Library·Brahmavaivarta Purāṇa·4·4.38
श्रीकृष्ण उवाच ।। दर्पभङ्गः श्रुतो देवि शङ्करस्य जगद्गुरोः ।। अधुना श्रूयतां मत्तो दुर्गादर्पविमोचनम्
śrīkṛṣṇa uvāca || darpabhaṅgaḥ śruto devi śaṅkarasya jagadguroḥ || adhunā śrūyatāṃ matto durgādarpavimocanam
Sanskrit only: no published translation is held for this verse.
तेजसा सर्वदेवानामाविर्भूय जगत्प्रसूः ।। दधार कामिनीरूपं कमनीयं मनोहरम्
tejasā sarvadevānāmāvirbhūya jagatprasūḥ || dadhāra kāminīrūpaṃ kamanīyaṃ manoharam
Sanskrit only: no published translation is held for this verse.
निहत्य दानवेन्द्रांश्च ररक्ष देवताकुलम् ।। लेभे जन्म ततो देवी जठरे दक्षयोषितः
nihatya dānavendrāṃśca rarakṣa devatākulam || lebhe janma tato devī jaṭhare dakṣayoṣitaḥ
Sanskrit only: no published translation is held for this verse.
पिनाकपाणिं जग्राह सा देवी सुरसाधनम् ।। शश्वत्परमभक्त्या च सिषेवे स्वामिनं सती
pinākapāṇiṃ jagrāha sā devī surasādhanam || śaśvatparamabhaktyā ca siṣeve svāminaṃ satī
Sanskrit only: no published translation is held for this verse.
दक्षेण सार्द्धं देवेन बभूव शिवशत्रुता ।। निरर्थकं दैवयोगात्पुरा वै सुरसंसदि
dakṣeṇa sārddhaṃ devena babhūva śivaśatrutā || nirarthakaṃ daivayogātpurā vai surasaṃsadi
Sanskrit only: no published translation is held for this verse.
दक्षश्चकार यज्ञं च तत आगत्य कोपतः ।। सर्वान्विज्ञापयामास तत्रैव शंकरं विना
dakṣaścakāra yajñaṃ ca tata āgatya kopataḥ || sarvānvijñāpayāmāsa tatraiva śaṃkaraṃ vinā
Sanskrit only: no published translation is held for this verse.
सस्त्रीका देवताः सर्वा आजग्मुर्दक्षमन्दिरम् ।। सगणः शङ्करः कोपान्नाजगामाभिमानतः
sastrīkā devatāḥ sarvā ājagmurdakṣamandiram || sagaṇaḥ śaṅkaraḥ kopānnājagāmābhimānataḥ
Sanskrit only: no published translation is held for this verse.
सती पतिं च मोहेन बोधयामास यत्नतः ।। न तं चालयितुं शक्ता बभूव चञ्चला स्वयम्
satī patiṃ ca mohena bodhayāmāsa yatnataḥ || na taṃ cālayituṃ śaktā babhūva cañcalā svayam
Sanskrit only: no published translation is held for this verse.
आजगाम पितुर्गेहं दर्पात्तस्य विनाऽऽज्ञया ।। तस्य शापेन तस्याश्च दर्पभङ्गो बभूव ह
ājagāma piturgehaṃ darpāttasya vinā''jñayā || tasya śāpena tasyāśca darpabhaṅgo babhūva ha
Sanskrit only: no published translation is held for this verse.
न हि संभाषणं चक्रे वाङ्मात्रेण पिता च ताम् ।। श्रुत्वा च निन्दां भर्तुश्च देहं तत्याज मानतः
na hi saṃbhāṣaṇaṃ cakre vāṅmātreṇa pitā ca tām || śrutvā ca nindāṃ bhartuśca dehaṃ tatyāja mānataḥ
Sanskrit only: no published translation is held for this verse.
एवं प्रिये निगदितं सतीदर्पविमोचनम् ।। तस्या जन्मान्तरं नित्यं दर्पभङ्गश्च श्रूयताम्
evaṃ priye nigaditaṃ satīdarpavimocanam || tasyā janmāntaraṃ nityaṃ darpabhaṅgaśca śrūyatām
Sanskrit only: no published translation is held for this verse.
