Library·Brahmavaivarta Purāṇa·4·4.69
नारद उवाच अतः परं किं रहस्यं राधाकेशवयोर्वद । निगूढतत्वामस्पष्टं तन्मे व्याख्यातुमर्हसि
nārada uvāca ataḥ paraṃ kiṃ rahasyaṃ rādhākeśavayorvada | nigūḍhatatvāmaspaṣṭaṃ tanme vyākhyātumarhasi
Sanskrit only: no published translation is held for this verse.
नारायण उवाच शृणु नारद वक्ष्यामि रहस्यं परमाद्भुतम् । गोपनीयं च वेदेषु पुराणेषु पुराविदाम्
nārāyaṇa uvāca śṛṇu nārada vakṣyāmi rahasyaṃ paramādbhutam | gopanīyaṃ ca vedeṣu purāṇeṣu purāvidām
Sanskrit only: no published translation is held for this verse.
पुनः सकामो भगवान्कृष्णः स्वेच्छामयो विभुः । रेमे स रमया सार्धं विदग्धश्च विदग्धया
punaḥ sakāmo bhagavānkṛṣṇaḥ svecchāmayo vibhuḥ | reme sa ramayā sārdhaṃ vidagdhaśca vidagdhayā
Sanskrit only: no published translation is held for this verse.
चतुःषष्टिकलाशक्त्या यथा कान्ता कलावती । कामशास्त्रेषु निपुणा विदग्धा रसिकेश्वरी
catuḥṣaṣṭikalāśaktyā yathā kāntā kalāvatī | kāmaśāstreṣu nipuṇā vidagdhā rasikeśvarī
Sanskrit only: no published translation is held for this verse.
शृङ्गारलीलानिपुणा शश्वत्कामा च कामुकी । सुन्दरी सुन्दरीष्वेव शश्वत्सुस्थिरयौवना
śṛṅgāralīlānipuṇā śaśvatkāmā ca kāmukī | sundarī sundarīṣveva śaśvatsusthirayauvanā
Sanskrit only: no published translation is held for this verse.
पितणां मानसी कन्या धन्या मान्या च मानिनी । शंभोः शिष्या ज्ञानयुता शतकल्पान्तजीविनी
pitaṇāṃ mānasī kanyā dhanyā mānyā ca māninī | śaṃbhoḥ śiṣyā jñānayutā śatakalpāntajīvinī
Sanskrit only: no published translation is held for this verse.
वेदवेदाङ्गनिपुणा योगनीतिविशारदा । नानारूपधरा साध्वी प्रसिद्धा सिद्धयोगिनी
vedavedāṅganipuṇā yoganītiviśāradā | nānārūpadharā sādhvī prasiddhā siddhayoginī
Sanskrit only: no published translation is held for this verse.
तत्कन्या राधिका देवी मातृतुल्या च कामुकी । चकार नानाभावं सा सुशीला स्वामिनं प्रति
tatkanyā rādhikā devī mātṛtulyā ca kāmukī | cakāra nānābhāvaṃ sā suśīlā svāminaṃ prati
Sanskrit only: no published translation is held for this verse.
चतुःषष्टिकलामानं श्रृङ्गारं च चकार सः । त्या विशिष्टया साकं रासे रामरसोत्सुकः
catuḥṣaṣṭikalāmānaṃ śrṛṅgāraṃ ca cakāra saḥ | tyā viśiṣṭayā sākaṃ rāse rāmarasotsukaḥ
Sanskrit only: no published translation is held for this verse.
तां नखाग्रक्षतश्रोणीं नखक्षतपयोधराम् । लुप्तचन्दनसिंदूरां कबरीशिथिलां सतीम्
tāṃ nakhāgrakṣataśroṇīṃ nakhakṣatapayodharām | luptacandanasiṃdūrāṃ kabarīśithilāṃ satīm
Sanskrit only: no published translation is held for this verse.
सुखसंभोगमग्नां च नग्नां च शोकमूर्च्छिताम् । पुलकाञ्चितसर्पाङ्गीं निद्रादेवी समाययौ
sukhasaṃbhogamagnāṃ ca nagnāṃ ca śokamūrcchitām | pulakāñcitasarpāṅgīṃ nidrādevī samāyayau
Sanskrit only: no published translation is held for this verse.
