Brahmavaivarta Purāṇa 4.55

ॐ तत्सद्ब्रह्मणे नमः। श्रीमद्द्वैपायनमुनीप्रणीतं- ब्रह्मवैवर्तपुराणम्। अथ श्रीकृष्णजन्मखण्डस्योत्तरार्धः। नारायण उवाच स एव भगवान्कृष्णः सर्वात्मा पुरुषः परः । दुराराध्योऽतिसाध्यश्च सर्वाराध्यः सुखप्रदः

oṃ tatsadbrahmaṇe namaḥ| śrīmaddvaipāyanamunīpraṇītaṃ- brahmavaivartapurāṇam| atha śrīkṛṣṇajanmakhaṇḍasyottarārdhaḥ| nārāyaṇa uvāca sa eva bhagavānkṛṣṇaḥ sarvātmā puruṣaḥ paraḥ | durārādhyo'tisādhyaśca sarvārādhyaḥ sukhapradaḥ

Sanskrit only: no published translation is held for this verse.

निजभक्तातिसाघ्यश्चाभक्तस्यासाध्य एव च । शश्वद्दृश्यः स्वभक्तस्याभक्तस्यादृश्य एव च

nijabhaktātisāghyaścābhaktasyāsādhya eva ca | śaśvaddṛśyaḥ svabhaktasyābhaktasyādṛśya eva ca

Sanskrit only: no published translation is held for this verse.

दुर्ज्ञेयं तस्य चरितं कार्यं हृदयमेव च । बद्धास्तन्मायया सर्वे मोहिताश्च दुरन्तया

durjñeyaṃ tasya caritaṃ kāryaṃ hṛdayameva ca | baddhāstanmāyayā sarve mohitāśca durantayā

Sanskrit only: no published translation is held for this verse.

यद्भयाद्वाति वातोऽयं कूर्मं धत्ते निराश्रयः । कूर्मोऽनन्तं विधत्ते च यद्भयेन निरन्तरम्

yadbhayādvāti vāto'yaṃ kūrmaṃ dhatte nirāśrayaḥ | kūrmo'nantaṃ vidhatte ca yadbhayena nirantaram

Sanskrit only: no published translation is held for this verse.

बिभर्ति शेषो विश्वं च यद्भयेन च नारद । सहस्रशीर्षा पुरुषः शिरमश्चैकदेशतः

bibharti śeṣo viśvaṃ ca yadbhayena ca nārada | sahasraśīrṣā puruṣaḥ śiramaścaikadeśataḥ

Sanskrit only: no published translation is held for this verse.

सप्तसागरसंयुक्ता सप्तद्वीपा वसुंधरा । शैलकाननसंयुक्ता पातालाः सप्त एव च

saptasāgarasaṃyuktā saptadvīpā vasuṃdharā | śailakānanasaṃyuktā pātālāḥ sapta eva ca

Sanskrit only: no published translation is held for this verse.

सप्तस्वर्गाश्च विविधा ब्रह्मलोकसमन्विताः । एवं विश्वं त्रिभुवनं कृत्रिमं परिकीर्तितम्

saptasvargāśca vividhā brahmalokasamanvitāḥ | evaṃ viśvaṃ tribhuvanaṃ kṛtrimaṃ parikīrtitam

Sanskrit only: no published translation is held for this verse.

यद्भयेन विधात्राच प्रतिसृष्टौ च निर्मितम् । एवं विश्वान्यसंरव्यानि लोमकूपैर्महान्विराट्

yadbhayena vidhātrāca pratisṛṣṭau ca nirmitam | evaṃ viśvānyasaṃravyāni lomakūpairmahānvirāṭ

Sanskrit only: no published translation is held for this verse.

यद्भयेन विधत्ते च यदन्नो ध्यायते हि यम् । विष्णुः पाति च संसारं यद्भयेन कृपानिधिः

yadbhayena vidhatte ca yadanno dhyāyate hi yam | viṣṇuḥ pāti ca saṃsāraṃ yadbhayena kṛpānidhiḥ

Sanskrit only: no published translation is held for this verse.