लेभे जन्म सती शीघ्रं जठरे शैलयोषितः ।। शिवस्तस्याश्चिताभस्म चास्थि जग्राह भक्तितः
lebhe janma satī śīghraṃ jaṭhare śailayoṣitaḥ || śivastasyāścitābhasma cāsthi jagrāha bhaktitaḥ
Sanskrit only: no published translation is held for this verse.
चकार मालामस्थ्नां च भस्मना तनुलेपनम् ।। स्मारंस्मारं सतीं प्रेम्णा भ्रामंभ्रामं पुनःपुनः
cakāra mālāmasthnāṃ ca bhasmanā tanulepanam || smāraṃsmāraṃ satīṃ premṇā bhrāmaṃbhrāmaṃ punaḥpunaḥ
Sanskrit only: no published translation is held for this verse.
सुषाव मेना तां देवीमतीव सुमनोहराम् ।। सृष्टौ विधातुस्तस्याश्च ह्युपमा नास्ति कुत्र च
suṣāva menā tāṃ devīmatīva sumanoharām || sṛṣṭau vidhātustasyāśca hyupamā nāsti kutra ca
Sanskrit only: no published translation is held for this verse.
गुणप्रसूर्गुणान्सर्वान्सर्वरूपान्बिभर्त्ति सा ।। सर्वाश्च देवपत्न्यस्तत्कलां नार्हन्ति षोडशीम्
guṇaprasūrguṇānsarvānsarvarūpānbibhartti sā || sarvāśca devapatnyastatkalāṃ nārhanti ṣoḍaśīm
Sanskrit only: no published translation is held for this verse.
बभूव वर्द्धमाना सा शुक्ले चन्द्रकला यथा ।। अतीव यौवनस्था च शैलगेहे दिनेदिने
babhūva varddhamānā sā śukle candrakalā yathā || atīva yauvanasthā ca śailagehe dinedine
Sanskrit only: no published translation is held for this verse.
बभूवाकाशवाणी च तां संबोध्य जगत्प्रसूम् ।। शिवे शिवं च तपसा कठोरेण लभेति च
babhūvākāśavāṇī ca tāṃ saṃbodhya jagatprasūm || śive śivaṃ ca tapasā kaṭhoreṇa labheti ca
Sanskrit only: no published translation is held for this verse.
विनेश्वरं न तपसा प्राप्ता हि गर्भसम्भवम् ।। प्रहस्य तस्थौ श्रुत्वेति सा च यौवनगर्विता
vineśvaraṃ na tapasā prāptā hi garbhasambhavam || prahasya tasthau śrutveti sā ca yauvanagarvitā
Sanskrit only: no published translation is held for this verse.
मम जन्मान्तरीयं च भस्मास्थि च बिभर्ति यः ।। स मां प्रौढां कथं दृष्ट्वा न गृह्णात्यत्र जन्मनि
mama janmāntarīyaṃ ca bhasmāsthi ca bibharti yaḥ || sa māṃ prauḍhāṃ kathaṃ dṛṣṭvā na gṛhṇātyatra janmani
Sanskrit only: no published translation is held for this verse.
यो विदग्धश्च ब्रह्माण्डं बभ्राम मम शोकतः ।। स कथं मां न गृह्णाति दृष्ट्वा परमसुन्दरीम्
yo vidagdhaśca brahmāṇḍaṃ babhrāma mama śokataḥ || sa kathaṃ māṃ na gṛhṇāti dṛṣṭvā paramasundarīm
Sanskrit only: no published translation is held for this verse.
दक्षयज्ञं यो बभञ्ज मम हेतोः कृपानिधिः ।। स कथं मां न गृह्णाति पत्नीं जन्मनिजन्मनि
dakṣayajñaṃ yo babhañja mama hetoḥ kṛpānidhiḥ || sa kathaṃ māṃ na gṛhṇāti patnīṃ janmanijanmani
Sanskrit only: no published translation is held for this verse.
या यस्य पत्नी यो यस्या भर्ता प्राक्तनतः पुरा ।। कुतो विश्वे तयोर्भेदो निषेको नान्यथा भवेत्
yā yasya patnī yo yasyā bhartā prāktanataḥ purā || kuto viśve tayorbhedo niṣeko nānyathā bhavet
Sanskrit only: no published translation is held for this verse.