दृष्ट्वा तां निद्रितां कृष्णःकृपया च कृपानिधिः । रुरोद मायया मायी मयेशो लोकशिक्षया
dṛṣṭvā tāṃ nidritāṃ kṛṣṇaḥkṛpayā ca kṛpānidhiḥ | ruroda māyayā māyī mayeśo lokaśikṣayā
Sanskrit only: no published translation is held for this verse.
कृत्वा वक्षसि राधां च चुचुम्ब च पुनः पुनः । स्नातां च नेत्रसलिलैः प्राणाधिष्ठातृदेवताम्
kṛtvā vakṣasi rādhāṃ ca cucumba ca punaḥ punaḥ | snātāṃ ca netrasalilaiḥ prāṇādhiṣṭhātṛdevatām
Sanskrit only: no published translation is held for this verse.
प्राणाधिकां प्रियतमां धारयामास वाससी । वह्निशुद्धेऽतिसूक्ष्मे चामूल्ये विश्वमुदुर्लभे
prāṇādhikāṃ priyatamāṃ dhārayāmāsa vāsasī | vahniśuddhe'tisūkṣme cāmūlye viśvamudurlabhe
Sanskrit only: no published translation is held for this verse.
कबरीं च ददौ कुङ्कुमचन्दनम् । तद्गात्रे च गले हारममूल्यं रत्ननिर्मितम्
kabarīṃ ca dadau kuṅkumacandanam | tadgātre ca gale hāramamūlyaṃ ratnanirmitam
Sanskrit only: no published translation is held for this verse.
सिन्दूरं च ददौ तस्याः सीमन्ताधःस्थलेऽमले । दाडिमीकुसुमाकारं युक्तं चन्दनबिन्दुभि
sindūraṃ ca dadau tasyāḥ sīmantādhaḥsthale'male | dāḍimīkusumākāraṃ yuktaṃ candanabindubhi
Sanskrit only: no published translation is held for this verse.
चकार पद्मकं गण्डे नानाचित्रविचित्रकम् । ददौ तत्पादपद्मे च रत्नमञ्जीररञ्जितम्
cakāra padmakaṃ gaṇḍe nānācitravicitrakam | dadau tatpādapadme ca ratnamañjīrarañjitam
Sanskrit only: no published translation is held for this verse.
पादाङ्गुलिनखागे च सुन्दरालक्तकं ददौ । नानासुवेषोज्ज्वलितां तां निद्राकुलितां विभुः
pādāṅgulinakhāge ca sundarālaktakaṃ dadau | nānāsuveṣojjvalitāṃ tāṃ nidrākulitāṃ vibhuḥ
Sanskrit only: no published translation is held for this verse.
पुनश्चकार मोहेन गाढालिङ्गनमीप्सितम् । पुनश्च चुम्बनं कृत्वा निवेश्य च स्ववक्षसि
punaścakāra mohena gāḍhāliṅganamīpsitam | punaśca cumbanaṃ kṛtvā niveśya ca svavakṣasi
Sanskrit only: no published translation is held for this verse.
सुष्वाप जगतां स्वामी कान्ताविरहकातरः । एतस्मिन्नन्तरे काने ब्रह्मा लोकपितामहः
suṣvāpa jagatāṃ svāmī kāntāvirahakātaraḥ | etasminnantare kāne brahmā lokapitāmahaḥ
Sanskrit only: no published translation is held for this verse.
शिवशेषादिभिर्देवैर्मुनीन्द्रैः सार्धमाययौ । आगत्य नत्वा सिरसा तुष्टाव संपुटाञ्जलिः
śivaśeṣādibhirdevairmunīndraiḥ sārdhamāyayau | āgatya natvā sirasā tuṣṭāva saṃpuṭāñjaliḥ
Sanskrit only: no published translation is held for this verse.
सामवेदोक्तस्तोत्रेण परिपूर्णतमं विभुम्
sāmavedoktastotreṇa paripūrṇatamaṃ vibhum
Sanskrit only: no published translation is held for this verse.
ब्रह्मोवाच जय जय जगदीश वन्दितचरण निर्गुण निराकार स्वेच्छामय भक्तानुग्रह नित्यविग्रह
brahmovāca jaya jaya jagadīśa vanditacaraṇa nirguṇa nirākāra svecchāmaya bhaktānugraha nityavigraha
Sanskrit only: no published translation is held for this verse.
