Library·Brahmavaivarta Purāṇa·4·4.56
नारद उवाच किमपूर्वं श्रुतं ब्रह्मन्रहस्यं परमाद्भुतम् । अनन्तचरितं धन्यमनन्तस्याच्युतस्य च
nārada uvāca kimapūrvaṃ śrutaṃ brahmanrahasyaṃ paramādbhutam | anantacaritaṃ dhanyamanantasyācyutasya ca
Sanskrit only: no published translation is held for this verse.
कथं कृष्णो महाविष्णोर्दर्पभङ्ग चकार सः । अन्येषां वा कथमहो तद्भवान्वक्तुमर्हति
kathaṃ kṛṣṇo mahāviṣṇordarpabhaṅga cakāra saḥ | anyeṣāṃ vā kathamaho tadbhavānvaktumarhati
Sanskrit only: no published translation is held for this verse.
स्वतः श्रीकृष्णचरितमतीव मधुरं श्रुतौ । अतीव मधुरं रम्यं काव्यं कविमुखात्ततः
svataḥ śrīkṛṣṇacaritamatīva madhuraṃ śrutau | atīva madhuraṃ ramyaṃ kāvyaṃ kavimukhāttataḥ
Sanskrit only: no published translation is held for this verse.
नारायण उवाच महाविष्णोरहंकारो बभूव सहसेति च । सर्वं मल्लोमकूपेषु विश्वान्येवाऽहमीश्वरः
nārāyaṇa uvāca mahāviṣṇorahaṃkāro babhūva sahaseti ca | sarvaṃ mallomakūpeṣu viśvānyevā'hamīśvaraḥ
Sanskrit only: no published translation is held for this verse.
संहारभैरवी भुत्वा तं स जग्रास लीलया । स्यिते मुर्धावशेषे च प्रसादं तं चकार सः
saṃhārabhairavī bhutvā taṃ sa jagrāsa līlayā | syite murdhāvaśeṣe ca prasādaṃ taṃ cakāra saḥ
Sanskrit only: no published translation is held for this verse.
सर्वात्मना ध्यायमानः स्तुतो भीतं कृपानिधिः । तच्छरीरं सुसंपन्नं पुनरेव चकार सः
sarvātmanā dhyāyamānaḥ stuto bhītaṃ kṛpānidhiḥ | taccharīraṃ susaṃpannaṃ punareva cakāra saḥ
Sanskrit only: no published translation is held for this verse.
ब्रह्मणः सहसा ब्रह्मन्निति दर्पो बभुव ह । अहं त्रिजगतां धाता कर्ताऽहमीश्वरः स्वयम्
brahmaṇaḥ sahasā brahmanniti darpo babhuva ha | ahaṃ trijagatāṃ dhātā kartā'hamīśvaraḥ svayam
Sanskrit only: no published translation is held for this verse.
मत्परः पूजितो नास्ति मत्परश्च जितेन्द्रियः । इत्येवं मनसा कृत्वा बहुदर्पो बभूव ह
matparaḥ pūjito nāsti matparaśca jitendriyaḥ | ityevaṃ manasā kṛtvā bahudarpo babhūva ha
Sanskrit only: no published translation is held for this verse.
तं ब्रहाणां समूहं च दर्शयामास तत्क्षणम् । गोलोके स्वसमीपे च वसन्तं पुरतो विभोः ।। चतुर्वक्त्रं पञ्चवक्त्रं षड्वक्त्रं च ततोऽधिकम्
taṃ brahāṇāṃ samūhaṃ ca darśayāmāsa tatkṣaṇam | goloke svasamīpe ca vasantaṃ purato vibhoḥ || caturvaktraṃ pañcavaktraṃ ṣaḍvaktraṃ ca tato'dhikam
Sanskrit only: no published translation is held for this verse.
शतवक्त्रं च प्रत्येकं ब्रह्माण्डौघं च लीलया । त्यक्तुकामं स्वदेहं च व्रीडया नतकंधरम्
śatavaktraṃ ca pratyekaṃ brahmāṇḍaughaṃ ca līlayā | tyaktukāmaṃ svadehaṃ ca vrīḍayā natakaṃdharam
Sanskrit only: no published translation is held for this verse.
पुनः प्रसादं कृपया तं चकार कृपानिधिः । कालेन मोहिनीद्वारा तमपूज्यं चकार सः
punaḥ prasādaṃ kṛpayā taṃ cakāra kṛpānidhiḥ | kālena mohinīdvārā tamapūjyaṃ cakāra saḥ
Sanskrit only: no published translation is held for this verse.
