Dvavimsatyavadanakatha 9

अथ खलु मैत्रेयो बोधिसत्त्वो महासत्त्वो भगवन्तम् एवम् आह ॥ भगवन् बुद्धेषु स्तूपबिम्बेषु छत्त्रम् उदारं प्रदिशन्ति ये । तेषां फलं कीदृशं स्याद् भाषस्व सुगत प्रभो

atha khalu maitreyo bodhisattvo mahāsattvo bhagavantam evam āha // bhagavan buddheṣu stūpabimbeṣu chattram udāraṃ pradiśanti ye / teṣāṃ phalaṃ kīdṛśaṃ syād bhāṣasva sugata prabho

Sanskrit only: no published translation is held for this verse.

अथ राजानं क्षत्रियं मूर्ध्नाभिषिक्तं क्षेमंकरः सम्यक्संबुद्धो बोधिकरैर् धर्मैः समादापयति ॥ अथा स राजा लब्धप्रसादजातः क्षेमंकरं सम्यक्संबुद्धं राजकुले निमन्त्र्य शतरसेन भोजनेन प्रतिपादितः ॥ शतसहस्रमूल्येन सुवर्णच्छत्त्रेण संछादयाम् आस ॥ अथ स भगवान् क्षेमंकरः सम्यक्संबुद्धो धर्मवर्सं प्रवर्षितुम् आरब्धः ॥ साधु साधु महाराज महापुण्यव्रतोत्तमम् । छत्त्रावरोहणं येन, ईदृशं फलम् आप्यते

atha rājānaṃ kṣatriyaṃ mūrdhnābhiṣiktaṃ kṣemaṃkaraḥ samyaksaṃbuddho bodhikarair dharmaiḥ samādāpayati // athā sa rājā labdhaprasādajātaḥ kṣemaṃkaraṃ samyaksaṃbuddhaṃ rājakule nimantrya śatarasena bhojanena pratipāditaḥ // śatasahasramūlyena suvarṇacchattreṇa saṃchādayām āsa // atha sa bhagavān kṣemaṃkaraḥ samyaksaṃbuddho dharmavarsaṃ pravarṣitum ārabdhaḥ // sādhu sādhu mahārāja mahāpuṇyavratottamam / chattrāvarohaṇaṃ yena, īdṛśaṃ phalam āpyate

Sanskrit only: no published translation is held for this verse.

गजतुरगपदातिस्यन्दनैः सप्तरत्नैर् व्रजति सुतसहस्रैर् व्योम्नि यच् चक्रवर्ती । शशधरपरिवेषच्छत्त्ररुद्धार्कपादस् तद् अपि फलम् उदारं छत्त्रदानात् प्रसूतम्

gajaturagapadātisyandanaiḥ saptaratnair vrajati sutasahasrair vyomni yac cakravartī / śaśadharapariveṣacchattraruddhārkapādas tad api phalam udāraṃ chattradānāt prasūtam

Sanskrit only: no published translation is held for this verse.

हेमच्छत्त्रतिरस्कृतार्ककिरणाः श्रीमद्विनीतद्विप- स्कन्धस्था बहुरत्नभूषणवराः शक्रर्द्धिविस्पर्धिनः । चातुर्द्वीपकचक्रवर्त्यवनिपा यद् यान्ति खे लीलया तत् ताथागतधातुचैत्यकुसुमच्छत्त्रप्रदानात् फलम्

hemacchattratiraskṛtārkakiraṇāḥ śrīmadvinītadvipa- skandhasthā bahuratnabhūṣaṇavarāḥ śakrarddhivispardhinaḥ / cāturdvīpakacakravartyavanipā yad yānti khe līlayā tat tāthāgatadhātucaityakusumacchattrapradānāt phalam

Sanskrit only: no published translation is held for this verse.