Library·Brahmavaivarta Purāṇa·4·4.45
।। श्रीकृष्ण उवाच ।। अथ वेदविधानेन संस्थाप्य वह्निमीश्वरः ।। यज्ञं चकार तत्रैव वामे संस्थाप्य पार्वतीम्
|| śrīkṛṣṇa uvāca || atha vedavidhānena saṃsthāpya vahnimīśvaraḥ || yajñaṃ cakāra tatraiva vāme saṃsthāpya pārvatīm
Sanskrit only: no published translation is held for this verse.
निवृत्ते विधिवद्यज्ञे विप्राय दक्षिणां ददौ ।। शिवः शतसुवर्णानि वृंदावनविनोदिनि
nivṛtte vidhivadyajñe viprāya dakṣiṇāṃ dadau || śivaḥ śatasuvarṇāni vṛṃdāvanavinodini
Sanskrit only: no published translation is held for this verse.
अथ प्रदीपमानीय शैलेंद्रनगरस्त्रियः ।। निर्वर्त्य मंगलं कर्म गृहं संप्राप्य दंपती
atha pradīpamānīya śaileṃdranagarastriyaḥ || nirvartya maṃgalaṃ karma gṛhaṃ saṃprāpya daṃpatī
Sanskrit only: no published translation is held for this verse.
कृत्वा जयध्वनिं प्रीत्या शुभनिर्मञ्छनादिकम् ।। सस्मिताः सकटाक्षाश्च पुलकांचितविग्रहाः
kṛtvā jayadhvaniṃ prītyā śubhanirmañchanādikam || sasmitāḥ sakaṭākṣāśca pulakāṃcitavigrahāḥ
Sanskrit only: no published translation is held for this verse.
वासगेहं संप्रविश्य ददृशुः कामिनीगणाः ।। शंकरं रूपवेषाढ्यं रत्नभूषणभूषितम्
vāsagehaṃ saṃpraviśya dadṛśuḥ kāminīgaṇāḥ || śaṃkaraṃ rūpaveṣāḍhyaṃ ratnabhūṣaṇabhūṣitam
Sanskrit only: no published translation is held for this verse.
चन्दनागुरुकस्तूरीकुंकुमांचितविग्रहम् ।। ईषद्धास्यप्रसन्नास्यं सकटाक्षं मनोहरम्
candanāgurukastūrīkuṃkumāṃcitavigraham || īṣaddhāsyaprasannāsyaṃ sakaṭākṣaṃ manoharam
Sanskrit only: no published translation is held for this verse.
अपूर्वसूक्ष्मवेषाढ्यं सिंदूरबिंदुभूषितम् ।। चारुचंपकवर्णाभं सर्वावयवसुंदरम्
apūrvasūkṣmaveṣāḍhyaṃ siṃdūrabiṃdubhūṣitam || cārucaṃpakavarṇābhaṃ sarvāvayavasuṃdaram
Sanskrit only: no published translation is held for this verse.
नवीनयौवनस्थं च मुनीन्द्रचित्तमोहनम् ।। सरस्वतीं च लक्ष्मीं च सावित्रीं जाह्नवीं रतिम्
navīnayauvanasthaṃ ca munīndracittamohanam || sarasvatīṃ ca lakṣmīṃ ca sāvitrīṃ jāhnavīṃ ratim
Sanskrit only: no published translation is held for this verse.
अदितिं च शचीं चैव लोपामुद्रामरुंधतीम् ।। अहल्यां तुलसीं स्वाहां रोहिणीं च वसुंधराम्
aditiṃ ca śacīṃ caiva lopāmudrāmaruṃdhatīm || ahalyāṃ tulasīṃ svāhāṃ rohiṇīṃ ca vasuṃdharām
Sanskrit only: no published translation is held for this verse.
शतरूपां च संज्ञां च सतीस्त्रीणां च षोडश ।। देवकन्या नागकन्या मुनिकन्या मनोहराः
śatarūpāṃ ca saṃjñāṃ ca satīstrīṇāṃ ca ṣoḍaśa || devakanyā nāgakanyā munikanyā manoharāḥ
Sanskrit only: no published translation is held for this verse.
