Library·Brahmavaivarta Purāṇa·4·4.43
नारायण उवाच ।। अथ दुर्गां महादेवस्सतीमूर्तिं मनोहराम् ।। अम्लानपद्मवक्त्रां तां शयानां जाह्नवीतटे
nārāyaṇa uvāca || atha durgāṃ mahādevassatīmūrtiṃ manoharām || amlānapadmavaktrāṃ tāṃ śayānāṃ jāhnavītaṭe
Sanskrit only: no published translation is held for this verse.
दधतीमक्षमालां च प्रतप्तकाञ्चनप्रभाम् ।। तेजसा प्रज्वलन्तीं च दधानां शुक्लवाससम्
dadhatīmakṣamālāṃ ca prataptakāñcanaprabhām || tejasā prajvalantīṃ ca dadhānāṃ śuklavāsasam
Sanskrit only: no published translation is held for this verse.
दृष्ट्वा सतीशरीरं च प्रदग्धो विरहाग्निना ।। तत्त्वराशिर्मूर्तिमांश्च मूर्च्छां प्राप तथापि च
dṛṣṭvā satīśarīraṃ ca pradagdho virahāgninā || tattvarāśirmūrtimāṃśca mūrcchāṃ prāpa tathāpi ca
Sanskrit only: no published translation is held for this verse.
कलत्रशोको बलवान्स्वात्मारामं परात्परम् ।। बाधते वेदबीजं तं योगीन्द्राणां गुरोर्गुरुम्
kalatraśoko balavānsvātmārāmaṃ parātparam || bādhate vedabījaṃ taṃ yogīndrāṇāṃ gurorgurum
Sanskrit only: no published translation is held for this verse.
क्षणेन चेतनां प्राप्य तामुवाच त्रिलोचनः ।। निरीक्ष्य वदनाम्भोजं स्थाणुः स्थाणुरिवापरः
kṣaṇena cetanāṃ prāpya tāmuvāca trilocanaḥ || nirīkṣya vadanāmbhojaṃ sthāṇuḥ sthāṇurivāparaḥ
Sanskrit only: no published translation is held for this verse.
साश्रुनेत्रोऽतिदीनश्च दीनानां शरणप्रदः ।। दीनदैन्यापहारी च विललाप परं वचः
sāśrunetro'tidīnaśca dīnānāṃ śaraṇapradaḥ || dīnadainyāpahārī ca vilalāpa paraṃ vacaḥ
Sanskrit only: no published translation is held for this verse.
शंकर उवाच ।। उत्तिष्ठोत्तिष्ठ सुभगे सति प्राणेश्वरि प्रिये ।। शङ्करोऽहं तव स्वामी पश्य मां निकटागतम्
śaṃkara uvāca || uttiṣṭhottiṣṭha subhage sati prāṇeśvari priye || śaṅkaro'haṃ tava svāmī paśya māṃ nikaṭāgatam
Sanskrit only: no published translation is held for this verse.
शिवं शिवप्रदं सर्वसंपद्रूपं च सिद्धिदम् ।। सर्वात्मानं च सर्वेशं शवतुल्यं त्वया विना
śivaṃ śivapradaṃ sarvasaṃpadrūpaṃ ca siddhidam || sarvātmānaṃ ca sarveśaṃ śavatulyaṃ tvayā vinā
Sanskrit only: no published translation is held for this verse.
शक्तोऽहं च त्वया सार्द्धं सर्वशक्तिस्वरूपया ।। शक्तिहीनः शवसमो निश्चेष्टः सर्वकर्मसु
śakto'haṃ ca tvayā sārddhaṃ sarvaśaktisvarūpayā || śaktihīnaḥ śavasamo niśceṣṭaḥ sarvakarmasu
Sanskrit only: no published translation is held for this verse.
यश्च शक्तिं न जानाति ज्ञानहीनश्च निन्दति ।। तं त्यक्तुमुचितं विज्ञे कथं मां त्यजसि प्रिये
yaśca śaktiṃ na jānāti jñānahīnaśca nindati || taṃ tyaktumucitaṃ vijñe kathaṃ māṃ tyajasi priye
Sanskrit only: no published translation is held for this verse.
स्वयं ब्रह्मा स्वयं विष्णुः साध्यभूता वयं तव ।। सस्मितं सकटाक्षं च वद किंचित्सुधोपमम्
svayaṃ brahmā svayaṃ viṣṇuḥ sādhyabhūtā vayaṃ tava || sasmitaṃ sakaṭākṣaṃ ca vada kiṃcitsudhopamam
Sanskrit only: no published translation is held for this verse.
मधुराभासदृष्ट्या च मां दग्धं सेचनं कुरु ।। मां दृष्ट्वा दूरतः शीघ्रं स्निग्धं वदसि सस्मितम्
madhurābhāsadṛṣṭyā ca māṃ dagdhaṃ secanaṃ kuru || māṃ dṛṣṭvā dūrataḥ śīghraṃ snigdhaṃ vadasi sasmitam
Sanskrit only: no published translation is held for this verse.
