Library·Brahmavaivarta Purāṇa·4·4.67
नारायण उवाच विरहव्याकुलां दृष्ट्वा मामिनीं काममोहनः । कृत्वा वक्षसि तां कृष्णो ययौ क्रीडासरोवरम्
nārāyaṇa uvāca virahavyākulāṃ dṛṣṭvā māminīṃ kāmamohanaḥ | kṛtvā vakṣasi tāṃ kṛṣṇo yayau krīḍāsarovaram
Sanskrit only: no published translation is held for this verse.
राजराजेश्वरी राधा कृष्णवक्षसि राजते । सौदामिनीव जलदे नदीने गगने मुने
rājarājeśvarī rādhā kṛṣṇavakṣasi rājate | saudāminīva jalade nadīne gagane mune
Sanskrit only: no published translation is held for this verse.
रेमे स रमया सार्धं कृपया च कृपानिधिः । द्वयोर्द्वयोर्यथा स्वर्णंमण्योर्मारकतो मणिः
reme sa ramayā sārdhaṃ kṛpayā ca kṛpānidhiḥ | dvayordvayoryathā svarṇaṃmaṇyormārakato maṇiḥ
Sanskrit only: no published translation is held for this verse.
रत्ननिर्माणपर्यङ्के रत्नेन्द्रसारनिर्मिते । नत्नप्रदीपे ज्वलति रत्नभूषणभूषितः
ratnanirmāṇaparyaṅke ratnendrasāranirmite | natnapradīpe jvalati ratnabhūṣaṇabhūṣitaḥ
Sanskrit only: no published translation is held for this verse.
रत्नभूषाभूषितया रासरत्नश्च कौतुकात् । रसरत्नाकरे रम्ये निमग्नो रसिकेश्वरः
ratnabhūṣābhūṣitayā rāsaratnaśca kautukāt | rasaratnākare ramye nimagno rasikeśvaraḥ
Sanskrit only: no published translation is held for this verse.
रासे रासेश्वरी राधा रामेश्वरमुवाच सा । सुरतौ विरतौ सत्यां विरते न मनोरथे
rāse rāseśvarī rādhā rāmeśvaramuvāca sā | suratau viratau satyāṃ virate na manorathe
Sanskrit only: no published translation is held for this verse.
राधिकोवाच प्रफुल्लाऽहं त्वया नाथ मृता म्लाना च त्वां विना । यथा महौषधिगणः प्रभाते भाति भास्करे
rādhikovāca praphullā'haṃ tvayā nātha mṛtā mlānā ca tvāṃ vinā | yathā mahauṣadhigaṇaḥ prabhāte bhāti bhāskare
Sanskrit only: no published translation is held for this verse.
नक्तं दीपशिखेवाहं त्वया सार्धं त्वया विना । दिने दिने यथा क्षीणा कृष्णपक्षे विधोः कला
naktaṃ dīpaśikhevāhaṃ tvayā sārdhaṃ tvayā vinā | dine dine yathā kṣīṇā kṛṣṇapakṣe vidhoḥ kalā
Sanskrit only: no published translation is held for this verse.
तव वक्षसि मे दीप्तिः पूर्णंचन्द्रप्रभासमा । सद्यो मृता त्वया त्यक्ता कुह्वां चन्द्रकला यथा
tava vakṣasi me dīptiḥ pūrṇaṃcandraprabhāsamā | sadyo mṛtā tvayā tyaktā kuhvāṃ candrakalā yathā
Sanskrit only: no published translation is held for this verse.
ज्वलदग्निशिखेवाहं घृताहुत्या त्वया सह । त्वया विनाऽहं निर्वाणा शिशिरे पद्मिनी यथा
jvaladagniśikhevāhaṃ ghṛtāhutyā tvayā saha | tvayā vinā'haṃ nirvāṇā śiśire padminī yathā
Sanskrit only: no published translation is held for this verse.
