Brahmavaivarta Purāṇa 4.95

नारायण उवाच उद्धवस्य वचः श्रुत्वा चेतनं प्राप्य राधिका । सा चोवाच समुत्थाय रत्नसिंहासने वरे

nārāyaṇa uvāca uddhavasya vacaḥ śrutvā cetanaṃ prāpya rādhikā | sā covāca samutthāya ratnasiṃhāsane vare

Sanskrit only: no published translation is held for this verse.

उवाच मधुरं देवी हृदयेन विदूयता । गोपीभिः सप्तभिर्भकत्या सेविता श्वेतचामरैः

uvāca madhuraṃ devī hṛdayena vidūyatā | gopībhiḥ saptabhirbhakatyā sevitā śvetacāmaraiḥ

Sanskrit only: no published translation is held for this verse.

राधिकोवाच मथुरां गच्छवत्स त्वं मांच (न) विस्मर संवदा । अतोऽप्यधर्मो नास्त्येव भवतो भवसागरे

rādhikovāca mathurāṃ gacchavatsa tvaṃ māṃca (na) vismara saṃvadā | ato'pyadharmo nāstyeva bhavato bhavasāgare

Sanskrit only: no published translation is held for this verse.

मदीयं वचनं सर्वं गत्वा कथय सांप्रतम् । श्रीकृष्णं परमानन्दं शीघ्रमानय मत्प्रभुम्

madīyaṃ vacanaṃ sarvaṃ gatvā kathaya sāṃpratam | śrīkṛṣṇaṃ paramānandaṃ śīghramānaya matprabhum

Sanskrit only: no published translation is held for this verse.

योषिज्जन्मनि योषित्सु संप्राप्य तादृशं पतिम् । भेदो बभूव कस्या वा मदन्या काऽपि दुःखिनी

yoṣijjanmani yoṣitsu saṃprāpya tādṛśaṃ patim | bhedo babhūva kasyā vā madanyā kā'pi duḥkhinī

Sanskrit only: no published translation is held for this verse.

किं ददासि प्रबोधं मे नास्ति मे बोधनोचितम् । निष्फलो देहिनां देहो विनाऽऽत्मानं सहोद्धव

kiṃ dadāsi prabodhaṃ me nāsti me bodhanocitam | niṣphalo dehināṃ deho vinā''tmānaṃ sahoddhava

Sanskrit only: no published translation is held for this verse.

संप्रीत्या सह सौभाग्यं गौरवं नित्यनूतनम् । अतीव दुर्लभं प्रेम रहस्यं नवसंगमम्

saṃprītyā saha saubhāgyaṃ gauravaṃ nityanūtanam | atīva durlabhaṃ prema rahasyaṃ navasaṃgamam

Sanskrit only: no published translation is held for this verse.

स्मरामि मनसा शश्वन्नान्यो मनसि वर्तते । रात्रौ निद्रां परित्यज्य स्मरणं शोकवर्धनम्

smarāmi manasā śaśvannānyo manasi vartate | rātrau nidrāṃ parityajya smaraṇaṃ śokavardhanam

Sanskrit only: no published translation is held for this verse.

मामुद्धर ध्रुवं वत्स निमग्नां शोकसागरे । जीवाभवप्रदानेन तीर्थे स्नानफलं नृणाम्

māmuddhara dhruvaṃ vatsa nimagnāṃ śokasāgare | jīvābhavapradānena tīrthe snānaphalaṃ nṛṇām

Sanskrit only: no published translation is held for this verse.

प्रबोधितुं न शक्नोमि दुर्निवारं च मानसम् । चिन्तये चरणाम्भोजं कृष्णस्य परमात्मनः

prabodhituṃ na śaknomi durnivāraṃ ca mānasam | cintaye caraṇāmbhojaṃ kṛṣṇasya paramātmanaḥ

Sanskrit only: no published translation is held for this verse.

तद्गुणं महिमानं च प्रीतिं च प्रेमसागरम् । स्मारं स्मारं च सौभाग्यं मनो मे न स्थिरं चलम्

tadguṇaṃ mahimānaṃ ca prītiṃ ca premasāgaram | smāraṃ smāraṃ ca saubhāgyaṃ mano me na sthiraṃ calam

Sanskrit only: no published translation is held for this verse.

जगतां युवतीनां च कासां वा दुःखमीदृशम् । श्रीकृष्णभेददुःख च का वा जानाति मां विना

jagatāṃ yuvatīnāṃ ca kāsāṃ vā duḥkhamīdṛśam | śrīkṛṣṇabhedaduḥkha ca kā vā jānāti māṃ vinā

Sanskrit only: no published translation is held for this verse.

