विहरति भगवाञ् छास्ता संबुद्धो लोकनायकः । राजगृहे महोद्भासे गृद्धकूटे सुखालये
viharati bhagavāñ chāstā saṃbuddho lokanāyakaḥ / rājagṛhe mahodbhāse gṛddhakūṭe sukhālaye
Sanskrit only: no published translation is held for this verse.
Library·Dvavimsatyavadanakatha·1
Dvavimsatyavadanakatha 1
महता भिक्षुसंघेन सार्धं द्वादशभिः शतैः । महद्भिर् बोधिसत्त्वैश् च अशीत्या च सहस्रकैः
mahatā bhikṣusaṃghena sārdhaṃ dvādaśabhiḥ śataiḥ / mahadbhir bodhisattvaiś ca aśītyā ca sahasrakaiḥ
Sanskrit only: no published translation is held for this verse.
देवदानवगन्धर्वयक्षकिंनरमानुजैः । पुरस्कृत्यार्चितस् तस्थौ पूर्णेन्दुः खे ग्रहैर् इव
devadānavagandharvayakṣakiṃnaramānujaiḥ / puraskṛtyārcitas tasthau pūrṇenduḥ khe grahair iva
Sanskrit only: no published translation is held for this verse.
भासयन् महता दीप्त्या पर्षद्गणं विलोकयन् । त्रिकालकल्याणं धर्मं दिदेश पर्षदां पुनः
bhāsayan mahatā dīptyā parṣadgaṇaṃ vilokayan / trikālakalyāṇaṃ dharmaṃ dideśa parṣadāṃ punaḥ
Sanskrit only: no published translation is held for this verse.
आदौ कल्याणं मध्ये कल्याणं पर्यवसाने कल्याणं स्वर्थम् सुव्यञ्जनं केवलं परिपूर्णं परिशुद्धं पर्यवदातं ब्रह्मचर्यं संप्रकाशयति स्म ॥ तदाहानन्द आत्मज्ञः कृताञ्जलिपुटो मुदा । सर्वज्ञं धर्मराजं तं नत्वा भक्तिपुरःसरः
ādau kalyāṇaṃ madhye kalyāṇaṃ paryavasāne kalyāṇaṃ svartham suvyañjanaṃ kevalaṃ paripūrṇaṃ pariśuddhaṃ paryavadātaṃ brahmacaryaṃ saṃprakāśayati sma // tadāhānanda ātmajñaḥ kṛtāñjalipuṭo mudā / sarvajñaṃ dharmarājaṃ taṃ natvā bhaktipuraḥsaraḥ
Sanskrit only: no published translation is held for this verse.
भगवञ् छ्रोतुम् इच्छामि नराणां हितकाम्यया । धर्माणाम् उत्तमं धर्मं वद वादीन्द्र वादिराट्
bhagavañ chrotum icchāmi narāṇāṃ hitakāmyayā / dharmāṇām uttamaṃ dharmaṃ vada vādīndra vādirāṭ
Sanskrit only: no published translation is held for this verse.
इति संप्रार्थिते तेन शाक्यसिंहस् ततः स्वयम् । समाधिं विदधे तत्र धर्मसंदर्शनं वरम्
iti saṃprārthite tena śākyasiṃhas tataḥ svayam / samādhiṃ vidadhe tatra dharmasaṃdarśanaṃ varam
Sanskrit only: no published translation is held for this verse.
अथास्य सुभ्रूविवराद् बभूव विनिर्गता सा प्रहतान्धकारा । सर्वासु दिक्षु प्रतिभासितेव मध्याह्नसूर्यस्य गभस्तिमाला
athāsya subhrūvivarād babhūva vinirgatā sā prahatāndhakārā / sarvāsu dikṣu pratibhāsiteva madhyāhnasūryasya gabhastimālā
Sanskrit only: no published translation is held for this verse.
अथास्य शिष्याः पर्षद्भिर् भगवन्तम् अवाकिरन् । सुपुष्पैर् वायुना घूर्णा नगं बाललता इव
athāsya śiṣyāḥ parṣadbhir bhagavantam avākiran / supuṣpair vāyunā ghūrṇā nagaṃ bālalatā iva
Sanskrit only: no published translation is held for this verse.
