Library·Brahmavaivarta Purāṇa·4·4.90
श्रीकृष्ण उवाच शृणु नन्द प्रवक्ष्यमि सानन्दं मानसं यथा । कथां रम्यां सुमधुरां पुराणेषु परिष्कृताम्
śrīkṛṣṇa uvāca śṛṇu nanda pravakṣyami sānandaṃ mānasaṃ yathā | kathāṃ ramyāṃ sumadhurāṃ purāṇeṣu pariṣkṛtām
Sanskrit only: no published translation is held for this verse.
परिपूर्णतमो धर्मो धार्मिकाश्च कृते युगे । परिपूर्णतमं सत्यं परिपूर्णतमा दया
paripūrṇatamo dharmo dhārmikāśca kṛte yuge | paripūrṇatamaṃ satyaṃ paripūrṇatamā dayā
Sanskrit only: no published translation is held for this verse.
अतीव प्रज्वलद्रूपा वेदाश्चत्वार एव च । वेदाङ्गाश्चापि पिपिधासाश्चेतिहासाच संहिताः
atīva prajvaladrūpā vedāścatvāra eva ca | vedāṅgāścāpi pipidhāsāścetihāsāca saṃhitāḥ
Sanskrit only: no published translation is held for this verse.
पुराणानि सुरम्याणि पञ्चरात्राणि पञ्च च । रुचिराणि सुभद्राणि धर्मशास्त्राणि यानि च
purāṇāni suramyāṇi pañcarātrāṇi pañca ca | rucirāṇi subhadrāṇi dharmaśāstrāṇi yāni ca
Sanskrit only: no published translation is held for this verse.
विप्रा वेदविदः सर्वे पुण्यवन्तस्तपस्विनः । नारायणं ते ध्यायन्ति तन्मन्त्रं च जपन्ति च
viprā vedavidaḥ sarve puṇyavantastapasvinaḥ | nārāyaṇaṃ te dhyāyanti tanmantraṃ ca japanti ca
Sanskrit only: no published translation is held for this verse.
ब्राह्मणाःक्षत्रिया वैश्याश्यतुर्वर्णाश्च वैष्णवाः । शूद्रा ब्राह्मणभृत्याश्च सत्यधर्मपरायणाछ
brāhmaṇāḥkṣatriyā vaiśyāśyaturvarṇāśca vaiṣṇavāḥ | śūdrā brāhmaṇabhṛtyāśca satyadharmaparāyaṇācha
Sanskrit only: no published translation is held for this verse.
राजानो धार्मिकाश्चैव प्रजापालनतत्पराः । गृह्णान्त्येव प्रजानां च षोडशांशकराषृपाः
rājāno dhārmikāścaiva prajāpālanatatparāḥ | gṛhṇāntyeva prajānāṃ ca ṣoḍaśāṃśakarāṣṛpāḥ
Sanskrit only: no published translation is held for this verse.
करशून्याश्च विप्राश्च पूज्याः स्वच्छन्दगामिनः । ततं सर्वसस्याढ्या रत्नाधारा वसुंधरा
karaśūnyāśca viprāśca pūjyāḥ svacchandagāminaḥ | tataṃ sarvasasyāḍhyā ratnādhārā vasuṃdharā
Sanskrit only: no published translation is held for this verse.
गुरुभक्ताश्च शिष्याश्च पितृभक्ताः सुतास्तथा । योषितः पतिभक्ताश्च पतिव्रतपरायणाः
gurubhaktāśca śiṣyāśca pitṛbhaktāḥ sutāstathā | yoṣitaḥ patibhaktāśca pativrataparāyaṇāḥ
Sanskrit only: no published translation is held for this verse.
ऋतौ संभोगिनः सर्वे न स्त्रीलुब्धा न लम्मपटाः । न भयं दस्युचौर्याणां न तत्र पारदारिकाः
ṛtau saṃbhoginaḥ sarve na strīlubdhā na lammapaṭāḥ | na bhayaṃ dasyucauryāṇāṃ na tatra pāradārikāḥ
Sanskrit only: no published translation is held for this verse.
