Library·Brahmavaivarta Purāṇa·4·4.40
श्रीराधिकोवाच ।। अहो विचित्रं चरितमपूर्वं किं श्रुतं विभो ।। सुन्दरं श्रुतिपीयूषं निगूढं ज्ञानकारणम्
śrīrādhikovāca || aho vicitraṃ caritamapūrvaṃ kiṃ śrutaṃ vibho || sundaraṃ śrutipīyūṣaṃ nigūḍhaṃ jñānakāraṇam
Sanskrit only: no published translation is held for this verse.
न विशेषं समासं च श्रुतं न व्यासमीप्सितम् ।। अधुना श्रोतुमिच्छामि विस्तीर्णं कथय प्रभो
na viśeṣaṃ samāsaṃ ca śrutaṃ na vyāsamīpsitam || adhunā śrotumicchāmi vistīrṇaṃ kathaya prabho
Sanskrit only: no published translation is held for this verse.
किं किं तपः कठोरं च चकार पार्वती स्वयम् ।। कं कं वरं वा संप्राप्य कथमाप महेश्वरम्
kiṃ kiṃ tapaḥ kaṭhoraṃ ca cakāra pārvatī svayam || kaṃ kaṃ varaṃ vā saṃprāpya kathamāpa maheśvaram
Sanskrit only: no published translation is held for this verse.
रतिः केन प्रकारेण जीवयामास मन्मथम् ।। पार्वतीशिवयोः कृष्ण विवाहं वर्णय प्रभो
ratiḥ kena prakāreṇa jīvayāmāsa manmatham || pārvatīśivayoḥ kṛṣṇa vivāhaṃ varṇaya prabho
Sanskrit only: no published translation is held for this verse.
तयो रहसि संभोगं पापिनां पापमोचनम् ।। कथ्यतां करुणासिन्धो दुःखिनां दुःखमोचनम्
tayo rahasi saṃbhogaṃ pāpināṃ pāpamocanam || kathyatāṃ karuṇāsindho duḥkhināṃ duḥkhamocanam
Sanskrit only: no published translation is held for this verse.
दम्पतीविरहोक्तिश्च कर्णज्वाला च योषितः ।। श्रोतुं कौतूहलं कृष्ण पुनः संमेलनं तयोः
dampatīvirahoktiśca karṇajvālā ca yoṣitaḥ || śrotuṃ kautūhalaṃ kṛṣṇa punaḥ saṃmelanaṃ tayoḥ
Sanskrit only: no published translation is held for this verse.
अग्निज्वाला विषज्वाला क्षमा सोढुं च योषितः ।। दम्पतीविरहज्वाला न श्रोतुं च क्षणं क्षमा
agnijvālā viṣajvālā kṣamā soḍhuṃ ca yoṣitaḥ || dampatīvirahajvālā na śrotuṃ ca kṣaṇaṃ kṣamā
Sanskrit only: no published translation is held for this verse.
राधिकावचनं श्रुत्वा विस्मितश्चकिताननः ।। विस्तीर्णं वक्तुमारेभे हृदयेन विदूयता
rādhikāvacanaṃ śrutvā vismitaścakitānanaḥ || vistīrṇaṃ vaktumārebhe hṛdayena vidūyatā
Sanskrit only: no published translation is held for this verse.
दम्पतीविरहोक्तिं च यां राधा श्रोतुमक्षमा ।। विच्छेदे शतवर्षीये किमस्या भविता मम
dampatīvirahoktiṃ ca yāṃ rādhā śrotumakṣamā || vicchede śatavarṣīye kimasyā bhavitā mama
Sanskrit only: no published translation is held for this verse.
इत्येवं मानसे कृत्वा मायेशो माययाऽन्वितः ।। कृपासिन्धुश्च कृपया कथां कथितुमुद्यतः
ityevaṃ mānase kṛtvā māyeśo māyayā'nvitaḥ || kṛpāsindhuśca kṛpayā kathāṃ kathitumudyataḥ
Sanskrit only: no published translation is held for this verse.
श्रीकृष्ण उवाच ।। प्राणाधिके राधिके त्वं श्रूयतां प्राणवल्लभे ।। प्राणाधिदेवि प्राणेशि प्राणाधारे मनोहरे
śrīkṛṣṇa uvāca || prāṇādhike rādhike tvaṃ śrūyatāṃ prāṇavallabhe || prāṇādhidevi prāṇeśi prāṇādhāre manohare
Sanskrit only: no published translation is held for this verse.
वटमूलाद्गते रुद्रे पार्वती तपसे ययौ ।। पुनः पुनः स्वमात्रा च पित्रा च विनिवारिता
vaṭamūlādgate rudre pārvatī tapase yayau || punaḥ punaḥ svamātrā ca pitrā ca vinivāritā
Sanskrit only: no published translation is held for this verse.
गत्वा सा स्वर्णदीतीरं स्नात्वा त्रिषवणं मुदा ।। संदेशे च मया दत्तं जजाप तं मनुं मुदा
gatvā sā svarṇadītīraṃ snātvā triṣavaṇaṃ mudā || saṃdeśe ca mayā dattaṃ jajāpa taṃ manuṃ mudā
Sanskrit only: no published translation is held for this verse.
