Library·Brahmavaivarta Purāṇa·4·4.97
नारायण उवाच गच्छन्तमुद्धवं दृष्ट्वा संत्रस्ता श्रीहरेः प्रिया । समुत्थायाऽऽसनाच्छीघ्रं हृदयेन विदूयता
nārāyaṇa uvāca gacchantamuddhavaṃ dṛṣṭvā saṃtrastā śrīhareḥ priyā | samutthāyā''sanācchīghraṃ hṛdayena vidūyatā
Sanskrit only: no published translation is held for this verse.
गोपीभिः सहिता शीघ्रं समुद्विग्ना सहासती । ददौ शुभाशिषं तस्मै तस्य मूर्ध्नि करं तथा
gopībhiḥ sahitā śīghraṃ samudvignā sahāsatī | dadau śubhāśiṣaṃ tasmai tasya mūrdhni karaṃ tathā
Sanskrit only: no published translation is held for this verse.
स्तिग्धदूर्वाक्षतं शुक्लधान्यं पुष्पं च मङ्गलम् । प्रेरयामास लाजांश्च फलं पर्णं तथा दधि
stigdhadūrvākṣataṃ śukladhānyaṃ puṣpaṃ ca maṅgalam | prerayāmāsa lājāṃśca phalaṃ parṇaṃ tathā dadhi
Sanskrit only: no published translation is held for this verse.
दर्मणं दर्शयामास पूर्णकुम्भ सपल्लवम् । सफलं गन्धसिन्धूरकस्तूरीचन्दनान्वितम्
darmaṇaṃ darśayāmāsa pūrṇakumbha sapallavam | saphalaṃ gandhasindhūrakastūrīcandanānvitam
Sanskrit only: no published translation is held for this verse.
पुष्पमाल्यं प्रदीपं च रत्नं गन्धं द्विजोत्तम । पतिपुत्रवती साध्वी काञ्चनं रजतं तथा
puṣpamālyaṃ pradīpaṃ ca ratnaṃ gandhaṃ dvijottama | patiputravatī sādhvī kāñcanaṃ rajataṃ tathā
Sanskrit only: no published translation is held for this verse.
तमुवाच महासाध्वी हितं सत्यं च मङ्गलम् । संगोप्यं साश्रुनेत्रं च पतितं दुःखिता हृदि
tamuvāca mahāsādhvī hitaṃ satyaṃ ca maṅgalam | saṃgopyaṃ sāśrunetraṃ ca patitaṃ duḥkhitā hṛdi
Sanskrit only: no published translation is held for this verse.
राधिकोवाच शुभं भवतु मार्गस्ते कल्याणमस्तु संततम् । ज्ञानं लभ हरेः स्थानात्कृष्णस्य सुप्रियो भव
rādhikovāca śubhaṃ bhavatu mārgaste kalyāṇamastu saṃtatam | jñānaṃ labha hareḥ sthānātkṛṣṇasya supriyo bhava
Sanskrit only: no published translation is held for this verse.
कृष्णभक्तिः कृष्णदास्यं दलेषु च वरं वरम् । श्रेष्ठा पञ्चविधा मुक्तेर्हरिभक्तिर्गरीयसी
kṛṣṇabhaktiḥ kṛṣṇadāsyaṃ daleṣu ca varaṃ varam | śreṣṭhā pañcavidhā mukterharibhaktirgarīyasī
Sanskrit only: no published translation is held for this verse.
ब्रह्मत्वादपि देवत्वादिन्द्रत्वादमरादपि । अमृतात्सिद्धिलाभाच्च हरिदास्यं सुदुर्लभम्
brahmatvādapi devatvādindratvādamarādapi | amṛtātsiddhilābhācca haridāsyaṃ sudurlabham
Sanskrit only: no published translation is held for this verse.
अनेकनन्मतपसा संभूय भारते द्विजः । हरिभक्तिं यदि लभेत्तस्य जन्म सुदुर्लभम्
anekananmatapasā saṃbhūya bhārate dvijaḥ | haribhaktiṃ yadi labhettasya janma sudurlabham
Sanskrit only: no published translation is held for this verse.
