Dvavimsatyavadanakatha 3

यत् प्राप्य जन्मजलधेर् अपि यान्ति पारम् आरोपयन्ति शिवम् उत्तमबोधिबीजम् । चिन्तामणेर् अपि समभ्यधिकं गुणौघैर् मानुष्यकं क इह तद् विफलीकरोति

yat prāpya janmajaladher api yānti pāram āropayanti śivam uttamabodhibījam / cintāmaṇer api samabhyadhikaṃ guṇaughair mānuṣyakaṃ ka iha tad viphalīkaroti

Sanskrit only: no published translation is held for this verse.

यो मानुष्यं कुशलविभवैः प्राप्य कल्पैर् अनल्पैर् मोहात् पुण्यद्रविणम् इह न स्वल्पम् अप्य् आचिनोति । सो ऽस्माल् लोकात् परम् उपगतस् तीव्रम् अभ्येति शोकं रत्नद्वीपाद् वणिग् इव गतः स्वं गृहं शून्यहस्तः

yo mānuṣyaṃ kuśalavibhavaiḥ prāpya kalpair analpair mohāt puṇyadraviṇam iha na svalpam apy ācinoti / so 'smāl lokāt param upagatas tīvram abhyeti śokaṃ ratnadvīpād vaṇig iva gataḥ svaṃ gṛhaṃ śūnyahastaḥ

Sanskrit only: no published translation is held for this verse.

नाकुशलैः कर्मपथैर् मानुष्यं लभ्यते पुनः । अलभ्यमाने मानुष्ये दुःखम् एव कुतः सुखम्

nākuśalaiḥ karmapathair mānuṣyaṃ labhyate punaḥ / alabhyamāne mānuṣye duḥkham eva kutaḥ sukham

Sanskrit only: no published translation is held for this verse.

नातः परं वञ्चनास्ति न च मोहो ऽस्त्य् अतः परम् । यद् ईदृशं क्षणं प्राप्य न कुर्यात् कुशलं बहु

nātaḥ paraṃ vañcanāsti na ca moho 'sty ataḥ param / yad īdṛśaṃ kṣaṇaṃ prāpya na kuryāt kuśalaṃ bahu

Sanskrit only: no published translation is held for this verse.

एकक्षणकृतात् पापात् अवीचौ कल्पम् आस्यते । नैकजन्मकृतात् पापात् का पुनः सुगतौ कथा

ekakṣaṇakṛtāt pāpāt avīcau kalpam āsyate / naikajanmakṛtāt pāpāt kā punaḥ sugatau kathā

Sanskrit only: no published translation is held for this verse.

अत एवाह भगवान् मानुष्यम् अतिदुर्लभम् । महार्णवयुगच्छिद्रकूर्मग्रीवार्पणोपमम्

ata evāha bhagavān mānuṣyam atidurlabham / mahārṇavayugacchidrakūrmagrīvārpaṇopamam

Sanskrit only: no published translation is held for this verse.