Library·Brahmavaivarta Purāṇa·4·4.133
शौनक उवाच अध्य मे सफलं जन्म चीवितं च सुजीवितम् । यत्फलं ब्रह्मवैवर्ते निर्विघ्नं मोक्षकारणम्
śaunaka uvāca adhya me saphalaṃ janma cīvitaṃ ca sujīvitam | yatphalaṃ brahmavaivarte nirvighnaṃ mokṣakāraṇam
Sanskrit only: no published translation is held for this verse.
अभयं देहि हे वत्स हे तात मह्यमेव च । तदा निवेदनं किंचिदस्तीति च करोम्यहम्
abhayaṃ dehi he vatsa he tāta mahyameva ca | tadā nivedanaṃ kiṃcidastīti ca karomyaham
Sanskrit only: no published translation is held for this verse.
सूत उवाच त्यज भीतिं महाभाग प्रश्नं कुरु यदिच्छसि । सर्वं ते कथयिष्यामि यद्यद्गोप्यं मनोहरम्
sūta uvāca tyaja bhītiṃ mahābhāga praśnaṃ kuru yadicchasi | sarvaṃ te kathayiṣyāmi yadyadgopyaṃ manoharam
Sanskrit only: no published translation is held for this verse.
शौनक उवाच अधुना श्रोतुमिच्छामि पुराणानां च लक्षणम् । संख्यानमपि तेषां च फलमस्यैव पुत्रक
śaunaka uvāca adhunā śrotumicchāmi purāṇānāṃ ca lakṣaṇam | saṃkhyānamapi teṣāṃ ca phalamasyaiva putraka
Sanskrit only: no published translation is held for this verse.
सूत उवाच विस्तराणि पुराणानि चेतिहासश्च शौनक । संहितां पञ्चरात्राणि कथयामि यथागतम्
sūta uvāca vistarāṇi purāṇāni cetihāsaśca śaunaka | saṃhitāṃ pañcarātrāṇi kathayāmi yathāgatam
Sanskrit only: no published translation is held for this verse.
सर्गश्च प्रतिसर्गश्च वंशो मन्वन्तराणि च । वंशानुचरितं विप्र पुराणं पञ्चलक्षणम्
sargaśca pratisargaśca vaṃśo manvantarāṇi ca | vaṃśānucaritaṃ vipra purāṇaṃ pañcalakṣaṇam
Sanskrit only: no published translation is held for this verse.
एतदुपपुराणानां लक्षणं च विदुर्बुधाः । महतां च पुराणानां लक्षणं कथयामि ते
etadupapurāṇānāṃ lakṣaṇaṃ ca vidurbudhāḥ | mahatāṃ ca purāṇānāṃ lakṣaṇaṃ kathayāmi te
Sanskrit only: no published translation is held for this verse.
सृष्टिश्चापि विसृष्टिश्च स्थितिस्तेषां च पालनम् । कर्मणां वासना वार्तामनूनां चाक्रमेण च
sṛṣṭiścāpi visṛṣṭiśca sthitisteṣāṃ ca pālanam | karmaṇāṃ vāsanā vārtāmanūnāṃ cākrameṇa ca
Sanskrit only: no published translation is held for this verse.
वर्णनं प्रलयानां च मौक्षस्य च निरूपणम् । उत्कीर्तनं हरेरेव वेदानां च पृथक्पृथक्
varṇanaṃ pralayānāṃ ca maukṣasya ca nirūpaṇam | utkīrtanaṃ harereva vedānāṃ ca pṛthakpṛthak
Sanskrit only: no published translation is held for this verse.
दशाधिकं लक्षणं च महतां परिकीर्तितम् । संख्यानं च पुराणानां निबोध कथयामि ते
daśādhikaṃ lakṣaṇaṃ ca mahatāṃ parikīrtitam | saṃkhyānaṃ ca purāṇānāṃ nibodha kathayāmi te
Sanskrit only: no published translation is held for this verse.
परं ब्रह्मपुराणं च सहस्राणां दशैव तु । पञ्चोनषष्टिसाहस्रं पाद्ममेव प्रकीर्तितम्
paraṃ brahmapurāṇaṃ ca sahasrāṇāṃ daśaiva tu | pañconaṣaṣṭisāhasraṃ pādmameva prakīrtitam
Sanskrit only: no published translation is held for this verse.
