Library·Brahmavaivarta Purāṇa·4·4.46
राधिकोवाच ।। सुचिरं च मृतं कामं शंकरेण च जीवितम् ।। रतिः पुनः प्रियं प्राप्य किं चकार मुदाऽन्विता
rādhikovāca || suciraṃ ca mṛtaṃ kāmaṃ śaṃkareṇa ca jīvitam || ratiḥ punaḥ priyaṃ prāpya kiṃ cakāra mudā'nvitā
Sanskrit only: no published translation is held for this verse.
स्त्रीणां स्वस्वामिविच्छेदो मरणादतिदुष्करः ।। पुनः संमेलनं भर्तुः सुखं परमदुर्लभम्
strīṇāṃ svasvāmivicchedo maraṇādatiduṣkaraḥ || punaḥ saṃmelanaṃ bhartuḥ sukhaṃ paramadurlabham
Sanskrit only: no published translation is held for this verse.
शिवः सतीं तां संप्राप्य सङ्गे मङ्गलकर्मणि।। चिरं प्रनष्टविरहः किं चकार मुदाऽन्वितः
śivaḥ satīṃ tāṃ saṃprāpya saṅge maṅgalakarmaṇi|| ciraṃ pranaṣṭavirahaḥ kiṃ cakāra mudā'nvitaḥ
Sanskrit only: no published translation is held for this verse.
कलत्रविरहः पुंसां सर्वशोकात्सुदुष्करः ।। पुनः संमीलनं तस्याः प्राणदानाधिकं सुखम्
kalatravirahaḥ puṃsāṃ sarvaśokātsuduṣkaraḥ || punaḥ saṃmīlanaṃ tasyāḥ prāṇadānādhikaṃ sukham
Sanskrit only: no published translation is held for this verse.
रतिः पुंसो विरहिणी शिवः स्त्रीविरही चिरम् ।। द्वयोर्द्वयोश्च संप्राप्तौ किं बभूव द्वयोः सुखम्
ratiḥ puṃso virahiṇī śivaḥ strīvirahī ciram || dvayordvayośca saṃprāptau kiṃ babhūva dvayoḥ sukham
Sanskrit only: no published translation is held for this verse.
तदेवं श्रोतुमिच्छामि परं कौतूहलं मम ।। कृपया विदुषां श्रेष्ठ सव्यासं कथय प्रभो
tadevaṃ śrotumicchāmi paraṃ kautūhalaṃ mama || kṛpayā viduṣāṃ śreṣṭha savyāsaṃ kathaya prabho
Sanskrit only: no published translation is held for this verse.
मेलनं शक्तिशिवयो रतिमन्मथयोस्ततः ।। शोकापहं श्रुतवतां सर्वमङ्गलकारणम्
melanaṃ śaktiśivayo ratimanmathayostataḥ || śokāpahaṃ śrutavatāṃ sarvamaṅgalakāraṇam
Sanskrit only: no published translation is held for this verse.
नारायण उवाच ।। इत्युक्त्वा राधिका देवी सस्मिता विरराम ह ।। कृष्णस्तद्वचनं श्रुत्वा सस्मितस्तामुवाच ह
nārāyaṇa uvāca || ityuktvā rādhikā devī sasmitā virarāma ha || kṛṣṇastadvacanaṃ śrutvā sasmitastāmuvāca ha
Sanskrit only: no published translation is held for this verse.
कृष्ण उवाच ।। मृतं कामं पुनः प्राप्य कामार्ता कामकामिनी ।। स्वालयं तं समानीय हरोद्वाहगृहादहो
kṛṣṇa uvāca || mṛtaṃ kāmaṃ punaḥ prāpya kāmārtā kāmakāminī || svālayaṃ taṃ samānīya harodvāhagṛhādaho
Sanskrit only: no published translation is held for this verse.
भर्तुः सुवेषं विविधं स्वात्मनः स्वालिभिर्मुदा ।। कारयामास यत्नेन सा रती रमणोत्सुका
bhartuḥ suveṣaṃ vividhaṃ svātmanaḥ svālibhirmudā || kārayāmāsa yatnena sā ratī ramaṇotsukā
Sanskrit only: no published translation is held for this verse.
ज्ञात्वा कामस्तु तद्भावं कामशास्त्रविधायकः ।। रत्नयानं समारुह्य जगाम स्वालयाद्वनम्
jñātvā kāmastu tadbhāvaṃ kāmaśāstravidhāyakaḥ || ratnayānaṃ samāruhya jagāma svālayādvanam
Sanskrit only: no published translation is held for this verse.
