Dvavimsatyavadanakatha 5

यद् दृश्यते जगति चारुतरं प्रियं वा रूपं कुलं प्रियजनो विभवाः सुखं वा । तत् पुण्यशिल्पिकृतम् एव वदन्ति सन्तः कल्याणकारिपुरुषस्य तु पुण्यम् एतत्

yad dṛśyate jagati cārutaraṃ priyaṃ vā rūpaṃ kulaṃ priyajano vibhavāḥ sukhaṃ vā / tat puṇyaśilpikṛtam eva vadanti santaḥ kalyāṇakāripuruṣasya tu puṇyam etat

Sanskrit only: no published translation is held for this verse.

अत्युच्छ्रितोन्नतसितध्वजपङ्क्तिचित्रैर् नागाश्वपत्तिरथसंकुषुभितैर् बलौघैः । उद्धूतचामरविराजितगात्रशोभाः पुण्याधिकाः क्षितिभुजो भुवि संचरन्ति

atyucchritonnatasitadhvajapaṅkticitrair nāgāśvapattirathasaṃkuṣubhitair balaughaiḥ / uddhūtacāmaravirājitagātraśobhāḥ puṇyādhikāḥ kṣitibhujo bhuvi saṃcaranti

Sanskrit only: no published translation is held for this verse.

कौशेयकाशिकदुकूलविचित्रवस्त्रा मुक्तावलीकनकरत्नविभूषिताङ्गाः । यत् के चिद् एव पुरुषाः श्रियम् उद्वहन्ति पुण्यस्य पूर्वचरितस्य कृतप्रशंसा

kauśeyakāśikadukūlavicitravastrā muktāvalīkanakaratnavibhūṣitāṅgāḥ / yat ke cid eva puruṣāḥ śriyam udvahanti puṇyasya pūrvacaritasya kṛtapraśaṃsā

Sanskrit only: no published translation is held for this verse.

आयुः सुदीर्घं सुकुले च जन्म कान्तं वपुर् व्याधिभयं न चास्ति । धनं प्रभूतं परिवारसंपद् भवन्ति पुण्यस्य महाविपाकात्

āyuḥ sudīrghaṃ sukule ca janma kāntaṃ vapur vyādhibhayaṃ na cāsti / dhanaṃ prabhūtaṃ parivārasaṃpad bhavanti puṇyasya mahāvipākāt

Sanskrit only: no published translation is held for this verse.

यच् चक्रवर्ती प्रवरैस् तु रत्नैः सहस्रपुत्रैश् च समन्वितो ऽपि समुद्रसीमां बुभुजे धरित्रीं तत् पुण्यरत्नस्य फलं विशालम्

yac cakravartī pravarais tu ratnaiḥ sahasraputraiś ca samanvito 'pi samudrasīmāṃ bubhuje dharitrīṃ tat puṇyaratnasya phalaṃ viśālam

Sanskrit only: no published translation is held for this verse.

विचित्रपद्मोत्तममध्यसंस्थितः सुरासुरेन्द्रादिसदानमस्कृतः । यद् ब्रह्मलोकं त्व् अभिभूय तेजसा ब्रह्मा सदा भाति तद् एव पुण्यतः

vicitrapadmottamamadhyasaṃsthitaḥ surāsurendrādisadānamaskṛtaḥ / yad brahmalokaṃ tv abhibhūya tejasā brahmā sadā bhāti tad eva puṇyataḥ

Sanskrit only: no published translation is held for this verse.

यद् देवनागासुरसिद्धसंघैर् गन्धर्वयक्षोत्तमकिन्नरैश् च । संपूज्यते देवगुरुः सदैव तत् पुण्यरत्नस्य फलं विशालम्

yad devanāgāsurasiddhasaṃghair gandharvayakṣottamakinnaraiś ca / saṃpūjyate devaguruḥ sadaiva tat puṇyaratnasya phalaṃ viśālam

Sanskrit only: no published translation is held for this verse.

रूपं वीर्यं च शिल्पं च विहाय विवशा नराः । परलोकम् इतो यान्ति कर्मवायुभिर् ईरिताः

rūpaṃ vīryaṃ ca śilpaṃ ca vihāya vivaśā narāḥ / paralokam ito yānti karmavāyubhir īritāḥ

Sanskrit only: no published translation is held for this verse.

