Brahmavaivarta Purāṇa 4.42

वसिष्ठ उवाच ।। अथानरण्यस्य कन्या सिषेवे भक्तितो मुनिम् ।। कर्मणा मनसा वाचा लक्ष्मीर्नारायणं यथा

vasiṣṭha uvāca || athānaraṇyasya kanyā siṣeve bhaktito munim || karmaṇā manasā vācā lakṣmīrnārāyaṇaṃ yathā

Sanskrit only: no published translation is held for this verse.

एकदा स्वर्णदीं स्नातुं गच्छंतीं सस्मितां सतीम् ।। ददर्श पथि धर्मश्च मायया नृपलिंगकः

ekadā svarṇadīṃ snātuṃ gacchaṃtīṃ sasmitāṃ satīm || dadarśa pathi dharmaśca māyayā nṛpaliṃgakaḥ

Sanskrit only: no published translation is held for this verse.

चारुरत्नरथस्थश्च रत्नालंकारभूषितः ।। नवीनयौवनश्रीमान्कामदेवसमप्रभः

cāruratnarathasthaśca ratnālaṃkārabhūṣitaḥ || navīnayauvanaśrīmānkāmadevasamaprabhaḥ

Sanskrit only: no published translation is held for this verse.

दृष्ट्वा तां सुन्दरीं रम्यामुवाच मायया विभुः ।। विज्ञातुमन्तस्तत्त्वं च तस्याश्च मुनियोषितः

dṛṣṭvā tāṃ sundarīṃ ramyāmuvāca māyayā vibhuḥ || vijñātumantastattvaṃ ca tasyāśca muniyoṣitaḥ

Sanskrit only: no published translation is held for this verse.

धर्म उवाच ।। अयि सुन्दरि लक्ष्मीव राजयोग्ये मनोहरे ।। अतीव यौवनस्थे च कामिनि स्थिरयौवने

dharma uvāca || ayi sundari lakṣmīva rājayogye manohare || atīva yauvanasthe ca kāmini sthirayauvane

Sanskrit only: no published translation is held for this verse.

जरातुरस्य वृद्धस्य समीपे त्वं न राजसे ।। चन्दनागुरुसंलिप्ता राजसे राजवक्षसि

jarāturasya vṛddhasya samīpe tvaṃ na rājase || candanāgurusaṃliptā rājase rājavakṣasi

Sanskrit only: no published translation is held for this verse.

विप्रं तपःसु निरतं सत्यज्ञं मरणोन्मुखम्।। विहाय पश्य राजेन्द्रं रतिशूरं स्मरातुरम्

vipraṃ tapaḥsu nirataṃ satyajñaṃ maraṇonmukham|| vihāya paśya rājendraṃ ratiśūraṃ smarāturam

Sanskrit only: no published translation is held for this verse.

प्राप्नोति सुन्दरं पुण्यात्सौन्दर्यं पूर्वजन्मतः ।। सफलं तद्भवेत्सर्वं रसिकालिंगनेन च

prāpnoti sundaraṃ puṇyātsaundaryaṃ pūrvajanmataḥ || saphalaṃ tadbhavetsarvaṃ rasikāliṃganena ca

Sanskrit only: no published translation is held for this verse.

सहस्रसुन्दरीकान्तं कामशास्त्र विशारदम् ।। किंकरं कुरु मां कान्ते परित्यक्ष्यामि ता अपि

sahasrasundarīkāntaṃ kāmaśāstra viśāradam || kiṃkaraṃ kuru māṃ kānte parityakṣyāmi tā api

Sanskrit only: no published translation is held for this verse.

निर्जले निर्जने रम्ये शैलेशैले नदेनदे ।। पुष्पोद्याने पुष्पिते च सुगन्धिपुष्पवायुना

nirjale nirjane ramye śaileśaile nadenade || puṣpodyāne puṣpite ca sugandhipuṣpavāyunā

Sanskrit only: no published translation is held for this verse.

मलये चन्दनारण्ये चारुचन्दनवायुना ।। विहरिष्यामि कामेन कामिन्या च त्वया सह

malaye candanāraṇye cārucandanavāyunā || vihariṣyāmi kāmena kāminyā ca tvayā saha

Sanskrit only: no published translation is held for this verse.

कामज्वरेण दग्धायाः शांतिं कर्तुमहं क्षमः ।। विहरस्व मया सार्द्धं जन्मेदं सफलं कुरु

kāmajvareṇa dagdhāyāḥ śāṃtiṃ kartumahaṃ kṣamaḥ || viharasva mayā sārddhaṃ janmedaṃ saphalaṃ kuru

Sanskrit only: no published translation is held for this verse.

