Library·Brahmavaivarta Purāṇa·4·4.51
श्रीकृष्ण उवाच ।। नारायणांशो भगवान्स्वयं धन्वन्तरिर्महान् ।। पुरा समुद्रमथने समुत्तस्थौ महोदधेः
śrīkṛṣṇa uvāca || nārāyaṇāṃśo bhagavānsvayaṃ dhanvantarirmahān || purā samudramathane samuttasthau mahodadheḥ
Sanskrit only: no published translation is held for this verse.
सर्ववेदेषु निष्णातो मंत्रतन्त्रविशारदः ।। शिष्यो हि वैनतेयस्य शङ्करस्योपशिष्यकः ।।
sarvavedeṣu niṣṇāto maṃtratantraviśāradaḥ || śiṣyo hi vainateyasya śaṅkarasyopaśiṣyakaḥ ||
Sanskrit only: no published translation is held for this verse.
शिष्याणां च सहस्रेण गतः कैलासमीश्वरि ।। ददर्श तक्षकं मार्गे लेलिहानं भयानकम्
śiṣyāṇāṃ ca sahasreṇa gataḥ kailāsamīśvari || dadarśa takṣakaṃ mārge lelihānaṃ bhayānakam
Sanskrit only: no published translation is held for this verse.
लक्षनागैः परिवृतं शूलतुल्यं विषोल्बणम् ।। भोक्तुं कोपात्समायांतमेवं दृष्ट्वा जहास च
lakṣanāgaiḥ parivṛtaṃ śūlatulyaṃ viṣolbaṇam || bhoktuṃ kopātsamāyāṃtamevaṃ dṛṣṭvā jahāsa ca
Sanskrit only: no published translation is held for this verse.
दम्भी धन्वन्तरेः शिष्यो धृत्वा तक्षकमुल्बणम् ।। मंत्रेण जृंभितं कृत्वा निर्विषं तं चकार ह
dambhī dhanvantareḥ śiṣyo dhṛtvā takṣakamulbaṇam || maṃtreṇa jṛṃbhitaṃ kṛtvā nirviṣaṃ taṃ cakāra ha
Sanskrit only: no published translation is held for this verse.
अमूल्यं मणिरत्नं च जहार मस्तके स्थितम् ।। करेण भ्रामयित्वा च प्रेरयामास दूरतः।।
amūlyaṃ maṇiratnaṃ ca jahāra mastake sthitam || kareṇa bhrāmayitvā ca prerayāmāsa dūrataḥ||
Sanskrit only: no published translation is held for this verse.
निश्चेष्टस्तक्षकस्तस्थौ तत्र मार्गे यथा मृतः ।। गणा निवेदनं चकुर्गत्वा वासुकिसन्निधिम्
niśceṣṭastakṣakastasthau tatra mārge yathā mṛtaḥ || gaṇā nivedanaṃ cakurgatvā vāsukisannidhim
Sanskrit only: no published translation is held for this verse.
वासुकिस्तत्समाकर्ण्य प्रज्वलन्नतिकोपतः ।। सर्पान्प्रस्थापयामासासंख्यांश्चैव विषोल्बणान्
vāsukistatsamākarṇya prajvalannatikopataḥ || sarpānprasthāpayāmāsāsaṃkhyāṃścaiva viṣolbaṇān
Sanskrit only: no published translation is held for this verse.
सर्पसेनाग्रणीनां च मुख्यान्पञ्च विशारदान् ।। द्रोणकालीयकर्कोटपुण्डरीकधनंजयान्
sarpasenāgraṇīnāṃ ca mukhyānpañca viśāradān || droṇakālīyakarkoṭapuṇḍarīkadhanaṃjayān
Sanskrit only: no published translation is held for this verse.
सर्वे नागाः समाजग्मुर्यत्र धन्वन्तरिः स्वयम् ।। भयमापुः शिष्यगणा दृष्ट्वा नागानसंख्यकान्
sarve nāgāḥ samājagmuryatra dhanvantariḥ svayam || bhayamāpuḥ śiṣyagaṇā dṛṣṭvā nāgānasaṃkhyakān
Sanskrit only: no published translation is held for this verse.