शैलेशैलेऽतिरम्ये च नद्यांनद्यां नदेनदे ।। द्वीपेद्वीपे सिन्धुतटे पुष्पोद्याने मनोहरे
śaileśaile'tiramye ca nadyāṃnadyāṃ nadenade || dvīpedvīpe sindhutaṭe puṣpodyāne manohare
Sanskrit only: no published translation is held for this verse.
काञ्चने भूमिनिकरे वटमृलेऽतिनिर्जने ।। नदीपुलिनभूम्यां च पुष्पिते पुष्पकानने
kāñcane bhūminikare vaṭamṛle'tinirjane || nadīpulinabhūmyāṃ ca puṣpite puṣpakānane
Sanskrit only: no published translation is held for this verse.
भ्रमरध्वनिसंयुक्ते पुंस्कोकिलरुतश्रुते ।। सुगन्धिवायुनाऽऽकीर्णे दधती जलसीकरम्
bhramaradhvanisaṃyukte puṃskokilarutaśrute || sugandhivāyunā''kīrṇe dadhatī jalasīkaram
Sanskrit only: no published translation is held for this verse.
चित्तेषु चेतनानां च हरणं योषितामहो ।। कलामानप्रकारेण शृङ्गारं च चकार सा
citteṣu cetanānāṃ ca haraṇaṃ yoṣitāmaho || kalāmānaprakāreṇa śṛṅgāraṃ ca cakāra sā
Sanskrit only: no published translation is held for this verse.
पूर्णमब्दशतं दिव्यं स रेमे वामया सह ।। दिवानिशं न बुबुधे संसक्तः सततं मुदा
pūrṇamabdaśataṃ divyaṃ sa reme vāmayā saha || divāniśaṃ na bubudhe saṃsaktaḥ satataṃ mudā
Sanskrit only: no published translation is held for this verse.
तस्थतुस्तौ च तत्रैव संसक्तौ सततं मुदा ।। सुरतौ च न विरतौ रतिशास्त्रविशारदौ
tasthatustau ca tatraiva saṃsaktau satataṃ mudā || suratau ca na viratau ratiśāstraviśāradau
Sanskrit only: no published translation is held for this verse.
पतिविच्छेदसंतापं विजहौ सा रतिर्मुदा ।। प्राप्य रत्नमपहृतं कः क्षणं त्यक्तुमुत्सहेत्
pativicchedasaṃtāpaṃ vijahau sā ratirmudā || prāpya ratnamapahṛtaṃ kaḥ kṣaṇaṃ tyaktumutsahet
Sanskrit only: no published translation is held for this verse.
इत्येवं कथितं सर्वं रतिसंतापकारणम् ।। शृङ्गारं शक्तिशिवयोरतुलं शृणु राधिके
ityevaṃ kathitaṃ sarvaṃ ratisaṃtāpakāraṇam || śṛṅgāraṃ śaktiśivayoratulaṃ śṛṇu rādhike
Sanskrit only: no published translation is held for this verse.
शृण्वतां कर्णपीयूषं परमाश्चर्यमीप्सितम् ।। सर्वसंतापहरणं सुखदं पुण्यदं शुभम्
śṛṇvatāṃ karṇapīyūṣaṃ paramāścaryamīpsitam || sarvasaṃtāpaharaṇaṃ sukhadaṃ puṇyadaṃ śubham
Sanskrit only: no published translation is held for this verse.
वसञ्छ्वशुरगेहे स पार्वत्या सह शंकरः ।। तदनुज्ञां समादाय क्रीडार्थं प्रययौ वनम्
vasañchvaśuragehe sa pārvatyā saha śaṃkaraḥ || tadanujñāṃ samādāya krīḍārthaṃ prayayau vanam
Sanskrit only: no published translation is held for this verse.
रत्नस्यन्दनमारुह्य रत्नसारपरिच्छदम्।। रत्नसारेण खचितं रचितं विश्वकर्मणा
ratnasyandanamāruhya ratnasāraparicchadam|| ratnasāreṇa khacitaṃ racitaṃ viśvakarmaṇā
Sanskrit only: no published translation is held for this verse.
