Brahmavaivarta Purāṇa 4.74

नारायण उवाच श्रीकृष्णः परमानन्दः परिपूर्णतमः प्रभुः । परमात्मा च परमो भक्तानुग्रहकारकः

nārāyaṇa uvāca śrīkṛṣṇaḥ paramānandaḥ paripūrṇatamaḥ prabhuḥ | paramātmā ca paramo bhaktānugrahakārakaḥ

Sanskrit only: no published translation is held for this verse.

भुवो भारावतरणो निर्गुणः प्रकृतेः परः । परात्पनस्तु भगवान्ब्रह्मेशशेषवन्दितः

bhuvo bhārāvataraṇo nirguṇaḥ prakṛteḥ paraḥ | parātpanastu bhagavānbrahmeśaśeṣavanditaḥ

Sanskrit only: no published translation is held for this verse.

तुष्टो नन्दस्तवं श्रुत्वा तमुवाच जगत्पतिः । आगच्छन्तं गोकुलाच्च विरहज्वरकातरम्

tuṣṭo nandastavaṃ śrutvā tamuvāca jagatpatiḥ | āgacchantaṃ gokulācca virahajvarakātaram

Sanskrit only: no published translation is held for this verse.

श्रीभगवानुवाच गच्छ नन्दव्रजं नन्द त्यज शोकं भ्रमं भुवि । शृणु सत्यं परं ज्ञानं शोकग्रन्थिनिकृन्तनम्

śrībhagavānuvāca gaccha nandavrajaṃ nanda tyaja śokaṃ bhramaṃ bhuvi | śṛṇu satyaṃ paraṃ jñānaṃ śokagranthinikṛntanam

Sanskrit only: no published translation is held for this verse.

वायुश्च भूमिराकाशो जलं तेजश्च पञ्चमम् । उक्तः श्रुतिगणैरेतैः पञ्चभूतैश्च नित्यशः

vāyuśca bhūmirākāśo jalaṃ tejaśca pañcamam | uktaḥ śrutigaṇairetaiḥ pañcabhūtaiśca nityaśaḥ

Sanskrit only: no published translation is held for this verse.

सर्वैषां देहिनां तात देहश्च पाञ्चभौतिकः । मिथ्याभ्रमः कृत्रिमश्च स्वप्नवन्माययाऽन्वितः

sarvaiṣāṃ dehināṃ tāta dehaśca pāñcabhautikaḥ | mithyābhramaḥ kṛtrimaśca svapnavanmāyayā'nvitaḥ

Sanskrit only: no published translation is held for this verse.

देहं गृह्णन्ति सर्वैषां पञ्चभूतानि नित्यशः । मायासंकेतरूपं तदभिज्ञानं भ्रमात्मकम्

dehaṃ gṛhṇanti sarvaiṣāṃ pañcabhūtāni nityaśaḥ | māyāsaṃketarūpaṃ tadabhijñānaṃ bhramātmakam

Sanskrit only: no published translation is held for this verse.

को वा कस्य सुनस्तात का स्त्री कस्य पतिस्तु वा । कर्मणा भ्रमणं शश्वत्सर्वेषां भूरिजन्मनि

ko vā kasya sunastāta kā strī kasya patistu vā | karmaṇā bhramaṇaṃ śaśvatsarveṣāṃ bhūrijanmani

Sanskrit only: no published translation is held for this verse.

कर्मणा जायन्ते जन्तुः कर्मणैव प्रलीयते । सुखं दुःखं भयं शोकं कर्मणा च प्रपद्यते

karmaṇā jāyante jantuḥ karmaṇaiva pralīyate | sukhaṃ duḥkhaṃ bhayaṃ śokaṃ karmaṇā ca prapadyate

Sanskrit only: no published translation is held for this verse.

केषां वा जन्म स्वर्गेषु केषां वा ब्रह्मणो गृहे । केषां विप्रेषु क्षत्रेषु केषां वा बैश्यशूद्रयोः

keṣāṃ vā janma svargeṣu keṣāṃ vā brahmaṇo gṛhe | keṣāṃ vipreṣu kṣatreṣu keṣāṃ vā baiśyaśūdrayoḥ

Sanskrit only: no published translation is held for this verse.

अतिनीचेषु केषां वा केषां कृमिषु विट्सु च । पशुपक्षिषु केषां वा केषां वा क्षुद्रजन्तुषु

atinīceṣu keṣāṃ vā keṣāṃ kṛmiṣu viṭsu ca | paśupakṣiṣu keṣāṃ vā keṣāṃ vā kṣudrajantuṣu

Sanskrit only: no published translation is held for this verse.

पुनः पुनर्भ्रमन्त्येव सर्वे तात स्वकर्मणा । करोति कर्म निर्मूलं मद्भक्तो मत्पियः सदा

punaḥ punarbhramantyeva sarve tāta svakarmaṇā | karoti karma nirmūlaṃ madbhakto matpiyaḥ sadā

Sanskrit only: no published translation is held for this verse.

सत्यं त्रेता द्वापरश्च कलिश्चेति चतुर्युगम् । पञ्चविंशत्सहस्राणां युगान्ते निधनं मनोः

satyaṃ tretā dvāparaśca kaliśceti caturyugam | pañcaviṃśatsahasrāṇāṃ yugānte nidhanaṃ manoḥ

Sanskrit only: no published translation is held for this verse.