वर्षमेकं च संपूर्णमनाहारा स्वभक्तितः।। तप्त्वा तपः कठोरं च चकार जगदम्बिका
varṣamekaṃ ca saṃpūrṇamanāhārā svabhaktitaḥ|| taptvā tapaḥ kaṭhoraṃ ca cakāra jagadambikā
Sanskrit only: no published translation is held for this verse.
ग्रीष्मे च परितो वह्निं प्रज्वलन्तं दिवानिशम् कृत्वा प्रतस्थौ तन्मध्ये संततं जपती मनुम्
grīṣme ca parito vahniṃ prajvalantaṃ divāniśam kṛtvā pratasthau tanmadhye saṃtataṃ japatī manum
Sanskrit only: no published translation is held for this verse.
शश्वत्स्मशाने वर्षासु कृत्वा योगासनं शिवा।। शिलां दृष्ट्वा च संसिक्ता बभूव जलधारया
śaśvatsmaśāne varṣāsu kṛtvā yogāsanaṃ śivā|| śilāṃ dṛṣṭvā ca saṃsiktā babhūva jaladhārayā
Sanskrit only: no published translation is held for this verse.
शीते जलान्तरे शश्वत्प्रतस्थौ भक्तिपूर्वकम् ।। अनाहारा शरद्रौद्रनीहारासु दिशासु च
śīte jalāntare śaśvatpratasthau bhaktipūrvakam || anāhārā śaradraudranīhārāsu diśāsu ca
Sanskrit only: no published translation is held for this verse.
एवं कृत्वा परं वर्षमप्राप्य शंकरं सती।। शुचा कृत्वाऽग्निकुण्डं च प्रवेष्टुं सा समुद्यता
evaṃ kṛtvā paraṃ varṣamaprāpya śaṃkaraṃ satī|| śucā kṛtvā'gnikuṇḍaṃ ca praveṣṭuṃ sā samudyatā
Sanskrit only: no published translation is held for this verse.
तामग्निकुण्डं विशतीं तपसाऽतिकृशां सतीम्।। दृष्ट्वा शिवः कृपासिन्धुः कृपया तां जगाम ह
tāmagnikuṇḍaṃ viśatīṃ tapasā'tikṛśāṃ satīm|| dṛṣṭvā śivaḥ kṛpāsindhuḥ kṛpayā tāṃ jagāma ha
Sanskrit only: no published translation is held for this verse.
अतीव वामनो बालो विप्ररूपी स्वतेजसा ।। प्रज्वलन्मनसा हृष्टो दण्डी छत्री जटाधरः
atīva vāmano bālo viprarūpī svatejasā || prajvalanmanasā hṛṣṭo daṇḍī chatrī jaṭādharaḥ
Sanskrit only: no published translation is held for this verse.
शुक्लयज्ञोपवीती च शुक्लवासाश्च सस्मितः ।। श्वेताब्जबीजमालां च बिभ्रत्तिलकमुज्ज्वलम्
śuklayajñopavītī ca śuklavāsāśca sasmitaḥ || śvetābjabījamālāṃ ca bibhrattilakamujjvalam
Sanskrit only: no published translation is held for this verse.
निर्जने बालकं दृष्ट्वा स्निग्धा सापि जगाद ह ।। तत्तेजसाऽतिप्रच्छन्ना तत्याज च तपः स्वयम्
nirjane bālakaṃ dṛṣṭvā snigdhā sāpi jagāda ha || tattejasā'tipracchannā tatyāja ca tapaḥ svayam
Sanskrit only: no published translation is held for this verse.
को भवानिति पप्रच्छ तं शिशुं पुरतः स्थितम् ।। मनसाऽलिङ्गनं कर्तुमिच्छन्ती परमादरम्
ko bhavāniti papraccha taṃ śiśuṃ purataḥ sthitam || manasā'liṅganaṃ kartumicchantī paramādaram
Sanskrit only: no published translation is held for this verse.
श्रुत्वा शैलसुता प्रश्नं प्रहस्य परमेश्वरः ।। उवाचातीव मधुरं कर्णपीयूषमीश्वरीम्
śrutvā śailasutā praśnaṃ prahasya parameśvaraḥ || uvācātīva madhuraṃ karṇapīyūṣamīśvarīm
Sanskrit only: no published translation is held for this verse.
शंकर उवाच ।। इच्छागामी बटुरहं तपस्वी विप्रबालकः ।। का त्वं कान्ताऽतिकान्तारे तपश्चरसि सुन्दरि
śaṃkara uvāca || icchāgāmī baṭurahaṃ tapasvī viprabālakaḥ || kā tvaṃ kāntā'tikāntāre tapaścarasi sundari
Sanskrit only: no published translation is held for this verse.
वद कस्य कुले जाता कस्य कन्या च काऽभिधा ।। तपसः फलदात्री त्वं कस्माद्धेतोस्तपस्तव
vada kasya kule jātā kasya kanyā ca kā'bhidhā || tapasaḥ phaladātrī tvaṃ kasmāddhetostapastava
Sanskrit only: no published translation is held for this verse.
अहो वा तपसां राशिः स्वयं मूर्तिमती सती। ।। तपो वा लोकशिक्षार्थं करोषि कमलेक्षणे
aho vā tapasāṃ rāśiḥ svayaṃ mūrtimatī satī| || tapo vā lokaśikṣārthaṃ karoṣi kamalekṣaṇe
Sanskrit only: no published translation is held for this verse.