स्वकन्यां दर्शयित्वा तं सकामं च चकार ह । पुनस्तद्दर्पभङ्गं च शिवद्वारा चकार सः
svakanyāṃ darśayitvā taṃ sakāmaṃ ca cakāra ha | punastaddarpabhaṅgaṃ ca śivadvārā cakāra saḥ
Sanskrit only: no published translation is held for this verse.
तत्याज लज्जया देहं पुनर्देहं दधार सः । पुनश्चकार तं पूज्यं ब्रह्माणं ब्रह्मणः प्रभुः
tatyāja lajjayā dehaṃ punardehaṃ dadhāra saḥ | punaścakāra taṃ pūjyaṃ brahmāṇaṃ brahmaṇaḥ prabhuḥ
Sanskrit only: no published translation is held for this verse.
ज्ञानं ददौ महाज्ञानी ज्ञानानन्दः सनातनः । विष्णोर्बभूव गर्वश्च जगत्पाताऽहमीश्वरः
jñānaṃ dadau mahājñānī jñānānandaḥ sanātanaḥ | viṣṇorbabhūva garvaśca jagatpātā'hamīśvaraḥ
Sanskrit only: no published translation is held for this verse.
तमात्मविस्मृतं कृष्णश्चकार रामजन्मनि । अहं विश्वं बिभर्मीति शेषो दर्पी बभूव ह
tamātmavismṛtaṃ kṛṣṇaścakāra rāmajanmani | ahaṃ viśvaṃ bibharmīti śeṣo darpī babhūva ha
Sanskrit only: no published translation is held for this verse.
तद्दर्पं गरुडद्वारा चूर्णीभूतं चकार सः । एकदा पूजितो नागैर्गरुडः कृष्णवाहनः
taddarpaṃ garuḍadvārā cūrṇībhūtaṃ cakāra saḥ | ekadā pūjito nāgairgaruḍaḥ kṛṣṇavāhanaḥ
Sanskrit only: no published translation is held for this verse.
न पूजितश्च शेषेण स्वदर्पेण पुरा मुने । गरुडेन जितं कोधात्तमनन्तं मनस्विनम्
na pūjitaśca śeṣeṇa svadarpeṇa purā mune | garuḍena jitaṃ kodhāttamanantaṃ manasvinam
Sanskrit only: no published translation is held for this verse.
चकार मोक्षणं तस्य श्रीकृष्णश्च कृपानिधिः । स्वयं शिवः स्वदर्पाच्च विवाहं न चकार सः
cakāra mokṣaṇaṃ tasya śrīkṛṣṇaśca kṛpānidhiḥ | svayaṃ śivaḥ svadarpācca vivāhaṃ na cakāra saḥ
Sanskrit only: no published translation is held for this verse.
तं कृत्वा मायया मोहं कारयामास स्त्रीयुतम् । पुनर्जहार तत्पत्नीं दक्षकन्यां महासतीम्
taṃ kṛtvā māyayā mohaṃ kārayāmāsa strīyutam | punarjahāra tatpatnīṃ dakṣakanyāṃ mahāsatīm
Sanskrit only: no published translation is held for this verse.
वर्ष शुशोच तद्देहं क्रोडे कृत्वा च शंकरः । नानास्थानं च बभ्राम रुदञ्छोकान्मुहुर्मुहुः
varṣa śuśoca taddehaṃ kroḍe kṛtvā ca śaṃkaraḥ | nānāsthānaṃ ca babhrāma rudañchokānmuhurmuhuḥ
Sanskrit only: no published translation is held for this verse.
जन्मान्तरे पुनः प्राप्य तां सतीं पार्वतीं मुदा । विसस्मार च स्वज्ञानं दक्षशप्तः पुनः शिवः
janmāntare punaḥ prāpya tāṃ satīṃ pārvatīṃ mudā | visasmāra ca svajñānaṃ dakṣaśaptaḥ punaḥ śivaḥ
Sanskrit only: no published translation is held for this verse.
पुनश्चाऽऽङ्गीरसद्वारा स्मारयामास सत्वरम् । एकदा सरथः शम्भुः प्रेरितस्त्रिपुरे पुरा
punaścā''ṅgīrasadvārā smārayāmāsa satvaram | ekadā sarathaḥ śambhuḥ preritastripure purā
Sanskrit only: no published translation is held for this verse.