या याः स्थितास्तत्र तासां संख्यां कर्तुं च कः क्षमः ।। ताभी रत्नासने दत्ते तत्रोवास शिवो मुदा ।। तमूचुः क्रमशो देव्यो मधुरोक्तिं सुधामिव
yā yāḥ sthitāstatra tāsāṃ saṃkhyāṃ kartuṃ ca kaḥ kṣamaḥ || tābhī ratnāsane datte tatrovāsa śivo mudā || tamūcuḥ kramaśo devyo madhuroktiṃ sudhāmiva
Sanskrit only: no published translation is held for this verse.
सरस्वत्युवाच ।। प्राप्ता सती महादेवाधुना प्राणधिका मुदा ।। दृष्ट्वा प्रियास्यं चंद्राभं संतापं त्यज कामुक ।।
sarasvatyuvāca || prāptā satī mahādevādhunā prāṇadhikā mudā || dṛṣṭvā priyāsyaṃ caṃdrābhaṃ saṃtāpaṃ tyaja kāmuka ||
Sanskrit only: no published translation is held for this verse.
कालं गमय कालेश सदा संश्लेषपूर्वकम् ।। विश्लेषस्ते न भविता सर्वकालं ममाशिषा
kālaṃ gamaya kāleśa sadā saṃśleṣapūrvakam || viśleṣaste na bhavitā sarvakālaṃ mamāśiṣā
Sanskrit only: no published translation is held for this verse.
लक्ष्मीरुवाच ।। लज्जां विहाय देवेश सतीं कृत्वा स्ववक्षसि ।। तिष्ठ संप्रति का लज्जा प्राणा यांति यया विना
lakṣmīruvāca || lajjāṃ vihāya deveśa satīṃ kṛtvā svavakṣasi || tiṣṭha saṃprati kā lajjā prāṇā yāṃti yayā vinā
Sanskrit only: no published translation is held for this verse.
सावित्र्युवाच ।। भोजयित्वा सतीं शंभो शीघ्रं भोजय मा खिदः ।। तदाचम्य सकर्पूरं तांबूलं देहि भक्तितः
sāvitryuvāca || bhojayitvā satīṃ śaṃbho śīghraṃ bhojaya mā khidaḥ || tadācamya sakarpūraṃ tāṃbūlaṃ dehi bhaktitaḥ
Sanskrit only: no published translation is held for this verse.
जाह्नव्युवाच ।। स्वर्णकंकतिकां धृत्वा केशान्मार्जय योषितः ।। कामिन्याः स्वामिसौभाग्यं सुखं नातः परं भवेत्
jāhnavyuvāca || svarṇakaṃkatikāṃ dhṛtvā keśānmārjaya yoṣitaḥ || kāminyāḥ svāmisaubhāgyaṃ sukhaṃ nātaḥ paraṃ bhavet
Sanskrit only: no published translation is held for this verse.
रतिरुवाच ।। गृहीत्वा पार्वतीं देव सुभगामतिदुर्लभाम् ।। कथं मम प्राणनाथो निःस्वार्थ भस्मसात्कृतः
ratiruvāca || gṛhītvā pārvatīṃ deva subhagāmatidurlabhām || kathaṃ mama prāṇanātho niḥsvārtha bhasmasātkṛtaḥ
Sanskrit only: no published translation is held for this verse.
जीवयसि विभो कामं कामव्यापारमात्मनि ।। कुरु दूरं च संतापं मम विश्लेषहेतुकम्
jīvayasi vibho kāmaṃ kāmavyāpāramātmani || kuru dūraṃ ca saṃtāpaṃ mama viśleṣahetukam
Sanskrit only: no published translation is held for this verse.
दम्पतीविरहक्लेशं सर्वं ज्ञात्वा दयानिधे ।। तथापि मम कांतश्च कोपेन भस्मसात्कृतः
dampatīvirahakleśaṃ sarvaṃ jñātvā dayānidhe || tathāpi mama kāṃtaśca kopena bhasmasātkṛtaḥ
Sanskrit only: no published translation is held for this verse.
इत्युक्त्वा कामभस्माथ ददौ सा ग्रन्थिबंधितम् ।। रुरोद पुरतः शंभोर्नाथनाथेत्युदीर्य च
ityuktvā kāmabhasmātha dadau sā granthibaṃdhitam || ruroda purataḥ śaṃbhornāthanāthetyudīrya ca
Sanskrit only: no published translation is held for this verse.