नागनिश्वासवातेन सर्वे शिष्या मृता इव।। निश्चेष्टा ज्ञानरहिताः शेरते धरणीतले
nāganiśvāsavātena sarve śiṣyā mṛtā iva|| niśceṣṭā jñānarahitāḥ śerate dharaṇītale
Sanskrit only: no published translation is held for this verse.
धन्वन्तरिश्च भगवान्पीयूषवर्षणेन च ।। जीवयामास शिष्यांश्च मंत्रेण च गुरुं स्मरन्
dhanvantariśca bhagavānpīyūṣavarṣaṇena ca || jīvayāmāsa śiṣyāṃśca maṃtreṇa ca guruṃ smaran
Sanskrit only: no published translation is held for this verse.
चेतनां कारयित्वा च शिष्याणां च जगद्गुरुः ।। चकार जृंभितं मन्त्रैः सर्पसंघं विषोल्बणम्
cetanāṃ kārayitvā ca śiṣyāṇāṃ ca jagadguruḥ || cakāra jṛṃbhitaṃ mantraiḥ sarpasaṃghaṃ viṣolbaṇam
Sanskrit only: no published translation is held for this verse.
सर्वे बभूवुर्निश्चेष्टा जृंभितास्ते मृता इव ।। कोऽपि नालं ततो देवि वार्तां दातुं गणेषु च
sarve babhūvurniśceṣṭā jṛṃbhitāste mṛtā iva || ko'pi nālaṃ tato devi vārtāṃ dātuṃ gaṇeṣu ca
Sanskrit only: no published translation is held for this verse.
वासुकिर्बुबुधे सर्वं सर्वज्ञः सर्वसंकटम् ।। आजुहाव जगद्गौरीं भगिनीं ज्ञानरूपिणीम्
vāsukirbubudhe sarvaṃ sarvajñaḥ sarvasaṃkaṭam || ājuhāva jagadgaurīṃ bhaginīṃ jñānarūpiṇīm
Sanskrit only: no published translation is held for this verse.
वासुकिरुवाच ।। मनसे त्वं समागच्छ नागान्रक्षातिसङ्कटात् ।। जगत्त्रये महाभागे पूजा तव भविष्यति
vāsukiruvāca || manase tvaṃ samāgaccha nāgānrakṣātisaṅkaṭāt || jagattraye mahābhāge pūjā tava bhaviṣyati
Sanskrit only: no published translation is held for this verse.
वासुकेर्वचनं श्रुत्वा प्रहस्योवाच कन्यका ।। वाक्यपीयूषतुल्यं च विनयावनतस्थिता
vāsukervacanaṃ śrutvā prahasyovāca kanyakā || vākyapīyūṣatulyaṃ ca vinayāvanatasthitā
Sanskrit only: no published translation is held for this verse.
मनसोवाच ।। नागेन्द्र शृणु मद्वाक्यं यास्यामि समरं प्रति ।। भद्राभद्रं दैवसाध्यं करिष्यामि यथोचितम्
manasovāca || nāgendra śṛṇu madvākyaṃ yāsyāmi samaraṃ prati || bhadrābhadraṃ daivasādhyaṃ kariṣyāmi yathocitam
Sanskrit only: no published translation is held for this verse.
तं शत्रुं संहरिष्यामि लीलया समरस्थले ।। अहं यं निहनिष्यामि तं को रक्षितुमीश्वरः
taṃ śatruṃ saṃhariṣyāmi līlayā samarasthale || ahaṃ yaṃ nihaniṣyāmi taṃ ko rakṣitumīśvaraḥ
Sanskrit only: no published translation is held for this verse.
यदि ब्रह्मादयो देवाः समायान्ति रणस्थले ।। तथापि तव शत्रुं च प्रजेष्यामि न संशयः
yadi brahmādayo devāḥ samāyānti raṇasthale || tathāpi tava śatruṃ ca prajeṣyāmi na saṃśayaḥ
Sanskrit only: no published translation is held for this verse.
