उपक्रमः । ते शुक्लधर्मुपचिताः कुशलोपपेताः पर्युपासिताः सुगतमैत्रकृपानुकूलाः । अधिमुक्त्युदार कुशलाशय शुद्धभावाश्चित्तं जनेन्ति अतुलं जिनज्ञानहेतोः
upakramaḥ / te śukladharmupacitāḥ kuśalopapetāḥ paryupāsitāḥ sugatamaitrakṛpānukūlāḥ / adhimuktyudāra kuśalāśaya śuddhabhāvāścittaṃ janenti atulaṃ jinajñānahetoḥ
Sanskrit only: no published translation is held for this verse.
सर्वज्ञबुद्धबलशोधनवीर्यस्थामा जिनधर्मनिष्पत्तिजगत्परित्रायणार्थाः । महाकृपोचयवर्तनधर्मचक्रं जिनक्षेत्रशोधमुपपद्यति चित्तश्रेष्ठम्
sarvajñabuddhabalaśodhanavīryasthāmā jinadharmaniṣpattijagatparitrāyaṇārthāḥ / mahākṛpocayavartanadharmacakraṃ jinakṣetraśodhamupapadyati cittaśreṣṭham
Sanskrit only: no published translation is held for this verse.
त्र्यध्वैकवीक्षणविबुद्धननिर्विकल्पा नानाविधे जगति कालविशोधनार्थम् । संक्षेपसर्वगुण एषितु नायकानाम् आकाशतुल्य समुदेति उदारचित्तम्
tryadhvaikavīkṣaṇavibuddhananirvikalpā nānāvidhe jagati kālaviśodhanārtham / saṃkṣepasarvaguṇa eṣitu nāyakānām ākāśatulya samudeti udāracittam
Sanskrit only: no published translation is held for this verse.
प्रज्ञाधिपत्य कृपपूर्वमुपाययुक्तम् अधिमुक्ति-आशयविशुद्धबलाप्रमाणम् । आसङ्गताभिमुखता-अपरप्रणेयं समतोपपेतसुगतं वरचित्तजातम्
prajñādhipatya kṛpapūrvamupāyayuktam adhimukti-āśayaviśuddhabalāpramāṇam / āsaṅgatābhimukhatā-aparapraṇeyaṃ samatopapetasugataṃ varacittajātam
Sanskrit only: no published translation is held for this verse.
सहजातिचित्तरतनं सुगतात्मजानाम् अतिक्रान्त बालचरि बुद्धचरि ह्युपेतः । जातः कुले दशबलान अनोद्यपद्यः समतां जिने अनुगतो नियताग्रबोधिः
sahajāticittaratanaṃ sugatātmajānām atikrānta bālacari buddhacari hyupetaḥ / jātaḥ kule daśabalāna anodyapadyaḥ samatāṃ jine anugato niyatāgrabodhiḥ
Sanskrit only: no published translation is held for this verse.
एकस्मि चित्त उपपद्यति भूमिलाभो भवते अचल्यु गिरिराजसमाशयश्च । प्रामोद्यप्रीतिबहुलश्च प्रसादवांश्च उत्साहवेगविपुलः सदुदग्रचित्तः
ekasmi citta upapadyati bhūmilābho bhavate acalyu girirājasamāśayaśca / prāmodyaprītibahulaśca prasādavāṃśca utsāhavegavipulaḥ sadudagracittaḥ
Sanskrit only: no published translation is held for this verse.
संरम्भहिंसविगतश्च अक्रोधनश्च ह्रीगौरवार्जवतरश्च सुसंवृतश्च । जगतायनं स्मरति अप्रतिमानज्ञानं प्रीतिं जनेत्युपगतस्पृहमेत स्थानम्
saṃrambhahiṃsavigataśca akrodhanaśca hrīgauravārjavataraśca susaṃvṛtaśca / jagatāyanaṃ smarati apratimānajñānaṃ prītiṃ janetyupagataspṛhameta sthānam
Sanskrit only: no published translation is held for this verse.
पञ्चा भया अपगताः सहभूमिलाभो आजीविका मरण कीर्त्यथ दुर्गतिश्च । पर्षद्भयं च विगतं तथ छम्भितत्वं किं कारणं तथ हि आत्मनिकेतु नास्ति
pañcā bhayā apagatāḥ sahabhūmilābho ājīvikā maraṇa kīrtyatha durgatiśca / parṣadbhayaṃ ca vigataṃ tatha chambhitatvaṃ kiṃ kāraṇaṃ tatha hi ātmaniketu nāsti
Sanskrit only: no published translation is held for this verse.
