उपक्रमगाथाः । एव श्रुत्व चरणं विदुन श्रेष्ठं देवसंघ मुदिता मरुपतिश्च । बोधिसत्त्व बहवो जगद्धितैषि पूजयन्ति सुगतं जिनसुतांश्च
upakramagāthāḥ / eva śrutva caraṇaṃ viduna śreṣṭhaṃ devasaṃgha muditā marupatiśca / bodhisattva bahavo jagaddhitaiṣi pūjayanti sugataṃ jinasutāṃśca
Sanskrit only: no published translation is held for this verse.
पुष्पमाल्य रुचिरा ध्वजापताका गन्धचूर्ण रुचिरा रतनवस्त्रा । छत्र नैकरुचिरान् मणिप्रत्युप्तान् हारमेघप्रवरानभिसृजन्ति
puṣpamālya rucirā dhvajāpatākā gandhacūrṇa rucirā ratanavastrā / chatra naikarucirān maṇipratyuptān hārameghapravarānabhisṛjanti
Sanskrit only: no published translation is held for this verse.
मनोज्ञघोषमधुरं सुरवन्दू मुक्त नैकतुरियप्रवरनाटान् । पूजनार्थि जिनपुत्र सुगतांश्च वर्णश्रेष्ठ मुनिनो उदाहरन्ति
manojñaghoṣamadhuraṃ suravandū mukta naikaturiyapravaranāṭān / pūjanārthi jinaputra sugatāṃśca varṇaśreṣṭha munino udāharanti
Sanskrit only: no published translation is held for this verse.
सर्वि दर्शि वृषभी द्विपादश्रेष्ठो दर्शि बुद्धविषयं जगद्धितार्थम् । शब्दमेघ रुचिरान् प्रताडमानास्तूर्यताल विविधास्तद प्रमुक्ताः
sarvi darśi vṛṣabhī dvipādaśreṣṭho darśi buddhaviṣayaṃ jagaddhitārtham / śabdamegha rucirān pratāḍamānāstūryatāla vividhāstada pramuktāḥ
Sanskrit only: no published translation is held for this verse.
वालकोटि सुगताः शतसहस्रा गङ्गाकोटि नयुता रजविशिष्टाः । क्षेममप्रतिसमाः प्रवरश्रेष्ठं देशयन्ति वृषभी विरजधर्मम्
vālakoṭi sugatāḥ śatasahasrā gaṅgākoṭi nayutā rajaviśiṣṭāḥ / kṣemamapratisamāḥ pravaraśreṣṭhaṃ deśayanti vṛṣabhī virajadharmam
Sanskrit only: no published translation is held for this verse.
प्रेत तिर्य नरका मनुजदेवाः यक्ष रक्ष भुजगा असुरसंघा । ॥। ॥। ॥। ॥। ॥। ॥। ॥। ॥। ॥। ॥। ॥। नानकर्मविषये समनुभोन्ति
preta tirya narakā manujadevāḥ yakṣa rakṣa bhujagā asurasaṃghā / ... ... ... ... ... ... ... ... ... ... ... nānakarmaviṣaye samanubhonti
Sanskrit only: no published translation is held for this verse.
सर्वक्षेत्रविषये धुतरजानां चक्र श्रेष्ठप्रवरं तदनिर्वृत्तम् । देशयन्ति मधुरं सुगतघोषं संज्ञचित्त जगतस्तथ विचारन्
sarvakṣetraviṣaye dhutarajānāṃ cakra śreṣṭhapravaraṃ tadanirvṛttam / deśayanti madhuraṃ sugataghoṣaṃ saṃjñacitta jagatastatha vicāran
Sanskrit only: no published translation is held for this verse.
देवमानुषगती तथ विचित्रा ज्ञात्व सर्व सुगतो भणति धर्मम्
devamānuṣagatī tatha vicitrā jñātva sarva sugato bhaṇati dharmam
Sanskrit only: no published translation is held for this verse.
सूक्ष्मसंज्ञ भवति विपुलक्षेत्रे विपुलसंज्ञ भवति रजनिमित्ते । एवमादि विविधां सुगत-ऋद्धिं सर्वलोक भणतो न क्षेपयेयुः
sūkṣmasaṃjña bhavati vipulakṣetre vipulasaṃjña bhavati rajanimitte / evamādi vividhāṃ sugata-ṛddhiṃ sarvaloka bhaṇato na kṣepayeyuḥ
Sanskrit only: no published translation is held for this verse.