स्वयं तेजःस्वरूपा वा मूलप्रकृतिरीश्वरी ।। विधाय भक्तध्यानार्थं विग्रहं भारते जनुः
svayaṃ tejaḥsvarūpā vā mūlaprakṛtirīśvarī || vidhāya bhaktadhyānārthaṃ vigrahaṃ bhārate januḥ
Sanskrit only: no published translation is held for this verse.
किं वा त्रिलोके लक्ष्मीस्त्वं संपद्रूपा सनातनी ।। रक्षां विधातुं जगतामागता धातुरन्तिके
kiṃ vā triloke lakṣmīstvaṃ saṃpadrūpā sanātanī || rakṣāṃ vidhātuṃ jagatāmāgatā dhāturantike
Sanskrit only: no published translation is held for this verse.
किं वाम्बिका त्वं देवानां स्वयं मूर्तिमती सती ।। सावित्री भारते जन्म स्वेच्छया लब्धुमागता
kiṃ vāmbikā tvaṃ devānāṃ svayaṃ mūrtimatī satī || sāvitrī bhārate janma svecchayā labdhumāgatā
Sanskrit only: no published translation is held for this verse.
रागाधिष्ठातृदेवी वा स्वयं साक्षात्सरस्वती ।। सर्वविद्याः प्रकटितुं स्वेच्छया जन्म भारते
rāgādhiṣṭhātṛdevī vā svayaṃ sākṣātsarasvatī || sarvavidyāḥ prakaṭituṃ svecchayā janma bhārate
Sanskrit only: no published translation is held for this verse.
एतासु मध्ये का वा त्वं नाहं तर्कितुमीश्वरः ।। या सा भवति कल्याणि परितुष्टा च मां भव
etāsu madhye kā vā tvaṃ nāhaṃ tarkitumīśvaraḥ || yā sā bhavati kalyāṇi parituṣṭā ca māṃ bhava
Sanskrit only: no published translation is held for this verse.
सति त्वयि प्रसन्नायां प्रसन्नः परमेश्वरः ।। पतिव्रतायां तुष्टायां तुष्टो नारायणः स्वयम्
sati tvayi prasannāyāṃ prasannaḥ parameśvaraḥ || pativratāyāṃ tuṣṭāyāṃ tuṣṭo nārāyaṇaḥ svayam
Sanskrit only: no published translation is held for this verse.
तुष्टे नारायणे देवे शश्वत्तुष्टं जगत्त्रयम् ।। तरुमूलेषु सिक्तेषु शाखाः सिक्ता यथा प्रिये
tuṣṭe nārāyaṇe deve śaśvattuṣṭaṃ jagattrayam || tarumūleṣu sikteṣu śākhāḥ siktā yathā priye
Sanskrit only: no published translation is held for this verse.
शिशोस्तद्वचनं श्रुत्वा प्रहस्य परमेश्वरी ।। उवाच वचनं चारु कर्णपीयूषमीश्वरी
śiśostadvacanaṃ śrutvā prahasya parameśvarī || uvāca vacanaṃ cāru karṇapīyūṣamīśvarī
Sanskrit only: no published translation is held for this verse.
पार्वत्युवाच ।। नाहं वेदप्रसूर्लक्ष्मीर्वागधिष्ठातृदेवता ।। जन्म मे भारते वर्षे साम्प्रतं शैलकन्यका
pārvatyuvāca || nāhaṃ vedaprasūrlakṣmīrvāgadhiṣṭhātṛdevatā || janma me bhārate varṣe sāmprataṃ śailakanyakā
Sanskrit only: no published translation is held for this verse.
पूर्वं जन्म दक्षगेहे सती शंकरकामिनी ।। योगेन त्यक्तदेहाऽहं तातभर्तृविनिन्दया
pūrvaṃ janma dakṣagehe satī śaṃkarakāminī || yogena tyaktadehā'haṃ tātabhartṛvinindayā
Sanskrit only: no published translation is held for this verse.
अत्र जन्मनि पुण्येन सम्प्राप्ते शंकरे द्विज ।। मां त्यक्त्वा भस्मसात्कृत्वा मन्मथं स जगाम ह
atra janmani puṇyena samprāpte śaṃkare dvija || māṃ tyaktvā bhasmasātkṛtvā manmathaṃ sa jagāma ha
Sanskrit only: no published translation is held for this verse.
प्रयाते शंकरे तापाद्व्रीडयाऽहं पितुर्गृहात् ।। आगमत्तपसे चित्तं ममेदं स्वर्णदीतटे
prayāte śaṃkare tāpādvrīḍayā'haṃ piturgṛhāt || āgamattapase cittaṃ mamedaṃ svarṇadītaṭe
Sanskrit only: no published translation is held for this verse.
तपः कृत्वा कठोरं च सुचिरं प्राणवल्लभम् ।। अप्राप्याग्निं प्रवेष्टुं च त्वां च दृष्ट्वा क्षणं स्थिता
tapaḥ kṛtvā kaṭhoraṃ ca suciraṃ prāṇavallabham || aprāpyāgniṃ praveṣṭuṃ ca tvāṃ ca dṛṣṭvā kṣaṇaṃ sthitā
Sanskrit only: no published translation is held for this verse.
