Library·Brahmavaivarta Purāṇa·4·4.68
नारायण उवाच कृत्वा क्रीडां समुत्थाय पुष्पतल्पात्पुरातनः । निद्रितां प्राणसदृशीं बोधयामास तत्क्षणम्
nārāyaṇa uvāca kṛtvā krīḍāṃ samutthāya puṣpatalpātpurātanaḥ | nidritāṃ prāṇasadṛśīṃ bodhayāmāsa tatkṣaṇam
Sanskrit only: no published translation is held for this verse.
वस्त्राञ्चलेन संस्कृत्य कृत्वा तन्निर्मलं मुखम् । उवाच मधुरं शान्तं शान्तां च मधुसूदनः
vastrāñcalena saṃskṛtya kṛtvā tannirmalaṃ mukham | uvāca madhuraṃ śāntaṃ śāntāṃ ca madhusūdanaḥ
Sanskrit only: no published translation is held for this verse.
श्रीकृष्ण उवाच अयि तिष्ठक्षणं राधे रासेश्वरि शुचिस्मिते । व्रज बृन्दावनं वाऽपि व्रजं व्रज व्रजेश्वरि
śrīkṛṣṇa uvāca ayi tiṣṭhakṣaṇaṃ rādhe rāseśvari śucismite | vraja bṛndāvanaṃ vā'pi vrajaṃ vraja vrajeśvari
Sanskrit only: no published translation is held for this verse.
रासाधिष्ठातृतेवि त्वं रासं रासे कुरु क्षणम् । ग्रामे ग्रामे यथा सन्ति सर्वत्र ग्रामदेवताः
rāsādhiṣṭhātṛtevi tvaṃ rāsaṃ rāse kuru kṣaṇam | grāme grāme yathā santi sarvatra grāmadevatāḥ
Sanskrit only: no published translation is held for this verse.
प्रियारलिनिवहैः सार्धं क्षणं चन्दनकाननम् । क्षणं वा चम्पकवनं घच्छ वा तिष्ठ सुन्दरि
priyāralinivahaiḥ sārdhaṃ kṣaṇaṃ candanakānanam | kṣaṇaṃ vā campakavanaṃ ghaccha vā tiṣṭha sundari
Sanskrit only: no published translation is held for this verse.
क्षणं गृहं च यास्यामि विशिष्टं कार्यमस्ति मे । विदायं देहि मे प्रीत्या क्षणं मां प्राणवल्लभे
kṣaṇaṃ gṛhaṃ ca yāsyāmi viśiṣṭaṃ kāryamasti me | vidāyaṃ dehi me prītyā kṣaṇaṃ māṃ prāṇavallabhe
Sanskrit only: no published translation is held for this verse.
प्राणाधिष्ठातृदेवी त्वं प्राणाश्च त्वयि सन्ति मे । प्राणी विहाय प्रणांश्च कुत्र स्थातुं क्षमः प्रिये
prāṇādhiṣṭhātṛdevī tvaṃ prāṇāśca tvayi santi me | prāṇī vihāya praṇāṃśca kutra sthātuṃ kṣamaḥ priye
Sanskrit only: no published translation is held for this verse.
त्वयि मे मानसं शश्वत्तवं मे संसारवासना । त्वत्तो मम प्रिया नास्ति त्वमेव शंकरात्प्रिया
tvayi me mānasaṃ śaśvattavaṃ me saṃsāravāsanā | tvatto mama priyā nāsti tvameva śaṃkarātpriyā
Sanskrit only: no published translation is held for this verse.
प्राणा मे शंकरः सत्यं त्वं च प्राणाधिका सति । इत्युक्त्वा तां समाश्लिष्य भगवान् गन्तुसुद्यतः
prāṇā me śaṃkaraḥ satyaṃ tvaṃ ca prāṇādhikā sati | ityuktvā tāṃ samāśliṣya bhagavān gantusudyataḥ
Sanskrit only: no published translation is held for this verse.
अक्रूरागमनं ज्ञात्वा सर्वज्ञः सर्वसाधनः । आत्मा पाता च सर्वेषां सर्वोपकारकारकः
akrūrāgamanaṃ jñātvā sarvajñaḥ sarvasādhanaḥ | ātmā pātā ca sarveṣāṃ sarvopakārakārakaḥ
Sanskrit only: no published translation is held for this verse.