तरवः पूर्णफलिनः पूर्णक्षीराश्च धेनवः । बलवन्तो जनाः सर्वे दीर्घाः सौन्दर्यसंयुताः
taravaḥ pūrṇaphalinaḥ pūrṇakṣīrāśca dhenavaḥ | balavanto janāḥ sarve dīrghāḥ saundaryasaṃyutāḥ
Sanskrit only: no published translation is held for this verse.
लक्षवर्षायुषः केचित्पुण्यवन्तो क्ष्यरोगिणः । यथा विप्रा विष्णुभक्ता स्त्रिवर्णां विष्णुसेविनः
lakṣavarṣāyuṣaḥ kecitpuṇyavanto kṣyarogiṇaḥ | yathā viprā viṣṇubhaktā strivarṇāṃ viṣṇusevinaḥ
Sanskrit only: no published translation is held for this verse.
जलपूर्णा नदा नद्यः संततं कंदरास्तथा । तीर्थपूताश्चतुर्वर्णास्तपः पूता द्विजातयः
jalapūrṇā nadā nadyaḥ saṃtataṃ kaṃdarāstathā | tīrthapūtāścaturvarṇāstapaḥ pūtā dvijātayaḥ
Sanskrit only: no published translation is held for this verse.
मनःपूताश्च निखिलाः खलहीनं जगत्त्रयम् । सत्कीर्तिपरिबूर्णं च यशस्यं मङ्गलान्वितम्
manaḥpūtāśca nikhilāḥ khalahīnaṃ jagattrayam | satkīrtiparibūrṇaṃ ca yaśasyaṃ maṅgalānvitam
Sanskrit only: no published translation is held for this verse.
पितरः सर्वकालेषु तिथिकालेषु देवताः । सर्वकालेष्वतिथयः पूजिताश्च गृहे गृहे
pitaraḥ sarvakāleṣu tithikāleṣu devatāḥ | sarvakāleṣvatithayaḥ pūjitāśca gṛhe gṛhe
Sanskrit only: no published translation is held for this verse.
त्रिवर्णा विप्रभक्ताश्च विप्रभोजतत्पराः । ब्राह्मणस्य मुखं क्षेत्रमनूषरमकण्टकम्
trivarṇā viprabhaktāśca viprabhojatatparāḥ | brāhmaṇasya mukhaṃ kṣetramanūṣaramakaṇṭakam
Sanskrit only: no published translation is held for this verse.
नारायणोत्कीर्तनेन हर्षयुक्तास्तदुत्सवे । न शत्रवो जनानां च सर्वे सर्वंहितैषिणः
nārāyaṇotkīrtanena harṣayuktāstadutsave | na śatravo janānāṃ ca sarve sarvaṃhitaiṣiṇaḥ
Sanskrit only: no published translation is held for this verse.
नाऽऽत्मप्रशंसकाः केचित्सर्वे परगुणोत्सुकाः । न देवानां द्विजानां च विदुषां तत्र निन्दकाः
nā''tmapraśaṃsakāḥ kecitsarve paraguṇotsukāḥ | na devānāṃ dvijānāṃ ca viduṣāṃ tatra nindakāḥ
Sanskrit only: no published translation is held for this verse.
पुरुषा योषितश्चापि न हि सूर्खाश्च पण्डिताः । न दुःखिनो जनाःसत्ये सर्वेषां रत्नमन्दिरम्
puruṣā yoṣitaścāpi na hi sūrkhāśca paṇḍitāḥ | na duḥkhino janāḥsatye sarveṣāṃ ratnamandiram
Sanskrit only: no published translation is held for this verse.
मणिमाणिक्यरत्नौघरत्नस्वर्णसमन्वितम् । न भिक्षुका न रोगार्ताः शोकहीनाश्चहर्षिताः
maṇimāṇikyaratnaugharatnasvarṇasamanvitam | na bhikṣukā na rogārtāḥ śokahīnāścaharṣitāḥ
Sanskrit only: no published translation is held for this verse.