कथमद्यापि रुष्टेव विलपन्तं न भाषसे ।। प्राणाधिके समुत्तिष्ठ रुदंतं मां न पश्यसि
kathamadyāpi ruṣṭeva vilapantaṃ na bhāṣase || prāṇādhike samuttiṣṭha rudaṃtaṃ māṃ na paśyasi
Sanskrit only: no published translation is held for this verse.
परित्यज्य च नः प्राणान्गन्तुं नार्हसि सुन्दरि ।। जगदम्बे समुत्तिष्ठ प्राणाधारे परात्परे
parityajya ca naḥ prāṇāngantuṃ nārhasi sundari || jagadambe samuttiṣṭha prāṇādhāre parātpare
Sanskrit only: no published translation is held for this verse.
पतिव्रते समुत्तिष्ठ कथं मां नाद्य सेवसे ।। कथं करोषि विज्ञाय व्रतभङ्गं श्रुतिप्रसूः
pativrate samuttiṣṭha kathaṃ māṃ nādya sevase || kathaṃ karoṣi vijñāya vratabhaṅgaṃ śrutiprasūḥ
Sanskrit only: no published translation is held for this verse.
इत्युक्त्वा मृतदेहं च प्रियाया विरहातुरः ।। निधायोरसि संश्लिष्य चुचुम्ब च पुनःपुनः
ityuktvā mṛtadehaṃ ca priyāyā virahāturaḥ || nidhāyorasi saṃśliṣya cucumba ca punaḥpunaḥ
Sanskrit only: no published translation is held for this verse.
अधरे चाधरं दत्त्वा वक्षो वक्षसि शङ्करः ।। पुनःपुनः समाश्लिष्य पुनर्मूर्च्छामवाप सः
adhare cādharaṃ dattvā vakṣo vakṣasi śaṅkaraḥ || punaḥpunaḥ samāśliṣya punarmūrcchāmavāpa saḥ
Sanskrit only: no published translation is held for this verse.
पुनः स चेतनां प्राप्य वेगादुत्थाय शोकतः ।। दुद्राव च यथोन्मत्तो ज्ञानिनां च गुरोर्गुरुः
punaḥ sa cetanāṃ prāpya vegādutthāya śokataḥ || dudrāva ca yathonmatto jñānināṃ ca gurorguruḥ
Sanskrit only: no published translation is held for this verse.
सप्तद्वीपसप्तसिन्धुं लोकालोकं च काञ्चनम् ।। बभ्राम भ्रान्तवज्ज्ञानी सतीं कृत्वा स्ववक्षसि
saptadvīpasaptasindhuṃ lokālokaṃ ca kāñcanam || babhrāma bhrāntavajjñānī satīṃ kṛtvā svavakṣasi
Sanskrit only: no published translation is held for this verse.
शतशृङ्गगिरेः पार्श्वे जम्बुद्वीपे च भारते।। सुनिर्जनेऽक्षयवटे गङ्गातीरे सरित्तटे
śataśṛṅgagireḥ pārśve jambudvīpe ca bhārate|| sunirjane'kṣayavaṭe gaṅgātīre sarittaṭe
Sanskrit only: no published translation is held for this verse.
रुरोदोच्चैः स्वयं कृत्वा सति साध्वीत्युदीर्य च ।। त्रिनेत्रनेत्रनीरेण संबभूव सरोवरम्
rurodoccaiḥ svayaṃ kṛtvā sati sādhvītyudīrya ca || trinetranetranīreṇa saṃbabhūva sarovaram
Sanskrit only: no published translation is held for this verse.
तन्नेत्रं च सरो नाम मुनीनां तपसः स्थलम् ।। योजनद्वयविस्तीर्णं पुण्यतीर्थं मनोहरम्
tannetraṃ ca saro nāma munīnāṃ tapasaḥ sthalam || yojanadvayavistīrṇaṃ puṇyatīrthaṃ manoharam
Sanskrit only: no published translation is held for this verse.
यत्र स्नात्वा पुनर्जन्म नराणां न भवेद्गिरे ।। शतजन्मकृतं पापं स्नानमात्रेण नश्यति
yatra snātvā punarjanma narāṇāṃ na bhavedgire || śatajanmakṛtaṃ pāpaṃ snānamātreṇa naśyati
Sanskrit only: no published translation is held for this verse.
त्यक्त्वा तां मानवीं मूर्तिं नरा यान्ति हरेः पदम् ।। स तत्र रोदनं त्यक्त्वा पुनर्बभ्राम मेदिनीम्
tyaktvā tāṃ mānavīṃ mūrtiṃ narā yānti hareḥ padam || sa tatra rodanaṃ tyaktvā punarbabhrāma medinīm
Sanskrit only: no published translation is held for this verse.