हरिस्तद्रोदनं श्रुत्वा करुणामयसागरः ।। ब्रह्मा धर्मादिदेवाश्च ययुर्वासगृहं शिवम्
haristadrodanaṃ śrutvā karuṇāmayasāgaraḥ || brahmā dharmādidevāśca yayurvāsagṛhaṃ śivam
Sanskrit only: no published translation is held for this verse.
दृष्ट्वा नारायणं धर्मं ब्रह्माणं च सुरानपि ।। जवेन पीठादुत्थाय स्वाज्ञां कुर्वित्युवाच ह
dṛṣṭvā nārāyaṇaṃ dharmaṃ brahmāṇaṃ ca surānapi || javena pīṭhādutthāya svājñāṃ kurvityuvāca ha
Sanskrit only: no published translation is held for this verse.
शंकरस्य वचः श्रुत्वा तमुवाच हरिः स्वयम् ।। कामं जीवय हे रुद्रेत्युक्त्वा शीघ्रं जगाम सः
śaṃkarasya vacaḥ śrutvā tamuvāca hariḥ svayam || kāmaṃ jīvaya he rudretyuktvā śīghraṃ jagāma saḥ
Sanskrit only: no published translation is held for this verse.
ऊचुर्देव्यो बहुतरं वाक्यं विनयपूर्वकम्।। क्रुधा दृष्ट्वा शूलभृतो भस्मतो निर्गतः स्मरः
ūcurdevyo bahutaraṃ vākyaṃ vinayapūrvakam|| krudhā dṛṣṭvā śūlabhṛto bhasmato nirgataḥ smaraḥ
Sanskrit only: no published translation is held for this verse.
दृष्ट्वा कामं रतिस्तं च प्रणनाम महेश्वरम् ।। तद्रूपं च तदाकारं सस्मितं सधनुःशरम्
dṛṣṭvā kāmaṃ ratistaṃ ca praṇanāma maheśvaram || tadrūpaṃ ca tadākāraṃ sasmitaṃ sadhanuḥśaram
Sanskrit only: no published translation is held for this verse.
प्रणम्य शंकरं कामः स्तुतिं कृत्वा यथागमम् ।। बहिर्गत्वा हरिं देवान्प्रणम्य समुवाच ह
praṇamya śaṃkaraṃ kāmaḥ stutiṃ kṛtvā yathāgamam || bahirgatvā hariṃ devānpraṇamya samuvāca ha
Sanskrit only: no published translation is held for this verse.
कामं संभाष्य देवाश्च युयुजुश्च तमाशिषम् ।। काले रक्षा विनाशश्च निषेधः केन वार्यते
kāmaṃ saṃbhāṣya devāśca yuyujuśca tamāśiṣam || kāle rakṣā vināśaśca niṣedhaḥ kena vāryate
Sanskrit only: no published translation is held for this verse.
अथ शैलः सुरान्सर्वान्नारायणपुरोगमान् ।। भोजयामास भक्त्या च शाययामास यत्नतः
atha śailaḥ surānsarvānnārāyaṇapurogamān || bhojayāmāsa bhaktyā ca śāyayāmāsa yatnataḥ
Sanskrit only: no published translation is held for this verse.
अथ शंभुर्वासगृहे वामे संस्थाप्य पार्वतीम् ।। मिष्टान्नं भोजयामास तया सह मुदान्वितः
atha śaṃbhurvāsagṛhe vāme saṃsthāpya pārvatīm || miṣṭānnaṃ bhojayāmāsa tayā saha mudānvitaḥ
Sanskrit only: no published translation is held for this verse.
भुक्तवंतं शिवं तत्र देवमाताऽदितिः स्वयम् ।। उवाच सस्मितं राधे संप्रीत्या सरसं वचः
bhuktavaṃtaṃ śivaṃ tatra devamātā'ditiḥ svayam || uvāca sasmitaṃ rādhe saṃprītyā sarasaṃ vacaḥ
Sanskrit only: no published translation is held for this verse.
अदितिरुवाच ।। भोजनांते शचि शंभोः शौचार्थं जलमर्पय ।। देहि शीघ्रं मम प्रीत्या दंपत्योः प्रीतिपूर्वकम्
aditiruvāca || bhojanāṃte śaci śaṃbhoḥ śaucārthaṃ jalamarpaya || dehi śīghraṃ mama prītyā daṃpatyoḥ prītipūrvakam
Sanskrit only: no published translation is held for this verse.