चिन्ताज्वरजराग्रस्ता मत्तस्त्वयि गतेऽप्यहम् । अस्तंगते रवौ चन्द्रे ध्वान्दग्रस्ता धरा यथा
cintājvarajarāgrastā mattastvayi gate'pyaham | astaṃgate ravau candre dhvāndagrastā dharā yathā
Sanskrit only: no published translation is held for this verse.
भ्रष्टो वेषस्त्वां विना मे रुपयौवनचेतनम् । तारावली परिभ्रष्टा सूर्यसूतोदये यथा
bhraṣṭo veṣastvāṃ vinā me rupayauvanacetanam | tārāvalī paribhraṣṭā sūryasūtodaye yathā
Sanskrit only: no published translation is held for this verse.
त्वमेवाऽऽत्मा च सर्वेषां मम नाथो विशेषतः । तनुर्यथाऽऽत्मना त्यक्ता तथाऽहं च त्वया विना
tvamevā''tmā ca sarveṣāṃ mama nātho viśeṣataḥ | tanuryathā''tmanā tyaktā tathā'haṃ ca tvayā vinā
Sanskrit only: no published translation is held for this verse.
पञ्चप्राणात्मकस्त्वं मे मृताऽहं च त्वया विना । दृष्टेश्च गोलकौ जद्वद्दृष्टिः पुत्तलिकां विना
pañcaprāṇātmakastvaṃ me mṛtā'haṃ ca tvayā vinā | dṛṣṭeśca golakau jadvaddṛṣṭiḥ puttalikāṃ vinā
Sanskrit only: no published translation is held for this verse.
स्थलं यथा चित्रयुक्तं त्वया सार्धमहं तथा । असंस्कृता त्वया हीना तृणाच्छन्ना यथा मही
sthalaṃ yathā citrayuktaṃ tvayā sārdhamahaṃ tathā | asaṃskṛtā tvayā hīnā tṛṇācchannā yathā mahī
Sanskrit only: no published translation is held for this verse.
त्वया सार्धमहं कृष्ण चित्रयुक्तेव मृन्मयी । त्वां विना जलधौताऽहं विरूपा मृन्मयीव च
tvayā sārdhamahaṃ kṛṣṇa citrayukteva mṛnmayī | tvāṃ vinā jaladhautā'haṃ virūpā mṛnmayīva ca
Sanskrit only: no published translation is held for this verse.
गोपाङ्गनानां शोभा च त्वया रासेश्वरेण च । हारे स्वर्णविकारे च श्वेतेन मणिना सह
gopāṅganānāṃ śobhā ca tvayā rāseśvareṇa ca | hāre svarṇavikāre ca śvetena maṇinā saha
Sanskrit only: no published translation is held for this verse.
व्रजराज त्वया सार्ध राजन्ते राजराजयः । यथा चन्द्रेण नभसि ताराराजिर्विराजते
vrajarāja tvayā sārdha rājante rājarājayaḥ | yathā candreṇa nabhasi tārārājirvirājate
Sanskrit only: no published translation is held for this verse.
त्वया शोभा यशोदाया नन्दस्य नन्दनन्दन । यथा शाखाफलस्कन्धैस्तरुराजिर्विराजते
tvayā śobhā yaśodāyā nandasya nandanandana | yathā śākhāphalaskandhaistarurājirvirājate
Sanskrit only: no published translation is held for this verse.
त्वया कार्ध गोकुलेश सोभा गोकुलवासिनाम् । यथा सर्वा लोकराजी राजेन्द्रेण विराजते
tvayā kārdha gokuleśa sobhā gokulavāsinām | yathā sarvā lokarājī rājendreṇa virājate
Sanskrit only: no published translation is held for this verse.
रामस्यापि च रासेश त्वया शोभा मनोहरा । राजते देवराजेन यथा स्वर्गेऽमरावती
rāmasyāpi ca rāseśa tvayā śobhā manoharā | rājate devarājena yathā svarge'marāvatī
Sanskrit only: no published translation is held for this verse.