ते छम्भितत्वविगताः कृपमैत्रयुक्ताः श्रद्धासगौरवह्रियोपगता गुणाढ्याः । रात्रिंदिवं कुशलपक्ष निषेवमाणाः सत्यार्थ धर्मनिरता न तु कामभोगैः
te chambhitatvavigatāḥ kṛpamaitrayuktāḥ śraddhāsagauravahriyopagatā guṇāḍhyāḥ / rātriṃdivaṃ kuśalapakṣa niṣevamāṇāḥ satyārtha dharmaniratā na tu kāmabhogaiḥ
Sanskrit only: no published translation is held for this verse.
श्रुतधर्मचिन्तकुशला अनिकेतचित्ता लाभादशीचित्तगता उत बोधिचित्ताः । ज्ञानाभिलाषि बलशोधनबुद्धधर्मा एषन्ति पारमित वर्जितमायशाठ्याः ॥ १० ॥ यथावादिनस्तथक्रियाः स्थितसत्यवाक्या न तु दूषणा जिनकुले चरि बोधिशिक्षाम् । लोकक्रियाय विगता निरता जगार्थं शुक्लैरतृप्त भुमयोत्तरिमारभन्ते
śrutadharmacintakuśalā aniketacittā lābhādaśīcittagatā uta bodhicittāḥ / jñānābhilāṣi balaśodhanabuddhadharmā eṣanti pāramita varjitamāyaśāṭhyāḥ // 10 // yathāvādinastathakriyāḥ sthitasatyavākyā na tu dūṣaṇā jinakule cari bodhiśikṣām / lokakriyāya vigatā niratā jagārthaṃ śuklairatṛpta bhumayottarimārabhante
Sanskrit only: no published translation is held for this verse.
ते एव धर्मनिरता गुणार्थयुक्ता अभिनिर्हरन्ति प्रणिधिं जिनदर्शनाय । सद्धर्मधारण उपसंक्रमणा ऋषिणाम् अभिनिर्हरन्ति प्रणीधिं वरचारिकायाम्
te eva dharmaniratā guṇārthayuktā abhinirharanti praṇidhiṃ jinadarśanāya / saddharmadhāraṇa upasaṃkramaṇā ṛṣiṇām abhinirharanti praṇīdhiṃ varacārikāyām
Sanskrit only: no published translation is held for this verse.
परिपाकसत्त्वपरिशोधनबुद्धक्षेत्रं ते चास्य क्षेत्र स्फुटिका जिन औरसेहि । एकाशया जिनसुतेहि अमोघतायाः सर्वत्र बालपथि बुद्धिय हेतुमर्थे
paripākasattvapariśodhanabuddhakṣetraṃ te cāsya kṣetra sphuṭikā jina aurasehi / ekāśayā jinasutehi amoghatāyāḥ sarvatra bālapathi buddhiya hetumarthe
Sanskrit only: no published translation is held for this verse.
एतांश्च नैकप्रणिधीनभिनिर्हरन्ति ते चो अनन्तविपुलाय अनन्ततायै । आकाशधातुसत्त्वधर्मतनिर्वृतं च लोको ह्यनिष्ठ जिनमुत्पदि ज्ञानभूमी
etāṃśca naikapraṇidhīnabhinirharanti te co anantavipulāya anantatāyai / ākāśadhātusattvadharmatanirvṛtaṃ ca loko hyaniṣṭha jinamutpadi jñānabhūmī
Sanskrit only: no published translation is held for this verse.
चित्तस्य नो विषयज्ञानप्रवेशनिष्ठा या वर्तनि त्रिविधनिष्ठ जगत्यनन्ता । प्रणिधाननिष्ठितु भवेन्न ममैवरूपा यथ एत निष्ठ तथ चर्य समा लभेयम्
cittasya no viṣayajñānapraveśaniṣṭhā yā vartani trividhaniṣṭha jagatyanantā / praṇidhānaniṣṭhitu bhavenna mamaivarūpā yatha eta niṣṭha tatha carya samā labheyam
Sanskrit only: no published translation is held for this verse.
एवं सुनिर्हृतसुमार्दवस्निग्धचित्ताः श्रद्धेत बुद्धगुण सत्त्व विलोकयन्तः । प्रीत्यान्तुलम्भुपगतः कृपमैत्रतां च परितायितव्य मय सत्त्व दुखार्दितानि
evaṃ sunirhṛtasumārdavasnigdhacittāḥ śraddheta buddhaguṇa sattva vilokayantaḥ / prītyāntulambhupagataḥ kṛpamaitratāṃ ca paritāyitavya maya sattva dukhārditāni
Sanskrit only: no published translation is held for this verse.