हत्वा दैत्यं शिवद्वारा त्रिपुरारिं चकार तम् । सर्वं वरं च सर्वस्मै दातुं शंभुः कृपानिधिः
hatvā daityaṃ śivadvārā tripurāriṃ cakāra tam | sarvaṃ varaṃ ca sarvasmai dātuṃ śaṃbhuḥ kṛpānidhiḥ
Sanskrit only: no published translation is held for this verse.
स्वयं कल्पतरुर्भूत्वा प्रतिज्ञां च चकार सः । वृकासुरोऽनुष्ठानं च कृत्वा वव्रे वरं विभुम्
svayaṃ kalpatarurbhūtvā pratijñāṃ ca cakāra saḥ | vṛkāsuro'nuṣṭhānaṃ ca kṛtvā vavre varaṃ vibhum
Sanskrit only: no published translation is held for this verse.
दास्यामि हस्तं यन्मूर्घ्नि भस्मसाद्भवतु क्षणात् । जगाद जगतां नाथ ईप्सितं ते भविष्यति
dāsyāmi hastaṃ yanmūrghni bhasmasādbhavatu kṣaṇāt | jagāda jagatāṃ nātha īpsitaṃ te bhaviṣyati
Sanskrit only: no published translation is held for this verse.
इति लब्ध्वा वरं रुद्राद्गच्छन्तं शंकरं विभुम् । हस्तं दातुं च तं मूर्ध्नि प्राधावत्सत्वरं पुरा
iti labdhvā varaṃ rudrādgacchantaṃ śaṃkaraṃ vibhum | hastaṃ dātuṃ ca taṃ mūrdhni prādhāvatsatvaraṃ purā
Sanskrit only: no published translation is held for this verse.
अतीव भीतः शंभुश्च जगाम शरणं हरिम् । भगवांश्च शिवस्यार्थे दैत्यं भस्मीचकार सः
atīva bhītaḥ śaṃbhuśca jagāma śaraṇaṃ harim | bhagavāṃśca śivasyārthe daityaṃ bhasmīcakāra saḥ
Sanskrit only: no published translation is held for this verse.
शिवं युद्धं च कुर्वन्तं बाणयुद्धे पुरा विभुः । लीलया जृम्भणास्त्रेण जडीभूतं चकार सः
śivaṃ yuddhaṃ ca kurvantaṃ bāṇayuddhe purā vibhuḥ | līlayā jṛmbhaṇāstreṇa jaḍībhūtaṃ cakāra saḥ
Sanskrit only: no published translation is held for this verse.
समागतं दक्षयज्ञे शंभुं दम्भेन लीलया । वारयामास भगवान्हस्तं दत्त्वा च तद्गले
samāgataṃ dakṣayajñe śaṃbhuṃ dambhena līlayā | vārayāmāsa bhagavānhastaṃ dattvā ca tadgale
Sanskrit only: no published translation is held for this verse.
केदारकन्यकाद्वारा शप्तो धर्मोऽतिदैवतः । बभूवातिकृशो भीतः कुह्वामेव यथा शशी
kedārakanyakādvārā śapto dharmo'tidaivataḥ | babhūvātikṛśo bhītaḥ kuhvāmeva yathā śaśī
Sanskrit only: no published translation is held for this verse.
तदा तस्याश्च शापान्ते सत्ये पूर्णो बभुव ह । त्रिपाद्बभूव त्रेतायां द्वापरं च द्विपादिति
tadā tasyāśca śāpānte satye pūrṇo babhuva ha | tripādbabhūva tretāyāṃ dvāparaṃ ca dvipāditi
Sanskrit only: no published translation is held for this verse.
एकपाच्च कलौ सोऽपि कलेरन्ते पुनः क्षयः । षोडशांशोऽतिक्लिष्टश्च सस्मार चनणं विभोः
ekapācca kalau so'pi kalerante punaḥ kṣayaḥ | ṣoḍaśāṃśo'tikliṣṭaśca sasmāra canaṇaṃ vibhoḥ
Sanskrit only: no published translation is held for this verse.
तदा सत्ययुगारम्भे परिपूर्णोऽभवत्पुनः । पुनर्युगानुरोधेन क्रमेण च पुनः क्षयः
tadā satyayugārambhe paripūrṇo'bhavatpunaḥ | punaryugānurodhena krameṇa ca punaḥ kṣayaḥ
Sanskrit only: no published translation is held for this verse.