वृन्दावनस्य वृक्षाणां त्वं च शोभा पतिर्गतिः । अन्योषां च वनानां च बलवान्केसरी यथा
vṛndāvanasya vṛkṣāṇāṃ tvaṃ ca śobhā patirgatiḥ | anyoṣāṃ ca vanānāṃ ca balavānkesarī yathā
Sanskrit only: no published translation is held for this verse.
त्वया विना यशोदा य निमग्ना शोकसागरे । अप्राप्य वत्सं मुरभिः क्रोशन्ती व्याकुला यथा
tvayā vinā yaśodā ya nimagnā śokasāgare | aprāpya vatsaṃ murabhiḥ krośantī vyākulā yathā
Sanskrit only: no published translation is held for this verse.
आन्दोलयन्ति नन्दस्य प्राणा दग्धं च मानसम् । त्वया विना तप्तपात्रे यथा धान्यसमूहकः
āndolayanti nandasya prāṇā dagdhaṃ ca mānasam | tvayā vinā taptapātre yathā dhānyasamūhakaḥ
Sanskrit only: no published translation is held for this verse.
इत्युक्त्वा परमप्रेम्णा सा पतन्ती हरेः पदे । पुनराध्यात्मिकेनैव बोधयामास तां विभुः
ityuktvā paramapremṇā sā patantī hareḥ pade | punarādhyātmikenaiva bodhayāmāsa tāṃ vibhuḥ
Sanskrit only: no published translation is held for this verse.
आध्यात्मिको महायोगी मोहसंछेदकारणम् । यथा पर्शुश्च वृक्षाणां तीक्ष्णधारश्च नारद
ādhyātmiko mahāyogī mohasaṃchedakāraṇam | yathā parśuśca vṛkṣāṇāṃ tīkṣṇadhāraśca nārada
Sanskrit only: no published translation is held for this verse.
नारद उवाच आध्यात्मिकं महायोगं वद वेदविदां वर । शोकच्छेदं च लोकानां श्रोतुं कौतुहलं मम
nārada uvāca ādhyātmikaṃ mahāyogaṃ vada vedavidāṃ vara | śokacchedaṃ ca lokānāṃ śrotuṃ kautuhalaṃ mama
Sanskrit only: no published translation is held for this verse.
नारायण उवाच आध्यात्मिको महायोगो न ज्ञातो योगिनामवि । स च नानाप्रकारश्च सर्वं वेत्ति हरिः स्वयम्
nārāyaṇa uvāca ādhyātmiko mahāyogo na jñāto yogināmavi | sa ca nānāprakāraśca sarvaṃ vetti hariḥ svayam
Sanskrit only: no published translation is held for this verse.
किंचिदाध्यात्मिकं चैव गोनोके राधिकेश्वरः । सुप्रीतः कथायामास त्रिपुरारिं यथा मुने
kiṃcidādhyātmikaṃ caiva gonoke rādhikeśvaraḥ | suprītaḥ kathāyāmāsa tripurāriṃ yathā mune
Sanskrit only: no published translation is held for this verse.
सहस्रेन्द्रनिपातान्तं तपः कुर्वन्तमीश्वरम् । श्रेष्ठं ज्येष्ठं वैष्णवानां वरिष्ठं च तपस्विनाम्
sahasrendranipātāntaṃ tapaḥ kurvantamīśvaram | śreṣṭhaṃ jyeṣṭhaṃ vaiṣṇavānāṃ variṣṭhaṃ ca tapasvinām
Sanskrit only: no published translation is held for this verse.
पुष्करे दुष्करं तप्त्वा पाद्मे पाद्मं च पद्मजः । दृष्ट्वा तं सादरं कृष्ण उवाच किंचिदेवतम्
puṣkare duṣkaraṃ taptvā pādme pādmaṃ ca padmajaḥ | dṛṣṭvā taṃ sādaraṃ kṛṣṇa uvāca kiṃcidevatam
Sanskrit only: no published translation is held for this verse.
