Brahmavaivarta Purāṇa 4.59

ऋतावतीते दिवसे गमनं च करिष्यसि । शच्याश्च वचनं श्रुत्वा प्रहस्य नहुषस्तया

ṛtāvatīte divase gamanaṃ ca kariṣyasi | śacyāśca vacanaṃ śrutvā prahasya nahuṣastayā

Sanskrit only: no published translation is held for this verse.

उवाच मधुरं शान्तः शक्रकान्तां च सुव्रताम् । देवपत्नी सदा शुद्धा तन्न्यूनं मानवं प्रति

uvāca madhuraṃ śāntaḥ śakrakāntāṃ ca suvratām | devapatnī sadā śuddhā tannyūnaṃ mānavaṃ prati

Sanskrit only: no published translation is held for this verse.

शयने भोजने देवी नाशुद्धा मानवं प्रति । रजस्वलायाः संभोगे कर्मक्षेत्रे च भारते

śayane bhojane devī nāśuddhā mānavaṃ prati | rajasvalāyāḥ saṃbhoge karmakṣetre ca bhārate

Sanskrit only: no published translation is held for this verse.

त्वयोक्तं च भवेत्पा पं नात्र दु (स्व)र्गे च सुन्दरि । कर्मक्षेत्रेऽपि तत्कर्म यद्वेदोक्तं शुभाशुभम्

tvayoktaṃ ca bhavetpā paṃ nātra du (sva)rge ca sundari | karmakṣetre'pi tatkarma yadvedoktaṃ śubhāśubham

Sanskrit only: no published translation is held for this verse.

न भवेद्वैष्णवानां च ज्वलतां ब्रह्मतेजसा । यथा प्रदीप्ते वह्नौ च शुष्काणि च तृणानि च

na bhavedvaiṣṇavānāṃ ca jvalatāṃ brahmatejasā | yathā pradīpte vahnau ca śuṣkāṇi ca tṛṇāni ca

Sanskrit only: no published translation is held for this verse.

भवन्ति भस्मीभूतानि तथा पापानि वैष्णपे । वह्निसूर्यब्राह्मणेभ्यस्तेजˆयान्वैष्णपः सदा

bhavanti bhasmībhūtāni tathā pāpāni vaiṣṇape | vahnisūryabrāhmaṇebhyastejaˆyānvaiṣṇapaḥ sadā

Sanskrit only: no published translation is held for this verse.

रक्षितो विष्णुचक्रेण स्वतन्त्रो मत्तकुंजरः । न विचारो न भोगश्च पैष्मवानां स्वकर्मणाम्

rakṣito viṣṇucakreṇa svatantro mattakuṃjaraḥ | na vicāro na bhogaśca paiṣmavānāṃ svakarmaṇām

Sanskrit only: no published translation is held for this verse.

निखितं साम्नि कौथुम्यां कुरु प्रश्नं बृहस्पतीम् । अस्मांश्च सर्वे जानन्ति चन्द्रवंश्यांश्च वैष्णवान्

nikhitaṃ sāmni kauthumyāṃ kuru praśnaṃ bṛhaspatīm | asmāṃśca sarve jānanti candravaṃśyāṃśca vaiṣṇavān

Sanskrit only: no published translation is held for this verse.

देवमन्यं न सेवन्ते चन्द्रवंश्या हरिं विना । सद्वंशप्रभवो यो हि ब्रह्मणः क्षत्रियोऽथवा

devamanyaṃ na sevante candravaṃśyā hariṃ vinā | sadvaṃśaprabhavo yo hi brahmaṇaḥ kṣatriyo'thavā

Sanskrit only: no published translation is held for this verse.

विष्णुमन्त्रं न गृण्हाति वञ्चितो देवमायया । को वा मन्त्रश्च के देवा न हि शास्ता यमो मम

viṣṇumantraṃ na gṛṇhāti vañcito devamāyayā | ko vā mantraśca ke devā na hi śāstā yamo mama

Sanskrit only: no published translation is held for this verse.

सर्वाञ्छास्तुं समर्थोऽहं ब्रह्मविष्णुशिवान्विना । शय्यां कृरु गुहं गत्वा शीघ्रं यास्यामि ते गृहम्

sarvāñchāstuṃ samartho'haṃ brahmaviṣṇuśivānvinā | śayyāṃ kṛru guhaṃ gatvā śīghraṃ yāsyāmi te gṛham

Sanskrit only: no published translation is held for this verse.

