Library·Brahmavaivarta Purāṇa·4·4.75
श्रीभगवानुवाच शृणु नन्द प्रवक्ष्यामि ज्ञानं च परमाद्भुतम् । सुगोपनीयं वेदेषु पुराणेषु च दुर्लभम्
śrībhagavānuvāca śṛṇu nanda pravakṣyāmi jñānaṃ ca paramādbhutam | sugopanīyaṃ vedeṣu purāṇeṣu ca durlabham
Sanskrit only: no published translation is held for this verse.
न विश्वासो हि नारीषु संततं कुलटासु च । मोक्षमार्गार्गलास्वेव भ्रममायास्वमूषु च
na viśvāso hi nārīṣu saṃtataṃ kulaṭāsu ca | mokṣamārgārgalāsveva bhramamāyāsvamūṣu ca
Sanskrit only: no published translation is held for this verse.
हरिभक्तेरसाध्वीनां विरुद्धासु युतासु च । बीजरूपासु नाशानां प्रमदासु व्रजेश्वर
haribhakterasādhvīnāṃ viruddhāsu yutāsu ca | bījarūpāsu nāśānāṃ pramadāsu vrajeśvara
Sanskrit only: no published translation is held for this verse.
नित्यं च प्रातरुत्थाय रात्रिवासो विहाय च । अभीष्टदेवं हृत्पद्मे ब्रह्मरन्ध्रे गृरुं परम्
nityaṃ ca prātarutthāya rātrivāso vihāya ca | abhīṣṭadevaṃ hṛtpadme brahmarandhre gṛruṃ param
Sanskrit only: no published translation is held for this verse.
विचिन्त्य मनसा प्रातःकृत्यं कृत्वा सुनिश्चितम् । स्नानं करोति सुप्राज्ञो निर्मलेषु जलेषु च
vicintya manasā prātaḥkṛtyaṃ kṛtvā suniścitam | snānaṃ karoti suprājño nirmaleṣu jaleṣu ca
Sanskrit only: no published translation is held for this verse.
न संकल्पं च कुरुते भक्तः कर्मनिकृन्तनः । स्नात्वा हरिं स्मरेत्संध्यां कृत्वा याति गृहं प्रति
na saṃkalpaṃ ca kurute bhaktaḥ karmanikṛntanaḥ | snātvā hariṃ smaretsaṃdhyāṃ kṛtvā yāti gṛhaṃ prati
Sanskrit only: no published translation is held for this verse.
प्रक्षाल्य पादौ प्रविशेन्निधाय धौतवाससी । पूजयोत्परमात्मानं मामेव मुक्तिकारणम्
prakṣālya pādau praviśennidhāya dhautavāsasī | pūjayotparamātmānaṃ māmeva muktikāraṇam
Sanskrit only: no published translation is held for this verse.
शालग्रामे मणौ यन्त्रे प्रतिमायां जलेऽपि च । तथा च विप्रे गवि च गुरुष्वेवं विशेषतः
śālagrāme maṇau yantre pratimāyāṃ jale'pi ca | tathā ca vipre gavi ca guruṣvevaṃ viśeṣataḥ
Sanskrit only: no published translation is held for this verse.
घटिऽष्टदलपद्मे च पात्रे चन्दननिर्मिते । आवाहनं च सर्वत्र शालग्रामे जलेन च
ghaṭi'ṣṭadalapadme ca pātre candananirmite | āvāhanaṃ ca sarvatra śālagrāme jalena ca
Sanskrit only: no published translation is held for this verse.
मन्त्रानुरूपध्यानेन ध्यात्वा मां पूजयेद्व्रती । षोडशोपचारद्रव्याणि दद्यान्मूलेन भक्तितः
mantrānurūpadhyānena dhyātvā māṃ pūjayedvratī | ṣoḍaśopacāradravyāṇi dadyānmūlena bhaktitaḥ
Sanskrit only: no published translation is held for this verse.
श्रीदामानं मुदामानं वसुदामानमेव च । वीरभानुं शूरभानुं गोपान्पञ्च प्रपूजयेत्
śrīdāmānaṃ mudāmānaṃ vasudāmānameva ca | vīrabhānuṃ śūrabhānuṃ gopānpañca prapūjayet
Sanskrit only: no published translation is held for this verse.
सुनन्दनन्दकुमुदं पार्षदं मे सुदर्शनम् । लक्ष्मीं सरस्वतीं दुर्गां राधां गङ्गां वसुंधराम्
sunandanandakumudaṃ pārṣadaṃ me sudarśanam | lakṣmīṃ sarasvatīṃ durgāṃ rādhāṃ gaṅgāṃ vasuṃdharām
Sanskrit only: no published translation is held for this verse.
गुरुं च तुलसीं शंभुं कार्तिकेयं विनायकम् । नवग्रहांश्च दिक्पालान्परितः पूजयेत्सुधीः
guruṃ ca tulasīṃ śaṃbhuṃ kārtikeyaṃ vināyakam | navagrahāṃśca dikpālānparitaḥ pūjayetsudhīḥ
Sanskrit only: no published translation is held for this verse.