शतेन्द्रपातपर्यन्तं कठोरेण कृशोदरम् । निश्चेष्टमस्थिसारं च कृपया च कृपानिधिः
śatendrapātaparyantaṃ kaṭhoreṇa kṛśodaram | niśceṣṭamasthisāraṃ ca kṛpayā ca kṛpānidhiḥ
Sanskrit only: no published translation is held for this verse.
सिंहक्षेत्रे पुरा धर्मं मत्तातं धर्मिणां वरम् । चतुर्दशेन्द्रावच्छिन्नं तपस्तप्त्वा कृशोदरम्
siṃhakṣetre purā dharmaṃ mattātaṃ dharmiṇāṃ varam | caturdaśendrāvacchinnaṃ tapastaptvā kṛśodaram
Sanskrit only: no published translation is held for this verse.
पपाठाऽऽयात्मिकं किंचित्कृपया च कृपानिधिः । किचिच्छतेन्द्रावच्छिन्नं मां तपन्तमुवाच सः
papāṭhā''yātmikaṃ kiṃcitkṛpayā ca kṛpānidhiḥ | kicicchatendrāvacchinnaṃ māṃ tapantamuvāca saḥ
Sanskrit only: no published translation is held for this verse.
किंचित्सनत्कुमारं च तपन्तं सुचिरं परम् । सुतपन्तमनन्तं च किंचिच्चोवाच नारद
kiṃcitsanatkumāraṃ ca tapantaṃ suciraṃ param | sutapantamanantaṃ ca kiṃciccovāca nārada
Sanskrit only: no published translation is held for this verse.
चिरं तपन्तं कपिलं हिमशैले तपस्विनम् । पुष्करे भास्करे किंचित्तपन्तं दुष्करं तपः
ciraṃ tapantaṃ kapilaṃ himaśaile tapasvinam | puṣkare bhāskare kiṃcittapantaṃ duṣkaraṃ tapaḥ
Sanskrit only: no published translation is held for this verse.
उवाच किंचित्प्रह्लादं किंचिद्दुर्वाससं भृगुम् । एवं निगूढं भक्तं च कृप्या भक्तवत्सलः
uvāca kiṃcitprahlādaṃ kiṃciddurvāsasaṃ bhṛgum | evaṃ nigūḍhaṃ bhaktaṃ ca kṛpyā bhaktavatsalaḥ
Sanskrit only: no published translation is held for this verse.
क्रीडाकनोवरे रम्ये यदुवाच कृपानिधिः । शोकार्तां राधिकां तच्च कथायामि निशामय
krīḍākanovare ramye yaduvāca kṛpānidhiḥ | śokārtāṃ rādhikāṃ tacca kathāyāmi niśāmaya
Sanskrit only: no published translation is held for this verse.
विरसं रसिकां दृष्ट्वा वासयित्वा च वक्षसि । उवाचाऽऽध्यात्मिकं किंचिद्योगिनीं योगिनां गुरुः
virasaṃ rasikāṃ dṛṣṭvā vāsayitvā ca vakṣasi | uvācā''dhyātmikaṃ kiṃcidyoginīṃ yogināṃ guruḥ
Sanskrit only: no published translation is held for this verse.
श्रीकृष्ण उवाच जातिस्मरे स्मराऽऽत्मानं कथं विस्मरसि प्रिये । सर्वं गोलोकवृत्तान्तं सुदाम्नः शापमेव च
śrīkṛṣṇa uvāca jātismare smarā''tmānaṃ kathaṃ vismarasi priye | sarvaṃ golokavṛttāntaṃ sudāmnaḥ śāpameva ca
Sanskrit only: no published translation is held for this verse.
शापात्किंचिद्दिनं दीने त्वद्विच्छेदो मया सह । भविष्यति महाभागे मेलनं पुनरावयोः
śāpātkiṃciddinaṃ dīne tvadvicchedo mayā saha | bhaviṣyati mahābhāge melanaṃ punarāvayoḥ
Sanskrit only: no published translation is held for this verse.