न हि भूषणहीराश्च नरा नार्यश्च केचन । न पापिनो न धूर्ताश्च न क्षुधार्ता न कुत्सिताः
na hi bhūṣaṇahīrāśca narā nāryaśca kecana | na pāpino na dhūrtāśca na kṣudhārtā na kutsitāḥ
Sanskrit only: no published translation is held for this verse.
जराहीनाः प्राणिनश्च शश्वद्यौवनसंस्थिताः । आधिव्याधिविहीनाश्च निर्विकाराश्च देहिनः
jarāhīnāḥ prāṇinaśca śaśvadyauvanasaṃsthitāḥ | ādhivyādhivihīnāśca nirvikārāśca dehinaḥ
Sanskrit only: no published translation is held for this verse.
यदुक्तो वै सत्ययुगे धर्मः सत्यं दयादिकम् । पादहीनश्च त्रेतायां सत्यार्ध द्वापरेऽपि च
yadukto vai satyayuge dharmaḥ satyaṃ dayādikam | pādahīnaśca tretāyāṃ satyārdha dvāpare'pi ca
Sanskrit only: no published translation is held for this verse.
धर्मै कपाच्च प्रथमे कलेश्चातिकृशोऽबलः । दुष्टानां दस्युचौर्याणामङ्कुरः प्रभवेद्व्रज
dharmai kapācca prathame kaleścātikṛśo'balaḥ | duṣṭānāṃ dasyucauryāṇāmaṅkuraḥ prabhavedvraja
Sanskrit only: no published translation is held for this verse.
अधर्मनिरताः केचिद्भीताः संगोपिनस्तथा । भीता गुप्ताश्च पुंश्चल्यौ भीताश्च पारदारिकाः
adharmaniratāḥ kecidbhītāḥ saṃgopinastathā | bhītā guptāśca puṃścalyau bhītāśca pāradārikāḥ
Sanskrit only: no published translation is held for this verse.
धर्मिष्ठानां भयं शश्वदधर्मिष्ठाश्च कम्पिताः । स्वल्पधर्मरता भूपाः स्वल्पवेदरता द्विजाः
dharmiṣṭhānāṃ bhayaṃ śaśvadadharmiṣṭhāśca kampitāḥ | svalpadharmaratā bhūpāḥ svalpavedaratā dvijāḥ
Sanskrit only: no published translation is held for this verse.
व्रतधर्मरताः केचित्सर्वे स्वच्छन्दगामिनः । यावत्तिष्ठन्ति तीर्थानि यावत्तिष्ठन्ति साधवः
vratadharmaratāḥ kecitsarve svacchandagāminaḥ | yāvattiṣṭhanti tīrthāni yāvattiṣṭhanti sādhavaḥ
Sanskrit only: no published translation is held for this verse.
यावत्तिष्ठन्ति ग्रामाणां देवाः शास्त्राणि पूजनम् । तावत्किंचित्तपः सत्यं स्वर्गधर्माश एव च
yāvattiṣṭhanti grāmāṇāṃ devāḥ śāstrāṇi pūjanam | tāvatkiṃcittapaḥ satyaṃ svargadharmāśa eva ca
Sanskrit only: no published translation is held for this verse.
कलेर्दोषनिधेस्तात गुण एको महानपि। मानसं संभवेत्पुण्यं सुकृतं न हि दृष्कृतम्
kalerdoṣanidhestāta guṇa eko mahānapi| mānasaṃ saṃbhavetpuṇyaṃ sukṛtaṃ na hi dṛṣkṛtam
Sanskrit only: no published translation is held for this verse.
तीर्थादिके गते तात नष्टो धर्माश एव च । कलारूपश्च धर्मश्च यथा कुह्वां निशाकरः
tīrthādike gate tāta naṣṭo dharmāśa eva ca | kalārūpaśca dharmaśca yathā kuhvāṃ niśākaraḥ
Sanskrit only: no published translation is held for this verse.
