaṃ navaṃ navam

Sanskrit only: no published translation is held for this verse.

न श्रुतं चन्मना यद्यत्स्वदु स्वादु पदे पदे । प्रदीपं सर्वसत्त्वानां भवाब्धितारणं परम्

na śrutaṃ canmanā yadyatsvadu svādu pade pade | pradīpaṃ sarvasattvānāṃ bhavābdhitāraṇaṃ param

Sanskrit only: no published translation is held for this verse.

कर्मेपभोगरोगाणां मर्दनं च रसायनम् । श्रीकृष्णचरणाम्भोजप्राप्तिसोपानकारणम्

karmepabhogarogāṇāṃ mardanaṃ ca rasāyanam | śrīkṛṣṇacaraṇāmbhojaprāptisopānakāraṇam

Sanskrit only: no published translation is held for this verse.

श्रीदामराधाकलहवर्णनं दारुणं द्विज । तयोः शापप्रकथनं ततस्तेषां विसर्जनम्

śrīdāmarādhākalahavarṇanaṃ dāruṇaṃ dvija | tayoḥ śāpaprakathanaṃ tatasteṣāṃ visarjanam

Sanskrit only: no published translation is held for this verse.

ब्रह्मण प्रार्थितस्यैव हरेर्जनम् महीतले । प्रोक्तं च जन्मखण्डे च परमाद्भुतमेव च

brahmaṇa prārthitasyaiva harerjanam mahītale | proktaṃ ca janmakhaṇḍe ca paramādbhutameva ca

Sanskrit only: no published translation is held for this verse.

आविर्भावो हरेरेव वसुदेवस्य मन्दिरे । कंसासुरभयेनैव गोकुले गमनं हरेः

āvirbhāvo harereva vasudevasya mandire | kaṃsāsurabhayenaiva gokule gamanaṃ hareḥ

Sanskrit only: no published translation is held for this verse.

वृषभानसुता राधा श्रीदाम्नः शापहेतुना । बालक्रीडावर्णनं च गोकुले परमात्मनः

vṛṣabhānasutā rādhā śrīdāmnaḥ śāpahetunā | bālakrīḍāvarṇanaṃ ca gokule paramātmanaḥ

Sanskrit only: no published translation is held for this verse.

दैत्यादिनिधनं चैव कीर्तितं हरिणा तथा । गर्गस्याऽऽगमनं प्रोक्तं शुभान्नप्राशनं हरेः

daityādinidhanaṃ caiva kīrtitaṃ hariṇā tathā | gargasyā''gamanaṃ proktaṃ śubhānnaprāśanaṃ hareḥ

Sanskrit only: no published translation is held for this verse.

निधनं पूतनायाश्च सद्यः शकटभञ्जनम् । श्रीकृष्णबन्धमोक्षं च यमलार्जुनभञ्जनम्

nidhanaṃ pūtanāyāśca sadyaḥ śakaṭabhañjanam | śrīkṛṣṇabandhamokṣaṃ ca yamalārjunabhañjanam

Sanskrit only: no published translation is held for this verse.

त्रैलोक्यदर्शनं वक्त्रे गोवत्साहरणं तथा । कृत्वा गोवत्सनिर्माणं ब्रह्मणः स्तवनं हरेः

trailokyadarśanaṃ vaktre govatsāharaṇaṃ tathā | kṛtvā govatsanirmāṇaṃ brahmaṇaḥ stavanaṃ hareḥ

Sanskrit only: no published translation is held for this verse.

सहसा गोकुलं त्यवत्वा पुण्यं वृन्दावनं वनम् । भयाज्जगाम नन्दश्च सार्धं च नन्दनेन च

sahasā gokulaṃ tyavatvā puṇyaṃ vṛndāvanaṃ vanam | bhayājjagāma nandaśca sārdhaṃ ca nandanena ca

Sanskrit only: no published translation is held for this verse.

वृन्दावनस्य निर्माणं प्रोक्तं च परमाद्भुतम् । सार्धं च बालकैः सार्ध तत्र संक्रीडनं हरे

vṛndāvanasya nirmāṇaṃ proktaṃ ca paramādbhutam | sārdhaṃ ca bālakaiḥ sārdha tatra saṃkrīḍanaṃ hare

Sanskrit only: no published translation is held for this verse.