यमो माण्डवशापेन शूद्रयोनिमवाप ह । तदा पुनः शताब्दान्ते पुनः शुद्धो बभूव ह
yamo māṇḍavaśāpena śūdrayonimavāpa ha | tadā punaḥ śatābdānte punaḥ śuddho babhūva ha
Sanskrit only: no published translation is held for this verse.
साम्बो विमातृशापेन गलत्कुष्ठी बभूव सः । तदा सूर्यव्रतं कृत्वा पुनः शुद्धो बभूव सः
sāmbo vimātṛśāpena galatkuṣṭhī babhūva saḥ | tadā sūryavrataṃ kṛtvā punaḥ śuddho babhūva saḥ
Sanskrit only: no published translation is held for this verse.
चन्द्रो दर्पमदेनैव जहार च गुरोः प्रियाम् । बभूव दर्पभङ्गोऽस्य यक्ष्मग्रस्तो बभूव सः
candro darpamadenaiva jahāra ca guroḥ priyām | babhūva darpabhaṅgo'sya yakṣmagrasto babhūva saḥ
Sanskrit only: no published translation is held for this verse.
सूर्यो दर्पात्तेजसश्च हन्तुं शंकरकिंकरम् । सुमालीत्यभिधं दैत्यं जगामाऽऽशु गिरिं प्रति
sūryo darpāttejasaśca hantuṃ śaṃkarakiṃkaram | sumālītyabhidhaṃ daityaṃ jagāmā''śu giriṃ prati
Sanskrit only: no published translation is held for this verse.
अहर्निशं दीप्तिकरं कुर्वन्तं विषयं रवेः । सूर्येण भीतो दैत्यश्च शंकरं शरणं ययौ
aharniśaṃ dīptikaraṃ kurvantaṃ viṣayaṃ raveḥ | sūryeṇa bhīto daityaśca śaṃkaraṃ śaraṇaṃ yayau
Sanskrit only: no published translation is held for this verse.
सूर्यं दृष्ट्वा शंकरश्च जग्राह शूलमेव च । भीतो दुद्राव सूर्यश्च दृष्ट्वा तं शूलिनं मुने
sūryaṃ dṛṣṭvā śaṃkaraśca jagrāha śūlameva ca | bhīto dudrāva sūryaśca dṛṣṭvā taṃ śūlinaṃ mune
Sanskrit only: no published translation is held for this verse.
जघान काश्यां शूलेन शूलीकाशीश्वरो रविम् । मूर्च्छां संप्राप्य शूलेन दर्पंभङ्गो बभूव ह
jaghāna kāśyāṃ śūlena śūlīkāśīśvaro ravim | mūrcchāṃ saṃprāpya śūlena darpaṃbhaṅgo babhūva ha
Sanskrit only: no published translation is held for this verse.
सान्द्रान्धकारः सहसा जग्राह पृथिवीतलम् । आशुतोषो महादेवो जीवयामास तत्क्षणम्
sāndrāndhakāraḥ sahasā jagrāha pṛthivītalam | āśutoṣo mahādevo jīvayāmāsa tatkṣaṇam
Sanskrit only: no published translation is held for this verse.
तुष्टाव शंकरं सूर्यो लज्जितोऽपि भयेन च । कृत्वा तमाशिषं तुष्टो ययौ गेहं कृपानिधिः
tuṣṭāva śaṃkaraṃ sūryo lajjito'pi bhayena ca | kṛtvā tamāśiṣaṃ tuṣṭo yayau gehaṃ kṛpānidhiḥ
Sanskrit only: no published translation is held for this verse.
विभुर्गरुत्मतो दर्पं बभञ्ज लीलया पुरा । निःश्वासैः प्रेरितस्यापि शिवस्य वृषभस्य च
vibhurgarutmato darpaṃ babhañja līlayā purā | niḥśvāsaiḥ preritasyāpi śivasya vṛṣabhasya ca
Sanskrit only: no published translation is held for this verse.
आगच्छन्तं च वैकुण्ठं पृष्ठे कृत्वा शिवं पुरा । द्रष्टुं समागतं भक्त्या देवं नारायणं परम्
āgacchantaṃ ca vaikuṇṭhaṃ pṛṣṭhe kṛtvā śivaṃ purā | draṣṭuṃ samāgataṃ bhaktyā devaṃ nārāyaṇaṃ param
Sanskrit only: no published translation is held for this verse.