पूर्णमब्दं महायोगी विरहातुरमानसः ।। सतीगलितप्रत्यङ्गैरंगैश्च पर्वतेश्वर
pūrṇamabdaṃ mahāyogī virahāturamānasaḥ || satīgalitapratyaṅgairaṃgaiśca parvateśvara
Sanskrit only: no published translation is held for this verse.
बभूव सिद्धपीठानां समूहो वाञ्छितप्रदः ।। शेषाङ्गानां महादेवः संस्कारं वै विधाय च
babhūva siddhapīṭhānāṃ samūho vāñchitapradaḥ || śeṣāṅgānāṃ mahādevaḥ saṃskāraṃ vai vidhāya ca
Sanskrit only: no published translation is held for this verse.
अस्थिमालां विनिर्माय चकार कण्ठभूषणम् ।। नित्यं तद्भस्म भक्त्या च चकार गात्रलेपनम्
asthimālāṃ vinirmāya cakāra kaṇṭhabhūṣaṇam || nityaṃ tadbhasma bhaktyā ca cakāra gātralepanam
Sanskrit only: no published translation is held for this verse.
सति प्राणेश्वरीत्युक्त्वा पुनर्मूर्च्छामवाप सः ।। विसस्मार ब्रह्म परमात्मानमात्मसंभवः
sati prāṇeśvarītyuktvā punarmūrcchāmavāpa saḥ || visasmāra brahma paramātmānamātmasaṃbhavaḥ
Sanskrit only: no published translation is held for this verse.
स्वात्मारामः पूर्णकामो निश्चेष्टो विरहज्वरात् ।। तं शयानं गिरिवरस्याभ्याशे वटमूलके
svātmārāmaḥ pūrṇakāmo niśceṣṭo virahajvarāt || taṃ śayānaṃ girivarasyābhyāśe vaṭamūlake
Sanskrit only: no published translation is held for this verse.
दृष्ट्वा देवाः समाजग्मुर्विस्मिताः शिवसन्निधिम् ।। नारायणश्च भगवानीश्वरः सह पार्षदैः
dṛṣṭvā devāḥ samājagmurvismitāḥ śivasannidhim || nārāyaṇaśca bhagavānīśvaraḥ saha pārṣadaiḥ
Sanskrit only: no published translation is held for this verse.
रत्नयानेनाजगाम पद्मार्चितपदाम्बुजः।। रत्नालंकार शोभाढ्यः पीतवासाश्चतुर्भुजः
ratnayānenājagāma padmārcitapadāmbujaḥ|| ratnālaṃkāra śobhāḍhyaḥ pītavāsāścaturbhujaḥ
Sanskrit only: no published translation is held for this verse.
ईषद्धास्यप्रसन्नास्यो वनमालाविभूषितः ।। ब्रह्मा शेषश्च धर्मश्च सुराः सर्वे महर्षयः
īṣaddhāsyaprasannāsyo vanamālāvibhūṣitaḥ || brahmā śeṣaśca dharmaśca surāḥ sarve maharṣayaḥ
Sanskrit only: no published translation is held for this verse.
समूषुरीशसदसि लक्ष्मीकान्त प्रणम्य ते ।। श्रीहरिः शङ्करमहो कृत्वा वक्षसि मूर्च्छितम् ।। रुदन्तं बोधयामास ज्ञानीशो ज्ञानिनां गुरुम्
samūṣurīśasadasi lakṣmīkānta praṇamya te || śrīhariḥ śaṅkaramaho kṛtvā vakṣasi mūrcchitam || rudantaṃ bodhayāmāsa jñānīśo jñānināṃ gurum
Sanskrit only: no published translation is held for this verse.
श्रीभगवानुवाच ।। स्वात्माराम निबोधेदं मदीयं वचनं शृणु
śrībhagavānuvāca || svātmārāma nibodhedaṃ madīyaṃ vacanaṃ śṛṇu
Sanskrit only: no published translation is held for this verse.
हितमध्यात्मसारं च दुःखशोकनिकृन्तनम् ।। सर्वाध्यात्मविद्यमानबीजं ज्ञाननिधिं विधिम्
hitamadhyātmasāraṃ ca duḥkhaśokanikṛntanam || sarvādhyātmavidyamānabījaṃ jñānanidhiṃ vidhim
Sanskrit only: no published translation is held for this verse.
तथापि बोधयामि त्वां सर्वज्ञं वेधसो विधिम् ।। बुधं बोधयितुं शक्तोऽबुधोऽपि प्राणसंकटे
tathāpi bodhayāmi tvāṃ sarvajñaṃ vedhaso vidhim || budhaṃ bodhayituṃ śakto'budho'pi prāṇasaṃkaṭe
Sanskrit only: no published translation is held for this verse.
व्यवहारोऽस्ति लोकेषु सर्वः सर्वपरस्परम् ।। मायाश्रिता गुणाः सर्वे हेतवः सुखदुःखयोः ।।.
vyavahāro'sti lokeṣu sarvaḥ sarvaparasparam || māyāśritā guṇāḥ sarve hetavaḥ sukhaduḥkhayoḥ ||.