गच्छ त्वं प्रविशाम्यग्नौ प्रलयाग्निशिखोपमे ।। कृत्वा स्वकामनां विप्र हरप्राप्तिमनीषितम्
gaccha tvaṃ praviśāmyagnau pralayāgniśikhopame || kṛtvā svakāmanāṃ vipra haraprāptimanīṣitam
Sanskrit only: no published translation is held for this verse.
यत्र यत्र जनुर्लब्ध्वा लभिष्यामि शिवं परम् ।। प्राणाधिकं प्रियं कान्तं विभुं जन्मनि जन्मनि
yatra yatra janurlabdhvā labhiṣyāmi śivaṃ param || prāṇādhikaṃ priyaṃ kāntaṃ vibhuṃ janmani janmani
Sanskrit only: no published translation is held for this verse.
सर्वा हि स्वप्रियं लब्धुं लभन्ति जन्म वाञ्छितम् ।। तज्जन्म पतिलाभार्थं सर्वासां च श्रुतौ श्रुतम्
sarvā hi svapriyaṃ labdhuṃ labhanti janma vāñchitam || tajjanma patilābhārthaṃ sarvāsāṃ ca śrutau śrutam
Sanskrit only: no published translation is held for this verse.
प्राक्तनीयो हि यो भर्ता स तासां प्रतिजन्मनि ।। या स्त्री येषां सुनियता सा तेषां जन्मजन्मनि
prāktanīyo hi yo bhartā sa tāsāṃ pratijanmani || yā strī yeṣāṃ suniyatā sā teṣāṃ janmajanmani
Sanskrit only: no published translation is held for this verse.
तद्देहमिह न प्राप्य कृत्वा घोरतरं तपः ।। कृत्वाऽग्निकुण्डे काम्यं च लभिष्यामि परत्र तम्
taddehamiha na prāpya kṛtvā ghorataraṃ tapaḥ || kṛtvā'gnikuṇḍe kāmyaṃ ca labhiṣyāmi paratra tam
Sanskrit only: no published translation is held for this verse.
इत्युक्त्वा पार्वती तत्र तत्पुरः प्रविवेश ह ।। निषिध्यमाना पुरतो ब्राह्मणेन पुनः पुनः
ityuktvā pārvatī tatra tatpuraḥ praviveśa ha || niṣidhyamānā purato brāhmaṇena punaḥ punaḥ
Sanskrit only: no published translation is held for this verse.
वह्निप्रवेशं कुर्वन्त्याः पार्वत्याः परमेश्वरि ।। बभूव तपसा सद्यो वह्निश्चन्दनवद्ध्रुवम्।।
vahnipraveśaṃ kurvantyāḥ pārvatyāḥ parameśvari || babhūva tapasā sadyo vahniścandanavaddhruvam||
Sanskrit only: no published translation is held for this verse.
क्षणं तदन्तरे स्थित्वा चोत्पतन्तीं शिवां शिवः ।। पुनः प्रपच्छ सहसा वृन्दावनविनोदिनि
kṣaṇaṃ tadantare sthitvā cotpatantīṃ śivāṃ śivaḥ || punaḥ prapaccha sahasā vṛndāvanavinodini
Sanskrit only: no published translation is held for this verse.
श्रीमहादेव उवाच ।। अहो तपस्ते किं भद्रे न बुद्धं किंचिदेव हि ।। न दग्धो वह्निना देहो न च प्राप्तो मनीषितः
śrīmahādeva uvāca || aho tapaste kiṃ bhadre na buddhaṃ kiṃcideva hi || na dagdho vahninā deho na ca prāpto manīṣitaḥ
Sanskrit only: no published translation is held for this verse.
शिवं कल्याणरूपं च भर्तारं कर्तुमिच्छसि।। अविग्रहं पतिं कृत्वा किं वा ते वाञ्छितं भवेत्
śivaṃ kalyāṇarūpaṃ ca bhartāraṃ kartumicchasi|| avigrahaṃ patiṃ kṛtvā kiṃ vā te vāñchitaṃ bhavet
Sanskrit only: no published translation is held for this verse.
संहर्तारं च भर्तारं यदीच्छसि शुचिस्मिते ।। कान्तमिच्छति का वा स्त्री सर्वसंहारकारणम्
saṃhartāraṃ ca bhartāraṃ yadīcchasi śucismite || kāntamicchati kā vā strī sarvasaṃhārakāraṇam
Sanskrit only: no published translation is held for this verse.
मोक्षं वाञ्छसि चेद्देवि कृत्वा कान्तं स्वरूपिणम् ।। सर्वमुक्तिप्रदा त्वं च तपस्या विफला तव।।
mokṣaṃ vāñchasi ceddevi kṛtvā kāntaṃ svarūpiṇam || sarvamuktipradā tvaṃ ca tapasyā viphalā tava||
Sanskrit only: no published translation is held for this verse.
शिवश्च मङ्गले मोक्षे संहर्ता न च दृश्यते ।। शिवशब्दस्य चान्योऽर्थो न हि वेदे निरूपितः
śivaśca maṅgale mokṣe saṃhartā na ca dṛśyate || śivaśabdasya cānyo'rtho na hi vede nirūpitaḥ
Sanskrit only: no published translation is held for this verse.