देवषट्कं च संपूज्य सर्वादौ विघ्नविघ्नतः । गणेशं च दिनेशं च वह्निं विष्णुं शिवं शिवम्
devaṣaṭkaṃ ca saṃpūjya sarvādau vighnavighnataḥ | gaṇeśaṃ ca dineśaṃ ca vahniṃ viṣṇuṃ śivaṃ śivam
Sanskrit only: no published translation is held for this verse.
श्रुतौ विनिर्मितान्देवान्मोक्षदान्कर्मकृन्तनान् । गणेशं विघ्ननाशाय सूर्यं व्याधिविनाशिने
śrutau vinirmitāndevānmokṣadānkarmakṛntanān | gaṇeśaṃ vighnanāśāya sūryaṃ vyādhivināśine
Sanskrit only: no published translation is held for this verse.
वह्निं प्राप्तिनिमित्तेन शान्तौ शुद्धौ भवेद्ध्रुवम् । विष्णुं मोक्षनिमित्तेन ज्ञानदानाय शंकरम्
vahniṃ prāptinimittena śāntau śuddhau bhaveddhruvam | viṣṇuṃ mokṣanimittena jñānadānāya śaṃkaram
Sanskrit only: no published translation is held for this verse.
बुद्धिमुक्तिनिमित्तेन पार्वतीं पूजयेत्सुधीः । पुष्पाञ्जलित्रयं दत्त्वा स्वस्तोत्रं कवचं पठेत्
buddhimuktinimittena pārvatīṃ pūjayetsudhīḥ | puṣpāñjalitrayaṃ dattvā svastotraṃ kavacaṃ paṭhet
Sanskrit only: no published translation is held for this verse.
गुरुं प्रणम्य संपूज्य तत्पश्चात्प्रणमेत्सुरम् । कृत्वाऽऽह्रिकं च संपूज्य यथासुखमुदीरितम्
guruṃ praṇamya saṃpūjya tatpaścātpraṇametsuram | kṛtvā''hrikaṃ ca saṃpūjya yathāsukhamudīritam
Sanskrit only: no published translation is held for this verse.
समाचरेत्स्वकर्मैतद्वेदोक्तं स्वात्मशुद्धये । विष्ठां न पश्येत्प्राज्ञश्च व्याधिबीजस्वरूपिणीम्
samācaretsvakarmaitadvedoktaṃ svātmaśuddhaye | viṣṭhāṃ na paśyetprājñaśca vyādhibījasvarūpiṇīm
Sanskrit only: no published translation is held for this verse.
मूत्रं च व्याधिबीजं च परं नरककारणम् । लिङ्गंयोनिं पापदुःखव्याधिदारिद्र्यदायिनीम्
mūtraṃ ca vyādhibījaṃ ca paraṃ narakakāraṇam | liṅgaṃyoniṃ pāpaduḥkhavyādhidāridryadāyinīm
Sanskrit only: no published translation is held for this verse.
उरुं मुखं स्तनं स्त्रीणां कटाक्षं हास्यमेव च । विनाशबीजं रूपं च विपदां कारणं सदा
uruṃ mukhaṃ stanaṃ strīṇāṃ kaṭākṣaṃ hāsyameva ca | vināśabījaṃ rūpaṃ ca vipadāṃ kāraṇaṃ sadā
Sanskrit only: no published translation is held for this verse.
दिवाभोगं च स्वस्त्रीणां स्वालापं परिवर्जयेत् । रोगाणो कारणं चैव चक्षुषोः कर्णयोस्तथा
divābhogaṃ ca svastrīṇāṃ svālāpaṃ parivarjayet | rogāṇo kāraṇaṃ caiva cakṣuṣoḥ karṇayostathā
Sanskrit only: no published translation is held for this verse.
एकतारं च गगनं न पश्येत्तु रुजां भयात् । दैवाद्दृष्ट्वा हरिं स्मृत्वा सप्तधा नारदं जपेत्
ekatāraṃ ca gaganaṃ na paśyettu rujāṃ bhayāt | daivāddṛṣṭvā hariṃ smṛtvā saptadhā nāradaṃ japet
Sanskrit only: no published translation is held for this verse.
अस्तकाले रविं चन्द्रं न पश्येद् व्याधिकारणम् । खण्डं मसुदितं चन्द्रं न पश्येद् व्याधिकारणम्
astakāle raviṃ candraṃ na paśyed vyādhikāraṇam | khaṇḍaṃ masuditaṃ candraṃ na paśyed vyādhikāraṇam
Sanskrit only: no published translation is held for this verse.
जलस्थं च रविं चन्द्रं दृष्ट्वा शोकं लभेन्नरः । बन्धुविच्छेदहेतुं च न पश्येत्परमैथुनम्
jalasthaṃ ca raviṃ candraṃ dṛṣṭvā śokaṃ labhennaraḥ | bandhuvicchedahetuṃ ca na paśyetparamaithunam
Sanskrit only: no published translation is held for this verse.
एकत्र शयनं स्थानं भोजनं च गतिं तथा । न कुर्यात्पापिना सार्धं सर्वं नाशस्य लक्षणम्
ekatra śayanaṃ sthānaṃ bhojanaṃ ca gatiṃ tathā | na kuryātpāpinā sārdhaṃ sarvaṃ nāśasya lakṣaṇam
Sanskrit only: no published translation is held for this verse.