पुनरेव गमिष्यामि गोलोकं तं निजालयम् । गत्वा गोपाङ्गनाभिश्च गोपैर्गोलोकवासिभिः
punareva gamiṣyāmi golokaṃ taṃ nijālayam | gatvā gopāṅganābhiśca gopairgolokavāsibhiḥ
Sanskrit only: no published translation is held for this verse.
अधुनाऽऽध्यात्मिकं किंचित्तवां वदामि निशामय । शोकध्नं हर्षदं सारं सुखदं मानसस्य च
adhunā''dhyātmikaṃ kiṃcittavāṃ vadāmi niśāmaya | śokadhnaṃ harṣadaṃ sāraṃ sukhadaṃ mānasasya ca
Sanskrit only: no published translation is held for this verse.
अहं सर्वान्तरात्मा च निर्लिप्तः सर्वकर्मसु । विद्यमानश्च सर्वेषु सर्वत्रादृष्ट एव च
ahaṃ sarvāntarātmā ca nirliptaḥ sarvakarmasu | vidyamānaśca sarveṣu sarvatrādṛṣṭa eva ca
Sanskrit only: no published translation is held for this verse.
वायुश्चरति सर्वत्र यथैव सर्ववस्तुषु । न च लिप्तस्तथैवाहं साक्षी च सर्वकर्मणाम्
vāyuścarati sarvatra yathaiva sarvavastuṣu | na ca liptastathaivāhaṃ sākṣī ca sarvakarmaṇām
Sanskrit only: no published translation is held for this verse.
जीवो मत्प्रतिबिम्बश्च सर्वत्र सर्वजीविषु । भोक्ता शुभाशुभानां च कर्ता च कर्मणां सदा
jīvo matpratibimbaśca sarvatra sarvajīviṣu | bhoktā śubhāśubhānāṃ ca kartā ca karmaṇāṃ sadā
Sanskrit only: no published translation is held for this verse.
यथा चलघटेष्वेव मण्डलं चन्द्रमुर्ययोः । भग्नेषु तेषु संश्लिष्टस्तयोरेव तथा मयि
yathā calaghaṭeṣveva maṇḍalaṃ candramuryayoḥ | bhagneṣu teṣu saṃśliṣṭastayoreva tathā mayi
Sanskrit only: no published translation is held for this verse.
जीवः श्लिष्टस्तथा काले मृतेषु जीविषु प्रिये । आवां च विद्यमानौ च सततं सर्वजन्तुषु
jīvaḥ śliṣṭastathā kāle mṛteṣu jīviṣu priye | āvāṃ ca vidyamānau ca satataṃ sarvajantuṣu
Sanskrit only: no published translation is held for this verse.
आधारश्चाहमाधेयं कार्य च कारणं विना । अये सर्वाणि द्रव्याणि नश्वराणि च सुन्दरि
ādhāraścāhamādheyaṃ kārya ca kāraṇaṃ vinā | aye sarvāṇi dravyāṇi naśvarāṇi ca sundari
Sanskrit only: no published translation is held for this verse.
आविर्भावाधिकाः कुत्र कुत्रचिन्न्यूनमेव च । ममांशाः केऽपि देवाश्च केचिद्देवाःकलास्तथा
āvirbhāvādhikāḥ kutra kutracinnyūnameva ca | mamāṃśāḥ ke'pi devāśca keciddevāḥkalāstathā
Sanskrit only: no published translation is held for this verse.
केचित्कलाः कलांशांशास्तदंशांशाश्च केचन । मदंशा प्रकृतिः सूक्ष्मा साच मूर्त्याच पञ्चधा
kecitkalāḥ kalāṃśāṃśāstadaṃśāṃśāśca kecana | madaṃśā prakṛtiḥ sūkṣmā sāca mūrtyāca pañcadhā
Sanskrit only: no published translation is held for this verse.
सरस्वती च कमला दुर्गा त्वं चापि वेदसूः । सर्वे देवाः प्राकृतिका यावन्तो मूर्तिधारिणः
sarasvatī ca kamalā durgā tvaṃ cāpi vedasūḥ | sarve devāḥ prākṛtikā yāvanto mūrtidhāriṇaḥ
Sanskrit only: no published translation is held for this verse.
