Library·Brahmavaivarta Purāṇa·4·4.70
नारायण उवाच अथाक्रूरः स्वशरणं गत्वा कंसेन प्रेषितः । चकार शयनं तल्पे भुक्त्वा मीष्टान्नमुत्तमम्
nārāyaṇa uvāca athākrūraḥ svaśaraṇaṃ gatvā kaṃsena preṣitaḥ | cakāra śayanaṃ talpe bhuktvā mīṣṭānnamuttamam
Sanskrit only: no published translation is held for this verse.
सकर्पूरं च ताम्बूलं चखाद वासितं जलम् । जगाम निद्रां सुखतः सुखसंभोगमात्रतः
sakarpūraṃ ca tāmbūlaṃ cakhāda vāsitaṃ jalam | jagāma nidrāṃ sukhataḥ sukhasaṃbhogamātrataḥ
Sanskrit only: no published translation is held for this verse.
ततो ददर्श सुस्वप्नं पुराणश्रुतिसंमतम् । निशावशेषसमये बाधादिपरिवर्जितः
tato dadarśa susvapnaṃ purāṇaśrutisaṃmatam | niśāvaśeṣasamaye bādhādiparivarjitaḥ
Sanskrit only: no published translation is held for this verse.
अरोगी बद्धकेशश्च वस्त्रयुग्मसमन्वितः । सुतल्पशायी सुस्निग्धश्चिन्ताशोकविवर्जितः
arogī baddhakeśaśca vastrayugmasamanvitaḥ | sutalpaśāyī susnigdhaścintāśokavivarjitaḥ
Sanskrit only: no published translation is held for this verse.
किशोरवयसं श्यामं द्विभुजं मुरलीधरम् । पीतवस्त्रपरीधानं वनमालाविभूषितम्
kiśoravayasaṃ śyāmaṃ dvibhujaṃ muralīdharam | pītavastraparīdhānaṃ vanamālāvibhūṣitam
Sanskrit only: no published translation is held for this verse.
चन्दनोक्षितसर्वाङ्गं मालतीमाल्यशोभितम् । भूषितं भूषणार्हं च सद्रत्नमणिभूषणैः
candanokṣitasarvāṅgaṃ mālatīmālyaśobhitam | bhūṣitaṃ bhūṣaṇārhaṃ ca sadratnamaṇibhūṣaṇaiḥ
Sanskrit only: no published translation is held for this verse.
मयूरपिच्छचूडं च सस्मितं पद्मलोचनम् । एवंभूतं द्विचशिशुं ददर्श प्रथमं मुने
mayūrapicchacūḍaṃ ca sasmitaṃ padmalocanam | evaṃbhūtaṃ dvicaśiśuṃ dadarśa prathamaṃ mune
Sanskrit only: no published translation is held for this verse.
ततो ददर्श रुचिरां पतिपुत्रवतीं सतीम् । पीतवस्त्रपरीधानां रत्नभूषणभूषिताम्
tato dadarśa rucirāṃ patiputravatīṃ satīm | pītavastraparīdhānāṃ ratnabhūṣaṇabhūṣitām
Sanskrit only: no published translation is held for this verse.
ज्वलत्प्रदीपहस्तां च शुक्लधान्यकरां वराम् । शरच्चन्द्रनिभास्यां च सस्मितां वरदां शुभाम
jvalatpradīpahastāṃ ca śukladhānyakarāṃ varām | śaraccandranibhāsyāṃ ca sasmitāṃ varadāṃ śubhāma
Sanskrit only: no published translation is held for this verse.
ततो ददर्श विप्रं च प्रकुर्वन्तं शुभाशिषम् । श्वेतपद्मगतं हंसं तुरगं च सरोवरम्
tato dadarśa vipraṃ ca prakurvantaṃ śubhāśiṣam | śvetapadmagataṃ haṃsaṃ turagaṃ ca sarovaram
Sanskrit only: no published translation is held for this verse.
ददर्श चित्रितं चारु फलितं पुष्पितं शुभम् । आम्रनिम्बनारिकेलगुर्वर्ककदलीतरुम्
dadarśa citritaṃ cāru phalitaṃ puṣpitaṃ śubham | āmranimbanārikelagurvarkakadalītarum
Sanskrit only: no published translation is held for this verse.