शच्युवाच ।। कृत्वा विलापं यद्धेतोः शवं कृत्वा स्ववक्षसि ।। यो बभ्राम भुवं मोहात्कालेन प्राप तां सतीम्
śacyuvāca || kṛtvā vilāpaṃ yaddhetoḥ śavaṃ kṛtvā svavakṣasi || yo babhrāma bhuvaṃ mohātkālena prāpa tāṃ satīm
Sanskrit only: no published translation is held for this verse.
अरुंधत्युवाच ।। मया दत्ता सती तुभ्यं मेना दातुमनीप्सिता ।। विविधं बोधयित्वेमां रतिं च कर्तुमर्हसि
aruṃdhatyuvāca || mayā dattā satī tubhyaṃ menā dātumanīpsitā || vividhaṃ bodhayitvemāṃ ratiṃ ca kartumarhasi
Sanskrit only: no published translation is held for this verse.
अहल्योवाच ।। वृद्धावस्थां परित्यज्य ह्यतीव तरुणोऽधुना ।। तेन मेना तु मेने त्वां सुतामर्पितुमीश्वर
ahalyovāca || vṛddhāvasthāṃ parityajya hyatīva taruṇo'dhunā || tena menā tu mene tvāṃ sutāmarpitumīśvara
Sanskrit only: no published translation is held for this verse.
तुलस्युवाच ।। सती त्वया परित्यक्ता कामो दग्धः पुराकृतः ।। कथं तदा वसिष्ठश्च प्रभो प्रस्थापितोऽधुना
tulasyuvāca || satī tvayā parityaktā kāmo dagdhaḥ purākṛtaḥ || kathaṃ tadā vasiṣṭhaśca prabho prasthāpito'dhunā
Sanskrit only: no published translation is held for this verse.
स्वाहोवाच ।। स्थिरो भव महादेव स्त्रीणां वचसि सांप्रतम् ।। विवाहे व्यवहारोऽस्ति पुरस्त्रीणां प्रगल्भता
svāhovāca || sthiro bhava mahādeva strīṇāṃ vacasi sāṃpratam || vivāhe vyavahāro'sti purastrīṇāṃ pragalbhatā
Sanskrit only: no published translation is held for this verse.
रोहिण्युवाच ।। कामं पूरय पार्वत्याः कामशास्त्रविशारद ।। कुरु पारं स्वयं कामी कामिनां कामसागरम् ।।
rohiṇyuvāca || kāmaṃ pūraya pārvatyāḥ kāmaśāstraviśārada || kuru pāraṃ svayaṃ kāmī kāmināṃ kāmasāgaram ||
Sanskrit only: no published translation is held for this verse.
वसुंधरोवाच ।। भोगद्रव्यं विना भोगी न हि तुष्टः क्षुधातुरः ।। येन तुष्टिर्भवेच्छंभो तत्कर्तुमुचितं स्त्रिया
vasuṃdharovāca || bhogadravyaṃ vinā bhogī na hi tuṣṭaḥ kṣudhāturaḥ || yena tuṣṭirbhavecchaṃbho tatkartumucitaṃ striyā
Sanskrit only: no published translation is held for this verse.
संज्ञोवाच ।। जानासि भावं सर्वज्ञ कामार्तानां च योषिताम् ।। न च स्वस्वामिनं शंभो सती जानाति संगतम्
saṃjñovāca || jānāsi bhāvaṃ sarvajña kāmārtānāṃ ca yoṣitām || na ca svasvāminaṃ śaṃbho satī jānāti saṃgatam
Sanskrit only: no published translation is held for this verse.
शतरूपोवाच ।। तूर्णं प्रस्थापय प्रीत्या पार्वत्या सह शंकरम् ।। रत्नप्रदीपं तांबूलं तल्पं निर्माय निर्जने
śatarūpovāca || tūrṇaṃ prasthāpaya prītyā pārvatyā saha śaṃkaram || ratnapradīpaṃ tāṃbūlaṃ talpaṃ nirmāya nirjane
Sanskrit only: no published translation is held for this verse.
श्रीकृष्ण उवाच ।। स्त्रीणां तद्वचनं श्रुत्वा ता उवाच शिवः स्वयम् ।। निर्विकारी च भगवान्योगींद्राणां गुरोर्गुरुः
śrīkṛṣṇa uvāca || strīṇāṃ tadvacanaṃ śrutvā tā uvāca śivaḥ svayam || nirvikārī ca bhagavānyogīṃdrāṇāṃ gurorguruḥ
Sanskrit only: no published translation is held for this verse.