अहमात्मा नित्यदेही भक्तध्यानानुरोधतः । ये ये प्रकृतिका राधे ते नष्टाः प्राकृते लये
ahamātmā nityadehī bhaktadhyānānurodhataḥ | ye ye prakṛtikā rādhe te naṣṭāḥ prākṛte laye
Sanskrit only: no published translation is held for this verse.
अहमेवाऽऽसमेवाग्रे पश्चादप्यहमेव च । यथाऽहं च तथा त्वं च यथा धावल्यदुग्धयोः
ahamevā''samevāgre paścādapyahameva ca | yathā'haṃ ca tathā tvaṃ ca yathā dhāvalyadugdhayoḥ
Sanskrit only: no published translation is held for this verse.
भेदः कदाऽपि न भवेन्निश्चितं च तथाऽऽवयोः । अहं महान्विराट् सुषटौ विश्वानि यस्य लोमसु
bhedaḥ kadā'pi na bhavenniścitaṃ ca tathā''vayoḥ | ahaṃ mahānvirāṭ suṣaṭau viśvāni yasya lomasu
Sanskrit only: no published translation is held for this verse.
अंशस्त्वं तत्र महती स्वांशेन तस्य कामिनी । आहं क्षुद्रविराट् सृष्टौ विश्वं यन्नाभिपद्मतः
aṃśastvaṃ tatra mahatī svāṃśena tasya kāminī | āhaṃ kṣudravirāṭ sṛṣṭau viśvaṃ yannābhipadmataḥ
Sanskrit only: no published translation is held for this verse.
अयं विष्णोर्लोमकूपे वासो मे चांशतः सति । तस्य स्त्री त्वं च बृहती स्वाशने सुभगा तथा
ayaṃ viṣṇorlomakūpe vāso me cāṃśataḥ sati | tasya strī tvaṃ ca bṛhatī svāśane subhagā tathā
Sanskrit only: no published translation is held for this verse.
तस्य विश्वे च प्रत्येकं ब्रह्मविष्णुशिवादयः । ब्रह्मविष्णुशिवा अंशाश्चान्ये चापि च मत्कलाः
tasya viśve ca pratyekaṃ brahmaviṣṇuśivādayaḥ | brahmaviṣṇuśivā aṃśāścānye cāpi ca matkalāḥ
Sanskrit only: no published translation is held for this verse.
मत्कलांशांशकलया सर्वे देवि चराचराः । वैकुण्ठे त्वं महालक्ष्मीरहं तत्र चतुर्भुजः
matkalāṃśāṃśakalayā sarve devi carācarāḥ | vaikuṇṭhe tvaṃ mahālakṣmīrahaṃ tatra caturbhujaḥ
Sanskrit only: no published translation is held for this verse.
स च विश्वाद्बहिश्चोर्ध्वं यथा गोलोक एव च । सरस्वती त्वं सत्ये च सावित्री ब्रह्मणः प्रियाः
sa ca viśvādbahiścordhvaṃ yathā goloka eva ca | sarasvatī tvaṃ satye ca sāvitrī brahmaṇaḥ priyāḥ
Sanskrit only: no published translation is held for this verse.
शिवलोके शिवा त्व्रं च मूलप्रकृतिरीश्वरी । विनाश्य दुर्गं दुर्गा च सर्वदुर्गतिनाशिनी
śivaloke śivā tvraṃ ca mūlaprakṛtirīśvarī | vināśya durgaṃ durgā ca sarvadurgatināśinī
Sanskrit only: no published translation is held for this verse.
स एव दक्षकन्या च सा एव शैलकन्यका । कैलासे पार्वती तेन सौभाग्या शिववक्षसि
sa eva dakṣakanyā ca sā eva śailakanyakā | kailāse pārvatī tena saubhāgyā śivavakṣasi
Sanskrit only: no published translation is held for this verse.
