Library·Brahmavaivarta Purāṇa·4·4.88
श्रीकृष्णा उवाच चेतनं कुरु हे तात हे तात चेतनं कुरु । जलबुद्बुदवत्सर्वं संसारं सचराचरम्
śrīkṛṣṇā uvāca cetanaṃ kuru he tāta he tāta cetanaṃ kuru | jalabudbudavatsarvaṃ saṃsāraṃ sacarācaram
Sanskrit only: no published translation is held for this verse.
त्याज मोहं महाभाग मायां स्तौहि परत्परामा । ब्रह्मस्वरूपां परमां सर्वमोहनिकृन्तनीम्
tyāja mohaṃ mahābhāga māyāṃ stauhi paratparāmā | brahmasvarūpāṃ paramāṃ sarvamohanikṛntanīm
Sanskrit only: no published translation is held for this verse.
मुक्तिप्रदां महाभागां विष्णुमायां सनातनीम् । त्रिपुरस्य वधे घोरे महायुद्धे भयाकुले
muktipradāṃ mahābhāgāṃ viṣṇumāyāṃ sanātanīm | tripurasya vadhe ghore mahāyuddhe bhayākule
Sanskrit only: no published translation is held for this verse.
येन स्तोत्रेण संभुश्च तया दैत्यं जघान सः । स्तोत्रराजं प्रदास्यामि सर्वमोहनिकृन्तनम् ।। सर्ववाञ्छाप्रदं नन्द श्रूयतामत्र संसदि
yena stotreṇa saṃbhuśca tayā daityaṃ jaghāna saḥ | stotrarājaṃ pradāsyāmi sarvamohanikṛntanam || sarvavāñchāpradaṃ nanda śrūyatāmatra saṃsadi
Sanskrit only: no published translation is held for this verse.
नन्द उवाच सर्वविघ्नविनाशाय दुःखप्रशमनाय च । विभूतये च यशसे नृणां वाञ्छितसिद्धये
nanda uvāca sarvavighnavināśāya duḥkhapraśamanāya ca | vibhūtaye ca yaśase nṛṇāṃ vāñchitasiddhaye
Sanskrit only: no published translation is held for this verse.
स्तोत्रमेकं महादेव्या जगन्मातुर्जगत्प्रभो । परं दुर्गतिनाशिन्या गोपनीयं सुदुर्लभम्
stotramekaṃ mahādevyā jaganmāturjagatprabho | paraṃ durgatināśinyā gopanīyaṃ sudurlabham
Sanskrit only: no published translation is held for this verse.
देहि मर्ह्य विनीताय भक्ताय भक्तवत्सल । वेदानां जनकस्त्वं च निर्गुणाश्च परात्परः
dehi marhya vinītāya bhaktāya bhaktavatsala | vedānāṃ janakastvaṃ ca nirguṇāśca parātparaḥ
Sanskrit only: no published translation is held for this verse.
श्रीभगवानुवाच श्रुणु वक्ष्यामि दैश्येन्द्र स्तोत्रं यत्परमाद्भुतम् । सर्वविघ्नविनाशार्थं मोहपाशनिकृन्तनम्
śrībhagavānuvāca śruṇu vakṣyāmi daiśyendra stotraṃ yatparamādbhutam | sarvavighnavināśārthaṃ mohapāśanikṛntanam
Sanskrit only: no published translation is held for this verse.
रणत्रस्तेन विभुना शंकरेण पुरा कृतम् । नारायणोपदेशेन प्रेरितेन च ब्रह्मणा
raṇatrastena vibhunā śaṃkareṇa purā kṛtam | nārāyaṇopadeśena preritena ca brahmaṇā
Sanskrit only: no published translation is held for this verse.
शत्रुग्रस्तं शिवं दृष्ट्वा स ब्रह्माणमुवाच ह । उवाच शंकरं ब्रह्मा रथस्थं पतितं रणे
śatrugrastaṃ śivaṃ dṛṣṭvā sa brahmāṇamuvāca ha | uvāca śaṃkaraṃ brahmā rathasthaṃ patitaṃ raṇe
Sanskrit only: no published translation is held for this verse.