चचाल वसुधा साब्धिः षड्विकाराथ साचला । पपात पुष्पं मेघेभ्यो नेदुर् वाद्यं सुरर्षयः
cacāla vasudhā sābdhiḥ ṣaḍvikārātha sācalā / papāta puṣpaṃ meghebhyo nedur vādyaṃ surarṣayaḥ
Sanskrit only: no published translation is held for this verse.
अथ देवगणाः सर्वे चायान्ति गृद्धकूटके । ब्रह्मशंकरशक्राश् च हरिः कामेश्वरादयः
atha devagaṇāḥ sarve cāyānti gṛddhakūṭake / brahmaśaṃkaraśakrāś ca hariḥ kāmeśvarādayaḥ
Sanskrit only: no published translation is held for this verse.
असुराः खगगन्धर्वाः किंनराश् च महोरगाः । लोकपालास् तथान्ये ऽपि धृतराष्ट्रादयस् तथा
asurāḥ khagagandharvāḥ kiṃnarāś ca mahoragāḥ / lokapālās tathānye 'pi dhṛtarāṣṭrādayas tathā
Sanskrit only: no published translation is held for this verse.
तत्र प्रदक्षिणीकृत्य भगवन्तं निपत्य च । देवाश् चान्ये गणाः सर्वे प्रतस्थुर् विस्मयात् पुरः
tatra pradakṣiṇīkṛtya bhagavantaṃ nipatya ca / devāś cānye gaṇāḥ sarve pratasthur vismayāt puraḥ
Sanskrit only: no published translation is held for this verse.
अथ श्रीभगवाञ् छास्ता व्युत्थाय च समाधिना । पर्षद्गणं समालोक्य प्रहसन् तूष्णीम् अभूत् तदा
atha śrībhagavāñ chāstā vyutthāya ca samādhinā / parṣadgaṇaṃ samālokya prahasan tūṣṇīm abhūt tadā
Sanskrit only: no published translation is held for this verse.
अथानन्दो महाविज्ञः ज्ञात्वाधिवासनं मुनेः । आसनात् सहसोत्थाय भगवन्तम् उवाच सः
athānando mahāvijñaḥ jñātvādhivāsanaṃ muneḥ / āsanāt sahasotthāya bhagavantam uvāca saḥ
Sanskrit only: no published translation is held for this verse.
भगवन् पातुम् इच्छामि त्वन्मुखाम्भोजनिर्गतम् । वाक्पीयूषं तृषार्तो ऽपि गिरिजं कम् इवार्दितः
bhagavan pātum icchāmi tvanmukhāmbhojanirgatam / vākpīyūṣaṃ tṛṣārto 'pi girijaṃ kam ivārditaḥ
Sanskrit only: no published translation is held for this verse.
कश् चिन् महाधनो लोके विद्वान् भोगी च भाग्यवान् । दरिद्रो व्याधितो दुःखी शिल्पवान् को ऽपि बालिशः
kaś cin mahādhano loke vidvān bhogī ca bhāgyavān / daridro vyādhito duḥkhī śilpavān ko 'pi bāliśaḥ
Sanskrit only: no published translation is held for this verse.
सुरलोके गतः कश् चिन् निरये चातिदारुणे । केन कर्मविपाकेन तादृक् स्याद् भगवन् कथम्
suraloke gataḥ kaś cin niraye cātidāruṇe / kena karmavipākena tādṛk syād bhagavan katham
Sanskrit only: no published translation is held for this verse.
तत् सर्वं ब्रूहि वादीन्द्र सर्वलोकहितार्थक । मयि चानुग्रहं कृत्वा भवाम्भोधिनिमग्नके
tat sarvaṃ brūhi vādīndra sarvalokahitārthaka / mayi cānugrahaṃ kṛtvā bhavāmbhodhinimagnake
Sanskrit only: no published translation is held for this verse.
एवम् उक्ते ऽथ भगवान् उवाच भिक्षुसत्तमम् । सर्वलोकहितार्थाय स्वं प्रभावं प्रदर्शयन्
evam ukte 'tha bhagavān uvāca bhikṣusattamam / sarvalokahitārthāya svaṃ prabhāvaṃ pradarśayan
Sanskrit only: no published translation is held for this verse.