शतशृङ्गे सुवसने मलये गन्धमादने ।। नन्दने पुष्पभद्रे च पारिभद्रे च भद्रके
śataśṛṅge suvasane malaye gandhamādane || nandane puṣpabhadre ca pāribhadre ca bhadrake
Sanskrit only: no published translation is held for this verse.
पुलिन्दे च कलिन्दे च पुंड्रे पिंडारकेंऽधके ।। वनेवनेऽतिरम्ये च सागराणां तटेतटे
pulinde ca kalinde ca puṃḍre piṃḍārakeṃ'dhake || vanevane'tiramye ca sāgarāṇāṃ taṭetaṭe
Sanskrit only: no published translation is held for this verse.
निकटेऽस्तगिरेः पार्श्ववटमूले मनोहरे ।। चकार करुणां यत्र परित्यज्य सती शिवम्
nikaṭe'stagireḥ pārśvavaṭamūle manohare || cakāra karuṇāṃ yatra parityajya satī śivam
Sanskrit only: no published translation is held for this verse.
नानास्थानेषु रहसि पशुपक्षिविवर्जिते ।। यथामनोरथंगामी स रेमे वामया सह
nānāsthāneṣu rahasi paśupakṣivivarjite || yathāmanorathaṃgāmī sa reme vāmayā saha
Sanskrit only: no published translation is held for this verse.
यत्रयत्र शिवं नीत्वा बभ्राम धरणीतलम् ।। तत्सर्वं दर्शयामास सतीं शंभुर्मुदाऽन्वितः
yatrayatra śivaṃ nītvā babhrāma dharaṇītalam || tatsarvaṃ darśayāmāsa satīṃ śaṃbhurmudā'nvitaḥ
Sanskrit only: no published translation is held for this verse.
कृत्वा विहारं सुचिरं न पूर्णं मानसं तयोः ।। महाशृङ्गारमारेभे सहस्राब्दं जगत्पिता
kṛtvā vihāraṃ suciraṃ na pūrṇaṃ mānasaṃ tayoḥ || mahāśṛṅgāramārebhe sahasrābdaṃ jagatpitā
Sanskrit only: no published translation is held for this verse.
मायातीतोऽतिमायेशो मायासक्तः स्वमायया ।। कालं न बुबुधे योगी सुखेन कालकारकः
māyātīto'timāyeśo māyāsaktaḥ svamāyayā || kālaṃ na bubudhe yogī sukhena kālakārakaḥ
Sanskrit only: no published translation is held for this verse.
शक्तिशक्तिमतोस्तत्र न बभूव परिश्रमः ।। जहतोः सर्वसंतापमन्योन्यविरहोद्भवम्
śaktiśaktimatostatra na babhūva pariśramaḥ || jahatoḥ sarvasaṃtāpamanyonyavirahodbhavam
Sanskrit only: no published translation is held for this verse.
सुखसंसक्तमनसोः पुलकाञ्चितगात्रयोः ।। कामबाणमूर्च्छितयोः पुष्पशय्याशयानयोः
sukhasaṃsaktamanasoḥ pulakāñcitagātrayoḥ || kāmabāṇamūrcchitayoḥ puṣpaśayyāśayānayoḥ
Sanskrit only: no published translation is held for this verse.
नग्नयोः सुखसंभोगाद्रतिशास्त्रविधिज्ञयोः ।। नखदन्तप्रहारैश्च क्षतविक्षतदेहयोः
nagnayoḥ sukhasaṃbhogādratiśāstravidhijñayoḥ || nakhadantaprahāraiśca kṣatavikṣatadehayoḥ
Sanskrit only: no published translation is held for this verse.
चन्दनागुरुकस्तूरीसिन्दूरबिन्दुलिप्तयोः।। निबद्धकेशकबरीश्लथयोश्छिन्नमाल्ययोः
candanāgurukastūrīsindūrabinduliptayoḥ|| nibaddhakeśakabarīślathayośchinnamālyayoḥ
Sanskrit only: no published translation is held for this verse.
वसनानां नूपुराणां कङ्कणानां च सुन्दरि ।। वलयानां कुण्डलानां शब्दैः क्रीडां प्रकुर्वतोः
vasanānāṃ nūpurāṇāṃ kaṅkaṇānāṃ ca sundari || valayānāṃ kuṇḍalānāṃ śabdaiḥ krīḍāṃ prakurvatoḥ
Sanskrit only: no published translation is held for this verse.