गुरुर्मे भगवाञ्छेषः सिद्धमन्त्रं च दत्तवान् ।। नारायणस्य जगतामीशस्य परमाद्भुतम्
gururme bhagavāñcheṣaḥ siddhamantraṃ ca dattavān || nārāyaṇasya jagatāmīśasya paramādbhutam
Sanskrit only: no published translation is held for this verse.
बिभर्मि कवचं कण्ठे परं त्रैलोक्यमङ्गलम् ।। संसारं भस्मसात्कृत्वा पुनः स्रष्टुमहं क्षमा
bibharmi kavacaṃ kaṇṭhe paraṃ trailokyamaṅgalam || saṃsāraṃ bhasmasātkṛtvā punaḥ sraṣṭumahaṃ kṣamā
Sanskrit only: no published translation is held for this verse.
शिष्याऽहं मंत्रशास्त्रेषु शंभोर्भगवतः पुरा ।। महाज्ञानं दत्तवान्स मह्यं च कृपया विभुः
śiṣyā'haṃ maṃtraśāstreṣu śaṃbhorbhagavataḥ purā || mahājñānaṃ dattavānsa mahyaṃ ca kṛpayā vibhuḥ
Sanskrit only: no published translation is held for this verse.
शंभोश्च शिष्यो गरुडो गणयामि न तं ध्रुवम् ।। धन्वंतरिस्तच्छिष्याणामेकः किं गणयामि तम्
śaṃbhośca śiṣyo garuḍo gaṇayāmi na taṃ dhruvam || dhanvaṃtaristacchiṣyāṇāmekaḥ kiṃ gaṇayāmi tam
Sanskrit only: no published translation is held for this verse.
इत्युक्त्वा सा जगामैका त्यक्त्वा नागगणान्रुषा ।। प्रणम्य श्रीहरिं शंभुं शेषं च हृष्टमानसा
ityuktvā sā jagāmaikā tyaktvā nāgagaṇānruṣā || praṇamya śrīhariṃ śaṃbhuṃ śeṣaṃ ca hṛṣṭamānasā
Sanskrit only: no published translation is held for this verse.
यत्र धन्वन्तरिर्देवः प्रसन्नवदनेक्षणः ।। तत्राजगाम सा देवी कोपरक्तेक्षणा रुषा
yatra dhanvantarirdevaḥ prasannavadanekṣaṇaḥ || tatrājagāma sā devī koparaktekṣaṇā ruṣā
Sanskrit only: no published translation is held for this verse.
दृष्टिमात्रेण सर्वाश्च जीवयामास सुन्दरी ।। विषदृष्ट्या शत्रुशिष्यान्निश्चेष्टांश्च चकार ह
dṛṣṭimātreṇa sarvāśca jīvayāmāsa sundarī || viṣadṛṣṭyā śatruśiṣyānniśceṣṭāṃśca cakāra ha
Sanskrit only: no published translation is held for this verse.
धन्वन्तरिस्तु भगवान्मन्त्रशास्त्रविशारदः ।। मन्त्रेण यत्नं कृतवान्नोत्थापयितुमीश्वरः
dhanvantaristu bhagavānmantraśāstraviśāradaḥ || mantreṇa yatnaṃ kṛtavānnotthāpayitumīśvaraḥ
Sanskrit only: no published translation is held for this verse.
दृष्ट्वा धन्वंतरिं देवी प्रहस्योवाच सत्वरम् ।। बहूक्तिमर्थयुक्तां च साहंकारा सुरेश्वरि
dṛṣṭvā dhanvaṃtariṃ devī prahasyovāca satvaram || bahūktimarthayuktāṃ ca sāhaṃkārā sureśvari
Sanskrit only: no published translation is held for this verse.
मनसोवाच ।। मन्त्रार्थं मन्त्रशिल्पं च मन्त्रभेदं महौषधम् ।। वद जानासि किं सिद्ध शिष्योऽसि गरुडस्य च
manasovāca || mantrārthaṃ mantraśilpaṃ ca mantrabhedaṃ mahauṣadham || vada jānāsi kiṃ siddha śiṣyo'si garuḍasya ca
Sanskrit only: no published translation is held for this verse.