इत्येवमुक्तवंतं तं स्वरथादवरुह्य च ।। ग्रहीतुमुत्सुकं हस्तं तमुवाच पतिव्रता

ityevamuktavaṃtaṃ taṃ svarathādavaruhya ca || grahītumutsukaṃ hastaṃ tamuvāca pativratā

Sanskrit only: no published translation is held for this verse.

पद्मोवाच ।। दूरं गच्छ गच्छ दूरं पापिष्ठ भूमिपाधम ।। मां चेत्पश्यसि कामेन सद्यो भस्म भविष्यसि

padmovāca || dūraṃ gaccha gaccha dūraṃ pāpiṣṭha bhūmipādhama || māṃ cetpaśyasi kāmena sadyo bhasma bhaviṣyasi

Sanskrit only: no published translation is held for this verse.

पिप्पलादं मुनिश्रेष्ठं तपसा पूतविग्रहम्।। विहाय त्वां भजिष्यामि स्त्रीजितं रतिलंपटम्

pippalādaṃ muniśreṣṭhaṃ tapasā pūtavigraham|| vihāya tvāṃ bhajiṣyāmi strījitaṃ ratilaṃpaṭam

Sanskrit only: no published translation is held for this verse.

स्त्रीजितस्पर्शमात्रेण सर्वपुण्यं प्रणश्यति ।। न भूमौ पातकी पापात्पापिनां स्त्रीजितात्परः

strījitasparśamātreṇa sarvapuṇyaṃ praṇaśyati || na bhūmau pātakī pāpātpāpināṃ strījitātparaḥ

Sanskrit only: no published translation is held for this verse.

मां मातरं च स्त्रीभावं कृत्वा येन ब्रवीषि च ।। भविष्यति क्षयस्तेन कालेन मम शापतः

māṃ mātaraṃ ca strībhāvaṃ kṛtvā yena bravīṣi ca || bhaviṣyati kṣayastena kālena mama śāpataḥ

Sanskrit only: no published translation is held for this verse.

श्रुत्वा धर्मः सतीशापं नृपमूर्तिं विहाय च ।। धृत्वा स्वमूर्तिं देवेशः कंपमान उवाच ताम्

śrutvā dharmaḥ satīśāpaṃ nṛpamūrtiṃ vihāya ca || dhṛtvā svamūrtiṃ deveśaḥ kaṃpamāna uvāca tām

Sanskrit only: no published translation is held for this verse.

धर्म उवाच ।। मातर्जानीहि मां धर्मं धर्मज्ञानां गुरोर्गुरुम् ।। परस्त्रीमातृबुद्धिं च कुर्वन्तं संततं सति

dharma uvāca || mātarjānīhi māṃ dharmaṃ dharmajñānāṃ gurorgurum || parastrīmātṛbuddhiṃ ca kurvantaṃ saṃtataṃ sati

Sanskrit only: no published translation is held for this verse.

अहं तवांतर्विज्ञातुमागतस्तव सन्निधिम् ।। युष्माकं च मनो जाने तथापि दैवबोधितः

ahaṃ tavāṃtarvijñātumāgatastava sannidhim || yuṣmākaṃ ca mano jāne tathāpi daivabodhitaḥ

Sanskrit only: no published translation is held for this verse.

कृतं मे दमनं साध्वि न विरुद्धं यथोचितम् ।। शास्तिः समुत्पथस्थानामीश्वरेण विनिर्मिता

kṛtaṃ me damanaṃ sādhvi na viruddhaṃ yathocitam || śāstiḥ samutpathasthānāmīśvareṇa vinirmitā

Sanskrit only: no published translation is held for this verse.

धर्मं स्वधर्मं विज्ञातुं कालं कलयितुं क्षमः ।। विधातारं संविधातुं तस्मै कृष्णाय ते नमः

dharmaṃ svadharmaṃ vijñātuṃ kālaṃ kalayituṃ kṣamaḥ || vidhātāraṃ saṃvidhātuṃ tasmai kṛṣṇāya te namaḥ

Sanskrit only: no published translation is held for this verse.

संहर्तुं यः क्षमः काले संहर्तारं भवं विभुः ।। स्रष्टारं लीलया स्रष्टुं तस्मै कृष्णाय ते नमः

saṃhartuṃ yaḥ kṣamaḥ kāle saṃhartāraṃ bhavaṃ vibhuḥ || sraṣṭāraṃ līlayā sraṣṭuṃ tasmai kṛṣṇāya te namaḥ

Sanskrit only: no published translation is held for this verse.