नन्द उवाच तीर्थान्येतानि सर्वाणि तिष्ठन्त्येव कियद्दिनम् । साधवो ग्राम्यदेवाश्च शास्त्राण्येतानि वत्सक
nanda uvāca tīrthānyetāni sarvāṇi tiṣṭhantyeva kiyaddinam | sādhavo grāmyadevāśca śāstrāṇyetāni vatsaka
Sanskrit only: no published translation is held for this verse.
श्रीकृष्ण उवाच कलौ दशसहस्राणि हरिस्तिष्ठति मेदिनीम् । देवानां प्रतिमा बूज्या शास्त्राणि च पुराणकम्
śrīkṛṣṇa uvāca kalau daśasahasrāṇi haristiṣṭhati medinīm | devānāṃ pratimā būjyā śāstrāṇi ca purāṇakam
Sanskrit only: no published translation is held for this verse.
तदर्धमपि तीर्थानि गङ्गादीनि सुनिश्चितम् । तदर्ध ग्रामदेवाश्च वेदाश्च विदुषामपि
tadardhamapi tīrthāni gaṅgādīni suniścitam | tadardha grāmadevāśca vedāśca viduṣāmapi
Sanskrit only: no published translation is held for this verse.
अधर्मः परिबूर्णश्च तदन्ते च कलौ पितः । एकवर्णा भविष्यन्ति वर्णाश्चत्वार एव च
adharmaḥ paribūrṇaśca tadante ca kalau pitaḥ | ekavarṇā bhaviṣyanti varṇāścatvāra eva ca
Sanskrit only: no published translation is held for this verse.
न मन्त्रपूतोद्वाहश्च न हि सत्यं न य क्षमा । स्त्रीस्वीकाररतो नित्यं ग्राम्यधर्मप्रधानतः
na mantrapūtodvāhaśca na hi satyaṃ na ya kṣamā | strīsvīkārarato nityaṃ grāmyadharmapradhānataḥ
Sanskrit only: no published translation is held for this verse.
न यज्ञसूत्रं तिलकं ब्राह्मणनां च नित्यशः । संध्याशास्त्रविहीनाश्च विप्रवंशाःश्रुता अपि
na yajñasūtraṃ tilakaṃ brāhmaṇanāṃ ca nityaśaḥ | saṃdhyāśāstravihīnāśca vipravaṃśāḥśrutā api
Sanskrit only: no published translation is held for this verse.
सर्वैः सार्ध च सर्वेषां भक्षणं नियमच्युतम् । अभक्ष्यभक्षा लोकाश्च चतुर्वर्णाश्च लम्पटाः
sarvaiḥ sārdha ca sarveṣāṃ bhakṣaṇaṃ niyamacyutam | abhakṣyabhakṣā lokāśca caturvarṇāśca lampaṭāḥ
Sanskrit only: no published translation is held for this verse.
नारीषु न सती काचित्पुंश्चली च गृहे गृहे । करोति तर्जनं कान्तं भृत्यतुल्यं च कम्पितम्
nārīṣu na satī kācitpuṃścalī ca gṛhe gṛhe | karoti tarjanaṃ kāntaṃ bhṛtyatulyaṃ ca kampitam
Sanskrit only: no published translation is held for this verse.
जाराय दत्त्वा मिष्टान्नं ताम्बूलं वस्त्रचन्दनम् । न ददात्येव चाऽऽहारं स्वामिने दुःखिने पितः
jārāya dattvā miṣṭānnaṃ tāmbūlaṃ vastracandanam | na dadātyeva cā''hāraṃ svāmine duḥkhine pitaḥ
Sanskrit only: no published translation is held for this verse.
पुत्रेण भर्त्सितस्तातः शिष्येण भर्त्सितो गुरुः । प्रजाभिस्ताडितो भूपो भूपेन पीडिताः प्रजाः
putreṇa bhartsitastātaḥ śiṣyeṇa bhartsito guruḥ | prajābhistāḍito bhūpo bhūpena pīḍitāḥ prajāḥ
Sanskrit only: no published translation is held for this verse.