शंकर उवाच ।। देव्यो मा वदतोक्तिं च ह्येवंभूतां ममांतिके ।। जगतां मातरः साध्व्यः पुत्रे चपलता कथम्
śaṃkara uvāca || devyo mā vadatoktiṃ ca hyevaṃbhūtāṃ mamāṃtike || jagatāṃ mātaraḥ sādhvyaḥ putre capalatā katham
Sanskrit only: no published translation is held for this verse.
शंकरस्य वचः श्रुत्वा लज्जिताः सुरयोषितः ।। बभूवुः संभ्रमात्तूष्णीं चित्रपुत्तलिका यथा
śaṃkarasya vacaḥ śrutvā lajjitāḥ surayoṣitaḥ || babhūvuḥ saṃbhramāttūṣṇīṃ citraputtalikā yathā
Sanskrit only: no published translation is held for this verse.
भुक्त्वा मिष्टानि भगवानाचम्य च मुदाऽन्वितः ।। सकर्पूरं च तांबूलं बुभुजे भार्यया सह
bhuktvā miṣṭāni bhagavānācamya ca mudā'nvitaḥ || sakarpūraṃ ca tāṃbūlaṃ bubhuje bhāryayā saha
Sanskrit only: no published translation is held for this verse.
रत्नसिंहासने शंभुर्मेनादत्ते मनोहरे ।। सन्निधाय मुदायुक्तो ददर्श वासमंदिरम्
ratnasiṃhāsane śaṃbhurmenādatte manohare || sannidhāya mudāyukto dadarśa vāsamaṃdiram
Sanskrit only: no published translation is held for this verse.
रत्नप्रदीपशतकैर्ज्वलद्भि र्ज्वलितं श्रिया ।। रत्नपात्रघटाकीर्णं मुक्तामाणिक्यभूषितम्
ratnapradīpaśatakairjvaladbhi rjvalitaṃ śriyā || ratnapātraghaṭākīrṇaṃ muktāmāṇikyabhūṣitam
Sanskrit only: no published translation is held for this verse.
रत्नदर्पणशोभाढ्यं मंडितं श्वेतचामरैः ।। चंदनागुरुसंयुक्तं पुष्पशय्यासमन्वितम्
ratnadarpaṇaśobhāḍhyaṃ maṃḍitaṃ śvetacāmaraiḥ || caṃdanāgurusaṃyuktaṃ puṣpaśayyāsamanvitam
Sanskrit only: no published translation is held for this verse.
नानाचित्रविचित्राढयं निर्मितं विश्वकर्मणा ।। रत्नसारेण खचितं रचितं हीरकैर्वरैः
nānācitravicitrāḍhayaṃ nirmitaṃ viśvakarmaṇā || ratnasāreṇa khacitaṃ racitaṃ hīrakairvaraiḥ
Sanskrit only: no published translation is held for this verse.
कुत्रचित्सुरनिर्माणवैकुंठसुमनोहरम् ।। वृंदावनं कुंजवनं कुत्रचिद्रासमंडलम्
kutracitsuranirmāṇavaikuṃṭhasumanoharam || vṛṃdāvanaṃ kuṃjavanaṃ kutracidrāsamaṃḍalam
Sanskrit only: no published translation is held for this verse.
कैलासं च कुत्रचन कुत्रचिदिंद्रमंदिरम् ।। दृष्ट्वाश्चर्यं महादेवः परितुष्टो बभूव ह
kailāsaṃ ca kutracana kutracidiṃdramaṃdiram || dṛṣṭvāścaryaṃ mahādevaḥ parituṣṭo babhūva ha
Sanskrit only: no published translation is held for this verse.
अथ प्रभातकालश्च बभूव प्राणवल्लभे ।। नानाप्रकारवाद्यानि वादयांचक्रिरे जनाः
atha prabhātakālaśca babhūva prāṇavallabhe || nānāprakāravādyāni vādayāṃcakrire janāḥ
Sanskrit only: no published translation is held for this verse.
सर्वे सुराः समुत्तस्थुः सज्जीभूताः ससंभ्रमाः ।। स्ववाहनान्समारुह्य कैलासं गन्तुमुद्यताः
sarve surāḥ samuttasthuḥ sajjībhūtāḥ sasaṃbhramāḥ || svavāhanānsamāruhya kailāsaṃ gantumudyatāḥ
Sanskrit only: no published translation is held for this verse.