Sanskrit only: no published translation is held for this verse.
विष्णुमाया बलवती गुणयुक्तं प्रबाधते ।। दुःखं शोकं भयं शंभो दुर्दिने भवतीश्वर
viṣṇumāyā balavatī guṇayuktaṃ prabādhate || duḥkhaṃ śokaṃ bhayaṃ śaṃbho durdine bhavatīśvara
Sanskrit only: no published translation is held for this verse.
तत्रातीते कुतस्तानि सुदिने च समागते ।। हर्ष ऐश्वर्यदर्पश्च संततं तत्र वर्द्धते
tatrātīte kutastāni sudine ca samāgate || harṣa aiśvaryadarpaśca saṃtataṃ tatra varddhate
Sanskrit only: no published translation is held for this verse.
सर्वाण्येतानि गण्यन्ते स्वप्नानीव विपश्चितः ।। ज्ञानं लभ महादेव ज्ञानबीज सनातन
sarvāṇyetāni gaṇyante svapnānīva vipaścitaḥ || jñānaṃ labha mahādeva jñānabīja sanātana
Sanskrit only: no published translation is held for this verse.
चेतनां कुरु भद्रं ते सतीं प्राप्स्यसि निश्चितम् ।। तत्तोयं शीतता नित्यं नाग्निं मुञ्चति दाहिका
cetanāṃ kuru bhadraṃ te satīṃ prāpsyasi niścitam || tattoyaṃ śītatā nityaṃ nāgniṃ muñcati dāhikā
Sanskrit only: no published translation is held for this verse.
तेजः सूर्यं महीं गन्धो तथा त्वां च सती शिव ।। शैलेत्येवं समाकर्ण्य हरिं किंचिदुवाच ह
tejaḥ sūryaṃ mahīṃ gandho tathā tvāṃ ca satī śiva || śailetyevaṃ samākarṇya hariṃ kiṃciduvāca ha
Sanskrit only: no published translation is held for this verse.
नेत्राण्युन्मीलनं कृत्वा त्रिनेत्रः श्रूयतामिति ।। त्रिनेत्र उवाच ।। कस्त्वं तेजःस्वरूपोऽसि क इमे तव सन्निधौ
netrāṇyunmīlanaṃ kṛtvā trinetraḥ śrūyatāmiti || trinetra uvāca || kastvaṃ tejaḥsvarūpo'si ka ime tava sannidhau
Sanskrit only: no published translation is held for this verse.
किन्नाम भवतश्चैषां कानि नामानि का सती ।। कोऽहं को मे भवान्ब्रूते किंकराः कुत आगताः
kinnāma bhavataścaiṣāṃ kāni nāmāni kā satī || ko'haṃ ko me bhavānbrūte kiṃkarāḥ kuta āgatāḥ
Sanskrit only: no published translation is held for this verse.
क्व यास्यसि क्व यास्यामि क्व गच्छन्त इमे वद।। हरिरित्येवमाकर्ण्य रुरोद सगणो गिरे
kva yāsyasi kva yāsyāmi kva gacchanta ime vada|| harirityevamākarṇya ruroda sagaṇo gire
Sanskrit only: no published translation is held for this verse.
नेत्रनीरैस्त्रिनेत्रं तं रुदन्तं प्रसिषेच सः ।। हरित्रिनेत्रयोर्नेत्रनीरपातेन तत्र वै
netranīraistrinetraṃ taṃ rudantaṃ prasiṣeca saḥ || haritrinetrayornetranīrapātena tatra vai
Sanskrit only: no published translation is held for this verse.
बभूव सरसां श्रेष्ठं तीर्थं भुवनपावनम् ।। भारतेऽस्तगिरेः पश्चात्तत्राक्षयवटांतिके
babhūva sarasāṃ śreṣṭhaṃ tīrthaṃ bhuvanapāvanam || bhārate'stagireḥ paścāttatrākṣayavaṭāṃtike
Sanskrit only: no published translation is held for this verse.
स्थलं बभूव तपसां मुक्तिबीजं तपस्विनाम् ।। अथोवाच पुनः शीघ्रमाध्यात्मं च हरं हरिः
sthalaṃ babhūva tapasāṃ muktibījaṃ tapasvinām || athovāca punaḥ śīghramādhyātmaṃ ca haraṃ hariḥ
Sanskrit only: no published translation is held for this verse.
शृण्वतां सर्वदेवानां मुनीनामूर्ध्वरेतसाम् ।। श्रीभगवानुवाच ।। शृणु शंकर वक्ष्यामि ज्ञानानंद सनातन
śṛṇvatāṃ sarvadevānāṃ munīnāmūrdhvaretasām || śrībhagavānuvāca || śṛṇu śaṃkara vakṣyāmi jñānānaṃda sanātana
Sanskrit only: no published translation is held for this verse.