सुरसंकटशान्त्यर्थं दुर्गा दुर्गतिनाशिनीम् । मूलप्रकृतिमाद्यां तां स्तौ(स्तु) हि ब्रह्मस्वरूपिणीम्
surasaṃkaṭaśāntyarthaṃ durgā durgatināśinīm | mūlaprakṛtimādyāṃ tāṃ stau(stu) hi brahmasvarūpiṇīm
Sanskrit only: no published translation is held for this verse.
हरिणा प्रेरितोऽहं च त्वां वदामि सुरेश्वर । विना शक्तिसहायेन को वा कं जेतुमीश्वरः
hariṇā prerito'haṃ ca tvāṃ vadāmi sureśvara | vinā śaktisahāyena ko vā kaṃ jetumīśvaraḥ
Sanskrit only: no published translation is held for this verse.
ब्रह्मणश्च वचः श्रुत्वा दुर्गां सस्मार शंकरः । पुटाञ्जलिपरो भूत्वा भक्तिनम्रत्मकंधरः
brahmaṇaśca vacaḥ śrutvā durgāṃ sasmāra śaṃkaraḥ | puṭāñjaliparo bhūtvā bhaktinamratmakaṃdharaḥ
Sanskrit only: no published translation is held for this verse.
स्नातःपादौ च प्रक्षाल्य धृत्वा धौते वाससी । आचान्तः कुशहस्तश्च शुचिर्विष्णुं च संस्मरन्
snātaḥpādau ca prakṣālya dhṛtvā dhaute vāsasī | ācāntaḥ kuśahastaśca śucirviṣṇuṃ ca saṃsmaran
Sanskrit only: no published translation is held for this verse.
महादेव उवाच रक्ष रक्ष महादेवि दुर्गे दुर्गतिनाशिनि । मां भक्तमनुरक्तं च शत्रुग्रस्ते कृपामयि
mahādeva uvāca rakṣa rakṣa mahādevi durge durgatināśini | māṃ bhaktamanuraktaṃ ca śatrugraste kṛpāmayi
Sanskrit only: no published translation is held for this verse.
विष्णुमाये महाभागे नारायणि सनातनि । ब्रह्मस्वरूपे परमे नित्यानन्दस्वरूपिणि
viṣṇumāye mahābhāge nārāyaṇi sanātani | brahmasvarūpe parame nityānandasvarūpiṇi
Sanskrit only: no published translation is held for this verse.
त्वं च ब्रह्मादिदेवानामम्बिके जगदम्बिके । त्वं संहारे च गुणतो निराकारे च निर्गुणात्
tvaṃ ca brahmādidevānāmambike jagadambike | tvaṃ saṃhāre ca guṇato nirākāre ca nirguṇāt
Sanskrit only: no published translation is held for this verse.
मायया पुरुषस्त्वं च मायया प्रकृतिः स्वयम् । तयोः परं ब्रह्म परं त्वं बिभर्षि सनातनि
māyayā puruṣastvaṃ ca māyayā prakṛtiḥ svayam | tayoḥ paraṃ brahma paraṃ tvaṃ bibharṣi sanātani
Sanskrit only: no published translation is held for this verse.
वेदानां जननी त्वं च सावित्री च परात्परा । वैकुण्ठे च महालक्ष्मीः सर्वमंपत्स्वरूपिणी
vedānāṃ jananī tvaṃ ca sāvitrī ca parātparā | vaikuṇṭhe ca mahālakṣmīḥ sarvamaṃpatsvarūpiṇī
Sanskrit only: no published translation is held for this verse.
मर्त्यलक्ष्मीश्च क्षीरोदे कामिनी शेषशायिनः । स्वर्गेषु स्वर्गलक्ष्मीस्त्वं राजलक्ष्मीश्च भूतले
martyalakṣmīśca kṣīrode kāminī śeṣaśāyinaḥ | svargeṣu svargalakṣmīstvaṃ rājalakṣmīśca bhūtale
Sanskrit only: no published translation is held for this verse.
नागादिलक्ष्मीः पाताले गृहेषु गृहदेवता । सर्वसस्यस्वरूपा त्वं सर्वैश्वर्यविधायिनी
nāgādilakṣmīḥ pātāle gṛheṣu gṛhadevatā | sarvasasyasvarūpā tvaṃ sarvaiśvaryavidhāyinī
Sanskrit only: no published translation is held for this verse.