तं च संहारकर्तारं यदि वाञ्छसि सुन्दरि ।। लभिष्यसे रतं रुद्रं सर्वलोकभयंकरम्
taṃ ca saṃhārakartāraṃ yadi vāñchasi sundari || labhiṣyase rataṃ rudraṃ sarvalokabhayaṃkaram
Sanskrit only: no published translation is held for this verse.
न भविष्यति मोक्षस्ते स्वाभीष्टं देवसेवनम् ।। हरिस्मृतिरमोघा च सर्वमंगलदा सदा
na bhaviṣyati mokṣaste svābhīṣṭaṃ devasevanam || harismṛtiramoghā ca sarvamaṃgaladā sadā
Sanskrit only: no published translation is held for this verse.
शीघ्रं पितुर्गृहं गच्छ तत्र द्रक्ष्यसि शंकरम् ।। ममाशिषा स्वतपसां फलेन च सुदुर्लभम्
śīghraṃ piturgṛhaṃ gaccha tatra drakṣyasi śaṃkaram || mamāśiṣā svatapasāṃ phalena ca sudurlabham
Sanskrit only: no published translation is held for this verse.
इत्युक्त्वा पार्वतीं विप्रस्तत्रैवान्तरधीयत ।। दुर्गा ययौ पितुर्गेहं महादेवेति वादिनी
ityuktvā pārvatīṃ viprastatraivāntaradhīyata || durgā yayau piturgehaṃ mahādeveti vādinī
Sanskrit only: no published translation is held for this verse.
पार्वत्यागमनं श्रुत्वा मेनका च हिमालयः ।। दिव्यं यानं पुरस्कृत्य प्रययौ हर्षविह्वलः
pārvatyāgamanaṃ śrutvā menakā ca himālayaḥ || divyaṃ yānaṃ puraskṛtya prayayau harṣavihvalaḥ
Sanskrit only: no published translation is held for this verse.
संस्थाप्य मंगलघटान्राजवर्त्मनि राधिके ।। चन्दनागुरुकस्तूरीफलशाखासमन्वितान्
saṃsthāpya maṃgalaghaṭānrājavartmani rādhike || candanāgurukastūrīphalaśākhāsamanvitān
Sanskrit only: no published translation is held for this verse.
पट्टसूत्रसन्निबद्धरसालपल्लवान्वितैः ।। परितः परितो रम्भास्तम्भवृन्दसमन्विते
paṭṭasūtrasannibaddharasālapallavānvitaiḥ || paritaḥ parito rambhāstambhavṛndasamanvite
Sanskrit only: no published translation is held for this verse.
पतिपुत्रवतीयोषित्समूहैर्दीपहस्तकैः ।। पूर्णैर्लाजाधान्यदूर्वाफलपुष्पसमन्वितैः
patiputravatīyoṣitsamūhairdīpahastakaiḥ || pūrṇairlājādhānyadūrvāphalapuṣpasamanvitaiḥ
Sanskrit only: no published translation is held for this verse.
सुपुण्यैर्ब्राह्मणैश्चापि मुनिभिर्ब्रह्मचारिभिः ।। नटीभिर्नर्तकीभिश्च गजेन्द्रैः परिशोभिते
supuṇyairbrāhmaṇaiścāpi munibhirbrahmacāribhiḥ || naṭībhirnartakībhiśca gajendraiḥ pariśobhite
Sanskrit only: no published translation is held for this verse.
पुरोहितैश्च संयुक्तैः कुर्वद्भिर्मङ्गलध्वनिम् ।। सुचारुमालतीमालाहस्तैः शस्तैः प्रशंसितैः
purohitaiśca saṃyuktaiḥ kurvadbhirmaṅgaladhvanim || sucārumālatīmālāhastaiḥ śastaiḥ praśaṃsitaiḥ
Sanskrit only: no published translation is held for this verse.
नानाप्रकारवाद्यैश्च शंखध्वनिसुनादितैः।। सिन्दूररेणुभिश्चारुचन्दनद्रवपङ्किलम्
nānāprakāravādyaiśca śaṃkhadhvanisunāditaiḥ|| sindūrareṇubhiścārucandanadravapaṅkilam
Sanskrit only: no published translation is held for this verse.
प्रविश्य नगरं दुर्गा ददर्श पितरौ पुरः ।। सुप्रसन्नौ प्रधावन्तौ हर्षाश्रुपुलकान्वितौ
praviśya nagaraṃ durgā dadarśa pitarau puraḥ || suprasannau pradhāvantau harṣāśrupulakānvitau
Sanskrit only: no published translation is held for this verse.
प्रसन्नवदना देवी चालिभिः प्रणनाम तौ ।। संयुज्याथाशिषं तौ च चक्रतुस्तां च वक्षसि ।।
prasannavadanā devī cālibhiḥ praṇanāma tau || saṃyujyāthāśiṣaṃ tau ca cakratustāṃ ca vakṣasi ||
Sanskrit only: no published translation is held for this verse.