त्रयोविंशतिसाहस्रं वैष्णवं च विदुर्बुधाः । चतुर्विंशतिसाहस्रं शैवं चैव निरूपितम्
trayoviṃśatisāhasraṃ vaiṣṇavaṃ ca vidurbudhāḥ | caturviṃśatisāhasraṃ śaivaṃ caiva nirūpitam
Sanskrit only: no published translation is held for this verse.
ग्रन्थोऽष्टादशसाहस्रं श्रीमद्भागवतं विदुः । पञ्चविंशतिसाहस्रं नारदीयं प्रकीर्तितम्
grantho'ṣṭādaśasāhasraṃ śrīmadbhāgavataṃ viduḥ | pañcaviṃśatisāhasraṃ nāradīyaṃ prakīrtitam
Sanskrit only: no published translation is held for this verse.
मार्कण्डं नवसाहस्रं पुराणं पण्डिता विदुः । चतुःशताधिकं पञ्चदशसाहस्रमेव च
mārkaṇḍaṃ navasāhasraṃ purāṇaṃ paṇḍitā viduḥ | catuḥśatādhikaṃ pañcadaśasāhasrameva ca
Sanskrit only: no published translation is held for this verse.
परमग्निपुराणं च रुचिरं परिसीर्तितम् । चतुर्दशसहस्राणि परं पञ्चशताधिकम्
paramagnipurāṇaṃ ca ruciraṃ parisīrtitam | caturdaśasahasrāṇi paraṃ pañcaśatādhikam
Sanskrit only: no published translation is held for this verse.
पुराणप्रवरं चैव भविष्यं परिकीर्तितम् । अष्टादशसहस्रं च ब्रह्मवैवर्तमीप्सितम्
purāṇapravaraṃ caiva bhaviṣyaṃ parikīrtitam | aṣṭādaśasahasraṃ ca brahmavaivartamīpsitam
Sanskrit only: no published translation is held for this verse.
सर्वेषां च पुराणानां सारमेव विदुर्बुधाः । एकादशसहस्रं तु परं लिङ्गपुराणकम्
sarveṣāṃ ca purāṇānāṃ sārameva vidurbudhāḥ | ekādaśasahasraṃ tu paraṃ liṅgapurāṇakam
Sanskrit only: no published translation is held for this verse.
चतुर्विंशतिसाहस्रं वाराहं परिकीर्तितम् । एकाशीतिसहस्रं च परमेव शताधिकम्
caturviṃśatisāhasraṃ vārāhaṃ parikīrtitam | ekāśītisahasraṃ ca parameva śatādhikam
Sanskrit only: no published translation is held for this verse.
वरं स्कन्दपुराणं च सद्भिरेवं निरूपितम् । वामनं दशसाहस्रं कौर्म सप्तदशैव तु
varaṃ skandapurāṇaṃ ca sadbhirevaṃ nirūpitam | vāmanaṃ daśasāhasraṃ kaurma saptadaśaiva tu
Sanskrit only: no published translation is held for this verse.
मात्स्यं चतुर्दश प्रोक्तं पुराणं पण्डितैस्तथा । ऊनविशतिसाहस्रं गारुडं परिकीर्तितम्
mātsyaṃ caturdaśa proktaṃ purāṇaṃ paṇḍitaistathā | ūnaviśatisāhasraṃ gāruḍaṃ parikīrtitam
Sanskrit only: no published translation is held for this verse.
परं द्वादशसाहस्रं ब्रह्माढं परिकीर्तितम् । एवं पुराणसंख्यानं चतुर्लक्षमुदाहृतम्
paraṃ dvādaśasāhasraṃ brahmāḍhaṃ parikīrtitam | evaṃ purāṇasaṃkhyānaṃ caturlakṣamudāhṛtam
Sanskrit only: no published translation is held for this verse.
अष्टादशपुराणानामेवमेव विदुर्बुधाः । एवं चोपपुराणानामष्टादश प्रकीर्तिता
aṣṭādaśapurāṇānāmevameva vidurbudhāḥ | evaṃ copapurāṇānāmaṣṭādaśa prakīrtitā
Sanskrit only: no published translation is held for this verse.
