Brahmavaivarta Purāṇa 4.83

नास्ति तेषां कर्मभोगः सतीनां व्रततेजसा । तया सार्धं च निष्कर्मी मोदते हरिमन्दिरे

nāsti teṣāṃ karmabhogaḥ satīnāṃ vratatejasā | tayā sārdhaṃ ca niṣkarmī modate harimandire

Sanskrit only: no published translation is held for this verse.

पृथिव्यां यानि तीर्थानि सतीपादेषु तान्यपि । तेजश्च सर्वदेवानां मुनीनां च सतीषु च

pṛthivyāṃ yāni tīrthāni satīpādeṣu tānyapi | tejaśca sarvadevānāṃ munīnāṃ ca satīṣu ca

Sanskrit only: no published translation is held for this verse.

तपस्विनां तपः सर्वं व्रतिनां यत्फलं व्रज । दाने फलं यद्दातणां तत्सर्व तासु संततम्

tapasvināṃ tapaḥ sarvaṃ vratināṃ yatphalaṃ vraja | dāne phalaṃ yaddātaṇāṃ tatsarva tāsu saṃtatam

Sanskrit only: no published translation is held for this verse.

स्वयं नारायणः शंभुर्विधाता जगतामपि । सुराः सर्वे च मुनयो भीतास्ताभ्यां च संततम्

svayaṃ nārāyaṇaḥ śaṃbhurvidhātā jagatāmapi | surāḥ sarve ca munayo bhītāstābhyāṃ ca saṃtatam

Sanskrit only: no published translation is held for this verse.

सतीनां पादरजसा सद्यः पूता वसुंधरा । पतिव्रतां नमस्कृत्वा मुच्यते पातकान्नरः

satīnāṃ pādarajasā sadyaḥ pūtā vasuṃdharā | pativratāṃ namaskṛtvā mucyate pātakānnaraḥ

Sanskrit only: no published translation is held for this verse.

त्रैलोक्यं भस्मसात्कर्तुं क्षणेनैव पतिव्रता । स्वतेजसा समर्था सा महापुण्यवती सदा

trailokyaṃ bhasmasātkartuṃ kṣaṇenaiva pativratā | svatejasā samarthā sā mahāpuṇyavatī sadā

Sanskrit only: no published translation is held for this verse.

सतीनां च पतिः साधुः पुत्रो निःशंक एव च । न हि तस्य भयं किंचिद्देवेभ्यश्च यमादपि

satīnāṃ ca patiḥ sādhuḥ putro niḥśaṃka eva ca | na hi tasya bhayaṃ kiṃciddevebhyaśca yamādapi

Sanskrit only: no published translation is held for this verse.

शतजन्मपुण्यवतां गेहे जाता पतिव्रता । पतिव्रताप्रसूः पूता जीवन्मुक्तः पिता तथा

śatajanmapuṇyavatāṃ gehe jātā pativratā | pativratāprasūḥ pūtā jīvanmuktaḥ pitā tathā

Sanskrit only: no published translation is held for this verse.

सती स्त्री प्रातरुत्थाय त्यक्त्वा च रात्रिवाससम् । भर्तारं च नमस्कृत्य करोति स्तवनं मुदा

satī strī prātarutthāya tyaktvā ca rātrivāsasam | bhartāraṃ ca namaskṛtya karoti stavanaṃ mudā

Sanskrit only: no published translation is held for this verse.

गृहकार्यं ततः कृत्वा स्नात्वा धौते च वाससी । गृहीत्वा शुक्लपुष्पं च भक्तितः पूजयेत्पतिम्

gṛhakāryaṃ tataḥ kṛtvā snātvā dhaute ca vāsasī | gṛhītvā śuklapuṣpaṃ ca bhaktitaḥ pūjayetpatim

Sanskrit only: no published translation is held for this verse.

स्नापयित्वा सुपूतेन जलेन निर्मलेन च । तस्मै दत्त्वा धौतवस्त्रं तत्पादौ क्षालयेन्मुदा

snāpayitvā supūtena jalena nirmalena ca | tasmai dattvā dhautavastraṃ tatpādau kṣālayenmudā

Sanskrit only: no published translation is held for this verse.

आसने वासयित्वा च दत्त्वा भाले च चन्दनम् । सर्वाङ्गलेपनं कृत्वा दत्त्वा माल्यं गलेऽपि च

āsane vāsayitvā ca dattvā bhāle ca candanam | sarvāṅgalepanaṃ kṛtvā dattvā mālyaṃ gale'pi ca

Sanskrit only: no published translation is held for this verse.

सामवेदोक्तमन्त्रेण भोगद्रव्यैः सुधोपमैः । संपूज्य भक्तितः कान्तं स्तुत्वा च प्रणमेन्मुदा

sāmavedoktamantreṇa bhogadravyaiḥ sudhopamaiḥ | saṃpūjya bhaktitaḥ kāntaṃ stutvā ca praṇamenmudā

Sanskrit only: no published translation is held for this verse.

ओं नमः कान्ताय शान्ताय सर्वदेवाश्रयाय स्वाहा । इत्यनेनैव मन्त्रेण दत्त्वा पुष्पं च चन्दनम्

oṃ namaḥ kāntāya śāntāya sarvadevāśrayāya svāhā | ityanenaiva mantreṇa dattvā puṣpaṃ ca candanam

Sanskrit only: no published translation is held for this verse.