दृष्ट्वा तमेव गच्छन्तमुत्सुकं भिन्नमानसम् । उवाच राधिका देवी हृदयेन विदूयता
dṛṣṭvā tameva gacchantamutsukaṃ bhinnamānasam | uvāca rādhikā devī hṛdayena vidūyatā
Sanskrit only: no published translation is held for this verse.
राधिकोवाच हे नाथ रमणप्रेष्ठ श्रेष्ठश्च प्रेयसां मम । हे कृष्ण हे रमानाथ व्रजेश मा द्रज व्रजम्
rādhikovāca he nātha ramaṇapreṣṭha śreṣṭhaśca preyasāṃ mama | he kṛṣṇa he ramānātha vrajeśa mā draja vrajam
Sanskrit only: no published translation is held for this verse.
अधुना त्वां प्राणनाथ पश्यामि भिन्नमानसम् । गते त्वयि मम प्रेम गतं सौभाग्यमेव च
adhunā tvāṃ prāṇanātha paśyāmi bhinnamānasam | gate tvayi mama prema gataṃ saubhāgyameva ca
Sanskrit only: no published translation is held for this verse.
क्व यासि मां विनिक्षिप्य गम्भीरे शोकसागरे । विरहव्याकुलां दीनां त्वय्येव शरणागताम्
kva yāsi māṃ vinikṣipya gambhīre śokasāgare | virahavyākulāṃ dīnāṃ tvayyeva śaraṇāgatām
Sanskrit only: no published translation is held for this verse.
न यास्यामि पुनर्गेहं यास्यामि काननान्तरम् । कृष्ण कृष्णेति कृष्णेति गायं गायं दिवानिशम्
na yāsyāmi punargehaṃ yāsyāmi kānanāntaram | kṛṣṇa kṛṣṇeti kṛṣṇeti gāyaṃ gāyaṃ divāniśam
Sanskrit only: no published translation is held for this verse.
न यास्याम्यथवाऽरण्यं यास्यामि कामसागरे । तत्र त्वत्कामनां कृत्वा त्यक्ष्यामि च कलेवरम्
na yāsyāmyathavā'raṇyaṃ yāsyāmi kāmasāgare | tatra tvatkāmanāṃ kṛtvā tyakṣyāmi ca kalevaram
Sanskrit only: no published translation is held for this verse.
यथाऽऽकाशो यथाऽऽत्मा च यथा चन्द्रो था रविः । तथा त्वं यासि मत्पार्श्वे निबद्धो वसनाञ्चले
yathā''kāśo yathā''tmā ca yathā candro thā raviḥ | tathā tvaṃ yāsi matpārśve nibaddho vasanāñcale
Sanskrit only: no published translation is held for this verse.
अधुना यासि नैराश्यं कृत्वा मे दीनवत्सल । न युक्तं हि परित्यक्तुं दीनां मां शरणागताम्
adhunā yāsi nairāśyaṃ kṛtvā me dīnavatsala | na yuktaṃ hi parityaktuṃ dīnāṃ māṃ śaraṇāgatām
Sanskrit only: no published translation is held for this verse.
यत्पादपद्मं धयायन्ते ब्रह्मविष्णुशिवादयः । त्वां मायया गोपवेषं कथं जानामि मत्सरी
yatpādapadmaṃ dhayāyante brahmaviṣṇuśivādayaḥ | tvāṃ māyayā gopaveṣaṃ kathaṃ jānāmi matsarī
Sanskrit only: no published translation is held for this verse.
कृतं यद्देव दुर्नीतमपराधसहस्रकम् । यदुक्तं पतिभावेन चाभिमानेन तत्क्षम
kṛtaṃ yaddeva durnītamaparādhasahasrakam | yaduktaṃ patibhāvena cābhimānena tatkṣama
Sanskrit only: no published translation is held for this verse.
चूर्णोभूतश्च मद्गर्वो दूरीभूतो मनोरथः । विज्ञातुमात्मसौभाग्यं किमन्यत्कथयामि ते
cūrṇobhūtaśca madgarvo dūrībhūto manorathaḥ | vijñātumātmasaubhāgyaṃ kimanyatkathayāmi te
Sanskrit only: no published translation is held for this verse.