पुण्यं त्व् एकम् इहात्यन्तम् अनुगामि सुखोदयम् । पुण्यम् अन्यैर् अहार्यत्वाद् धनानां परमं धनम्

puṇyaṃ tv ekam ihātyantam anugāmi sukhodayam / puṇyam anyair ahāryatvād dhanānāṃ paramaṃ dhanam

Sanskrit only: no published translation is held for this verse.

ये मेरुम् अपि वेगेन विकिरन्ति दिशो दश । ते ऽपि पुण्यस्य भङ्गाय नालं प्रलयवायवः

ye merum api vegena vikiranti diśo daśa / te 'pi puṇyasya bhaṅgāya nālaṃ pralayavāyavaḥ

Sanskrit only: no published translation is held for this verse.

संवर्तसलिलोद्वृत्तनिरङ्कुशविसर्पिणा । पुण्यं न क्लेदम् आयाति चतुःसागरवारिणा

saṃvartasalilodvṛttaniraṅkuśavisarpiṇā / puṇyaṃ na kledam āyāti catuḥsāgaravāriṇā

Sanskrit only: no published translation is held for this verse.

प्रदीप्तकिरणाङ्गारैः सप्तभिर् भास्करानलैः । क्षितौ वा दह्यमानायां पुण्यम् एकं न दह्यते

pradīptakiraṇāṅgāraiḥ saptabhir bhāskarānalaiḥ / kṣitau vā dahyamānāyāṃ puṇyam ekaṃ na dahyate

Sanskrit only: no published translation is held for this verse.

इति श्रुत्वाथ मैत्रेयः सत्यम् एव मुनेर् वचः । भीतिसंसारदुर्वारः संहर्षिततनुरुहः

iti śrutvātha maitreyaḥ satyam eva muner vacaḥ / bhītisaṃsāradurvāraḥ saṃharṣitatanuruhaḥ

Sanskrit only: no published translation is held for this verse.

ततः स मैत्रेयो हर्षैः श्रुत्वाथ वचनं मुनेः । जिनपादाम्बुजं नत्वा इदम् आह तथागतम्

tataḥ sa maitreyo harṣaiḥ śrutvātha vacanaṃ muneḥ / jinapādāmbujaṃ natvā idam āha tathāgatam

Sanskrit only: no published translation is held for this verse.

स्थापनं बुद्धबिम्बानां जीर्णोद्धारादिकं पुनः । कीदृशं स्यात् फलं तेषां चैत्यानां जिनधातुकाम्

sthāpanaṃ buddhabimbānāṃ jīrṇoddhārādikaṃ punaḥ / kīdṛśaṃ syāt phalaṃ teṣāṃ caityānāṃ jinadhātukām

Sanskrit only: no published translation is held for this verse.

भगवान् आह ॥ जीर्णोद्धारक स्तूपानां बिम्बानां सुगतस्य च । ऋद्धिबलसमायुक्तश् चक्रवर्तिसमो भवेत्

bhagavān āha // jīrṇoddhāraka stūpānāṃ bimbānāṃ sugatasya ca / ṛddhibalasamāyuktaś cakravartisamo bhavet

Sanskrit only: no published translation is held for this verse.

पुण्यवान् बलवान् भूत्वा न तस्य विकलेन्द्रियः । ततश् चान्ते सुखं भुक्त्वा संबुद्धत्वं प्रजायते

puṇyavān balavān bhūtvā na tasya vikalendriyaḥ / tataś cānte sukhaṃ bhuktvā saṃbuddhatvaṃ prajāyate

Sanskrit only: no published translation is held for this verse.

मैत्रेय आह ॥ भगवञ् जिनशार्दूल साधु श्लाघ्यो ऽसि यद् विभो । केन चित् कृतम् अस्तीति वद मे ज्ञानसागर

maitreya āha // bhagavañ jinaśārdūla sādhu ślāghyo 'si yad vibho / kena cit kṛtam astīti vada me jñānasāgara

Sanskrit only: no published translation is held for this verse.