स्वांशेन त्वं सिन्धुकन्या क्षीरोदे विष्णुवक्षसि । अहं स्वाशेन सृष्टौ च ब्रह्मविष्णुमहेश्वराः
svāṃśena tvaṃ sindhukanyā kṣīrode viṣṇuvakṣasi | ahaṃ svāśena sṛṣṭau ca brahmaviṣṇumaheśvarāḥ
Sanskrit only: no published translation is held for this verse.
त्वं च लक्ष्मी शिवा धात्री सावित्री च पृथक्पृथक् । गोलोके च स्वयं राधा रासे रासेश्वरी सदा
tvaṃ ca lakṣmī śivā dhātrī sāvitrī ca pṛthakpṛthak | goloke ca svayaṃ rādhā rāse rāseśvarī sadā
Sanskrit only: no published translation is held for this verse.
वृन्दा दृन्दावने रम्ये विरजा विरजातटे । सा त्वं सुदामशापेन भारतं पुण्यमागता
vṛndā dṛndāvane ramye virajā virajātaṭe | sā tvaṃ sudāmaśāpena bhārataṃ puṇyamāgatā
Sanskrit only: no published translation is held for this verse.
पूतं कर्तुं भारतं च वृन्दारण्यं च सुन्दरि । त्वत्कलांशांशकलया विश्वेषु सर्वयोषितः
pūtaṃ kartuṃ bhārataṃ ca vṛndāraṇyaṃ ca sundari | tvatkalāṃśāṃśakalayā viśveṣu sarvayoṣitaḥ
Sanskrit only: no published translation is held for this verse.
यायोषित्सा च भवती यः पुमान्सोऽहमेव च । अहं च कलया वह्निस्त्वं स्वाहा दाहिका प्रिया
yāyoṣitsā ca bhavatī yaḥ pumānso'hameva ca | ahaṃ ca kalayā vahnistvaṃ svāhā dāhikā priyā
Sanskrit only: no published translation is held for this verse.
त्वया सह समर्थोऽहं नालं दग्धुं च त्वां विना । अहं दीप्तिमतां सूर्यः कलया त्वं प्रभाकरी
tvayā saha samartho'haṃ nālaṃ dagdhuṃ ca tvāṃ vinā | ahaṃ dīptimatāṃ sūryaḥ kalayā tvaṃ prabhākarī
Sanskrit only: no published translation is held for this verse.
संज्ञा त्वं च त्वया भामि त्वां विनाऽहं न दीप्तिमान् । अहं च कलया चन्द्रस्त्वं च शोभा च रोहिणी
saṃjñā tvaṃ ca tvayā bhāmi tvāṃ vinā'haṃ na dīptimān | ahaṃ ca kalayā candrastvaṃ ca śobhā ca rohiṇī
Sanskrit only: no published translation is held for this verse.
मनोहरस्त्वया सार्धं त्वां न च सुन्दरः । अहमिन्द्रश्च कलया स्वर्गलक्ष्मीश्च त्वं शची
manoharastvayā sārdhaṃ tvāṃ na ca sundaraḥ | ahamindraśca kalayā svargalakṣmīśca tvaṃ śacī
Sanskrit only: no published translation is held for this verse.
त्वया सार्धं देवराजो हतश्रीश्च त्वया विना । अहंधर्मश्च कलया त्वं च मूर्तिश्च धर्मिणी
tvayā sārdhaṃ devarājo hataśrīśca tvayā vinā | ahaṃdharmaśca kalayā tvaṃ ca mūrtiśca dharmiṇī
Sanskrit only: no published translation is held for this verse.
नाहं शक्तो धर्मकृत्यो त्वां च धर्मक्रियां विना । अहं यज्ञश्च कलया त्वं च स्वांशेन दक्षिणा
nāhaṃ śakto dharmakṛtyo tvāṃ ca dharmakriyāṃ vinā | ahaṃ yajñaśca kalayā tvaṃ ca svāṃśena dakṣiṇā
Sanskrit only: no published translation is held for this verse.