अहं च वैनतेयश्च शिष्यौ शंभोश्च विश्रुतौ ।। सुकल्पकालं सुचिरमहं धन्वन्तरे शृणु
ahaṃ ca vainateyaśca śiṣyau śaṃbhośca viśrutau || sukalpakālaṃ suciramahaṃ dhanvantare śṛṇu
Sanskrit only: no published translation is held for this verse.
इत्युक्त्वा सरसः पद्मं समानीय जगत्प्रसूः ।। मन्त्रसंवलितं कृत्वा प्रेरयामास कोपतः
ityuktvā sarasaḥ padmaṃ samānīya jagatprasūḥ || mantrasaṃvalitaṃ kṛtvā prerayāmāsa kopataḥ
Sanskrit only: no published translation is held for this verse.
दृष्ट्वाऽऽगतं पद्मपुष्पं ज्वलदग्निशिखोपमम् ।। (धन्वतरिश्च निःश्वासैर्भस्मसात्तच्चकार ह)
dṛṣṭvā''gataṃ padmapuṣpaṃ jvaladagniśikhopamam || (dhanvatariśca niḥśvāsairbhasmasāttaccakāra ha)
Sanskrit only: no published translation is held for this verse.
तच्च धन्वतरिर्दृष्ट्वा समंत्ररेणुमुष्टिना ।। चकार निष्कलं भस्म तां प्रहस्यावलीलया
tacca dhanvatarirdṛṣṭvā samaṃtrareṇumuṣṭinā || cakāra niṣkalaṃ bhasma tāṃ prahasyāvalīlayā
Sanskrit only: no published translation is held for this verse.
देवी जग्राह शक्तिं च ग्रीष्मसूर्यसमप्रभाम् ।। मंत्रसंवलितां कृत्वा प्रेरयामास तं रिपुम्
devī jagrāha śaktiṃ ca grīṣmasūryasamaprabhām || maṃtrasaṃvalitāṃ kṛtvā prerayāmāsa taṃ ripum
Sanskrit only: no published translation is held for this verse.
दृष्ट्वा जाज्वल्यमानां तां शक्तिं धन्वतरिः स्वयम् ।। विष्णुदत्तेन शूलेन स तु चिच्छेद लीलया
dṛṣṭvā jājvalyamānāṃ tāṃ śaktiṃ dhanvatariḥ svayam || viṣṇudattena śūlena sa tu ciccheda līlayā
Sanskrit only: no published translation is held for this verse.
तां च शक्तिं वृथा दृष्ट्वा प्रजज्वालेश्वरी रुषा ।। जग्राह नागपाशं च घोरमव्यर्थमुल्बणम्
tāṃ ca śaktiṃ vṛthā dṛṣṭvā prajajvāleśvarī ruṣā || jagrāha nāgapāśaṃ ca ghoramavyarthamulbaṇam
Sanskrit only: no published translation is held for this verse.
नागलक्षसमायुक्तं सिद्धमन्त्रेण मन्त्रितम् ।। प्रेरयामास कोपेन कालान्तकसमप्रभम्
nāgalakṣasamāyuktaṃ siddhamantreṇa mantritam || prerayāmāsa kopena kālāntakasamaprabham
Sanskrit only: no published translation is held for this verse.
धन्वतरिर्नागपाशं दृष्ट्वा च सस्मितो मुदा ।। सस्मार गरुडं तूर्णमाजगाम खगेश्वरः
dhanvatarirnāgapāśaṃ dṛṣṭvā ca sasmito mudā || sasmāra garuḍaṃ tūrṇamājagāma khageśvaraḥ
Sanskrit only: no published translation is held for this verse.
सर्पास्त्रमागतं दृष्ट्वा गरुडो हरिवाहनः ।। विधाय चञ्चुना शीघ्रं बुभुजे क्षुधितश्चिरम्
sarpāstramāgataṃ dṛṣṭvā garuḍo harivāhanaḥ || vidhāya cañcunā śīghraṃ bubhuje kṣudhitaściram
Sanskrit only: no published translation is held for this verse.