शत्रुं विधातुं मित्रं च सुप्रीतिं कलहं क्षमः ।। स्रष्टुं नष्टम् तदेवं च तस्मै कृष्णाय ते नमः

śatruṃ vidhātuṃ mitraṃ ca suprītiṃ kalahaṃ kṣamaḥ || sraṣṭuṃ naṣṭam tadevaṃ ca tasmai kṛṣṇāya te namaḥ

Sanskrit only: no published translation is held for this verse.

शापं प्रदातुं सर्वाश्च सुखदुःखवरान्क्षमः ।। संपदं विपदं यो हि तस्मै कृष्णाय ते नमः

śāpaṃ pradātuṃ sarvāśca sukhaduḥkhavarānkṣamaḥ || saṃpadaṃ vipadaṃ yo hi tasmai kṛṣṇāya te namaḥ

Sanskrit only: no published translation is held for this verse.

प्रकृतिर्निर्मिता येन महाविष्णुश्च निर्मितः ।। ब्रह्मविष्णुमहेशाद्यास्तस्मै कृष्णाय ते नमः

prakṛtirnirmitā yena mahāviṣṇuśca nirmitaḥ || brahmaviṣṇumaheśādyāstasmai kṛṣṇāya te namaḥ

Sanskrit only: no published translation is held for this verse.

येन शुक्लीकृतं क्षीरं जलं शीतं कृतं पुरा ।। दाहीकृतो हुताशश्च तस्मै कृष्णाय ते नमः

yena śuklīkṛtaṃ kṣīraṃ jalaṃ śītaṃ kṛtaṃ purā || dāhīkṛto hutāśaśca tasmai kṛṣṇāya te namaḥ

Sanskrit only: no published translation is held for this verse.

अतितेजः समुत्थाय तेजोरूपाय मूर्त्तये ।। गुणश्रेष्ठनिर्गुणाय तस्मै कृष्णाय ते नमः

atitejaḥ samutthāya tejorūpāya mūrttaye || guṇaśreṣṭhanirguṇāya tasmai kṛṣṇāya te namaḥ

Sanskrit only: no published translation is held for this verse.

सर्वस्मै सर्वबीजाय सर्वेषामन्तरात्मने।। सर्वबंधुस्वरूपाय तस्मै कृष्णाय ते नमः

sarvasmai sarvabījāya sarveṣāmantarātmane|| sarvabaṃdhusvarūpāya tasmai kṛṣṇāya te namaḥ

Sanskrit only: no published translation is held for this verse.

इत्युक्त्वा पुरतस्तस्यास्तस्थौ धर्मो जगद्गुरुः ।। सा साध्वी तं च विज्ञाय सहसोवाच पर्वत

ityuktvā puratastasyāstasthau dharmo jagadguruḥ || sā sādhvī taṃ ca vijñāya sahasovāca parvata

Sanskrit only: no published translation is held for this verse.

पद्मोवाच ।। त्वमेव धर्मः सर्वेषां साक्षी च सर्वकर्मणाम् ।। सर्वांतरेषु सर्वात्मा सर्वज्ञः सर्वतत्त्ववित्

padmovāca || tvameva dharmaḥ sarveṣāṃ sākṣī ca sarvakarmaṇām || sarvāṃtareṣu sarvātmā sarvajñaḥ sarvatattvavit

Sanskrit only: no published translation is held for this verse.

कथं मनो मे विज्ञातुं विडंबयसि किंकरीम् ।। यत्कृतं त्वत्कृते ब्रह्मन्नपराधो बभूव मे

kathaṃ mano me vijñātuṃ viḍaṃbayasi kiṃkarīm || yatkṛtaṃ tvatkṛte brahmannaparādho babhūva me

Sanskrit only: no published translation is held for this verse.

त्वं च शप्तो मयाऽज्ञानात्स्त्रीस्वभावात्क्रुधा विभो ।। का व्यवस्था भवेत्तस्य चिन्तयामीति सांप्रतम्

tvaṃ ca śapto mayā'jñānātstrīsvabhāvātkrudhā vibho || kā vyavasthā bhavettasya cintayāmīti sāṃpratam

Sanskrit only: no published translation is held for this verse.

आकाशोऽसौ दिशः सर्वा यदि नश्यन्ति वायवः ।। तथापि साध्वीशापस्तु न नश्यति कदाचन

ākāśo'sau diśaḥ sarvā yadi naśyanti vāyavaḥ || tathāpi sādhvīśāpastu na naśyati kadācana

Sanskrit only: no published translation is held for this verse.