कालाग्निरुद्रो यद्भीतः कालः संहरते प्रजाः । मृत्युंजयो महादेवो यद्भयाद्ध्यायते च यम्

kālāgnirudro yadbhītaḥ kālaḥ saṃharate prajāḥ | mṛtyuṃjayo mahādevo yadbhayāddhyāyate ca yam

Sanskrit only: no published translation is held for this verse.

षड्गुणैरनुरागैश्च विरागी विरतः सदा । यद्भयेन दहत्यग्निः सूर्यस्तपति यद्भयात्

ṣaḍguṇairanurāgaiśca virāgī virataḥ sadā | yadbhayena dahatyagniḥ sūryastapati yadbhayāt

Sanskrit only: no published translation is held for this verse.

यद्भयाद्वर्षतीन्द्रश्च मृत्युश्चरति जन्तुषु । यद्भयेन यमः शास्ता पापिनीं धर्म एव च

yadbhayādvarṣatīndraśca mṛtyuścarati jantuṣu | yadbhayena yamaḥ śāstā pāpinīṃ dharma eva ca

Sanskrit only: no published translation is held for this verse.

धत्ते च धरणी लोकान्यद्भयेन चराचरान् । सूयते प्रकृतिः सृष्टौ यद्भयान्महदादिकम्

dhatte ca dharaṇī lokānyadbhayena carācarān | sūyate prakṛtiḥ sṛṣṭau yadbhayānmahadādikam

Sanskrit only: no published translation is held for this verse.

दुर्ज्ञेयं तदभिप्रायं को वा जानाति पुत्रक । यत्प्रभावं न जानन्ति ब्रह्मविष्णुमहेश्वराः

durjñeyaṃ tadabhiprāyaṃ ko vā jānāti putraka | yatprabhāvaṃ na jānanti brahmaviṣṇumaheśvarāḥ

Sanskrit only: no published translation is held for this verse.

कथं जानामि तच्चेष्टामहं वत्स सुमन्दधीः । कथं जगाम मथुरां त्यक्त्वा वृन्दावनं वनम्

kathaṃ jānāmi tacceṣṭāmahaṃ vatsa sumandadhīḥ | kathaṃ jagāma mathurāṃ tyaktvā vṛndāvanaṃ vanam

Sanskrit only: no published translation is held for this verse.

कथं तत्याज गोपीश्च राधां प्राणाधिकां प्रियाम् । यशोदां बान्धवादींश्च नन्दं व नन्दनन्दनः

kathaṃ tatyāja gopīśca rādhāṃ prāṇādhikāṃ priyām | yaśodāṃ bāndhavādīṃśca nandaṃ va nandanandanaḥ

Sanskrit only: no published translation is held for this verse.

दर्पहा दर्पदः सोऽपि सर्वेषां सर्वदः सदा । बभञ्ज राधादर्पं च सुदाम्नः शापकारणात्

darpahā darpadaḥ so'pi sarveṣāṃ sarvadaḥ sadā | babhañja rādhādarpaṃ ca sudāmnaḥ śāpakāraṇāt

Sanskrit only: no published translation is held for this verse.

अन्येषां भावनाहेतोर्ब्रह्मप्राप्तिस्तथा भवेत् । एवं किंचिद्वितर्कं च कुरुते कमलोद्भवः

anyeṣāṃ bhāvanāhetorbrahmaprāptistathā bhavet | evaṃ kiṃcidvitarkaṃ ca kurute kamalodbhavaḥ

Sanskrit only: no published translation is held for this verse.

चकार दर्पभङ्गं च महाविष्णुः पुरा विभुः । ब्रह्मणश्चतथा विष्णोः शषेस्य च शिवस्य च

cakāra darpabhaṅgaṃ ca mahāviṣṇuḥ purā vibhuḥ | brahmaṇaścatathā viṣṇoḥ śaṣesya ca śivasya ca

Sanskrit only: no published translation is held for this verse.

धर्मस्य च यमस्यापि साम्बस्य चन्द्रसूर्ययोः । गरुडस्य च वह्नेश्च गुरोर्दुर्वाससस्तथा

dharmasya ca yamasyāpi sāmbasya candrasūryayoḥ | garuḍasya ca vahneśca gurordurvāsasastathā

Sanskrit only: no published translation is held for this verse.