रागाधिष्ठातृदेवी त्वं ब्रह्मणश्च सरस्वती । प्राणानामधिदेपी त्वं कृष्णस्य परमात्मनः
rāgādhiṣṭhātṛdevī tvaṃ brahmaṇaśca sarasvatī | prāṇānāmadhidepī tvaṃ kṛṣṇasya paramātmanaḥ
Sanskrit only: no published translation is held for this verse.
गोलोके च स्वयं राधा श्रीकृष्णस्यैव वक्षसि । गोलोकाधिष्ठिता देवी दृन्दा दृन्दावने वने
goloke ca svayaṃ rādhā śrīkṛṣṇasyaiva vakṣasi | golokādhiṣṭhitā devī dṛndā dṛndāvane vane
Sanskrit only: no published translation is held for this verse.
श्रीरासमण्डले रम्या वृन्दावनविनोदिनी । शतशृङ्गाधिदेवी त्वं नाम्ना चित्रावलीति च
śrīrāsamaṇḍale ramyā vṛndāvanavinodinī | śataśṛṅgādhidevī tvaṃ nāmnā citrāvalīti ca
Sanskrit only: no published translation is held for this verse.
दक्षकन्या कुत्रकल्पे कुत्रकल्पे च शैलजा । देवमाताऽदितिस्त्वं च सर्वाधारा वसुंधरा
dakṣakanyā kutrakalpe kutrakalpe ca śailajā | devamātā'ditistvaṃ ca sarvādhārā vasuṃdharā
Sanskrit only: no published translation is held for this verse.
त्वमेव गङ्गा तुलसी त्वं च स्वाहा सती । त्वदंशांशांशकलया सर्वदेवादियोषितः
tvameva gaṅgā tulasī tvaṃ ca svāhā satī | tvadaṃśāṃśāṃśakalayā sarvadevādiyoṣitaḥ
Sanskrit only: no published translation is held for this verse.
स्त्रीरूपं चातिपुंरूपं देवि त्वं च नपुंसकम् । वृक्षाणां वृङरूपा त्वं सृष्टा चाङ्कुररूपिणी
strīrūpaṃ cātipuṃrūpaṃ devi tvaṃ ca napuṃsakam | vṛkṣāṇāṃ vṛṅarūpā tvaṃ sṛṣṭā cāṅkurarūpiṇī
Sanskrit only: no published translation is held for this verse.
वह्नौ च दाहिका शक्तिर्जले शैत्यस्वरूपिणी । सूर्ये तेजः स्वरूपा च प्रभारूपा च संततम्
vahnau ca dāhikā śaktirjale śaityasvarūpiṇī | sūrye tejaḥ svarūpā ca prabhārūpā ca saṃtatam
Sanskrit only: no published translation is held for this verse.
गन्धरूपा च भूमौ च आकाशे शब्दरूपिणी । शोभास्वरूपा चन्द्रे च पद्मसंघे च निश्चितम्
gandharūpā ca bhūmau ca ākāśe śabdarūpiṇī | śobhāsvarūpā candre ca padmasaṃghe ca niścitam
Sanskrit only: no published translation is held for this verse.
सृष्टौ सृष्टिस्वरूपा च पालने परिपालिका । महामारी च संहारे जले च जलरूपिणी
sṛṣṭau sṛṣṭisvarūpā ca pālane paripālikā | mahāmārī ca saṃhāre jale ca jalarūpiṇī
Sanskrit only: no published translation is held for this verse.
क्षुत्तवं दया त्वं निद्रा त्वं तृष्णा त्वं बुद्धिरूपिणी । तुष्टिस्त्वं चापि पुष्टिस्त्वं श्रद्धास्त्वं च क्षमा स्वयम्
kṣuttavaṃ dayā tvaṃ nidrā tvaṃ tṛṣṇā tvaṃ buddhirūpiṇī | tuṣṭistvaṃ cāpi puṣṭistvaṃ śraddhāstvaṃ ca kṣamā svayam
Sanskrit only: no published translation is held for this verse.
शान्तिस्त्वं च स्वयं भ्रान्तिः कान्तिस्तवं कीर्तिरेव च । लज्जा त्वं च तथा माया भुक्ति- ।। सुक्तिस्वरूपिणी
śāntistvaṃ ca svayaṃ bhrāntiḥ kāntistavaṃ kīrtireva ca | lajjā tvaṃ ca tathā māyā bhukti- || suktisvarūpiṇī
Sanskrit only: no published translation is held for this verse.