एवम् उक्ते ऽथ भगवांल् लोकानां विस्मयाय च । निमित्तम् एकम् अकरोत् तूष्णीं भूत्वात्र तिष्ठति

evam ukte 'tha bhagavāṃl lokānāṃ vismayāya ca / nimittam ekam akarot tūṣṇīṃ bhūtvātra tiṣṭhati

Sanskrit only: no published translation is held for this verse.

तदा विद्युद् इवाकाशाद् आगतः किरणोज्ज्वलः । अवभास्य सभां सर्वांस् तेषां कौतूहलम् अभूत्

tadā vidyud ivākāśād āgataḥ kiraṇojjvalaḥ / avabhāsya sabhāṃ sarvāṃs teṣāṃ kautūhalam abhūt

Sanskrit only: no published translation is held for this verse.

मैत्रेय आह ॥ भगवन्न् इदम् आश्चर्यं को हेतुर् इदम् अद्भुतम् । कस्यैष विषयाभास आगतः किरणोज्ज्वलः

maitreya āha // bhagavann idam āścaryaṃ ko hetur idam adbhutam / kasyaiṣa viṣayābhāsa āgataḥ kiraṇojjvalaḥ

Sanskrit only: no published translation is held for this verse.

भगवान् आह ॥ मैत्रेय रत्नव्यूहस्य विमानस्य नृपस्य च । प्रभा आगत्य सर्वत्र भासयन्ति समन्ततः

bhagavān āha // maitreya ratnavyūhasya vimānasya nṛpasya ca / prabhā āgatya sarvatra bhāsayanti samantataḥ

Sanskrit only: no published translation is held for this verse.

मैत्रेय आह ॥ भगवन् नूनम् अस्येयं प्रभयागतम् ईदृशम् । केनेदृशप्रभां प्राप्तो हेतुभूतं च मे हृदि

maitreya āha // bhagavan nūnam asyeyaṃ prabhayāgatam īdṛśam / kenedṛśaprabhāṃ prāpto hetubhūtaṃ ca me hṛdi

Sanskrit only: no published translation is held for this verse.

भगवान् आह ॥ अत्रेदानीन् तु मैत्रेय दर्शयिष्याम्य् अमुं नृपम् । पूर्वस्य कुशलेनापि प्रभावो ऽस्य महर्द्धिकः

bhagavān āha // atredānīn tu maitreya darśayiṣyāmy amuṃ nṛpam / pūrvasya kuśalenāpi prabhāvo 'sya maharddhikaḥ

Sanskrit only: no published translation is held for this verse.

अथ स राजा रत्नव्यूहो रत्नविमानम् आरुह्य गगनदेशाद् ऋद्ध्या येन भगवांस् तेनोपसंक्रान्त उपसंक्रम्य सहसा तत्रानुप्राप्तो ऽभूत् ॥ अथ स राजा भगवन्तं द्वात्रिंशता लक्षणैः समन्वागतं सुवर्णवर्णं सूर्यसहस्रातिरेकप्रभाविराजितगात्रं भगवन्तं दृष्ट्वा प्रसादजातो विमानाद् अवतीर्य त्रिप्रदक्षिणीकृत्य भगवतः पादयोः प्रणिपत्यैकान्ते स्थितवान् ॥ अथ पप्रच्छ भगवाञ् जानन्न् एव नृपागमम् । कुशलं तव राजेन्द्र बाह्याभ्यन्तरम् एव च

atha sa rājā ratnavyūho ratnavimānam āruhya gaganadeśād ṛddhyā yena bhagavāṃs tenopasaṃkrānta upasaṃkramya sahasā tatrānuprāpto 'bhūt // atha sa rājā bhagavantaṃ dvātriṃśatā lakṣaṇaiḥ samanvāgataṃ suvarṇavarṇaṃ sūryasahasrātirekaprabhāvirājitagātraṃ bhagavantaṃ dṛṣṭvā prasādajāto vimānād avatīrya tripradakṣiṇīkṛtya bhagavataḥ pādayoḥ praṇipatyaikānte sthitavān // atha papraccha bhagavāñ jānann eva nṛpāgamam / kuśalaṃ tava rājendra bāhyābhyantaram eva ca

Sanskrit only: no published translation is held for this verse.