गोपवेष मायया मायेश सुवेष सुशील शान्त सर्वकान्त दान्त नितान्तज्ञानानन्द परात्परतर प्रकृतेः पर सर्वान्तरात्मरूप निर्लिप्त साक्षिस्वरूप व्यक्ताव्यक्त निरञ्जन भारावतारण करुणार्णव शोकसेतापग्रसन जरामृत्युभयादिहरण शरणपञ्जर भक्तानुग्रहकारक भक्तवत्सल भक्तसंचितधन ओं नमोऽस्तु ते
gopaveṣa māyayā māyeśa suveṣa suśīla śānta sarvakānta dānta nitāntajñānānanda parātparatara prakṛteḥ para sarvāntarātmarūpa nirlipta sākṣisvarūpa vyaktāvyakta nirañjana bhārāvatāraṇa karuṇārṇava śokasetāpagrasana jarāmṛtyubhayādiharaṇa śaraṇapañjara bhaktānugrahakāraka bhaktavatsala bhaktasaṃcitadhana oṃ namo'stu te
Sanskrit only: no published translation is held for this verse.
सर्पाधिष्ठातृदेवायेत्युक्त्वा वै प्रीणनाय च । पुनःपुनःरुवाचेदं मूर्च्छितश्च बभूव ह
sarpādhiṣṭhātṛdevāyetyuktvā vai prīṇanāya ca | punaḥpunaḥruvācedaṃ mūrcchitaśca babhūva ha
Sanskrit only: no published translation is held for this verse.
इति ब्रह्मकृतं स्तोत्रं यः शृणोति समाहितः । तत्सर्पाभीष्टसिद्धिश्च भवत्येव न संशयः
iti brahmakṛtaṃ stotraṃ yaḥ śṛṇoti samāhitaḥ | tatsarpābhīṣṭasiddhiśca bhavatyeva na saṃśayaḥ
Sanskrit only: no published translation is held for this verse.
अपुत्रो लभते पुत्रं प्रियाहीनो लभेत्प्रियाम् । निर्धनो लभते सत्यं परिपूर्णतमं धनम्
aputro labhate putraṃ priyāhīno labhetpriyām | nirdhano labhate satyaṃ paripūrṇatamaṃ dhanam
Sanskrit only: no published translation is held for this verse.
इह लोके सुखं भुक्त्वा चान्ते दास्यं लभेद्धरेः । अचलां भक्तिमाप्नोति मुक्तेरपि सुदुर्लभाम्
iha loke sukhaṃ bhuktvā cānte dāsyaṃ labheddhareḥ | acalāṃ bhaktimāpnoti mukterapi sudurlabhām
Sanskrit only: no published translation is held for this verse.
स्तुत्वा च जगतां धाता प्रणम्य च पुनः पुनः । शनैः शनैः समुत्थाय भक्त्या पुनरुवाच ह
stutvā ca jagatāṃ dhātā praṇamya ca punaḥ punaḥ | śanaiḥ śanaiḥ samutthāya bhaktyā punaruvāca ha
Sanskrit only: no published translation is held for this verse.
ब्रह्मोवाच उत्तिष्ठ देवदेवेश परमानन्दकारण । नन्दनन्दन सानन्द नित्यानन्द नमोऽस्तु ते
brahmovāca uttiṣṭha devadeveśa paramānandakāraṇa | nandanandana sānanda nityānanda namo'stu te
Sanskrit only: no published translation is held for this verse.
व्रज नन्दालयं नाथ त्यज वृन्दावनं वनम् । स्मर सृदामशापं च शतवर्षनिबन्धनम्
vraja nandālayaṃ nātha tyaja vṛndāvanaṃ vanam | smara sṛdāmaśāpaṃ ca śatavarṣanibandhanam
Sanskrit only: no published translation is held for this verse.
भक्तशापानृरोधेन शतवर्ष प्रियां त्यज । पुनरेनां च संप्राप्य गोलोकं च गमिष्यसि
bhaktaśāpānṛrodhena śatavarṣa priyāṃ tyaja | punarenāṃ ca saṃprāpya golokaṃ ca gamiṣyasi
Sanskrit only: no published translation is held for this verse.
गत्वा पितृगृहं देव पश्याकूरं समागतम् । पितृव्यमतिथिं मान्यं धन्यं वैष्णवमीश्वर
gatvā pitṛgṛhaṃ deva paśyākūraṃ samāgatam | pitṛvyamatithiṃ mānyaṃ dhanyaṃ vaiṣṇavamīśvara
Sanskrit only: no published translation is held for this verse.