त्वं च नष्टो भवसि चेत्सृष्टिनाशो भवेत्तदा ।। इति कर्तव्यतामूढा तथापि त्वां वदाम्यहम्

tvaṃ ca naṣṭo bhavasi cetsṛṣṭināśo bhavettadā || iti kartavyatāmūḍhā tathāpi tvāṃ vadāmyaham

Sanskrit only: no published translation is held for this verse.

सत्ये पूर्णश्चतुष्पादैः पौर्णमास्यां यथा शशी ।। विराजसे देवराज सर्वकालं दिवानिशम्

satye pūrṇaścatuṣpādaiḥ paurṇamāsyāṃ yathā śaśī || virājase devarāja sarvakālaṃ divāniśam

Sanskrit only: no published translation is held for this verse.

पादक्षयश्च त्रेतायां भगवन्भविता तव ।। पादौ परौ द्वापरे च तृतीयश्च कलौ विभो

pādakṣayaśca tretāyāṃ bhagavanbhavitā tava || pādau parau dvāpare ca tṛtīyaśca kalau vibho

Sanskrit only: no published translation is held for this verse.

कलिशेषे शेषपादस्तवाच्छन्नो भविष्यति ।। पुनः सत्ये समायाते परिपूर्णो भविष्यसि

kaliśeṣe śeṣapādastavācchanno bhaviṣyati || punaḥ satye samāyāte paripūrṇo bhaviṣyasi

Sanskrit only: no published translation is held for this verse.

सत्ये सर्वव्यापकस्त्वं तदन्येषु च कुत्रचित् ।। यत्र स्थानं तवाधारो वदामि श्रूयतां विभो

satye sarvavyāpakastvaṃ tadanyeṣu ca kutracit || yatra sthānaṃ tavādhāro vadāmi śrūyatāṃ vibho

Sanskrit only: no published translation is held for this verse.

वैष्णवेषु च सर्वेषु यतिषु ब्रह्मचारिषु ।। पतिव्रतासु प्राज्ञेषु वानप्रस्थेषु भिक्षुषु

vaiṣṇaveṣu ca sarveṣu yatiṣu brahmacāriṣu || pativratāsu prājñeṣu vānaprastheṣu bhikṣuṣu

Sanskrit only: no published translation is held for this verse.

नृपेषु धर्मशीलेषु सत्सु सद्वैश्यजातिषु ।। द्विजसेविषु शूद्रेषु सत्संसर्गस्थितेषु च

nṛpeṣu dharmaśīleṣu satsu sadvaiśyajātiṣu || dvijaseviṣu śūdreṣu satsaṃsargasthiteṣu ca

Sanskrit only: no published translation is held for this verse.

एषु त्वं सततं पूर्णो धर्मराज विराजसे ।। युगेयुगे तदाधारा यत्र पुण्यतमा जनाः

eṣu tvaṃ satataṃ pūrṇo dharmarāja virājase || yugeyuge tadādhārā yatra puṇyatamā janāḥ

Sanskrit only: no published translation is held for this verse.

अश्वत्थवटबिल्वेषु तुलसीचंदनेषु च ।। दीक्षापरीक्षाशपथगोष्ठगोष्पदभूमिषु

aśvatthavaṭabilveṣu tulasīcaṃdaneṣu ca || dīkṣāparīkṣāśapathagoṣṭhagoṣpadabhūmiṣu

Sanskrit only: no published translation is held for this verse.

विवाहेषु च पुष्पेषु विद्यमानोऽसि शाखिषु ।। देवालयेषु तीर्थेषु सतां शश्वद्गृहेषु च

vivāheṣu ca puṣpeṣu vidyamāno'si śākhiṣu || devālayeṣu tīrtheṣu satāṃ śaśvadgṛheṣu ca

Sanskrit only: no published translation is held for this verse.

वेदवेदांगश्रवणे जलेषु च सभासु च । श्रीकृष्णगुणनामोक्त श्रुतिगीतस्थलेषु च

vedavedāṃgaśravaṇe jaleṣu ca sabhāsu ca | śrīkṛṣṇaguṇanāmokta śrutigītasthaleṣu ca

Sanskrit only: no published translation is held for this verse.

व्रतपूजातपोन्याययज्ञसाक्षिस्थलेषु च ।। गवां गृहेषु गोष्वेव विद्यमानो हि पश्यसि

vratapūjātaponyāyayajñasākṣisthaleṣu ca || gavāṃ gṛheṣu goṣveva vidyamāno hi paśyasi

Sanskrit only: no published translation is held for this verse.

