Caraka-saṃhitā (the text alone) 7.9

अथातस्तिल्वककल्पं व्याख्यास्यामः

athātastilvakakalpaṃ vyākhyāsyāmaḥ

Sanskrit only: no published translation is held for this verse.

इति ह स्माह भगवानात्रेयः

iti ha smāha bhagavānātreyaḥ

Sanskrit only: no published translation is held for this verse.

तिल्वकस्तु मतो लोघ्रो बृहत्पत्रस्तिरीटकः तस्य मूलत्वचं शुष्कामन्तर्वल्कलवर्जिताम्

tilvakastu mato loghro bṛhatpatrastirīṭakaḥ tasya mūlatvacaṃ śuṣkāmantarvalkalavarjitām

Sanskrit only: no published translation is held for this verse.

चूर्णयेत्तु त्रिधा कृत्वा द्वौ भागौ श्चोतयेत्ततः लोध्रस्यैव कषायेण तृतीयं तेन भावयेत्

cūrṇayettu tridhā kṛtvā dvau bhāgau ścotayettataḥ lodhrasyaiva kaṣāyeṇa tṛtīyaṃ tena bhāvayet

Sanskrit only: no published translation is held for this verse.

भागं तु दशमूलस्य पुनः क्वातेन भावयेत् शुष्कं चूर्णं पुनः कृत्वा तत ऊर्ध्वं प्रयोजयेत्

bhāgaṃ tu daśamūlasya punaḥ kvātena bhāvayet śuṣkaṃ cūrṇaṃ punaḥ kṛtvā tata ūrdhvaṃ prayojayet

Sanskrit only: no published translation is held for this verse.

दधितक्रसुरामण्डमूत्रैर्बदरसीधुना रसेनामलकानां वा ततः पाणितलं पिबेत्

dadhitakrasurāmaṇḍamūtrairbadarasīdhunā rasenāmalakānāṃ vā tataḥ pāṇitalaṃ pibet

Sanskrit only: no published translation is held for this verse.

मेषशृङ्ग्यभयाकृष्णाचित्रकैः सलिले शृते मरुजान् सुनुयात्तच्च जातं सौवीरकं यदा

meṣaśṛṅgyabhayākṛṣṇācitrakaiḥ salile śṛte marujān sunuyāttacca jātaṃ sauvīrakaṃ yadā

Sanskrit only: no published translation is held for this verse.

भवेदञ्जलिना तस्य लोध्रकल्कं पिबेत् सदा सुरां लोध्रकषायेण जातां पक्षस्थितां पिबेत्

bhavedañjalinā tasya lodhrakalkaṃ pibet sadā surāṃ lodhrakaṣāyeṇa jātāṃ pakṣasthitāṃ pibet

Sanskrit only: no published translation is held for this verse.

दन्तीचित्रकयोर्द्रोणे सलिलस्याढकं पृथक् समुत्क्वाथ्य गुडस्यैकां तुलां लोध्रस्य चाञ्जलिम्

dantīcitrakayordroṇe salilasyāḍhakaṃ pṛthak samutkvāthya guḍasyaikāṃ tulāṃ lodhrasya cāñjalim

Sanskrit only: no published translation is held for this verse.

आवपेत्तत् परं पक्षान्मद्यपानां विरेचनम् कम्पिल्लककषायेण दशकृत्वः सुभाविताम्

āvapettat paraṃ pakṣānmadyapānāṃ virecanam kampillakakaṣāyeṇa daśakṛtvaḥ subhāvitām

Sanskrit only: no published translation is held for this verse.

मात्रां कम्पिल्लकस्यैव कषायेण पुनः पिबेत् चतुरङ्गुलकल्पेन लेहोऽन्यः कार्य एव च

mātrāṃ kampillakasyaiva kaṣāyeṇa punaḥ pibet caturaṅgulakalpena leho'nyaḥ kārya eva ca

Sanskrit only: no published translation is held for this verse.

त्रिफलायाः कषायेण ससर्पिर्मधुफाणितः लोध्रचूर्णयुतः सिद्धो लेहः श्रेष्ठो विरेचने

triphalāyāḥ kaṣāyeṇa sasarpirmadhuphāṇitaḥ lodhracūrṇayutaḥ siddho lehaḥ śreṣṭho virecane

Sanskrit only: no published translation is held for this verse.

तिल्वकस्य कषायेण कल्केन च सशर्करः सघृतः साधितो लेहः स च श्रेष्ठो विरेचने

tilvakasya kaṣāyeṇa kalkena ca saśarkaraḥ saghṛtaḥ sādhito lehaḥ sa ca śreṣṭho virecane

Sanskrit only: no published translation is held for this verse.

अष्टाष्टौ त्रिवृतादीनां मुष्टींस्तु सनखान् पृथक् द्रोणेऽपां साधयेत् पादशेषे प्रस्तं घृतात् पचेत्

aṣṭāṣṭau trivṛtādīnāṃ muṣṭīṃstu sanakhān pṛthak droṇe'pāṃ sādhayet pādaśeṣe prastaṃ ghṛtāt pacet

Sanskrit only: no published translation is held for this verse.

पिष्टैस्तैरेव बिल्वांशैः समूत्रलवणैरथ ततो मात्रां पिबेत् काले श्रेष्ठमेतद्विरेचनम्

piṣṭaistaireva bilvāṃśaiḥ samūtralavaṇairatha tato mātrāṃ pibet kāle śreṣṭhametadvirecanam

Sanskrit only: no published translation is held for this verse.

लोध्रकल्केन मूत्राम्ललवणैश्च पचेद्घृतम् चतुरङ्गुलकल्पेन सर्पिषी द्वे च साधयेत्

lodhrakalkena mūtrāmlalavaṇaiśca pacedghṛtam caturaṅgulakalpena sarpiṣī dve ca sādhayet

Sanskrit only: no published translation is held for this verse.

तत्र श्लोकौ-- पञ्च दध्यादिभिस्त्वेका सुरा सौवीरकेण च एकोऽरिष्टस्तथा योग एकः कम्पिल्लकेन च

tatra ślokau-- pañca dadhyādibhistvekā surā sauvīrakeṇa ca eko'riṣṭastathā yoga ekaḥ kampillakena ca

Sanskrit only: no published translation is held for this verse.

लेहास्त्रयो घृतेनापि चत्वारः संप्रकीर्तिताः योगास्ते लोध्रमूलानां कल्पे षोडश दर्शिताः

lehāstrayo ghṛtenāpi catvāraḥ saṃprakīrtitāḥ yogāste lodhramūlānāṃ kalpe ṣoḍaśa darśitāḥ

Sanskrit only: no published translation is held for this verse.