न नामज्ञानमात्रेण रूपज्ञानेन वा पुनः ओषधीनां परां प्राप्तिं कश्चिद्वेदितुमर्हति
na nāmajñānamātreṇa rūpajñānena vā punaḥ oṣadhīnāṃ parāṃ prāptiṃ kaścidveditumarhati
Sanskrit only: no published translation is held for this verse.
Library·Caraka-saṃhitā (the text alone)·1·1.1
Caraka-saṃhitā (the text alone) 1.1
योगवित् त्वप्यरूपज्ञस् तासां तत्त्वविदुच्यते किं पुनर्यो विजानीयादोषधीः सर्वथा भिषक्
yogavit tvapyarūpajñas tāsāṃ tattvaviducyate kiṃ punaryo vijānīyādoṣadhīḥ sarvathā bhiṣak
Sanskrit only: no published translation is held for this verse.
योगमासां तु यो विद्याद्देशकालोपपादितम् पुरुषं पुरुषं वीक्ष्य स ज्ञेयो भिषगुत्तमः
yogamāsāṃ tu yo vidyāddeśakālopapāditam puruṣaṃ puruṣaṃ vīkṣya sa jñeyo bhiṣaguttamaḥ
Sanskrit only: no published translation is held for this verse.
यथा विषं यथा शस्त्रं यथाग्निरशनिर्यथा तथौषधम् अविज्ञातं विज्ञातममृतं यथा
yathā viṣaṃ yathā śastraṃ yathāgniraśaniryathā tathauṣadham avijñātaṃ vijñātamamṛtaṃ yathā
Sanskrit only: no published translation is held for this verse.
औषधं ह्यनभिज्ञातं नामरूपगुणैस्त्रिभिः विज्ञातं चापि दुर्युक्तम् अनर्थायोपपद्यते
auṣadhaṃ hyanabhijñātaṃ nāmarūpaguṇaistribhiḥ vijñātaṃ cāpi duryuktam anarthāyopapadyate
Sanskrit only: no published translation is held for this verse.
योगादपि विषं तीक्ष्णमुत्तमं भेषजं भवेत् भेषजं चापि दुर्युक्तं तीक्ष्णं संपद्यते विषम्
yogādapi viṣaṃ tīkṣṇamuttamaṃ bheṣajaṃ bhavet bheṣajaṃ cāpi duryuktaṃ tīkṣṇaṃ saṃpadyate viṣam
Sanskrit only: no published translation is held for this verse.
तस्मान्न भिषजा युक्तं युक्तिबाह्येन भेषजम् धीमता किंचिदादेयं जीवितारोग्यकाङ्क्षिणा
tasmānna bhiṣajā yuktaṃ yuktibāhyena bheṣajam dhīmatā kiṃcidādeyaṃ jīvitārogyakāṅkṣiṇā
Sanskrit only: no published translation is held for this verse.
कुर्यान्निपतितो मूर्ध्नि सशेषं वासवाशनिः सशेषमातुरं कुर्यान्नत्वज्ञमतम् औषधम्
kuryānnipatito mūrdhni saśeṣaṃ vāsavāśaniḥ saśeṣamāturaṃ kuryānnatvajñamatam auṣadham
Sanskrit only: no published translation is held for this verse.
दुःखिताय शयानाय श्रद्दधानाय रोगिणे यो भेषजम् अविज्ञाय प्राज्ञमानी प्रयच्छति
duḥkhitāya śayānāya śraddadhānāya rogiṇe yo bheṣajam avijñāya prājñamānī prayacchati
Sanskrit only: no published translation is held for this verse.
त्यक्तधर्मस्य पापस्य मृत्युभूतस्य दुर्मतेः नरो नरकपाती स्यात्तस्य संभाषणादपि
tyaktadharmasya pāpasya mṛtyubhūtasya durmateḥ naro narakapātī syāttasya saṃbhāṣaṇādapi
Sanskrit only: no published translation is held for this verse.