Dvavimsatyavadanakatha 12

अथ खलु मैत्रेयो बोधिसत्त्वो महासत्त्वः सत्त्वानां कुशलसंजननार्थं भगवन्तं पुनर् उवाच ॥ भगवञ् छ्रोतुम् इच्छ्हामि, अन्नदानस्य यत् फलम् । तत् सर्वं ब्रूहि वादीन्द्र कथं सुगतभोजनम्

atha khalu maitreyo bodhisattvo mahāsattvaḥ sattvānāṃ kuśalasaṃjananārthaṃ bhagavantaṃ punar uvāca // bhagavañ chrotum icchhāmi, annadānasya yat phalam / tat sarvaṃ brūhi vādīndra kathaṃ sugatabhojanam

Sanskrit only: no published translation is held for this verse.

ततः स गृहपतिर् दिव्यमानुष्यैर् उपकरणैर् भगवन्तम् उपस्थाय सर्वाङ्गेन भगवतः पादयोर् निपत्य प्रणिधानं कर्तुम् आरब्धः ॥ अनेन कुशलमूलेनाहं चित्तोत्पादेन देयधर्मपरित्यागेन चान्धे लोके ऽनायके ऽपरिणायके बुद्धो भूयाम् इति ॥ अथ भगवांस् तस्य गृहपतेर् हेतुपरंपरां कर्मपरंपरां च ज्ञात्वा स्मितं प्राविष्करोति ॥ तस्मिन् समये नीलपीतलोहितावदाता अर्चिषो भगवतो मुखद्वारान् निश्चरन्ति । निश्चरित्वा, अध ऊर्द्धभवाग्रपर्यन्तम् अवभास्य । अथ ता अर्चिषो भगवन्तं त्रिप्रदक्षिणीकृत्य भगवत उष्णीषे ऽन्तर्हितो ऽभूत् ॥ अथायुष्मान् आनन्दः कृतकरपुटो भगवन्तं पप्रच्छ ॥ नानाविधो रङ्गसहस्रचित्रो वक्त्रान्तरान् निष्कसितः कलापः । अवभासिता येन दिशः समन्ताद् दिवाकरेणोदयता यथैव

tataḥ sa gṛhapatir divyamānuṣyair upakaraṇair bhagavantam upasthāya sarvāṅgena bhagavataḥ pādayor nipatya praṇidhānaṃ kartum ārabdhaḥ // anena kuśalamūlenāhaṃ cittotpādena deyadharmaparityāgena cāndhe loke 'nāyake 'pariṇāyake buddho bhūyām iti // atha bhagavāṃs tasya gṛhapater hetuparaṃparāṃ karmaparaṃparāṃ ca jñātvā smitaṃ prāviṣkaroti // tasmin samaye nīlapītalohitāvadātā arciṣo bhagavato mukhadvārān niścaranti / niścaritvā, adha ūrddhabhavāgraparyantam avabhāsya / atha tā arciṣo bhagavantaṃ tripradakṣiṇīkṛtya bhagavata uṣṇīṣe 'ntarhito 'bhūt // athāyuṣmān ānandaḥ kṛtakarapuṭo bhagavantaṃ papraccha // nānāvidho raṅgasahasracitro vaktrāntarān niṣkasitaḥ kalāpaḥ / avabhāsitā yena diśaḥ samantād divākareṇodayatā yathaiva

Sanskrit only: no published translation is held for this verse.

विगतोद्भवा दैन्यमदप्रहीणा बुद्धा जगत्य् उत्तमहेतुभूताः । नाकारणं शङ्खम्मालगौरं स्मितम् उपदर्शयन्ति जिना जितारयः

vigatodbhavā dainyamadaprahīṇā buddhā jagaty uttamahetubhūtāḥ / nākāraṇaṃ śaṅkhammālagauraṃ smitam upadarśayanti jinā jitārayaḥ

Sanskrit only: no published translation is held for this verse.

तत्कालं स्वयम् अधिगम्य वीर बुद्ध्या श्रोतॄणां श्रवण जिनेन्द्र काङ्क्षतानाम् । धीराभिर् मुनिवृष वाग्भिर् उत्तमाभिर् उत्पन्नं व्यपनय संशयं शुभाभिः

tatkālaṃ svayam adhigamya vīra buddhyā śrotṝṇāṃ śravaṇa jinendra kāṅkṣatānām / dhīrābhir munivṛṣa vāgbhir uttamābhir utpannaṃ vyapanaya saṃśayaṃ śubhābhiḥ

Sanskrit only: no published translation is held for this verse.