सफलं जीवनं तस्य कुर्वतः कर्मणः क्षयम् । पितॄणां च सहस्राणि स्वस्य मातुश्च निश्चितम्
saphalaṃ jīvanaṃ tasya kurvataḥ karmaṇaḥ kṣayam | pitṝṇāṃ ca sahasrāṇi svasya mātuśca niścitam
Sanskrit only: no published translation is held for this verse.
मातामहानां पुंसां च शतानां सोदरस्य च । बान्धवस्यापि पत्न्याश्च गुरूणां शिष्यभृत्ययोः
mātāmahānāṃ puṃsāṃ ca śatānāṃ sodarasya ca | bāndhavasyāpi patnyāśca gurūṇāṃ śiṣyabhṛtyayoḥ
Sanskrit only: no published translation is held for this verse.
तत्कर्म शोभरं वत्स यच्च कृष्णो समर्पणम् । तत्कर्म शोभनं शुद्धं कुष्णसंतोषणं यतः
tatkarma śobharaṃ vatsa yacca kṛṣṇo samarpaṇam | tatkarma śobhanaṃ śuddhaṃ kuṣṇasaṃtoṣaṇaṃ yataḥ
Sanskrit only: no published translation is held for this verse.
संकल्पसाधनं कर्म संप्रीतिविधिपूर्वकम् । तदेव मङ्गलं धन्यं परिणामसुखावहम्
saṃkalpasādhanaṃ karma saṃprītividhipūrvakam | tadeva maṅgalaṃ dhanyaṃ pariṇāmasukhāvaham
Sanskrit only: no published translation is held for this verse.
तद्व्रतं तत्तपः सत्यं तद्भक्तिः पूजनं तथा । तदुद्देश्यमनशनं केवलं दास्यकालणम्
tadvrataṃ tattapaḥ satyaṃ tadbhaktiḥ pūjanaṃ tathā | taduddeśyamanaśanaṃ kevalaṃ dāsyakālaṇam
Sanskrit only: no published translation is held for this verse.
समस्तपृथिवीदानं प्रदक्षिण्यं भुवस्तथा । समस्ततीर्थस्नानं च समस्तं च व्रतं तपः
samastapṛthivīdānaṃ pradakṣiṇyaṃ bhuvastathā | samastatīrthasnānaṃ ca samastaṃ ca vrataṃ tapaḥ
Sanskrit only: no published translation is held for this verse.
समस्तयज्ञकरणं सर्वदानफलं तथा । समस्तवेदवेदाङ्गपठनं पाठनं तथा
samastayajñakaraṇaṃ sarvadānaphalaṃ tathā | samastavedavedāṅgapaṭhanaṃ pāṭhanaṃ tathā
Sanskrit only: no published translation is held for this verse.
भीतस्थं रक्षणं चैव ज्ञानदानं सुदुर्लभम् । अतिथीनां पूजनं च शरणागतरक्षणम्
bhītasthaṃ rakṣaṇaṃ caiva jñānadānaṃ sudurlabham | atithīnāṃ pūjanaṃ ca śaraṇāgatarakṣaṇam
Sanskrit only: no published translation is held for this verse.
सर्वदेवार्चनं चैव वन्दनं जपनं मनोः । भोजनं विप्रदेवानां पुरश्चरणपूर्वकम्
sarvadevārcanaṃ caiva vandanaṃ japanaṃ manoḥ | bhojanaṃ vipradevānāṃ puraścaraṇapūrvakam
Sanskrit only: no published translation is held for this verse.
गुरुशुश्रूषणं चैव पित्रोर्भक्तिश्च पोषणम् । सर्वं श्रीकृष्णदास्यस्य कलां नार्हति षोडशीम्
guruśuśrūṣaṇaṃ caiva pitrorbhaktiśca poṣaṇam | sarvaṃ śrīkṛṣṇadāsyasya kalāṃ nārhati ṣoḍaśīm
Sanskrit only: no published translation is held for this verse.
तस्मादुद्धव यत्नेन भज कृष्णं परात्परम् । निर्गुणं च निरीहं च परमात्मानमीश्वरम्
tasmāduddhava yatnena bhaja kṛṣṇaṃ parātparam | nirguṇaṃ ca nirīhaṃ ca paramātmānamīśvaram
Sanskrit only: no published translation is held for this verse.