किं चिज्जानाति सीता साऽप्यहं च विधिबोधितम् । मत्परा दुःखिनी नास्ति कामिनीषु जगत्त्रये

kiṃ cijjānāti sītā sā'pyahaṃ ca vidhibodhitam | matparā duḥkhinī nāsti kāminīṣu jagattraye

Sanskrit only: no published translation is held for this verse.

कावायाति प्रतीतिं मे श्रुत्वा च मानसीं व्यथाम् । कासां वा मत्समं दुःखं युवतीनां सुतोद्धव

kāvāyāti pratītiṃ me śrutvā ca mānasīṃ vyathām | kāsāṃ vā matsamaṃ duḥkhaṃ yuvatīnāṃ sutoddhava

Sanskrit only: no published translation is held for this verse.

राधिकासदृशी स्त्रीषु न भूता न भविष्यति । दुःखिनी विरहातप्ता सुखसौभाग्यवर्चिता

rādhikāsadṛśī strīṣu na bhūtā na bhaviṣyati | duḥkhinī virahātaptā sukhasaubhāgyavarcitā

Sanskrit only: no published translation is held for this verse.

संप्राप्य कल्पवृक्षं च पतिं च जगतां पतिम् । वञ्चिताऽहं विधात्रा च निर्दयेन च पापिना

saṃprāpya kalpavṛkṣaṃ ca patiṃ ca jagatāṃ patim | vañcitā'haṃ vidhātrā ca nirdayena ca pāpinā

Sanskrit only: no published translation is held for this verse.

जीवनं सफल जन्म सुस्निग्धं चक्षुषी मनः । तत्पादपद्मवक्त्रेन्दुरूपवेषप्रदर्शनात्

jīvanaṃ saphala janma susnigdhaṃ cakṣuṣī manaḥ | tatpādapadmavaktrendurūpaveṣapradarśanāt

Sanskrit only: no published translation is held for this verse.

यन्नामश्रुतिमात्रेण पञ्च प्राणाः प्रहर्षिताः । स्मृतिमात्रात्प्रफुल्ल्यन्त आत्मा सुस्निग्ध एव च

yannāmaśrutimātreṇa pañca prāṇāḥ praharṣitāḥ | smṛtimātrātpraphullyanta ātmā susnigdha eva ca

Sanskrit only: no published translation is held for this verse.

यश्च पस्पर्श सुरतौ यशस्त्रिभुवनष्वपि । कथा वा संपदा वत्स विस्मरामि तमीश्वरम्

yaśca pasparśa suratau yaśastribhuvanaṣvapi | kathā vā saṃpadā vatsa vismarāmi tamīśvaram

Sanskrit only: no published translation is held for this verse.

त्रैलोक्यविजयं रूपं गुणमेव बिभर्ति यः । न निर्मितो यो विधिना तेनैव निर्मितो विधिः

trailokyavijayaṃ rūpaṃ guṇameva bibharti yaḥ | na nirmito yo vidhinā tenaiva nirmito vidhiḥ

Sanskrit only: no published translation is held for this verse.

तं विधेश्च विधातारं दातारं सर्वसंपदाम् । कल्पवृक्षात्परं शान्तं लक्ष्मीकान्तं मनोहरम्

taṃ vidheśca vidhātāraṃ dātāraṃ sarvasaṃpadām | kalpavṛkṣātparaṃ śāntaṃ lakṣmīkāntaṃ manoharam

Sanskrit only: no published translation is held for this verse.

सर्वेशं सर्वबीजं च परमात्मानमीश्वरम् । कया वा संपदा तात विस्मरामि चतं पतिम्

sarveśaṃ sarvabījaṃ ca paramātmānamīśvaram | kayā vā saṃpadā tāta vismarāmi cataṃ patim

Sanskrit only: no published translation is held for this verse.

यस्य निर्मञ्छनार्हश्च न चन्द्रो न च मन्मथः । नैवाश्विनीकुमारश्च गुणसाभ्यं न दिश्वतः

yasya nirmañchanārhaśca na candro na ca manmathaḥ | naivāśvinīkumāraśca guṇasābhyaṃ na diśvataḥ

Sanskrit only: no published translation is held for this verse.

ध्यायन्ते यत्पदाम्भोजं ब्रह्मेशशेषसंज्ञकाः । कया वा संपदा तात विस्मरामि च तं प्रभुम्

dhyāyante yatpadāmbhojaṃ brahmeśaśeṣasaṃjñakāḥ | kayā vā saṃpadā tāta vismarāmi ca taṃ prabhum

Sanskrit only: no published translation is held for this verse.

स्वप्ने पश्यन्ति ये रूपमतुलं च मनोहरम् । तेऽपि सर्वं परित्यज्य ध्यायान्ते तमर्निशम्

svapne paśyanti ye rūpamatulaṃ ca manoharam | te'pi sarvaṃ parityajya dhyāyānte tamarniśam

Sanskrit only: no published translation is held for this verse.