ऋतुपापं मयि भवेत्तव किं गच्छ शोभने । इत्युक्त्वा नहुषो राजा प्रफुल्लवदनेक्षणः

ṛtupāpaṃ mayi bhavettava kiṃ gaccha śobhane | ityuktvā nahuṣo rājā praphullavadanekṣaṇaḥ

Sanskrit only: no published translation is held for this verse.

रत्नयानं समारुह्य ययौ नन्दनकाननम् । न ययौ सा शची गेहं प्रजगाम गुरोर्गृहम्

ratnayānaṃ samāruhya yayau nandanakānanam | na yayau sā śacī gehaṃ prajagāma gurorgṛham

Sanskrit only: no published translation is held for this verse.

गत्व कूशासनस्यं च ददर्श च बृहस्पतिम् । तारासेवितपादाब्जं ज्वलन्तं ब्रह्मतेजसा

gatva kūśāsanasyaṃ ca dadarśa ca bṛhaspatim | tārāsevitapādābjaṃ jvalantaṃ brahmatejasā

Sanskrit only: no published translation is held for this verse.

जपमालाकरं शश्वज्जपन्तं कृष्णमीप्सितम् । परमं परमानन्दं परमात्मानमीश्वरम्

japamālākaraṃ śaśvajjapantaṃ kṛṣṇamīpsitam | paramaṃ paramānandaṃ paramātmānamīśvaram

Sanskrit only: no published translation is held for this verse.

निर्गुणं च निरीहं च स्वतन्त्रं प्रकृतेः परम् । स्वेच्छामयं परं ब्रह्म भक्तानुग्रहविग्रहम्

nirguṇaṃ ca nirīhaṃ ca svatantraṃ prakṛteḥ param | svecchāmayaṃ paraṃ brahma bhaktānugrahavigraham

Sanskrit only: no published translation is held for this verse.

तमानन्दाश्रुनेत्रं च ननाम शिनका भुवि । रुदती साश्रुनेत्रा का मज्जन्ती भक्तिसागरे

tamānandāśrunetraṃ ca nanāma śinakā bhuvi | rudatī sāśrunetrā kā majjantī bhaktisāgare

Sanskrit only: no published translation is held for this verse.

शोकार्णवे निमज्जन्ती हृदयेन विदूयता । तुष्टाव भीता स्वगुरुं ब्रह्मिष्ठं च कृपानिधिम्

śokārṇave nimajjantī hṛdayena vidūyatā | tuṣṭāva bhītā svaguruṃ brahmiṣṭhaṃ ca kṛpānidhim

Sanskrit only: no published translation is held for this verse.

शच्युवाच रक्ष रक्ष महाभाग मां भीतां शरणागताम् । त्वमीश्वरः स्वदासीं च निमग्नां शोकसागरे

śacyuvāca rakṣa rakṣa mahābhāga māṃ bhītāṃ śaraṇāgatām | tvamīśvaraḥ svadāsīṃ ca nimagnāṃ śokasāgare

Sanskrit only: no published translation is held for this verse.

अनीश्वरश्चेश्वरो वा बरवान्वा सुदुर्बलः । स्वशिष्यभार्यां पुत्रांश्च शासितुं च सदा क्षमः

anīśvaraśceśvaro vā baravānvā sudurbalaḥ | svaśiṣyabhāryāṃ putrāṃśca śāsituṃ ca sadā kṣamaḥ

Sanskrit only: no published translation is held for this verse.

दूरीभूतः स्वराज्याच्च स्वशिष्यश्च कृतस्त्वया । शान्तिर्बभूव दोषस्य चाधुनाऽनुग्रहं कुरु

dūrībhūtaḥ svarājyācca svaśiṣyaśca kṛtastvayā | śāntirbabhūva doṣasya cādhunā'nugrahaṃ kuru

Sanskrit only: no published translation is held for this verse.

अनाथां सर्वशून्यां मां शुन्यां ताममरावतीम् । संपच्छून्यमाश्रमं मे पश्य रक्ष कृणानिधे

anāthāṃ sarvaśūnyāṃ māṃ śunyāṃ tāmamarāvatīm | saṃpacchūnyamāśramaṃ me paśya rakṣa kṛṇānidhe

Sanskrit only: no published translation is held for this verse.