दशन्तं श्वेतसर्पं च स्वात्मानं पर्वतस्थितम् । वृक्षस्थं च गजस्थं च तरिस्थं तुरगस्थितम्
daśantaṃ śvetasarpaṃ ca svātmānaṃ parvatasthitam | vṛkṣasthaṃ ca gajasthaṃ ca taristhaṃ turagasthitam
Sanskrit only: no published translation is held for this verse.
वीणां वादितवन्तं च भुक्तवन्तं च पायसम् । दधिक्षीरयुतान्नं च पद्मपत्रस्थमीप्सितम्
vīṇāṃ vāditavantaṃ ca bhuktavantaṃ ca pāyasam | dadhikṣīrayutānnaṃ ca padmapatrasthamīpsitam
Sanskrit only: no published translation is held for this verse.
कृमिविट्सहिताङ्गं च रुदन्तं मोहितं तदा । शुक्लधान्यपुष्पकरं क्षणं चन्दनचर्चितम्
kṛmiviṭsahitāṅgaṃ ca rudantaṃ mohitaṃ tadā | śukladhānyapuṣpakaraṃ kṣaṇaṃ candanacarcitam
Sanskrit only: no published translation is held for this verse.
प्रासादस्थं समुद्रस्थमात्मानं च सलोहितम् । छिन्नभिन्नं क्षताङ्गं च मेदपूयसमन्वितम्
prāsādasthaṃ samudrasthamātmānaṃ ca salohitam | chinnabhinnaṃ kṣatāṅgaṃ ca medapūyasamanvitam
Sanskrit only: no published translation is held for this verse.
ततो ददर्श रजतं मणिं शुभ्रं च काञ्चनम् । सुक्तामाणिक्यरत्नं च पूर्णकुम्भजलं शुभम्
tato dadarśa rajataṃ maṇiṃ śubhraṃ ca kāñcanam | suktāmāṇikyaratnaṃ ca pūrṇakumbhajalaṃ śubham
Sanskrit only: no published translation is held for this verse.
सुरभिं च सवत्सां च वृषभेन्द्रं मयूरकम् । शुकं च सारसं हंसं चिल्लं खञ्जनमेव च
surabhiṃ ca savatsāṃ ca vṛṣabhendraṃ mayūrakam | śukaṃ ca sārasaṃ haṃsaṃ cillaṃ khañjanameva ca
Sanskrit only: no published translation is held for this verse.
ताम्बूलं पुष्पमाल्यं च ज्वलदग्निं सुरार्चनम् । पार्वतीप्रतिमां कृष्णप्रतिमां शिवलिङ्गकम्
tāmbūlaṃ puṣpamālyaṃ ca jvaladagniṃ surārcanam | pārvatīpratimāṃ kṛṣṇapratimāṃ śivaliṅgakam
Sanskrit only: no published translation is held for this verse.
विप्रबालां च बालं च सुपक्वफलितां कृषिम् । देवस्थलीं च राजेन्द्रं सिंहं व्याघ्रं गुरुं सुरम्
viprabālāṃ ca bālaṃ ca supakvaphalitāṃ kṛṣim | devasthalīṃ ca rājendraṃ siṃhaṃ vyāghraṃ guruṃ suram
Sanskrit only: no published translation is held for this verse.
दृष्ट्वा स्वप्नं समुत्तस्थौ चकाराऽऽह्निकमीप्सितम् । उद्धवं कथयामास सर्वं वृत्तान्तमेव च
dṛṣṭvā svapnaṃ samuttasthau cakārā''hnikamīpsitam | uddhavaṃ kathayāmāsa sarvaṃ vṛttāntameva ca
Sanskrit only: no published translation is held for this verse.
उद्धवाज्ञां समादाय कृत्वा गुरुसुरार्चनम् । यात्रां चकार श्रीकृष्णं ध्यात्वा मनसि नारद
uddhavājñāṃ samādāya kṛtvā gurusurārcanam | yātrāṃ cakāra śrīkṛṣṇaṃ dhyātvā manasi nārada
Sanskrit only: no published translation is held for this verse.
ददर्श वर्त्मन्येवं च मङ्गलार्हं शुभप्रदम् । वाञ्छाफलप्रदं रम्यं पुरो मङ्गलसूचकम्
dadarśa vartmanyevaṃ ca maṅgalārhaṃ śubhapradam | vāñchāphalapradaṃ ramyaṃ puro maṅgalasūcakam
Sanskrit only: no published translation is held for this verse.
