Brahmavaivarta Purāṇa 4.84

श्रीरामकदलीस्तम्भैरसंख्यैश्च मनोहरैः । पट्टसूत्रनिबद्धैश्च स्निग्धैश्चन्दनपल्लवैः

śrīrāmakadalīstambhairasaṃkhyaiśca manoharaiḥ | paṭṭasūtranibaddhaiśca snigdhaiścandanapallavaiḥ

Sanskrit only: no published translation is held for this verse.

चन्दनासक्तमाल्यैश्च भूषणैश्च विभूषितम् । अमूल्यरत्नरचितं शतशृङ्गमनोहरम्

candanāsaktamālyaiśca bhūṣaṇaiśca vibhūṣitam | amūlyaratnaracitaṃ śataśṛṅgamanoharam

Sanskrit only: no published translation is held for this verse.

कोटियोजनमूर्ध्वं च दैर्ध्यं शतगुणोत्तरम् । शैलप्रस्थपरिमितं पञ्चाशत्कोटियोजनम्

koṭiyojanamūrdhvaṃ ca dairdhyaṃ śataguṇottaram | śailaprasthaparimitaṃ pañcāśatkoṭiyojanam

Sanskrit only: no published translation is held for this verse.

अतीव कमनीयं य वेदानिर्वचनीयकम् । प्राकारमिव तस्यापि गोललोकस्य मनोहरम्

atīva kamanīyaṃ ya vedānirvacanīyakam | prākāramiva tasyāpi golalokasya manoharam

Sanskrit only: no published translation is held for this verse.

परितो वेष्टितं रम्यं हीरहारसमन्वितम् । तत्र वृन्दावनं रम्यं युक्तं चन्दनपादपैः

parito veṣṭitaṃ ramyaṃ hīrahārasamanvitam | tatra vṛndāvanaṃ ramyaṃ yuktaṃ candanapādapaiḥ

Sanskrit only: no published translation is held for this verse.

कल्पवृक्षैश्च नम्यैश्च मन्दारैः कामधेनुभिः । शोभितं शोभनाढ्यैश्च पुष्पोद्यानैर्मनोहरैः

kalpavṛkṣaiśca namyaiśca mandāraiḥ kāmadhenubhiḥ | śobhitaṃ śobhanāḍhyaiśca puṣpodyānairmanoharaiḥ

Sanskrit only: no published translation is held for this verse.

क्रीडासरोवरै रम्यैः सुरम्यै रतिमन्दिरैः । अतीव रम्यं रहसि रासयोग्यस्थलान्वितम्

krīḍāsarovarai ramyaiḥ suramyai ratimandiraiḥ | atīva ramyaṃ rahasi rāsayogyasthalānvitam

Sanskrit only: no published translation is held for this verse.

रक्षितं रक्षकै रम्यैरसंख्यैर्गोपिकागणैः । परितो वर्तुलाकारं त्रिलक्षयोजनं वनम्

rakṣitaṃ rakṣakai ramyairasaṃkhyairgopikāgaṇaiḥ | parito vartulākāraṃ trilakṣayojanaṃ vanam

Sanskrit only: no published translation is held for this verse.

षट्पदध्वनिसंयुक्तं पुंस्कोकिलरुतान्वितम् । तत्राक्षयो वटो रम्यो रहस्ये बहृविस्तृतः

ṣaṭpadadhvanisaṃyuktaṃ puṃskokilarutānvitam | tatrākṣayo vaṭo ramyo rahasye bahṛvistṛtaḥ

Sanskrit only: no published translation is held for this verse.

सहस्रयोजनोर्ध्वश्च परितश्च चतुर्गुणः । गोपीनां कल्पवृक्षश्च सर्ववाञ्छाफलप्रदः

sahasrayojanordhvaśca paritaśca caturguṇaḥ | gopīnāṃ kalpavṛkṣaśca sarvavāñchāphalapradaḥ

Sanskrit only: no published translation is held for this verse.

क्रीडान्वितैरावृतश्च राधादासीत्रिलक्षकैः । विरजातीरनिराणां वायुना शीतलेन च

krīḍānvitairāvṛtaśca rādhādāsītrilakṣakaiḥ | virajātīranirāṇāṃ vāyunā śītalena ca

Sanskrit only: no published translation is held for this verse.

पुष्पान्वितेन मन्देन पवित्रश्च सुगन्धिना । दासीगणैरसंख्यैश्च वृन्दावनविनोदिनी

puṣpānvitena mandena pavitraśca sugandhinā | dāsīgaṇairasaṃkhyaiśca vṛndāvanavinodinī

Sanskrit only: no published translation is held for this verse.

तत्र क्रीडति राधा सा मम प्राणाधिदेवता । सेयं श्रीदामशापेन वृषभानसुताऽधुना

tatra krīḍati rādhā sā mama prāṇādhidevatā | seyaṃ śrīdāmaśāpena vṛṣabhānasutā'dhunā

Sanskrit only: no published translation is held for this verse.

ब्रह्मादिदेवैः सिद्धेन्द्रैर्मुनीन्द्रैः पूजिता व्रज । सिद्धैर्गुणैर्बलैर्बुद्ध्या ज्ञानयोगैश्च विद्यया

brahmādidevaiḥ siddhendrairmunīndraiḥ pūjitā vraja | siddhairguṇairbalairbuddhyā jñānayogaiśca vidyayā

Sanskrit only: no published translation is held for this verse.

तात सर्वप्रकारेण वन्द्या सत्सदृशी प्रिया । इत्येवं कथितं नन्द ब्रह्माण्डानां च वर्णनम् ।। यथोचितं परिमितं किं भूयः श्रोतुमिच्छसि

tāta sarvaprakāreṇa vandyā satsadṛśī priyā | ityevaṃ kathitaṃ nanda brahmāṇḍānāṃ ca varṇanam || yathocitaṃ parimitaṃ kiṃ bhūyaḥ śrotumicchasi

Sanskrit only: no published translation is held for this verse.