वदेति त्वं महाभाग संगतं धर्मवत्सलः । मोक्षदं नृपशार्दूल हितैषी सत्त्ववल्लभः

vadeti tvaṃ mahābhāga saṃgataṃ dharmavatsalaḥ / mokṣadaṃ nṛpaśārdūla hitaiṣī sattvavallabhaḥ

Sanskrit only: no published translation is held for this verse.

अथ सो ऽञ्जलिम् आबध्य कृत्वा प्रदक्षिणत्रयम् । निवेद्य चोपहाराणि प्रणम्योवाच तं गुरुम्

atha so 'ñjalim ābadhya kṛtvā pradakṣiṇatrayam / nivedya copahārāṇi praṇamyovāca taṃ gurum

Sanskrit only: no published translation is held for this verse.

एवं विचिन्त्यमानस्य भगवन् कुशलं त्वया । श्रेयो ऽर्थिना मे सर्वत्र गुरुणैवान्त्यवासिनः

evaṃ vicintyamānasya bhagavan kuśalaṃ tvayā / śreyo 'rthinā me sarvatra guruṇaivāntyavāsinaḥ

Sanskrit only: no published translation is held for this verse.

नान्यकार्यं मे भगवन् तत् तव दर्शनेच्छया । श्रवणाय सदा धर्मं तेनाहम् इह आगतः

nānyakāryaṃ me bhagavan tat tava darśanecchayā / śravaṇāya sadā dharmaṃ tenāham iha āgataḥ

Sanskrit only: no published translation is held for this verse.

भगवान् आह ॥ देशयिष्यामि ते सम्यक् त्वम् असि नृपसत्तम । धर्माणां नीतिभूतानां भाजनत्वं महीभुज

bhagavān āha // deśayiṣyāmi te samyak tvam asi nṛpasattama / dharmāṇāṃ nītibhūtānāṃ bhājanatvaṃ mahībhuja

Sanskrit only: no published translation is held for this verse.

शृणु राजन् महाबाहो राज्ञां धर्मवरोत्तमम् । राजधर्मबलं रक्ष नीतिमार्गं समाचर

śṛṇu rājan mahābāho rājñāṃ dharmavarottamam / rājadharmabalaṃ rakṣa nītimārgaṃ samācara

Sanskrit only: no published translation is held for this verse.

तद्यथा ॥ यथैव वृक्षं फलिनं सपुष्पं सण्रक्षयेत् पौरजनान् अजस्रम् । आधारभूतान् नृपतेश् च नित्यं भूपाल इत्थं कुरु सर्वतः स्यात्

tadyathā // yathaiva vṛkṣaṃ phalinaṃ sapuṣpaṃ saṇrakṣayet paurajanān ajasram / ādhārabhūtān nṛpateś ca nityaṃ bhūpāla itthaṃ kuru sarvataḥ syāt

Sanskrit only: no published translation is held for this verse.

फलोदयं पाकवशाद् यथैव गुणो ऽस्ति स्वादं च रसं तथैव । बलो जयश्री न भवेन् नरेश इत्थं पि ते च प्रबलो जनानाम्

phalodayaṃ pākavaśād yathaiva guṇo 'sti svādaṃ ca rasaṃ tathaiva / balo jayaśrī na bhaven nareśa itthaṃ pi te ca prabalo janānām

Sanskrit only: no published translation is held for this verse.

पुनश् च शृणु महाराजन् ॥ पापे प्रवर्तते बालो जनः शून्यं विलोकयन् । रात्रौ घनान्धकारायां कालो ऽयं पापकर्मणः

punaś ca śṛṇu mahārājan // pāpe pravartate bālo janaḥ śūnyaṃ vilokayan / rātrau ghanāndhakārāyāṃ kālo 'yaṃ pāpakarmaṇaḥ

Sanskrit only: no published translation is held for this verse.

कृतात्मानो ऽभिसन्त्य् एव मुनयो दिव्यचक्षुषः । क्व चित् किं चन शून्यं वा दिक्षु पूर्णास् तपोधनैः

kṛtātmāno 'bhisanty eva munayo divyacakṣuṣaḥ / kva cit kiṃ cana śūnyaṃ vā dikṣu pūrṇās tapodhanaiḥ

Sanskrit only: no published translation is held for this verse.