हे वत्से वत्सेत्युच्चार्य रुदन्तौ प्रेमविह्वलौ।। तदा तां च रथे कृत्वा जग्मतुर्निजमन्दिरम्
he vatse vatsetyuccārya rudantau premavihvalau|| tadā tāṃ ca rathe kṛtvā jagmaturnijamandiram
Sanskrit only: no published translation is held for this verse.
स्त्रियो निर्मंच्छनं चक्रुर्विप्रा युयुजुराशिषम्।। ब्राह्मणेभ्यश्च बन्दिभ्यः पर्वतेन्द्रो धनं ददौ
striyo nirmaṃcchanaṃ cakrurviprā yuyujurāśiṣam|| brāhmaṇebhyaśca bandibhyaḥ parvatendro dhanaṃ dadau
Sanskrit only: no published translation is held for this verse.
मङ्गलं कारयामास पाठयामास छान्दसम् ।। एवं स्वकन्यया सार्द्धं तस्थतुस्तौ स्वमन्दिरे
maṅgalaṃ kārayāmāsa pāṭhayāmāsa chāndasam || evaṃ svakanyayā sārddhaṃ tasthatustau svamandire
Sanskrit only: no published translation is held for this verse.
सुखेन वसतौ तौ हि हर्षनिर्भरमानसौ ।। एकदा च तपः कर्तुं जगाम स्वर्णदीं गिरिः
sukhena vasatau tau hi harṣanirbharamānasau || ekadā ca tapaḥ kartuṃ jagāma svarṇadīṃ giriḥ
Sanskrit only: no published translation is held for this verse.
मेनकाकन्यया सार्द्धमुवास प्राङ्गणे मुदा ।। एतस्मिन्नन्तरे भिक्षुर्नर्तकश्च सुगायनः
menakākanyayā sārddhamuvāsa prāṅgaṇe mudā || etasminnantare bhikṣurnartakaśca sugāyanaḥ
Sanskrit only: no published translation is held for this verse.
सहसैक आजगाम मेनकासन्निधिं मुदा ।। शृङ्गवाद्यं वामहस्ते डमरुं दक्षिणे तथा
sahasaika ājagāma menakāsannidhiṃ mudā || śṛṅgavādyaṃ vāmahaste ḍamaruṃ dakṣiṇe tathā
Sanskrit only: no published translation is held for this verse.
कृत्वा विभूतिगात्रोऽतिवृद्धोऽतीव जरातुरः ।। पृष्ठकन्थो रक्तवासाः सुकण्ठोऽतिमनोहरः
kṛtvā vibhūtigātro'tivṛddho'tīva jarāturaḥ || pṛṣṭhakantho raktavāsāḥ sukaṇṭho'timanoharaḥ
Sanskrit only: no published translation is held for this verse.
जगौ मम गुणाख्यानं कृत्वा नृत्यं मनोहरम् ।। वादयामास शृङ्गं च क्षणं डमरुकं तथा
jagau mama guṇākhyānaṃ kṛtvā nṛtyaṃ manoharam || vādayāmāsa śṛṅgaṃ ca kṣaṇaṃ ḍamarukaṃ tathā
Sanskrit only: no published translation is held for this verse.
आजग्मुर्नागरा बाला बालिका हर्षविह्वलाः ।। वृद्धा युवानो युवतीसमूहो वृद्धयोषितः
ājagmurnāgarā bālā bālikā harṣavihvalāḥ || vṛddhā yuvāno yuvatīsamūho vṛddhayoṣitaḥ
Sanskrit only: no published translation is held for this verse.
श्रुत्वा तु सुन्दरं गीतं सुतानस्वरसंयुतम् ।। सहसा मुमुहुः सर्वे तेन मूर्च्छामवाप्नुवन्
śrutvā tu sundaraṃ gītaṃ sutānasvarasaṃyutam || sahasā mumuhuḥ sarve tena mūrcchāmavāpnuvan
Sanskrit only: no published translation is held for this verse.
मूर्छां संप्राप सा दुर्गा ददर्श हृदि शङ्करम् ।। त्रिशूलपट्टिशकरं व्याघ्रचर्मधरं परम्
mūrchāṃ saṃprāpa sā durgā dadarśa hṛdi śaṅkaram || triśūlapaṭṭiśakaraṃ vyāghracarmadharaṃ param
Sanskrit only: no published translation is held for this verse.
विभूतिभूषणं रम्यमस्थिमालां सुनिर्मलाम् ।। ईषद्धास्यप्रसन्नास्यं सुप्रसन्नं त्रिलोचनम्
vibhūtibhūṣaṇaṃ ramyamasthimālāṃ sunirmalām || īṣaddhāsyaprasannāsyaṃ suprasannaṃ trilocanam
Sanskrit only: no published translation is held for this verse.
मालाहस्तं पंचवक्त्रं नागयज्ञोपवीतकम्।। वरं वृण्वित्युक्तवन्तं सुन्दरं चन्द्रशेखरम्
mālāhastaṃ paṃcavaktraṃ nāgayajñopavītakam|| varaṃ vṛṇvityuktavantaṃ sundaraṃ candraśekharam
Sanskrit only: no published translation is held for this verse.
हृदयस्थं हरं दृष्ट्वा मनसा तं ननाम सा ।। वरं वव्रे मानसे सा त्वं पतिर्मे भवेति च
hṛdayasthaṃ haraṃ dṛṣṭvā manasā taṃ nanāma sā || varaṃ vavre mānase sā tvaṃ patirme bhaveti ca
Sanskrit only: no published translation is held for this verse.