कृशता तेन भविता धर्म तेषु स्थलेषु च ।। एतदन्येषु कृशता यदगम्यं च तच्छृणु

kṛśatā tena bhavitā dharma teṣu sthaleṣu ca || etadanyeṣu kṛśatā yadagamyaṃ ca tacchṛṇu

Sanskrit only: no published translation is held for this verse.

पुंश्चलीषु च सर्वासु गृहेषु नरघातिनाम् ।। नरघातिषु नीचेषु मूर्खेषु च खलेषु च

puṃścalīṣu ca sarvāsu gṛheṣu naraghātinām || naraghātiṣu nīceṣu mūrkheṣu ca khaleṣu ca

Sanskrit only: no published translation is held for this verse.

देवतागुरुविप्रेष्टपाल्यानां धनहारिषु ।। असन्नरेषु धूर्तेषु चौरेषु रतिभूमिषु

devatāguruvipreṣṭapālyānāṃ dhanahāriṣu || asannareṣu dhūrteṣu caureṣu ratibhūmiṣu

Sanskrit only: no published translation is held for this verse.

दुरोदरसुरापानकलहानां स्थलेषु च ।। शालग्रामसाधुतीर्थपुराणरहितेषु च

durodarasurāpānakalahānāṃ sthaleṣu ca || śālagrāmasādhutīrthapurāṇarahiteṣu ca

Sanskrit only: no published translation is held for this verse.

दस्युस्नेहेषु वादेषु तालच्छायासु गर्विषु।। असिजीविमषीजीविदेवलग्रामयाजिषु

dasyusneheṣu vādeṣu tālacchāyāsu garviṣu|| asijīvimaṣījīvidevalagrāmayājiṣu

Sanskrit only: no published translation is held for this verse.

वृषवाहस्वर्णकारजीवहिंसोपजीविषु ।। भर्तृनिंदितनारीषु स्त्रीजितेषु च पुंसु च

vṛṣavāhasvarṇakārajīvahiṃsopajīviṣu || bhartṛniṃditanārīṣu strījiteṣu ca puṃsu ca

Sanskrit only: no published translation is held for this verse.

दीक्षासंध्याविष्णुभक्तिविहीनेषु द्विजेषु च ।। स्वांगकन्याविक्रयिषु स्वयोषिद्विक्रयेष्वथ

dīkṣāsaṃdhyāviṣṇubhaktivihīneṣu dvijeṣu ca || svāṃgakanyāvikrayiṣu svayoṣidvikrayeṣvatha

Sanskrit only: no published translation is held for this verse.

शालग्रामसुरग्रंथभूमिविक्रयिषु प्रभो ।। मित्रदोहिकृतघ्नेषु सत्यविश्वासघातिषु

śālagrāmasuragraṃthabhūmivikrayiṣu prabho || mitradohikṛtaghneṣu satyaviśvāsaghātiṣu

Sanskrit only: no published translation is held for this verse.

शरणागतदीनेषु चाश्रितघ्नेषु नृष्वपि ।। शश्वन्मिथ्योक्तिशीलेषु तथा सीमापहारिषु

śaraṇāgatadīneṣu cāśritaghneṣu nṛṣvapi || śaśvanmithyoktiśīleṣu tathā sīmāpahāriṣu

Sanskrit only: no published translation is held for this verse.

कामात्क्रोधात्तथा लोभान्मिथ्यासाक्षिप्रवादिषु ।। पुण्यकर्मविहीनेषु पुण्यकर्मविरोधिषु

kāmātkrodhāttathā lobhānmithyāsākṣipravādiṣu || puṇyakarmavihīneṣu puṇyakarmavirodhiṣu

Sanskrit only: no published translation is held for this verse.

स्थातुमेतेषु निन्द्येषु नाधिकारस्तव प्रभो ।। ममापि वचनं सत्यं बभूव तत्क्षणं तव

sthātumeteṣu nindyeṣu nādhikārastava prabho || mamāpi vacanaṃ satyaṃ babhūva tatkṣaṇaṃ tava

Sanskrit only: no published translation is held for this verse.

यास्यामि पतिसेवायै गच्छ तात स्वमन्दिरम् ।। इत्येवंवादिनीं साध्वीमुवाच विधिनन्दनः ।। प्रसन्नवदनः श्रीमानतीव विनयं वचः

yāsyāmi patisevāyai gaccha tāta svamandiram || ityevaṃvādinīṃ sādhvīmuvāca vidhinandanaḥ || prasannavadanaḥ śrīmānatīva vinayaṃ vacaḥ

Sanskrit only: no published translation is held for this verse.

