Dvavimsatyavadanakatha 2

जलनिधिकूर्मकर्णयुगरन्ध्रसमागमवत् क्षणम् अनवाप्यम् अद्भुतम् इमं समवेत्य चलम् । प्रशमपुरैकवर्म विनिपातभयापहरं शृणुत सुदुर्लभं क्षणम् अपीह मुनेर् वचनम्

jalanidhikūrmakarṇayugarandhrasamāgamavat kṣaṇam anavāpyam adbhutam imaṃ samavetya calam / praśamapuraikavarma vinipātabhayāpaharaṃ śṛṇuta sudurlabhaṃ kṣaṇam apīha muner vacanam

Sanskrit only: no published translation is held for this verse.

यद् दुर्लभं कल्पशतैर् अनेकैर् मानुष्यम् अष्टाक्षणदोषमुक्तम् । तत् साम्प्रतं प्राप्तम् अतो भवद्भिः कार्यो हि धर्मश्रवणाय यत्नः

yad durlabhaṃ kalpaśatair anekair mānuṣyam aṣṭākṣaṇadoṣamuktam / tat sāmprataṃ prāptam ato bhavadbhiḥ kāryo hi dharmaśravaṇāya yatnaḥ

Sanskrit only: no published translation is held for this verse.

पल्लवाग्रजलबिन्दुचञ्चले क्लेशजालपरिवेष्टिते भवे । यो न चिन्तयति कर्मसत्पथं तस्य जन्म भवतीह निष्फलम्

pallavāgrajalabinducañcale kleśajālapariveṣṭite bhave / yo na cintayati karmasatpathaṃ tasya janma bhavatīha niṣphalam

Sanskrit only: no published translation is held for this verse.

न नरकगतैः प्रेतैस् तिर्यग्गतैर् विकलेन्द्रियैर् अमरगुरुभिः प्रत्यन्तस्थैः कुदृक्करविक्षतैः । मुनिसवितरि प्रज्ञालोके न चानुदिते जिने सनरविबुधैः शक्यम् पातुं मुनीन्द्रवचो ऽमृतम्

na narakagataiḥ pretais tiryaggatair vikalendriyair amaragurubhiḥ pratyantasthaiḥ kudṛkkaravikṣataiḥ / munisavitari prajñāloke na cānudite jine sanaravibudhaiḥ śakyam pātuṃ munīndravaco 'mṛtam

Sanskrit only: no published translation is held for this verse.

तस्मात् कुकार्यं व्यपहाय सर्वं मत्वा स्वकार्यं परमार्यधर्मम् । श्रोतव्य एव प्रयतेन धर्मो यस्माद् अतः सर्वगुणा भवन्ति

tasmāt kukāryaṃ vyapahāya sarvaṃ matvā svakāryaṃ paramāryadharmam / śrotavya eva prayatena dharmo yasmād ataḥ sarvaguṇā bhavanti

Sanskrit only: no published translation is held for this verse.

मौनीन्द्रं वाक्यरत्नं जनयति सुधियाम् एतद् आदौ प्रमोदं श्रोत्रापाते ततश् च प्रबलगुरुघनध्वान्तवृन्दं निहन्ति । चिन्ताध्यानावसाने स्फुटयति सकलं जन्मचक्रप्रबन्धं निःशेषातङ्कपङ्क्तिं विघटयति सदा सर्वसंपन्निधानम्

maunīndraṃ vākyaratnaṃ janayati sudhiyām etad ādau pramodaṃ śrotrāpāte tataś ca prabalagurughanadhvāntavṛndaṃ nihanti / cintādhyānāvasāne sphuṭayati sakalaṃ janmacakraprabandhaṃ niḥśeṣātaṅkapaṅktiṃ vighaṭayati sadā sarvasaṃpannidhānam

Sanskrit only: no published translation is held for this verse.

हरति तीव्रभवप्रभवापदं दिशति निर्वृतिसौख्यम् अनुत्तरम् । तद् इदम् एवम् अवेत्य मुनेर् वचः शृणुत संप्रति निर्मलमानसाः

harati tīvrabhavaprabhavāpadaṃ diśati nirvṛtisaukhyam anuttaram / tad idam evam avetya muner vacaḥ śṛṇuta saṃprati nirmalamānasāḥ

Sanskrit only: no published translation is held for this verse.