भारेण विश्वंभरयोर्भाराक्रान्ता वसुन्धरा ।। सा विदीर्णा चकम्पे च सशैलवनसागरा
bhāreṇa viśvaṃbharayorbhārākrāntā vasundharā || sā vidīrṇā cakampe ca saśailavanasāgarā
Sanskrit only: no published translation is held for this verse.
तयोर्भरभराक्रान्तधरायाश्च भरेण च ।। भाराक्रान्तो हि शेषश्च तद्भरार्तोऽपि कच्छपः
tayorbharabharākrāntadharāyāśca bhareṇa ca || bhārākrānto hi śeṣaśca tadbharārto'pi kacchapaḥ
Sanskrit only: no published translation is held for this verse.
कच्छपस्य भरेणैव सर्वाधारा समीरणाः ।। महाविक्लवयुक्ताश्च सर्वप्राणाश्च स्तम्भिताः
kacchapasya bhareṇaiva sarvādhārā samīraṇāḥ || mahāviklavayuktāśca sarvaprāṇāśca stambhitāḥ
Sanskrit only: no published translation is held for this verse.
पुष्पतल्पं दलितयोर्बाष्पोत्कर्षं च बिभ्रतोः ।। तेजसा समयोः शश्वत्क्रीडया कौतुकेन च
puṣpatalpaṃ dalitayorbāṣpotkarṣaṃ ca bibhratoḥ || tejasā samayoḥ śaśvatkrīḍayā kautukena ca
Sanskrit only: no published translation is held for this verse.
सर्वं निवेदनं चक्रुर्नारायणपदाम्बुजे ।। नारायणश्च भगवानुवाच कमलोद्भवम्
sarvaṃ nivedanaṃ cakrurnārāyaṇapadāmbuje || nārāyaṇaśca bhagavānuvāca kamalodbhavam
Sanskrit only: no published translation is held for this verse.
श्रीनारायण उवाच ।। शृङ्गारभङ्गसमयो भविता नाधुना विधे ।। कालप्रयुक्तं कार्यं च सिद्धं तत्समयोचितम्
śrīnārāyaṇa uvāca || śṛṅgārabhaṅgasamayo bhavitā nādhunā vidhe || kālaprayuktaṃ kāryaṃ ca siddhaṃ tatsamayocitam
Sanskrit only: no published translation is held for this verse.
पूर्णे वर्षसहस्रे च स्वेच्छया विरमिष्यति ।। शंभोः संयोगमिष्टं च को भेदं कर्तुमीश्वरः
pūrṇe varṣasahasre ca svecchayā viramiṣyati || śaṃbhoḥ saṃyogamiṣṭaṃ ca ko bhedaṃ kartumīśvaraḥ
Sanskrit only: no published translation is held for this verse.
स्त्रीपुंसो रतिविच्छेदमुपायेन करोति यः ।। तस्य स्त्रीपुंसयोर्भेदो भवेज्जन्मनिजन्मनि
strīpuṃso rativicchedamupāyena karoti yaḥ || tasya strīpuṃsayorbhedo bhavejjanmanijanmani
Sanskrit only: no published translation is held for this verse.
यात्यन्ते कालसूत्रे च वर्षलक्षं स पातकी ।। भ्रष्टज्ञानो नष्टकीर्तिरलक्ष्मीको भवेदिह
yātyante kālasūtre ca varṣalakṣaṃ sa pātakī || bhraṣṭajñāno naṣṭakīrtiralakṣmīko bhavediha
Sanskrit only: no published translation is held for this verse.
रम्भायुक्तं शक्रमिमं चकार विरतं रतौ ।। महामुनीन्द्रो दुर्वासास्तत्स्त्रीभेदो बभूव ह
rambhāyuktaṃ śakramimaṃ cakāra virataṃ ratau || mahāmunīndro durvāsāstatstrībhedo babhūva ha
Sanskrit only: no published translation is held for this verse.
पुनरन्यां स संप्राप्य निषेव्य शूलपाणिनम् ।। दिव्यवर्षसहस्रं च विजहौ विरहज्वरम्
punaranyāṃ sa saṃprāpya niṣevya śūlapāṇinam || divyavarṣasahasraṃ ca vijahau virahajvaram
Sanskrit only: no published translation is held for this verse.
रोहिणीसहितं चन्द्रं चकार विरतं रतौ ।। महर्षिर्गौतमस्तस्य स्त्रीविच्छेदो बभूव ह
rohiṇīsahitaṃ candraṃ cakāra virataṃ ratau || maharṣirgautamastasya strīvicchedo babhūva ha
Sanskrit only: no published translation is held for this verse.