दस्युचोरेश्च दुष्टैश्च शिष्टाश्च परिपीडिताः । सस्यहीना च वसुधा क्षीरहीनाश्च धनेवः
dasyucoreśca duṣṭaiśca śiṣṭāśca paripīḍitāḥ | sasyahīnā ca vasudhā kṣīrahīnāśca dhanevaḥ
Sanskrit only: no published translation is held for this verse.
स्वल्पक्षीरे घृतं नास्ति नवनीतं च नित्यशः । सत्यहीना जनाः सर्वे नित्यं मिथ्या वदन्ति च
svalpakṣīre ghṛtaṃ nāsti navanītaṃ ca nityaśaḥ | satyahīnā janāḥ sarve nityaṃ mithyā vadanti ca
Sanskrit only: no published translation is held for this verse.
शौचसंध्याशास्त्रहीना ब्राह्मणा वृषवाहकाः । सूपकाराश्च शूद्राणां शूद्राणां शवदाहकाः
śaucasaṃdhyāśāstrahīnā brāhmaṇā vṛṣavāhakāḥ | sūpakārāśca śūdrāṇāṃ śūdrāṇāṃ śavadāhakāḥ
Sanskrit only: no published translation is held for this verse.
शूद्रस्त्रीनिरताः शश्वच्छूद्रा विप्रवधूरताः । खादन्ति यस्य विप्रस्य भक्ष्यं च परिपाचकाः
śūdrastrīniratāḥ śaśvacchūdrā vipravadhūratāḥ | khādanti yasya viprasya bhakṣyaṃ ca paripācakāḥ
Sanskrit only: no published translation is held for this verse.
मातुः परां तस्य पत्नीं शूद्रा गृह्णन्ति लम्पटाः । भृत्यश्च हत्वा राजानं स्वयं राजा भविष्यति
mātuḥ parāṃ tasya patnīṃ śūdrā gṛhṇanti lampaṭāḥ | bhṛtyaśca hatvā rājānaṃ svayaṃ rājā bhaviṣyati
Sanskrit only: no published translation is held for this verse.
नारी हत्वा पतिं कामाद्भजेज्जारं च कौतुकात् । पुत्रश्च पितरं हत्वा स्वयं भूपो भविष्यति
nārī hatvā patiṃ kāmādbhajejjāraṃ ca kautukāt | putraśca pitaraṃ hatvā svayaṃ bhūpo bhaviṣyati
Sanskrit only: no published translation is held for this verse.
सर्वे स्वच्छन्दनिरताः शिश्नोदरपरायणाः । वङ्खरा व्याधियुक्ताश्च कुत्सिताश्च कुचैलकाः
sarve svacchandaniratāḥ śiśnodaraparāyaṇāḥ | vaṅkharā vyādhiyuktāśca kutsitāśca kucailakāḥ
Sanskrit only: no published translation is held for this verse.
विक्षुण्णमन्त्रलिप्ताश्च मिथ्यामन्त्रप्रचारकाः । जातिहीनाश्च गुरवो वयोहीनाश्च निन्दकाः
vikṣuṇṇamantraliptāśca mithyāmantrapracārakāḥ | jātihīnāśca guravo vayohīnāśca nindakāḥ
Sanskrit only: no published translation is held for this verse.
राजानश्चापि मलेच्छाश्च यवना धर्मनिन्दकाः । सत्कीर्तिमपि साधूनां कुर्वन्त्युन्मूलनं मुदा
rājānaścāpi malecchāśca yavanā dharmanindakāḥ | satkīrtimapi sādhūnāṃ kurvantyunmūlanaṃ mudā
Sanskrit only: no published translation is held for this verse.
पितृदेवद्विजातीनामतिथीनां च नित्यशः । पूजा नास्ति गुरूणां च पित्रोश्च पूजनं स्त्रियाः
pitṛdevadvijātīnāmatithīnāṃ ca nityaśaḥ | pūjā nāsti gurūṇāṃ ca pitrośca pūjanaṃ striyāḥ
Sanskrit only: no published translation is held for this verse.
