Caraka-saṃhitā (the text alone) 7.2

अथातो जीमूतककल्पं व्याख्यास्यामः

athāto jīmūtakakalpaṃ vyākhyāsyāmaḥ

Sanskrit only: no published translation is held for this verse.

इति ह स्माह भगवानात्रेयः

iti ha smāha bhagavānātreyaḥ

Sanskrit only: no published translation is held for this verse.

कल्पं जीमूतकस्येमं फलपुष्पाश्रयं शृणु गरागरी च वेणी च तथा स्याद्देवताडकः

kalpaṃ jīmūtakasyemaṃ phalapuṣpāśrayaṃ śṛṇu garāgarī ca veṇī ca tathā syāddevatāḍakaḥ

Sanskrit only: no published translation is held for this verse.

जीमूतकं त्रिदोषघ्नं यथास्वौषधकल्पितम् प्रयोक्तव्यं ज्वरश्वासहिक्काद्येष्वामयेषु च

jīmūtakaṃ tridoṣaghnaṃ yathāsvauṣadhakalpitam prayoktavyaṃ jvaraśvāsahikkādyeṣvāmayeṣu ca

Sanskrit only: no published translation is held for this verse.

यथोक्तगुणयुक्तानां देशजानां यथाविधि पयः पुष्पेऽस्य निर्वृत्ते फले पेया पयस्कृता

yathoktaguṇayuktānāṃ deśajānāṃ yathāvidhi payaḥ puṣpe'sya nirvṛtte phale peyā payaskṛtā

Sanskrit only: no published translation is held for this verse.

लोमशे क्षीरसंतानं दध्युत्तरमलोमशे शृते पयसि दध्यम्लं जातं हरितपाण्डुके

lomaśe kṣīrasaṃtānaṃ dadhyuttaramalomaśe śṛte payasi dadhyamlaṃ jātaṃ haritapāṇḍuke

Sanskrit only: no published translation is held for this verse.

जीर्णानां च सुशुष्काणां न्यस्तानां भाजने शुचौ चूर्णस्य पयसा शुक्तिं वातपित्तार्दितः पिबेत्

jīrṇānāṃ ca suśuṣkāṇāṃ nyastānāṃ bhājane śucau cūrṇasya payasā śuktiṃ vātapittārditaḥ pibet

Sanskrit only: no published translation is held for this verse.

आसुत्य च सुरामण्डे मृदित्वा प्रस्रुतं पिबेत् कफजेऽरोचके कासे पाण्डुरोगे सयक्ष्मणि

āsutya ca surāmaṇḍe mṛditvā prasrutaṃ pibet kaphaje'rocake kāse pāṇḍuroge sayakṣmaṇi

Sanskrit only: no published translation is held for this verse.

द्वे चापोथ्याथवा त्रीणि गुडूच्या मधुकस्य वा कोविदारादिकानां वा निम्बस्य कुटजस्य वा

dve cāpothyāthavā trīṇi guḍūcyā madhukasya vā kovidārādikānāṃ vā nimbasya kuṭajasya vā

Sanskrit only: no published translation is held for this verse.

कषायेष्वासुतं पूत्वा तेनैव विधिना पिबेत् अथवाऽऽरग्वधादीनां सप्तानां पूर्ववत् पिबेत्

kaṣāyeṣvāsutaṃ pūtvā tenaiva vidhinā pibet athavā''ragvadhādīnāṃ saptānāṃ pūrvavat pibet

Sanskrit only: no published translation is held for this verse.

एकैकस्य कषायेण पित्तश्लेष्मज्वरार्दितः मात्राः स्युः फलवच्चाष्टौ कोलमात्रास्तु ता मताः

ekaikasya kaṣāyeṇa pittaśleṣmajvarārditaḥ mātrāḥ syuḥ phalavaccāṣṭau kolamātrāstu tā matāḥ

Sanskrit only: no published translation is held for this verse.

जीवकर्षभकेक्षूणां शतावर्या रसेन वा पित्तश्लेष्मज्वरे दद्याद्वातपित्तज्वरेऽथवा

jīvakarṣabhakekṣūṇāṃ śatāvaryā rasena vā pittaśleṣmajvare dadyādvātapittajvare'thavā

Sanskrit only: no published translation is held for this verse.

तथा जीमूतकक्षीरात् समुत्पन्नं पचेद्धृतम् फलादीनां कषायेण श्रेष्ठं तद्वमनं मतम्

tathā jīmūtakakṣīrāt samutpannaṃ paceddhṛtam phalādīnāṃ kaṣāyeṇa śreṣṭhaṃ tadvamanaṃ matam

Sanskrit only: no published translation is held for this verse.

तत्र श्लोकौ-- षट् क्षीरे मदिरामण्डे एको द्वादश चापरे सप्त चारग्वधादीनां कषायेऽष्टौ च वर्तिषु

tatra ślokau-- ṣaṭ kṣīre madirāmaṇḍe eko dvādaśa cāpare sapta cāragvadhādīnāṃ kaṣāye'ṣṭau ca vartiṣu

Sanskrit only: no published translation is held for this verse.

जीवकादिषु चत्वारो घृतं चैकं प्रकीर्तितम् कल्पे जीमूतकानां च योगास्त्रिंशन्नवाधिकाः

jīvakādiṣu catvāro ghṛtaṃ caikaṃ prakīrtitam kalpe jīmūtakānāṃ ca yogāstriṃśannavādhikāḥ

Sanskrit only: no published translation is held for this verse.