वामे शैवं शिवां पूर्णकुम्भं नकुलचाषकम् । पतिपुत्रवतीं साध्वीं दिव्याभरणभूषिताम्
vāme śaivaṃ śivāṃ pūrṇakumbhaṃ nakulacāṣakam | patiputravatīṃ sādhvīṃ divyābharaṇabhūṣitām
Sanskrit only: no published translation is held for this verse.
शुक्लपुष्पं च माल्यं च धान्यं च खञ्जनं शुभम् । दक्षिणे ज्वलदग्रिं च विप्रं च वृषभं गजम्
śuklapuṣpaṃ ca mālyaṃ ca dhānyaṃ ca khañjanaṃ śubham | dakṣiṇe jvaladagriṃ ca vipraṃ ca vṛṣabhaṃ gajam
Sanskrit only: no published translation is held for this verse.
वत्सप्रयुक्तां धेरुं च श्वेताश्वं राजहंसकम् । वेश्यां च पुष्पमालां च पताकां दधि पायसम्
vatsaprayuktāṃ dheruṃ ca śvetāśvaṃ rājahaṃsakam | veśyāṃ ca puṣpamālāṃ ca patākāṃ dadhi pāyasam
Sanskrit only: no published translation is held for this verse.
मणिं सुवर्ण रचतं मुक्तामाणिक्यमीप्सितम् । मद्यं मांकं चन्दनं च माध्वीकं घृतमुत्तमम्
maṇiṃ suvarṇa racataṃ muktāmāṇikyamīpsitam | madyaṃ māṃkaṃ candanaṃ ca mādhvīkaṃ ghṛtamuttamam
Sanskrit only: no published translation is held for this verse.
कृष्णशारं फलं लाजाः सिद्धान्नं दर्पणं तथा । विचित्रितं विमानं च सुदीप्तां प्रतिमां तथा
kṛṣṇaśāraṃ phalaṃ lājāḥ siddhānnaṃ darpaṇaṃ tathā | vicitritaṃ vimānaṃ ca sudīptāṃ pratimāṃ tathā
Sanskrit only: no published translation is held for this verse.
शुक्लोत्पलं पद्मवनं शङ्खचिल्लं च कीरकम् । मार्जारं पर्वतं मेघं मयूरं शुकसारसम्
śuklotpalaṃ padmavanaṃ śaṅkhacillaṃ ca kīrakam | mārjāraṃ parvataṃ meghaṃ mayūraṃ śukasārasam
Sanskrit only: no published translation is held for this verse.
शङ्खकोकिलवाद्यानां ध्वनिं शुश्राव मङ्गलम् । विचित्रकृष्णसंगीतं हरिशब्दं जयध्वनिम्
śaṅkhakokilavādyānāṃ dhvaniṃ śuśrāva maṅgalam | vicitrakṛṣṇasaṃgītaṃ hariśabdaṃ jayadhvanim
Sanskrit only: no published translation is held for this verse.
एवंभूतं शुभं दृष्टवा श्रुत्वा प्रहृष्टमानसः । प्रविवेश हरिं स्मृत्वा पुण्यं वृन्दावनं वनम्
evaṃbhūtaṃ śubhaṃ dṛṣṭavā śrutvā prahṛṣṭamānasaḥ | praviveśa hariṃ smṛtvā puṇyaṃ vṛndāvanaṃ vanam
Sanskrit only: no published translation is held for this verse.
ददर्श पुरतो रम्यं रासमण्डलमीप्सितम् । चन्दनागुरुकस्तूरीपुष्पचन्दनवायुना
dadarśa purato ramyaṃ rāsamaṇḍalamīpsitam | candanāgurukastūrīpuṣpacandanavāyunā
Sanskrit only: no published translation is held for this verse.
वासितं मङ्गलघटै रम्भास्तमभैर्विराजितम् । आम्रपल्लवसंघैश्च पट्टसूत्रविचित्रितैः
vāsitaṃ maṅgalaghaṭai rambhāstamabhairvirājitam | āmrapallavasaṃghaiśca paṭṭasūtravicitritaiḥ
Sanskrit only: no published translation is held for this verse.
शोभितैः परितः शश्वत्पद्मरागविनिर्मितम् । शोभितं शोभनार्हं च त्रिकोटिरत्नमन्दिरैः
śobhitaiḥ paritaḥ śaśvatpadmarāgavinirmitam | śobhitaṃ śobhanārhaṃ ca trikoṭiratnamandiraiḥ
Sanskrit only: no published translation is held for this verse.