दौवारिकस्य भक्तस्य जयस्य विजयस्य च। सुराणमसुराणां च भवतः कामशक्रयोः

dauvārikasya bhaktasya jayasya vijayasya ca| surāṇamasurāṇāṃ ca bhavataḥ kāmaśakrayoḥ

Sanskrit only: no published translation is held for this verse.

लक्ष्मणस्यार्जुनस्यापि बाणस्य च भृगोस्तथा । सुमेरोश्च समुद्राणां वायोश्च वरुणस्य च

lakṣmaṇasyārjunasyāpi bāṇasya ca bhṛgostathā | sumerośca samudrāṇāṃ vāyośca varuṇasya ca

Sanskrit only: no published translation is held for this verse.

सरस्वत्याश्च दुर्गायाः पद्मायाश्च भुवस्तथा । सावित्र्याश्चैव गङ्गाया मनसायास्तथैव च

sarasvatyāśca durgāyāḥ padmāyāśca bhuvastathā | sāvitryāścaiva gaṅgāyā manasāyāstathaiva ca

Sanskrit only: no published translation is held for this verse.

प्राणाधिष्ठातृदेव्यश्च प्रियायाः प्राणतोऽपि च । प्राणाधिकाया राधाया अन्येषामपि का कथा

prāṇādhiṣṭhātṛdevyaśca priyāyāḥ prāṇato'pi ca | prāṇādhikāyā rādhāyā anyeṣāmapi kā kathā

Sanskrit only: no published translation is held for this verse.

ह्रत्वा दर्पं च सर्वेषां प्रसादं च चकार सः । कर्ता हर्ता पालयिता स्रष्टा स्रष्टुश्च सर्वतः

hratvā darpaṃ ca sarveṣāṃ prasādaṃ ca cakāra saḥ | kartā hartā pālayitā sraṣṭā sraṣṭuśca sarvataḥ

Sanskrit only: no published translation is held for this verse.

यं स्तोतुमीशो नालं च पञ्चवक्त्रैस्तु शंकरः । स्तोतुं नालं चतुर्वक्त्रो विधाता जगतामपि

yaṃ stotumīśo nālaṃ ca pañcavaktraistu śaṃkaraḥ | stotuṃ nālaṃ caturvaktro vidhātā jagatāmapi

Sanskrit only: no published translation is held for this verse.

स्तोतुं नालमनन्तश्च सहस्रवदनैरहो । स्वयं विष्णुर्विश्वव्यापी नालं स्तोतुं जनार्दनः

stotuṃ nālamanantaśca sahasravadanairaho | svayaṃ viṣṇurviśvavyāpī nālaṃ stotuṃ janārdanaḥ

Sanskrit only: no published translation is held for this verse.

महाविराण्न शक्तोऽपि यं स्तोतुं परमेश्वरम् । कम्पिता यस्य पुरतः प्रकृतिः परमात्मनः

mahāvirāṇna śakto'pi yaṃ stotuṃ parameśvaram | kampitā yasya purataḥ prakṛtiḥ paramātmanaḥ

Sanskrit only: no published translation is held for this verse.

सरस्वती जडीभूता यं स्तोतुं परमेश्वरम् । महिमानं न जानन्ति वेदा यस्य च नारद

sarasvatī jaḍībhūtā yaṃ stotuṃ parameśvaram | mahimānaṃ na jānanti vedā yasya ca nārada

Sanskrit only: no published translation is held for this verse.

इत्येवं कथितो ब्रह्मन्प्रभावः परमात्मनः । निर्गुणस्य च कृष्णस्य किं भुयः श्रोतुमिच्छसि

ityevaṃ kathito brahmanprabhāvaḥ paramātmanaḥ | nirguṇasya ca kṛṣṇasya kiṃ bhuyaḥ śrotumicchasi

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तरार्धे नारदनाo श्रीकृष्णप्रभाव- वर्णनं नाम पञ्चपञ्चशात्तमोऽध्यायः

iti śrībrahmao mahāo śrīkṛṣṇajanmakhao uttarārdhe nāradanāo śrīkṛṣṇaprabhāva- varṇanaṃ nāma pañcapañcaśāttamo'dhyāyaḥ

Sanskrit only: no published translation is held for this verse.