सर्वरूपगुणाधारं मत्वा स्वमतिमानतः ।। न चकार तपः साध्वी न विज्ञाय तमीश्वरम्
sarvarūpaguṇādhāraṃ matvā svamatimānataḥ || na cakāra tapaḥ sādhvī na vijñāya tamīśvaram
Sanskrit only: no published translation is held for this verse.
सुन्दरीषु च सर्वासु मत्तो नास्त्येव सुन्दरी ।। हृदीति मत्वा गर्वेण न चकार तपः शिवा
sundarīṣu ca sarvāsu matto nāstyeva sundarī || hṛdīti matvā garveṇa na cakāra tapaḥ śivā
Sanskrit only: no published translation is held for this verse.
हृदीति मत्वा गिरिजा तस्थौ हिमगिरेर्गृहे ।। शश्वत्सहचरीमध्ये क्रीडोन्मत्ता दिवानिशम्
hṛdīti matvā girijā tasthau himagirergṛhe || śaśvatsahacarīmadhye krīḍonmattā divāniśam
Sanskrit only: no published translation is held for this verse.
एतस्मिन्नन्तरे तूर्णं दूतः शैलेन्द्रसंसदि ।। उवाचागत्य मधुरं तत्पुरः संपुटाञ्जलिः
etasminnantare tūrṇaṃ dūtaḥ śailendrasaṃsadi || uvācāgatya madhuraṃ tatpuraḥ saṃpuṭāñjaliḥ
Sanskrit only: no published translation is held for this verse.
दूत उवाच ।। उत्तिष्ठोत्तिष्ठ शैलेन्द्र गच्छाक्षयवटान्तिकम् ।। आजगाम महादेवः सगणो वृषवाहनः
dūta uvāca || uttiṣṭhottiṣṭha śailendra gacchākṣayavaṭāntikam || ājagāma mahādevaḥ sagaṇo vṛṣavāhanaḥ
Sanskrit only: no published translation is held for this verse.
रूपयौवनवेषाणां पुमान्ग्राही स्वयोषिताम् ।। शिवो मच्छ्रुतिमात्रेण मां गृह्णाति विना तपः
rūpayauvanaveṣāṇāṃ pumāngrāhī svayoṣitām || śivo macchrutimātreṇa māṃ gṛhṇāti vinā tapaḥ
Sanskrit only: no published translation is held for this verse.
सिद्धिस्वरूपं सिद्धेशं योगीन्द्राणां गुरोर्गुरुम् ।। मृत्युञ्जयं कालकालं ब्रह्मज्योतिः सनातनम्
siddhisvarūpaṃ siddheśaṃ yogīndrāṇāṃ gurorgurum || mṛtyuñjayaṃ kālakālaṃ brahmajyotiḥ sanātanam
Sanskrit only: no published translation is held for this verse.
परमात्मस्वरूपं च सगुणं निर्गुणं विभुम् ।। भक्तध्यानार्थममलं दधानं देहमीश्वरम् ।।
paramātmasvarūpaṃ ca saguṇaṃ nirguṇaṃ vibhum || bhaktadhyānārthamamalaṃ dadhānaṃ dehamīśvaram ||
Sanskrit only: no published translation is held for this verse.
शैलो दूतवचः श्रुत्वा समुत्तस्थौ मुदाऽन्वितः ।। मधुपर्कादिकं नीत्वा जगाम शङ्करान्तिकम्
śailo dūtavacaḥ śrutvā samuttasthau mudā'nvitaḥ || madhuparkādikaṃ nītvā jagāma śaṅkarāntikam
Sanskrit only: no published translation is held for this verse.
देवी दूतवचः श्रुत्वा प्रसन्नवदनेक्षणा ।। हृदीति मेने मद्धेतोराजगाम महेश्वरः
devī dūtavacaḥ śrutvā prasannavadanekṣaṇā || hṛdīti mene maddhetorājagāma maheśvaraḥ
Sanskrit only: no published translation is held for this verse.
चकार वेषमतुलं दधार वस्त्रमुत्तमम्।। रत्नेन्द्रसारालंकारान्रत्नमालां मनोहराम्
cakāra veṣamatulaṃ dadhāra vastramuttamam|| ratnendrasārālaṃkārānratnamālāṃ manoharām
Sanskrit only: no published translation is held for this verse.
पारिजातप्रसूनानां मालां चन्दनसंयुताम् ।। चकार शङ्करार्थं च मत्वा मालां मनोहराम्
pārijātaprasūnānāṃ mālāṃ candanasaṃyutām || cakāra śaṅkarārthaṃ ca matvā mālāṃ manoharām
Sanskrit only: no published translation is held for this verse.