आलापाद्गात्रसंस्पर्शाच्छयनाश्रयभोजनात् । संचरन्ति ध्रुवं पापास्तैलविन्दुरिवाम्भसा
ālāpādgātrasaṃsparśācchayanāśrayabhojanāt | saṃcaranti dhruvaṃ pāpāstailavindurivāmbhasā
Sanskrit only: no published translation is held for this verse.
हिंस्रजन्तुसमीपं च न गच्छेद्दुःखकारणम् । खलेन सार्ध मिलनं न कुर्याच्छोककारणम्
hiṃsrajantusamīpaṃ ca na gacchedduḥkhakāraṇam | khalena sārdha milanaṃ na kuryācchokakāraṇam
Sanskrit only: no published translation is held for this verse.
ब्राह्मणानां गवां चैव वैष्णवानां विशेषतः । न कुर्याद्धिंसनं हानिं सर्वनाशस्य कारणम्
brāhmaṇānāṃ gavāṃ caiva vaiṣṇavānāṃ viśeṣataḥ | na kuryāddhiṃsanaṃ hāniṃ sarvanāśasya kāraṇam
Sanskrit only: no published translation is held for this verse.
देवदेवलविप्राणां वैष्णवानां तथैव च । वित्तं धनं च नहरेत्सर्वनाशस्य कारणम्
devadevalaviprāṇāṃ vaiṣṇavānāṃ tathaiva ca | vittaṃ dhanaṃ ca naharetsarvanāśasya kāraṇam
Sanskrit only: no published translation is held for this verse.
स्वदत्तं परदत्तं वा ब्रह्मवित्तं हरेत्तु यः । षष्टिवर्षसहस्राणि विष्ठायां जायते कृमिः
svadattaṃ paradattaṃ vā brahmavittaṃ harettu yaḥ | ṣaṣṭivarṣasahasrāṇi viṣṭhāyāṃ jāyate kṛmiḥ
Sanskrit only: no published translation is held for this verse.
गृध्रः कोटिसहस्राणि शतजन्मानि सूकरः । श्वापदः शतजन्मानि गण्डकः सप्तजन्मनि
gṛdhraḥ koṭisahasrāṇi śatajanmāni sūkaraḥ | śvāpadaḥ śatajanmāni gaṇḍakaḥ saptajanmani
Sanskrit only: no published translation is held for this verse.
घोटकः सप्तजन्मानि कुम्भीरः पञ्चजन्मसु । पुंश्चलीनां योनिकीटं शतजन्मसु निश्चितम्
ghoṭakaḥ saptajanmāni kumbhīraḥ pañcajanmasu | puṃścalīnāṃ yonikīṭaṃ śatajanmasu niścitam
Sanskrit only: no published translation is held for this verse.
व्रणकीटं च तेषां शतजन्मसु नारद । गोधिका सप्तजन्मानि गर्दभः सप्तजन्मसु
vraṇakīṭaṃ ca teṣāṃ śatajanmasu nārada | godhikā saptajanmāni gardabhaḥ saptajanmasu
Sanskrit only: no published translation is held for this verse.
सप्तजन्मानि मार्जारो नकुलश्त्रेषु जन्मसु । उच्चैःश्रवा जन्मशतं खरश्चापि तथैव च
saptajanmāni mārjāro nakulaśtreṣu janmasu | uccaiḥśravā janmaśataṃ kharaścāpi tathaiva ca
Sanskrit only: no published translation is held for this verse.
क्रूरसर्पश्च शार्दूलो महिषः सप्तजन्मसु । भेकश्च शतजन्मानि च्छागलः सप्तजन्मसु
krūrasarpaśca śārdūlo mahiṣaḥ saptajanmasu | bhekaśca śatajanmāni cchāgalaḥ saptajanmasu
Sanskrit only: no published translation is held for this verse.
भल्लूकः शतजन्मानि शृगालो लक्षजन्मसु । ततो जलौका भवति ब्रह्मस्वहरणाद्ध्रुवम्
bhallūkaḥ śatajanmāni śṛgālo lakṣajanmasu | tato jalaukā bhavati brahmasvaharaṇāddhruvam
Sanskrit only: no published translation is held for this verse.
कुम्भीपाके च पच्यन्ते पापिनो ब्रह्मणः शतम् । दक्षिणां विप्रमुद्दिश्य तत्कालं चैन्न दीयते
kumbhīpāke ca pacyante pāpino brahmaṇaḥ śatam | dakṣiṇāṃ vipramuddiśya tatkālaṃ cainna dīyate
Sanskrit only: no published translation is held for this verse.
एकरात्रे व्यतीते तु तद्दानं द्विगुणं भवेत् । मासे शतगुणं प्रोक्तं द्विमासे तु सहस्रकम्
ekarātre vyatīte tu taddānaṃ dviguṇaṃ bhavet | māse śataguṇaṃ proktaṃ dvimāse tu sahasrakam
Sanskrit only: no published translation is held for this verse.
संवत्सरे व्यतीते तु स दाता नरकं व्रजेत् । दात्रा न दीयते मूर्खो ग्रहीता च न याचते
saṃvatsare vyatīte tu sa dātā narakaṃ vrajet | dātrā na dīyate mūrkho grahītā ca na yācate
Sanskrit only: no published translation is held for this verse.