ततस् त्x x निरतात्मा भव भूमिपसत्तम । वरं कपालम् आदाय द्विषद्वेश्मनिवेशन

tatas tx x niratātmā bhava bhūmipasattama / varaṃ kapālam ādāya dviṣadveśmaniveśana

Sanskrit only: no published translation is held for this verse.

पापकारी सुखेच्छश् च यत्र यत्राभिगच्छति । तत्र तत्रैव तत्पापैर् दुःखशस्त्रैर् विहन्यते

pāpakārī sukhecchaś ca yatra yatrābhigacchati / tatra tatraiva tatpāpair duḥkhaśastrair vihanyate

Sanskrit only: no published translation is held for this verse.

मनोरथः शुभकृतां यत्र यत्रैव गच्छति । तत्र तरापि तत्पुण्यैः फलार्घेणाभिपूज्यते

manorathaḥ śubhakṛtāṃ yatra yatraiva gacchati / tatra tarāpi tatpuṇyaiḥ phalārgheṇābhipūjyate

Sanskrit only: no published translation is held for this verse.

तस्मात् सर्वं प्रयत्नेन त्यक्तव्यं पापसंचयम् । निर्जित्य द्वेषसंरम्भं शुभे कर्म समाचर

tasmāt sarvaṃ prayatnena tyaktavyaṃ pāpasaṃcayam / nirjitya dveṣasaṃrambhaṃ śubhe karma samācara

Sanskrit only: no published translation is held for this verse.

न च द्वेषसमं पापं न च क्षान्तिसमं तपः । तस्मात् क्षान्तिं प्रयत्नेन भावयेद् विविधैर् नयैः

na ca dveṣasamaṃ pāpaṃ na ca kṣāntisamaṃ tapaḥ / tasmāt kṣāntiṃ prayatnena bhāvayed vividhair nayaiḥ

Sanskrit only: no published translation is held for this verse.

मनः शमं न गृह्णाति न प्रीतिसुखम् अश्नुते । न निद्रां न धृतिं याति द्वेषशल्ये हृदि स्थिते

manaḥ śamaṃ na gṛhṇāti na prītisukham aśnute / na nidrāṃ na dhṛtiṃ yāti dveṣaśalye hṛdi sthite

Sanskrit only: no published translation is held for this verse.

न द्विषन्तः क्षयं यान्ति दुर्जना गगनोपमाः । मारिते क्रोधचित्ते तु नश्यन्ते सर्वशत्रवः

na dviṣantaḥ kṣayaṃ yānti durjanā gaganopamāḥ / mārite krodhacitte tu naśyante sarvaśatravaḥ

Sanskrit only: no published translation is held for this verse.

विकल्पेन्धनदीप्तेन जन्तुः क्रोधहविर्भुजा । दहत्य् आत्मानम् एवादौ परं धक्ष्यति वा न वा

vikalpendhanadīptena jantuḥ krodhahavirbhujā / dahaty ātmānam evādau paraṃ dhakṣyati vā na vā

Sanskrit only: no published translation is held for this verse.

जरा रूपवतां क्रोधः तमश् चक्षुष्मताम् अपि । वधो धर्मार्थकामानां तस्मात् क्रोधं निवारयेत्

jarā rūpavatāṃ krodhaḥ tamaś cakṣuṣmatām api / vadho dharmārthakāmānāṃ tasmāt krodhaṃ nivārayet

Sanskrit only: no published translation is held for this verse.

अनिष्टकरणाज् जातम् इष्टस्य च विघातनात् । क्रोधं यो हन्ति निर्बन्धात् स सुखीह परत्र च

aniṣṭakaraṇāj jātam iṣṭasya ca vighātanāt / krodhaṃ yo hanti nirbandhāt sa sukhīha paratra ca

Sanskrit only: no published translation is held for this verse.

तस्माद् द्वेषं विनिर्जित्य चित्तं रक्ष प्रयत्नतः । न शिक्षा रक्षितुं शक्या चलं चित्तम् अरक्षता

tasmād dveṣaṃ vinirjitya cittaṃ rakṣa prayatnataḥ / na śikṣā rakṣituṃ śakyā calaṃ cittam arakṣatā

Sanskrit only: no published translation is held for this verse.