ईद्दशं वचमाहात्म्यं वचित्वा मधुरस्वरम् । प्रशान्ता परिषत्प्रीता प्रेक्षते वदतां वरम्
īddaśaṃ vacamāhātmyaṃ vacitvā madhurasvaram / praśāntā pariṣatprītā prekṣate vadatāṃ varam
Sanskrit only: no published translation is held for this verse.
प्रशान्त पर्षदं ज्ञात्वा मोक्षचन्द्रो ऽब्रवीत्पुनः । अष्टम्या भूमि-आकारां प्रवेशं च निदर्शय
praśānta parṣadaṃ jñātvā mokṣacandro 'bravītpunaḥ / aṣṭamyā bhūmi-ākārāṃ praveśaṃ ca nidarśaya
Sanskrit only: no published translation is held for this verse.
उपसंहारगाथाः । ते भूम्य सप्तसु विशोधित प्रज्ञुपाया मार्गा सुसंभृत महाप्रणिधानबद्धाः । सुप्रतिष्ठिता नरवराः कुशलोपपेता ज्ञानाभिलाषि विदु अष्टमिमाक्रमन्ति
upasaṃhāragāthāḥ / te bhūmya saptasu viśodhita prajñupāyā mārgā susaṃbhṛta mahāpraṇidhānabaddhāḥ / supratiṣṭhitā naravarāḥ kuśalopapetā jñānābhilāṣi vidu aṣṭamimākramanti
Sanskrit only: no published translation is held for this verse.
ते पुण्यज्ञानुपगताः कृपमैत्रयुक्ता ज्ञानाप्रमाणपथगाः खगबुद्धिकल्पाः । श्रुतधर्म निश्चितबलोपगता महर्षी क्षान्तिं लभन्ति अनुत्पादप्रशान्तिसूक्ष्माम्
te puṇyajñānupagatāḥ kṛpamaitrayuktā jñānāpramāṇapathagāḥ khagabuddhikalpāḥ / śrutadharma niścitabalopagatā maharṣī kṣāntiṃ labhanti anutpādapraśāntisūkṣmām
Sanskrit only: no published translation is held for this verse.
आदावजात अनुत्पाद अलक्षणं च असंभूततमविनष्टत चाप्रवृत्तम् । भावस्वभावविगता तथताविकल्पा मम चित्तचारविगताः खगतुल्यकल्पाः
ādāvajāta anutpāda alakṣaṇaṃ ca asaṃbhūtatamavinaṣṭata cāpravṛttam / bhāvasvabhāvavigatā tathatāvikalpā mama cittacāravigatāḥ khagatulyakalpāḥ
Sanskrit only: no published translation is held for this verse.
एवं स्थितानमनुचिन्तविकल्प नास्ति भिक्षुर्निरोध्युपगतो ऽपप्रकल्पप्राप्तः । स्वप्नोघप्राप्त प्रतिबुद्ध तथाविकल्पा ब्रह्मापुरे रतिसङ्गरहितो तथैव
evaṃ sthitānamanucintavikalpa nāsti bhikṣurnirodhyupagato 'paprakalpaprāptaḥ / svapnoghaprāpta pratibuddha tathāvikalpā brahmāpure ratisaṅgarahito tathaiva
Sanskrit only: no published translation is held for this verse.
अस्माकु ज्ञान विपुलं वरबुद्धधर्मा ते तुभ्य नास्ति त हि वीर्यु समारभायम्
asmāku jñāna vipulaṃ varabuddhadharmā te tubhya nāsti ta hi vīryu samārabhāyam
Sanskrit only: no published translation is held for this verse.
किंचापि शान्त तव सर्वकिलेशज्वाला ज्वलितं निशम्य पुन क्लेशगतिभ्य लोकम् । प्रणिधान पूर्व स्मर सत्त्वहितं विचार्य ज्ञानार्थि प्रार्थित क्रिया जगमोक्षहेतोः
kiṃcāpi śānta tava sarvakileśajvālā jvalitaṃ niśamya puna kleśagatibhya lokam / praṇidhāna pūrva smara sattvahitaṃ vicārya jñānārthi prārthita kriyā jagamokṣahetoḥ
Sanskrit only: no published translation is held for this verse.