रम्यैः कुञ्जकुटीरैश्च राजितं शतकोटिभिः । रासं वृन्दावनं दृष्ट्वा कियद्दूरं ययौ च सः
ramyaiḥ kuñjakuṭīraiśca rājitaṃ śatakoṭibhiḥ | rāsaṃ vṛndāvanaṃ dṛṣṭvā kiyaddūraṃ yayau ca saḥ
Sanskrit only: no published translation is held for this verse.
ददर्श पुरतो रम्यं नन्दव्रजमनुत्तमम् । परं वेकुण्ठसंकाशं वैकुण्ठ निलयं शुभम्
dadarśa purato ramyaṃ nandavrajamanuttamam | paraṃ vekuṇṭhasaṃkāśaṃ vaikuṇṭha nilayaṃ śubham
Sanskrit only: no published translation is held for this verse.
रत्नसोपानसंयुक्तं रत्नस्तम्भैर्विराजितम् । नानाचित्रविचित्राढ्यं सद्रत्नवलयान्वितम्
ratnasopānasaṃyuktaṃ ratnastambhairvirājitam | nānācitravicitrāḍhyaṃ sadratnavalayānvitam
Sanskrit only: no published translation is held for this verse.
खचितं मणिसारेण रचितं विश्वकर्मणा । द्वारि दृष्टेन मार्गेण राजद्वारं विवेश सः
khacitaṃ maṇisāreṇa racitaṃ viśvakarmaṇā | dvāri dṛṣṭena mārgeṇa rājadvāraṃ viveśa saḥ
Sanskrit only: no published translation is held for this verse.
पताकारत्नजालाढ्यं सुक्तामाणिक्यभूषितम् । रत्नदर्पणशोभाढ्यं रत्नचित्रविचित्रितम्
patākāratnajālāḍhyaṃ suktāmāṇikyabhūṣitam | ratnadarpaṇaśobhāḍhyaṃ ratnacitravicitritam
Sanskrit only: no published translation is held for this verse.
रत्नविथीविरचितं मङ्गलं मङ्गरैर्घटैः । अक्रूरागमनं श्रुत्वा साङ्लादो नन्द एव च
ratnavithīviracitaṃ maṅgalaṃ maṅgarairghaṭaiḥ | akrūrāgamanaṃ śrutvā sāṅlādo nanda eva ca
Sanskrit only: no published translation is held for this verse.
सहितो रामकृष्णाभ्यां जगामानुव्रजाय वै । वृषभान्वादिभिर्युक्तः कृत्वा वेश्यां पुरःसरम्
sahito rāmakṛṣṇābhyāṃ jagāmānuvrajāya vai | vṛṣabhānvādibhiryuktaḥ kṛtvā veśyāṃ puraḥsaram
Sanskrit only: no published translation is held for this verse.
पूर्णकुम्भं गजेन्द्रं च कृत्वाऽग्रे शुक्लधान्यकम् । कृष्णां गां मधुपर्कं च पाद्यं रत्नासनादिकम्
pūrṇakumbhaṃ gajendraṃ ca kṛtvā'gre śukladhānyakam | kṛṣṇāṃ gāṃ madhuparkaṃ ca pādyaṃ ratnāsanādikam
Sanskrit only: no published translation is held for this verse.
गृहीत्वा सादरः शान्तः सस्मितो विनतस्था । आनन्दयुक्तो नन्दश्च सगणः सहबालकः
gṛhītvā sādaraḥ śāntaḥ sasmito vinatasthā | ānandayukto nandaśca sagaṇaḥ sahabālakaḥ
Sanskrit only: no published translation is held for this verse.
दृष्ट्वाऽक्रूरं महाभागं तूर्णमालिङ्गनं ददौ । प्रणेमुः शिरमा सर्वै गोपा जगृहुराशिषम्
dṛṣṭvā'krūraṃ mahābhāgaṃ tūrṇamāliṅganaṃ dadau | praṇemuḥ śiramā sarvai gopā jagṛhurāśiṣam
Sanskrit only: no published translation is held for this verse.
परस्परं च संयोगो बभूव गुणत्रान्मुने । क्रोडे चकाराक्रूरश्च कृष्णं रामं क्रमेण च
parasparaṃ ca saṃyogo babhūva guṇatrānmune | kroḍe cakārākrūraśca kṛṣṇaṃ rāmaṃ krameṇa ca
Sanskrit only: no published translation is held for this verse.