सर्वशक्तिस्वरूपा त्वं सर्वसंबत्प्रदायिनी । वेदेऽनिर्वचनीया त्वं त्वां न जानाति कश्चन
sarvaśaktisvarūpā tvaṃ sarvasaṃbatpradāyinī | vede'nirvacanīyā tvaṃ tvāṃ na jānāti kaścana
Sanskrit only: no published translation is held for this verse.
सहस्र वक्त्रस्त्वां स्तोतुं न च शक्तः सुरेश्वरि । वेदा न शक्ताः को विद्वान्न च शक्ता सरस्वती
sahasra vaktrastvāṃ stotuṃ na ca śaktaḥ sureśvari | vedā na śaktāḥ ko vidvānna ca śaktā sarasvatī
Sanskrit only: no published translation is held for this verse.
स्वयं विधाता शक्तो न न च विष्णुः मनातनः । किं स्तौमि पञ्चवक्त्रैस्तु रणत्रस्तो महेश्वरि
svayaṃ vidhātā śakto na na ca viṣṇuḥ manātanaḥ | kiṃ staumi pañcavaktraistu raṇatrasto maheśvari
Sanskrit only: no published translation is held for this verse.
कृपां कुरु महामाये मम शत्रुक्षयं कुरु । इत्युक्त्वा च सकरुणं रथस्थे पतिते रणे
kṛpāṃ kuru mahāmāye mama śatrukṣayaṃ kuru | ityuktvā ca sakaruṇaṃ rathasthe patite raṇe
Sanskrit only: no published translation is held for this verse.
आविर्बभूव सा दुर्गा सूर्यकोटिसमप्रभा । नारायणेन कृपया प्रेरिता परमात्मना
āvirbabhūva sā durgā sūryakoṭisamaprabhā | nārāyaṇena kṛpayā preritā paramātmanā
Sanskrit only: no published translation is held for this verse.
शिवस्य पुरतः शीघ्रं शिवाय च जयाय च । इत्युवाच महादेवी मायाशक्त्याऽसुरं जहि
śivasya purataḥ śīghraṃ śivāya ca jayāya ca | ityuvāca mahādevī māyāśaktyā'suraṃ jahi
Sanskrit only: no published translation is held for this verse.
दुर्गोवाच वरं वृणीष्व भद्रं ते यत्ते मनसि वाञ्छितम् । भवान्वरः सुराणां च जयं तुभ्यं ददाम्यहम्
durgovāca varaṃ vṛṇīṣva bhadraṃ te yatte manasi vāñchitam | bhavānvaraḥ surāṇāṃ ca jayaṃ tubhyaṃ dadāmyaham
Sanskrit only: no published translation is held for this verse.
महादेव उवाच क्षयो भवतु दैत्यस्य इति मे वरमीश्वरी । देहीति वाञ्छितं दुर्गे परमाद्ये मलातनि
mahādeva uvāca kṣayo bhavatu daityasya iti me varamīśvarī | dehīti vāñchitaṃ durge paramādye malātani
Sanskrit only: no published translation is held for this verse.
भगवत्युवाच हरिं स्मर महाभागा जय दैत्यं जगद्गुरुः । स्वयं विधाता भगवांस्त्वमेव ज्योतिरीश्वरः
bhagavatyuvāca hariṃ smara mahābhāgā jaya daityaṃ jagadguruḥ | svayaṃ vidhātā bhagavāṃstvameva jyotirīśvaraḥ
Sanskrit only: no published translation is held for this verse.
एतस्मिन्नन्तरे विष्णुर्वृषरूपो बभूव ह । दधार कलया मूर्ध्ना शूलपाणे रथं विभुः
etasminnantare viṣṇurvṛṣarūpo babhūva ha | dadhāra kalayā mūrdhnā śūlapāṇe rathaṃ vibhuḥ
Sanskrit only: no published translation is held for this verse.
ऊर्ध्वचक्रमथोग्रं च प्रकृतिं च चकार सः । शस्त्रं ददौ मन्त्रपूतमुद्दधार ततो रथम्
ūrdhvacakramathograṃ ca prakṛtiṃ ca cakāra saḥ | śastraṃ dadau mantrapūtamuddadhāra tato ratham
Sanskrit only: no published translation is held for this verse.