एवं दत्त्वा शिवस्तस्य चान्तर्धानं चकार सः ।। न दृष्ट्वा हृदि तं दुर्गा संप्राप्य चेतनां पुनः
evaṃ dattvā śivastasya cāntardhānaṃ cakāra saḥ || na dṛṣṭvā hṛdi taṃ durgā saṃprāpya cetanāṃ punaḥ
Sanskrit only: no published translation is held for this verse.
ददर्श चक्षुरुन्मील्य भिक्षुकं गायकं पुरः ।। नृत्यसंगीततः सा तु भिक्षुकस्य च मेनका
dadarśa cakṣurunmīlya bhikṣukaṃ gāyakaṃ puraḥ || nṛtyasaṃgītataḥ sā tu bhikṣukasya ca menakā
Sanskrit only: no published translation is held for this verse.
दातुं ययौ सा रत्नानि स्वर्णपात्रस्थितानि च ।। भिक्षां ययाचे भिक्षुस्तां दुर्गां नान्यां गृहीतवान्
dātuṃ yayau sā ratnāni svarṇapātrasthitāni ca || bhikṣāṃ yayāce bhikṣustāṃ durgāṃ nānyāṃ gṛhītavān
Sanskrit only: no published translation is held for this verse.
पुनश्च नर्तनं कर्तुमुद्यतः कौतुकेन च ।। मेना तद्वचनं श्रुत्वा चुकोप विस्मयं ययौ
punaśca nartanaṃ kartumudyataḥ kautukena ca || menā tadvacanaṃ śrutvā cukopa vismayaṃ yayau
Sanskrit only: no published translation is held for this verse.
भिक्षुकं भर्त्सयामास बहिः कर्तुमुवाच तम् ।। पत्नी त्रिलोकनाथस्य शिवस्य परमात्मनः
bhikṣukaṃ bhartsayāmāsa bahiḥ kartumuvāca tam || patnī trilokanāthasya śivasya paramātmanaḥ
Sanskrit only: no published translation is held for this verse.
याञ्चामिमां प्रकुर्वन्तं दूरं कुरु सुभाषिणम्।। एतस्मिन्नन्तरे तप्त्वा गिरिः स्वालयमाययौ
yāñcāmimāṃ prakurvantaṃ dūraṃ kuru subhāṣiṇam|| etasminnantare taptvā giriḥ svālayamāyayau
Sanskrit only: no published translation is held for this verse.
ददर्श पुरतो भिक्षुं प्राङ्गणस्थं मनोहरम्।। कृत्वा नारायणार्चां च गङ्गातीरे मनोहरे
dadarśa purato bhikṣuṃ prāṅgaṇasthaṃ manoharam|| kṛtvā nārāyaṇārcāṃ ca gaṅgātīre manohare
Sanskrit only: no published translation is held for this verse.
तन्मूर्तिध्यानविश्लेषशोकादुद्विग्नमानसः ।। श्रुत्वा मेनामुखाद्वार्तां जहास च चुकोप सः
tanmūrtidhyānaviśleṣaśokādudvignamānasaḥ || śrutvā menāmukhādvārtāṃ jahāsa ca cukopa saḥ
Sanskrit only: no published translation is held for this verse.
आज्ञां चकार स्वचरं बहिः कर्तुं च भिक्षुकम् ।। आकाशामिव दुःस्पर्शं प्रज्वलन्तं स्वतेजसा ।
ājñāṃ cakāra svacaraṃ bahiḥ kartuṃ ca bhikṣukam || ākāśāmiva duḥsparśaṃ prajvalantaṃ svatejasā |
Sanskrit only: no published translation is held for this verse.
न शशाक बहिः कर्तुं समीपं गन्तुमक्षमः।। ददर्श भिक्षुकं शैलः क्षणं चारुचतुर्भुजम्
na śaśāka bahiḥ kartuṃ samīpaṃ gantumakṣamaḥ|| dadarśa bhikṣukaṃ śailaḥ kṣaṇaṃ cārucaturbhujam
Sanskrit only: no published translation is held for this verse.
किरीटिनं कुण्डलिनं पीताम्बरधरं परम्।। सुवेषं सुन्दरश्याममीषद्धास्यं मनोहरम्
kirīṭinaṃ kuṇḍalinaṃ pītāmbaradharaṃ param|| suveṣaṃ sundaraśyāmamīṣaddhāsyaṃ manoharam
Sanskrit only: no published translation is held for this verse.
चन्दनोक्षितसर्वाङ्गं भक्तानुग्रहकातरम् ।। यद्यत्पुष्पं प्रदत्तं च पूजाकाले गदाभृते
candanokṣitasarvāṅgaṃ bhaktānugrahakātaram || yadyatpuṣpaṃ pradattaṃ ca pūjākāle gadābhṛte
Sanskrit only: no published translation is held for this verse.
गात्रे शिरसि तत्सर्वं भिक्षुकस्य ददर्श ह ।। धूपः प्रदीपो यो दत्तो नैवेद्यं वा मनोहरम्
gātre śirasi tatsarvaṃ bhikṣukasya dadarśa ha || dhūpaḥ pradīpo yo datto naivedyaṃ vā manoharam
Sanskrit only: no published translation is held for this verse.
