Brahmavaivarta Purāṇa 4.89

श्रीकृष्ण उवाच गच्छ गच्छ गृहं गच्छ व्रजराज व्रजं व्रज । सर्वं तत्त्वं त्वया ज्ञातं दृष्टाश्च मुनयः सुराः

śrīkṛṣṇa uvāca gaccha gaccha gṛhaṃ gaccha vrajarāja vrajaṃ vraja | sarvaṃ tattvaṃ tvayā jñātaṃ dṛṣṭāśca munayaḥ surāḥ

Sanskrit only: no published translation is held for this verse.

श्रुतं मे धन्यमाख्यानं नानाख्यानं सुदुर्लभम् । दुर्गायाः स्तोत्रराजं च जन्मपाशनिकृन्तनम्

śrutaṃ me dhanyamākhyānaṃ nānākhyānaṃ sudurlabham | durgāyāḥ stotrarājaṃ ca janmapāśanikṛntanam

Sanskrit only: no published translation is held for this verse.

स्थितं तते निगदितं हर्षेण च सुखेन च । मत्कृतं बालभावेन चापराद्धं च तत्क्षणम्

sthitaṃ tate nigaditaṃ harṣeṇa ca sukhena ca | matkṛtaṃ bālabhāvena cāparāddhaṃ ca tatkṣaṇam

Sanskrit only: no published translation is held for this verse.

यत्सुखं न कृतं तात पित्रोश्च नृपमन्दिरे । कृतं सुखं तत्परं च स्वर्गादपि सुदुर्लभम्

yatsukhaṃ na kṛtaṃ tāta pitrośca nṛpamandire | kṛtaṃ sukhaṃ tatparaṃ ca svargādapi sudurlabham

Sanskrit only: no published translation is held for this verse.

मदीयं प्रियवाक्यं च प्रह्वत्वं विनयं नयम् । परिहासं बहतरं यशोदां गोपिकागणम्

madīyaṃ priyavākyaṃ ca prahvatvaṃ vinayaṃ nayam | parihāsaṃ bahataraṃ yaśodāṃ gopikāgaṇam

Sanskrit only: no published translation is held for this verse.

बालकानां समूहं च राधां चापि विशेषतः । एकत्र च स्थितं तेषु बन्धुवर्गेषु कर्मणा

bālakānāṃ samūhaṃ ca rādhāṃ cāpi viśeṣataḥ | ekatra ca sthitaṃ teṣu bandhuvargeṣu karmaṇā

Sanskrit only: no published translation is held for this verse.

इहैवापि सुखं भुक्त्वा गच्छ गोलोकमुत्तमम् । सार्ध यशोदया तात रोहिण्या गोपिकागणैः

ihaivāpi sukhaṃ bhuktvā gaccha golokamuttamam | sārdha yaśodayā tāta rohiṇyā gopikāgaṇaiḥ

Sanskrit only: no published translation is held for this verse.

गोपानां बालकैः सार्धं वृषभानेन गोपकैः । राधामात्रा कलावत्या राधया सह यास्यसि

gopānāṃ bālakaiḥ sārdhaṃ vṛṣabhānena gopakaiḥ | rādhāmātrā kalāvatyā rādhayā saha yāsyasi

Sanskrit only: no published translation is held for this verse.

रथानां शतलक्षं च गोलोकादागतं पितः । अमूल्यरत्ननिर्माणं हीरहारपरिष्कृतम्

rathānāṃ śatalakṣaṃ ca golokādāgataṃ pitaḥ | amūlyaratnanirmāṇaṃ hīrahārapariṣkṛtam

Sanskrit only: no published translation is held for this verse.

मणिमाणिक्यमुक्तानां मालाजालविभूषितम् । वह्निशुद्धांशुकै रम्यैराच्छन्नं पीतवर्णकैः

maṇimāṇikyamuktānāṃ mālājālavibhūṣitam | vahniśuddhāṃśukai ramyairācchannaṃ pītavarṇakaiḥ

Sanskrit only: no published translation is held for this verse.