धर्म उवाच ।। धन्याऽसि पतिभक्ताऽसि स्वस्ति तेऽस्तु च संततम्

dharma uvāca || dhanyā'si patibhaktā'si svasti te'stu ca saṃtatam

Sanskrit only: no published translation is held for this verse.

वरं गृहाण दास्यामि मत्परित्राणकारिणि ।। युवा भवतु भर्ता ते रतिशूरश्च कन्यके ।।

varaṃ gṛhāṇa dāsyāmi matparitrāṇakāriṇi || yuvā bhavatu bhartā te ratiśūraśca kanyake ||

Sanskrit only: no published translation is held for this verse.

रूपवान्गुणवान्साध्वि संततं स्थिरयौवनः ।। परमैश्वर्यसंयुक्ता त्वं भव स्थिरयौवना

rūpavānguṇavānsādhvi saṃtataṃ sthirayauvanaḥ || paramaiśvaryasaṃyuktā tvaṃ bhava sthirayauvanā

Sanskrit only: no published translation is held for this verse.

चिरजीवी भवतु स मार्कण्डेयात्परः सुते ।। कुबेराद्धनवांश्चैव शक्रादैश्वर्यवानपि

cirajīvī bhavatu sa mārkaṇḍeyātparaḥ sute || kuberāddhanavāṃścaiva śakrādaiśvaryavānapi

Sanskrit only: no published translation is held for this verse.

विष्णुभक्तः शिवसमः सिद्धस्तु कपिलात्परः ।। स्वामिसौभाग्यसंयुक्ता भव त्वं जीवनावधि

viṣṇubhaktaḥ śivasamaḥ siddhastu kapilātparaḥ || svāmisaubhāgyasaṃyuktā bhava tvaṃ jīvanāvadhi

Sanskrit only: no published translation is held for this verse.

गृहा भवन्तु ते साध्वि कुबेरभवनाधिकाः ।। माता त्वं दशपुत्राणां गुणिनां चिरजीविनाम् ।।

gṛhā bhavantu te sādhvi kuberabhavanādhikāḥ || mātā tvaṃ daśaputrāṇāṃ guṇināṃ cirajīvinām ||

Sanskrit only: no published translation is held for this verse.

सा तं प्रदक्षिणीकृत्य प्रणम्य स्वगृहं ययौ ।। धर्मस्तामाशिषं युक्त्वा जगाम निजमन्दिरम्

sā taṃ pradakṣiṇīkṛtya praṇamya svagṛhaṃ yayau || dharmastāmāśiṣaṃ yuktvā jagāma nijamandiram

Sanskrit only: no published translation is held for this verse.

पतिव्रतां प्रशशंस प्रतिसंसदि संसदि ।। सा रेमे स्वामिना सार्द्धं यूना रहसि संततम्

pativratāṃ praśaśaṃsa pratisaṃsadi saṃsadi || sā reme svāminā sārddhaṃ yūnā rahasi saṃtatam

Sanskrit only: no published translation is held for this verse.

पश्चाद्बभूव सत्पुत्रा तद्भर्तुरधिका गुणैः ।। शैलेन्द्र कथितं सर्वमितिहासं पुरातनम्

paścādbabhūva satputrā tadbharturadhikā guṇaiḥ || śailendra kathitaṃ sarvamitihāsaṃ purātanam

Sanskrit only: no published translation is held for this verse.

स्वभर्तुरधिकानां च भविष्यसि न संशयः ।। इत्येवमुक्त्वा संतस्थौ धर्मराजश्च पर्वत

svabharturadhikānāṃ ca bhaviṣyasi na saṃśayaḥ || ityevamuktvā saṃtasthau dharmarājaśca parvata

Sanskrit only: no published translation is held for this verse.

रक्ष सर्वबन्धुवर्गानात्मनः सर्वसंपदम् ।। सप्ताहे समतीते च दुर्लभेऽतिशुभे क्षणे

rakṣa sarvabandhuvargānātmanaḥ sarvasaṃpadam || saptāhe samatīte ca durlabhe'tiśubhe kṣaṇe

Sanskrit only: no published translation is held for this verse.

लग्नाधिपे च लग्नस्थे चन्द्रे स्वतनयान्विते ।। मोदते रोहिणीयुक्ते विशुद्धे चन्द्रतारके

lagnādhipe ca lagnasthe candre svatanayānvite || modate rohiṇīyukte viśuddhe candratārake

Sanskrit only: no published translation is held for this verse.