चुचुम्ब गण्डयुगुले पुलकाञ्यितविग्रहः । साश्रुनेत्रोऽतिसाह्लादः कृतार्थः सिद्धवाञ्छितः
cucumba gaṇḍayugule pulakāñyitavigrahaḥ | sāśrunetro'tisāhlādaḥ kṛtārthaḥ siddhavāñchitaḥ
Sanskrit only: no published translation is held for this verse.
ददर्श कृष्णं द्विभुजं क्षणं श्यामलसुन्दरम् । पीतवस्त्रपरीधानं मालतीमाल्यभूषितम्
dadarśa kṛṣṇaṃ dvibhujaṃ kṣaṇaṃ śyāmalasundaram | pītavastraparīdhānaṃ mālatīmālyabhūṣitam
Sanskrit only: no published translation is held for this verse.
चन्दनोक्षितसर्वाङ्गं परं वंशीधरं वरम् । स्तुतं ब्रह्मेशशेषाद्यैर्मुनीन्द्रैः सनकादिभिः
candanokṣitasarvāṅgaṃ paraṃ vaṃśīdharaṃ varam | stutaṃ brahmeśaśeṣādyairmunīndraiḥ sanakādibhiḥ
Sanskrit only: no published translation is held for this verse.
वीक्षितं गोपकन्याभिः परिबूर्णतमं विभुम् । क्षणं ददर्श क्रोडस्थं सस्मितं च चतुर्भुजम्
vīkṣitaṃ gopakanyābhiḥ paribūrṇatamaṃ vibhum | kṣaṇaṃ dadarśa kroḍasthaṃ sasmitaṃ ca caturbhujam
Sanskrit only: no published translation is held for this verse.
लक्ष्मींसरस्वतीयुक्तं वनमालाविभूषितम् । सुनन्दनन्दकुमुदैः पार्षदैः परिसेवितम्
lakṣmīṃsarasvatīyuktaṃ vanamālāvibhūṣitam | sunandanandakumudaiḥ pārṣadaiḥ parisevitam
Sanskrit only: no published translation is held for this verse.
सेवितं सिद्धसंघैश्च भक्तिनम्रैः परात्परम् । क्षणं ददर्श देवं तं पञ्चवक्त्रं त्रिलोचनम्
sevitaṃ siddhasaṃghaiśca bhaktinamraiḥ parātparam | kṣaṇaṃ dadarśa devaṃ taṃ pañcavaktraṃ trilocanam
Sanskrit only: no published translation is held for this verse.
शुद्धस्फटिकसंकाशं नागराजैर्विराजितम् । दिगम्बरं परं ब्रह्म भस्माङ्गं च जटायुतम्
śuddhasphaṭikasaṃkāśaṃ nāgarājairvirājitam | digambaraṃ paraṃ brahma bhasmāṅgaṃ ca jaṭāyutam
Sanskrit only: no published translation is held for this verse.
जपमालाकरं ध्याननिष्ठं श्रेष्ठं च योगिनम् । क्षणं चतुर्मुखं ध्याननिष्ठं श्रेष्ठं मनीषिणाम्
japamālākaraṃ dhyānaniṣṭhaṃ śreṣṭhaṃ ca yoginam | kṣaṇaṃ caturmukhaṃ dhyānaniṣṭhaṃ śreṣṭhaṃ manīṣiṇām
Sanskrit only: no published translation is held for this verse.
क्षणं धर्मस्वरूपं च शेषरुपं क्षणं क्षणम् । क्षणं भास्कररूपं च ज्योतीरूपं सनातनम्
kṣaṇaṃ dharmasvarūpaṃ ca śeṣarupaṃ kṣaṇaṃ kṣaṇam | kṣaṇaṃ bhāskararūpaṃ ca jyotīrūpaṃ sanātanam
Sanskrit only: no published translation is held for this verse.
क्षणं परमशोभाढ्यं कोटिकन्दर्पनिन्दितम् । कामिनीकमनीयं च कामुकं कामसंयुतम्
kṣaṇaṃ paramaśobhāḍhyaṃ koṭikandarpaninditam | kāminīkamanīyaṃ ca kāmukaṃ kāmasaṃyutam
Sanskrit only: no published translation is held for this verse.
एवंभूतं शिशुं दृष्ट्वा स्थापयामास वक्षसि । रत्नमिंहासने रम्ये नन्ददत्ते च नारद
evaṃbhūtaṃ śiśuṃ dṛṣṭvā sthāpayāmāsa vakṣasi | ratnamiṃhāsane ramye nandadatte ca nārada
Sanskrit only: no published translation is held for this verse.