इतिहासो भारतं च वान्मीकं काव्यमेव च । पञ्चकं पञ्चरात्राणां कृष्णमाहात्म्यपूर्वकम्
itihāso bhārataṃ ca vānmīkaṃ kāvyameva ca | pañcakaṃ pañcarātrāṇāṃ kṛṣṇamāhātmyapūrvakam
Sanskrit only: no published translation is held for this verse.
वसिष्ठं नारदीयं च कापिलं गौतमीयकम् । परं सनत्कुमारीयं पञ्चरात्रं च पञ्चकम्
vasiṣṭhaṃ nāradīyaṃ ca kāpilaṃ gautamīyakam | paraṃ sanatkumārīyaṃ pañcarātraṃ ca pañcakam
Sanskrit only: no published translation is held for this verse.
पञ्चकं सहितानां च कृष्णभक्तिसमन्वितम् । ब्रह्मणाश्च शिवस्यापि प्रह्लादस्य तथैव च
pañcakaṃ sahitānāṃ ca kṛṣṇabhaktisamanvitam | brahmaṇāśca śivasyāpi prahlādasya tathaiva ca
Sanskrit only: no published translation is held for this verse.
गौतमस्य कुमारस्य संहिताः परिकीर्तिताः । इति ते कथितं सर्व क्रमेण च पृथक्पृथक्
gautamasya kumārasya saṃhitāḥ parikīrtitāḥ | iti te kathitaṃ sarva krameṇa ca pṛthakpṛthak
Sanskrit only: no published translation is held for this verse.
अस्त्येवं विपुलं शास्त्रं ममापि च यथागमम् । उवाचेदं पुराणं च गोलोके रासमण्डले
astyevaṃ vipulaṃ śāstraṃ mamāpi ca yathāgamam | uvācedaṃ purāṇaṃ ca goloke rāsamaṇḍale
Sanskrit only: no published translation is held for this verse.
श्रीकृष्णो भगवान्साक्षाद्ब्रह्माणं च स्वभक्तकम् । ब्रह्मा धर्म च धर्मिष्ठं धर्मो नारायणं मुनिम्
śrīkṛṣṇo bhagavānsākṣādbrahmāṇaṃ ca svabhaktakam | brahmā dharma ca dharmiṣṭhaṃ dharmo nārāyaṇaṃ munim
Sanskrit only: no published translation is held for this verse.
नारायणो नारदं च नारदो मां च भक्तकम् । अहं त्वां च मुनिश्रेष्ठ वरिष्ठं कथयामि तत्
nārāyaṇo nāradaṃ ca nārado māṃ ca bhaktakam | ahaṃ tvāṃ ca muniśreṣṭha variṣṭhaṃ kathayāmi tat
Sanskrit only: no published translation is held for this verse.
सुदर्लभं पुराणं च ब्रह्मवैवर्तमीप्सितम् । यद्वृणोत्येव विश्वौघं जीविनां परमात्मकम्
sudarlabhaṃ purāṇaṃ ca brahmavaivartamīpsitam | yadvṛṇotyeva viśvaughaṃ jīvināṃ paramātmakam
Sanskrit only: no published translation is held for this verse.
तद्ब्रह्म साक्षिरूपं च कर्मणामेव कर्मिणाम् । तद्ब्रह्म विवृतं यत्र तद्विभूतिमनुत्तमाम्
tadbrahma sākṣirūpaṃ ca karmaṇāmeva karmiṇām | tadbrahma vivṛtaṃ yatra tadvibhūtimanuttamām
Sanskrit only: no published translation is held for this verse.
तेनेदं ब्रह्मवैवर्तमित्येवं च बिदुर्बुधाः । पुण्यप्रदं पुराणं च मङ्गलं मङ्गलप्रदम्
tenedaṃ brahmavaivartamityevaṃ ca bidurbudhāḥ | puṇyapradaṃ purāṇaṃ ca maṅgalaṃ maṅgalapradam
Sanskrit only: no published translation is held for this verse.
सुगोप्यं च रहस्यं च यत्र रम्यं नवं नवम् । हरिभक्तिप्रदं चैव दुर्लभं हरिदास्यदम्
sugopyaṃ ca rahasyaṃ ca yatra ramyaṃ navaṃ navam | haribhaktipradaṃ caiva durlabhaṃ haridāsyadam
Sanskrit only: no published translation is held for this verse.