गुणेन शैलः सलिलं शुष्ककाष्ठं द्रवेदिति । मृतवृक्षो मुकुलितः स्तम्भितश्च समीरणः

guṇena śailaḥ salilaṃ śuṣkakāṣṭhaṃ dravediti | mṛtavṛkṣo mukulitaḥ stambhitaśca samīraṇaḥ

Sanskrit only: no published translation is held for this verse.

सूर्यश्च जलधिश्चैव स्थगितो भक्तिभावतः । कया वा संपदा पुत्र विस्मरामि चतं प्रियम्

sūryaśca jaladhiścaiva sthagito bhaktibhāvataḥ | kayā vā saṃpadā putra vismarāmi cataṃ priyam

Sanskrit only: no published translation is held for this verse.

यद्भयात्फलिनो वृक्षाः पुष्पिताः समयेऽपि च । समुद्राः स्वात्मविषये ग्रहाश्च मुनयः सुराः

yadbhayātphalino vṛkṣāḥ puṣpitāḥ samaye'pi ca | samudrāḥ svātmaviṣaye grahāśca munayaḥ surāḥ

Sanskrit only: no published translation is held for this verse.

कालस्य कालः संहर्तुः संहर्ता स्रष्टुरीश्वरः । स्वाधीनश्च स्वतन्त्रश्च स्वयमेवाऽऽत्मसंज्ञकः

kālasya kālaḥ saṃhartuḥ saṃhartā sraṣṭurīśvaraḥ | svādhīnaśca svatantraśca svayamevā''tmasaṃjñakaḥ

Sanskrit only: no published translation is held for this verse.

कया वा संपदा भक्त विस्मरामि च तं प्रभुम् । प्रबोधो नास्ति तद्भेदे येन मां बोधयेद्बुधः

kayā vā saṃpadā bhakta vismarāmi ca taṃ prabhum | prabodho nāsti tadbhede yena māṃ bodhayedbudhaḥ

Sanskrit only: no published translation is held for this verse.

मां च बोधयितुं शक्ता न सावित्री सरस्वती । न वेदा न च वेदाङ्गाः के वा सन्तश्च के सुराः

māṃ ca bodhayituṃ śaktā na sāvitrī sarasvatī | na vedā na ca vedāṅgāḥ ke vā santaśca ke surāḥ

Sanskrit only: no published translation is held for this verse.

सहस्रवक्त्रोऽनन्तश्च वेदानां जनको विधिः । न शंभुनं गणेशाश्च योगीन्द्राणां गुरोर्गुरुः

sahasravaktro'nantaśca vedānāṃ janako vidhiḥ | na śaṃbhunaṃ gaṇeśāśca yogīndrāṇāṃ gurorguruḥ

Sanskrit only: no published translation is held for this verse.

स्थितेर्गतिश्चिन्तनीया मार्गशून्ये कुतो गतिः । कालसाध्यं च सर्व च सुखं दुःखं शुभाशुभम्

sthitergatiścintanīyā mārgaśūnye kuto gatiḥ | kālasādhyaṃ ca sarva ca sukhaṃ duḥkhaṃ śubhāśubham

Sanskrit only: no published translation is held for this verse.

दुर्निवारः स कालश्च कालसाध्यं जगत्सु च । उत्तिष्ठ मथुरां गच्छ सुखं वत्स मनोहरम्

durnivāraḥ sa kālaśca kālasādhyaṃ jagatsu ca | uttiṣṭha mathurāṃ gaccha sukhaṃ vatsa manoharam

Sanskrit only: no published translation is held for this verse.

व्रजवाकं परित्यज्य भवांश्च गमनोत्सुकः । सुचिरं कृष्णविच्छेदो दुःखाय न सुखाय च

vrajavākaṃ parityajya bhavāṃśca gamanotsukaḥ | suciraṃ kṛṣṇavicchedo duḥkhāya na sukhāya ca

Sanskrit only: no published translation is held for this verse.

पश्य चन्द्रमुखं तस्य जन्ममृत्युजरापहम् । राधिकावचनं श्रुत्वा रुरोद भृशमुद्धवः रुदतीं राधिकां दृष्ट्वा बन्धुविच्छेदकातराम्

paśya candramukhaṃ tasya janmamṛtyujarāpaham | rādhikāvacanaṃ śrutvā ruroda bhṛśamuddhavaḥ rudatīṃ rādhikāṃ dṛṣṭvā bandhuvicchedakātarām

Sanskrit only: no published translation is held for this verse.

इतिo श्रीब्रह्मo महाo श्रीकृष्णजन्मखo उत्तo नारदनाo राधोद्धवसंo पञ्चनवतितमोऽध्यायः

itio śrībrahmao mahāo śrīkṛṣṇajanmakhao uttao nāradanāo rādhoddhavasaṃo pañcanavatitamo'dhyāyaḥ

Sanskrit only: no published translation is held for this verse.