ज्ञात्वा गर्गमुखच्छ्रुत्वा मोहिता तव मायया । त्वां च वक्तुं न शक्नोमि प्रेम्णा वा भक्तिपाशतः
jñātvā gargamukhacchrutvā mohitā tava māyayā | tvāṃ ca vaktuṃ na śaknomi premṇā vā bhaktipāśataḥ
Sanskrit only: no published translation is held for this verse.
यासि चेन्मां परित्यज्य सकलङ्को भविष्यसि । त्वत्पुत्रपौत्रा नश्यन्ति ब्रह्ममोपानलेन च
yāsi cenmāṃ parityajya sakalaṅko bhaviṣyasi | tvatputrapautrā naśyanti brahmamopānalena ca
Sanskrit only: no published translation is held for this verse.
क्षणं युगशतं मन्ये त्वां विना प्राणवल्लभम् । कथं शताब्दं त्वां त्यक्त्वा बिभर्मि जीवनं प्रभी
kṣaṇaṃ yugaśataṃ manye tvāṃ vinā prāṇavallabham | kathaṃ śatābdaṃ tvāṃ tyaktvā bibharmi jīvanaṃ prabhī
Sanskrit only: no published translation is held for this verse.
इत्युक्त्वा राधिका मोपात्पपात धरणीतले । मूर्च्छं संप्राप सहसा जहार चेतनां मुने
ityuktvā rādhikā mopātpapāta dharaṇītale | mūrcchaṃ saṃprāpa sahasā jahāra cetanāṃ mune
Sanskrit only: no published translation is held for this verse.
कुष्णस्तां मूर्च्छितां दृष्ट्वा कृपया च कृपानिधिः । चेतनां कारयित्वा च वासयामास वक्षसि
kuṣṇastāṃ mūrcchitāṃ dṛṣṭvā kṛpayā ca kṛpānidhiḥ | cetanāṃ kārayitvā ca vāsayāmāsa vakṣasi
Sanskrit only: no published translation is held for this verse.
बोधयामास विविधं योगैःशोकविखण्डनैः । तथाऽपि शोकं त्यक्तुं च न शशाक शुचिस्मिता
bodhayāmāsa vividhaṃ yogaiḥśokavikhaṇḍanaiḥ | tathā'pi śokaṃ tyaktuṃ ca na śaśāka śucismitā
Sanskrit only: no published translation is held for this verse.
सामान्यवस्तुविश्लेषीनृणां शोकाय केवलम्। देहात्मनोश्च विच्छेदः क्व सुखाय प्रकल्पते
sāmānyavastuviśleṣīnṛṇāṃ śokāya kevalam| dehātmanośca vicchedaḥ kva sukhāya prakalpate
Sanskrit only: no published translation is held for this verse.
न ययौ तत्र दिवसे व्रजराजो व्रजं पति । क्रीडासरोवराभ्याशं प्रययौ राधाया सह
na yayau tatra divase vrajarājo vrajaṃ pati | krīḍāsarovarābhyāśaṃ prayayau rādhāyā saha
Sanskrit only: no published translation is held for this verse.
तत्र गत्वा पुनः क्रीडां चकार च तया सह । विजहौ क्रिहज्वालां रासे रासेश्वरी मुदा
tatra gatvā punaḥ krīḍāṃ cakāra ca tayā saha | vijahau krihajvālāṃ rāse rāseśvarī mudā
Sanskrit only: no published translation is held for this verse.
राधा सा स्वामिना सार्धं पुष्पचन्दनचर्चिता । पुष्पचन्दनतल्पे च तस्थौ रहसि नारद
rādhā sā svāminā sārdhaṃ puṣpacandanacarcitā | puṣpacandanatalpe ca tasthau rahasi nārada
Sanskrit only: no published translation is held for this verse.
इति श्रीब्रह्मo महाo श्रीकृष्णजन्माखo उत्तo नारदनाo राधाशोक- विमोचनं नामाष्टषष्टितमोऽध्यायः
iti śrībrahmao mahāo śrīkṛṣṇajanmākhao uttao nāradanāo rādhāśoka- vimocanaṃ nāmāṣṭaṣaṣṭitamo'dhyāyaḥ
Sanskrit only: no published translation is held for this verse.