महाभागेति सत्त्वानां यत् तच् चेद् धृदि रोचते । षट्सु गतिषु मग्नानां तच् छृणुष्व शुभाशुभम्
mahābhāgeti sattvānāṃ yat tac ced dhṛdi rocate / ṣaṭsu gatiṣu magnānāṃ tac chṛṇuṣva śubhāśubham
Sanskrit only: no published translation is held for this verse.
श्रुतपूर्वं महाभाग सदसच् चेति जीविनाम् । चतुर्योनिषु संजाताः पृथक्कर्मगताः सदा
śrutapūrvaṃ mahābhāga sadasac ceti jīvinām / caturyoniṣu saṃjātāḥ pṛthakkarmagatāḥ sadā
Sanskrit only: no published translation is held for this verse.
अण्डजाः स्वेदजा औपपादुकाश् च जरायुजाः । खगाद्या अण्डजाः प्रोक्ता मानवाद्या जरायुजाः
aṇḍajāḥ svedajā aupapādukāś ca jarāyujāḥ / khagādyā aṇḍajāḥ proktā mānavādyā jarāyujāḥ
Sanskrit only: no published translation is held for this verse.
स्वेदजाः कृमिकीटाद्या देवाद्या औपपादुकाः । दृश्यन्ते कर्मणा चैते व्रतशीलेन धीमता
svedajāḥ kṛmikīṭādyā devādyā aupapādukāḥ / dṛśyante karmaṇā caite vrataśīlena dhīmatā
Sanskrit only: no published translation is held for this verse.
तेषां गतिविशेषेण जायन्ते प्राणिनस् तथा । चतुर्द्वीपे महोत्साहे पूर्वकर्मविपाकगाः
teṣāṃ gativiśeṣeṇa jāyante prāṇinas tathā / caturdvīpe mahotsāhe pūrvakarmavipākagāḥ
Sanskrit only: no published translation is held for this verse.
षड्गतौ संभवा भूता अधमोत्तममध्यमाः । भिक्षो कर्मविपाकेन गतिस् तेषां पृथक् पृथक्
ṣaḍgatau saṃbhavā bhūtā adhamottamamadhyamāḥ / bhikṣo karmavipākena gatis teṣāṃ pṛthak pṛthak
Sanskrit only: no published translation is held for this verse.
शुभाशुभम् इदं कर्म कायवाक्चित्तजं ततः । फलं भुक्ते जनस् तस्य लोकोत्तरे च लौकिके
śubhāśubham idaṃ karma kāyavākcittajaṃ tataḥ / phalaṃ bhukte janas tasya lokottare ca laukike
Sanskrit only: no published translation is held for this verse.
अथाह पुनर् आनन्दो भगवन्तं जगद्गुरुम् । पापानां मूललोकानां व्यक्तयस् त्वं प्रदर्शय
athāha punar ānando bhagavantaṃ jagadgurum / pāpānāṃ mūlalokānāṃ vyaktayas tvaṃ pradarśaya
Sanskrit only: no published translation is held for this verse.
कायवाङ्मनसा कर्म कानि कानि कृतानि च । यत् सर्वं तद् विशेषं च वद मे वादिपुंगव
kāyavāṅmanasā karma kāni kāni kṛtāni ca / yat sarvaṃ tad viśeṣaṃ ca vada me vādipuṃgava
Sanskrit only: no published translation is held for this verse.
भगवान् आह ॥ शुभाशुभफलं नॄणां यच् छृणुष्व स्फुटं ततः । धर्मेण प्राप्यते मोदम् अमोदम् अशुभोद्भवम्
bhagavān āha // śubhāśubhaphalaṃ nṝṇāṃ yac chṛṇuṣva sphuṭaṃ tataḥ / dharmeṇa prāpyate modam amodam aśubhodbhavam
Sanskrit only: no published translation is held for this verse.
पुनश् च विस्तरेण ॥ कायदुश्चरितं कर्म त्रिधा भिन्नं प्रकाशितम् । अदत्तप्राणातिपातः काममिथ्या तथैव च
punaś ca vistareṇa // kāyaduścaritaṃ karma tridhā bhinnaṃ prakāśitam / adattaprāṇātipātaḥ kāmamithyā tathaiva ca
Sanskrit only: no published translation is held for this verse.
वाक्दुश्चरितं कर्म चतुर्विधं प्रकाशितम् । मृषापिशुनपारुष्यं संभिन्नेत्य् आह धीमता
vākduścaritaṃ karma caturvidhaṃ prakāśitam / mṛṣāpiśunapāruṣyaṃ saṃbhinnety āha dhīmatā
Sanskrit only: no published translation is held for this verse.