॥

//

Sanskrit only: no published translation is held for this verse.

कान्तापाणिसरोजपत्त्रविधृतां सद्वर्णगन्धोज्ज्वलां स्वादुस्पर्शसुखां सुराः सुरपुरे यद् देववृन्दारकैः । भास्वत्काञ्चनभाजनेषु निहिताम् अश्नन्ति दिव्यां सुधां तद् बुद्धप्रमुखार्यसंघविषये न्यस्तान्नदानात् फलम्

kāntāpāṇisarojapattravidhṛtāṃ sadvarṇagandhojjvalāṃ svādusparśasukhāṃ surāḥ surapure yad devavṛndārakaiḥ / bhāsvatkāñcanabhājaneṣu nihitām aśnanti divyāṃ sudhāṃ tad buddhapramukhāryasaṃghaviṣaye nyastānnadānāt phalam

Sanskrit only: no published translation is held for this verse.

मैत्र्या यः सह किंकरैः स्मररिपुं निर्जित्य वज्रासने क्लेशारीन् अपि यो दुरन्तविषयान् अन्तश्चरान् दुर्जनान् । स्कन्धारातिम् अपि प्रसह्य सुगतो मृत्युं च नीत्वा वशं प्राप्तः सर्वरसाग्रभोगवशितां सो ऽप्य् अन्नदानोदयात्

maitryā yaḥ saha kiṃkaraiḥ smararipuṃ nirjitya vajrāsane kleśārīn api yo durantaviṣayān antaścarān durjanān / skandhārātim api prasahya sugato mṛtyuṃ ca nītvā vaśaṃ prāptaḥ sarvarasāgrabhogavaśitāṃ so 'py annadānodayāt

Sanskrit only: no published translation is held for this verse.

संपूर्णसर्वाङ्गसमन्वितं च श्रीमत्सुखाद्यप्रतिभानयुक्तम् । आयुर् बलं वर्णम् उदाररूपं प्राप्नोति विद्वान् अशनप्रदानात्

saṃpūrṇasarvāṅgasamanvitaṃ ca śrīmatsukhādyapratibhānayuktam / āyur balaṃ varṇam udārarūpaṃ prāpnoti vidvān aśanapradānāt

Sanskrit only: no published translation is held for this verse.

निर्जित्य शत्रून् बलवीर्ययुक्तान् लक्ष्मीं समासाद्य च ये नरेन्द्राः । स्वादूनि भोज्यानि समाप्नुवन्ति भोज्यप्रदानाद् द्विपदास् तद् एतत्

nirjitya śatrūn balavīryayuktān lakṣmīṃ samāsādya ca ye narendrāḥ / svādūni bhojyāni samāpnuvanti bhojyapradānād dvipadās tad etat

Sanskrit only: no published translation is held for this verse.

अन्नदानं वरं श्रेष्ठम् अन्नदानात् परं न हि । क्षुद्दुःखार्तात् परं नास्ति तस्माद् अन्नं गरीयसम्

annadānaṃ varaṃ śreṣṭham annadānāt paraṃ na hi / kṣudduḥkhārtāt paraṃ nāsti tasmād annaṃ garīyasam

Sanskrit only: no published translation is held for this verse.

अन्नेन रहितो यश् च बलवीर्यं न चास्य च । कार्यकारण उत्साहे तस्योत्साहं न विद्यते

annena rahito yaś ca balavīryaṃ na cāsya ca / kāryakāraṇa utsāhe tasyotsāhaṃ na vidyate

Sanskrit only: no published translation is held for this verse.

व्रतदेवार्चने चान्ये रतिक्रीडा विनश्यति । काले भुक्तं विहीनस्य कथाज्ञानं च हीयते

vratadevārcane cānye ratikrīḍā vinaśyati / kāle bhuktaṃ vihīnasya kathājñānaṃ ca hīyate

Sanskrit only: no published translation is held for this verse.

येषाम् अन्नविहीनानां सर्वधर्मं विषीदति । तस्मात् सर्वं प्रयत्नेन अन्नदानं तु चीयसे

yeṣām annavihīnānāṃ sarvadharmaṃ viṣīdati / tasmāt sarvaṃ prayatnena annadānaṃ tu cīyase

Sanskrit only: no published translation is held for this verse.