त्वया सार्धं च फलदोऽप्यकमर्थस्त्वया विना । कलया पिदृलोकोऽहं स्वांशेन त्वं स्वधा सती
tvayā sārdhaṃ ca phalado'pyakamarthastvayā vinā | kalayā pidṛloko'haṃ svāṃśena tvaṃ svadhā satī
Sanskrit only: no published translation is held for this verse.
त्वयाऽलं कव्यदाने च सदा नालं त्वया विना । अहं पुमांस्त्वं प्रकृतिर्न स्रष्टाऽहं त्वया विना
tvayā'laṃ kavyadāne ca sadā nālaṃ tvayā vinā | ahaṃ pumāṃstvaṃ prakṛtirna sraṣṭā'haṃ tvayā vinā
Sanskrit only: no published translation is held for this verse.
त्वं च संवत्स्वरूपाऽहमीश्वरश्च त्वया सह । लक्ष्मीयुक्तस्त्वया लक्ष्मया निः श्रीकश्च त्वया दिना
tvaṃ ca saṃvatsvarūpā'hamīśvaraśca tvayā saha | lakṣmīyuktastvayā lakṣmayā niḥ śrīkaśca tvayā dinā
Sanskrit only: no published translation is held for this verse.
यथा नालं कुलालश्च घटं कर्तुं मृदा विना । अहं शेषश्च कलया स्वांशेन त्वं वसुंधरा
yathā nālaṃ kulālaśca ghaṭaṃ kartuṃ mṛdā vinā | ahaṃ śeṣaśca kalayā svāṃśena tvaṃ vasuṃdharā
Sanskrit only: no published translation is held for this verse.
त्वां सस्यरत्नाधारां च बिभर्मि मूर्ध्नि सुन्दरि । त्वं च कान्तिश्च शान्तिश्च भूतिर्मूर्तिमती सती
tvāṃ sasyaratnādhārāṃ ca bibharmi mūrdhni sundari | tvaṃ ca kāntiśca śāntiśca bhūtirmūrtimatī satī
Sanskrit only: no published translation is held for this verse.
तुष्टिः पुष्टिः क्षमा लज्जा क्षुधा तृष्णा परा दया । निद्रा श्रद्धा च तन्द्रा च मूर्च्छा च संनतिः क्रिया
tuṣṭiḥ puṣṭiḥ kṣamā lajjā kṣudhā tṛṣṇā parā dayā | nidrā śraddhā ca tandrā ca mūrcchā ca saṃnatiḥ kriyā
Sanskrit only: no published translation is held for this verse.
मूर्तिरूपा भक्तिरूपा देहिनां देहरूपिणी । ममाऽऽधारा सदा त्वं च तवाऽत्माऽहं परस्परम्
mūrtirūpā bhaktirūpā dehināṃ deharūpiṇī | mamā''dhārā sadā tvaṃ ca tavā'tmā'haṃ parasparam
Sanskrit only: no published translation is held for this verse.
यथा त्वं च तथाऽहं च समौ प्रकृतिपूरुषौ । न हि सृष्टिर्भवेद्देवि द्वयोरेकतरं विना
yathā tvaṃ ca tathā'haṃ ca samau prakṛtipūruṣau | na hi sṛṣṭirbhaveddevi dvayorekataraṃ vinā
Sanskrit only: no published translation is held for this verse.
इत्युक्त्वा परमात्मा च राधां प्राणाधिकां प्रियाम् । कृत्वा वक्षसि सुप्रीतो बोधयामास नारद
ityuktvā paramātmā ca rādhāṃ prāṇādhikāṃ priyām | kṛtvā vakṣasi suprīto bodhayāmāsa nārada
Sanskrit only: no published translation is held for this verse.
स च कीडानियुक्तश्च बभूव रत्नमन्दिरे । तथा च राधाया सार्धं कामुक्या सह कामुकः
sa ca kīḍāniyuktaśca babhūva ratnamandire | tathā ca rādhāyā sārdhaṃ kāmukyā saha kāmukaḥ
Sanskrit only: no published translation is held for this verse.