मनोदुश्चरितं कर्म त्रिधा भिन्नं विदुर् बुधाः । अभिध्या चैव व्यापादमिथ्यादृष्टि त्रयोविधाः
manoduścaritaṃ karma tridhā bhinnaṃ vidur budhāḥ / abhidhyā caiva vyāpādamithyādṛṣṭi trayovidhāḥ
Sanskrit only: no published translation is held for this verse.
यो दयां संत्यजेद् द्रोही परप्राणिवधादिना । ताडनहिंसकर्मादिः प्राणिपातस् तद् उच्यते
yo dayāṃ saṃtyajed drohī paraprāṇivadhādinā / tāḍanahiṃsakarmādiḥ prāṇipātas tad ucyate
Sanskrit only: no published translation is held for this verse.
परविषयलोभेन अन्यायेन बलेन च । चौर्यासत्य-अधर्मेण अदत्तग्रहणं विदुः
paraviṣayalobhena anyāyena balena ca / cauryāsatya-adharmeṇa adattagrahaṇaṃ viduḥ
Sanskrit only: no published translation is held for this verse.
व्रतिनी धर्मचारिण्यो ऽशुची वेश्याः परस्त्रियः । संबन्धिनि प्रसङ्गादि काममिथ्या तद् उच्यते
vratinī dharmacāriṇyo 'śucī veśyāḥ parastriyaḥ / saṃbandhini prasaṅgādi kāmamithyā tad ucyate
Sanskrit only: no published translation is held for this verse.
विषयेषु च लोभेषु स्नेहेषु च भयेषु च । असत्येन प्रोबोधाय मृषावादस् तद् उच्यते
viṣayeṣu ca lobheṣu sneheṣu ca bhayeṣu ca / asatyena probodhāya mṛṣāvādas tad ucyate
Sanskrit only: no published translation is held for this verse.
स्वदोषम् गुप्तवान् येन परदोषः प्रकाश्यते । शापयेन् मर्मदिग्धेन पारुष्यवचनं विदुः
svadoṣam guptavān yena paradoṣaḥ prakāśyate / śāpayen marmadigdhena pāruṣyavacanaṃ viduḥ
Sanskrit only: no published translation is held for this verse.
दुर्वृत्तिव्यवहारेण बन्धुमित्रं विरुध्यते । स्वेन च गुणलब्धाय पैशुन्यं विदधा मतः
durvṛttivyavahāreṇa bandhumitraṃ virudhyate / svena ca guṇalabdhāya paiśunyaṃ vidadhā mataḥ
Sanskrit only: no published translation is held for this verse.
यस्याग्रे भिन्नवादेन परचित्तम् अधीरयन् । परस्परविद्वेषं स्यात् संभिन्न विदधा मतः
yasyāgre bhinnavādena paracittam adhīrayan / parasparavidveṣaṃ syāt saṃbhinna vidadhā mataḥ
Sanskrit only: no published translation is held for this verse.
परद्रव्यादिसंपत्तिं लोभचित्तेन तर्कयन् । तद् अभिध्या इति ज्ञेयं दुर्जनः परिसेव्यते
paradravyādisaṃpattiṃ lobhacittena tarkayan / tad abhidhyā iti jñeyaṃ durjanaḥ parisevyate
Sanskrit only: no published translation is held for this verse.
परदेहादिसंपत्तौ कुचित्तेन स शापयेत् । अमङ्गलं भवत्व् इति व्यापादो ऽयं स उच्यते
paradehādisaṃpattau kucittena sa śāpayet / amaṅgalaṃ bhavatv iti vyāpādo 'yaṃ sa ucyate
Sanskrit only: no published translation is held for this verse.
परत्र पापपुण्यं न सुखदुःखं न विद्यते । दुर्बोधशास्त्रं श्रुत्वा च मिथ्यादृष्टिः स नास्तिकः
paratra pāpapuṇyaṃ na sukhaduḥkhaṃ na vidyate / durbodhaśāstraṃ śrutvā ca mithyādṛṣṭiḥ sa nāstikaḥ
Sanskrit only: no published translation is held for this verse.