वह्निर्दपीं भृगोः शापात्सर्वभक्षो बभूव ह । गुरोः स्वभार्याहिरणाद्दर्पश्चूर्णो बभूव ह
vahnirdapīṃ bhṛgoḥ śāpātsarvabhakṣo babhūva ha | guroḥ svabhāryāhiraṇāddarpaścūrṇo babhūva ha
Sanskrit only: no published translation is held for this verse.
दुर्वाससो दर्पभङ्गो बभूव ह्यम्बरीषतः । सुदर्शनेन चक्रेण विष्णोर्दुर्विषहेण च
durvāsaso darpabhaṅgo babhūva hyambarīṣataḥ | sudarśanena cakreṇa viṣṇordurviṣaheṇa ca
Sanskrit only: no published translation is held for this verse.
जयस्य विजयस्यापि दर्पभङ्गं चकार सः । वैकुण्ठात्पतितस्यापि ब्रह्मशापच्छलेन च
jayasya vijayasyāpi darpabhaṅgaṃ cakāra saḥ | vaikuṇṭhātpatitasyāpi brahmaśāpacchalena ca
Sanskrit only: no published translation is held for this verse.
नृसिंहेण हतः सोऽपि हिरण्यकशिपुर्यथा । सूकरेण हिरण्याक्षो लीलया च रसातले
nṛsiṃheṇa hataḥ so'pi hiraṇyakaśipuryathā | sūkareṇa hiraṇyākṣo līlayā ca rasātale
Sanskrit only: no published translation is held for this verse.
रावणः कुम्भकर्णश्च निहतौ रामबाणतः । जन्मान्तरे च लङ्कायां ब्रह्मणा प्रार्थितस्य च
rāvaṇaḥ kumbhakarṇaśca nihatau rāmabāṇataḥ | janmāntare ca laṅkāyāṃ brahmaṇā prārthitasya ca
Sanskrit only: no published translation is held for this verse.
शिशुपालो हि निहतः कृष्णबाणेन लीलया । दन्तवक्रश्च सहसा परिपूर्णेऽत्र जन्मनि
śiśupālo hi nihataḥ kṛṣṇabāṇena līlayā | dantavakraśca sahasā paripūrṇe'tra janmani
Sanskrit only: no published translation is held for this verse.
सुराणां दर्पभङ्गं च दैत्यद्वारा चकार ह । असुराणां सुरद्वारा विरोधेन परस्परम्
surāṇāṃ darpabhaṅgaṃ ca daityadvārā cakāra ha | asurāṇāṃ suradvārā virodhena parasparam
Sanskrit only: no published translation is held for this verse.
विधिद्वारा दर्पभङ्गं भवतश्च चकार सः । भवानासीन्नारदश्च पुरा पुत्रः प्रजापतेः
vidhidvārā darpabhaṅgaṃ bhavataśca cakāra saḥ | bhavānāsīnnāradaśca purā putraḥ prajāpateḥ
Sanskrit only: no published translation is held for this verse.
गन्धर्वश्च पितुः शापाच्छूद्रीपुत्रस्ततः क्रमात् । ततः पुनर्नारदश्च प्रसादादधुना विभोः
gandharvaśca pituḥ śāpācchūdrīputrastataḥ kramāt | tataḥ punarnāradaśca prasādādadhunā vibhoḥ
Sanskrit only: no published translation is held for this verse.
मम साध्यं विश्वमिति कामदर्पो बभूव ह । तं प्रमतं हरद्वारा भस्मसाच्च चकार सः
mama sādhyaṃ viśvamiti kāmadarpo babhūva ha | taṃ pramataṃ haradvārā bhasmasācca cakāra saḥ
Sanskrit only: no published translation is held for this verse.
पुनः कृत्वा प्रसादं तं जीवयामास लीलया । ऐकान्तिकं च तद्भक्तं स च नास्त्रं करोति हि
punaḥ kṛtvā prasādaṃ taṃ jīvayāmāsa līlayā | aikāntikaṃ ca tadbhaktaṃ sa ca nāstraṃ karoti hi
Sanskrit only: no published translation is held for this verse.
चकार दर्पभङ्गं च दर्पिणो लक्ष्मणस्य च । रणे शंकरशूलेन रावणप्रेरितेन च
cakāra darpabhaṅgaṃ ca darpiṇo lakṣmaṇasya ca | raṇe śaṃkaraśūlena rāvaṇapreritena ca
Sanskrit only: no published translation is held for this verse.