मार्गशीर्षे चन्द्रवारे सर्वदोषविवर्जिते ।। सर्वसद्ग्रहसंदृष्टे ह्यसद्ग्रहविवर्जिते

mārgaśīrṣe candravāre sarvadoṣavivarjite || sarvasadgrahasaṃdṛṣṭe hyasadgrahavivarjite

Sanskrit only: no published translation is held for this verse.

सदपत्यप्रदेऽतीव पतिसौभाग्यदायिनि ।। अवैधव्यप्रदे सौख्यप्रदे जन्मनि जन्मनि

sadapatyaprade'tīva patisaubhāgyadāyini || avaidhavyaprade saukhyaprade janmani janmani

Sanskrit only: no published translation is held for this verse.

अत्यन्तप्रेमाविच्छेदप्रदायिनि परात्परे ।। कन्यां प्रदाय देवाय त्वं कृती भव पर्वत

atyantapremāvicchedapradāyini parātpare || kanyāṃ pradāya devāya tvaṃ kṛtī bhava parvata

Sanskrit only: no published translation is held for this verse.

आविर्भूता पुरा कल्पे देवानां रक्षणाय च ।। तेजोराशिः सुरौघाणां प्रज्वलन्तो दिशो दश

āvirbhūtā purā kalpe devānāṃ rakṣaṇāya ca || tejorāśiḥ suraughāṇāṃ prajvalanto diśo daśa

Sanskrit only: no published translation is held for this verse.

अस्याः स्वतेजसा दैत्याः केचिद्दग्धाः पलायिताः ।। केचिद्बभूवुः शैलेन्द्र भस्मीभूताश्च भूतले

asyāḥ svatejasā daityāḥ keciddagdhāḥ palāyitāḥ || kecidbabhūvuḥ śailendra bhasmībhūtāśca bhūtale

Sanskrit only: no published translation is held for this verse.

बिलं प्रविविशुः केचिन्मूर्च्छां प्रापुश्च केचन ।। केचिद्दन्ते तृणं कृत्वा जग्मुः शरणमीश्वरीम्

bilaṃ praviviśuḥ kecinmūrcchāṃ prāpuśca kecana || keciddante tṛṇaṃ kṛtvā jagmuḥ śaraṇamīśvarīm

Sanskrit only: no published translation is held for this verse.

जगदम्बां जगत्पित्रे मूलप्रकृतिमीश्वरीम् ।। तेजःस्वरूपां सर्वेषां देवानां देवपूजिताम्

jagadambāṃ jagatpitre mūlaprakṛtimīśvarīm || tejaḥsvarūpāṃ sarveṣāṃ devānāṃ devapūjitām

Sanskrit only: no published translation is held for this verse.

निःशत्रवो बभूवुस्ते सुरा अस्याः प्रसादतः ।। कृष्णाज्ञया सा कल्पान्ते दक्षकन्या बभूव ह

niḥśatravo babhūvuste surā asyāḥ prasādataḥ || kṛṣṇājñayā sā kalpānte dakṣakanyā babhūva ha

Sanskrit only: no published translation is held for this verse.

दक्षश्च विधिवद्देवीं प्रददौ शूलपाणये ।। दैवेन मत्पितुर्यज्ञे सहसा सुरसंसदि

dakṣaśca vidhivaddevīṃ pradadau śūlapāṇaye || daivena matpituryajñe sahasā surasaṃsadi

Sanskrit only: no published translation is held for this verse.

बभूव कलहः शैल तेन शूलभृता महान् ।। ब्रह्माणं च नमस्कृत्य ययौ रुष्टस्त्रिलोचनः

babhūva kalahaḥ śaila tena śūlabhṛtā mahān || brahmāṇaṃ ca namaskṛtya yayau ruṣṭastrilocanaḥ

Sanskrit only: no published translation is held for this verse.

दक्षश्च सगणो रुष्टः प्रययौ स्वालयं तदा ।। कोपात्संभृतसंभारो दक्षो यज्ञं चकार ह

dakṣaśca sagaṇo ruṣṭaḥ prayayau svālayaṃ tadā || kopātsaṃbhṛtasaṃbhāro dakṣo yajñaṃ cakāra ha

Sanskrit only: no published translation is held for this verse.

न ददौ यज्ञभागं च मात्सर्याच्छूलपाणये ।। दृष्ट्वा सती प्रकुपिता जनकं रक्तलोचना

na dadau yajñabhāgaṃ ca mātsaryācchūlapāṇaye || dṛṣṭvā satī prakupitā janakaṃ raktalocanā

Sanskrit only: no published translation is held for this verse.