ददर्श शैलस्तत्सर्वं भिक्षुकस्य पुरः स्थितम्।। क्षणं ददर्श द्विभुजं विनोदमुरलीकरम्
dadarśa śailastatsarvaṃ bhikṣukasya puraḥ sthitam|| kṣaṇaṃ dadarśa dvibhujaṃ vinodamuralīkaram
Sanskrit only: no published translation is held for this verse.
गोपवेषं किशोरं च सस्मितं श्यामसुन्दरम् ।। मयूरपिच्छचूडं च रत्नालंकारभूषितम् ।।
gopaveṣaṃ kiśoraṃ ca sasmitaṃ śyāmasundaram || mayūrapicchacūḍaṃ ca ratnālaṃkārabhūṣitam ||
Sanskrit only: no published translation is held for this verse.
चन्दनोक्षितसर्वाङ्गं वनमालाविभूषितम् ।। क्षणं ददर्श स्वच्छं च शंकरं चंद्रशेखरम्
candanokṣitasarvāṅgaṃ vanamālāvibhūṣitam || kṣaṇaṃ dadarśa svacchaṃ ca śaṃkaraṃ caṃdraśekharam
Sanskrit only: no published translation is held for this verse.
त्रिशूलपट्टिशकरं व्याघ्रचर्माम्बरं परम् ।। विभूतिगात्रममलमस्थिमालाविभूषितम्
triśūlapaṭṭiśakaraṃ vyāghracarmāmbaraṃ param || vibhūtigātramamalamasthimālāvibhūṣitam
Sanskrit only: no published translation is held for this verse.
नागयज्ञोपवीतं च तप्तस्वर्णजटाधरम् ।। डमरुशृंगहस्तं च सुप्रशस्तं मनोहरम्
nāgayajñopavītaṃ ca taptasvarṇajaṭādharam || ḍamaruśṛṃgahastaṃ ca supraśastaṃ manoharam
Sanskrit only: no published translation is held for this verse.
प्रजपन्तं हरेर्नाम श्वेताब्जबीजमालया ।। ईषद्धास्यप्रसन्नास्यं भक्तानुग्रहकातरम्
prajapantaṃ harernāma śvetābjabījamālayā || īṣaddhāsyaprasannāsyaṃ bhaktānugrahakātaram
Sanskrit only: no published translation is held for this verse.
स्वतेजसा प्रज्वलन्तं पञ्चवक्त्रं त्रिलोचनम् ।। क्षणं ददर्श जगतां स्रष्टारं च चतुर्मुखम्
svatejasā prajvalantaṃ pañcavaktraṃ trilocanam || kṣaṇaṃ dadarśa jagatāṃ sraṣṭāraṃ ca caturmukham
Sanskrit only: no published translation is held for this verse.
तदा बभूव ज्ञानं च मेनकाशैलयोः प्रिये ।। अहो दृष्टो जगन्नाथ आवाभ्यां स्वप्नवद्दिने
tadā babhūva jñānaṃ ca menakāśailayoḥ priye || aho dṛṣṭo jagannātha āvābhyāṃ svapnavaddine
Sanskrit only: no published translation is held for this verse.
शठाय संध्याहीनाय वाप्यैकफलदा सुता ।। सर्वसंध्यास्वगायत्रीविहीनाय शठाय च
śaṭhāya saṃdhyāhīnāya vāpyaikaphaladā sutā || sarvasaṃdhyāsvagāyatrīvihīnāya śaṭhāya ca
Sanskrit only: no published translation is held for this verse.
अनन्तरत्नाधारं च त्वमेव रक्ष भारते ।। देवानां वचनं श्रुत्वा प्रददौ कर्णयोः करौ
anantaratnādhāraṃ ca tvameva rakṣa bhārate || devānāṃ vacanaṃ śrutvā pradadau karṇayoḥ karau
Sanskrit only: no published translation is held for this verse.
विष्णुभक्तिप्रदं चैव पुराणं च श्रुतेः परम् ।। राधा तदङ्गजा गोपी ब्राह्मणांश्च सदार्चितान्
viṣṇubhaktipradaṃ caiva purāṇaṃ ca śruteḥ param || rādhā tadaṅgajā gopī brāhmaṇāṃśca sadārcitān
Sanskrit only: no published translation is held for this verse.
अनिच्छया सुतां दत्त्वा सुखं तिष्ठतु भारते ।। तस्मै भक्त्या सुतां दत्त्वा मोक्षं प्राप्स्यति निश्चितम्
anicchayā sutāṃ dattvā sukhaṃ tiṣṭhatu bhārate || tasmai bhaktyā sutāṃ dattvā mokṣaṃ prāpsyati niścitam
Sanskrit only: no published translation is held for this verse.
इत्येवं कथितं सर्वं देवा गच्छन्तु मन्दिरम् ।। इत्युक्त्वा वाक्पतिः शीघ्रं तपसे स्वर्णदीं गतः
ityevaṃ kathitaṃ sarvaṃ devā gacchantu mandiram || ityuktvā vākpatiḥ śīghraṃ tapase svarṇadīṃ gataḥ
Sanskrit only: no published translation is held for this verse.