ज्ञानं ज्ञाननिधे शोकाद्विस्मृतोऽसि परात्पर ।। सुदिनं दुर्दिनं शश्वद्भवत्येव भवे भवे
jñānaṃ jñānanidhe śokādvismṛto'si parātpara || sudinaṃ durdinaṃ śaśvadbhavatyeva bhave bhave
Sanskrit only: no published translation is held for this verse.
सर्वेषां प्राकृतानां च ते बीजे सुखदुःखयोः।। सुखाद्भवति हर्षश्च दर्पः शौर्यप्रमत्तता
sarveṣāṃ prākṛtānāṃ ca te bīje sukhaduḥkhayoḥ|| sukhādbhavati harṣaśca darpaḥ śauryapramattatā
Sanskrit only: no published translation is held for this verse.
राग ऐश्वर्यकामश्च विद्वेषश्च निरन्तरम् ।। दुःखाच्छोकात्समुद्वेगाद्भयं नित्यं प्रवर्तते
rāga aiśvaryakāmaśca vidveṣaśca nirantaram || duḥkhācchokātsamudvegādbhayaṃ nityaṃ pravartate
Sanskrit only: no published translation is held for this verse.
हतान्येतानि सर्वाणि हते बीजे महेश्वर ।। सुदिनं दुर्दिनं चैव सर्वकर्मोद्भवं भव
hatānyetāni sarvāṇi hate bīje maheśvara || sudinaṃ durdinaṃ caiva sarvakarmodbhavaṃ bhava
Sanskrit only: no published translation is held for this verse.
तत्कर्म तपसा साध्यं कर्मणा च शुभाशुभम् ।। तपः स्वभावसाध्यं च स्वभावोऽभ्यासतो भवेत्
tatkarma tapasā sādhyaṃ karmaṇā ca śubhāśubham || tapaḥ svabhāvasādhyaṃ ca svabhāvo'bhyāsato bhavet
Sanskrit only: no published translation is held for this verse.
मनः शंभो ममांशश्च सर्वेंद्रियपुरःसरम्।। सर्वेषां जनकोऽहं च चित्त्वं ब्रह्मा पतिस्त्वयम्
manaḥ śaṃbho mamāṃśaśca sarveṃdriyapuraḥsaram|| sarveṣāṃ janako'haṃ ca cittvaṃ brahmā patistvayam
Sanskrit only: no published translation is held for this verse.
ब्रह्रैकं मूर्तिभेदस्तु गुणभेदेन संततम् ।। तद्ब्रह्म विविधं वस्तु सगुणं निर्गुणं शिव
brahraikaṃ mūrtibhedastu guṇabhedena saṃtatam || tadbrahma vividhaṃ vastu saguṇaṃ nirguṇaṃ śiva
Sanskrit only: no published translation is held for this verse.
मायाश्रितो यः सगुणो मायाऽतीतश्च निर्गुणः ।। स्वेच्छामयश्च भगवानिच्छया विकरोति च
māyāśrito yaḥ saguṇo māyā'tītaśca nirguṇaḥ || svecchāmayaśca bhagavānicchayā vikaroti ca
Sanskrit only: no published translation is held for this verse.
इच्छाशक्तिश्च प्रकृतिर्नित्या सर्वप्रसूः सदा ।। केचिदेकं वदंत्येव ब्रह्मज्योतिः सनातनम्
icchāśaktiśca prakṛtirnityā sarvaprasūḥ sadā || kecidekaṃ vadaṃtyeva brahmajyotiḥ sanātanam
Sanskrit only: no published translation is held for this verse.
केचिद्वदन्ति द्विविधं ब्रह्म प्रकृतिपूर्वकम् ।। शृणु ये च वदन्त्येकं मायापुरुषयोः परम्
kecidvadanti dvividhaṃ brahma prakṛtipūrvakam || śṛṇu ye ca vadantyekaṃ māyāpuruṣayoḥ param
Sanskrit only: no published translation is held for this verse.
तस्माद्भवति तौ द्वौ च तद्ब्रह्म सर्वकारणम् ।। अथ चैकं परं ब्रह्म द्विविधं भवतीच्छया ।।
tasmādbhavati tau dvau ca tadbrahma sarvakāraṇam || atha caikaṃ paraṃ brahma dvividhaṃ bhavatīcchayā ||
Sanskrit only: no published translation is held for this verse.
इच्छाशक्तिश्च प्रकृतिः सर्वशक्तिप्रसूः .सदा ।। तत्राशक्तश्च सगुणः सर्वाधारः सनातनः
icchāśaktiśca prakṛtiḥ sarvaśaktiprasūḥ .sadā || tatrāśaktaśca saguṇaḥ sarvādhāraḥ sanātanaḥ
Sanskrit only: no published translation is held for this verse.
सर्वेश्वरः सर्वसाक्षी सर्वत्रास्ति फलप्रदः ।। शरीरं द्विविधं शंभो नित्यं प्राकृतमेव च
sarveśvaraḥ sarvasākṣī sarvatrāsti phalapradaḥ || śarīraṃ dvividhaṃ śaṃbho nityaṃ prākṛtameva ca
Sanskrit only: no published translation is held for this verse.