निर्भर्त्स्य च बहुतरं हृदयेन विदूयता ।। यज्ञस्थानात्समुत्थाय जगाम मातुरन्तिकम्

nirbhartsya ca bahutaraṃ hṛdayena vidūyatā || yajñasthānātsamutthāya jagāma māturantikam

Sanskrit only: no published translation is held for this verse.

भविष्यं कथयामास त्रिकालज्ञा परात्परा ।। यज्ञभङ्गादिकं वाऽपि स्वपितुश्च पराभवम्

bhaviṣyaṃ kathayāmāsa trikālajñā parātparā || yajñabhaṅgādikaṃ vā'pi svapituśca parābhavam

Sanskrit only: no published translation is held for this verse.

पलायनं च देवानां यज्ञस्थानाद्गिरीश्वरम् ।। मुनीनामृत्विजां चैव पर्वतानां तथैव च

palāyanaṃ ca devānāṃ yajñasthānādgirīśvaram || munīnāmṛtvijāṃ caiva parvatānāṃ tathaiva ca

Sanskrit only: no published translation is held for this verse.

जयं शंकरसैन्यानां स्वात्मनो मृत्युमेव च ।। शोकात्पर्यटनं भर्तुर्विरहातुरचेतसा

jayaṃ śaṃkarasainyānāṃ svātmano mṛtyumeva ca || śokātparyaṭanaṃ bharturvirahāturacetasā

Sanskrit only: no published translation is held for this verse.

निर्माणं नेत्ररसः प्रबोधं च जनार्दनात् ।। मूर्तिभेदात्पुनः प्राप्तिं विहारं तस्य तत्समम्

nirmāṇaṃ netrarasaḥ prabodhaṃ ca janārdanāt || mūrtibhedātpunaḥ prāptiṃ vihāraṃ tasya tatsamam

Sanskrit only: no published translation is held for this verse.

अपरं भवितव्यं च सर्वमुक्त्वा जगाम सा ।। स्वमात्रा भगिनीभिश्च प्रतिषिद्धा च दुःखिता

aparaṃ bhavitavyaṃ ca sarvamuktvā jagāma sā || svamātrā bhaginībhiśca pratiṣiddhā ca duḥkhitā

Sanskrit only: no published translation is held for this verse.

बभूवादर्शना योगात्सर्वासां सिद्धियोगिनी ।। गत्वा सा जाह्नवीतीरं स्मृत्वा संपूज्य शंकरम्

babhūvādarśanā yogātsarvāsāṃ siddhiyoginī || gatvā sā jāhnavītīraṃ smṛtvā saṃpūjya śaṃkaram

Sanskrit only: no published translation is held for this verse.

स्मृत्वा तच्चरणाम्भोजं देहं तत्याज सुन्दरी ।। गन्धमादनद्रोणीस्थं शरीरं प्रविवेश ह

smṛtvā taccaraṇāmbhojaṃ dehaṃ tatyāja sundarī || gandhamādanadroṇīsthaṃ śarīraṃ praviveśa ha

Sanskrit only: no published translation is held for this verse.

संजहार पुरा येन दैत्यानामखिलं कुलम् ।। हाहाकारं प्रचक्रुश्च सुराः सर्वेऽतिविस्मिताः

saṃjahāra purā yena daityānāmakhilaṃ kulam || hāhākāraṃ pracakruśca surāḥ sarve'tivismitāḥ

Sanskrit only: no published translation is held for this verse.

जग्मुः शंकरसेनाश्च देशयज्ञं विनश्य च ।। पराभवं च सर्वेषां कृत्वा शोकातुराः पराः

jagmuḥ śaṃkarasenāśca deśayajñaṃ vinaśya ca || parābhavaṃ ca sarveṣāṃ kṛtvā śokāturāḥ parāḥ

Sanskrit only: no published translation is held for this verse.

सत्वरं सर्ववृत्तान्तं कथयामासुरीश्वरम् ।। श्रुत्वा प्रवृत्तिं संहर्ता सर्वरुद्रगणैर्वृतः ।। जगाम स्वर्णदीतीरं यत्र देवीकलेवरम्

satvaraṃ sarvavṛttāntaṃ kathayāmāsurīśvaram || śrutvā pravṛttiṃ saṃhartā sarvarudragaṇairvṛtaḥ || jagāma svarṇadītīraṃ yatra devīkalevaram

Sanskrit only: no published translation is held for this verse.