तेन सार्धं मधुपुरीं भगवान् गच्छ संप्रतम् । कुरु शंभोर्धनुर्भङ्गं भग्नं वैरिगणं हरे
tena sārdhaṃ madhupurīṃ bhagavān gaccha saṃpratam | kuru śaṃbhordhanurbhaṅgaṃ bhagnaṃ vairigaṇaṃ hare
Sanskrit only: no published translation is held for this verse.
हन कंसं दुरात्मानं तातं बोधय मातरम् । निर्माणं द्वारकायाश्च भारावतरणं भुवः
hana kaṃsaṃ durātmānaṃ tātaṃ bodhaya mātaram | nirmāṇaṃ dvārakāyāśca bhārāvataraṇaṃ bhuvaḥ
Sanskrit only: no published translation is held for this verse.
दह वाराणसीं शंभोः शक्रस्य सदनं विभो । शिवस्य जृम्भणं युद्धे बाणस्य भुजकृन्तनम्
daha vārāṇasīṃ śaṃbhoḥ śakrasya sadanaṃ vibho | śivasya jṛmbhaṇaṃ yuddhe bāṇasya bhujakṛntanam
Sanskrit only: no published translation is held for this verse.
रुक्मिणीहरणं नाथ घातनं नरकस्य च । षोडशानां सहस्रं च स्त्रीणां पाणिग्रहं कुरु
rukmiṇīharaṇaṃ nātha ghātanaṃ narakasya ca | ṣoḍaśānāṃ sahasraṃ ca strīṇāṃ pāṇigrahaṃ kuru
Sanskrit only: no published translation is held for this verse.
त्यज प्रियां प्राणसमां व्रजेश्वर व्रजं व्रज । उत्तिष्ठोत्तिष्ठ भद्रं ते यावद्राधा न जाग्रति
tyaja priyāṃ prāṇasamāṃ vrajeśvara vrajaṃ vraja | uttiṣṭhottiṣṭha bhadraṃ te yāvadrādhā na jāgrati
Sanskrit only: no published translation is held for this verse.
त्येवमुक्त्वा ब्रह्मा च सेन्द्रैर्देवगणैः सह । जगाम ब्रह्मलोकं च शेषश्च शंकरस्तथा
tyevamuktvā brahmā ca sendrairdevagaṇaiḥ saha | jagāma brahmalokaṃ ca śeṣaśca śaṃkarastathā
Sanskrit only: no published translation is held for this verse.
पुष्पचन्दनवृष्टिं च कुष्णस्योपरि देवताः । चक्रुः प्रीत्या च भक्त्या च वाग्बभूवाशरीरिणी
puṣpacandanavṛṣṭiṃ ca kuṣṇasyopari devatāḥ | cakruḥ prītyā ca bhaktyā ca vāgbabhūvāśarīriṇī
Sanskrit only: no published translation is held for this verse.
बध कंसं वथार्ह च स्वपित्रोर्मोक्षणं कुरु । क्षयं कुरुभुवो भारं नारदेत्येवमेव च
badha kaṃsaṃ vathārha ca svapitrormokṣaṇaṃ kuru | kṣayaṃ kurubhuvo bhāraṃ nāradetyevameva ca
Sanskrit only: no published translation is held for this verse.
इत्येवं तद्वचः श्रुत्वा भगवान् भूतभावनः । राधा भगवतीं त्यक्त्वा समुत्तस्थौ शनैः शनैः
ityevaṃ tadvacaḥ śrutvā bhagavān bhūtabhāvanaḥ | rādhā bhagavatīṃ tyaktvā samuttasthau śanaiḥ śanaiḥ
Sanskrit only: no published translation is held for this verse.
ययौ हरिः कियद्दूरं निरीक्ष्य च पुनः पुनः । क्षणं तस्थौ चन्दनानां वने वाससमीपतः
yayau hariḥ kiyaddūraṃ nirīkṣya ca punaḥ punaḥ | kṣaṇaṃ tasthau candanānāṃ vane vāsasamīpataḥ
Sanskrit only: no published translation is held for this verse.
विहाय राधा निन्द्रां सा समुत्तस्थौ स्वतल्पतः । न निरीक्ष्य हरीं शान्तं कान्तं च प्राणवल्लभम्
vihāya rādhā nindrāṃ sā samuttasthau svatalpataḥ | na nirīkṣya harīṃ śāntaṃ kāntaṃ ca prāṇavallabham
Sanskrit only: no published translation is held for this verse.