तेषार्थि त्याग विविधं पुन आरभन्ते राज्यं वरं विविधरत्नहयान् गजांश्च । शिरहस्तपादनयना स्वकमात्ममांसं सर्वं त्यजन्ति न च दीनमना भवन्ति
teṣārthi tyāga vividhaṃ puna ārabhante rājyaṃ varaṃ vividharatnahayān gajāṃśca / śirahastapādanayanā svakamātmamāṃsaṃ sarvaṃ tyajanti na ca dīnamanā bhavanti
Sanskrit only: no published translation is held for this verse.
एषन्ति शास्त्र विविधान्न च खेदमेन्ति । शास्त्रज्ञ लोकचरितान्यनुवर्तयन्ति । लोकज्ञतामुपगता ह्रियता धृतिं च पूज्यन्ति चाप्रतिसमान् गुरुगौरवेण
eṣanti śāstra vividhānna ca khedamenti / śāstrajña lokacaritānyanuvartayanti / lokajñatāmupagatā hriyatā dhṛtiṃ ca pūjyanti cāpratisamān gurugauraveṇa
Sanskrit only: no published translation is held for this verse.
एषाभियुक्तविदुना दिवरात्रि नित्यम् उत्तप्यते कुशल स्वर्ण यथैव अग्नौ । सो चापि एव परिकर्म दशान भूमी कृत्वा असङ्गतमुपेति अविष्ठिहन्ता
eṣābhiyuktavidunā divarātri nityam uttapyate kuśala svarṇa yathaiva agnau / so cāpi eva parikarma daśāna bhūmī kṛtvā asaṅgatamupeti aviṣṭhihantā
Sanskrit only: no published translation is held for this verse.
यथ सार्थवाह महसार्थहिताय युक्तो पुच्छित्व मार्गगुण क्षेमतमभ्युपेति । एमेव भूमि प्रथमा स्थित बोधिसत्त्वः कृतनिष्क्रमो दशभिबोधिमुपेत्यसङ्गः
yatha sārthavāha mahasārthahitāya yukto pucchitva mārgaguṇa kṣematamabhyupeti / emeva bhūmi prathamā sthita bodhisattvaḥ kṛtaniṣkramo daśabhibodhimupetyasaṅgaḥ
Sanskrit only: no published translation is held for this verse.
जम्बुध्वजं सकलराज्य प्रशासयन्तः स्थापेन्ति त्यागि जनतां वरबुद्धज्ञाने
jambudhvajaṃ sakalarājya praśāsayantaḥ sthāpenti tyāgi janatāṃ varabuddhajñāne
Sanskrit only: no published translation is held for this verse.
आकाङ्क्षमाण वृषभा विजहित्व राज्यं जिनशासने उपगताश्चरि आरभन्तः । लब्ध्वा समाधिशत बुद्धशतं च पश्यि कम्पेन्ति क्षेत्रशतु भासि अतिक्रमन्ति
ākāṅkṣamāṇa vṛṣabhā vijahitva rājyaṃ jinaśāsane upagatāścari ārabhantaḥ / labdhvā samādhiśata buddhaśataṃ ca paśyi kampenti kṣetraśatu bhāsi atikramanti
Sanskrit only: no published translation is held for this verse.
शोध्यन्ति सत्त्वशत धर्ममुखान् विशन्ति प्रविशन्ति कल्पशतकायशतं निदर्शि । पूर्णं शतं जिनसुतान निदर्शयन्ति भूयोत्तरि प्रणिधिश्रेष्ठबलाप्रमाणाः
śodhyanti sattvaśata dharmamukhān viśanti praviśanti kalpaśatakāyaśataṃ nidarśi / pūrṇaṃ śataṃ jinasutāna nidarśayanti bhūyottari praṇidhiśreṣṭhabalāpramāṇāḥ
Sanskrit only: no published translation is held for this verse.
इत्येषा प्रथमा भूमिर्निदिष्टा सुगतात्मजाः । सर्वलोकहितैषीणां बोधिसत्त्वाननुतमा
ityeṣā prathamā bhūmirnidiṣṭā sugatātmajāḥ / sarvalokahitaiṣīṇāṃ bodhisattvānanutamā
Sanskrit only: no published translation is held for this verse.