सुखदं ब्रह्मदं सारं शोकसंतापनाशनम् । सरितां च यथा गङ्गा सद्यो मुक्तिप्रदा शुभा
sukhadaṃ brahmadaṃ sāraṃ śokasaṃtāpanāśanam | saritāṃ ca yathā gaṅgā sadyo muktipradā śubhā
Sanskrit only: no published translation is held for this verse.
तिर्थातां पुष्करं शुद्धं यथा काशी पुरीषु च । सर्वेषु भारतं वर्षं सद्यो मुक्तिप्रदं शुभम्
tirthātāṃ puṣkaraṃ śuddhaṃ yathā kāśī purīṣu ca | sarveṣu bhārataṃ varṣaṃ sadyo muktipradaṃ śubham
Sanskrit only: no published translation is held for this verse.
यथा सुमेरुः शैलेषु पारिजातं च पुष्पतः । पत्रेषु तुलसीपत्रं व्रतेष्वेकादशीव्रतम्
yathā sumeruḥ śaileṣu pārijātaṃ ca puṣpataḥ | patreṣu tulasīpatraṃ vrateṣvekādaśīvratam
Sanskrit only: no published translation is held for this verse.
वृक्षेषु कल्पवृक्षश्च श्रीकृष्णश्च सुरेषु च । ज्ञानीन्द्रेषु महादेवो योगीन्द्रेषु गणेश्वरः
vṛkṣeṣu kalpavṛkṣaśca śrīkṛṣṇaśca sureṣu ca | jñānīndreṣu mahādevo yogīndreṣu gaṇeśvaraḥ
Sanskrit only: no published translation is held for this verse.
सिद्धेन्द्रेष्वेव कपिलः सूर्यस्तेजस्विनां यथा । सनत्कुमारो भगवान्वैष्णवेषु यथाऽग्रणीः
siddhendreṣveva kapilaḥ sūryastejasvināṃ yathā | sanatkumāro bhagavānvaiṣṇaveṣu yathā'graṇīḥ
Sanskrit only: no published translation is held for this verse.
भूपेषु च यथा रामो लक्ष्मणश्च धनुष्मताम् । देवीषु च यथा दुर्गा महापुण्यवती सती
bhūpeṣu ca yathā rāmo lakṣmaṇaśca dhanuṣmatām | devīṣu ca yathā durgā mahāpuṇyavatī satī
Sanskrit only: no published translation is held for this verse.
प्राणाधिका यथा राधा कृष्णस्य प्रेयसीषु च । ईश्वरीषु यथा लक्ष्मीः पण्डितेषु सरस्वती
prāṇādhikā yathā rādhā kṛṣṇasya preyasīṣu ca | īśvarīṣu yathā lakṣmīḥ paṇḍiteṣu sarasvatī
Sanskrit only: no published translation is held for this verse.
तथा सर्वपुराणेषु ब्रह्मवैवर्तमेव च । नातो दिशिष्टं सुखदं मधुरं च सुपुण्यदम्
tathā sarvapurāṇeṣu brahmavaivartameva ca | nāto diśiṣṭaṃ sukhadaṃ madhuraṃ ca supuṇyadam
Sanskrit only: no published translation is held for this verse.
संदेहभञ्जनं चैव पुराणं परिकीर्तितम् । इह लोके च सुखदं सुप्रदं सर्वसंपदाम्
saṃdehabhañjanaṃ caiva purāṇaṃ parikīrtitam | iha loke ca sukhadaṃ supradaṃ sarvasaṃpadām
Sanskrit only: no published translation is held for this verse.
शुभदं पुण्यदं चैव विघ्ननिघ्नकरं परम् । हरिदास्यप्रदं चैव परलोके प्रहर्षदम्
śubhadaṃ puṇyadaṃ caiva vighnanighnakaraṃ param | haridāsyapradaṃ caiva paraloke praharṣadam
Sanskrit only: no published translation is held for this verse.
यज्ञानामपि तीर्थानां व्रतानां तपसां तथा । भुवः प्रदक्षिणस्यापि फलं नास्य समानकम्
yajñānāmapi tīrthānāṃ vratānāṃ tapasāṃ tathā | bhuvaḥ pradakṣiṇasyāpi phalaṃ nāsya samānakam
Sanskrit only: no published translation is held for this verse.