उभौ तौ नरकं यातो दाता व्याधियुतो भवेत् । विप्राणां हिसनं कृत्वा वंशहानिं लभेद्ध्रुवम्
ubhau tau narakaṃ yāto dātā vyādhiyuto bhavet | viprāṇāṃ hisanaṃ kṛtvā vaṃśahāniṃ labheddhruvam
Sanskrit only: no published translation is held for this verse.
धनं लक्ष्मीं परित्यज्य भिक्षुकश्च भवेद्व्रजन् । देवं च ब्रह्मणं दृष्ट्वा न नमेद्यो लभेच्छुचम्
dhanaṃ lakṣmīṃ parityajya bhikṣukaśca bhavedvrajan | devaṃ ca brahmaṇaṃ dṛṣṭvā na namedyo labhecchucam
Sanskrit only: no published translation is held for this verse.
न कुर्याद्गुरुभक्तिं यो लभते रौरवं शुचम् । य स्त्री मूढा दुराचारा स्वपतिं हरिरूपिणम्
na kuryādgurubhaktiṃ yo labhate rauravaṃ śucam | ya strī mūḍhā durācārā svapatiṃ harirūpiṇam
Sanskrit only: no published translation is held for this verse.
न पश्येत्तर्जनं कृत्वा कुम्भीपाके व्रजेद्ध्रुवम् । वाक्तर्जनाद्भवेत्काको हिंसनात्सूकरो भवेत्
na paśyettarjanaṃ kṛtvā kumbhīpāke vrajeddhruvam | vāktarjanādbhavetkāko hiṃsanātsūkaro bhavet
Sanskrit only: no published translation is held for this verse.
सर्पो भवति कोपैन दर्पेण गर्दभो भवेत् । कुक्कुरी च कुवाक्येनाप्यन्धश्च विषदर्शनात्
sarpo bhavati kopaina darpeṇa gardabho bhavet | kukkurī ca kuvākyenāpyandhaśca viṣadarśanāt
Sanskrit only: no published translation is held for this verse.
पतिव्रता च वैकुण्ठं पत्या सह व्रजेद्ध्रुवम् । शिवं दुर्गां गणपतिं सूर्य विप्रं च वैष्णवम्
pativratā ca vaikuṇṭhaṃ patyā saha vrajeddhruvam | śivaṃ durgāṃ gaṇapatiṃ sūrya vipraṃ ca vaiṣṇavam
Sanskrit only: no published translation is held for this verse.
विष्णुं निन्दति यो मूढः स महारौरवं व्रजेत् । पितरं मातरं पुत्रं सतीं भार्यां गुरुं तथा
viṣṇuṃ nindati yo mūḍhaḥ sa mahārauravaṃ vrajet | pitaraṃ mātaraṃ putraṃ satīṃ bhāryāṃ guruṃ tathā
Sanskrit only: no published translation is held for this verse.
अनाथां भगिनीं कन्यां विनिन्द्य नरकं व्रजेत् । विप्रभक्तिविहीनाश्च क्षत्रविट्शूद्रयोनिजा
anāthāṃ bhaginīṃ kanyāṃ vinindya narakaṃ vrajet | viprabhaktivihīnāśca kṣatraviṭśūdrayonijā
Sanskrit only: no published translation is held for this verse.
हरिभक्तिविहीनाश्च पच्यन्ते नरमे ध्रुवम् । पतिभक्तिविहीनाश्च युवत्यश्च नराधमाः
haribhaktivihīnāśca pacyante narame dhruvam | patibhaktivihīnāśca yuvatyaśca narādhamāḥ
Sanskrit only: no published translation is held for this verse.
शालग्रामजलं विष्णुप्रसादं ये च भुञ्जते । तीर्य पुनन्ति ते विप्राः शतं पुंसां वसुंधराम्
śālagrāmajalaṃ viṣṇuprasādaṃ ye ca bhuñjate | tīrya punanti te viprāḥ śataṃ puṃsāṃ vasuṃdharām
Sanskrit only: no published translation is held for this verse.
पितृन्देवान्समम्यर्च्य खादन्मासं द्विजः शुचिः । यो भक्षति वृथा मांसं स महारौरवं व्रजेत्
pitṛndevānsamamyarcya khādanmāsaṃ dvijaḥ śuciḥ | yo bhakṣati vṛthā māṃsaṃ sa mahārauravaṃ vrajet
Sanskrit only: no published translation is held for this verse.
मत्स्यांश्च कामतो जग्ध्वा चोपवासं वसेद्द्विजः । प्रायश्चित्तं ततः कुर्याद्व्रतं चान्द्रायणं चरेत्
matsyāṃśca kāmato jagdhvā copavāsaṃ vaseddvijaḥ | prāyaścittaṃ tataḥ kuryādvrataṃ cāndrāyaṇaṃ caret
Sanskrit only: no published translation is held for this verse.
कामतो ब्राह्मणो मत्स्यं भुङ्क्ते यो ज्ञानदुर्बलः । सोऽशुचिः सततं नन्द हन्ति पुण्यं पुराकृतम्
kāmato brāhmaṇo matsyaṃ bhuṅkte yo jñānadurbalaḥ | so'śuciḥ satataṃ nanda hanti puṇyaṃ purākṛtam
Sanskrit only: no published translation is held for this verse.