पार्षदप्रवरै रम्यैर्वेष्टितं श्वेतचामरैः । सद्रत्नदर्पणै रम्यैर्गोपिकाभिश्च गोपकैः

pārṣadapravarai ramyairveṣṭitaṃ śvetacāmaraiḥ | sadratnadarpaṇai ramyairgopikābhiśca gopakaiḥ

Sanskrit only: no published translation is held for this verse.

वेष्टितं च तदारुह्य कौतुकाद्यास्यसि ध्रुवम् । त्यक्त्वा च पार्थिवं देहं दिव्यदेहं विधाय च

veṣṭitaṃ ca tadāruhya kautukādyāsyasi dhruvam | tyaktvā ca pārthivaṃ dehaṃ divyadehaṃ vidhāya ca

Sanskrit only: no published translation is held for this verse.

अयोनिसंभवा राधा राधामाता कलावती । यास्यत्येव हि तेनैव नित्यदेहेन निश्चितम्

ayonisaṃbhavā rādhā rādhāmātā kalāvatī | yāsyatyeva hi tenaiva nityadehena niścitam

Sanskrit only: no published translation is held for this verse.

पितृणां मानसी कन्या धन्या मान्या कलावती । धन्या च सीतामाता च दुर्गामाता च मेनका

pitṛṇāṃ mānasī kanyā dhanyā mānyā kalāvatī | dhanyā ca sītāmātā ca durgāmātā ca menakā

Sanskrit only: no published translation is held for this verse.

अयोनिसंभवा दुर्गा तारा सीता च सुन्दरी । अयोनिसंभवास्ताश्च धन्या मेना कलावती

ayonisaṃbhavā durgā tārā sītā ca sundarī | ayonisaṃbhavāstāśca dhanyā menā kalāvatī

Sanskrit only: no published translation is held for this verse.

इत्येव कथितं तात गोपनीयं सुदुर्लभम् । वरोऽयं तत्तस्तुभ्यं च मया च दुर्गया तथा

ityeva kathitaṃ tāta gopanīyaṃ sudurlabham | varo'yaṃ tattastubhyaṃ ca mayā ca durgayā tathā

Sanskrit only: no published translation is held for this verse.

श्रीकृष्णस्य वचः श्रुत्वा प्रत्युवाच व्रजेश्वरः । पुनरेव जगन्नाथं त द्भक्तो भक्तवात्सलम्

śrīkṛṣṇasya vacaḥ śrutvā pratyuvāca vrajeśvaraḥ | punareva jagannāthaṃ ta dbhakto bhaktavātsalam

Sanskrit only: no published translation is held for this verse.

नन्द उवाच युगानां च चतुर्णां च यं यं धर्म सनातनम् । क्रमेण कृष्ण विस्तीर्णं कृत्वा मां कथय प्रभो

nanda uvāca yugānāṃ ca caturṇāṃ ca yaṃ yaṃ dharma sanātanam | krameṇa kṛṣṇa vistīrṇaṃ kṛtvā māṃ kathaya prabho

Sanskrit only: no published translation is held for this verse.

कलिशेषे भवेद्यद्यद्गुणदोषं कलेस्तथा । का गतिर्वा पृथिव्याश्च धर्मस्य प्रणिनां तथा

kaliśeṣe bhavedyadyadguṇadoṣaṃ kalestathā | kā gatirvā pṛthivyāśca dharmasya praṇināṃ tathā

Sanskrit only: no published translation is held for this verse.

नन्दस्य वचनं श्रुत्वा हृष्टः कमललोचनः । कथां कथितुमारेभे विचित्रां मधुरान्विताम्

nandasya vacanaṃ śrutvā hṛṣṭaḥ kamalalocanaḥ | kathāṃ kathitumārebhe vicitrāṃ madhurānvitām

Sanskrit only: no published translation is held for this verse.

इति श्रीब्रह्मo महाo श्रीकृष्ण जन्मखo उत्तo नारदनाo भगवन्न- न्दसंo एकोननवतितमोऽध्यायः

iti śrībrahmao mahāo śrīkṛṣṇa janmakhao uttao nāradanāo bhagavanna- ndasaṃo ekonanavatitamo'dhyāyaḥ

Sanskrit only: no published translation is held for this verse.