दस्युग्रस्तां च मां रक्ष देशं किंकरमानय । दत्तवा चरणरेणूंस्तं शुभाशीर्वचनं कुरु

dasyugrastāṃ ca māṃ rakṣa deśaṃ kiṃkaramānaya | dattavā caraṇareṇūṃstaṃ śubhāśīrvacanaṃ kuru

Sanskrit only: no published translation is held for this verse.

सर्वेषां च सुरुणां च जन्मदाता परो गुरुः । पितुः शतगुणा माता पूज्या वन्द्या गरीयसी

sarveṣāṃ ca suruṇāṃ ca janmadātā paro guruḥ | pituḥ śataguṇā mātā pūjyā vandyā garīyasī

Sanskrit only: no published translation is held for this verse.

विद्यादाता मन्त्रदाता ज्ञानदो हरिभक्तिदः । पूज्यो वन्द्यश्च सेव्यश्च मातुः शतगुणो गुरुः

vidyādātā mantradātā jñānado haribhaktidaḥ | pūjyo vandyaśca sevyaśca mātuḥ śataguṇo guruḥ

Sanskrit only: no published translation is held for this verse.

मन्त्राद्युद्गिरणेनैव गुरुरित्युच्यते बुधैः । अन्यो वन्द्यो गुरुरयमन्यश्चारोपितो गुरुः

mantrādyudgiraṇenaiva gururityucyate budhaiḥ | anyo vandyo gururayamanyaścāropito guruḥ

Sanskrit only: no published translation is held for this verse.

अज्ञानतिमिरान्धस्य ज्ञानाञ्जनशलाकया । चक्षुरुन्मीलितं येन तस्मै श्रीगुरवे नमः

ajñānatimirāndhasya jñānāñjanaśalākayā | cakṣurunmīlitaṃ yena tasmai śrīgurave namaḥ

Sanskrit only: no published translation is held for this verse.

अदीक्षितस्य मूर्खस्य निष्कृतिर्नास्ति नि श्चितम् । सर्वकर्मस्वनर्हस्य नरके तत्पशोः स्थितिः

adīkṣitasya mūrkhasya niṣkṛtirnāsti ni ścitam | sarvakarmasvanarhasya narake tatpaśoḥ sthitiḥ

Sanskrit only: no published translation is held for this verse.

जन्मदाताऽन्नदाता च माताऽन्ये गुरवास्तथा । पारं कर्तुं न शक्तास्ते घोरसंसारसागरे

janmadātā'nnadātā ca mātā'nye guravāstathā | pāraṃ kartuṃ na śaktāste ghorasaṃsārasāgare

Sanskrit only: no published translation is held for this verse.

विद्यामन्त्रज्ञानदाता निपुणः पारकर्मणि । स शक्तः शिष्यमुद्धर्तुमीश्वरश्चेश्वरात्परः

vidyāmantrajñānadātā nipuṇaḥ pārakarmaṇi | sa śaktaḥ śiṣyamuddhartumīśvaraśceśvarātparaḥ

Sanskrit only: no published translation is held for this verse.

गुरुर्विष्णुर्गुरुर्ब्रह्मा गुरुर्देवो महेश्वरः । गुरुर्धर्मो गुरुः शेषः सर्वात्मा निर्गुणो गुरुः

gururviṣṇurgururbrahmā gururdevo maheśvaraḥ | gururdharmo guruḥ śeṣaḥ sarvātmā nirguṇo guruḥ

Sanskrit only: no published translation is held for this verse.

सर्वतीर्थाश्रयश्चैव कर्वदेवाश्रयो गुरुः । सर्ववेदस्वरुपश्च गुरुरूपी हरिः स्वयम्

sarvatīrthāśrayaścaiva karvadevāśrayo guruḥ | sarvavedasvarupaśca gururūpī hariḥ svayam

Sanskrit only: no published translation is held for this verse.

अभीष्टदेवे रुष्टे च गुरुःशक्तो हि रक्षितुम् । गुरौ रुष्टेऽभीष्टदेवो न हि शक्तश्च रक्षितुम्

abhīṣṭadeve ruṣṭe ca guruḥśakto hi rakṣitum | gurau ruṣṭe'bhīṣṭadevo na hi śaktaśca rakṣitum

Sanskrit only: no published translation is held for this verse.

सर्वे ग्रहाश्च यं रुष्टा यं रुष्टा देवब्राह्मणाः । त्वमेव रुष्टो भवसि गुरुरेव हि देवताः

sarve grahāśca yaṃ ruṣṭā yaṃ ruṣṭā devabrāhmaṇāḥ | tvameva ruṣṭo bhavasi gurureva hi devatāḥ

Sanskrit only: no published translation is held for this verse.