रत्नसिंहासनस्था सा ददर्श दर्पणे मुखम् ।। कस्तूरीबिन्दुना सार्द्धं सिन्दूरबिन्दुभूषितम्
ratnasiṃhāsanasthā sā dadarśa darpaṇe mukham || kastūrībindunā sārddhaṃ sindūrabindubhūṣitam
Sanskrit only: no published translation is held for this verse.
आरक्त नेत्रयुगलं निर्मलाञ्जनसंयुतम्।। शरन्मध्याह्नममलं यथालिपंक्तिवेष्टितम्
ārakta netrayugalaṃ nirmalāñjanasaṃyutam|| śaranmadhyāhnamamalaṃ yathālipaṃktiveṣṭitam
Sanskrit only: no published translation is held for this verse.
सुकोमलौष्ठयुगुलं ताम्बूलरागसंयुतम्।। अतीव सुन्दरं रम्यपक्वबिंबफलं यथा
sukomalauṣṭhayugulaṃ tāmbūlarāgasaṃyutam|| atīva sundaraṃ ramyapakvabiṃbaphalaṃ yathā
Sanskrit only: no published translation is held for this verse.
रत्नकुंडलदीप्त्या च गंडस्थलविराजितम् ।। सूर्योदयेन ज्वलितं सुमेरुशिखरं यथा
ratnakuṃḍaladīptyā ca gaṃḍasthalavirājitam || sūryodayena jvalitaṃ sumeruśikharaṃ yathā
Sanskrit only: no published translation is held for this verse.
अत्यनिर्वचनीयं च दन्तपंक्तिमनोहरम् ।। यथा मुक्तासमूहं च सजलं जलदागमे
atyanirvacanīyaṃ ca dantapaṃktimanoharam || yathā muktāsamūhaṃ ca sajalaṃ jaladāgame
Sanskrit only: no published translation is held for this verse.
गजमुक्तासमायुक्तं सुचारुनासिकोत्तमम् ।। सुशोभितं यथा मेरुं स्वर्णदीजलधारया
gajamuktāsamāyuktaṃ sucārunāsikottamam || suśobhitaṃ yathā meruṃ svarṇadījaladhārayā
Sanskrit only: no published translation is held for this verse.
मालतीमाल्यसंयुक्तकबरीभारसंयुतम्।। बकपंक्तिसुशोभाढ्यं नवीनं जलदं यथा
mālatīmālyasaṃyuktakabarībhārasaṃyutam|| bakapaṃktisuśobhāḍhyaṃ navīnaṃ jaladaṃ yathā
Sanskrit only: no published translation is held for this verse.
तप्तकाञ्चन वर्णाभं चारुवक्षःस्थलोज्ज्वलम् ।। रत्नेन्द्रसारहाराक्तं कस्तूरीकुङ्कुमान्वितम्
taptakāñcana varṇābhaṃ cāruvakṣaḥsthalojjvalam || ratnendrasārahārāktaṃ kastūrīkuṅkumānvitam
Sanskrit only: no published translation is held for this verse.
चारुचम्पकवर्णाभं स्तनयुग्मं मनोहरम् ।। बदरीफलतुल्यं च चारुपत्रकशोभितम्
cārucampakavarṇābhaṃ stanayugmaṃ manoharam || badarīphalatulyaṃ ca cārupatrakaśobhitam
Sanskrit only: no published translation is held for this verse.
मध्यं मनोहरं क्षीणं निम्ननाभिस्थलोज्ज्वलम्।। अतीव सुन्दरं रम्यमुदरं वर्तुलाकृति
madhyaṃ manoharaṃ kṣīṇaṃ nimnanābhisthalojjvalam|| atīva sundaraṃ ramyamudaraṃ vartulākṛti
Sanskrit only: no published translation is held for this verse.
रम्भास्तंभविनिंद्यैकमूरुयुग्मं मनोहरम् ।। कामालयं सुकठिनं निगूढमंशुकेन च
rambhāstaṃbhaviniṃdyaikamūruyugmaṃ manoharam || kāmālayaṃ sukaṭhinaṃ nigūḍhamaṃśukena ca
Sanskrit only: no published translation is held for this verse.