कृत्वा प्रदक्षिणं भक्त्या पुलकाञ्चितविग्रहः । प्रणम्य शिरसा भूमौ तुष्टाव पुरुषोत्तमम्
kṛtvā pradakṣiṇaṃ bhaktyā pulakāñcitavigrahaḥ | praṇamya śirasā bhūmau tuṣṭāva puruṣottamam
Sanskrit only: no published translation is held for this verse.
अक्रूर उवाच नमः कारणरूपाय परमात्मस्वरूपिणे सर्वेषामपि विश्वानामीश्वराय नमो नमः । पराय प्रकृतेरीश परात्परतराय च
akrūra uvāca namaḥ kāraṇarūpāya paramātmasvarūpiṇe sarveṣāmapi viśvānāmīśvarāya namo namaḥ | parāya prakṛterīśa parātparatarāya ca
Sanskrit only: no published translation is held for this verse.
निर्गुणाय निरीहाय नीरूपाय स्वरूपिणे । सर्वदेवस्वरूपाय सर्वदेवेश्वराय च
nirguṇāya nirīhāya nīrūpāya svarūpiṇe | sarvadevasvarūpāya sarvadeveśvarāya ca
Sanskrit only: no published translation is held for this verse.
सर्वदेवाधिदेवाय विश्वादिभूतरूपिणे । असंश्येषु च विश्वेषु ब्रह्मविष्णुशिवात्मक
sarvadevādhidevāya viśvādibhūtarūpiṇe | asaṃśyeṣu ca viśveṣu brahmaviṣṇuśivātmaka
Sanskrit only: no published translation is held for this verse.
स्वरूपायाऽऽदिबीजाय तदीशविश्वरूपिणे । नमो गोपाङ्गनेशाय गणेशेश्वररूपिणे
svarūpāyā''dibījāya tadīśaviśvarūpiṇe | namo gopāṅganeśāya gaṇeśeśvararūpiṇe
Sanskrit only: no published translation is held for this verse.
नमः सुरगणेशाय राधेशाय नमो नमः । राधारमणरूपाय राधारूपधराय च
namaḥ suragaṇeśāya rādheśāya namo namaḥ | rādhāramaṇarūpāya rādhārūpadharāya ca
Sanskrit only: no published translation is held for this verse.
राधाराध्याय राधायाः प्राणाधिकतराय च । राधासाध्याय राधाधिदेवप्रियतमाय च
rādhārādhyāya rādhāyāḥ prāṇādhikatarāya ca | rādhāsādhyāya rādhādhidevapriyatamāya ca
Sanskrit only: no published translation is held for this verse.
राधाप्राणाधिदेवाय विश्वरूपाय ते नमः । वेदस्तुतात्मवेदज्ञरूपिणे सर्ववेदिने
rādhāprāṇādhidevāya viśvarūpāya te namaḥ | vedastutātmavedajñarūpiṇe sarvavedine
Sanskrit only: no published translation is held for this verse.
वैदाधिष्ठातृदेवाय वेदबीजाय ते नमः । यस्य लोमसु विश्वानि चासंख्यानि च नित्यशः
vaidādhiṣṭhātṛdevāya vedabījāya te namaḥ | yasya lomasu viśvāni cāsaṃkhyāni ca nityaśaḥ
Sanskrit only: no published translation is held for this verse.
महद्विष्णोरीश्वराय विश्वेशाय नमो नमः । स्वयं प्रकृतिरूपाय प्राकृताय नमोo
mahadviṣṇorīśvarāya viśveśāya namo namaḥ | svayaṃ prakṛtirūpāya prākṛtāya namoo
Sanskrit only: no published translation is held for this verse.
प्रकृतीश्वररूपाय प्रधानपुरूषाय च । इत्येवं स्तवनं कृत्वा मूर्च्छामाप सभातले
prakṛtīśvararūpāya pradhānapurūṣāya ca | ityevaṃ stavanaṃ kṛtvā mūrcchāmāpa sabhātale
Sanskrit only: no published translation is held for this verse.
पपात सहसा भूमौ पुनरीशं ददर्श सः । बहिःस्थं हृदयस्थं च परमात्मानमीश्वरम्
papāta sahasā bhūmau punarīśaṃ dadarśa saḥ | bahiḥsthaṃ hṛdayasthaṃ ca paramātmānamīśvaram
Sanskrit only: no published translation is held for this verse.