नित्यं सत्यं परं ब्रह्म प्रकृतेः परमीश्वरम् । परिपूर्णतमं शुद्धं भक्तानुग्रहविग्रहम्
nityaṃ satyaṃ paraṃ brahma prakṛteḥ paramīśvaram | paripūrṇatamaṃ śuddhaṃ bhaktānugrahavigraham
Sanskrit only: no published translation is held for this verse.
कर्मिणां कर्मणां साक्ष्यप्रदं निर्लिप्तमेव च । ज्योतिः स्वरूपं परमं कारणानां च कारणम्
karmiṇāṃ karmaṇāṃ sākṣyapradaṃ nirliptameva ca | jyotiḥ svarūpaṃ paramaṃ kāraṇānāṃ ca kāraṇam
Sanskrit only: no published translation is held for this verse.
सर्वस्वरूपं सर्वेशं सर्वसंपत्प्रदं शुभम् । भक्तिदं दास्यदं स्वस्य निजसंपत्पदप्रदम्
sarvasvarūpaṃ sarveśaṃ sarvasaṃpatpradaṃ śubham | bhaktidaṃ dāsyadaṃ svasya nijasaṃpatpadapradam
Sanskrit only: no published translation is held for this verse.
विसृज्य ज्ञातिबुद्धिं च मात्सर्यमशुभप्रदम् । भज तं परमानन्दं सानन्दं नन्दनन्दनम्
visṛjya jñātibuddhiṃ ca mātsaryamaśubhapradam | bhaja taṃ paramānandaṃ sānandaṃ nandanandanam
Sanskrit only: no published translation is held for this verse.
वेदे कौथुमिशाखायां तस्य नाम्नां सहस्रकम् । नन्दनन्दननामोक्तं कृतौ विघ्नं सुदुर्लभम्
vede kauthumiśākhāyāṃ tasya nāmnāṃ sahasrakam | nandanandananāmoktaṃ kṛtau vighnaṃ sudurlabham
Sanskrit only: no published translation is held for this verse.
उद्धवः सर्वमाकर्ण्य परमं विस्मयं ययौ । ज्ञानं संप्राप्य संपूर्ण परिबूर्णे भभूव ह
uddhavaḥ sarvamākarṇya paramaṃ vismayaṃ yayau | jñānaṃ saṃprāpya saṃpūrṇa paribūrṇe bhabhūva ha
Sanskrit only: no published translation is held for this verse.
स्ववस्त्रं च गले बद्ध्वा दण्डवत्प्रणनाम् ताम् । मुर्ध्नः केशैश्च तत्पादं निबध्य च पुनाः पुनः
svavastraṃ ca gale baddhvā daṇḍavatpraṇanām tām | murdhnaḥ keśaiśca tatpādaṃ nibadhya ca punāḥ punaḥ
Sanskrit only: no published translation is held for this verse.
पुलकाञ्चितसर्वाङ्गः साश्रुनेत्रश्च भक्तितः । तद्विच्छेदशुचा प्रेम्ण रुरोदोच्चैश्च नारद
pulakāñcitasarvāṅgaḥ sāśrunetraśca bhaktitaḥ | tadvicchedaśucā premṇa rurodoccaiśca nārada
Sanskrit only: no published translation is held for this verse.
रुरोद राधा तत्प्रेम्णा रुरोद बल्लवीगणः । उद्धवस्य गलं धृत्वा सथापयामास लोभतः
ruroda rādhā tatpremṇā ruroda ballavīgaṇaḥ | uddhavasya galaṃ dhṛtvā sathāpayāmāsa lobhataḥ
Sanskrit only: no published translation is held for this verse.
उद्ववं मूर्च्छितं दृष्ट्वा जृम्भितं त्यक्तचेतनम् । शीघ्रसुत्थापयामास राधिका कृष्णमानसम्
udvavaṃ mūrcchitaṃ dṛṣṭvā jṛmbhitaṃ tyaktacetanam | śīghrasutthāpayāmāsa rādhikā kṛṣṇamānasam
Sanskrit only: no published translation is held for this verse.
चेतनं कारयामास जलं दत्त्वा मुखाम्बुजे । शुभाशिषं च प्रददौ वत्स जीवेति नारद
cetanaṃ kārayāmāsa jalaṃ dattvā mukhāmbuje | śubhāśiṣaṃ ca pradadau vatsa jīveti nārada
Sanskrit only: no published translation is held for this verse.