सदन्नं ब्राह्मणीनां च भोजनं कथितं हरेः । वरदानं च तासां वै प्राक्तनेन निरूपणम्

sadannaṃ brāhmaṇīnāṃ ca bhojanaṃ kathitaṃ hareḥ | varadānaṃ ca tāsāṃ vai prāktanena nirūpaṇam

Sanskrit only: no published translation is held for this verse.

क्रतूनां वर्णनं चैव वस्त्रापहरणं तथा । वरदानं च गोपीनां कृष्णेनैव कऋतं द्विज

kratūnāṃ varṇanaṃ caiva vastrāpaharaṇaṃ tathā | varadānaṃ ca gopīnāṃ kṛṣṇenaiva kaṛtaṃ dvija

Sanskrit only: no published translation is held for this verse.

कात्यायनीव्रतं प्रोक्तं श्रीदुर्गापूजनं तथा । पार्वत्या च वरो दत्तो गोपीभ्यो यमुनातटे

kātyāyanīvrataṃ proktaṃ śrīdurgāpūjanaṃ tathā | pārvatyā ca varo datto gopībhyo yamunātaṭe

Sanskrit only: no published translation is held for this verse.

तालानां भक्षणं प्रोक्तं शक्रयामाविमर्दनम् । राधया सह कृष्णस्य विरहो मेलनं तथा

tālānāṃ bhakṣaṇaṃ proktaṃ śakrayāmāvimardanam | rādhayā saha kṛṣṇasya viraho melanaṃ tathā

Sanskrit only: no published translation is held for this verse.

गोपीक्रीडा च संप्रोक्ता कृष्णक्रोडे च राधिका । छाया रायणगेहे च संप्रोक्ता मायया हरेः

gopīkrīḍā ca saṃproktā kṛṣṇakroḍe ca rādhikā | chāyā rāyaṇagehe ca saṃproktā māyayā hareḥ

Sanskrit only: no published translation is held for this verse.

शृङ्गारं षोडसविधं कृत्वा तु रासमण्डले । अन्तर्धानं हरेरेव राधया सह कानने

śṛṅgāraṃ ṣoḍasavidhaṃ kṛtvā tu rāsamaṇḍale | antardhānaṃ harereva rādhayā saha kānane

Sanskrit only: no published translation is held for this verse.

मलयागमनं चैव तया सार्धं द्विजोत्तम । राधामाधवयोश्चैव संवादस्तत्र निर्जने

malayāgamanaṃ caiva tayā sārdhaṃ dvijottama | rādhāmādhavayoścaiva saṃvādastatra nirjane

Sanskrit only: no published translation is held for this verse.

कैवल्यमपि गोपीनां प्रोक्तं नानाविधं मुने । पुनरागमनं चैव पुण्यं वृन्दावनं वनम्

kaivalyamapi gopīnāṃ proktaṃ nānāvidhaṃ mune | punarāgamanaṃ caiva puṇyaṃ vṛndāvanaṃ vanam

Sanskrit only: no published translation is held for this verse.

श्रीकृष्णदर्शनं चैव गोपीनां हर्षवर्थनम् । नानाप्रकारक्रीडा च प्रोक्ता तस्य जले स्थले

śrīkṛṣṇadarśanaṃ caiva gopīnāṃ harṣavarthanam | nānāprakārakrīḍā ca proktā tasya jale sthale

Sanskrit only: no published translation is held for this verse.

गोपीनामपि सौभाग्यं राधायाश्च विशेषतः । प्रोक्तं व्यासेन सौन्दर्य रम्यं रम्यं नवं नवम्

gopīnāmapi saubhāgyaṃ rādhāyāśca viśeṣataḥ | proktaṃ vyāsena saundarya ramyaṃ ramyaṃ navaṃ navam

Sanskrit only: no published translation is held for this verse.

नभःस्थितानां देवानां दर्शनं प्रोक्तमेव च । मनसः स्खलनं चैव देवीनां रासमण्डले

nabhaḥsthitānāṃ devānāṃ darśanaṃ proktameva ca | manasaḥ skhalanaṃ caiva devīnāṃ rāsamaṇḍale

Sanskrit only: no published translation is held for this verse.

अंशेन लेभिरे जन्म देव्यश्चोक्तमिदं द्विज । अक्रूरागमनं चैव गोपीनां च विलापनम्

aṃśena lebhire janma devyaścoktamidaṃ dvija | akrūrāgamanaṃ caiva gopīnāṃ ca vilāpanam

Sanskrit only: no published translation is held for this verse.