हा नाथ रमण प्रेष्ठ प्राणेश प्राणवल्लभ । प्राणचोर प्रियतम क्व गतोऽसीत्युवाच ह
hā nātha ramaṇa preṣṭha prāṇeśa prāṇavallabha | prāṇacora priyatama kva gato'sītyuvāca ha
Sanskrit only: no published translation is held for this verse.
क्षणमन्वेषणं कृत्वा बभ्राम मालतीवनम् । उवास क्षणमुत्तस्थौ क्षणं सुष्वाप भूतले
kṣaṇamanveṣaṇaṃ kṛtvā babhrāma mālatīvanam | uvāsa kṣaṇamuttasthau kṣaṇaṃ suṣvāpa bhūtale
Sanskrit only: no published translation is held for this verse.
रुरोद क्षणमत्युच्चैर्विललाप मुहुर्मुहुः । आगच्छाऽऽगच्छ हे नाथेत्येवसुक्त्वा पुनः पुनः
ruroda kṣaṇamatyuccairvilalāpa muhurmuhuḥ | āgacchā''gaccha he nāthetyevasuktvā punaḥ punaḥ
Sanskrit only: no published translation is held for this verse.
मूर्च्छां संप्राप संतापात्संप्तता विरहानलैः । भूतले च तृणाच्छन्ने पपात च यथा मृता
mūrcchāṃ saṃprāpa saṃtāpātsaṃptatā virahānalaiḥ | bhūtale ca tṛṇācchanne papāta ca yathā mṛtā
Sanskrit only: no published translation is held for this verse.
आययुस्तत्र गोप्यश्च ब्रह्मञ्छतसहस्रशः । काश्चिच्चामरहस्ताश्च गृहीत्वा चन्दनद्रवम्
āyayustatra gopyaśca brahmañchatasahasraśaḥ | kāściccāmarahastāśca gṛhītvā candanadravam
Sanskrit only: no published translation is held for this verse.
तासां मध्ये प्रिया लीला कृत्वा राधां स्ववक्षसि । मृतामिव प्रियां दृष्ट्वा रुरोद प्रेमविह्वला
tāsāṃ madhye priyā līlā kṛtvā rādhāṃ svavakṣasi | mṛtāmiva priyāṃ dṛṣṭvā ruroda premavihvalā
Sanskrit only: no published translation is held for this verse.
सजलं पङ्कजदलं पङ्कोपरि निधाय च । स्थापयामास तां राधां निश्चेष्टां च मृतामिव
sajalaṃ paṅkajadalaṃ paṅkopari nidhāya ca | sthāpayāmāsa tāṃ rādhāṃ niśceṣṭāṃ ca mṛtāmiva
Sanskrit only: no published translation is held for this verse.
गोपीभिः सेवितां तत्र रुचिरैः श्वेतचामरैः । चन्दनद्रवयुक्तां च स्निग्धवस्त्रान्वितां सतीम्
gopībhiḥ sevitāṃ tatra ruciraiḥ śvetacāmaraiḥ | candanadravayuktāṃ ca snigdhavastrānvitāṃ satīm
Sanskrit only: no published translation is held for this verse.
ददर्श कृष्णस्तत्रैत्य तामेव प्राणवल्लभाम् । निवारितश्च गोपीभिर्बलिष्ठाभिश्च नारद
dadarśa kṛṣṇastatraitya tāmeva prāṇavallabhām | nivāritaśca gopībhirbaliṣṭhābhiśca nārada
Sanskrit only: no published translation is held for this verse.
यथा नीतः सापराधो दण्डथो राजभटादिभिः । चकार राधां क्रोडे च समागत्य कृपानिधिः
yathā nītaḥ sāparādho daṇḍatho rājabhaṭādibhiḥ | cakāra rādhāṃ kroḍe ca samāgatya kṛpānidhiḥ
Sanskrit only: no published translation is held for this verse.
चेतनां कारयामास बोधयामास बोधनैः । संप्राप्य चेतनां देवी ददर्श प्राणवल्लाभाम्
cetanāṃ kārayāmāsa bodhayāmāsa bodhanaiḥ | saṃprāpya cetanāṃ devī dadarśa prāṇavallābhām
Sanskrit only: no published translation is held for this verse.
बभूव सुस्थिरा देवी तत्याज विरहज्वरम् । चकार कान्तं सा कान्ता गात्रालिङ्गनमीप्सितम्
babhūva susthirā devī tatyāja virahajvaram | cakāra kāntaṃ sā kāntā gātrāliṅganamīpsitam
Sanskrit only: no published translation is held for this verse.