नागास्त्रं निष्फलं दृष्ट्वा कोपरक्तेक्षणा भृशम् ।। जग्राह भस्ममुष्टिं च शिवदत्तां पुरा प्रिये
nāgāstraṃ niṣphalaṃ dṛṣṭvā koparaktekṣaṇā bhṛśam || jagrāha bhasmamuṣṭiṃ ca śivadattāṃ purā priye
Sanskrit only: no published translation is held for this verse.
भस्ममुष्टिं मन्त्रपूतां दृष्ट्वा च प्रेरितां यथा ।। पक्षवातेन चिक्षेप शिष्यं पश्चान्निधाय च
bhasmamuṣṭiṃ mantrapūtāṃ dṛṣṭvā ca preritāṃ yathā || pakṣavātena cikṣepa śiṣyaṃ paścānnidhāya ca
Sanskrit only: no published translation is held for this verse.
निरस्तां भस्ममुष्टिं च दृष्ट्वा देवी चुकोप ह ।। जग्राह शूलमव्यर्थं हन्तुं धन्वन्तरिं स्वयम्
nirastāṃ bhasmamuṣṭiṃ ca dṛṣṭvā devī cukopa ha || jagrāha śūlamavyarthaṃ hantuṃ dhanvantariṃ svayam
Sanskrit only: no published translation is held for this verse.
शिवदत्तं च शूलं च शतसूर्यसमप्रभम् ।। अव्यर्थशूलं लोकेषु प्रलयाग्निसमप्रभम्
śivadattaṃ ca śūlaṃ ca śatasūryasamaprabham || avyarthaśūlaṃ lokeṣu pralayāgnisamaprabham
Sanskrit only: no published translation is held for this verse.
अथ ब्रह्मा तथा शंभुराजगाम रणाजिरम् ।। धन्वंतरेश्च रक्षार्थं शमनार्थं खगस्य च
atha brahmā tathā śaṃbhurājagāma raṇājiram || dhanvaṃtareśca rakṣārthaṃ śamanārthaṃ khagasya ca
Sanskrit only: no published translation is held for this verse.
दृष्ट्वा शंभुं जगद्गौरी विधिं च जगतां पतिम् ।। भक्त्या ननाम तावेव निःशङ्का शूलधारिणी
dṛṣṭvā śaṃbhuṃ jagadgaurī vidhiṃ ca jagatāṃ patim || bhaktyā nanāma tāveva niḥśaṅkā śūladhāriṇī
Sanskrit only: no published translation is held for this verse.
धन्वन्तरिश्च गरुडः प्रणनाम सुरेश्वरौ ।। तुष्टाव परया भक्त्या तौ च चक्रतुराशिषम्
dhanvantariśca garuḍaḥ praṇanāma sureśvarau || tuṣṭāva parayā bhaktyā tau ca cakraturāśiṣam
Sanskrit only: no published translation is held for this verse.
उवाच ब्रह्मा मधुरं हितं धन्वतरिं मुदा ।। पूजार्थं मनसायाश्च लोकानां हितकाम्यया ।।
uvāca brahmā madhuraṃ hitaṃ dhanvatariṃ mudā || pūjārthaṃ manasāyāśca lokānāṃ hitakāmyayā ||
Sanskrit only: no published translation is held for this verse.
ब्रह्मोवाच ।। धन्वंतरे महाभाग सर्वशास्त्रविशारद ।। रणं ते मनसा सार्द्धं न हि साम्यं च मे मतम्
brahmovāca || dhanvaṃtare mahābhāga sarvaśāstraviśārada || raṇaṃ te manasā sārddhaṃ na hi sāmyaṃ ca me matam
Sanskrit only: no published translation is held for this verse.
शिवदत्तेन शूलेन दुर्निवार्येण सर्वतः ।। त्रैलोक्यं भस्मसात्कर्तुं क्षमेयं त्रिदशेश्वरी
śivadattena śūlena durnivāryeṇa sarvataḥ || trailokyaṃ bhasmasātkartuṃ kṣameyaṃ tridaśeśvarī
Sanskrit only: no published translation is held for this verse.