उद्धवश्चेतनां प्राप्य तमुवाच सुसंसदि । रुदतीनां च गोपीनां पुरतः परमार्थदम्
uddhavaścetanāṃ prāpya tamuvāca susaṃsadi | rudatīnāṃ ca gopīnāṃ purataḥ paramārthadam
Sanskrit only: no published translation is held for this verse.
उद्धव उवाच धन्यो यशस्यो द्वीपानां जम्बुद्वीपः सुदुर्लभः । यत्र भारतवर्ष तु सर्वैषामीप्सितं वरम्
uddhava uvāca dhanyo yaśasyo dvīpānāṃ jambudvīpaḥ sudurlabhaḥ | yatra bhāratavarṣa tu sarvaiṣāmīpsitaṃ varam
Sanskrit only: no published translation is held for this verse.
अहो भारतवर्षे तु पुण्यं वृन्दावनं वनम् । राधापादाब्जसंस्पर्शरजः पूतं सुरेप्सितम्
aho bhāratavarṣe tu puṇyaṃ vṛndāvanaṃ vanam | rādhāpādābjasaṃsparśarajaḥ pūtaṃ surepsitam
Sanskrit only: no published translation is held for this verse.
धन्या मान्या च पृथिवी त्रेषु लोकेषु पूजिता । राधायास्तीर्थपूतायाः पादाब्जरजसा वरा
dhanyā mānyā ca pṛthivī treṣu lokeṣu pūjitā | rādhāyāstīrthapūtāyāḥ pādābjarajasā varā
Sanskrit only: no published translation is held for this verse.
षष्टिवर्षसहस्राणि दिव्यानि पुष्करे पुरा । ब्रह्मणा च तपस्तप्तं वेदोक्तं भक्तिपूर्वकम्
ṣaṣṭivarṣasahasrāṇi divyāni puṣkare purā | brahmaṇā ca tapastaptaṃ vedoktaṃ bhaktipūrvakam
Sanskrit only: no published translation is held for this verse.
गोलोके राधिकाकृष्णदर्शनार्थं मनोरथात् । गोलोके राधिकाकृष्णो न दृष्टः स्वप्नतस्तदा
goloke rādhikākṛṣṇadarśanārthaṃ manorathāt | goloke rādhikākṛṣṇo na dṛṣṭaḥ svapnatastadā
Sanskrit only: no published translation is held for this verse.
श्रुता तेनाऽऽकाशवाणी सत्यरूपा च लीलया । वाराहे भारते वर्षे पुण्ये वृन्दावने वने
śrutā tenā''kāśavāṇī satyarūpā ca līlayā | vārāhe bhārate varṣe puṇye vṛndāvane vane
Sanskrit only: no published translation is held for this verse.
रासोत्सवे महाराम्ये तत्रैव रासमण्डले । द्रक्ष्यसीति च देवानां मध्ये सुस्थो न संशयः
rāsotsave mahārāmye tatraiva rāsamaṇḍale | drakṣyasīti ca devānāṃ madhye sustho na saṃśayaḥ
Sanskrit only: no published translation is held for this verse.
श्रुत्वा च विरतो ब्रह्मा तपसः स्वगृहं गतः ।कृष्णो दृष्टश्च हृष्टश्च परिपूर्णमनोरथः
śrutvā ca virato brahmā tapasaḥ svagṛhaṃ gataḥ |kṛṣṇo dṛṣṭaśca hṛṣṭaśca paripūrṇamanorathaḥ
Sanskrit only: no published translation is held for this verse.
गोपानां गोपिकानां च सफलं जन्म जीवनम् । नित्यं पश्यन्ति ते पादपद्मं ब्रह्मादिदुर्लभम्
gopānāṃ gopikānāṃ ca saphalaṃ janma jīvanam | nityaṃ paśyanti te pādapadmaṃ brahmādidurlabham
Sanskrit only: no published translation is held for this verse.
मानिनीं राधिकां सन्तः सदा सेवन्ति नित्यशः । योगीन्द्राश्च मुनीन्द्राश्च सिद्धेन्द्रा वैष्णवास्तथा
māninīṃ rādhikāṃ santaḥ sadā sevanti nityaśaḥ | yogīndrāśca munīndrāśca siddhendrā vaiṣṇavāstathā
Sanskrit only: no published translation is held for this verse.