नानाप्रकारशृङ्गारं चकार मधुसूदनः । उवास रत्नतल्पे च राधां कृत्वा स्ववक्षसि
nānāprakāraśṛṅgāraṃ cakāra madhusūdanaḥ | uvāsa ratnatalpe ca rādhāṃ kṛtvā svavakṣasi
Sanskrit only: no published translation is held for this verse.
राधासखी रत्नमाला विदग्धा सर्वपूजिता । उवाच कृष्णं मधुरं नीतिसारमनुत्तमम्
rādhāsakhī ratnamālā vidagdhā sarvapūjitā | uvāca kṛṣṇaṃ madhuraṃ nītisāramanuttamam
Sanskrit only: no published translation is held for this verse.
रत्नमारोवाच शृणु कृष्ण प्रवक्ष्यामि परिणामसुखावहम् । हितं तथ्यं नीतिसारं दंपत्योः प्रीतिकारणम्
ratnamārovāca śṛṇu kṛṣṇa pravakṣyāmi pariṇāmasukhāvaham | hitaṃ tathyaṃ nītisāraṃ daṃpatyoḥ prītikāraṇam
Sanskrit only: no published translation is held for this verse.
संमतं कामशास्त्रेषु नीतौ वेदपुराणयोः । लौकिकव्यवरारेषु प्रशस्यं सुयशस्करम्
saṃmataṃ kāmaśāstreṣu nītau vedapurāṇayoḥ | laukikavyavarāreṣu praśasyaṃ suyaśaskaram
Sanskrit only: no published translation is held for this verse.
नारीणां च प्रिया माता प्रियो भ्राता च वन्धुषु । ततः प्रियश्च पुत्रश्च पुत्रादेव प्रियः पतिः
nārīṇāṃ ca priyā mātā priyo bhrātā ca vandhuṣu | tataḥ priyaśca putraśca putrādeva priyaḥ patiḥ
Sanskrit only: no published translation is held for this verse.
शतपुत्रात्प्रियः स्वामी साध्वीनां साधुसंमतः । रसिकानां विदग्धानां न हि भर्तुः परः प्रियः
śataputrātpriyaḥ svāmī sādhvīnāṃ sādhusaṃmataḥ | rasikānāṃ vidagdhānāṃ na hi bhartuḥ paraḥ priyaḥ
Sanskrit only: no published translation is held for this verse.
यदि भर्ता विदग्धश्च विदग्धानां सुखावहः । अन्यथा विषतुल्यश्च विषमश्चेत्खलः खलु
yadi bhartā vidagdhaśca vidagdhānāṃ sukhāvahaḥ | anyathā viṣatulyaśca viṣamaścetkhalaḥ khalu
Sanskrit only: no published translation is held for this verse.
संसारे चानृते वत्स दंपत्योः प्रीतिरेव च । परस्परं च समता प्रियसौभाग्यमीप्सितम्
saṃsāre cānṛte vatsa daṃpatyoḥ prītireva ca | parasparaṃ ca samatā priyasaubhāgyamīpsitam
Sanskrit only: no published translation is held for this verse.
दंपत्योः समता नास्ति यत्र-यत्र हि मन्तिरे । अलक्ष्मीस्तत्र तत्रैव विफलं जीवनं तयोः
daṃpatyoḥ samatā nāsti yatra-yatra hi mantire | alakṣmīstatra tatraiva viphalaṃ jīvanaṃ tayoḥ
Sanskrit only: no published translation is held for this verse.
सुस्वामिनां विभेदश्च परं दुःखं च योषिताम् । शोकसंतापबीजं च जीवितं मरणाधिकम्
susvāmināṃ vibhedaśca paraṃ duḥkhaṃ ca yoṣitām | śokasaṃtāpabījaṃ ca jīvitaṃ maraṇādhikam
Sanskrit only: no published translation is held for this verse.
स्वप्ने जागरणे चापि पतिः प्राणाश्च योषितः । पतिरेव गुरुः स्त्रीणामिह लोके परत्र च
svapne jāgaraṇe cāpi patiḥ prāṇāśca yoṣitaḥ | patireva guruḥ strīṇāmiha loke paratra ca
Sanskrit only: no published translation is held for this verse.
अस्मात्तवयि गते नाथे मूर्च्छां संप्राप राधिका । पपात सहसा भूमौ तृणाच्छन्ने च भूतले
asmāttavayi gate nāthe mūrcchāṃ saṃprāpa rādhikā | papāta sahasā bhūmau tṛṇācchanne ca bhūtale
Sanskrit only: no published translation is held for this verse.