स्त्रीबन्धूनां गौरवं च स्त्रीणां च सततं पितः । चोरः सत्कुलजातिश्च ब्रह्मदेवस्वहारकः
strībandhūnāṃ gauravaṃ ca strīṇāṃ ca satataṃ pitaḥ | coraḥ satkulajātiśca brahmadevasvahārakaḥ
Sanskrit only: no published translation is held for this verse.
मानं वहन्ति लोभेन युगधर्मेण कौतुकात् । देवायतनहीनं च जगत्सर्व भयाकुलम्
mānaṃ vahanti lobhena yugadharmeṇa kautukāt | devāyatanahīnaṃ ca jagatsarva bhayākulam
Sanskrit only: no published translation is held for this verse.
अराजकं च दुर्नीतं संततं कलिदोषतः । बुभृक्षिताः कुचैलाश्च दरिद्रा व्याधिनो नराः
arājakaṃ ca durnītaṃ saṃtataṃ kalidoṣataḥ | bubhṛkṣitāḥ kucailāśca daridrā vyādhino narāḥ
Sanskrit only: no published translation is held for this verse.
कपर्दकघटाध्यक्षो राजेन्द्रो हि घटेश्वरः । वृद्धाङ्गुष्टसमा लोका वृक्षाःशाकसमास्तथा
kapardakaghaṭādhyakṣo rājendro hi ghaṭeśvaraḥ | vṛddhāṅguṣṭasamā lokā vṛkṣāḥśākasamāstathā
Sanskrit only: no published translation is held for this verse.
तालानां नारिकेलाणां पनसानां तथैव च । फलानि सर्षपाण्येव तत्क्षुद्रं च ततः परम्
tālānāṃ nārikelāṇāṃ panasānāṃ tathaiva ca | phalāni sarṣapāṇyeva tatkṣudraṃ ca tataḥ param
Sanskrit only: no published translation is held for this verse.
जलभाजनपात्रेण सस्येन वाससा तथा । विहीनं मन्दिरं सर्वं गृहाणामपरिष्कृतम्
jalabhājanapātreṇa sasyena vāsasā tathā | vihīnaṃ mandiraṃ sarvaṃ gṛhāṇāmapariṣkṛtam
Sanskrit only: no published translation is held for this verse.
गन्धकेन परिवृतं दीपहीनं तमेयुतम् । हिंस्रजन्तुभयाद्भीता जनाः सर्वे च पापिनः
gandhakena parivṛtaṃ dīpahīnaṃ tameyutam | hiṃsrajantubhayādbhītā janāḥ sarve ca pāpinaḥ
Sanskrit only: no published translation is held for this verse.
सर्वे च कलहाविष्टा पुंश्चल्यः कलहप्रियाः । रूपवत्यो न कामिन्यो नराश्चापि न रूपिणः
sarve ca kalahāviṣṭā puṃścalyaḥ kalahapriyāḥ | rūpavatyo na kāminyo narāścāpi na rūpiṇaḥ
Sanskrit only: no published translation is held for this verse.
नद्यो नदाः कंदराश्च तडागाश्च सरोवराः । जलपद्मविहीनाश्च जलहीना धनास्तथा
nadyo nadāḥ kaṃdarāśca taḍāgāśca sarovarāḥ | jalapadmavihīnāśca jalahīnā dhanāstathā
Sanskrit only: no published translation is held for this verse.
अपत्यहीना नार्यश्च कामुक्यो जारसंयुताः । अश्वत्थच्छेदिनः सर्वे वृक्षहीना वसुंधरा
apatyahīnā nāryaśca kāmukyo jārasaṃyutāḥ | aśvatthacchedinaḥ sarve vṛkṣahīnā vasuṃdharā
Sanskrit only: no published translation is held for this verse.
फलहीनाश्च तरवः शाखाः स्कन्धविहीनकाः । फलानि स्वादुहीनानि चान्नानि च जलानि च
phalahīnāśca taravaḥ śākhāḥ skandhavihīnakāḥ | phalāni svāduhīnāni cānnāni ca jalāni ca
Sanskrit only: no published translation is held for this verse.
