Dvavimsatyavadanakatha 24

अथ श्रीभगवान् बुद्धः सर्वज्ञस् तान् सभाश्रितान् सर्वांल् लोकान् समालोक्य पुनः सद्धर्मम् आदिशत् ॥ शृण्वन्तु कुलपुत्रा यत् संबोधिज्ञानसाधनम् । सद्धर्मं तन् मयाख्यातं सत्त्वानां भद्रकारनं

atha śrībhagavān buddhaḥ sarvajñas tān sabhāśritān sarvāṃl lokān samālokya punaḥ saddharmam ādiśat // śṛṇvantu kulaputrā yat saṃbodhijñānasādhanam / saddharmaṃ tan mayākhyātaṃ sattvānāṃ bhadrakāranaṃ

Sanskrit only: no published translation is held for this verse.

प्रथमं बोधिसत्त्वेन संबोधिज्ञानसिद्धये । संबोधिप्रणिधिं कृत्वा कर्तव्यं दानम् ईप्सितम्

prathamaṃ bodhisattvena saṃbodhijñānasiddhaye / saṃbodhipraṇidhiṃ kṛtvā kartavyaṃ dānam īpsitam

Sanskrit only: no published translation is held for this verse.

ततो विरम्य पापेभ्यो दशभ्यो ऽपि समादरात् । शुद्धशीलं समाधाय चरितव्यं सुसंवरम्

tato viramya pāpebhyo daśabhyo 'pi samādarāt / śuddhaśīlaṃ samādhāya caritavyaṃ susaṃvaram

Sanskrit only: no published translation is held for this verse.

ततः क्लेशान् विनिर्जित्य चतुर्ब्रह्मविहारिणः । क्षान्तिव्रतं सदा धृत्वा चैतव्यं जगद्धितम्

tataḥ kleśān vinirjitya caturbrahmavihāriṇaḥ / kṣāntivrataṃ sadā dhṛtvā caitavyaṃ jagaddhitam

Sanskrit only: no published translation is held for this verse.

ततो धर्ममहोत्साहं धृत्वा सत्त्वार्थसाधने । पापमित्ररतिं त्यक्त्वा साधनीयं महद्गुणम्

tato dharmamahotsāhaṃ dhṛtvā sattvārthasādhane / pāpamitraratiṃ tyaktvā sādhanīyaṃ mahadguṇam

Sanskrit only: no published translation is held for this verse.

तत इष्टाशयं त्यक्त्वा कामभोगविरागिणः । सुधीरचित्तम् आधाय ध्यातव्यं त्रिजगद्धितम्

tata iṣṭāśayaṃ tyaktvā kāmabhogavirāgiṇaḥ / sudhīracittam ādhāya dhyātavyaṃ trijagaddhitam

Sanskrit only: no published translation is held for this verse.

ततो ऽमित्रसंरागं त्यक्त्वा संबोधिरागिणा । प्रज्ञाब्धौ बोधिसद्रत्नं साधनीयं जगच्छुभे

tato 'mitrasaṃrāgaṃ tyaktvā saṃbodhirāgiṇā / prajñābdhau bodhisadratnaṃ sādhanīyaṃ jagacchubhe

Sanskrit only: no published translation is held for this verse.

एताः पारमिताः षड्ढाः पूरयित्वा यथाक्रमम् । सर्वान् मारगणाञ् जित्वा संबोधिज्ञानम् आप्स्यते

etāḥ pāramitāḥ ṣaḍḍhāḥ pūrayitvā yathākramam / sarvān māragaṇāñ jitvā saṃbodhijñānam āpsyate

Sanskrit only: no published translation is held for this verse.

तत एवं महाभिज्ञः श्रीसंपद्वीर्यसद्गुणैः । सर्वसत्त्वहितं कृत्वा संबुद्धपदम् आप्स्यते

tata evaṃ mahābhijñaḥ śrīsaṃpadvīryasadguṇaiḥ / sarvasattvahitaṃ kṛtvā saṃbuddhapadam āpsyate

Sanskrit only: no published translation is held for this verse.

एवं यूयं परिज्ञाय संबुद्धत्वं यदीच्छथ । एवं पारमिताः सर्वाः पूरयेध्वं यथाक्रमम्

evaṃ yūyaṃ parijñāya saṃbuddhatvaṃ yadīcchatha / evaṃ pāramitāḥ sarvāḥ pūrayedhvaṃ yathākramam

Sanskrit only: no published translation is held for this verse.

संबोधिप्रणिधिं धृत्वा चतुर्ब्रह्मविहारिणः । त्रिरत्नभजनं कृत्वा संचरध्वं जगद्धिते

saṃbodhipraṇidhiṃ dhṛtvā caturbrahmavihāriṇaḥ / triratnabhajanaṃ kṛtvā saṃcaradhvaṃ jagaddhite

Sanskrit only: no published translation is held for this verse.

एतत्पुण्यानुभावेन सर्वे यूयं जितेन्द्रियाः । अर्हन्तः प्राप्य संबोधिं संबुद्धपदम् आप्स्यथ

etatpuṇyānubhāvena sarve yūyaṃ jitendriyāḥ / arhantaḥ prāpya saṃbodhiṃ saṃbuddhapadam āpsyatha

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा सर्वे ऽपि भिक्षवः । एवम् अस्त्य् इति प्राभाष्य प्राभ्यनन्दन् प्रबोधिताः

ity ādiṣṭaṃ munīndreṇa śrutvā sarve 'pi bhikṣavaḥ / evam asty iti prābhāṣya prābhyanandan prabodhitāḥ

Sanskrit only: no published translation is held for this verse.

सभा सर्वावती सा ऽपि श्रुत्वैतत् संप्रसादिताः । तथेति प्रतिवन्दित्वा प्राभ्यनन्दत् प्रबोधिताः

sabhā sarvāvatī sā 'pi śrutvaitat saṃprasāditāḥ / tatheti prativanditvā prābhyanandat prabodhitāḥ

Sanskrit only: no published translation is held for this verse.