वासगेहं समागत्य धर्मो नारायणाज्ञया ।। उवाच शंकरं योगी योगीशं समयोचितम्
vāsagehaṃ samāgatya dharmo nārāyaṇājñayā || uvāca śaṃkaraṃ yogī yogīśaṃ samayocitam
Sanskrit only: no published translation is held for this verse.
धर्म उवाच ।। उत्तिष्ठोत्तिष्ठ भद्रं ते भवतु प्रमथाधिप ।। पार्वत्या सह माहेंद्रे यात्रां कुरु हरिं स्मरन्
dharma uvāca || uttiṣṭhottiṣṭha bhadraṃ te bhavatu pramathādhipa || pārvatyā saha māheṃdre yātrāṃ kuru hariṃ smaran
Sanskrit only: no published translation is held for this verse.
इत्थं धर्मवचः श्रुत्वा पार्वत्या सह शंकरः ।। यात्रां चकार माहेंद्रे वृंदावनविनोदिनि
itthaṃ dharmavacaḥ śrutvā pārvatyā saha śaṃkaraḥ || yātrāṃ cakāra māheṃdre vṛṃdāvanavinodini
Sanskrit only: no published translation is held for this verse.
यात्रां कुर्वति देवेशे पार्वत्या सह शंकरे ।। उच्चै रुदित्वा सा मेना तमुवाच कृपानिधिम्
yātrāṃ kurvati deveśe pārvatyā saha śaṃkare || uccai ruditvā sā menā tamuvāca kṛpānidhim
Sanskrit only: no published translation is held for this verse.
मेनोवाच ।। कृपानिधे कृपां कृत्वा मद्वत्सां पालयिष्यसि ।। सहस्रदोषान्भगवानाशुतोषः क्षमिष्यसि
menovāca || kṛpānidhe kṛpāṃ kṛtvā madvatsāṃ pālayiṣyasi || sahasradoṣānbhagavānāśutoṣaḥ kṣamiṣyasi
Sanskrit only: no published translation is held for this verse.
त्वत्पदांबुजभक्तैषा मद्वत्सा जन्म जन्मनि ।। स्वप्ने ज्ञाने स्मृतिर्नास्ति महादेवप्रभुं विना
tvatpadāṃbujabhaktaiṣā madvatsā janma janmani || svapne jñāne smṛtirnāsti mahādevaprabhuṃ vinā
Sanskrit only: no published translation is held for this verse.
त्वद्भक्तिश्रुतिमात्रेण हर्षाश्रुपुलकान्विता ।। त्वन्निंदया भवेन्मौना मृत्युंजय मृता इव
tvadbhaktiśrutimātreṇa harṣāśrupulakānvitā || tvanniṃdayā bhavenmaunā mṛtyuṃjaya mṛtā iva
Sanskrit only: no published translation is held for this verse.
इत्युक्ता मेनका शीघ्रं तत्रागत्य हिमालयः ।। उच्चै रुरोद च तदा वत्सां कृत्वा स्ववक्षसि
ityuktā menakā śīghraṃ tatrāgatya himālayaḥ || uccai ruroda ca tadā vatsāṃ kṛtvā svavakṣasi
Sanskrit only: no published translation is held for this verse.
क्व यासि वत्सेत्युच्चार्य शून्यं कृत्वा हिमालयम् ।। स्मारंस्मारं तद्गणौघं विदार्य मन्मनः स्फुटम्
kva yāsi vatsetyuccārya śūnyaṃ kṛtvā himālayam || smāraṃsmāraṃ tadgaṇaughaṃ vidārya manmanaḥ sphuṭam
Sanskrit only: no published translation is held for this verse.
इत्येवमुक्त्वा शैलेन्द्रः समर्प्य च शिवां शिवे ।। स शैलः सहपुत्रश्च रुरोदोच्चैर्मुहुर्मुहुः
ityevamuktvā śailendraḥ samarpya ca śivāṃ śive || sa śailaḥ sahaputraśca rurodoccairmuhurmuhuḥ
Sanskrit only: no published translation is held for this verse.