चतुर्णामपि वेदानां पाठादपि वरं फलम् । श्रृणोतीदं पुराणं च संयतश्चेह पुत्रक
caturṇāmapi vedānāṃ pāṭhādapi varaṃ phalam | śrṛṇotīdaṃ purāṇaṃ ca saṃyataśceha putraka
Sanskrit only: no published translation is held for this verse.
गुणवन्तं च विद्वांसं वैष्णवं पुत्रमालभेत् । श्रृणोति दुर्भगा चेत्तु सौभाग्यं स्वामिनो लभेत्
guṇavantaṃ ca vidvāṃsaṃ vaiṣṇavaṃ putramālabhet | śrṛṇoti durbhagā cettu saubhāgyaṃ svāmino labhet
Sanskrit only: no published translation is held for this verse.
मृतवत्सा काकवन्ध्या महावन्ध्या च पापिनी । पुराणश्रवणाल्लेभे पुत्रं च चिरचीविनम्
mṛtavatsā kākavandhyā mahāvandhyā ca pāpinī | purāṇaśravaṇāllebhe putraṃ ca ciracīvinam
Sanskrit only: no published translation is held for this verse.
अपुत्रो लभते पुत्रमभार्यो लभते प्रियाम् । अस्पष्टकीर्तिः सुयशा मूर्खो भवति पण्डितः
aputro labhate putramabhāryo labhate priyām | aspaṣṭakīrtiḥ suyaśā mūrkho bhavati paṇḍitaḥ
Sanskrit only: no published translation is held for this verse.
रोगार्तो मुच्यते रोगाद्बद्धो मुच्येत बन्धनात् । भयान्मुच्येत भीतस्तु मुच्येतापन्न आपदः
rogārto mucyate rogādbaddho mucyeta bandhanāt | bhayānmucyeta bhītastu mucyetāpanna āpadaḥ
Sanskrit only: no published translation is held for this verse.
अरण्ये ब्रान्तरे भीतो दावाग्नो मुच्यते ध्रुवम् । अघं कुष्ठं च दारिद्र्यं रोगं शोकं च दारुणम्
araṇye brāntare bhīto dāvāgno mucyate dhruvam | aghaṃ kuṣṭhaṃ ca dāridryaṃ rogaṃ śokaṃ ca dāruṇam
Sanskrit only: no published translation is held for this verse.
पुण्यवान्श्रवणादेव नैव जानात्यपुण्यवान् । श्लोकार्ध श्लोकपादं वा यः शृणोति सुसंयतः
puṇyavānśravaṇādeva naiva jānātyapuṇyavān | ślokārdha ślokapādaṃ vā yaḥ śṛṇoti susaṃyataḥ
Sanskrit only: no published translation is held for this verse.
गोलक्षदानपुण्यं च लभते नात्र संशयः । युतुःखडं पुराणं च शुद्धकाले जितेन्द्रियः
golakṣadānapuṇyaṃ ca labhate nātra saṃśayaḥ | yutuḥkhaḍaṃ purāṇaṃ ca śuddhakāle jitendriyaḥ
Sanskrit only: no published translation is held for this verse.
संकल्पतो यः शृणोति भक्त्या दत्त्वा च दक्षिणाम् । यद्बाल्ये यच्चकौमारे वार्धके यच्च यौवने
saṃkalpato yaḥ śṛṇoti bhaktyā dattvā ca dakṣiṇām | yadbālye yaccakaumāre vārdhake yacca yauvane
Sanskrit only: no published translation is held for this verse.
कोटिजन्मार्जितात्पापान्मुच्यते नात्र संशयः । रत्ननिर्माणयानेन धृत्वा श्रीकृष्णरूपकम्
koṭijanmārjitātpāpānmucyate nātra saṃśayaḥ | ratnanirmāṇayānena dhṛtvā śrīkṛṣṇarūpakam
Sanskrit only: no published translation is held for this verse.