सद एष धर्मत स्थिता तथताविकल्पा सर्वेषु बुद्धजिनश्रावकप्रत्ययानम् । न हि एतिना दशबलान प्रभावु लोके नान्यत्र ज्ञानविपुलं त्रिभि अध्वसङ्गम्
sada eṣa dharmata sthitā tathatāvikalpā sarveṣu buddhajinaśrāvakapratyayānam / na hi etinā daśabalāna prabhāvu loke nānyatra jñānavipulaṃ tribhi adhvasaṅgam
Sanskrit only: no published translation is held for this verse.
एवं तमप्रतिसमा नरदेवपूज्या उपसंहरन्ति बहुज्ञानमुखा विचारान् । जिनधर्मनिष्पत्तिप्रवेशमनन्तपारं यस्या कला न भवते पुन बोधिचर्या
evaṃ tamapratisamā naradevapūjyā upasaṃharanti bahujñānamukhā vicārān / jinadharmaniṣpattipraveśamanantapāraṃ yasyā kalā na bhavate puna bodhicaryā
Sanskrit only: no published translation is held for this verse.
एतानि प्राप्त वृषभी वरज्ञानभूमिम् एकक्षणेन स्फरते दिशताः समन्तान् । ज्ञानप्रवेशुपगता वरभिज्ञप्राप्ता यथ सागरे वहनु मारुतयानप्राप्तः
etāni prāpta vṛṣabhī varajñānabhūmim ekakṣaṇena spharate diśatāḥ samantān / jñānapraveśupagatā varabhijñaprāptā yatha sāgare vahanu mārutayānaprāptaḥ
Sanskrit only: no published translation is held for this verse.
साभोगचित्तविगताः स्थितज्ञानकर्म विचिनन्ति क्षेत्रप्रभवं विभवस्थितिं च । धातुश्चत्वारि विनिभागगतान तांश्च सूक्ष्मं महद्गत विभक्ति समोसरन्ति
sābhogacittavigatāḥ sthitajñānakarma vicinanti kṣetraprabhavaṃ vibhavasthitiṃ ca / dhātuścatvāri vinibhāgagatāna tāṃśca sūkṣmaṃ mahadgata vibhakti samosaranti
Sanskrit only: no published translation is held for this verse.
त्रिसहस्रि सर्वपरमाणुरजो तरन्ति चत्वारि धातु जगकायि विभक्तितश्च । रत्ना विभक्तिपरमाणु सुवर्गतीषु भिन्दित्व ज्ञानविषयेन गणेन्त्यशेषम्
trisahasri sarvaparamāṇurajo taranti catvāri dhātu jagakāyi vibhaktitaśca / ratnā vibhaktiparamāṇu suvargatīṣu bhinditva jñānaviṣayena gaṇentyaśeṣam
Sanskrit only: no published translation is held for this verse.
ज्ञाने विभावितमना विदु सर्वकायान् स्वे कायि तत्र उपनेन्ति जगार्थहेतोः । त्रिसहस्र सर्व च स्फरित्व विचित्ररूपान् दर्शेन्ति काय विविधान् तथनन्तलोके
jñāne vibhāvitamanā vidu sarvakāyān sve kāyi tatra upanenti jagārthahetoḥ / trisahasra sarva ca spharitva vicitrarūpān darśenti kāya vividhān tathanantaloke
Sanskrit only: no published translation is held for this verse.
ज्ञानोत्तमे स्थित तथाचलधर्मतायां जग शुद्ध-आशय विदू प्रतिभासप्राप्ता
jñānottame sthita tathācaladharmatāyāṃ jaga śuddha-āśaya vidū pratibhāsaprāptā
Sanskrit only: no published translation is held for this verse.
यथ-आशयं जगत कायविभक्तितां च दर्शेन्ति सर्वपरिषे भुवि सर्वलोके । वशिप्रत्ययाश्रय जिनात्मजश्रावकानां दर्शेन्ति ते सुगतकाय विभूषिताङ्गान्
yatha-āśayaṃ jagata kāyavibhaktitāṃ ca darśenti sarvapariṣe bhuvi sarvaloke / vaśipratyayāśraya jinātmajaśrāvakānāṃ darśenti te sugatakāya vibhūṣitāṅgān
Sanskrit only: no published translation is held for this verse.