एवं दशाकुशलेन पापेनैव स बालिशः । परत्र यमदूतेन नानापीडां प्रतप्यति
evaṃ daśākuśalena pāpenaiva sa bāliśaḥ / paratra yamadūtena nānāpīḍāṃ pratapyati
Sanskrit only: no published translation is held for this verse.
तस्माच् चोक्तं मयानन्द देहवृक्षफलोदयम् । येन येन कृतं कर्म तेन तेन प्रभुञ्जते
tasmāc coktaṃ mayānanda dehavṛkṣaphalodayam / yena yena kṛtaṃ karma tena tena prabhuñjate
Sanskrit only: no published translation is held for this verse.
जन्मनाशजरावीचौ निमग्नाः प्राणिनो ह्रदे । तस्माद् भीया महाभीमे भुजङ्गे भीतिमान् इव
janmanāśajarāvīcau nimagnāḥ prāṇino hrade / tasmād bhīyā mahābhīme bhujaṅge bhītimān iva
Sanskrit only: no published translation is held for this verse.
देवासुरमनुष्याश् च तिर्यक्प्रेताश् च नारकाः । षगतौ जायते तस्मिञ् शुभाशुभेन कर्मणा
devāsuramanuṣyāś ca tiryakpretāś ca nārakāḥ / ṣagatau jāyate tasmiñ śubhāśubhena karmaṇā
Sanskrit only: no published translation is held for this verse.
इति श्रुत्वा अथानन्दो लोकानाम् अनुशोचयन् । भीतसंसारदुर्वारः संहर्षिततनुरुहः
iti śrutvā athānando lokānām anuśocayan / bhītasaṃsāradurvāraḥ saṃharṣitatanuruhaḥ
Sanskrit only: no published translation is held for this verse.
अथासनात् समुत्थाय मैत्रेयो दमितेन्द्रियः । लोकानां च हितार्थाय अवोचज् जगतां प्रभुम्
athāsanāt samutthāya maitreyo damitendriyaḥ / lokānāṃ ca hitārthāya avocaj jagatāṃ prabhum
Sanskrit only: no published translation is held for this verse.
भगवन् बुद्ध वीरेश जगदानन्दवर्धन । दाक्षिण्यम् फलसंपूर्णं भाषस्व विविधं वरम्
bhagavan buddha vīreśa jagadānandavardhana / dākṣiṇyam phalasaṃpūrṇaṃ bhāṣasva vividhaṃ varam
Sanskrit only: no published translation is held for this verse.
पुण्योत्साहनं श्रवणं दुर्लभं त्यागपुण्ययोः । बिम्बस्नानम् तथा गन्धं छत्त्रम् धात्वावरोपणम्
puṇyotsāhanaṃ śravaṇaṃ durlabhaṃ tyāgapuṇyayoḥ / bimbasnānam tathā gandhaṃ chattram dhātvāvaropaṇam
Sanskrit only: no published translation is held for this verse.
मण्डलं भोजनं पानं वस्त्रं पुष्पादिवर्णनम् । प्रणामोज्ज्वालिकादीपं विहारं शयनासनम्
maṇḍalaṃ bhojanaṃ pānaṃ vastraṃ puṣpādivarṇanam / praṇāmojjvālikādīpaṃ vihāraṃ śayanāsanam
Sanskrit only: no published translation is held for this verse.
क्षेत्रं विचित्रं चैवान्तम् इत्य् एता बहुधा भृशम् । कथा द्वाविंशतिः संख्या वद मे वादिराट् प्रभो
kṣetraṃ vicitraṃ caivāntam ity etā bahudhā bhṛśam / kathā dvāviṃśatiḥ saṃkhyā vada me vādirāṭ prabho
Sanskrit only: no published translation is held for this verse.
शीलक्षान्तिं तथा वीर्यं ध्यानं प्रज्ञा तथैव च । षड् एव पारमिताः सर्वा भाषस्व भगवन् मुने
śīlakṣāntiṃ tathā vīryaṃ dhyānaṃ prajñā tathaiva ca / ṣaḍ eva pāramitāḥ sarvā bhāṣasva bhagavan mune
Sanskrit only: no published translation is held for this verse.
भगवान् आह ॥ साधु साधु त्व मैत्रेय लोकानां हितकारक । पुण्योत्साहकथां भव्यां शृणुष्व मैत्रमानस
bhagavān āha // sādhu sādhu tva maitreya lokānāṃ hitakāraka / puṇyotsāhakathāṃ bhavyāṃ śṛṇuṣva maitramānasa
Sanskrit only: no published translation is held for this verse.