शिवः शस्त्रं गृहीत्वा च ध्यात्वा विष्णुं महेश्वरीम् । जघान त्रिपुरं शीघ्रं स पपात महीतले
śivaḥ śastraṃ gṛhītvā ca dhyātvā viṣṇuṃ maheśvarīm | jaghāna tripuraṃ śīghraṃ sa papāta mahītale
Sanskrit only: no published translation is held for this verse.
तुष्टुवुः शंकरं देवाश्चकुश्च पुष्पवर्षणम् । दुर्गा तस्मै ददौ शूरं पिनाकं विष्णुरेव च
tuṣṭuvuḥ śaṃkaraṃ devāścakuśca puṣpavarṣaṇam | durgā tasmai dadau śūraṃ pinākaṃ viṣṇureva ca
Sanskrit only: no published translation is held for this verse.
ब्रह्मा शुभाशिषं चैव मुनयश्चापि हर्षिताः । ननृतुर्देवताः सर्वा जगुर्गन्धर्वकिन्नराः
brahmā śubhāśiṣaṃ caiva munayaścāpi harṣitāḥ | nanṛturdevatāḥ sarvā jagurgandharvakinnarāḥ
Sanskrit only: no published translation is held for this verse.
एतस्मिन्नन्तरे तात स्तवराजमनुत्तमम् । विघ्नविघ्नकरं शीघ्रं शत्रुसंहारकारणम्
etasminnantare tāta stavarājamanuttamam | vighnavighnakaraṃ śīghraṃ śatrusaṃhārakāraṇam
Sanskrit only: no published translation is held for this verse.
परमैश्वर्यजनकं सुखदं परमं शुभम् । निर्वाणमोक्षदं चैव हरिभक्तिप्रदं ध्रुवम्
paramaiśvaryajanakaṃ sukhadaṃ paramaṃ śubham | nirvāṇamokṣadaṃ caiva haribhaktipradaṃ dhruvam
Sanskrit only: no published translation is held for this verse.
गोलोकवासदं चैव सर्वसिद्धिप्रदं वरम् । स्तोत्रराजप्रपठनात्प्रसन्ना पार्वती सदा
golokavāsadaṃ caiva sarvasiddhipradaṃ varam | stotrarājaprapaṭhanātprasannā pārvatī sadā
Sanskrit only: no published translation is held for this verse.
लोभमोहकामक्रोधकर्ममूलनिकृन्तनम् । बलबुद्धिकरं चैव जन्ममृत्युविनाशनम्
lobhamohakāmakrodhakarmamūlanikṛntanam | balabuddhikaraṃ caiva janmamṛtyuvināśanam
Sanskrit only: no published translation is held for this verse.
धनपुत्रप्रियाभूमिसर्वसंपत्प्रदं नृणाम् । शोकदुःखहरं चैव सर्वामिद्धिप्रदं वरम्
dhanaputrapriyābhūmisarvasaṃpatpradaṃ nṛṇām | śokaduḥkhaharaṃ caiva sarvāmiddhipradaṃ varam
Sanskrit only: no published translation is held for this verse.
स्तोत्रराजप्रपठनान्महावन्ध्या प्रसूयते । वन्धनान्मुच्यते दुःखी भयान्मुच्येत निश्चितम्
stotrarājaprapaṭhanānmahāvandhyā prasūyate | vandhanānmucyate duḥkhī bhayānmucyeta niścitam
Sanskrit only: no published translation is held for this verse.
रोगाद्विमुच्यते रोगी दरिद्रश्च धनी भवेन् । दावाग्निमध्ये न मृतो मग्नः पोतो महार्णवे
rogādvimucyate rogī daridraśca dhanī bhaven | dāvāgnimadhye na mṛto magnaḥ poto mahārṇave
Sanskrit only: no published translation is held for this verse.
दस्युग्रस्तो निपुग्रस्तो हिंस्रजन्तुसमन्वितः । स्तोत्रेणानेन वैश्येन्द्र कल्याणं लभते नरः
dasyugrasto nipugrasto hiṃsrajantusamanvitaḥ | stotreṇānena vaiśyendra kalyāṇaṃ labhate naraḥ
Sanskrit only: no published translation is held for this verse.