मानवाः कटुवक्तारो निर्दया धर्मवर्जिताः । तदन्ते द्वादाशादित्याः संहरिष्यन्ति मानवान्
mānavāḥ kaṭuvaktāro nirdayā dharmavarjitāḥ | tadante dvādāśādityāḥ saṃhariṣyanti mānavān
Sanskrit only: no published translation is held for this verse.
सर्वाञ्जन्तुंश्च तापेन बहुवृष्ट्या व्रजेश्वर । अवशिष्टा च पृथिवी कथामात्रावशेषिता
sarvāñjantuṃśca tāpena bahuvṛṣṭyā vrajeśvara | avaśiṣṭā ca pṛthivī kathāmātrāvaśeṣitā
Sanskrit only: no published translation is held for this verse.
कलौ गते च पृथिवी क्षेत्रं वर्षागते तथा । पुनः सत्यप्रवृत्तिश्च भविष्यति क्रमेण वै
kalau gate ca pṛthivī kṣetraṃ varṣāgate tathā | punaḥ satyapravṛttiśca bhaviṣyati krameṇa vai
Sanskrit only: no published translation is held for this verse.
इत्येवं कथितं सर्वं गच्छ तात व्रजं सुखम् । अहं दुग्धमुखो बालःपुत्रस्ते कथयामि किम्
ityevaṃ kathitaṃ sarvaṃ gaccha tāta vrajaṃ sukham | ahaṃ dugdhamukho bālaḥputraste kathayāmi kim
Sanskrit only: no published translation is held for this verse.
नवनीतं घृतं दुग्धं दधि तक्रं परिष्कृतम् । स्वस्तिकं शुभकर्मार्हं मिष्टान्नं च सुधोपमम्
navanītaṃ ghṛtaṃ dugdhaṃ dadhi takraṃ pariṣkṛtam | svastikaṃ śubhakarmārhaṃ miṣṭānnaṃ ca sudhopamam
Sanskrit only: no published translation is held for this verse.
मिष्टद्रव्यं च यत्किंचित्पितृदेवनिमित्तकम् । भुक्तं बलाच्च तत्सर्व बालानां रोदनं बलम्
miṣṭadravyaṃ ca yatkiṃcitpitṛdevanimittakam | bhuktaṃ balācca tatsarva bālānāṃ rodanaṃ balam
Sanskrit only: no published translation is held for this verse.
तत्क्षमस्वापराधं मे बालदोषः पदे पदे । त्वं पिता तव पुत्रोऽहं यशोदा जननी मम
tatkṣamasvāparādhaṃ me bāladoṣaḥ pade pade | tvaṃ pitā tava putro'haṃ yaśodā jananī mama
Sanskrit only: no published translation is held for this verse.
मदीयं परिहासं च यशोदां रोहिणीं वद । कुमारास्याच्छ्रुतं सर्व सोऽहमित्येवमीप्सितम्
madīyaṃ parihāsaṃ ca yaśodāṃ rohiṇīṃ vada | kumārāsyācchrutaṃ sarva so'hamityevamīpsitam
Sanskrit only: no published translation is held for this verse.
कीर्तयिष्यसि तत्सर्व सर्व गोकुलवासिनम् । कालः करोति ससैर्ग बन्धूनां बन्धुभिः सह
kīrtayiṣyasi tatsarva sarva gokulavāsinam | kālaḥ karoti sasairga bandhūnāṃ bandhubhiḥ saha
Sanskrit only: no published translation is held for this verse.
कालः करोति विच्छेदं विरोधं प्रीतिमेव च । कालः सृष्टिं च कुरुते कालश्च परिपालनम्
kālaḥ karoti vicchedaṃ virodhaṃ prītimeva ca | kālaḥ sṛṣṭiṃ ca kurute kālaśca paripālanam
Sanskrit only: no published translation is held for this verse.