स्थलपद्मप्रभामुष्टपदयुग्मं मनोहरम्।। रत्नपाशकसंयुक्तं सिद्धालक्तकभूषितम्
sthalapadmaprabhāmuṣṭapadayugmaṃ manoharam|| ratnapāśakasaṃyuktaṃ siddhālaktakabhūṣitam
Sanskrit only: no published translation is held for this verse.
दधतं रत्नमञ्जीरं राजहंसानुकारि च।। रत्नेन्द्रसाराभरणं निर्मितं विश्वकर्मणा
dadhataṃ ratnamañjīraṃ rājahaṃsānukāri ca|| ratnendrasārābharaṇaṃ nirmitaṃ viśvakarmaṇā
Sanskrit only: no published translation is held for this verse.
करं सुकोमलतरं सुन्दरं कनकप्रभम् ।। रत्नकङ्कणकेयूरशंखभूषणभूषितम्
karaṃ sukomalataraṃ sundaraṃ kanakaprabham || ratnakaṅkaṇakeyūraśaṃkhabhūṣaṇabhūṣitam
Sanskrit only: no published translation is held for this verse.
बिभ्रत्सद्रत्नमुकुरं लीलाकमलमुज्ज्वलम्।। रत्नाङ्गुलीयमतुलं दधतं सुमनोहरम्
bibhratsadratnamukuraṃ līlākamalamujjvalam|| ratnāṅgulīyamatulaṃ dadhataṃ sumanoharam
Sanskrit only: no published translation is held for this verse.
दृष्ट्वा स्वरूपमतुलं दध्यौ शङ्करमीश्वरम् ।। विशिष्य मनसा शश्वद्भर्तुश्चरणपङ्कजम्
dṛṣṭvā svarūpamatulaṃ dadhyau śaṅkaramīśvaram || viśiṣya manasā śaśvadbhartuścaraṇapaṅkajam
Sanskrit only: no published translation is held for this verse.
पितरं मातरं बन्धुं साध्वीवर्गं सहोदरम् ।। अन्तरे सा न सस्मार किंचिदेव शिवं विना
pitaraṃ mātaraṃ bandhuṃ sādhvīvargaṃ sahodaram || antare sā na sasmāra kiṃcideva śivaṃ vinā
Sanskrit only: no published translation is held for this verse.
अथ शैलेश्वरस्तत्र ददर्श चन्द्रशेखरम् ।। स्वर्णदीपुलिनाद्रम्यादुत्पतन्तं च सस्मितम्
atha śaileśvarastatra dadarśa candraśekharam || svarṇadīpulinādramyādutpatantaṃ ca sasmitam
Sanskrit only: no published translation is held for this verse.
दधतं संस्कृतां मालां जपन्तं मम नामकम् ।। तप्तस्वर्णप्रभाजुष्टजटाराशि विराजितम्
dadhataṃ saṃskṛtāṃ mālāṃ japantaṃ mama nāmakam || taptasvarṇaprabhājuṣṭajaṭārāśi virājitam
Sanskrit only: no published translation is held for this verse.
वृषभस्थं शूलपाणिं सर्वभूषणराजितम् ।। नागयज्ञोपवीतं च सर्पभूषणभूषितम्
vṛṣabhasthaṃ śūlapāṇiṃ sarvabhūṣaṇarājitam || nāgayajñopavītaṃ ca sarpabhūṣaṇabhūṣitam
Sanskrit only: no published translation is held for this verse.
शुद्धस्फटिकसंकाशं व्याघ्रचर्मधरं परम् ।। विभूतिभूषिताङ्गं तमस्थिमालं दिगम्बरम्
śuddhasphaṭikasaṃkāśaṃ vyāghracarmadharaṃ param || vibhūtibhūṣitāṅgaṃ tamasthimālaṃ digambaram
Sanskrit only: no published translation is held for this verse.
पञ्चवक्त्रं त्रिनयनं सूर्यकोटिसमप्रभम् ।। ददर्श रुद्रान्परितो ज्वलतो ब्रह्मतेजसा
pañcavaktraṃ trinayanaṃ sūryakoṭisamaprabham || dadarśa rudrānparito jvalato brahmatejasā
Sanskrit only: no published translation is held for this verse.