विष्णोरुच्चिष्टभोजी यो मत्स्यं मांसं न खादति । पदे पदेऽश्वमेधस्य लभते निश्चितं फलम्
viṣṇorucciṣṭabhojī yo matsyaṃ māṃsaṃ na khādati | pade pade'śvamedhasya labhate niścitaṃ phalam
Sanskrit only: no published translation is held for this verse.
एकादशीं ये कुर्वन्ति कृष्णजन्माष्टमीव्रतम् । शतजन्मकृतात्पापान्मुच्यन्ते नात्र संशयः
ekādaśīṃ ye kurvanti kṛṣṇajanmāṣṭamīvratam | śatajanmakṛtātpāpānmucyante nātra saṃśayaḥ
Sanskrit only: no published translation is held for this verse.
यद्बालये यच्च कौमारे वार्धके यच्च यौवने । भस्मीभूतानि कुर्वन्ति पातकानि कृतानि च
yadbālaye yacca kaumāre vārdhake yacca yauvane | bhasmībhūtāni kurvanti pātakāni kṛtāni ca
Sanskrit only: no published translation is held for this verse.
एकादशीदिने भुङ्क्ते कृष्णजन्माष्टमीव्रते । त्रैलोक्यजनितं पापं सोऽपि भुङ्क्ते न संशयः
ekādaśīdine bhuṅkte kṛṣṇajanmāṣṭamīvrate | trailokyajanitaṃ pāpaṃ so'pi bhuṅkte na saṃśayaḥ
Sanskrit only: no published translation is held for this verse.
आतुरे नियमो न स्यादपि वृद्धे च बालके । भक्तस्य द्विगुणं दत्त्वा ब्राह्मणाय शुचिर्भवेत्
āture niyamo na syādapi vṛddhe ca bālake | bhaktasya dviguṇaṃ dattvā brāhmaṇāya śucirbhavet
Sanskrit only: no published translation is held for this verse.
यो भुङ्क्ते शिवरात्रौ च श्रीरामनवमीदिने । उपवासे समर्थश्च स महारौरवं व्रजेत्
yo bhuṅkte śivarātrau ca śrīrāmanavamīdine | upavāse samarthaśca sa mahārauravaṃ vrajet
Sanskrit only: no published translation is held for this verse.
कुहूपूर्णेन्दुसंक्रान्तिचतुर्दश्यष्टमीषु च । नरश्चाण्डालयोनिः स्यात्स्त्रीतैलमांससेवनात्
kuhūpūrṇendusaṃkrānticaturdaśyaṣṭamīṣu ca | naraścāṇḍālayoniḥ syātstrītailamāṃsasevanāt
Sanskrit only: no published translation is held for this verse.
मत्स्यं मांसं मसूरं च कांस्यपात्रे च भोजनम् । आर्द्रकं रक्तशाकं च रवौ च परिवर्जयेत्
matsyaṃ māṃsaṃ masūraṃ ca kāṃsyapātre ca bhojanam | ārdrakaṃ raktaśākaṃ ca ravau ca parivarjayet
Sanskrit only: no published translation is held for this verse.
अन्यथा नरकं याति कुम्भीपाकं न संशयः । रजस्वरान्नं वेश्यान्नं मदिरान्नं व्रजेश्वर
anyathā narakaṃ yāti kumbhīpākaṃ na saṃśayaḥ | rajasvarānnaṃ veśyānnaṃ madirānnaṃ vrajeśvara
Sanskrit only: no published translation is held for this verse.
यो भुङ्क्ते ब्राङ्मणो दैवाद्विड्भोजी स भवेद्ध्रुवम् । यदह्ना कुरुते कर्म न तस्य फलभाग्भवेत्
yo bhuṅkte brāṅmaṇo daivādviḍbhojī sa bhaveddhruvam | yadahnā kurute karma na tasya phalabhāgbhavet
Sanskrit only: no published translation is held for this verse.
स भवेदशुचिर्नित्यं भस्मान्तं तस्य सूतकम् । नारी वेश्या प्रतिज्ञेया चतुष्पुरुषगामिनी
sa bhavedaśucirnityaṃ bhasmāntaṃ tasya sūtakam | nārī veśyā pratijñeyā catuṣpuruṣagāminī
Sanskrit only: no published translation is held for this verse.
पाके च पितृदेवानामधिकारो न तद्भवेत् । यद्ग्रामयाजिनामन्नं शूद्रश्राद्धान्नभोजनम्
pāke ca pitṛdevānāmadhikāro na tadbhavet | yadgrāmayājināmannaṃ śūdraśrāddhānnabhojanam
Sanskrit only: no published translation is held for this verse.
भुक्त्वा च नरकं याति यावच्चन्द्रदिवाकरौ । शूद्राणां श्राद्धदिवसे तदन्नं भुञ्जते द्धिजाः
bhuktvā ca narakaṃ yāti yāvaccandradivākarau | śūdrāṇāṃ śrāddhadivase tadannaṃ bhuñjate ddhijāḥ
Sanskrit only: no published translation is held for this verse.