नित्यं विनाशरहितं नश्वरं प्राकृतं सदा ।। अहं त्वं चापि भगवान्नावयोर्नित्यविग्रहः
nityaṃ vināśarahitaṃ naśvaraṃ prākṛtaṃ sadā || ahaṃ tvaṃ cāpi bhagavānnāvayornityavigrahaḥ
Sanskrit only: no published translation is held for this verse.
आवयोरंशभूता ये प्राकृता नष्टविग्रहाः ।। रुद्रादयस्त्वदंशाश्च मदंशा विष्णुरूपिणः
āvayoraṃśabhūtā ye prākṛtā naṣṭavigrahāḥ || rudrādayastvadaṃśāśca madaṃśā viṣṇurūpiṇaḥ
Sanskrit only: no published translation is held for this verse.
ममाप्येवं द्विधा रूपं द्विभुजं च चतुर्भुजम्।। चतुर्भुजोऽहं वैकुण्ठे पद्मया पार्षदैः सह
mamāpyevaṃ dvidhā rūpaṃ dvibhujaṃ ca caturbhujam|| caturbhujo'haṃ vaikuṇṭhe padmayā pārṣadaiḥ saha
Sanskrit only: no published translation is held for this verse.
गोलोके द्विभुजोऽहं च गोपीभिः सह राधया ।। द्विविधं ये वदन्त्येवं द्वौ प्रधानौ तु तन्मते
goloke dvibhujo'haṃ ca gopībhiḥ saha rādhayā || dvividhaṃ ye vadantyevaṃ dvau pradhānau tu tanmate
Sanskrit only: no published translation is held for this verse.
पुरुषश्च सदा नित्यो नित्या प्रकृतिरीश्वरी ।। सदा तौ द्वौ च संश्लिष्टौ सर्वेषां पितरौ शिव
puruṣaśca sadā nityo nityā prakṛtirīśvarī || sadā tau dvau ca saṃśliṣṭau sarveṣāṃ pitarau śiva
Sanskrit only: no published translation is held for this verse.
सशरीरौ निःशरीरौ स्वेच्छया सर्वरूपिणौ ।। प्राधान्यं च यथा पुंसः प्रकृतेश्च सदा तथा
saśarīrau niḥśarīrau svecchayā sarvarūpiṇau || prādhānyaṃ ca yathā puṃsaḥ prakṛteśca sadā tathā
Sanskrit only: no published translation is held for this verse.
सतीमिच्छसि चेच्छम्भो प्रकृतेः स्तवनं कुरु ।। यत्स्तोत्रं च त्वया दत्तं पुरा दुर्वाससे मुदा
satīmicchasi cecchambho prakṛteḥ stavanaṃ kuru || yatstotraṃ ca tvayā dattaṃ purā durvāsase mudā
Sanskrit only: no published translation is held for this verse.
तद्दिव्यं कण्वशाखोक्तं भज तेन जगत्प्रसूम् ।। शोकनाशो भवतु ते शिवं शिव ममाशिषा
taddivyaṃ kaṇvaśākhoktaṃ bhaja tena jagatprasūm || śokanāśo bhavatu te śivaṃ śiva mamāśiṣā
Sanskrit only: no published translation is held for this verse.
दूरं विप्लवहेतुश्च यातु स्त्रीविरहज्वरः ।। इत्येवमुक्त्वा लक्ष्मीशो विरराम गिरीश्वरम्
dūraṃ viplavahetuśca yātu strīvirahajvaraḥ || ityevamuktvā lakṣmīśo virarāma girīśvaram
Sanskrit only: no published translation is held for this verse.
स्तवनं कर्तुमारेभे प्रकृतेश्च महेश्वरः ।। स्नात्वा नत्वा च श्रीकृष्णं ब्रह्माणं भक्तिसंयुतः।। पुटाञ्जलियुतो भूत्वा पुलकाञ्चितविग्रहः
stavanaṃ kartumārebhe prakṛteśca maheśvaraḥ || snātvā natvā ca śrīkṛṣṇaṃ brahmāṇaṃ bhaktisaṃyutaḥ|| puṭāñjaliyuto bhūtvā pulakāñcitavigrahaḥ
Sanskrit only: no published translation is held for this verse.
महेश्वर उवाच ।। ओं नमः प्रकृत्यै मन्त्रः ।। ब्राह्मि ब्रह्मस्वरूपे त्वं मां प्रसीद सनातनि ।। परमात्मस्वरूपे च परमानन्दरूपिणि
maheśvara uvāca || oṃ namaḥ prakṛtyai mantraḥ || brāhmi brahmasvarūpe tvaṃ māṃ prasīda sanātani || paramātmasvarūpe ca paramānandarūpiṇi
Sanskrit only: no published translation is held for this verse.