परितः श्यामरूपं च विश्वस्थं विश्वमेव च । अक्रूरं मूर्च्छितं दृष्ट्वा नन्दः सादरपूर्वकम्
paritaḥ śyāmarūpaṃ ca viśvasthaṃ viśvameva ca | akrūraṃ mūrcchitaṃ dṛṣṭvā nandaḥ sādarapūrvakam
Sanskrit only: no published translation is held for this verse.
रत्नसिंहासने रम्ये वासयामास नारद । पप्रच्छ सर्ववृत्तान्तं किंस्विद्दृष्टमिति त्वया
ratnasiṃhāsane ramye vāsayāmāsa nārada | papraccha sarvavṛttāntaṃ kiṃsviddṛṣṭamiti tvayā
Sanskrit only: no published translation is held for this verse.
मिष्टान्नं भोजयामाय कुशलं च पुनः पुनः । अक्रूरेः कथयामस कंसवृत्तान्तमीप्सितम्
miṣṭānnaṃ bhojayāmāya kuśalaṃ ca punaḥ punaḥ | akrūreḥ kathayāmasa kaṃsavṛttāntamīpsitam
Sanskrit only: no published translation is held for this verse.
स्वपित्रोर्मोक्षणार्थं च गमनं रामकृष्णयोः । इत्यक्रूरकृतं स्तोत्रं यः पठेत्सुसमाहितः
svapitrormokṣaṇārthaṃ ca gamanaṃ rāmakṛṣṇayoḥ | ityakrūrakṛtaṃ stotraṃ yaḥ paṭhetsusamāhitaḥ
Sanskrit only: no published translation is held for this verse.
अपुत्रो लभते पुत्रमभार्यों लभते प्रियम् । अधनो धनमाप्नोति निर्भूमिरुर्वरां महीम्
aputro labhate putramabhāryoṃ labhate priyam | adhano dhanamāpnoti nirbhūmirurvarāṃ mahīm
Sanskrit only: no published translation is held for this verse.
हतप्रजः प्रजालाभं प्रतिष्ठां चाप्रतिष्ठितः । यशः प्राप्नोति विपुलमयशस्वी च लीलया
hataprajaḥ prajālābhaṃ pratiṣṭhāṃ cāpratiṣṭhitaḥ | yaśaḥ prāpnoti vipulamayaśasvī ca līlayā
Sanskrit only: no published translation is held for this verse.
अथ सुष्वाप समये परं संहृष्टमानसः । रम्ये चम्पकतल्पे च कृष्णं कृत्वा स्ववक्षसि
atha suṣvāpa samaye paraṃ saṃhṛṣṭamānasaḥ | ramye campakatalpe ca kṛṣṇaṃ kṛtvā svavakṣasi
Sanskrit only: no published translation is held for this verse.
प्रातरुथाय सहसा कृत्वाऽऽङ्निकमनुत्तमम् । स्वरथे स्थापयामास रामं कृष्णं जगत्पतिम्
prātaruthāya sahasā kṛtvā''ṅnikamanuttamam | svarathe sthāpayāmāsa rāmaṃ kṛṣṇaṃ jagatpatim
Sanskrit only: no published translation is held for this verse.
गव्यं पञ्चप्रकारं च नानाद्रव्यं सुदुल्रभम् । वृषभानं च नन्दं च सुनन्दं चन्दभानकम्
gavyaṃ pañcaprakāraṃ ca nānādravyaṃ sudulrabham | vṛṣabhānaṃ ca nandaṃ ca sunandaṃ candabhānakam
Sanskrit only: no published translation is held for this verse.
नानाप्रकारं वाद्यं च मृदङ्गमुरजादिकम् । पटहं पणवं चैव ढक्कां दुंदुभिमानकम्
nānāprakāraṃ vādyaṃ ca mṛdaṅgamurajādikam | paṭahaṃ paṇavaṃ caiva ḍhakkāṃ duṃdubhimānakam
Sanskrit only: no published translation is held for this verse.
सज्जां संनहनीं कास्यपट्टमर्दलमण्डवीम् । वादयामास सानन्दं नन्दगोपो व्रजेश्वरः
sajjāṃ saṃnahanīṃ kāsyapaṭṭamardalamaṇḍavīm | vādayāmāsa sānandaṃ nandagopo vrajeśvaraḥ
Sanskrit only: no published translation is held for this verse.