पुनस्तं जीवयामास रामस्य स्तवनेन च । स्वयं विस्मृतविष्णोश्च ब्रह्मशापेन नारद
punastaṃ jīvayāmāsa rāmasya stavanena ca | svayaṃ vismṛtaviṣṇośca brahmaśāpena nārada
Sanskrit only: no published translation is held for this verse.
चकार दर्पभङ्गं च कार्तवीर्यार्जुनस्य च । जामदग्न्यस्य शस्त्रेणामोघेन पर्शुना पुरा
cakāra darpabhaṅgaṃ ca kārtavīryārjunasya ca | jāmadagnyasya śastreṇāmoghena parśunā purā
Sanskrit only: no published translation is held for this verse.
विप्रपुत्रस्य मरणे हरणे कृष्णयोषिताम् । कर्णेन सार्धं समरे पार्थदर्पं बभञ्ज सः
vipraputrasya maraṇe haraṇe kṛṣṇayoṣitām | karṇena sārdhaṃ samare pārthadarpaṃ babhañja saḥ
Sanskrit only: no published translation is held for this verse.
बाणस्य चोषाहरणे चिच्छेद च भुजान्विभुः । भृगोश्च दक्षयज्ञे च दर्पभङ्गं चकार सः
bāṇasya coṣāharaṇe ciccheda ca bhujānvibhuḥ | bhṛgośca dakṣayajñe ca darpabhaṅgaṃ cakāra saḥ
Sanskrit only: no published translation is held for this verse.
पर्शुरामस्य रामस्य विवाहो पथि गच्छतः । बभञ्ज दर्पं समरे रामद्वारा पुरा विभुः
parśurāmasya rāmasya vivāho pathi gacchataḥ | babhañja darpaṃ samare rāmadvārā purā vibhuḥ
Sanskrit only: no published translation is held for this verse.
सुमेरोः शृङ्गभृङ्गं च वायुद्वारा चकार सः । समुद्राणां दर्पभङ्गं चकारागस्त्यभक्षणात्
sumeroḥ śṛṅgabhṛṅgaṃ ca vāyudvārā cakāra saḥ | samudrāṇāṃ darpabhaṅgaṃ cakārāgastyabhakṣaṇāt
Sanskrit only: no published translation is held for this verse.
अकाले सृष्टिहरणे तत्पुत्रमरणे पुरा । कोपयुक्तस्य वायोश्च दर्पभङ्गं चकार सः
akāle sṛṣṭiharaṇe tatputramaraṇe purā | kopayuktasya vāyośca darpabhaṅgaṃ cakāra saḥ
Sanskrit only: no published translation is held for this verse.
उषाहरणयात्रायां द्वारकागमने हरेः । बाणस्य च गवां हेतोवंरुणं च शशाप सः
uṣāharaṇayātrāyāṃ dvārakāgamane hareḥ | bāṇasya ca gavāṃ hetovaṃruṇaṃ ca śaśāpa saḥ
Sanskrit only: no published translation is held for this verse.
कलहे गङ्गया वाण्या नारायणाग्रतः । सरस्वतीं च तत्याज तस्या दर्पं बभञ्ज सः
kalahe gaṅgayā vāṇyā nārāyaṇāgrataḥ | sarasvatīṃ ca tatyāja tasyā darpaṃ babhañja saḥ
Sanskrit only: no published translation is held for this verse.
दर्पयुक्तां च दुर्गां च त्यक्त्वा शंभुर्हिमालये । कामं च भस्मसात्कृत्वा तपसे च ययौ विभुः
darpayuktāṃ ca durgāṃ ca tyaktvā śaṃbhurhimālaye | kāmaṃ ca bhasmasātkṛtvā tapase ca yayau vibhuḥ
Sanskrit only: no published translation is held for this verse.
लज्जामवाप सा देवी तस्या दर्पं बभञ्ज सः । सा ययौ तपसे विष्णोः प्राप्तिहेतोः शिवस्य च
lajjāmavāpa sā devī tasyā darpaṃ babhañja saḥ | sā yayau tapase viṣṇoḥ prāptihetoḥ śivasya ca
Sanskrit only: no published translation is held for this verse.
भारते सुचिरं तप्त्वा देवी वीष्णोर्वरेण च । चकार स्वामिनं शंभुं भगवन्तं सनातनम्
bhārate suciraṃ taptvā devī vīṣṇorvareṇa ca | cakāra svāminaṃ śaṃbhuṃ bhagavantaṃ sanātanam
Sanskrit only: no published translation is held for this verse.