ध्याने कौथुमशाखोक्तं कृत्वा भक्त्या समाहितः ।। दत्त्वा षोडशोपचारं देव्याश्च कुरु पूजनम्
dhyāne kauthumaśākhoktaṃ kṛtvā bhaktyā samāhitaḥ || dattvā ṣoḍaśopacāraṃ devyāśca kuru pūjanam
Sanskrit only: no published translation is held for this verse.
आस्तिकोक्तेन स्तोत्रेण स्तवनं कर्तुमर्हसि ।। परितुष्टा च मनसा वरं तुभ्यं प्रदास्यति
āstikoktena stotreṇa stavanaṃ kartumarhasi || parituṣṭā ca manasā varaṃ tubhyaṃ pradāsyati
Sanskrit only: no published translation is held for this verse.
ब्रह्मणो वचनं श्रुत्वा चकारानुमतिं शिवः ।। वैनतेयश्च संप्रीत्या बोधयामास यत्नतः
brahmaṇo vacanaṃ śrutvā cakārānumatiṃ śivaḥ || vainateyaśca saṃprītyā bodhayāmāsa yatnataḥ
Sanskrit only: no published translation is held for this verse.
एषां च वचनं श्रुत्वा स्नात्वा शुचिरलंकृतः ।। विधिं पुरोहितं कृत्वा पूजां कर्तुं समुद्यतः
eṣāṃ ca vacanaṃ śrutvā snātvā śuciralaṃkṛtaḥ || vidhiṃ purohitaṃ kṛtvā pūjāṃ kartuṃ samudyataḥ
Sanskrit only: no published translation is held for this verse.
धन्वन्तरिरुवाच ।। इहागच्छ जगद्गौरि गृहाण मम पूजनम्।। पूज्या त्वं त्रिषु लोकेषु पुरा कश्यपकन्यके
dhanvantariruvāca || ihāgaccha jagadgauri gṛhāṇa mama pūjanam|| pūjyā tvaṃ triṣu lokeṣu purā kaśyapakanyake
Sanskrit only: no published translation is held for this verse.
त्वया जितं जगत्सर्वं देवि विष्णुस्वरूपया ।। तेन तेऽस्त्रप्रयोगश्च न कृतो रणभूमिषु
tvayā jitaṃ jagatsarvaṃ devi viṣṇusvarūpayā || tena te'straprayogaśca na kṛto raṇabhūmiṣu
Sanskrit only: no published translation is held for this verse.
इत्युक्त्या संयतो भूत्वा भक्तिनम्रात्मकंधरः ।। गृहीत्वा शुक्लकुसुमं ध्यानं कर्तुं समुद्यतः
ityuktyā saṃyato bhūtvā bhaktinamrātmakaṃdharaḥ || gṛhītvā śuklakusumaṃ dhyānaṃ kartuṃ samudyataḥ
Sanskrit only: no published translation is held for this verse.
चारुचम्पकवर्णाभां सर्वाङ्गसुमनोहराम् ।। ईषद्धास्यप्रसन्नास्यां शोभितां सूक्ष्मवाससा
cārucampakavarṇābhāṃ sarvāṅgasumanoharām || īṣaddhāsyaprasannāsyāṃ śobhitāṃ sūkṣmavāsasā
Sanskrit only: no published translation is held for this verse.
सुचारुकबरीशोभां रत्नाभरणभूषिताम् ।। सर्वाभयप्रदां देवीं भक्तानुग्रहकातराम्
sucārukabarīśobhāṃ ratnābharaṇabhūṣitām || sarvābhayapradāṃ devīṃ bhaktānugrahakātarām
Sanskrit only: no published translation is held for this verse.
सर्वविद्याप्रदां शान्तां सर्वविद्याविशारदाम् ।। नागेन्द्रवाहिनीं देवीं भजे नागेश्वरीं पराम्
sarvavidyāpradāṃ śāntāṃ sarvavidyāviśāradām || nāgendravāhinīṃ devīṃ bhaje nāgeśvarīṃ parām
Sanskrit only: no published translation is held for this verse.