अदान्ता मत्तमातङ्गा न कुर्वन्तीह तां व्यथाम् । करोति याम् अवीच्यादौ मुक्तश् चित्तमतङ्गजः

adāntā mattamātaṅgā na kurvantīha tāṃ vyathām / karoti yām avīcyādau muktaś cittamataṅgajaḥ

Sanskrit only: no published translation is held for this verse.

बद्धश् चेच् चित्तमातङ्गः स्मृतिरज्ज्वा समन्ततः । भयम् अस्तंगतं सर्वं सर्वकल्याणम् आगतम्

baddhaś cec cittamātaṅgaḥ smṛtirajjvā samantataḥ / bhayam astaṃgataṃ sarvaṃ sarvakalyāṇam āgatam

Sanskrit only: no published translation is held for this verse.

तस्माच् चित्तं समाधाय स्मृत्वा रक्ष प्रयत्नतः । चित्ताद् एव हि सर्वत्र भयं भद्रं च जायते

tasmāc cittaṃ samādhāya smṛtvā rakṣa prayatnataḥ / cittād eva hi sarvatra bhayaṃ bhadraṃ ca jāyate

Sanskrit only: no published translation is held for this verse.

चित्तरक्षाव्रतं त्यक्त्वा किम् अन्यैर् बहुभिर् व्रतैः । एवं बुद्ध्वा सदा राजन् धर्मेण पालय प्रजाः

cittarakṣāvrataṃ tyaktvā kim anyair bahubhir vrataiḥ / evaṃ buddhvā sadā rājan dharmeṇa pālaya prajāḥ

Sanskrit only: no published translation is held for this verse.

पुनश् च महाराज ॥ यो ऽसौ द्रुमो दामफलं चिनोति न विन्दति स्वादु च हन्ति बीजम् । क्षिणोति देशं करदुर्वहत्वात् धर्मं नृपो वै न च नन्दतीति

punaś ca mahārāja // yo 'sau drumo dāmaphalaṃ cinoti na vindati svādu ca hanti bījam / kṣiṇoti deśaṃ karadurvahatvāt dharmaṃ nṛpo vai na ca nandatīti

Sanskrit only: no published translation is held for this verse.

तस्माद् अनीत्या न दण्डयेत् प्रजा न्यायेन राज्यं प्रतिपालयस्व । नृपाश् च येषां गुणम् आवहन्ति तेषां प्रजानां प्रवहन्ति दुःखम्

tasmād anītyā na daṇḍayet prajā nyāyena rājyaṃ pratipālayasva / nṛpāś ca yeṣāṃ guṇam āvahanti teṣāṃ prajānāṃ pravahanti duḥkham

Sanskrit only: no published translation is held for this verse.

पुनश् च महाराज ॥ स्वदुःखदुःखी परदुःखतो ऽपि सुखी स्वसौख्यैश् च परैः समानम् । इत्थं नृपा ये सततं भवन्ति राज्ञां सदा सर्वगुणा भवन्ति

punaś ca mahārāja // svaduḥkhaduḥkhī paraduḥkhato 'pi sukhī svasaukhyaiś ca paraiḥ samānam / itthaṃ nṛpā ye satataṃ bhavanti rājñāṃ sadā sarvaguṇā bhavanti

Sanskrit only: no published translation is held for this verse.

धर्मेण राज्यं परिपूरयन्ति धर्मेण लक्ष्मीः सततं वहन्ति । धर्मेण लोकान् परितर्पयन्ति धर्मेण कामान् सहसा लभन्ते

dharmeṇa rājyaṃ paripūrayanti dharmeṇa lakṣmīḥ satataṃ vahanti / dharmeṇa lokān paritarpayanti dharmeṇa kāmān sahasā labhante

Sanskrit only: no published translation is held for this verse.

पुनश् च ॥ दानेन भोगा न परोपतापान् नाज्ञानमोहात् परलोकवन्तः । परप्रतापाद् यद् इहैव भोगास् ते प्राप्नुवन्ते परलोकदुःखाः

punaś ca // dānena bhogā na paropatāpān nājñānamohāt paralokavantaḥ / parapratāpād yad ihaiva bhogās te prāpnuvante paralokaduḥkhāḥ

Sanskrit only: no published translation is held for this verse.