पुनः शिवं समाराध्य प्राप्याहल्यां च पुष्करे ।। दिव्यवर्षसहस्रं च विजहौ विरहज्वरम्
punaḥ śivaṃ samārādhya prāpyāhalyāṃ ca puṣkare || divyavarṣasahasraṃ ca vijahau virahajvaram
Sanskrit only: no published translation is held for this verse.
मुनिः स्वभार्यासंसक्ते दिवसे निर्जने वने ।। ब्रह्माण्डकसुतं नीत्वा चकार विरतं रुषा
muniḥ svabhāryāsaṃsakte divase nirjane vane || brahmāṇḍakasutaṃ nītvā cakāra virataṃ ruṣā
Sanskrit only: no published translation is held for this verse.
बभूव पुत्रविच्छेदस्तस्य कल्पान्तरे पुनः ।। शिवं निषेव्य संप्राप्य पुत्रं तत्याज विक्लवम्
babhūva putravicchedastasya kalpāntare punaḥ || śivaṃ niṣevya saṃprāpya putraṃ tatyāja viklavam
Sanskrit only: no published translation is held for this verse.
हरिश्चन्द्रो हालिकं च वृषल्या सह संयुतम् ।। वारयामास निश्चेष्टं निर्जने तत्फलं शृणु
hariścandro hālikaṃ ca vṛṣalyā saha saṃyutam || vārayāmāsa niśceṣṭaṃ nirjane tatphalaṃ śṛṇu
Sanskrit only: no published translation is held for this verse.
भ्रष्टः श्रीराज्यवित्तेभ्यस्तं चकारावलीलया ।। विश्वामित्रो महर्षिश्च ताडयामास तं पुरा ।।
bhraṣṭaḥ śrīrājyavittebhyastaṃ cakārāvalīlayā || viśvāmitro maharṣiśca tāḍayāmāsa taṃ purā ||
Sanskrit only: no published translation is held for this verse.
ततः शिवं समाराध्य दातारं सर्वसंपदाम् ।। सद्यो जगाम वैकुण्ठं सगणो मम मन्दिरम्
tataḥ śivaṃ samārādhya dātāraṃ sarvasaṃpadām || sadyo jagāma vaikuṇṭhaṃ sagaṇo mama mandiram
Sanskrit only: no published translation is held for this verse.
आजामिलं द्विजश्रेष्ठं वृषल्या सह संयुतम् ।। न भिया वारयामासुः सुरास्तं चापि केचन
ājāmilaṃ dvijaśreṣṭhaṃ vṛṣalyā saha saṃyutam || na bhiyā vārayāmāsuḥ surāstaṃ cāpi kecana
Sanskrit only: no published translation is held for this verse.
निष्पन्ने कर्मभोगे च स मद्भक्तो मुमोच ह ।। मन्नामस्मृतिमात्रेण चाजगाम ममालयम्
niṣpanne karmabhoge ca sa madbhakto mumoca ha || mannāmasmṛtimātreṇa cājagāma mamālayam
Sanskrit only: no published translation is held for this verse.
सर्वं निषेकसाध्यं च निषेको बलवान्विधे ।। निषेकफलदाताऽहं निषेकः केन वार्यते
sarvaṃ niṣekasādhyaṃ ca niṣeko balavānvidhe || niṣekaphaladātā'haṃ niṣekaḥ kena vāryate
Sanskrit only: no published translation is held for this verse.
दिव्यं वर्षसहस्रं च शंभोः संभोगकर्मकृत् ।। निषेकफलदातुस्तु निषेकफलसंचयम्
divyaṃ varṣasahasraṃ ca śaṃbhoḥ saṃbhogakarmakṛt || niṣekaphaladātustu niṣekaphalasaṃcayam
Sanskrit only: no published translation is held for this verse.
तत्र वीर्ये च भविता स्कन्दको भक्ततारकः ।। सदा भद्रस्वरूपोऽहं भयं किं वो मयि स्थिते
tatra vīrye ca bhavitā skandako bhaktatārakaḥ || sadā bhadrasvarūpo'haṃ bhayaṃ kiṃ vo mayi sthite
Sanskrit only: no published translation is held for this verse.
