Brahmavaivarta Purāṇa 4.71

नारायण उवाच राधिकायां च सुप्तायां सुप्तासु गोपिकासु । पुष्पचन्दनतल्पे च वायुना सुरभीकृते

nārāyaṇa uvāca rādhikāyāṃ ca suptāyāṃ suptāsu gopikāsu | puṣpacandanatalpe ca vāyunā surabhīkṛte

Sanskrit only: no published translation is held for this verse.

तृतीयप्रहरेऽतीते निशायां च शुभे क्षणे । शुभचन्द्रर्क्षयोगे चामृतयोगसमन्विते

tṛtīyaprahare'tīte niśāyāṃ ca śubhe kṣaṇe | śubhacandrarkṣayoge cāmṛtayogasamanvite

Sanskrit only: no published translation is held for this verse.

सौम्यस्वामियुते लग्ने सौम्यग्रहविलोकिते । पापग्रहसमासक्तदुष्टदोषादिवर्जिते

saumyasvāmiyute lagne saumyagrahavilokite | pāpagrahasamāsaktaduṣṭadoṣādivarjite

Sanskrit only: no published translation is held for this verse.

यशोदां बोधयामास कारयामास मङ्गलम् । वन्धूनाश्वासयामास समुत्थाय हरिः स्वयम्

yaśodāṃ bodhayāmāsa kārayāmāsa maṅgalam | vandhūnāśvāsayāmāsa samutthāya hariḥ svayam

Sanskrit only: no published translation is held for this verse.

वाद्यं निषेधयामास राधिकाभयभीतवत् । स्वतन्त्रो विश्वकर्ता च पाता भर्ता स्वतन्त्रवत्

vādyaṃ niṣedhayāmāsa rādhikābhayabhītavat | svatantro viśvakartā ca pātā bhartā svatantravat

Sanskrit only: no published translation is held for this verse.

प्रक्षाल्य पादयुगलं धृतवा धौते च वाससी । उवास संस्कृते स्थाने विलिप्ते चन्दनादिना

prakṣālya pādayugalaṃ dhṛtavā dhaute ca vāsasī | uvāsa saṃskṛte sthāne vilipte candanādinā

Sanskrit only: no published translation is held for this verse.

फलपल्लवसंयुक्तं संस्कृतं चन्दनादिभिः । वामे कृत्वा पूर्णकुम्भं वह्निं विप्रं स्वदक्षिणे

phalapallavasaṃyuktaṃ saṃskṛtaṃ candanādibhiḥ | vāme kṛtvā pūrṇakumbhaṃ vahniṃ vipraṃ svadakṣiṇe

Sanskrit only: no published translation is held for this verse.

पतिपुत्रवतीं दीपं दर्पणं पुरतस्तथा । दूर्वाकाण्डं च सुस्निग्धं पुष्पं धान्यं सितं शुभम्

patiputravatīṃ dīpaṃ darpaṇaṃ puratastathā | dūrvākāṇḍaṃ ca susnigdhaṃ puṣpaṃ dhānyaṃ sitaṃ śubham

Sanskrit only: no published translation is held for this verse.

गुरुदत्तं गुहीत्वा च प्रदधौ मस्तकोपरि । धृतं ददर्श माध्वीकं रजतं काञ्चनं दधि

gurudattaṃ guhītvā ca pradadhau mastakopari | dhṛtaṃ dadarśa mādhvīkaṃ rajataṃ kāñcanaṃ dadhi

Sanskrit only: no published translation is held for this verse.

चन्दनं लेपनं कृत्वा पुष्पमालां गले ददौ । गुरुवर्गं ब्राह्मणं च वन्दयामास भक्तितः

candanaṃ lepanaṃ kṛtvā puṣpamālāṃ gale dadau | guruvargaṃ brāhmaṇaṃ ca vandayāmāsa bhaktitaḥ

Sanskrit only: no published translation is held for this verse.

शङ्खध्वनिं वेदपाठं संगीतं मङ्गलाष्टकम् । विप्रशीर्वचनं रम्यं शुश्राव परमादरम्

śaṅkhadhvaniṃ vedapāṭhaṃ saṃgītaṃ maṅgalāṣṭakam | vipraśīrvacanaṃ ramyaṃ śuśrāva paramādaram

Sanskrit only: no published translation is held for this verse.

ध्यात्वा मङ्गलरूपं च सर्वत्र मङ्गलप्रदम् । चिक्षेप दक्षिणां पादं सुन्दरं स्वात्मविग्रहम्

dhyātvā maṅgalarūpaṃ ca sarvatra maṅgalapradam | cikṣepa dakṣiṇāṃ pādaṃ sundaraṃ svātmavigraham

Sanskrit only: no published translation is held for this verse.