ध्यात्वैवं कुसुमं दत्त्वा नानाद्रव्यसमन्वितम् ।। दत्त्वा षोडशोपचारं पूजयामास तां प्रिये
dhyātvaivaṃ kusumaṃ dattvā nānādravyasamanvitam || dattvā ṣoḍaśopacāraṃ pūjayāmāsa tāṃ priye
Sanskrit only: no published translation is held for this verse.
स्तोत्रं चकार यत्नाच्च पुलकाञ्चितविग्रहः ।। पुटाञ्जलियुतो भूत्वा भक्तिनम्रात्मकंधरः
stotraṃ cakāra yatnācca pulakāñcitavigrahaḥ || puṭāñjaliyuto bhūtvā bhaktinamrātmakaṃdharaḥ
Sanskrit only: no published translation is held for this verse.
धन्वतरिरुवाच ।। नमः सिद्धिस्वरूपायै सिद्धिदायै नमो नमः ।। नमः कश्यपकन्यायै वरदायै नमो नमः
dhanvatariruvāca || namaḥ siddhisvarūpāyai siddhidāyai namo namaḥ || namaḥ kaśyapakanyāyai varadāyai namo namaḥ
Sanskrit only: no published translation is held for this verse.
नमः शंकरकन्यायै शंकरायै नमो नमः ।। नमस्ते नागवाहिन्यै नागेश्वर्यै नमो नमः
namaḥ śaṃkarakanyāyai śaṃkarāyai namo namaḥ || namaste nāgavāhinyai nāgeśvaryai namo namaḥ
Sanskrit only: no published translation is held for this verse.
नमो नागभगिन्यै च योगिन्यै च नमो नमः ।। नमश्चिरं तपस्विन्यै सुखदायै नमो नमः
namo nāgabhaginyai ca yoginyai ca namo namaḥ || namaściraṃ tapasvinyai sukhadāyai namo namaḥ
Sanskrit only: no published translation is held for this verse.
नमस्तपस्यारूपायै फलदायै नमो नमः ।। सुशीलायै च साध्व्यै च शान्तायै च नमो नमः
namastapasyārūpāyai phaladāyai namo namaḥ || suśīlāyai ca sādhvyai ca śāntāyai ca namo namaḥ
Sanskrit only: no published translation is held for this verse.
इत्येवमुक्त्वा भक्त्या च प्रणनाम प्रयत्नतः ।। तुष्टा देवी वरं दत्त्वा सत्वरं स्वालयं ययौ
ityevamuktvā bhaktyā ca praṇanāma prayatnataḥ || tuṣṭā devī varaṃ dattvā satvaraṃ svālayaṃ yayau
Sanskrit only: no published translation is held for this verse.
नम आस्तीकजननि जनन्यै जगतां मम ।। नमो जगत्कारणायै जरत्कारुस्त्रियै नमः
nama āstīkajanani jananyai jagatāṃ mama || namo jagatkāraṇāyai jaratkārustriyai namaḥ
Sanskrit only: no published translation is held for this verse.
जग्मुर्नागाः प्रहृष्टाश्च फणाराजिविराजिताः ।। इत्येवं कथितं सर्वं स्तवराजं मया तव
jagmurnāgāḥ prahṛṣṭāśca phaṇārājivirājitāḥ || ityevaṃ kathitaṃ sarvaṃ stavarājaṃ mayā tava
Sanskrit only: no published translation is held for this verse.
विधिना मातरं भक्तिमास्तीकश्च चकार ह ।। तदा तुष्टा जगद्गौरी पुत्रं तं मुनिपुंगवम्
vidhinā mātaraṃ bhaktimāstīkaśca cakāra ha || tadā tuṣṭā jagadgaurī putraṃ taṃ munipuṃgavam
Sanskrit only: no published translation is held for this verse.
इदं स्तोत्रं महापुण्यं भक्तियुक्तश्च यः पठेत् ।। वंशजानां नागभयं नास्ति तस्य न संशयः
idaṃ stotraṃ mahāpuṇyaṃ bhaktiyuktaśca yaḥ paṭhet || vaṃśajānāṃ nāgabhayaṃ nāsti tasya na saṃśayaḥ
Sanskrit only: no published translation is held for this verse.