अधुना त्वं गृहं गच्छ भगवान्स्वगणैः सह ।। करोतु शंभुः संभोगं पार्वत्या सह निर्जने।।
adhunā tvaṃ gṛhaṃ gaccha bhagavānsvagaṇaiḥ saha || karotu śaṃbhuḥ saṃbhogaṃ pārvatyā saha nirjane||
Sanskrit only: no published translation is held for this verse.
इत्युक्त्वा कमलाकान्तः शीघ्रं स्वान्तःपुरं ययौ ।। स्वालयं प्रययुर्देवाः शिवः स्वस्थो रतौ रतः
ityuktvā kamalākāntaḥ śīghraṃ svāntaḥpuraṃ yayau || svālayaṃ prayayurdevāḥ śivaḥ svastho ratau rataḥ
Sanskrit only: no published translation is held for this verse.
नारायण उवाच ।। इत्युक्त्वा राधिकां कृष्णः सकटाक्षां च सस्मिताम् ।। जगाम चन्दनवनं निर्जने च तया सह
nārāyaṇa uvāca || ityuktvā rādhikāṃ kṛṣṇaḥ sakaṭākṣāṃ ca sasmitām || jagāma candanavanaṃ nirjane ca tayā saha
Sanskrit only: no published translation is held for this verse.
अतीव निर्जनं रम्यं वायुना सुरभीकृतम् ।। पुष्पोद्यानैः समाकीर्णं तत्र क्रीडां चकार ह
atīva nirjanaṃ ramyaṃ vāyunā surabhīkṛtam || puṣpodyānaiḥ samākīrṇaṃ tatra krīḍāṃ cakāra ha
Sanskrit only: no published translation is held for this verse.
पुष्पतल्पसमाकीर्णे परपुष्टरुतश्रुते ।। भ्रमरवध्वनि संयुक्ते कामिनीनां मनोहरे
puṣpatalpasamākīrṇe parapuṣṭarutaśrute || bhramaravadhvani saṃyukte kāminīnāṃ manohare
Sanskrit only: no published translation is held for this verse.
कृष्णसंभोगमात्रेण सुखसंमूर्च्छिता च सा ।। अतीव मूर्च्छितः कृष्णो राधाङ्गस्पर्शमात्रतः ।।
kṛṣṇasaṃbhogamātreṇa sukhasaṃmūrcchitā ca sā || atīva mūrcchitaḥ kṛṣṇo rādhāṅgasparśamātrataḥ ||
Sanskrit only: no published translation is held for this verse.
तस्थतुस्तत्र संयुक्तौ राधारासेश्वरौ मुने ।। अतीवरतिनिश्चेष्टौ किं भूयः श्रोतुमिच्छसि
tasthatustatra saṃyuktau rādhārāseśvarau mune || atīvaratiniśceṣṭau kiṃ bhūyaḥ śrotumicchasi
Sanskrit only: no published translation is held for this verse.
इत्येवं मङ्गलं कर्म यः शृणोति समाहितः ।। कदाचिद्बन्धुविच्छेदो न भवेत्तस्य नारद
ityevaṃ maṅgalaṃ karma yaḥ śṛṇoti samāhitaḥ || kadācidbandhuvicchedo na bhavettasya nārada
Sanskrit only: no published translation is held for this verse.
महाशोकार्णवे मग्नो भेदे पुत्रकलत्रयोः।। मद्भृत्यानां च बन्धूनां मासं श्रुत्वा लभेद्ध्रुवम्
mahāśokārṇave magno bhede putrakalatrayoḥ|| madbhṛtyānāṃ ca bandhūnāṃ māsaṃ śrutvā labheddhruvam
Sanskrit only: no published translation is held for this verse.
सूत उवाच ।। इत्युक्त्वा धर्मपुत्रश्च विरराम महामुनिः ।। पुनः संप्रष्टुमारेभे देवर्षिः कौतुकान्वितः
sūta uvāca || ityuktvā dharmaputraśca virarāma mahāmuniḥ || punaḥ saṃpraṣṭumārebhe devarṣiḥ kautukānvitaḥ
Sanskrit only: no published translation is held for this verse.
पूर्णे वर्षसहस्रे च गत्वा तत्र महेश्वरः ।। येन वीर्यं पतेद्भूमौ तत्करिष्यति निश्चितम्
pūrṇe varṣasahasre ca gatvā tatra maheśvaraḥ || yena vīryaṃ patedbhūmau tatkariṣyati niścitam
Sanskrit only: no published translation is held for this verse.