मया दत्तं मुखेऽस्याश्च शीतलं जलमुत्तमम् । तदा श्वासो बभूवास्याश्चेतनं बाल्यमेव च
mayā dattaṃ mukhe'syāśca śītalaṃ jalamuttamam | tadā śvāso babhūvāsyāścetanaṃ bālyameva ca
Sanskrit only: no published translation is held for this verse.
क्षणं वदति हे नाथ हे कृष्णेति क्षणं सखी । क्षणं रोदिति संतप्ता मूर्च्छां प्राप्नोति तत्क्षणम्
kṣaṇaṃ vadati he nātha he kṛṣṇeti kṣaṇaṃ sakhī | kṣaṇaṃ roditi saṃtaptā mūrcchāṃ prāpnoti tatkṣaṇam
Sanskrit only: no published translation is held for this verse.
राधिकायाः शरीरं च संतप्तं विरहानलैः । दग्धलोहयष्टिसममस्पृश्यमनलोपमम्
rādhikāyāḥ śarīraṃ ca saṃtaptaṃ virahānalaiḥ | dagdhalohayaṣṭisamamaspṛśyamanalopamam
Sanskrit only: no published translation is held for this verse.
स्वप्ने जागनणे रात्रौ दिवसे च गृहे वने । जले स्थले चान्तरिक्षेऽभ्युदये चन्द्रसूर्ययोः
svapne jāganaṇe rātrau divase ca gṛhe vane | jale sthale cāntarikṣe'bhyudaye candrasūryayoḥ
Sanskrit only: no published translation is held for this verse.
नास्ति भेदश्च राधाया मृततुल्या जडाकृतिः । शश्वत्पश्यति स्थानस्था सर्वं विष्णुमयं जगत्
nāsti bhedaśca rādhāyā mṛtatulyā jaḍākṛtiḥ | śaśvatpaśyati sthānasthā sarvaṃ viṣṇumayaṃ jagat
Sanskrit only: no published translation is held for this verse.
स्निग्धपङ्के पङ्कजानां सजलानि दलानि च । निपत्य तत्कृते तल्पे सुष्वाप विरहातुरा
snigdhapaṅke paṅkajānāṃ sajalāni dalāni ca | nipatya tatkṛte talpe suṣvāpa virahāturā
Sanskrit only: no published translation is held for this verse.
सेविता सा प्रियालीभिः संततं श्वेतचामरैः । चन्दनद्रवसंसिक्ता स्निग्धवस्त्रसमन्विता
sevitā sā priyālībhiḥ saṃtataṃ śvetacāmaraiḥ | candanadravasaṃsiktā snigdhavastrasamanvitā
Sanskrit only: no published translation is held for this verse.
राधाङ्गस्पर्शमात्रेण पङ्कः संप्राप शुष्कताम् । स्निग्धानि पद्मपत्राणि बभूवुर्भस्मसात्क्षणम्
rādhāṅgasparśamātreṇa paṅkaḥ saṃprāpa śuṣkatām | snigdhāni padmapatrāṇi babhūvurbhasmasātkṣaṇam
Sanskrit only: no published translation is held for this verse.
चन्दनं शुष्कतां प्राप वर्णश्चम्पकसंनिभः । बभुव कज्जलाकारः केशस्य वर्णतो हरे
candanaṃ śuṣkatāṃ prāpa varṇaścampakasaṃnibhaḥ | babhuva kajjalākāraḥ keśasya varṇato hare
Sanskrit only: no published translation is held for this verse.
सिन्दूरबिन्दू रुचिरः श्यामतां प्राप तत्क्षणम् । वेषो विलासो लीला च क्रीडा त्यक्ता बभूव ह
sindūrabindū ruciraḥ śyāmatāṃ prāpa tatkṣaṇam | veṣo vilāso līlā ca krīḍā tyaktā babhūva ha
Sanskrit only: no published translation is held for this verse.
रत्नमाला तु तां दृष्ट्वा गत्वा कृष्णान्तिकं तदा । उवाच मधुरं वाक्यं राधाहितकरं परम्
ratnamālā tu tāṃ dṛṣṭvā gatvā kṛṣṇāntikaṃ tadā | uvāca madhuraṃ vākyaṃ rādhāhitakaraṃ param
Sanskrit only: no published translation is held for this verse.