विधृत्य नासिकावामभागं मध्यमया विभुः । विसृज्य वायुं संपूर्णं नासादक्षिणरन्ध्रतः

vidhṛtya nāsikāvāmabhāgaṃ madhyamayā vibhuḥ | visṛjya vāyuṃ saṃpūrṇaṃ nāsādakṣiṇarandhrataḥ

Sanskrit only: no published translation is held for this verse.

ततो ययौ नन्दनन्दो नन्दस्य प्राङ्गणं वरम् । सानन्दः परमानन्दो नित्यानन्दः सनातनः

tato yayau nandanando nandasya prāṅgaṇaṃ varam | sānandaḥ paramānando nityānandaḥ sanātanaḥ

Sanskrit only: no published translation is held for this verse.

नित्योऽनित्यो नित्यबीचस्वरूपो नित्यविग्रहः । नित्याङ्गभूतो नित्येशो नित्यकृत्यविशारदः

nityo'nityo nityabīcasvarūpo nityavigrahaḥ | nityāṅgabhūto nityeśo nityakṛtyaviśāradaḥ

Sanskrit only: no published translation is held for this verse.

नित्यनूतनरूपश्च नित्यनूतनयौवनः । नित्यनूतनवेषश्च वयसा नित्यनूतनः

nityanūtanarūpaśca nityanūtanayauvanaḥ | nityanūtanaveṣaśca vayasā nityanūtanaḥ

Sanskrit only: no published translation is held for this verse.

नित्यनूतनसंभाषो यत्प्रेम नित्यनूतनम् । नित्यनूतनसंप्राप्तिः सौभाग्यं नित्यनूतनम्

nityanūtanasaṃbhāṣo yatprema nityanūtanam | nityanūtanasaṃprāptiḥ saubhāgyaṃ nityanūtanam

Sanskrit only: no published translation is held for this verse.

सुधारसपरं मिष्टं यत्वाक्यं नित्यनूतनम् । नित्यनूतनभक्तं च यत्पदं नित्यनूतनम्

sudhārasaparaṃ miṣṭaṃ yatvākyaṃ nityanūtanam | nityanūtanabhaktaṃ ca yatpadaṃ nityanūtanam

Sanskrit only: no published translation is held for this verse.

स्थायं स्थायं प्राङ्गणेऽस्मिनमायेशो मायया युतः । अतीव रम्ये सुस्निग्धो बभूव गमनोन्मुखः

sthāyaṃ sthāyaṃ prāṅgaṇe'sminamāyeśo māyayā yutaḥ | atīva ramye susnigdho babhūva gamanonmukhaḥ

Sanskrit only: no published translation is held for this verse.

रम्भास्तम्भसमूहैश्च रसालपल्लवान्वितैः । पट्टसूत्रनिबद्धैश्च सुन्दरैश्च सुसंस्कृतैः

rambhāstambhasamūhaiśca rasālapallavānvitaiḥ | paṭṭasūtranibaddhaiśca sundaraiśca susaṃskṛtaiḥ

Sanskrit only: no published translation is held for this verse.

पद्मरागेण खचिते रचिते विश्वकर्मणा । कस्तूरीकुङ्कुमाक्तैश्च चन्दनैश्च सुसंस्कृते

padmarāgeṇa khacite racite viśvakarmaṇā | kastūrīkuṅkumāktaiśca candanaiśca susaṃskṛte

Sanskrit only: no published translation is held for this verse.

तत्र तस्थौ स्वयं कृष्णः सहाक्रूरः सबान्धवः । यशोदया समाश्लिष्टो वामपार्श्वेन मायया

tatra tasthau svayaṃ kṛṣṇaḥ sahākrūraḥ sabāndhavaḥ | yaśodayā samāśliṣṭo vāmapārśvena māyayā

Sanskrit only: no published translation is held for this verse.

नन्देनाऽऽनन्दयुक्तेनाऽऽश्लिष्टो दक्षिणपार्श्वतः । संभाषितो बान्धवैश्च पित्रा मात्रा च चुम्बितः

nandenā''nandayuktenā''śliṣṭo dakṣiṇapārśvataḥ | saṃbhāṣito bāndhavaiśca pitrā mātrā ca cumbitaḥ

Sanskrit only: no published translation is held for this verse.

इति शीब्रह्मo महाo श्रीकृष्णजन्मखo उत्तo नारदनाo यात्रामङ्गलं नामैकसप्ततितमोऽध्यायः

iti śībrahmao mahāo śrīkṛṣṇajanmakhao uttao nāradanāo yātrāmaṅgalaṃ nāmaikasaptatitamo'dhyāyaḥ

Sanskrit only: no published translation is held for this verse.