आत्मा नदी भारत पुण्यतीर्था सत्योदका शीलतटा दयोर्मिः । अत्राभिषेकं कुरुते प्रवीण न वारिणा शुध्यति चान्तरात्मा

ātmā nadī bhārata puṇyatīrthā satyodakā śīlataṭā dayormiḥ / atrābhiṣekaṃ kurute pravīṇa na vāriṇā śudhyati cāntarātmā

Sanskrit only: no published translation is held for this verse.

सत्येन शौच्यं न जलप्रवेशाद् देहस्य बाह्यमलम् एव नाशम् । सत्येन तिष्ठन्ति सदैव देवाः स्थितिः पृथिव्याः खलु एव सत्यैः

satyena śaucyaṃ na jalapraveśād dehasya bāhyamalam eva nāśam / satyena tiṣṭhanti sadaiva devāḥ sthitiḥ pṛthivyāḥ khalu eva satyaiḥ

Sanskrit only: no published translation is held for this verse.

शीलेन स्वर्गा न गिरिप्रपातात् शीलेन तुल्या न भवन्ति रक्षाः । दुःशीलशैलात् स्खलिता मनुष्याः पतन्ति दुःखेषु महार्णवेषु

śīlena svargā na giriprapātāt śīlena tulyā na bhavanti rakṣāḥ / duḥśīlaśailāt skhalitā manuṣyāḥ patanti duḥkheṣu mahārṇaveṣu

Sanskrit only: no published translation is held for this verse.

ज्ञानेन मोक्षं न शरीरशोषात् वर्षेण आर्द्रं न परं निदाघैः । ज्ञानैर् विहीनः पुरुषः स एव यथैव पङ्कस्य सरस्सु स्नातः

jñānena mokṣaṃ na śarīraśoṣāt varṣeṇa ārdraṃ na paraṃ nidāghaiḥ / jñānair vihīnaḥ puruṣaḥ sa eva yathaiva paṅkasya sarassu snātaḥ

Sanskrit only: no published translation is held for this verse.

इति श्रुत्वाथ राजेन्द्रः संहर्षिततनूरुहः । संसारे च महाघोरे कथम् उत्तारयाम्य् अहम्

iti śrutvātha rājendraḥ saṃharṣitatanūruhaḥ / saṃsāre ca mahāghore katham uttārayāmy aham

Sanskrit only: no published translation is held for this verse.

अथासौ भूपतीन्द्रेशः संसारभयभीतया । प्रसन्नो भगवति बुद्धे चकार शरणं पुनः

athāsau bhūpatīndreśaḥ saṃsārabhayabhītayā / prasanno bhagavati buddhe cakāra śaraṇaṃ punaḥ

Sanskrit only: no published translation is held for this verse.

भगवन् बुद्ध वीरेश श्रुत्वा मे रोचते मनः । संबोधौ व्याकरोषि त्वं याचयामीत्य् अहं प्रभो

bhagavan buddha vīreśa śrutvā me rocate manaḥ / saṃbodhau vyākaroṣi tvaṃ yācayāmīty ahaṃ prabho

Sanskrit only: no published translation is held for this verse.

अथ श्रीभगवाञ् छास्ता ज्ञात्वा तस्याशयं शुभम् । व्याकार्षीद् अचिरेणैव तथागतो भविष्यसि

atha śrībhagavāñ chāstā jñātvā tasyāśayaṃ śubham / vyākārṣīd acireṇaiva tathāgato bhaviṣyasi

Sanskrit only: no published translation is held for this verse.

अर्हन् रत्नाकरो नाम संबुद्धो लोकनायकः । धर्मराजो जगन्नाथः सर्वज्ञो ऽर्हन् मुनीश्वरः

arhan ratnākaro nāma saṃbuddho lokanāyakaḥ / dharmarājo jagannāthaḥ sarvajño 'rhan munīśvaraḥ

Sanskrit only: no published translation is held for this verse.

सर्वविद्याधिपः शास्ता गुणाकरो भविष्यसि । बुद्धकार्यं ततः कृत्वा दीर्घकालं च स्थास्यति

sarvavidyādhipaḥ śāstā guṇākaro bhaviṣyasi / buddhakāryaṃ tataḥ kṛtvā dīrghakālaṃ ca sthāsyati

Sanskrit only: no published translation is held for this verse.