न गुरोश्च प्रियश्चाऽऽत्मा न गुरोश्च प्रियः सुतः । धनं प्रियं च न गुरोर्न च भार्या प्रिया तथा

na gurośca priyaścā''tmā na gurośca priyaḥ sutaḥ | dhanaṃ priyaṃ ca na gurorna ca bhāryā priyā tathā

Sanskrit only: no published translation is held for this verse.

न गुरोश्च प्रियो धर्मो न गुरोश्च प्रियं तपः । न गुरोश्च प्रियं सत्यं न पुण्यं च गुरोः परम्

na gurośca priyo dharmo na gurośca priyaṃ tapaḥ | na gurośca priyaṃ satyaṃ na puṇyaṃ ca guroḥ param

Sanskrit only: no published translation is held for this verse.

गुरोः परो न शास्ता च न हि बन्धुर्गुरोः परः । देवो राजा च शास्ता च शिष्याणां च सदा गुरुः

guroḥ paro na śāstā ca na hi bandhurguroḥ paraḥ | devo rājā ca śāstā ca śiṣyāṇāṃ ca sadā guruḥ

Sanskrit only: no published translation is held for this verse.

यावच्छक्तो दातुमन्नं तावच्छास्ता तदन्नदः । गुरुः शास्ता च शिष्याणां प्रतिजन्मनि जन्मनि

yāvacchakto dātumannaṃ tāvacchāstā tadannadaḥ | guruḥ śāstā ca śiṣyāṇāṃ pratijanmani janmani

Sanskrit only: no published translation is held for this verse.

मन्त्रो विद्या गुरुर्देवः पूर्वलब्धो यथा पतिः । प्रतिजन्मनि बन्धेन सर्वेषामुपरि स्थितः

mantro vidyā gururdevaḥ pūrvalabdho yathā patiḥ | pratijanmani bandhena sarveṣāmupari sthitaḥ

Sanskrit only: no published translation is held for this verse.

पिता गुरुश्च वन्द्यश्च यत्र जन्मनि जन्मदः । गुरवोऽन्ये तथा माता गुरुश्च प्रतिजन्मनि

pitā guruśca vandyaśca yatra janmani janmadaḥ | guravo'nye tathā mātā guruśca pratijanmani

Sanskrit only: no published translation is held for this verse.

विप्राणां त्वं वरिष्ठश्च गरिष्ठश्च तपस्तिनाम् । ब्रह्मिष्ठौ ब्रह्मविद्ब्रह्मविद्ब्रह्मन् धर्मिष्ठः सर्वधर्मिणाम्

viprāṇāṃ tvaṃ variṣṭhaśca gariṣṭhaśca tapastinām | brahmiṣṭhau brahmavidbrahmavidbrahman dharmiṣṭhaḥ sarvadharmiṇām

Sanskrit only: no published translation is held for this verse.

तुष्टो भव मुनिश्रेष्ठ मां च शक्रं च संप्रतम् । त्वयि तुष्टे सदा तुष्टा भवन्ति ग्रहदेवताः

tuṣṭo bhava muniśreṣṭha māṃ ca śakraṃ ca saṃpratam | tvayi tuṣṭe sadā tuṣṭā bhavanti grahadevatāḥ

Sanskrit only: no published translation is held for this verse.

इत्युक्त्वा का शची ब्रह्मन्पुनरुच्चौ रुरोद ह । दृष्ट्वा तद्रोदनं तारा रुरोदोच्चैर्मुहुर्मुहुः

ityuktvā kā śacī brahmanpunaruccau ruroda ha | dṛṣṭvā tadrodanaṃ tārā rurodoccairmuhurmuhuḥ

Sanskrit only: no published translation is held for this verse.

पपात चरणे तारा रुरोद च पुनः पुनः । अपराधं क्षमेत्युक्त्वा गुरुस्तुष्टोऽप्युवाच ताम्

papāta caraṇe tārā ruroda ca punaḥ punaḥ | aparādhaṃ kṣametyuktvā gurustuṣṭo'pyuvāca tām

Sanskrit only: no published translation is held for this verse.

गुरुरुवाच उत्तिष्ठ तारे शच्याश्च सर्व भद्रं भविष्यति । सद्यः प्राप्स्यति भर्तारं महेन्द्रं च मदाशिषा

gururuvāca uttiṣṭha tāre śacyāśca sarva bhadraṃ bhaviṣyati | sadyaḥ prāpsyati bhartāraṃ mahendraṃ ca madāśiṣā

Sanskrit only: no published translation is held for this verse.