सत्त्वांश्च क्षेत्र तथ कर्मविपाक कायान् आर्याश्रयान् विविधधर्मज्ञानकायान् । आकाशकाय वृषभी समतामुपेतं दर्शेन्ति ऋद्धि विविधान् जगतोषणार्थम्
sattvāṃśca kṣetra tatha karmavipāka kāyān āryāśrayān vividhadharmajñānakāyān / ākāśakāya vṛṣabhī samatāmupetaṃ darśenti ṛddhi vividhān jagatoṣaṇārtham
Sanskrit only: no published translation is held for this verse.
वशिता दशो विमलज्ञानविचारप्राप्ता अनुप्राप्त ज्ञानकृत मैत्रकृपानुकूलाः । यावच्च सर्वजिनधर्ममुपादकर्मा त्रिसंवरैः सुस्थितमेक अचल्यकल्पाः
vaśitā daśo vimalajñānavicāraprāptā anuprāpta jñānakṛta maitrakṛpānukūlāḥ / yāvacca sarvajinadharmamupādakarmā trisaṃvaraiḥ susthitameka acalyakalpāḥ
Sanskrit only: no published translation is held for this verse.
ये चा बला जिनसुतान दश अक्षोभ्या तेही उपेत अविबन्धिय सर्वमारैः । बुद्धैरधिष्ठित नमस्कृत शक्रब्रह्मैस्तथ वज्रपाणिबलकैः सततानुबद्धाः
ye cā balā jinasutāna daśa akṣobhyā tehī upeta avibandhiya sarvamāraiḥ / buddhairadhiṣṭhita namaskṛta śakrabrahmaistatha vajrapāṇibalakaiḥ satatānubaddhāḥ
Sanskrit only: no published translation is held for this verse.
इम भूमिदेशुपगता न गुणानमन्तो नो शक्यते क्षयितु कल्पसहस्रकोट्यैः । ते भूय बुद्ध नियुतान् समुपासयन्ते भोन्तो उतप्त यथ भूषणु राजमूर्ध्नि
ima bhūmideśupagatā na guṇānamanto no śakyate kṣayitu kalpasahasrakoṭyaiḥ / te bhūya buddha niyutān samupāsayante bhonto utapta yatha bhūṣaṇu rājamūrdhni
Sanskrit only: no published translation is held for this verse.
इम भूमिदेशुपगता विदु बोधिसत्त्वा महब्रह्म भोन्ति सहस्राधिपती गुणाढ्याः । त्रययानदेशन अक्षोभ्यसंहारप्राप्ता मैत्रायनः शुभप्रभा जगक्लेशघाती
ima bhūmideśupagatā vidu bodhisattvā mahabrahma bhonti sahasrādhipatī guṇāḍhyāḥ / trayayānadeśana akṣobhyasaṃhāraprāptā maitrāyanaḥ śubhaprabhā jagakleśaghātī
Sanskrit only: no published translation is held for this verse.
एकक्षणेन दशक्षेत्रशतःसहस्रा यावा रजोधातु तत्तक समाध्युपेन्ति । पश्यन्ति तत्तक दशदिशि सत्त्वसारान् भूयो अतः प्रणिधिश्रेष्ठ व्यूह नेकाः
ekakṣaṇena daśakṣetraśataḥsahasrā yāvā rajodhātu tattaka samādhyupenti / paśyanti tattaka daśadiśi sattvasārān bhūyo ataḥ praṇidhiśreṣṭha vyūha nekāḥ
Sanskrit only: no published translation is held for this verse.
संक्षेप एष निर्दिष्टो अष्टमाया जिनात्मजाः । विस्तरः कल्पकोटीभिर्न शक्यः सर्व भाषितुम्
saṃkṣepa eṣa nirdiṣṭo aṣṭamāyā jinātmajāḥ / vistaraḥ kalpakoṭībhirna śakyaḥ sarva bhāṣitum
Sanskrit only: no published translation is held for this verse.