महासौभाग्ययुक्ता सा बभूव शंकरप्रिया । विश्वेषु सर्वदेवीषु पूज्या वन्द्या स्तुता सुरैः
mahāsaubhāgyayuktā sā babhūva śaṃkarapriyā | viśveṣu sarvadevīṣu pūjyā vandyā stutā suraiḥ
Sanskrit only: no published translation is held for this verse.
दर्पयुक्ता महालक्ष्मीर्बभूव सा महामुने । पराभूता पुरा देवी जयेन विजयेन च
darpayuktā mahālakṣmīrbabhūva sā mahāmune | parābhūtā purā devī jayena vijayena ca
Sanskrit only: no published translation is held for this verse.
प्रविशन्तीं विभोर्द्वारं दत्तवा भक्ताय वाञ्छितम् । निवारिता सा द्वाराच्च तेन दौवारिकेण वै
praviśantīṃ vibhordvāraṃ dattavā bhaktāya vāñchitam | nivāritā sā dvārācca tena dauvārikeṇa vai
Sanskrit only: no published translation is held for this verse.
यदात्मनस्तिरस्कारं साभिमाना महासती । स्मृत्वा हरेः पादपद्मं देहं त्यक्तुं समुद्यता
yadātmanastiraskāraṃ sābhimānā mahāsatī | smṛtvā hareḥ pādapadmaṃ dehaṃ tyaktuṃ samudyatā
Sanskrit only: no published translation is held for this verse.
तदा ब्रह्मा महेशश्च विष्णुर्धर्मश्च भास्करः । चन्द्रश्च कामदेवश्च वैश्वानरो धनेश्वरः
tadā brahmā maheśaśca viṣṇurdharmaśca bhāskaraḥ | candraśca kāmadevaśca vaiśvānaro dhaneśvaraḥ
Sanskrit only: no published translation is held for this verse.
ऋषयो मुनयश्चैव मनवो विघ्ननाशकाः । महेन्द्रो वरुणश्चैव जगत्प्राणो हुताशनः
ṛṣayo munayaścaiva manavo vighnanāśakāḥ | mahendro varuṇaścaiva jagatprāṇo hutāśanaḥ
Sanskrit only: no published translation is held for this verse.
समाययूरुदन्तस्ते पद्मायाः पुरतः पुरा । तुष्टुवुश्च महालक्ष्मीं मूलप्रकृतिमीश्वरीम्
samāyayūrudantaste padmāyāḥ purataḥ purā | tuṣṭuvuśca mahālakṣmīṃ mūlaprakṛtimīśvarīm
Sanskrit only: no published translation is held for this verse.
देवा ऊचुः क्षमस्व भगवत्यम्ब क्षमाशीले परात्परे । शुद्धसत्त्वस्वरुपे च कोपादिपरिवर्जिते
devā ūcuḥ kṣamasva bhagavatyamba kṣamāśīle parātpare | śuddhasattvasvarupe ca kopādiparivarjite
Sanskrit only: no published translation is held for this verse.
उपमे सर्वसाध्वीनां देवीनां देवपूजिते । त्वया विना जगत्सर्व मृततुल्यं च निष्फलम्
upame sarvasādhvīnāṃ devīnāṃ devapūjite | tvayā vinā jagatsarva mṛtatulyaṃ ca niṣphalam
Sanskrit only: no published translation is held for this verse.
सर्वसंपत्स्वरुपा त्वं सर्वेषां सर्वरूपिणी । रासेश्वर्यधिदेवी त्वं त्वत्कलाः सर्वयोषितः
sarvasaṃpatsvarupā tvaṃ sarveṣāṃ sarvarūpiṇī | rāseśvaryadhidevī tvaṃ tvatkalāḥ sarvayoṣitaḥ
Sanskrit only: no published translation is held for this verse.
कैलासे पार्वती त्वं च क्षीरोदे सिन्धुकन्यका । स्वर्गे च स्वर्गलक्ष्मीस्त्वं मर्त्यलक्ष्मीश्च भूतले
kailāse pārvatī tvaṃ ca kṣīrode sindhukanyakā | svarge ca svargalakṣmīstvaṃ martyalakṣmīśca bhūtale
Sanskrit only: no published translation is held for this verse.
वैकुण्ठे च महालक्ष्मीर्देवदेवी सरस्वती । गङ्गा च तुलसी त्वं च वृन्दा वृन्दावने वने
vaikuṇṭhe ca mahālakṣmīrdevadevī sarasvatī | gaṅgā ca tulasī tvaṃ ca vṛndā vṛndāvane vane
Sanskrit only: no published translation is held for this verse.