तैजसानां यथा रत्नमाश्रमाणां द्विजो यथा । नदीनां च यथा गङ्गा मन्त्राणां प्रणवो यथा
taijasānāṃ yathā ratnamāśramāṇāṃ dvijo yathā | nadīnāṃ ca yathā gaṅgā mantrāṇāṃ praṇavo yathā
Sanskrit only: no published translation is held for this verse.
तुलसी सर्वपत्राणां धराणां च वसुंधरा । पुष्पाणां पारिजातं च काष्ठानां चन्दनं यथा
tulasī sarvapatrāṇāṃ dharāṇāṃ ca vasuṃdharā | puṣpāṇāṃ pārijātaṃ ca kāṣṭhānāṃ candanaṃ yathā
Sanskrit only: no published translation is held for this verse.
विष्णुपूजा च तपसां व्रतेष्वेकादशी यथा । ज्ञानिनां च यथा शंभुः सिद्धानां च गणेश्वरः
viṣṇupūjā ca tapasāṃ vrateṣvekādaśī yathā | jñānināṃ ca yathā śaṃbhuḥ siddhānāṃ ca gaṇeśvaraḥ
Sanskrit only: no published translation is held for this verse.
देवानां च यथा विष्णुर्वेदाः शास्त्रेषु तन्त्रतः । देवीनां च यथा दुर्गा शान्तानां कमला यथा
devānāṃ ca yathā viṣṇurvedāḥ śāstreṣu tantrataḥ | devīnāṃ ca yathā durgā śāntānāṃ kamalā yathā
Sanskrit only: no published translation is held for this verse.
सरस्वती च विदुषां राधिका सुन्दरीषु च । तथा स्तोत्रेष्विदं स्तोत्रं नातः परतरं व्रज
sarasvatī ca viduṣāṃ rādhikā sundarīṣu ca | tathā stotreṣvidaṃ stotraṃ nātaḥ parataraṃ vraja
Sanskrit only: no published translation is held for this verse.
पुरा दत्तं ब्रह्मणे च पुष्करे सूर्यपर्वणि । दैत्यग्रस्ताय भीताय सर्वदुर्गहरं परम्
purā dattaṃ brahmaṇe ca puṣkare sūryaparvaṇi | daityagrastāya bhītāya sarvadurgaharaṃ param
Sanskrit only: no published translation is held for this verse.
शिवाय शत्रुग्रस्ताय ददौ ब्रह्मा मदाज्ञया । शिवश्च सनकादिभ्यः पुरा दुर्वाससे ददौ
śivāya śatrugrastāya dadau brahmā madājñayā | śivaśca sanakādibhyaḥ purā durvāsase dadau
Sanskrit only: no published translation is held for this verse.
सनत्कुमारो भगवान्कृपया गौतमाय च । पुलहाय पुलस्त्याय ददौ चाङ्गिरसे मुदा
sanatkumāro bhagavānkṛpayā gautamāya ca | pulahāya pulastyāya dadau cāṅgirase mudā
Sanskrit only: no published translation is held for this verse.
तथा यन्द्राय सूर्याय सूर्यश्चापि यमाय च । यमाश्च चित्रगुप्ताय कृपया च पुरा ददौ
tathā yandrāya sūryāya sūryaścāpi yamāya ca | yamāśca citraguptāya kṛpayā ca purā dadau
Sanskrit only: no published translation is held for this verse.
नित्यं पठिष्यसि स्तोत्रं गोलोकगमनाय वै । साक्षात्पश्यसि भो तात तामेव पार्वतीमिह
nityaṃ paṭhiṣyasi stotraṃ golokagamanāya vai | sākṣātpaśyasi bho tāta tāmeva pārvatīmiha
Sanskrit only: no published translation is held for this verse.
यस्मै कस्मै न दातव्यं पापिने गोपनं कुरु । नारायणस्य भक्ताय शान्ताय विदुषे तथा
yasmai kasmai na dātavyaṃ pāpine gopanaṃ kuru | nārāyaṇasya bhaktāya śāntāya viduṣe tathā
Sanskrit only: no published translation is held for this verse.
सर्वज्ञाय च विप्राय दातव्यं च प्रयत्नतः । विप्राय वृषवाहाय वृषलीवतये तथा
sarvajñāya ca viprāya dātavyaṃ ca prayatnataḥ | viprāya vṛṣavāhāya vṛṣalīvataye tathā
Sanskrit only: no published translation is held for this verse.