शिववामे महाकालं दक्षिणे नन्दिकेश्वरम् ।। भूतप्रेतपिशाचांश्च कूष्माण्डान्ब्रह्मराक्षसान्
śivavāme mahākālaṃ dakṣiṇe nandikeśvaram || bhūtapretapiśācāṃśca kūṣmāṇḍānbrahmarākṣasān
Sanskrit only: no published translation is held for this verse.
वेतालान्क्षेत्रपालांश्च भैरवान्भीमविक्रमान् ।। सनकं च सनन्दं च कुमारं च सनातनम्
vetālānkṣetrapālāṃśca bhairavānbhīmavikramān || sanakaṃ ca sanandaṃ ca kumāraṃ ca sanātanam
Sanskrit only: no published translation is held for this verse.
जैगीषव्यं देवलं च काणादं गौतमं तथा ।। पिप्पलादं कणखनं वोढुं पञ्चशिखं कठम्
jaigīṣavyaṃ devalaṃ ca kāṇādaṃ gautamaṃ tathā || pippalādaṃ kaṇakhanaṃ voḍhuṃ pañcaśikhaṃ kaṭham
Sanskrit only: no published translation is held for this verse.
जाजलिं करखं कर्णं लोमशं सूर्यवर्चसम् ।। कात्यायनं पाणिनिं च शंखं दुर्वाससं ततः
jājaliṃ karakhaṃ karṇaṃ lomaśaṃ sūryavarcasam || kātyāyanaṃ pāṇiniṃ ca śaṃkhaṃ durvāsasaṃ tataḥ
Sanskrit only: no published translation is held for this verse.
शातातपं पारिभद्रमष्टावक्रं मरुद्भवम् ।। एतान्पुरोगमान्नत्वा प्रणनाम शिवं गिरिः
śātātapaṃ pāribhadramaṣṭāvakraṃ marudbhavam || etānpurogamānnatvā praṇanāma śivaṃ giriḥ
Sanskrit only: no published translation is held for this verse.
मूर्ध्ना निपत्य भूमौ स दण्डवत्संपुटाञ्जलिः ।। अथो अनल्पया भक्त्या धृत्वा तच्चरणाम्बुजम् ।। ननाम चाश्रुनेत्रः स पुलकाञ्चितविग्रहः
mūrdhnā nipatya bhūmau sa daṇḍavatsaṃpuṭāñjaliḥ || atho analpayā bhaktyā dhṛtvā taccaraṇāmbujam || nanāma cāśrunetraḥ sa pulakāñcitavigrahaḥ
Sanskrit only: no published translation is held for this verse.
धर्मदत्तेन स्तोत्रेण तुष्टाव परमेश्वरम् ।। तुष्टे ब्राह्मे दिनेऽतीते पुष्करे सूर्यपर्वणि
dharmadattena stotreṇa tuṣṭāva parameśvaram || tuṣṭe brāhme dine'tīte puṣkare sūryaparvaṇi
Sanskrit only: no published translation is held for this verse.
हिमालय उवाच ।। त्वं ब्रह्मा सृष्टिकर्ता च त्वं विष्णुः परिपालकः
himālaya uvāca || tvaṃ brahmā sṛṣṭikartā ca tvaṃ viṣṇuḥ paripālakaḥ
Sanskrit only: no published translation is held for this verse.
त्वं शिवः शिवदोऽनन्तः सर्वसंहारकारकः ।। त्वमीश्वरो गुणातीतो ज्योतीरूपः सनातनः
tvaṃ śivaḥ śivado'nantaḥ sarvasaṃhārakārakaḥ || tvamīśvaro guṇātīto jyotīrūpaḥ sanātanaḥ
Sanskrit only: no published translation is held for this verse.
प्रकृतः प्रकृतीशश्च प्राकृतः प्रकृतेः परः ।। नानारूपविधाता त्वं भक्तानां ध्यानहेतवे ।। येषु रूपेषु यत्प्रीतिस्तत्तद्रूपं बिभर्षि च
prakṛtaḥ prakṛtīśaśca prākṛtaḥ prakṛteḥ paraḥ || nānārūpavidhātā tvaṃ bhaktānāṃ dhyānahetave || yeṣu rūpeṣu yatprītistattadrūpaṃ bibharṣi ca
Sanskrit only: no published translation is held for this verse.