पाद्यार्ध्यं धूपदीपौ च वस्त्रं नैवेद्यमुत्तमम् । जलं सुवासितं शुद्धं ताम्बूलं च सुवासितम्

pādyārdhyaṃ dhūpadīpau ca vastraṃ naivedyamuttamam | jalaṃ suvāsitaṃ śuddhaṃ tāmbūlaṃ ca suvāsitam

Sanskrit only: no published translation is held for this verse.

दत्त्वा स्तोत्रं पठेद्यद्यत्कृतं वै पाठ्यमेव च । ओं नमः कान्ताय भर्त्रे च शिरश्चन्द्रस्वरूपिणे

dattvā stotraṃ paṭhedyadyatkṛtaṃ vai pāṭhyameva ca | oṃ namaḥ kāntāya bhartre ca śiraścandrasvarūpiṇe

Sanskrit only: no published translation is held for this verse.

नमः शान्ताय दान्ताय सर्वदेवाश्रयाय च । नमो ब्रह्मस्वरूपाय सतीप्राणपराय च

namaḥ śāntāya dāntāya sarvadevāśrayāya ca | namo brahmasvarūpāya satīprāṇaparāya ca

Sanskrit only: no published translation is held for this verse.

नमस्याय च पूज्याय हृदाधाराय ते नमः । पञ्चप्राणाधिदेवाय चक्षुषस्तारकाय च

namasyāya ca pūjyāya hṛdādhārāya te namaḥ | pañcaprāṇādhidevāya cakṣuṣastārakāya ca

Sanskrit only: no published translation is held for this verse.

ज्ञानाधाराय पत्नीनां परमानन्दरूपिणे । पतिर्ब्रह्मा पतिर्विष्णुः पतिरेव महेश्वरः

jñānādhārāya patnīnāṃ paramānandarūpiṇe | patirbrahmā patirviṣṇuḥ patireva maheśvaraḥ

Sanskrit only: no published translation is held for this verse.

पतिश्च निर्गुणाधारो ब्रह्मरूप नमोऽस्तु ते । क्षमस्व भगवन् दोषं ज्ञानाज्ञानकृतं च यत्

patiśca nirguṇādhāro brahmarūpa namo'stu te | kṣamasva bhagavan doṣaṃ jñānājñānakṛtaṃ ca yat

Sanskrit only: no published translation is held for this verse.

पत्नीबन्धो दयासिन्धो दासीदोषं क्षमस्व मे । इदं स्तोत्रं महापुण्यं सृष्ट्यादौ पद्मया कृतम्

patnībandho dayāsindho dāsīdoṣaṃ kṣamasva me | idaṃ stotraṃ mahāpuṇyaṃ sṛṣṭyādau padmayā kṛtam

Sanskrit only: no published translation is held for this verse.

सरस्वत्या च धरया गङ्गया च पुरा व्रज । सावित्र्या च कृतं पूर्वं ब्रह्मणे चापि नित्यशः

sarasvatyā ca dharayā gaṅgayā ca purā vraja | sāvitryā ca kṛtaṃ pūrvaṃ brahmaṇe cāpi nityaśaḥ

Sanskrit only: no published translation is held for this verse.

पार्वत्या च कृतं भक्त्या कैलासे शंकराय च । मुनीनां च सुराणां च पत्नीभिश्च कृतं पुरा

pārvatyā ca kṛtaṃ bhaktyā kailāse śaṃkarāya ca | munīnāṃ ca surāṇāṃ ca patnībhiśca kṛtaṃ purā

Sanskrit only: no published translation is held for this verse.

पतिव्रतानां सर्वासां स्तोत्रमेतच्छुभावहम् । इदं स्तोत्रं महापुण्यं या श्रृणोति पतिव्रता

pativratānāṃ sarvāsāṃ stotrametacchubhāvaham | idaṃ stotraṃ mahāpuṇyaṃ yā śrṛṇoti pativratā

Sanskrit only: no published translation is held for this verse.

नरोऽन्यो वाऽपि नारी वा लभते सर्ववाञ्छितम् । अपुत्रो लभते पुत्रं निर्धनो लभते धनम्

naro'nyo vā'pi nārī vā labhate sarvavāñchitam | aputro labhate putraṃ nirdhano labhate dhanam

Sanskrit only: no published translation is held for this verse.

रौगी च मुच्यते रोगाद्बद्धो मुच्येत बन्धनात् । पतिव्रता च स्तुत्वा च तीर्थस्नानफलं लभेत्

raugī ca mucyate rogādbaddho mucyeta bandhanāt | pativratā ca stutvā ca tīrthasnānaphalaṃ labhet

Sanskrit only: no published translation is held for this verse.

फलं च सर्वं तपसां व्रतानां च व्रजेश्वर । इदं स्तुत्वा नमस्कृत्वा भुङ्क्ते सा तदनुज्ञया ।। उक्तः पतिव्रताधर्मो गृहिणां श्रुयतां व्रज

phalaṃ ca sarvaṃ tapasāṃ vratānāṃ ca vrajeśvara | idaṃ stutvā namaskṛtvā bhuṅkte sā tadanujñayā || uktaḥ pativratādharmo gṛhiṇāṃ śruyatāṃ vraja

Sanskrit only: no published translation is held for this verse.