नित्यं गत्वा च गोलोकं कृष्णदास्यं लभेद्भूवम् । असंख्यब्रह्मणां पाते न भवेत्तस्य पातनम्
nityaṃ gatvā ca golokaṃ kṛṣṇadāsyaṃ labhedbhūvam | asaṃkhyabrahmaṇāṃ pāte na bhavettasya pātanam
Sanskrit only: no published translation is held for this verse.
समीपे पार्षदो भूत्वा सेवां च कुरुते चिरम् । श्रुत्वा च ब्रह्मखण्डं च सुस्नातः संयतः शुचिः
samīpe pārṣado bhūtvā sevāṃ ca kurute ciram | śrutvā ca brahmakhaṇḍaṃ ca susnātaḥ saṃyataḥ śuciḥ
Sanskrit only: no published translation is held for this verse.
पायसं पिष्टकं चैव फलं ताम्बूलमेव च । भोजयित्वा वाचकं च तस्मै दद्यात्सुवर्णकम्
pāyasaṃ piṣṭakaṃ caiva phalaṃ tāmbūlameva ca | bhojayitvā vācakaṃ ca tasmai dadyātsuvarṇakam
Sanskrit only: no published translation is held for this verse.
चन्दनं शुक्लमाल्यं च सूक्ष्मवस्त्रं मनोहरम् । निवेद्य वासुदेवं च वाचकाय प्रदीयते
candanaṃ śuklamālyaṃ ca sūkṣmavastraṃ manoharam | nivedya vāsudevaṃ ca vācakāya pradīyate
Sanskrit only: no published translation is held for this verse.
श्रुत्वा च प्रकृतेः खण्डं सुश्राव्यं च सुधोपमम् । भोजयित्वा च दध्यन्नं तस्मै दद्याच्च ।। काञ्चनम्
śrutvā ca prakṛteḥ khaṇḍaṃ suśrāvyaṃ ca sudhopamam | bhojayitvā ca dadhyannaṃ tasmai dadyācca || kāñcanam
Sanskrit only: no published translation is held for this verse.
सवत्सां सुरभिं रम्यां दद्याद्वै भक्तिपूर्वकम् । श्रुत्वा गणपतेः खण्डं विघ्ननाशाय संयतः
savatsāṃ surabhiṃ ramyāṃ dadyādvai bhaktipūrvakam | śrutvā gaṇapateḥ khaṇḍaṃ vighnanāśāya saṃyataḥ
Sanskrit only: no published translation is held for this verse.
स्वर्णयज्ञोपवीतं च श्वेताश्वच्छत्रमाल्यकम् । प्रदीयते वायकाय स्वस्तिकं तिललड्डुकम्
svarṇayajñopavītaṃ ca śvetāśvacchatramālyakam | pradīyate vāyakāya svastikaṃ tilalaḍḍukam
Sanskrit only: no published translation is held for this verse.
परिपक्वफलान्येव कालदेशोद्भवानि च । श्रीकृष्णजन्मखण्डं च श्रुत्वा भक्तश्च भक्तितः
paripakvaphalānyeva kāladeśodbhavāni ca | śrīkṛṣṇajanmakhaṇḍaṃ ca śrutvā bhaktaśca bhaktitaḥ
Sanskrit only: no published translation is held for this verse.
वाचकाय प्रदद्याच्च परं रत्नाङ्गुलीयकम् । सूक्ष्मवस्त्रं च माल्यं च स्वर्णकुण्डलमुत्तमम्
vācakāya pradadyācca paraṃ ratnāṅgulīyakam | sūkṣmavastraṃ ca mālyaṃ ca svarṇakuṇḍalamuttamam
Sanskrit only: no published translation is held for this verse.
माल्यं च वरदोलां च सुपक्वं क्षीरमेव च । सर्वस्वं दक्षिणां दद्यात्स्तवनं कुरुते ध्रुवम्
mālyaṃ ca varadolāṃ ca supakvaṃ kṣīrameva ca | sarvasvaṃ dakṣiṇāṃ dadyātstavanaṃ kurute dhruvam
Sanskrit only: no published translation is held for this verse.
शतकं ब्राह्मणानां च भोजयेत्परमादरात् । ब्रह्मणं वैष्णवं शास्त्रनिष्णातं पण्डितं वरम्
śatakaṃ brāhmaṇānāṃ ca bhojayetparamādarāt | brahmaṇaṃ vaiṣṇavaṃ śāstraniṣṇātaṃ paṇḍitaṃ varam
Sanskrit only: no published translation is held for this verse.