प्रोक्तं सर्वं क्रमेगैव चाक्रूरभर्त्सनं तथा । मथुरागमनं विष्णोः शोकं गोकुलवासिनाम्

proktaṃ sarvaṃ kramegaiva cākrūrabhartsanaṃ tathā | mathurāgamanaṃ viṣṇoḥ śokaṃ gokulavāsinām

Sanskrit only: no published translation is held for this verse.

राधिकाविरहज्वालाजालं प्रोक्तं यथोचितम् । स्वमूल्तिदर्शनं चैवमक्रूरं यमुनातटे

rādhikāvirahajvālājālaṃ proktaṃ yathocitam | svamūltidarśanaṃ caivamakrūraṃ yamunātaṭe

Sanskrit only: no published translation is held for this verse.

मथुरावेशनं प्रोक्तं निधनं रजकस्य च । कुब्जया सह संभोगस्तस्या मोक्षणमेव च

mathurāveśanaṃ proktaṃ nidhanaṃ rajakasya ca | kubjayā saha saṃbhogastasyā mokṣaṇameva ca

Sanskrit only: no published translation is held for this verse.

प्रसादनं कुविन्दस्य मालाकारस्य मोक्षणम् । धनुधो भञ्जनं शंभोर्हस्तिनो निधनं तथा

prasādanaṃ kuvindasya mālākārasya mokṣaṇam | dhanudho bhañjanaṃ śaṃbhorhastino nidhanaṃ tathā

Sanskrit only: no published translation is held for this verse.

सभाप्रवेशनं प्रोक्तं नानारूपप्रदर्शनम् । कंसस्य निधनं प्रोक्तं तद्बन्धूनां विलापनम्

sabhāpraveśanaṃ proktaṃ nānārūpapradarśanam | kaṃsasya nidhanaṃ proktaṃ tadbandhūnāṃ vilāpanam

Sanskrit only: no published translation is held for this verse.

संस्कारं तस्य विधिवद्राजत्वं तत्पितुस्तथा । विलापनं च नन्दस्य स्तवनं परमाद्भुतम्

saṃskāraṃ tasya vidhivadrājatvaṃ tatpitustathā | vilāpanaṃ ca nandasya stavanaṃ paramādbhutam

Sanskrit only: no published translation is held for this verse.

प्रोक्तस्तयोश्च संवादो निर्जने तातपुत्रयोः । परमाध्यात्मिकं ज्ञानं नन्दाय च ददौ विभुः

proktastayośca saṃvādo nirjane tātaputrayoḥ | paramādhyātmikaṃ jñānaṃ nandāya ca dadau vibhuḥ

Sanskrit only: no published translation is held for this verse.

मुनीनां गमनं चैव धन्योपाख्यानमेव च । कथितं च कुमारेण प्रोक्तमेव सुदुर्लभम्

munīnāṃ gamanaṃ caiva dhanyopākhyānameva ca | kathitaṃ ca kumāreṇa proktameva sudurlabham

Sanskrit only: no published translation is held for this verse.

उद्धवागमनं प्रोक्तं राधास्थानं च निर्जनम् । ज्ञानं तयोश्च संवादे प्रोक्तमेव शुभावहम्

uddhavāgamanaṃ proktaṃ rādhāsthānaṃ ca nirjanam | jñānaṃ tayośca saṃvāde proktameva śubhāvaham

Sanskrit only: no published translation is held for this verse.

यज्ञोपवीतं कृष्णस्य विद्यादानं गृरोर्गृहे । मृतपुत्रप्रदानं च प्रोक्तं तद्गुरवे पुरा

yajñopavītaṃ kṛṣṇasya vidyādānaṃ gṛrorgṛhe | mṛtaputrapradānaṃ ca proktaṃ tadgurave purā

Sanskrit only: no published translation is held for this verse.

जरासंधस्य दमनं निधनं यवनस्य च । द्वारकायाश्च निर्माणं विश्वकारोद्यमं तथा

jarāsaṃdhasya damanaṃ nidhanaṃ yavanasya ca | dvārakāyāśca nirmāṇaṃ viśvakārodyamaṃ tathā

Sanskrit only: no published translation is held for this verse.