कुम्भीपाके च पच्यन्ते यावद्वै ब्रह्मणः शतम् । यः शूद्रेणाभ्यनुज्ञातो भुङ्क्ते श्राद्धदिनेऽन्यतः
kumbhīpāke ca pacyante yāvadvai brahmaṇaḥ śatam | yaḥ śūdreṇābhyanujñāto bhuṅkte śrāddhadine'nyataḥ
Sanskrit only: no published translation is held for this verse.
सुरापीति स विज्ञेयः सर्वधर्मबहिष्कृतः । असिजीवी मषीजीवी देवलो वृषवाहकः
surāpīti sa vijñeyaḥ sarvadharmabahiṣkṛtaḥ | asijīvī maṣījīvī devalo vṛṣavāhakaḥ
Sanskrit only: no published translation is held for this verse.
शूद्राणां शवदाही च यो हि शूद्रापतिद्धिजः । स शूद्रवद्वहिष्कार्यस्तदन्नं विट्समं सताम्
śūdrāṇāṃ śavadāhī ca yo hi śūdrāpatiddhijaḥ | sa śūdravadvahiṣkāryastadannaṃ viṭsamaṃ satām
Sanskrit only: no published translation is held for this verse.
नोपतिष्ठति यः पूर्वां नोपास्ते यस्तु पश्चिमाम् । स शूद्रवद्बहिष्कार्यः सवंस्माद्द्विजकर्मणः
nopatiṣṭhati yaḥ pūrvāṃ nopāste yastu paścimām | sa śūdravadbahiṣkāryaḥ savaṃsmāddvijakarmaṇaḥ
Sanskrit only: no published translation is held for this verse.
संध्याहीनोऽशुचिर्नित्यमनर्हः सर्वकर्मसु । यदह्नाकुरुते कर्म न तस्य फलभाग्भवेत्
saṃdhyāhīno'śucirnityamanarhaḥ sarvakarmasu | yadahnākurute karma na tasya phalabhāgbhavet
Sanskrit only: no published translation is held for this verse.
वाममन्त्रोपासकश्च ब्राह्माणो नरकं व्रजेत् । नदीगर्भे च गर्ते च दृक्षमूले जलान्तिके
vāmamantropāsakaśca brāhmāṇo narakaṃ vrajet | nadīgarbhe ca garte ca dṛkṣamūle jalāntike
Sanskrit only: no published translation is held for this verse.
देवान्तिके सस्यभूमौ पुरीषं नोत्सृजेद्बुधः । वल्मीकमूषकोत्खातां मृदमन्तर्जलां तथा
devāntike sasyabhūmau purīṣaṃ notsṛjedbudhaḥ | valmīkamūṣakotkhātāṃ mṛdamantarjalāṃ tathā
Sanskrit only: no published translation is held for this verse.
शौचावशिष्टां गेहाच्च नाऽऽदद्याल्लेपसंभवाम् । अन्तःप्राणिपिपील्यां च हलोत्खातां व्रजेश्वर
śaucāvaśiṣṭāṃ gehācca nā''dadyāllepasaṃbhavām | antaḥprāṇipipīlyāṃ ca halotkhātāṃ vrajeśvara
Sanskrit only: no published translation is held for this verse.
आलवालोत्थितां चैव सस्यक्षेत्रोत्थितां तथा । वृक्षमूलोत्थितां नन्द नदीगर्भोत्थितां तथा
ālavālotthitāṃ caiva sasyakṣetrotthitāṃ tathā | vṛkṣamūlotthitāṃ nanda nadīgarbhotthitāṃ tathā
Sanskrit only: no published translation is held for this verse.
परित्यजेन्मृदस्त्वेताः सकलाः शौचसाधने । कूष्माण्डघातिका या स्त्री दीवनिर्वाणकः पुमान्
parityajenmṛdastvetāḥ sakalāḥ śaucasādhane | kūṣmāṇḍaghātikā yā strī dīvanirvāṇakaḥ pumān
Sanskrit only: no published translation is held for this verse.
सप्तजन्म भवेद्रोगी दरिद्रो जन्मजन्मनि । प्रदीपं शिवलिङ्गंच शालग्रामं मणिंतथा
saptajanma bhavedrogī daridro janmajanmani | pradīpaṃ śivaliṅgaṃca śālagrāmaṃ maṇiṃtathā
Sanskrit only: no published translation is held for this verse.
प्रतिमां यज्ञसूत्रं च सुवर्ण शङ्खमेव च । हीरकं च तथा मुक्तां गोमूत्रं गोमयं घृतम्
pratimāṃ yajñasūtraṃ ca suvarṇa śaṅkhameva ca | hīrakaṃ ca tathā muktāṃ gomūtraṃ gomayaṃ ghṛtam
Sanskrit only: no published translation is held for this verse.
शालग्रामशिलातोयं भूमौ त्यक्त्वा व्रजेदधः । दरिद्रः कृपणः कुष्ठी वंशहीनोऽप्यभार्यकः
śālagrāmaśilātoyaṃ bhūmau tyaktvā vrajedadhaḥ | daridraḥ kṛpaṇaḥ kuṣṭhī vaṃśahīno'pyabhāryakaḥ
Sanskrit only: no published translation is held for this verse.