सतीं पुण्यां तीर्थपूतां स्वतः शुद्धां सुदुर्लभाम् । सुलभं यत्वदाम्भोजं ब्रह्मादीनां सुदुर्लभम्
satīṃ puṇyāṃ tīrthapūtāṃ svataḥ śuddhāṃ sudurlabhām | sulabhaṃ yatvadāmbhojaṃ brahmādīnāṃ sudurlabham
Sanskrit only: no published translation is held for this verse.
यत्पादपद्मनखरं कृतं यावकचिह्नितम् । सर्वेश्वरेश्वरेणैव कृष्णेन परमात्मना
yatpādapadmanakharaṃ kṛtaṃ yāvakacihnitam | sarveśvareśvareṇaiva kṛṣṇena paramātmanā
Sanskrit only: no published translation is held for this verse.
चकार यस्याः पूजां च स्तोत्रराजं सुदुर्लभम् । शतशृङ्गे स्वयं कृष्णो गोलोके रासमण्डले
cakāra yasyāḥ pūjāṃ ca stotrarājaṃ sudurlabham | śataśṛṅge svayaṃ kṛṣṇo goloke rāsamaṇḍale
Sanskrit only: no published translation is held for this verse.
पारिजातप्रसूनानामञ्जलिं गन्धयन्दनम् । ददौ दूर्वाक्षतं स्निग्धं यस्याः पादारविन्दयोः
pārijātaprasūnānāmañjaliṃ gandhayandanam | dadau dūrvākṣataṃ snigdhaṃ yasyāḥ pādāravindayoḥ
Sanskrit only: no published translation is held for this verse.
त्रिंशत्सहस्रकोटीनां गोपीनामीश्वरी च या । तत्षट्त्रिंशत्सखीनां च ईश्वरी राधिकाभिधा
triṃśatsahasrakoṭīnāṃ gopīnāmīśvarī ca yā | tatṣaṭtriṃśatsakhīnāṃ ca īśvarī rādhikābhidhā
Sanskrit only: no published translation is held for this verse.
ये वा द्विषन्ति निन्दन्ति पापिनश्च हसन्ति च । कृष्णप्राणाधिकादेवदेवीं च राधिकां वराम्
ye vā dviṣanti nindanti pāpinaśca hasanti ca | kṛṣṇaprāṇādhikādevadevīṃ ca rādhikāṃ varām
Sanskrit only: no published translation is held for this verse.
ब्रह्महत्याशतं ते च लभन्ते नात्र संशयः । तत्पापेन च पच्यन्ते कुम्भीपाके च रौरवे
brahmahatyāśataṃ te ca labhante nātra saṃśayaḥ | tatpāpena ca pacyante kumbhīpāke ca raurave
Sanskrit only: no published translation is held for this verse.
तप्ततैले महाघोरे ध्वान्ते कीटे च यन्त्रके । चतुर्दशेन्द्रावच्छिन्नं पितृभिः सप्तभिः सह
taptataile mahāghore dhvānte kīṭe ca yantrake | caturdaśendrāvacchinnaṃ pitṛbhiḥ saptabhiḥ saha
Sanskrit only: no published translation is held for this verse.
ततः परं च जायन्ते जन्मैकं लोकजन्मतः । दिव्यं वर्षसहस्रं च विष्ठाकीटाश्च पापतः
tataḥ paraṃ ca jāyante janmaikaṃ lokajanmataḥ | divyaṃ varṣasahasraṃ ca viṣṭhākīṭāśca pāpataḥ
Sanskrit only: no published translation is held for this verse.
पुंश्चलीनां योनिकीटास्तद्रक्तमलभक्षकाः । मलकीटाश्च तन्मानवर्षं च पूयभक्षकाः
puṃścalīnāṃ yonikīṭāstadraktamalabhakṣakāḥ | malakīṭāśca tanmānavarṣaṃ ca pūyabhakṣakāḥ
Sanskrit only: no published translation is held for this verse.
वेदे च काण्वशाखायामित्याह कमलोद्भवः । इत्युक्तवन्तं तं यान्तमुवाच राधिका पुनः रुदन्तं च रुदन्ती सा कृष्णविच्छेदकातरा
vede ca kāṇvaśākhāyāmityāha kamalodbhavaḥ | ityuktavantaṃ taṃ yāntamuvāca rādhikā punaḥ rudantaṃ ca rudantī sā kṛṣṇavicchedakātarā
Sanskrit only: no published translation is held for this verse.