रत्नमालोवाच हे कृष्ण कमलाकान्त त्वद्वियोगेन मत्सखी । प्राणांस्त्यक्ष्यति शीघ्रं सा यदि नाऽऽयास्यसि ध्रुवम्
ratnamālovāca he kṛṣṇa kamalākānta tvadviyogena matsakhī | prāṇāṃstyakṣyati śīghraṃ sā yadi nā''yāsyasi dhruvam
Sanskrit only: no published translation is held for this verse.
विचार्य मनसा कृष्ण यत्तत्समृचितं कुरु । न भवेत्कामिनीहत्या येन नीतिविशारद
vicārya manasā kṛṣṇa yattatsamṛcitaṃ kuru | na bhavetkāminīhatyā yena nītiviśārada
Sanskrit only: no published translation is held for this verse.
रत्नमालावाचः श्रुत्वा प्रहस्योवाच माधवः । हितं सत्यं नीतिसारं परिणमसुखावहम्
ratnamālāvācaḥ śrutvā prahasyovāca mādhavaḥ | hitaṃ satyaṃ nītisāraṃ pariṇamasukhāvaham
Sanskrit only: no published translation is held for this verse.
श्रीभगवानुवाच ईशो यद्यपि शक्तोऽहं निषेकं खण्डितुं प्रिये । तथाऽपि न क्षमो रत्ने नियतेर्नं करोम्यहम्
śrībhagavānuvāca īśo yadyapi śakto'haṃ niṣekaṃ khaṇḍituṃ priye | tathā'pi na kṣamo ratne niyaternaṃ karomyaham
Sanskrit only: no published translation is held for this verse.
ब्रह्माण्डेषु च सर्वेषु मर्यादा स्थापिता मया । तया कर्म प्रकुर्वन्ति मुनयश्च सुरा नराः
brahmāṇḍeṣu ca sarveṣu maryādā sthāpitā mayā | tayā karma prakurvanti munayaśca surā narāḥ
Sanskrit only: no published translation is held for this verse.
सुदामशापाद्विच्छेदः शतवर्षमनीप्सितः । भविष्यत्येव दंपत्योरावयोरेव सुन्दरि
sudāmaśāpādvicchedaḥ śatavarṣamanīpsitaḥ | bhaviṣyatyeva daṃpatyorāvayoreva sundari
Sanskrit only: no published translation is held for this verse.
भेदो जागरणेऽस्याश्च मया सह सुमध्यमे । संश्लेषः संततं स्वप्ने मद्वरेण भविष्यति
bhedo jāgaraṇe'syāśca mayā saha sumadhyame | saṃśleṣaḥ saṃtataṃ svapne madvareṇa bhaviṣyati
Sanskrit only: no published translation is held for this verse.
आध्यात्मिकी मया दत्ता शोकच्छेदो भविष्यति । राधां बोधय भद्रं ते यास्यामि नन्दमन्दिरम्
ādhyātmikī mayā dattā śokacchedo bhaviṣyati | rādhāṃ bodhaya bhadraṃ te yāsyāmi nandamandiram
Sanskrit only: no published translation is held for this verse.
इत्युक्त्वा जगतां नाथो ययौ नन्दालयं प्रति । राधिकां बोधयामासुरालिसंघाश्च नारद
ityuktvā jagatāṃ nātho yayau nandālayaṃ prati | rādhikāṃ bodhayāmāsurālisaṃghāśca nārada
Sanskrit only: no published translation is held for this verse.
गत्वा गृहं च पितरं ननाम मातरं तथा । चकार माता क्रोडे च नवनीतं च नूतनम्
gatvā gṛhaṃ ca pitaraṃ nanāma mātaraṃ tathā | cakāra mātā kroḍe ca navanītaṃ ca nūtanam
Sanskrit only: no published translation is held for this verse.
मातृदत्तं च ताम्बूलं चखाद शीतलं जलम् । उवास तत्र जगतां नाथो मातृसमीपतः
mātṛdattaṃ ca tāmbūlaṃ cakhāda śītalaṃ jalam | uvāsa tatra jagatāṃ nātho mātṛsamīpataḥ
Sanskrit only: no published translation is held for this verse.
सर्वैर्गोपसमूहैश्च सेवितः श्वेतचामरैः । माल्यचन्दनताम्बूलं ते च तस्मै ददुर्मुदा
sarvairgopasamūhaiśca sevitaḥ śvetacāmaraiḥ | mālyacandanatāmbūlaṃ te ca tasmai dadurmudā
Sanskrit only: no published translation is held for this verse.