भूमिहीनः प्रजाहीनो बन्धुहीनश्च कुत्सितः । अन्धः पङ्गुर्वा खर्वश्च खञ्जश्चैवाङ्गहीनकः
bhūmihīnaḥ prajāhīno bandhuhīnaśca kutsitaḥ | andhaḥ paṅgurvā kharvaśca khañjaścaivāṅgahīnakaḥ
Sanskrit only: no published translation is held for this verse.
भवेत्कमेण पापी स ह्येतान्भूमौ त्यजेतु यः । दिवसे संध्ययोर्निद्रां स्त्रीसंभोगं करोति यः
bhavetkameṇa pāpī sa hyetānbhūmau tyajetu yaḥ | divase saṃdhyayornidrāṃ strīsaṃbhogaṃ karoti yaḥ
Sanskrit only: no published translation is held for this verse.
सप्तजन्म भवेद्रोगी दरिद्रः सप्तजन्मसु । उदिते जगतीनाथे यः कुर्याद्दन्तधावनम्
saptajanma bhavedrogī daridraḥ saptajanmasu | udite jagatīnāthe yaḥ kuryāddantadhāvanam
Sanskrit only: no published translation is held for this verse.
स पापिष्ठः कथं ब्रूते पूजयामि जनार्दनम् । मृद्भस्मगोसकृत्विण्डैस्तथा बालुकयाऽपि वा
sa pāpiṣṭhaḥ kathaṃ brūte pūjayāmi janārdanam | mṛdbhasmagosakṛtviṇḍaistathā bālukayā'pi vā
Sanskrit only: no published translation is held for this verse.
कृत्वा लिङ्कं सकृत्पूजय वसेत्कल्पशतं दिवि । सहस्रपूजनात्सोऽपि लभते वाञ्छितं फलम्
kṛtvā liṅkaṃ sakṛtpūjaya vasetkalpaśataṃ divi | sahasrapūjanātso'pi labhate vāñchitaṃ phalam
Sanskrit only: no published translation is held for this verse.
लक्षं च पूजयेद्यस्तु शिवत्वं लभते ध्रुवम् । जीवन्मुक्तो भवेद्विप्रो लिङ्गमभ्यर्चयेतु यः
lakṣaṃ ca pūjayedyastu śivatvaṃ labhate dhruvam | jīvanmukto bhavedvipro liṅgamabhyarcayetu yaḥ
Sanskrit only: no published translation is held for this verse.
शिवपूजाविहीनश्च ब्राह्मणो नरकं व्रजेत् । मत्पूजितं प्रियतमं शिवं निन्दन्ति ये नराः
śivapūjāvihīnaśca brāhmaṇo narakaṃ vrajet | matpūjitaṃ priyatamaṃ śivaṃ nindanti ye narāḥ
Sanskrit only: no published translation is held for this verse.
पच्यन्ते निरये तावद्यावद्वै ब्रह्मणः शतम् । पूजिते शिवलिङ्गे च यदि स्यात्केशवालुका
pacyante niraye tāvadyāvadvai brahmaṇaḥ śatam | pūjite śivaliṅge ca yadi syātkeśavālukā
Sanskrit only: no published translation is held for this verse.
स महान्धो वालुकया केशेन यवनो भवेत् । क्षुद्रो दरिद्रः कृपणो व्याधिः स्यात्कुत्सिते यथा
sa mahāndho vālukayā keśena yavano bhavet | kṣudro daridraḥ kṛpaṇo vyādhiḥ syātkutsite yathā
Sanskrit only: no published translation is held for this verse.
सर्वेभ्यो मानहानिः स्याज्जायते नीचयोनिषु । सर्वेषु प्रियपात्रेषु ब्रह्मणश्च मम प्रियः
sarvebhyo mānahāniḥ syājjāyate nīcayoniṣu | sarveṣu priyapātreṣu brahmaṇaśca mama priyaḥ
Sanskrit only: no published translation is held for this verse.
ब्रह्मणाच्च प्रिया लक्ष्मीः सततं वक्षसि स्थिता । ततोऽधिका प्रिया राधा प्रिया भक्तास्ततोऽधिकाः
brahmaṇācca priyā lakṣmīḥ satataṃ vakṣasi sthitā | tato'dhikā priyā rādhā priyā bhaktāstato'dhikāḥ
Sanskrit only: no published translation is held for this verse.
ततोऽधिकः शंकरो मे नास्ति मे शंकरात्प्रियः । महादेव महादेव महादेवेति वादिरः
tato'dhikaḥ śaṃkaro me nāsti me śaṃkarātpriyaḥ | mahādeva mahādeva mahādeveti vādiraḥ
Sanskrit only: no published translation is held for this verse.
पश्चाद्यामि च संतृप्तो नामश्रवणलोभतः । मनो मे भक्तमूले च प्राणा राधात्मका ध्रुवम्
paścādyāmi ca saṃtṛpto nāmaśravaṇalobhataḥ | mano me bhaktamūle ca prāṇā rādhātmakā dhruvam
Sanskrit only: no published translation is held for this verse.