सर्वस्वरूपे सर्वेशि सर्वबीजस्वरूपिणि ।। सर्वाधारे सर्वविद्ये मां प्रसीद जयप्रदे
sarvasvarūpe sarveśi sarvabījasvarūpiṇi || sarvādhāre sarvavidye māṃ prasīda jayaprade
Sanskrit only: no published translation is held for this verse.
सर्वमङ्गलरूपे च सर्वमङ्गलदायिनि ।। समस्तमङ्गलाधारे प्रसीद सर्वमङ्गले
sarvamaṅgalarūpe ca sarvamaṅgaladāyini || samastamaṅgalādhāre prasīda sarvamaṅgale
Sanskrit only: no published translation is held for this verse.
निद्रे तन्द्रे क्षमे श्रद्धे तुष्टिपुष्टिस्वरूपिणि ।। लज्जे मेधे बुद्धिरूपे प्रसीद भक्तवत्सले
nidre tandre kṣame śraddhe tuṣṭipuṣṭisvarūpiṇi || lajje medhe buddhirūpe prasīda bhaktavatsale
Sanskrit only: no published translation is held for this verse.
भद्रे भद्रप्रदे दुर्गे दुर्गघ्ने दुर्गनाशिनि ।। पोतस्वरूपे जीर्णे त्वं मां प्रसीद भवार्णवे ।।
bhadre bhadraprade durge durgaghne durganāśini || potasvarūpe jīrṇe tvaṃ māṃ prasīda bhavārṇave ||
Sanskrit only: no published translation is held for this verse.
दये जये महामाये प्रसीद जगदम्बिके ।। क्षान्ते शान्ते च सर्वान्ते क्षुत्पिपासास्वरूपिणि
daye jaye mahāmāye prasīda jagadambike || kṣānte śānte ca sarvānte kṣutpipāsāsvarūpiṇi
Sanskrit only: no published translation is held for this verse.
लक्ष्मीर्नारायणक्रोडे स्रष्टुर्वक्षसि भारति ।। मम क्रोडे महामाये विष्णुमाये प्रसीद मे
lakṣmīrnārāyaṇakroḍe sraṣṭurvakṣasi bhārati || mama kroḍe mahāmāye viṣṇumāye prasīda me
Sanskrit only: no published translation is held for this verse.
कलाकाष्ठास्वरूपे च दिवारात्रिस्वरूपिणि ।। परिणामप्रदे देवि प्रसीद दीनवत्सले
kalākāṣṭhāsvarūpe ca divārātrisvarūpiṇi || pariṇāmaprade devi prasīda dīnavatsale
Sanskrit only: no published translation is held for this verse.
कारणे सर्वशक्तीनां कृष्णस्योरसि राधिके ।। कृष्णप्राणाधिके भद्रे प्रसीद कृष्णपूजिते
kāraṇe sarvaśaktīnāṃ kṛṣṇasyorasi rādhike || kṛṣṇaprāṇādhike bhadre prasīda kṛṣṇapūjite
Sanskrit only: no published translation is held for this verse.
यशःस्वरूपे यशसां कारणे च यशःप्रदे ।। सर्वदेवीस्वरूपे च नारीरूपविधायिनि
yaśaḥsvarūpe yaśasāṃ kāraṇe ca yaśaḥprade || sarvadevīsvarūpe ca nārīrūpavidhāyini
Sanskrit only: no published translation is held for this verse.
समस्तकामिनीरूपे कलांशेन प्रसीद मे ।। सर्वसंपत्स्वरूपे च सर्वसंपत्प्रदे शुभे
samastakāminīrūpe kalāṃśena prasīda me || sarvasaṃpatsvarūpe ca sarvasaṃpatprade śubhe
Sanskrit only: no published translation is held for this verse.
प्रसीद परमानन्दे कारणे सर्वसंपदाम् ।। यशस्विनां पूजिते च प्रसीद यशसां निधे
prasīda paramānande kāraṇe sarvasaṃpadām || yaśasvināṃ pūjite ca prasīda yaśasāṃ nidhe
Sanskrit only: no published translation is held for this verse.
आधारे सर्वजगतां रत्नाधारे वसुन्धरे ।। चराचरस्वरूपे च प्रसीद मम मा चिरम् ।
ādhāre sarvajagatāṃ ratnādhāre vasundhare || carācarasvarūpe ca prasīda mama mā ciram |
Sanskrit only: no published translation is held for this verse.
योगस्वरूपे योगीशे योगदे योगकारणे ।। योगाधिष्ठात्रि देवीशे प्रसीद सिद्धयोगिनि
yogasvarūpe yogīśe yogade yogakāraṇe || yogādhiṣṭhātri devīśe prasīda siddhayogini
Sanskrit only: no published translation is held for this verse.
सर्वसिद्धिस्वरूपे च सर्वसिद्धिप्रदायिनि ।। कारणे सर्व सिद्धीनां सिद्धेश्वरि प्रसीद मे
sarvasiddhisvarūpe ca sarvasiddhipradāyini || kāraṇe sarva siddhīnāṃ siddheśvari prasīda me
Sanskrit only: no published translation is held for this verse.