श्रुत्वा वाद्यं च गोप्यश्च गमनं रामकृष्णयोः । दृष्ट्वा कृष्णं रथस्थं तमाययुः कोपपीडिताः
śrutvā vādyaṃ ca gopyaśca gamanaṃ rāmakṛṣṇayoḥ | dṛṣṭvā kṛṣṇaṃ rathasthaṃ tamāyayuḥ kopapīḍitāḥ
Sanskrit only: no published translation is held for this verse.
कृष्णेन वारिताः सर्वाः प्रेरिता राधाया द्विजः । बभञ्जुरीश्वररथं पादाघातेन लीलया
kṛṣṇena vāritāḥ sarvāḥ preritā rādhāyā dvijaḥ | babhañjurīśvararathaṃ pādāghātena līlayā
Sanskrit only: no published translation is held for this verse.
तत्र सर्वेषु गोपेश हाहाकारं कृतेषु च । प्रययुर्बलवत्यश्च कृष्णं कृत्वा स्ववक्षसि
tatra sarveṣu gopeśa hāhākāraṃ kṛteṣu ca | prayayurbalavatyaśca kṛṣṇaṃ kṛtvā svavakṣasi
Sanskrit only: no published translation is held for this verse.
काचित्क्रूरं तमक्रूरं भर्त्सयामास कोपतः । काश्चिद्वद्ध्वा च वस्त्रेण चाकूरं प्रययुस्ततः
kācitkrūraṃ tamakrūraṃ bhartsayāmāsa kopataḥ | kāścidvaddhvā ca vastreṇa cākūraṃ prayayustataḥ
Sanskrit only: no published translation is held for this verse.
काचित्तं ताडयामास कङ्कणेन करेण च । तद्वस्त्रं हारयामास कृत्वा विवसनं मुने
kācittaṃ tāḍayāmāsa kaṅkaṇena kareṇa ca | tadvastraṃ hārayāmāsa kṛtvā vivasanaṃ mune
Sanskrit only: no published translation is held for this verse.
क्षतविक्षतसर्वाङ्गं दृष्ट्वाऽक्रूरं च माधवः । जगाम राधानिकटं बोधयामास तां पुनः
kṣatavikṣatasarvāṅgaṃ dṛṣṭvā'krūraṃ ca mādhavaḥ | jagāma rādhānikaṭaṃ bodhayāmāsa tāṃ punaḥ
Sanskrit only: no published translation is held for this verse.
आध्यात्मिकेन योगेन विनयेन च सादरम् । अक्रूरं बोधयामास वोधयामास तां पुनः
ādhyātmikena yogena vinayena ca sādaram | akrūraṃ bodhayāmāsa vodhayāmāsa tāṃ punaḥ
Sanskrit only: no published translation is held for this verse.
आकाशात्पतितं दिव्यं सन्त्रप्रस्थापितं रथम् । विचित्रवस्त्रसंयुक्तं ददर्श पुरतो हरिः
ākāśātpatitaṃ divyaṃ santraprasthāpitaṃ ratham | vicitravastrasaṃyuktaṃ dadarśa purato hariḥ
Sanskrit only: no published translation is held for this verse.
खचितं मणिराजेन रचितं विश्वकर्मणा । तं दृष्ट्वा मातृभवनमाजगाम जगत्पतिः
khacitaṃ maṇirājena racitaṃ viśvakarmaṇā | taṃ dṛṣṭvā mātṛbhavanamājagāma jagatpatiḥ
Sanskrit only: no published translation is held for this verse.
भुक्त्वा पीत्वा सुखं सुप्त्वा भगवान्सहबान्धवः । तस्थौ मुनीन्द्रदेवेन्द्रब्रह्मेशशेषवन्दितः
bhuktvā pītvā sukhaṃ suptvā bhagavānsahabāndhavaḥ | tasthau munīndradevendrabrahmeśaśeṣavanditaḥ
Sanskrit only: no published translation is held for this verse.
मुषुपुर्गोंपिकाः सर्वाः परं संहृष्टमानसाः । पुष्पतल्पे च रम्ये च राधया सह नारद
muṣupurgoṃpikāḥ sarvāḥ paraṃ saṃhṛṣṭamānasāḥ | puṣpatalpe ca ramye ca rādhayā saha nārada
Sanskrit only: no published translation is held for this verse.
सर्वे चाऽऽनन्दयुक्ताश्च जना गोकुलवासिनः । केचिद्गोपाश्च ननृतुः केचित्संगीततत्पराः
sarve cā''nandayuktāśca janā gokulavāsinaḥ | kecidgopāśca nanṛtuḥ kecitsaṃgītatatparāḥ
Sanskrit only: no published translation is held for this verse.