कालः करोति सानन्दं कालः संहरते प्रजाः । सुखं दुःखं भयं शोकं जरां मृत्युं च जन्म च
kālaḥ karoti sānandaṃ kālaḥ saṃharate prajāḥ | sukhaṃ duḥkhaṃ bhayaṃ śokaṃ jarāṃ mṛtyuṃ ca janma ca
Sanskrit only: no published translation is held for this verse.
सर्वं कर्मानुरोधेन काल एव करोति च । सर्वं कालकृतं तात विस्मयं न व्रजं व्रज
sarvaṃ karmānurodhena kāla eva karoti ca | sarvaṃ kālakṛtaṃ tāta vismayaṃ na vrajaṃ vraja
Sanskrit only: no published translation is held for this verse.
कुतस्त्वं गोकुले वैश्यो नन्दो वैश्याधिपो नृपः । वसुदेवसुतोऽचहं च मथुरायामहो कुतः
kutastvaṃ gokule vaiśyo nando vaiśyādhipo nṛpaḥ | vasudevasuto'cahaṃ ca mathurāyāmaho kutaḥ
Sanskrit only: no published translation is held for this verse.
पिता मे कंसभीतेन त्वद्गृहे च समप्रितः । पितु परः पिता त्वं च माता मातुः पराऽपिवा
pitā me kaṃsabhītena tvadgṛhe ca samapritaḥ | pitu paraḥ pitā tvaṃ ca mātā mātuḥ parā'pivā
Sanskrit only: no published translation is held for this verse.
मया दत्तेन ज्ञानेन पार्वत्या च व्रजेश्वर । त्यज मोहं महाभाग गच्छ तात सुखं गृहम्
mayā dattena jñānena pārvatyā ca vrajeśvara | tyaja mohaṃ mahābhāga gaccha tāta sukhaṃ gṛham
Sanskrit only: no published translation is held for this verse.
नन्द उवाच स्मर वृन्दावनं तात रम्यं पुण्यं महोत्सवम् । गोकुलं गोकुलं रम्यं सुन्दरं यमुनातटम्
nanda uvāca smara vṛndāvanaṃ tāta ramyaṃ puṇyaṃ mahotsavam | gokulaṃ gokulaṃ ramyaṃ sundaraṃ yamunātaṭam
Sanskrit only: no published translation is held for this verse.
रमणीनां सुरम्यं च त्वत्प्रियं रासमण्डलम् । गोपालिका गोपबालान्यशोदां रोहिणीं प्रियाम्
ramaṇīnāṃ suramyaṃ ca tvatpriyaṃ rāsamaṇḍalam | gopālikā gopabālānyaśodāṃ rohiṇīṃ priyām
Sanskrit only: no published translation is held for this verse.
प्राणाधिकां राधिकां न कथं स्मरसि पुत्रक । वारमेकं स्वल्पदिनं गोकुलं गच्छ वत्सक
prāṇādhikāṃ rādhikāṃ na kathaṃ smarasi putraka | vāramekaṃ svalpadinaṃ gokulaṃ gaccha vatsaka
Sanskrit only: no published translation is held for this verse.
इत्येवमुक्तवा नन्दश्च क्रोडे कृष्णं चकार सः । नेत्राश्रुणा च पूर्णेन तं सिषेच शुचाऽन्वितः
ityevamuktavā nandaśca kroḍe kṛṣṇaṃ cakāra saḥ | netrāśruṇā ca pūrṇena taṃ siṣeca śucā'nvitaḥ
Sanskrit only: no published translation is held for this verse.
चुचुम्ब तद्गण्डयुगं कृत्वा वक्षसि मोहतः । सानन्दः परमानदो भगवांस्तमुवाच सः
cucumba tadgaṇḍayugaṃ kṛtvā vakṣasi mohataḥ | sānandaḥ paramānado bhagavāṃstamuvāca saḥ
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारदनाo भगवन्नन्दसंo नवतितमोऽध्यायः
iti śrībrahmao mahāo śrīkṛṣṇajanmakhao uttao nāradanāo bhagavannandasaṃo navatitamo'dhyāyaḥ
Sanskrit only: no published translation is held for this verse.