व्याख्यानं सर्वशास्त्राणां मतभेदे महेश्वरि ।। ज्ञाने यदुक्तं तत्सर्वं क्षमस्व परमेश्वरि
vyākhyānaṃ sarvaśāstrāṇāṃ matabhede maheśvari || jñāne yaduktaṃ tatsarvaṃ kṣamasva parameśvari
Sanskrit only: no published translation is held for this verse.
केचिद्वदन्ति प्रकृतेः प्राधान्यं पुरुषस्य च ।। केचित्तत्र मतद्वैधे व्याख्याभेदं विदुर्बुधाः
kecidvadanti prakṛteḥ prādhānyaṃ puruṣasya ca || kecittatra matadvaidhe vyākhyābhedaṃ vidurbudhāḥ
Sanskrit only: no published translation is held for this verse.
महाविष्णोर्नाभिदेशे स्थितं तं कमलोद्भवम् ।। मधुकैटभौ महादैत्यौ लीलया हंतुमुद्यतौ
mahāviṣṇornābhideśe sthitaṃ taṃ kamalodbhavam || madhukaiṭabhau mahādaityau līlayā haṃtumudyatau
Sanskrit only: no published translation is held for this verse.
दृष्ट्वा स्तुतिं प्रकुर्वन्तं ब्रह्माणं रक्षितुं पुरा ।। बोधयामास गोविन्दं विनाशहेतवे तयोः
dṛṣṭvā stutiṃ prakurvantaṃ brahmāṇaṃ rakṣituṃ purā || bodhayāmāsa govindaṃ vināśahetave tayoḥ
Sanskrit only: no published translation is held for this verse.
नारायणस्त्वद्भक्त्या च जघान तौ महासुरौ ।। सर्वेश्वरस्त्वया सार्द्धमनीशोऽयं त्वया विना
nārāyaṇastvadbhaktyā ca jaghāna tau mahāsurau || sarveśvarastvayā sārddhamanīśo'yaṃ tvayā vinā
Sanskrit only: no published translation is held for this verse.
संसर्गसाध्यो ऽध्यासश्च संसर्गः पुण्यतो भवेत्।। पुण्यबीजं मनश्चैव पापबीजं च चंचलम्
saṃsargasādhyo 'dhyāsaśca saṃsargaḥ puṇyato bhavet|| puṇyabījaṃ manaścaiva pāpabījaṃ ca caṃcalam
Sanskrit only: no published translation is held for this verse.
अधुना रक्ष मामीशे प्रदग्धं विरहाग्निना।। स्वात्मदर्शनपुण्येन क्रीणीहि परमेश्वरि
adhunā rakṣa māmīśe pradagdhaṃ virahāgninā|| svātmadarśanapuṇyena krīṇīhi parameśvari
Sanskrit only: no published translation is held for this verse.
इत्युक्त्वा विरतः शंभुर्ददर्श गगनस्थिताम् ।। रत्नसाररथस्थां तां देवीं शतभुजां मुदा
ityuktvā virataḥ śaṃbhurdadarśa gaganasthitām || ratnasārarathasthāṃ tāṃ devīṃ śatabhujāṃ mudā
Sanskrit only: no published translation is held for this verse.
तप्तकाञ्चनवर्णाभां रत्नाभरणभूषिताम् ।। ईषद्धास्यप्रसन्नास्यां जगतां मातरं सतीम्
taptakāñcanavarṇābhāṃ ratnābharaṇabhūṣitām || īṣaddhāsyaprasannāsyāṃ jagatāṃ mātaraṃ satīm
Sanskrit only: no published translation is held for this verse.
दृष्ट्वा तां विरहासक्तः पुनस्तुष्टाव सत्वरम् ।। दुःखं निवेदयामास प्ररुदन्विरहोद्भवम्
dṛṣṭvā tāṃ virahāsaktaḥ punastuṣṭāva satvaram || duḥkhaṃ nivedayāmāsa prarudanvirahodbhavam
Sanskrit only: no published translation is held for this verse.
दर्शयामासास्थिमालां स्वांगस्थं भस्मभूषणम् ।। कृत्वा बहु परीहारं तोषयामास सुंदरीम्
darśayāmāsāsthimālāṃ svāṃgasthaṃ bhasmabhūṣaṇam || kṛtvā bahu parīhāraṃ toṣayāmāsa suṃdarīm
Sanskrit only: no published translation is held for this verse.
इहलोके सुखं भुक्त्वा स याति शिवमन्दिरम् ।। धर्मार्थकाममोक्षांश्च लभते नात्र संशयः
ihaloke sukhaṃ bhuktvā sa yāti śivamandiram || dharmārthakāmamokṣāṃśca labhate nātra saṃśayaḥ
Sanskrit only: no published translation is held for this verse.