शूद्राणां सूपकाराय शूद्रक्षाद्धान्नभोजिने । कन्याविक्रचिणे चैव ब्राह्मणाय विशेषतः
śūdrāṇāṃ sūpakārāya śūdrakṣāddhānnabhojine | kanyāvikraciṇe caiva brāhmaṇāya viśeṣataḥ
Sanskrit only: no published translation is held for this verse.
सर्वसिद्धिं च लभते सिद्धस्तोत्रे भवेद्यदि । दशायुतजपेनैव सिद्धस्तोत्रो भवेन्नरः
sarvasiddhiṃ ca labhate siddhastotre bhavedyadi | daśāyutajapenaiva siddhastotro bhavennaraḥ
Sanskrit only: no published translation is held for this verse.
अग्निस्तमभं जलस्तम्भं मृत्स्तम्भं मनसस्तथा । अश्वमेधसहस्राच्च पृथिव्याश्च प्रदक्षिणात्
agnistamabhaṃ jalastambhaṃ mṛtstambhaṃ manasastathā | aśvamedhasahasrācca pṛthivyāśca pradakṣiṇāt
Sanskrit only: no published translation is held for this verse.
स्नानाच्च सर्वतीर्थानां स्तोत्रमेतच्च पुण्यदम् । दत्तं तुभ्यं मया तात मम प्राणसमं व्रज
snānācca sarvatīrthānāṃ stotrametacca puṇyadam | dattaṃ tubhyaṃ mayā tāta mama prāṇasamaṃ vraja
Sanskrit only: no published translation is held for this verse.
स्तवनं कुरु पार्वत्याश्चेदानीं मम संसदि । श्रीकृष्णस्य वचः श्रुत्वा नन्दस्तुष्टाव पार्वतीम्
stavanaṃ kuru pārvatyāścedānīṃ mama saṃsadi | śrīkṛṣṇasya vacaḥ śrutvā nandastuṣṭāva pārvatīm
Sanskrit only: no published translation is held for this verse.
स्तोत्रेणानेन विप्रेन्द्र सर्वसंपत्प्रदायिनीम् । वरं तस्मै ददौ दुर्गा गोलोकवासमीप्सितम्
stotreṇānena viprendra sarvasaṃpatpradāyinīm | varaṃ tasmai dadau durgā golokavāsamīpsitam
Sanskrit only: no published translation is held for this verse.
दुर्लभं परमं ज्ञानं वेदे यन्न श्रुतं मुने । राजेन्द्रत्वं गोकुले च कृष्णभक्तिं सुदुर्लभाम्
durlabhaṃ paramaṃ jñānaṃ vede yanna śrutaṃ mune | rājendratvaṃ gokule ca kṛṣṇabhaktiṃ sudurlabhām
Sanskrit only: no published translation is held for this verse.
तद्दास्वं चावि परतो महत्त्वं सिद्धमेव च । वरं दत्त्वा ययौ दुर्गा संभाष्य शंभुना सह
taddāsvaṃ cāvi parato mahattvaṃ siddhameva ca | varaṃ dattvā yayau durgā saṃbhāṣya śaṃbhunā saha
Sanskrit only: no published translation is held for this verse.
जग्मुर्देवाश्च मुनयः स्तुत्वा च नन्दनन्दनम् । उवाच नन्दं श्रीकृष्णो व्रज नन्द व्रजान्वितः ।। प्रहष्टस्त्यक्तमोहश्च बोधेन दुर्लभेन च
jagmurdevāśca munayaḥ stutvā ca nandanandanam | uvāca nandaṃ śrīkṛṣṇo vraja nanda vrajānvitaḥ || prahaṣṭastyaktamohaśca bodhena durlabhena ca
Sanskrit only: no published translation is held for this verse.
इति श्रीब्रह्मo महाo श्रीकृष्मजन्मखo उत्तo नारदनाo भगवन्नन्दसंo अष्टाशीतितमोऽध्यायः
iti śrībrahmao mahāo śrīkṛṣmajanmakhao uttao nāradanāo bhagavannandasaṃo aṣṭāśītitamo'dhyāyaḥ
Sanskrit only: no published translation is held for this verse.