राधिकोवाच गच्छ वत्स मधुपुरीं सर्वं बोधय माधवम् । यथा पश्यामि गोविन्दं प्रयत्नेन तथा कुरु
rādhikovāca gaccha vatsa madhupurīṃ sarvaṃ bodhaya mādhavam | yathā paśyāmi govindaṃ prayatnena tathā kuru
Sanskrit only: no published translation is held for this verse.
निष्फलं च गतं जन्म गच्छ मिथ्यादुराशया । आशा हि परमं दुःखं नैराश्यं परमं सुखम्
niṣphalaṃ ca gataṃ janma gaccha mithyādurāśayā | āśā hi paramaṃ duḥkhaṃ nairāśyaṃ paramaṃ sukham
Sanskrit only: no published translation is held for this verse.
पश्चाद्विचिन्त्य गोविन्दं जीवन्मुक्ता बभूव सा । इत्युक्त्वा राधिका तत्र रुरोद च भृशं पुनः
paścādvicintya govindaṃ jīvanmuktā babhūva sā | ityuktvā rādhikā tatra ruroda ca bhṛśaṃ punaḥ
Sanskrit only: no published translation is held for this verse.
प्रणम्य तां रुदन्तीं च यशोदाभवनं ययौ । अथोद्धवे गते राधा मूर्च्छां मंप्राप नारद
praṇamya tāṃ rudantīṃ ca yaśodābhavanaṃ yayau | athoddhave gate rādhā mūrcchāṃ maṃprāpa nārada
Sanskrit only: no published translation is held for this verse.
तत्याज चेतनां शश्वद्बभूव ध्यानतत्परा । पङ्कस्थे पङ्कजदके सजले शयने मुने
tatyāja cetanāṃ śaśvadbabhūva dhyānatatparā | paṅkasthe paṅkajadake sajale śayane mune
Sanskrit only: no published translation is held for this verse.
गोप्यस्तां स्थापयामासुः साश्रुनेत्रोत्पला वराः । तत्स्पर्शमात्राच्छयनं भस्मीभूतं बभूव ह
gopyastāṃ sthāpayāmāsuḥ sāśrunetrotpalā varāḥ | tatsparśamātrācchayanaṃ bhasmībhūtaṃ babhūva ha
Sanskrit only: no published translation is held for this verse.
पुनः स्निग्धस्थले स्थिग्धनिचोले चन्दनाङ्किते । पुनस्तां स्थापयामासुर्विरहज्वरकातराम्
punaḥ snigdhasthale sthigdhanicole candanāṅkite | punastāṃ sthāpayāmāsurvirahajvarakātarām
Sanskrit only: no published translation is held for this verse.
सहसा शुष्कतां प्राप सुगन्धि चन्दनोदकम् । निमेषेण शतयुगं तद्बभूवोद्धवं विना
sahasā śuṣkatāṃ prāpa sugandhi candanodakam | nimeṣeṇa śatayugaṃ tadbabhūvoddhavaṃ vinā
Sanskrit only: no published translation is held for this verse.
हा होद्धवोद्धव हरिं शीघ्रं गत्वा वदेति च । समानय हरिं शीघ्रं मत्प्राणेश्वरमित्यपि
hā hoddhavoddhava hariṃ śīghraṃ gatvā vadeti ca | samānaya hariṃ śīghraṃ matprāṇeśvaramityapi
Sanskrit only: no published translation is held for this verse.
इत्युक्तवचनां दीनां संतापहृतचेतनाम् । रुरुदुर्गोपिकाः सर्वा राधां कृत्वा स्ववक्षसि चेतनां कारयामासुर्बोधयामासुरौप्सितम्
ityuktavacanāṃ dīnāṃ saṃtāpahṛtacetanām | rurudurgopikāḥ sarvā rādhāṃ kṛtvā svavakṣasi cetanāṃ kārayāmāsurbodhayāmāsuraupsitam
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारदनाo राधोद्धवसंo सप्तनवतितमोऽध्यायः
iti śrībrahmao mahāo śrīkṛṣṇajanmakhao uttao nāradanāo rādhoddhavasaṃo saptanavatitamo'dhyāyaḥ
Sanskrit only: no published translation is held for this verse.