इत्युक्त्वा स गुरुस्तत्र विरराम च नारद । पपात चरणे तारा पुनरेव रुरोद च

ityuktvā sa gurustatra virarāma ca nārada | papāta caraṇe tārā punareva ruroda ca

Sanskrit only: no published translation is held for this verse.

गुहीत्वा च शचीं तारा संस्थाप्य च स्ववक्षकि । बोधयामास विविधमाध्यात्मिकमनुत्तमम्

guhītvā ca śacīṃ tārā saṃsthāpya ca svavakṣaki | bodhayāmāsa vividhamādhyātmikamanuttamam

Sanskrit only: no published translation is held for this verse.

शचीकृतं गुरुस्तोत्रं पूजाकाले च यः पठेत् । गुरुश्चाभीष्टदेवश्च संतुष्टः प्रतिजन्मनि

śacīkṛtaṃ gurustotraṃ pūjākāle ca yaḥ paṭhet | guruścābhīṣṭadevaśca saṃtuṣṭaḥ pratijanmani

Sanskrit only: no published translation is held for this verse.

ग्रहदेवद्विजास्तं च परितुष्टाश्च संततम् । राजानो बान्धवाश्चैव संतुष्टाः सर्वतः सदा

grahadevadvijāstaṃ ca parituṣṭāśca saṃtatam | rājāno bāndhavāścaiva saṃtuṣṭāḥ sarvataḥ sadā

Sanskrit only: no published translation is held for this verse.

गुरुभक्तिं विष्णुभक्तिं वाञ्छितं लभते ध्रुवम् । सदा हर्षो भवेत्तस्य न च शोकः कदाचन

gurubhaktiṃ viṣṇubhaktiṃ vāñchitaṃ labhate dhruvam | sadā harṣo bhavettasya na ca śokaḥ kadācana

Sanskrit only: no published translation is held for this verse.

पुत्रार्थो लभते पुत्रं भार्यार्थो लभते प्रियम् । सुस्वरुपां गुणवतीं सतीं पुत्रवतीं ध्रुवम्

putrārtho labhate putraṃ bhāryārtho labhate priyam | susvarupāṃ guṇavatīṃ satīṃ putravatīṃ dhruvam

Sanskrit only: no published translation is held for this verse.

रोगार्तों मुच्यते रोगाद्बद्धो मुच्योत बन्धनात् । अस्पष्टकीर्तिः सुयशा मूर्खोभवति पण्डितः

rogārtoṃ mucyate rogādbaddho mucyota bandhanāt | aspaṣṭakīrtiḥ suyaśā mūrkhobhavati paṇḍitaḥ

Sanskrit only: no published translation is held for this verse.

कदाचिद्बन्धुविच्छेदो न भवेत्तस्य निश्चितम् । नित्यं तद्वर्धते धर्मों विपुलं निर्मलं यशः

kadācidbandhuvicchedo na bhavettasya niścitam | nityaṃ tadvardhate dharmoṃ vipulaṃ nirmalaṃ yaśaḥ

Sanskrit only: no published translation is held for this verse.

लभते परमैश्वर्यं पुत्रपौत्रधनान्वितम् । इह सर्वसुखं भुक्त्वा प्राप्यते श्रीहरेः पदम्

labhate paramaiśvaryaṃ putrapautradhanānvitam | iha sarvasukhaṃ bhuktvā prāpyate śrīhareḥ padam

Sanskrit only: no published translation is held for this verse.

न भवेत्तत्पुनर्जन्म हरिदास्यं लभेद्ध्रुवम् । विष्णुभक्तिनमाब्धौ च निमग्नश्च भवेद्ध्रुवम्

na bhavettatpunarjanma haridāsyaṃ labheddhruvam | viṣṇubhaktinamābdhau ca nimagnaśca bhaveddhruvam

Sanskrit only: no published translation is held for this verse.

शाश्वत्पिबति शान्तिश्च विष्णुभक्तिरसामृतम् । जन्ममृत्युजराव्याधिशोकसंतापनाशनम्

śāśvatpibati śāntiśca viṣṇubhaktirasāmṛtam | janmamṛtyujarāvyādhiśokasaṃtāpanāśanam

Sanskrit only: no published translation is held for this verse.