कृष्णप्राणाधिदेवी त्वं गोलोके राधिका स्वयम् । रासे रासेश्वरी त्वं च वृन्दा वृन्दावने वने
kṛṣṇaprāṇādhidevī tvaṃ goloke rādhikā svayam | rāse rāseśvarī tvaṃ ca vṛndā vṛndāvane vane
Sanskrit only: no published translation is held for this verse.
कृष्णप्रिया त्वं भाण्डीरे चन्द्रा चन्दनकानने । विरजा चम्पकवने शतशृङ्गे च सुन्दरी
kṛṣṇapriyā tvaṃ bhāṇḍīre candrā candanakānane | virajā campakavane śataśṛṅge ca sundarī
Sanskrit only: no published translation is held for this verse.
पद्मावती पद्मवने मालती मालतीवने । कृन्ददन्ती कुन्दवने सुशीला केतकीवने
padmāvatī padmavane mālatī mālatīvane | kṛndadantī kundavane suśīlā ketakīvane
Sanskrit only: no published translation is held for this verse.
कदम्बमाला त्वं देवी कदम्बकाननेऽपि च । राजलक्ष्मी राजगेहे गृहलक्ष्मीर्गृहे गृहे
kadambamālā tvaṃ devī kadambakānane'pi ca | rājalakṣmī rājagehe gṛhalakṣmīrgṛhe gṛhe
Sanskrit only: no published translation is held for this verse.
इत्युक्तवा देवताः सर्वे मुनयो मनवस्तथा । रुरुदुर्नम्रवदनाः शुष्ककण्ठोष्ठतालुकाः
ityuktavā devatāḥ sarve munayo manavastathā | rurudurnamravadanāḥ śuṣkakaṇṭhoṣṭhatālukāḥ
Sanskrit only: no published translation is held for this verse.
इति लक्ष्मीस्तवं पुण्यं सर्वदेवैः कृतं शुभम् । यः पठेत्प्रातरुत्थाय स वै सर्वं लभेद्ध्रुवम्
iti lakṣmīstavaṃ puṇyaṃ sarvadevaiḥ kṛtaṃ śubham | yaḥ paṭhetprātarutthāya sa vai sarvaṃ labheddhruvam
Sanskrit only: no published translation is held for this verse.
अभार्योलभते भार्यां विनीतां च सुतां सतीम् । सुशीलां सुनदरीं रम्यामतिसुप्रियवादिनीम्
abhāryolabhate bhāryāṃ vinītāṃ ca sutāṃ satīm | suśīlāṃ sunadarīṃ ramyāmatisupriyavādinīm
Sanskrit only: no published translation is held for this verse.
पुत्रपौत्रवतीं शुद्धां कुलजां कोमलां वराम् । अपुत्रो लभते पुत्रं वैष्णवं चिरजीविनम्
putrapautravatīṃ śuddhāṃ kulajāṃ komalāṃ varām | aputro labhate putraṃ vaiṣṇavaṃ cirajīvinam
Sanskrit only: no published translation is held for this verse.
परमैश्वर्ययुक्तं च विद्यावन्तं यशस्विनम् । भ्रष्टराज्यो लभेद्राज्यं भ्रष्टश्रीर्लभते श्रियम्
paramaiśvaryayuktaṃ ca vidyāvantaṃ yaśasvinam | bhraṣṭarājyo labhedrājyaṃ bhraṣṭaśrīrlabhate śriyam
Sanskrit only: no published translation is held for this verse.
हतबन्धुर्लभेद्बन्धुं धनभ्रष्टो धनं लभेत् । कीर्तिंहीनो लभेत्कीर्तिं प्रतिष्ठां च लभेद्ध्रुवम्
hatabandhurlabhedbandhuṃ dhanabhraṣṭo dhanaṃ labhet | kīrtiṃhīno labhetkīrtiṃ pratiṣṭhāṃ ca labheddhruvam
Sanskrit only: no published translation is held for this verse.
सर्वमङ्गलदं स्तोत्रं शोकसंतापनाशनम् । हर्षानन्दकरं शश्वद्धर्ममोक्षसुहृत्प्रदम्
sarvamaṅgaladaṃ stotraṃ śokasaṃtāpanāśanam | harṣānandakaraṃ śaśvaddharmamokṣasuhṛtpradam
Sanskrit only: no published translation is held for this verse.