द्वारकावेशनं प्रोक्तमुग्रसेनविलापनम् । रुक्मिणीहरणं चैव नृपाणां दमनं तथा

dvārakāveśanaṃ proktamugrasenavilāpanam | rukmiṇīharaṇaṃ caiva nṛpāṇāṃ damanaṃ tathā

Sanskrit only: no published translation is held for this verse.

सर्वासं कामिनीनां च प्रोक्तमुद्वाहनं तथा । मायावतीमोक्षणं च निधनं शम्बरस्य च

sarvāsaṃ kāminīnāṃ ca proktamudvāhanaṃ tathā | māyāvatīmokṣaṇaṃ ca nidhanaṃ śambarasya ca

Sanskrit only: no published translation is held for this verse.

धर्मपुत्रराजसूये शिशुपालस्य मोक्षणम् । दन्तवक्त्रस्य च मुनेः शाल्वस्य निधनं तथा

dharmaputrarājasūye śiśupālasya mokṣaṇam | dantavaktrasya ca muneḥ śālvasya nidhanaṃ tathā

Sanskrit only: no published translation is held for this verse.

मणेश्च हरणं चैव पारिजातस्य स्वर्गतः । कुरुपाण्डवयुद्धे च भुवश्च भारमोक्षणम्

maṇeśca haraṇaṃ caiva pārijātasya svargataḥ | kurupāṇḍavayuddhe ca bhuvaśca bhāramokṣaṇam

Sanskrit only: no published translation is held for this verse.

ऊषाया हरणं प्रोक्तं बाणस्य भुजकृन्तनम् । बलेश्च स्तवनं प्रोक्तमनिरुद्धस्य विक्रमः

ūṣāyā haraṇaṃ proktaṃ bāṇasya bhujakṛntanam | baleśca stavanaṃ proktamaniruddhasya vikramaḥ

Sanskrit only: no published translation is held for this verse.

राधायशोदासंवादः प्रोक्तः परमदुर्लभः । मोक्षणं च शृगालस्य प्रोक्तं च परमाद्भुतम्

rādhāyaśodāsaṃvādaḥ proktaḥ paramadurlabhaḥ | mokṣaṇaṃ ca śṛgālasya proktaṃ ca paramādbhutam

Sanskrit only: no published translation is held for this verse.

तीर्थयात्राप्रसङ्गेन गणेशपूजनं तथा । दर्शनं राधिकासार्धं कुष्णस्य परमात्मनः

tīrthayātrāprasaṅgena gaṇeśapūjanaṃ tathā | darśanaṃ rādhikāsārdhaṃ kuṣṇasya paramātmanaḥ

Sanskrit only: no published translation is held for this verse.

राधाया दर्शनं देव्या राधातेजःप्रकाशनम् । राधाय रमणं तीर्थे भ्रमणं रहसि स्मृतम्

rādhāyā darśanaṃ devyā rādhātejaḥprakāśanam | rādhāya ramaṇaṃ tīrthe bhramaṇaṃ rahasi smṛtam

Sanskrit only: no published translation is held for this verse.

निधनं यदुवंशानां ब्रह्मशापेन शौनक । मोक्षणं पाण्डवानां च स्वपदे गमनं हरेः

nidhanaṃ yaduvaṃśānāṃ brahmaśāpena śaunaka | mokṣaṇaṃ pāṇḍavānāṃ ca svapade gamanaṃ hareḥ

Sanskrit only: no published translation is held for this verse.

विवाहो नारदस्यैवोत्पत्तिर्वह्निसुवर्णयोः । प्रोक्तं सर्व महाभाग पुनरेव समासतः

vivāho nāradasyaivotpattirvahnisuvarṇayoḥ | proktaṃ sarva mahābhāga punareva samāsataḥ

Sanskrit only: no published translation is held for this verse.

चतुःखण्डैः पुराणं च ब्रह्मवैवर्तमेव च । अतः परं मुनिश्रेष्ठ किं भूयः श्रातुमिच्छसि

catuḥkhaṇḍaiḥ purāṇaṃ ca brahmavaivartameva ca | ataḥ paraṃ muniśreṣṭha kiṃ bhūyaḥ śrātumicchasi

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तo नारदनाo अनुक्रमणिकं नाम द्वात्रिंशदधिकशततमोऽध्यायः

iti śrībrahmao mahāo śrīkṛṣṇajanmakhao uttao nāradanāo anukramaṇikaṃ nāma dvātriṃśadadhikaśatatamo'dhyāyaḥ

Sanskrit only: no published translation is held for this verse.