आत्मा मे शंकरस्थानं शिवः प्राणाधिकश्च यः । आद्या नारायणी शक्तिः सृष्टिस्थित्यन्तकानिणी
ātmā me śaṃkarasthānaṃ śivaḥ prāṇādhikaśca yaḥ | ādyā nārāyaṇī śaktiḥ sṛṣṭisthityantakāniṇī
Sanskrit only: no published translation is held for this verse.
कनोमि च यथा सृष्टिं यया ब्रह्मादिदेवताः । यया जयति विश्वं च यया सृष्टिःप्रजायते
kanomi ca yathā sṛṣṭiṃ yayā brahmādidevatāḥ | yayā jayati viśvaṃ ca yayā sṛṣṭiḥprajāyate
Sanskrit only: no published translation is held for this verse.
यया विना जगन्नाश्ति मया दत्ता शिवाय सा । दया निद्रा च क्षुत्तृप्तिस्तृष्ण श्रद्धा क्षमा धृतिः
yayā vinā jagannāśti mayā dattā śivāya sā | dayā nidrā ca kṣuttṛptistṛṣṇa śraddhā kṣamā dhṛtiḥ
Sanskrit only: no published translation is held for this verse.
तुष्टिः पुष्टिस्तथा शान्तिर्लज्जाधिदेवता हि सा । वैसुण्ठे सा महालक्ष्मीर्गोलोके राधिका सती
tuṣṭiḥ puṣṭistathā śāntirlajjādhidevatā hi sā | vaisuṇṭhe sā mahālakṣmīrgoloke rādhikā satī
Sanskrit only: no published translation is held for this verse.
मर्त्ये लक्ष्मीश्च क्षीरोदे दक्षकन्या सती य सा । सा दुर्गा मेनकाकन्या दैत्यदुर्गतिनाशिनी
martye lakṣmīśca kṣīrode dakṣakanyā satī ya sā | sā durgā menakākanyā daityadurgatināśinī
Sanskrit only: no published translation is held for this verse.
स्वर्गलक्ष्मीश्च दुर्गा सा शक्रादीनां गृहे गृहे । सा वाणी सा च सावित्री विद्याधिष्ठातृदेवता
svargalakṣmīśca durgā sā śakrādīnāṃ gṛhe gṛhe | sā vāṇī sā ca sāvitrī vidyādhiṣṭhātṛdevatā
Sanskrit only: no published translation is held for this verse.
वह्नौ स दाहिकाशक्तिः प्रभाशक्तिश्च भास्करे । शोभाशक्तिः पूर्णचन्द्रे जले शक्तिश्च शीतता
vahnau sa dāhikāśaktiḥ prabhāśaktiśca bhāskare | śobhāśaktiḥ pūrṇacandre jale śaktiśca śītatā
Sanskrit only: no published translation is held for this verse.
सस्यप्रसूता शक्तिश्च धारणा च धरासु सा । ब्राह्मण्यशक्तिर्विप्रेषु देवशक्तिःसुरेषु सा
sasyaprasūtā śaktiśca dhāraṇā ca dharāsu sā | brāhmaṇyaśaktirvipreṣu devaśaktiḥsureṣu sā
Sanskrit only: no published translation is held for this verse.
तपस्विनां तपस्या का गृहिणां गृहदेवता । मुक्तिशक्तिश्च मुक्तानामाशा सांसारिकस्य सा
tapasvināṃ tapasyā kā gṛhiṇāṃ gṛhadevatā | muktiśaktiśca muktānāmāśā sāṃsārikasya sā
Sanskrit only: no published translation is held for this verse.
मद्भक्तानां भक्तिशक्तिर्मयि भक्तिप्रदा सदा । नृपाणां राज्यलक्ष्मीश्च वणिजां लभ्यरूपिणी
madbhaktānāṃ bhaktiśaktirmayi bhaktipradā sadā | nṛpāṇāṃ rājyalakṣmīśca vaṇijāṃ labhyarūpiṇī
Sanskrit only: no published translation is held for this verse.
परि संसारसिन्धूनां त्रयीतत्त्वा तु तारिणी । सत्सु सद्बुद्धिरूपा सा मेधाशक्तिस्वरूपिणी
pari saṃsārasindhūnāṃ trayītattvā tu tāriṇī | satsu sadbuddhirūpā sā medhāśaktisvarūpiṇī
Sanskrit only: no published translation is held for this verse.
व्याख्याशक्तिः श्रुतौ शास्त्रे दातृशक्तिश्च दातृषु । क्षत्त्रादीनां विप्रभक्तिः पतिभक्तिः सतीसु च
vyākhyāśaktiḥ śrutau śāstre dātṛśaktiśca dātṛṣu | kṣattrādīnāṃ viprabhaktiḥ patibhaktiḥ satīsu ca
Sanskrit only: no published translation is held for this verse.
एवं रूपा च या शक्तिर्मया दत्ता शिवाय सा । एवं ते कथितं सर्वं किं भूयः श्रोतुमिच्छसि ।। प्रश्नं करोषि यद्यन्मां तत्सर्वं कथयामि ते
evaṃ rūpā ca yā śaktirmayā dattā śivāya sā | evaṃ te kathitaṃ sarvaṃ kiṃ bhūyaḥ śrotumicchasi || praśnaṃ karoṣi yadyanmāṃ tatsarvaṃ kathayāmi te
Sanskrit only: no published translation is held for this verse.