मनोः समं महेन्द्रस्य परमायुर्विनिर्मितम् । चतुर्दशेन्द्रविच्छित्तौ ब्रह्मणो दिनमुच्यते

manoḥ samaṃ mahendrasya paramāyurvinirmitam | caturdaśendravicchittau brahmaṇo dinamucyate

Sanskrit only: no published translation is held for this verse.

एवं परिमिता रात्रिः कालविद्भर्विनिर्मिता । एवं परिमिता मासा वर्षं च परिनिश्चितम्

evaṃ parimitā rātriḥ kālavidbharvinirmitā | evaṃ parimitā māsā varṣaṃ ca pariniścitam

Sanskrit only: no published translation is held for this verse.

ब्रह्मणश्च वर्षशतं परमायुर्विनिर्मितम् । निमेषमात्रं कालोऽयं ब्रह्मणो निधने मम

brahmaṇaśca varṣaśataṃ paramāyurvinirmitam | nimeṣamātraṃ kālo'yaṃ brahmaṇo nidhane mama

Sanskrit only: no published translation is held for this verse.

ब्रह्मादितृणपर्यन्तं सर्वं विश्वे विनिर्मितम् । सत्योऽहं परमात्मा च भक्तानुग्रहविग्रहः

brahmāditṛṇaparyantaṃ sarvaṃ viśve vinirmitam | satyo'haṃ paramātmā ca bhaktānugrahavigrahaḥ

Sanskrit only: no published translation is held for this verse.

मन्मन्त्रोपासकः सत्यो देहं त्यक्त्वा धरासु च । यास्यत्येव हि गोलोकं छित्वा कर्म पुरातनम्

manmantropāsakaḥ satyo dehaṃ tyaktvā dharāsu ca | yāsyatyeva hi golokaṃ chitvā karma purātanam

Sanskrit only: no published translation is held for this verse.

असंख्यब्रह्मणां पाते न भवेत्तस्य पातनम् । गृह्णति नित्यं स्वं देहं जन्ममृत्युजरापहम्

asaṃkhyabrahmaṇāṃ pāte na bhavettasya pātanam | gṛhṇati nityaṃ svaṃ dehaṃ janmamṛtyujarāpaham

Sanskrit only: no published translation is held for this verse.

न नन्द मम भक्तानामशुभं विद्यते क्वचित् । नित्यं सुदर्शनं तं च परिरक्षति मर्वतः

na nanda mama bhaktānāmaśubhaṃ vidyate kvacit | nityaṃ sudarśanaṃ taṃ ca parirakṣati marvataḥ

Sanskrit only: no published translation is held for this verse.

मत्तो हि बलवान्भक्तश्चिन्तितोऽहं न चिन्तितः । अहं स्वामी च तस्यैव न मे स्वामी पिता प्रसूः

matto hi balavānbhaktaścintito'haṃ na cintitaḥ | ahaṃ svāmī ca tasyaiva na me svāmī pitā prasūḥ

Sanskrit only: no published translation is held for this verse.

पुत्रबुद्धिं परित्यज्य भज मां ब्रह्मरूपिणम् । छित्तवा च ब्रह्मनिगडं गोलोकं तद्व्रज स्वयम्

putrabuddhiṃ parityajya bhaja māṃ brahmarūpiṇam | chittavā ca brahmanigaḍaṃ golokaṃ tadvraja svayam

Sanskrit only: no published translation is held for this verse.

कथयस्व यशोदां च गोपीं गोपगणां व्रज । तैश्च सर्वैर्जनैः शोकं त्यज स्वमन्दिरं व्रज

kathayasva yaśodāṃ ca gopīṃ gopagaṇāṃ vraja | taiśca sarvairjanaiḥ śokaṃ tyaja svamandiraṃ vraja

Sanskrit only: no published translation is held for this verse.

इत्येवमुक्त्वा भगवान्विरराम च संसदि । पप्रच्छ पुनरेवं तं नन्दश्चाऽऽनन्दसंप्लुतः

ityevamuktvā bhagavānvirarāma ca saṃsadi | papraccha punarevaṃ taṃ nandaścā''nandasaṃplutaḥ

Sanskrit only: no published translation is held for this verse.

नन्द उवाच वद सांसारिकं ज्ञानं येन यास्यामि त्वत्पदम् । मूढोऽहं परमानन्द श्रुतीनां जनको भवान्

nanda uvāca vada sāṃsārikaṃ jñānaṃ yena yāsyāmi tvatpadam | mūḍho'haṃ paramānanda śrutīnāṃ janako bhavān

Sanskrit only: no published translation is held for this verse.

नन्दस्य वचनं श्रुत्वा सर्वज्ञो भगवान्स्वयम् । आह्निकं कथयायास श्रुतिभिर्न श्रुतं हि यत्

nandasya vacanaṃ śrutvā sarvajño bhagavānsvayam | āhnikaṃ kathayāyāsa śrutibhirna śrutaṃ hi yat

Sanskrit only: no published translation is held for this verse.

इतिo श्रीब्रह्मo महाo श्रीकृष्णजन्मखo उत्तo नारादनाo भगवन्नन्दसंवादे चतुः सप्ततितमोऽध्यायः

itio śrībrahmao mahāo śrīkṛṣṇajanmakhao uttao nārādanāo bhagavannandasaṃvāde catuḥ saptatitamo'dhyāyaḥ

Sanskrit only: no published translation is held for this verse.