नारायणश्च भगवानध्यात्मविद्यया स्वयम् ।। सर्वान्प्रबोधयामास कृपया स कृपानिधिः
nārāyaṇaśca bhagavānadhyātmavidyayā svayam || sarvānprabodhayāmāsa kṛpayā sa kṛpānidhiḥ
Sanskrit only: no published translation is held for this verse.
ननाम पार्वती भक्त्या मातरं पितरं गुरुम् ।। मायया च महामाया रुरोदोच्चैर्मुर्हुमुहुः
nanāma pārvatī bhaktyā mātaraṃ pitaraṃ gurum || māyayā ca mahāmāyā rurodoccairmurhumuhuḥ
Sanskrit only: no published translation is held for this verse.
पार्वतीरोदनेनैव रुरुदुः सर्वयोषितः ।। मुनयश्च सुराः सर्वे सस्त्रीकाः सगणं ध्रुवम्
pārvatīrodanenaiva ruruduḥ sarvayoṣitaḥ || munayaśca surāḥ sarve sastrīkāḥ sagaṇaṃ dhruvam
Sanskrit only: no published translation is held for this verse.
शीघ्रं ययुस्ते कैलासं देवा मानसशायिनः ।। मुहूर्तार्द्धेन मुदिताः संप्रापुः शंकरालयम्
śīghraṃ yayuste kailāsaṃ devā mānasaśāyinaḥ || muhūrtārddhena muditāḥ saṃprāpuḥ śaṃkarālayam
Sanskrit only: no published translation is held for this verse.
दृष्ट्वा गतं देवपत्न्यो मुनिपत्न्यश्च सत्वरम् ।। आययुर्दीपमानीय मुदा मङ्गलकर्मणि
dṛṣṭvā gataṃ devapatnyo munipatnyaśca satvaram || āyayurdīpamānīya mudā maṅgalakarmaṇi
Sanskrit only: no published translation is held for this verse.
वायुपत्नी कुबेरस्य कामिनी शुक्रकामिनी ।। तारा सुरगुरोः पत्नी पत्नी दुर्वाससस्तथा
vāyupatnī kuberasya kāminī śukrakāminī || tārā suraguroḥ patnī patnī durvāsasastathā
Sanskrit only: no published translation is held for this verse.
अत्रिभार्यानुसूया च चंद्रपत्न्यस्तथैव च ।। देवकन्या नागकन्या मुनिकन्याः सहस्रशः
atribhāryānusūyā ca caṃdrapatnyastathaiva ca || devakanyā nāgakanyā munikanyāḥ sahasraśaḥ
Sanskrit only: no published translation is held for this verse.
असंख्यकामिनीसंघः संख्यां कर्तुं च कः क्षमः ।। ताश्च प्रवेशयामासुर्दंपतीवासमंदिरम्
asaṃkhyakāminīsaṃghaḥ saṃkhyāṃ kartuṃ ca kaḥ kṣamaḥ || tāśca praveśayāmāsurdaṃpatīvāsamaṃdiram
Sanskrit only: no published translation is held for this verse.
रत्नसिंहासने रम्ये वासयामासुरीश्वरीम् ।। सतीं तां दर्शयामास शिवः पूर्वालयं मुदा
ratnasiṃhāsane ramye vāsayāmāsurīśvarīm || satīṃ tāṃ darśayāmāsa śivaḥ pūrvālayaṃ mudā
Sanskrit only: no published translation is held for this verse.
सति स्मरस्यतो गेहाद्यद्गता तातमंदिरम् ।। अधुना शैलकन्या त्वं तत्र दक्षसुता पुरा
sati smarasyato gehādyadgatā tātamaṃdiram || adhunā śailakanyā tvaṃ tatra dakṣasutā purā
Sanskrit only: no published translation is held for this verse.
जातिस्मरां स्मारयामि नित्यं स्मरसि चेद्वद ।। शंकरस्य वचः श्रुत्वा सस्मितोवाच सा सती
jātismarāṃ smārayāmi nityaṃ smarasi cedvada || śaṃkarasya vacaḥ śrutvā sasmitovāca sā satī
Sanskrit only: no published translation is held for this verse.
सर्वं स्मरामि प्राणेश मौनीभूतो भवेति तम् ।। शिवः संभृतसंभारो नानावस्तुमनोहरम्
sarvaṃ smarāmi prāṇeśa maunībhūto bhaveti tam || śivaḥ saṃbhṛtasaṃbhāro nānāvastumanoharam
Sanskrit only: no published translation is held for this verse.