कुरुते वाचकं शुद्धमन्यथा निष्फलं भवेत् । श्रीकृष्ण विमुखाद्दुष्टान्नोपदिष्टाच्च ब्राह्मणात्
kurute vācakaṃ śuddhamanyathā niṣphalaṃ bhavet | śrīkṛṣṇa vimukhādduṣṭānnopadiṣṭācca brāhmaṇāt
Sanskrit only: no published translation is held for this verse.
श्रीकृष्णभक्तियुक्तं च पुराणं यः शृणोति च । भक्तिं पुण्यं न लभते हन्ति पुण्यं पुराकृतम्
śrīkṛṣṇabhaktiyuktaṃ ca purāṇaṃ yaḥ śṛṇoti ca | bhaktiṃ puṇyaṃ na labhate hanti puṇyaṃ purākṛtam
Sanskrit only: no published translation is held for this verse.
श्रीकृष्णभक्तियुक्ताच्च पुराणं यः शृणोति च । भक्तिं पुण्यं च लभते यात्यन्ते श्रोहरेः पदम्
śrīkṛṣṇabhaktiyuktācca purāṇaṃ yaḥ śṛṇoti ca | bhaktiṃ puṇyaṃ ca labhate yātyante śrohareḥ padam
Sanskrit only: no published translation is held for this verse.
एतत्ते कथितं सर्व यच्छ्रु तं गुरुवक्त्रतः । बिदायं देहि विप्रेन्द्र यामि नारायणाश्रमम्
etatte kathitaṃ sarva yacchru taṃ guruvaktrataḥ | bidāyaṃ dehi viprendra yāmi nārāyaṇāśramam
Sanskrit only: no published translation is held for this verse.
दृष्ट्वा विप्रसमूहं च नमस्कर्तुं समागतः । कथितं ब्रह्मवैवर्तं भवतामाज्ञया परम्
dṛṣṭvā viprasamūhaṃ ca namaskartuṃ samāgataḥ | kathitaṃ brahmavaivartaṃ bhavatāmājñayā param
Sanskrit only: no published translation is held for this verse.
नमोऽस्तु ब्राह्मणेभ्यश्च कृष्णाय परमात्मने । शिवाय ब्रह्मणे नित्यं गणेशाय नमो नमः
namo'stu brāhmaṇebhyaśca kṛṣṇāya paramātmane | śivāya brahmaṇe nityaṃ gaṇeśāya namo namaḥ
Sanskrit only: no published translation is held for this verse.
कायेन मनसा वाचा परं भक्त्या दिवानिशम् । भज सत्यं परं ब्रह्म राधेशं त्रिगुणात्परम्
kāyena manasā vācā paraṃ bhaktyā divāniśam | bhaja satyaṃ paraṃ brahma rādheśaṃ triguṇātparam
Sanskrit only: no published translation is held for this verse.
नमो देव्यै सरस्वत्यै पुराणगुरवे नमः । सर्वविघ्नविनाशिन्यै दुर्गादेव्यै नमो नमः
namo devyai sarasvatyai purāṇagurave namaḥ | sarvavighnavināśinyai durgādevyai namo namaḥ
Sanskrit only: no published translation is held for this verse.
युष्माकं पादद्मानि दृष्ट्वा पुण्यानि शौनक । अद्य सिद्धाश्रमं यामि यत्र देवो गणेश्वरः
yuṣmākaṃ pādadmāni dṛṣṭvā puṇyāni śaunaka | adya siddhāśramaṃ yāmi yatra devo gaṇeśvaraḥ
Sanskrit only: no published translation is held for this verse.
इति श्रीब्रह्मवैवर्ते महापुराणे श्रीकृष्णजन्मखण्ड उत्तरार्धे नारदनारयणसंवादे सूतशौनकसंवादे त्रयस्त्रिंदशधिकशततमोऽध्यायः
iti śrībrahmavaivarte mahāpurāṇe śrīkṛṣṇajanmakhaṇḍa uttarārdhe nāradanārayaṇasaṃvāde sūtaśaunakasaṃvāde trayastriṃdaśadhikaśatatamo'dhyāyaḥ
Sanskrit only: no published translation is held for this verse.