Caraka-saṃhitā (the text alone) 7.6

अथातः कृतवेधनकल्पं व्याख्यास्यामः

athātaḥ kṛtavedhanakalpaṃ vyākhyāsyāmaḥ

Sanskrit only: no published translation is held for this verse.

इति ह स्माह भगवानात्रेयः

iti ha smāha bhagavānātreyaḥ

Sanskrit only: no published translation is held for this verse.

कृतवेधननामानि कल्पं चास्य निबोधत क्ष्वेडः कोशातकी चोक्तं मृदङ्गफलमेव च

kṛtavedhananāmāni kalpaṃ cāsya nibodhata kṣveḍaḥ kośātakī coktaṃ mṛdaṅgaphalameva ca

Sanskrit only: no published translation is held for this verse.

अत्यर्थकटुतीक्ष्णोष्णं गाढेष्विष्टं गदेषु च कुष्ठपाण्ड्वामयप्लीहशोफगुल्मगरादिषु

atyarthakaṭutīkṣṇoṣṇaṃ gāḍheṣviṣṭaṃ gadeṣu ca kuṣṭhapāṇḍvāmayaplīhaśophagulmagarādiṣu

Sanskrit only: no published translation is held for this verse.

क्षीरादि कुसुमादीनां सुरा चैतेषु पूर्ववत् सुशुष्काणां तु जीर्णानामेकं द्वे वा यथाबलम्

kṣīrādi kusumādīnāṃ surā caiteṣu pūrvavat suśuṣkāṇāṃ tu jīrṇānāmekaṃ dve vā yathābalam

Sanskrit only: no published translation is held for this verse.

कषायैर्मधुकादीनां नवभिः फलवत् पिबेत् क्वाथयित्वा फलं तस्य पूत्वा लेहं निधापयेत्

kaṣāyairmadhukādīnāṃ navabhiḥ phalavat pibet kvāthayitvā phalaṃ tasya pūtvā lehaṃ nidhāpayet

Sanskrit only: no published translation is held for this verse.

कृतवेधनकल्कांशं फलाद्यर्धांशसंयुतम् पृथक् चारग्वधादीनां त्रयोदशभिरासुतम्

kṛtavedhanakalkāṃśaṃ phalādyardhāṃśasaṃyutam pṛthak cāragvadhādīnāṃ trayodaśabhirāsutam

Sanskrit only: no published translation is held for this verse.

शाल्मलीमूलचूर्णानां पिच्छाभिर्दशभिस्तथा वर्तिक्रियाः षट्फलवत् फलादीनां घृतं तथा

śālmalīmūlacūrṇānāṃ picchābhirdaśabhistathā vartikriyāḥ ṣaṭphalavat phalādīnāṃ ghṛtaṃ tathā

Sanskrit only: no published translation is held for this verse.

कोशातकानि पञ्चाशत् कोविदाररसे पचेत् तं कषायं फलादीनां कल्कैर्लेहं पुनः पचेत्

kośātakāni pañcāśat kovidārarase pacet taṃ kaṣāyaṃ phalādīnāṃ kalkairlehaṃ punaḥ pacet

Sanskrit only: no published translation is held for this verse.

क्ष्वेडस्य तत्र भागः स्याच्छेषाण्यर्धांशिकानि तु कषायैः कोविदाराद्यैरेवं तत् कल्पयेत् पृथक्

kṣveḍasya tatra bhāgaḥ syāccheṣāṇyardhāṃśikāni tu kaṣāyaiḥ kovidārādyairevaṃ tat kalpayet pṛthak

Sanskrit only: no published translation is held for this verse.

कषायेषु फलादीनामानूपं पिशितं पृथक् कोशातक्या समं पक्त्वा रसं सलवणं पिबेत्

kaṣāyeṣu phalādīnāmānūpaṃ piśitaṃ pṛthak kośātakyā samaṃ paktvā rasaṃ salavaṇaṃ pibet

Sanskrit only: no published translation is held for this verse.

फलादिपिप्पलीतुल्यं तद्वत् क्ष्वेडरसं पिबेत् क्ष्वेडं कासी पिबेत् सिद्धं मिश्रमिक्षुरसेन च

phalādipippalītulyaṃ tadvat kṣveḍarasaṃ pibet kṣveḍaṃ kāsī pibet siddhaṃ miśramikṣurasena ca

Sanskrit only: no published translation is held for this verse.

तत्र श्लोकौ-- क्षीरे द्वौ द्वौ सुरा चैका क्वाथा द्वाविंशतिस्तथा दश पिच्छा घृतं चैकं षट् च वर्तिक्रियाः शुभाः

tatra ślokau-- kṣīre dvau dvau surā caikā kvāthā dvāviṃśatistathā daśa picchā ghṛtaṃ caikaṃ ṣaṭ ca vartikriyāḥ śubhāḥ

Sanskrit only: no published translation is held for this verse.

लेहेऽष्टौ सप्त मांसे च योग इक्षुरसेऽपरः कृतवेधनकल्पेऽस्मिन् षष्टिर्योगाः प्रकीर्तिताः

lehe'ṣṭau sapta māṃse ca yoga ikṣurase'paraḥ kṛtavedhanakalpe'smin ṣaṣṭiryogāḥ prakīrtitāḥ

Sanskrit only: no published translation is held for this verse.