सूर्यस्त्वं सृष्टिजनक आधारः सर्वतेजसाम् ।। सोमस्त्वं सस्यपाता च सततं शीतरश्मिना
sūryastvaṃ sṛṣṭijanaka ādhāraḥ sarvatejasām || somastvaṃ sasyapātā ca satataṃ śītaraśminā
Sanskrit only: no published translation is held for this verse.
वायुस्त्वं वरुणस्त्वं च त्वमग्निः सर्वदाहकः ।। इन्द्रस्त्वं देवराजश्च कालो मृत्युर्यमस्तथा ।।
vāyustvaṃ varuṇastvaṃ ca tvamagniḥ sarvadāhakaḥ || indrastvaṃ devarājaśca kālo mṛtyuryamastathā ||
Sanskrit only: no published translation is held for this verse.
मृत्युञ्जयो मृत्युमृत्युः कालकालो यमान्तकः
mṛtyuñjayo mṛtyumṛtyuḥ kālakālo yamāntakaḥ
Sanskrit only: no published translation is held for this verse.
वेदस्त्वं वेदकर्ता च वेदवेदाङ्गपारगः ।। विदुषां जनकस्त्वं च विद्वांश्च विदुषां गुरुः
vedastvaṃ vedakartā ca vedavedāṅgapāragaḥ || viduṣāṃ janakastvaṃ ca vidvāṃśca viduṣāṃ guruḥ
Sanskrit only: no published translation is held for this verse.
मन्त्रस्त्वं हि जपस्त्वं हि तपस्त्वं तत्फलप्रदः ।। वाक् त्वं वागधिदेवी त्वं तत्कर्ता तद्गुरुः स्वयम्
mantrastvaṃ hi japastvaṃ hi tapastvaṃ tatphalapradaḥ || vāk tvaṃ vāgadhidevī tvaṃ tatkartā tadguruḥ svayam
Sanskrit only: no published translation is held for this verse.
अहो सरस्वतीबीजं कस्त्वां स्तोतुमिहेश्वरः ।। इत्येवमुक्त्वा शैलेन्द्रस्तस्थौ धृत्वा पदाम्बुजम्
aho sarasvatībījaṃ kastvāṃ stotumiheśvaraḥ || ityevamuktvā śailendrastasthau dhṛtvā padāmbujam
Sanskrit only: no published translation is held for this verse.
तत्रोवास तमाबोध्य चावरुह्य वृषाच्छिवः ।। स्तोत्रमेतन्महापुण्यं त्रिसन्ध्यं यः पठेन्नरः
tatrovāsa tamābodhya cāvaruhya vṛṣācchivaḥ || stotrametanmahāpuṇyaṃ trisandhyaṃ yaḥ paṭhennaraḥ
Sanskrit only: no published translation is held for this verse.
मुच्यते सर्वपापेभ्यो भयेभ्यश्च भवार्णवे ।। अपुत्रो लभते पुत्रं मासमेकं पठेद्यदि
mucyate sarvapāpebhyo bhayebhyaśca bhavārṇave || aputro labhate putraṃ māsamekaṃ paṭhedyadi
Sanskrit only: no published translation is held for this verse.
भार्याहीनो लभेद्भार्यां सुशीलां सुमनोहराम्।। चिरकालगतं वस्तु लभते सहसा ध्रुवम्
bhāryāhīno labhedbhāryāṃ suśīlāṃ sumanoharām|| cirakālagataṃ vastu labhate sahasā dhruvam
Sanskrit only: no published translation is held for this verse.
राज्यभ्रष्टो लभेद्राज्यं शंकरस्य प्रसादतः ।। कारागारे श्मशाने च शत्रुग्रस्तेऽतिसंकटे
rājyabhraṣṭo labhedrājyaṃ śaṃkarasya prasādataḥ || kārāgāre śmaśāne ca śatrugraste'tisaṃkaṭe
Sanskrit only: no published translation is held for this verse.
गभीरेऽतिजलाकीर्णे भग्नपोते विषादने ।। रणमध्ये महाभीते हिंस्रजन्तुसमन्विते
gabhīre'tijalākīrṇe bhagnapote viṣādane || raṇamadhye mahābhīte hiṃsrajantusamanvite
Sanskrit only: no published translation is held for this verse.
सर्वतो मुच्यते स्तुत्वा शंकरस्य प्रसादतः
sarvato mucyate stutvā śaṃkarasya prasādataḥ
Sanskrit only: no published translation is held for this verse.