भोजयामास देवांश्च नारायणपुरोगमान् ।। भुक्त्वा देवाः प्रजग्मुस्ते नानारत्नविभूषिताः
bhojayāmāsa devāṃśca nārāyaṇapurogamān || bhuktvā devāḥ prajagmuste nānāratnavibhūṣitāḥ
Sanskrit only: no published translation is held for this verse.
सस्त्रीका सगणाः सर्वे प्रणम्य चन्द्रशेखरम् ।। नारायणं च ब्रह्माणं ननाम शंकरः स्वयम्
sastrīkā sagaṇāḥ sarve praṇamya candraśekharam || nārāyaṇaṃ ca brahmāṇaṃ nanāma śaṃkaraḥ svayam
Sanskrit only: no published translation is held for this verse.
तौ च तं च समाश्लिष्याशिषं कृत्वा प्रजग्मतुः ।। अथ शैलश्च मेना च मैनाकमाजुहाव ह
tau ca taṃ ca samāśliṣyāśiṣaṃ kṛtvā prajagmatuḥ || atha śailaśca menā ca mainākamājuhāva ha
Sanskrit only: no published translation is held for this verse.
शीघ्रमानय भद्रं ते पार्वतीं शंकरं सुत ।। तयोः स वचनं श्रुत्वा शीघ्रं गत्वा शिवालयम्
śīghramānaya bhadraṃ te pārvatīṃ śaṃkaraṃ suta || tayoḥ sa vacanaṃ śrutvā śīghraṃ gatvā śivālayam
Sanskrit only: no published translation is held for this verse.
आजगाम समानीय पार्वतीपरमेश्वरौ ।। पार्वत्यागमनं श्रुत्वा बालाश्च बालिकास्तथा
ājagāma samānīya pārvatīparameśvarau || pārvatyāgamanaṃ śrutvā bālāśca bālikāstathā
Sanskrit only: no published translation is held for this verse.
वृद्धा युवत्यो या याश्च शैलाश्च दुद्रुवुर्मुदा ।। मेना सुताभ्यां वध्वा च सह दुद्राव सस्मिता
vṛddhā yuvatyo yā yāśca śailāśca dudruvurmudā || menā sutābhyāṃ vadhvā ca saha dudrāva sasmitā
Sanskrit only: no published translation is held for this verse.
हिमालयश्च मुदितो दुद्रावानुव्रजन्सुताम् ।। अवरुह्य रथाद्देवी मातरं पितरं गुरुम्
himālayaśca mudito dudrāvānuvrajansutām || avaruhya rathāddevī mātaraṃ pitaraṃ gurum
Sanskrit only: no published translation is held for this verse.
प्रणनाम प्रमुदिता निमग्नाऽऽनन्दसागरे ।। पार्वतीं च समाश्लिष्य मेनका हर्षविह्वला
praṇanāma pramuditā nimagnā''nandasāgare || pārvatīṃ ca samāśliṣya menakā harṣavihvalā
Sanskrit only: no published translation is held for this verse.
हिमालयश्च मुदितो गताः प्राणा इवागताः ।। सुतां निधाय गेहे स्वे रत्नसिंहासनं ददौ
himālayaśca mudito gatāḥ prāṇā ivāgatāḥ || sutāṃ nidhāya gehe sve ratnasiṃhāsanaṃ dadau
Sanskrit only: no published translation is held for this verse.
शूलभृते गणेभ्यश्च मधुपर्कादिकं मुदा ।। तस्थौ श्वशुरगेहे च सगणश्चन्द्रशेखरः
śūlabhṛte gaṇebhyaśca madhuparkādikaṃ mudā || tasthau śvaśuragehe ca sagaṇaścandraśekharaḥ
Sanskrit only: no published translation is held for this verse.
नित्यं षोडशोपचारैः पूजितः सह भार्यया ।। इत्येवं कथितं राधे शंकरोद्वाहमङ्गलम् ।। शोकजं हर्षजनकं किं भूयः श्रोतुमिच्छसि
nityaṃ ṣoḍaśopacāraiḥ pūjitaḥ saha bhāryayā || ityevaṃ kathitaṃ rādhe śaṃkarodvāhamaṅgalam || śokajaṃ harṣajanakaṃ kiṃ bhūyaḥ śrotumicchasi
Sanskrit only: no published translation is held for this verse.