मानुष्यं समवाप्य दुष्करशतैर् लब्ध्वा दुरापं क्षणं मृत्यौ निष्प्रतिकारदारुणतरे नित्यं पुरःस्थायिनि । पाथेयं दमदानसंयममयं यैर् न प्रभूतं कृतं संसारोग्रमरुप्रपातपतिताः प्राप्स्यन्ति दुःखानि ते
mānuṣyaṃ samavāpya duṣkaraśatair labdhvā durāpaṃ kṣaṇaṃ mṛtyau niṣpratikāradāruṇatare nityaṃ puraḥsthāyini / pātheyaṃ damadānasaṃyamamayaṃ yair na prabhūtaṃ kṛtaṃ saṃsārogramaruprapātapatitāḥ prāpsyanti duḥkhāni te
Sanskrit only: no published translation is held for this verse.
मानुष्यं दुर्लभं प्राप्य विद्युत्फेनोर्मिभङ्गुरम् । मानुस्ये ऽप्य् अक्षणप्राप्ते तदा पुण्यं कथं स्मरेत्
mānuṣyaṃ durlabhaṃ prāpya vidyutphenormibhaṅguram / mānusye 'py akṣaṇaprāpte tadā puṇyaṃ kathaṃ smaret
Sanskrit only: no published translation is held for this verse.
मानुष्यत्वं समासाद्य तर दुःखमहानदीम् । पुण्यम् एवात्र कुर्वीत यतश् चिन्तामणिर् नृणाम्
mānuṣyatvaṃ samāsādya tara duḥkhamahānadīm / puṇyam evātra kurvīta yataś cintāmaṇir nṛṇām
Sanskrit only: no published translation is held for this verse.
यस्यानुभावान् मानुष्यं प्राप्तं भूयो ऽपि सांप्रतम् । पुण्यं तद् वर्धयस्वेह यस्माद् धेतुः सुखस्य ते
yasyānubhāvān mānuṣyaṃ prāptaṃ bhūyo 'pi sāṃpratam / puṇyaṃ tad vardhayasveha yasmād dhetuḥ sukhasya te
Sanskrit only: no published translation is held for this verse.
मानुष्यं यदुपाश्रयेण भवता लब्धं पुनः सांप्रतं रूपौदार्यकुलोन्नतिप्रभृतिभिर् युक्तं विचित्रैर् गुणैः । तत् पुण्यं सुहृद् एक एव जगतां बन्धुश् च जन्मान्तरे तस्मात् तूर्णम् इदं कुरु त्वम् असकृत् सर्वार्थसंपत्करम्
mānuṣyaṃ yadupāśrayeṇa bhavatā labdhaṃ punaḥ sāṃprataṃ rūpaudāryakulonnatiprabhṛtibhir yuktaṃ vicitrair guṇaiḥ / tat puṇyaṃ suhṛd eka eva jagatāṃ bandhuś ca janmāntare tasmāt tūrṇam idaṃ kuru tvam asakṛt sarvārthasaṃpatkaram
Sanskrit only: no published translation is held for this verse.
लक्ष्मीनिकेतं यदुपाश्रयेण प्राप्तो ऽसि लोकाभिमतं प्रभुत्वम् । तान्य् एव पुण्यानि विवर्धयेथा न कर्षणीयो ह्य् उपकारिपक्षः
lakṣmīniketaṃ yadupāśrayeṇa prāpto 'si lokābhimataṃ prabhutvam / tāny eva puṇyāni vivardhayethā na karṣaṇīyo hy upakāripakṣaḥ
Sanskrit only: no published translation is held for this verse.
विरमत पापतः कुरुत पुण्यम् उदारतरं दमयत दुर्दमं विषयलोलमनस्तुरगम् । भवत मुनीन्द्रवत् परहिताभिरताः सततं दशति न यावद् एव मरणाहिर् असह्यविषः
viramata pāpataḥ kuruta puṇyam udārataraṃ damayata durdamaṃ viṣayalolamanasturagam / bhavata munīndravat parahitābhiratāḥ satataṃ daśati na yāvad eva maraṇāhir asahyaviṣaḥ
Sanskrit only: no published translation is held for this verse.