Library·Devīgītā (= Devībhāgavata-Purāṇa 7,31-40)·1
अथ प्रथमो ऽध्यायः सप्तमः स्कन्धः अथ एकत्रिंशो ऽध्यायः जनमेजय उवाच धराधराधीश मौलावाविरासीत्परं महः । यदुक्तं भवता पूर्वं विस्तरात्तद्वदस्व मे
atha prathamo 'dhyāyaḥ saptamaḥ skandhaḥ atha ekatriṃśo 'dhyāyaḥ janamejaya uvāca dharādharādhīśa maulāvāvirāsītparaṃ mahaḥ / yaduktaṃ bhavatā pūrvaṃ vistarāttadvadasva me
Sanskrit only: no published translation is held for this verse.
को विरज्येत मतिमान्पिबञ्छक्तिकथामृतम् । सुधां तु पिबतां मृत्युः स नैतच्छृण्वतो भवेत्
ko virajyeta matimānpibañchaktikathāmṛtam / sudhāṃ tu pibatāṃ mṛtyuḥ sa naitacchṛṇvato bhavet
Sanskrit only: no published translation is held for this verse.
व्यास उवाच धन्यो ऽसि कृतकृत्यो ऽसि शिक्षितो ऽसि महात्मभिः । भाग्यवानसि यद्देव्यां निर्व्याजा भक्तिरस्ति ते
vyāsa uvāca dhanyo 'si kṛtakṛtyo 'si śikṣito 'si mahātmabhiḥ / bhāgyavānasi yaddevyāṃ nirvyājā bhaktirasti te
Sanskrit only: no published translation is held for this verse.
शृणु राजन्पुरा वृत्तं सतीदेहे ऽग्निभर्जिते । भ्रान्तः शिवस्तु बभ्राम क्वचिद्देशे स्थिरो ऽभवत्
śṛṇu rājanpurā vṛttaṃ satīdehe 'gnibharjite / bhrāntaḥ śivastu babhrāma kvaciddeśe sthiro 'bhavat
Sanskrit only: no published translation is held for this verse.
प्रपञ्चभानरहितः समाधिगतमानसः । ध्यायन्देवीस्वरूपं तु कालं निन्ये स आत्मवान्
prapañcabhānarahitaḥ samādhigatamānasaḥ / dhyāyandevīsvarūpaṃ tu kālaṃ ninye sa ātmavān
Sanskrit only: no published translation is held for this verse.
सौभाग्यरहितं जातं त्रैलोक्यं सचराचरम् । शक्तिहीनं जगत्सर्वं साब्धिद्वीपं सपर्वतम्
saubhāgyarahitaṃ jātaṃ trailokyaṃ sacarācaram / śaktihīnaṃ jagatsarvaṃ sābdhidvīpaṃ saparvatam
Sanskrit only: no published translation is held for this verse.
आनन्दः शुष्कतां यातः सर्वेषां हृदयान्तरे । उदासीनाः सर्वलोकाश्चिन्ताजर्जरचेतसः
ānandaḥ śuṣkatāṃ yātaḥ sarveṣāṃ hṛdayāntare / udāsīnāḥ sarvalokāścintājarjaracetasaḥ
Sanskrit only: no published translation is held for this verse.
सदा दुःखोदधौ मग्ना रोगग्रस्तास्तदाभवन् । ग्रहाणां देवतानां च वैपरीत्येन वर्तनम्
sadā duḥkhodadhau magnā rogagrastāstadābhavan / grahāṇāṃ devatānāṃ ca vaiparītyena vartanam
Sanskrit only: no published translation is held for this verse.
अधिभूताधिदैवानां सत्यभावान्नृपाभवन् । अथ ऽस्मिन्नेव काले तु तारकाख्यो महसुरः
adhibhūtādhidaivānāṃ satyabhāvānnṛpābhavan / atha 'sminneva kāle tu tārakākhyo mahasuraḥ
Sanskrit only: no published translation is held for this verse.
ब्रह्मदत्तवरो दैत्यो ऽभवत्त्रैलोक्यनायकः । शिवौरसस्तु यः पुत्रः स ते हन्ता भविष्यति
brahmadattavaro daityo 'bhavattrailokyanāyakaḥ / śivaurasastu yaḥ putraḥ sa te hantā bhaviṣyati
Sanskrit only: no published translation is held for this verse.
इति कल्पितमृत्युः स देवदेवैर्महासुरः । शिवैरससुताभावाज्जगर्ज च ननन्द च
iti kalpitamṛtyuḥ sa devadevairmahāsuraḥ / śivairasasutābhāvājjagarja ca nananda ca
Sanskrit only: no published translation is held for this verse.
तेन चोपद्रुताः सर्वे स्वस्थानात्प्रच्युताः सुराः । शिवैरससुताभावाच्चिन्तामापुर्दुरत्ययाम्
tena copadrutāḥ sarve svasthānātpracyutāḥ surāḥ / śivairasasutābhāvāccintāmāpurduratyayām
Sanskrit only: no published translation is held for this verse.
नाङ्गना शङ्करस्यास्ति कथं तत्सुतसम्भावः । अस्माकं भाग्यहीनानां कथं कार्यं भविष्यति
nāṅganā śaṅkarasyāsti kathaṃ tatsutasambhāvaḥ / asmākaṃ bhāgyahīnānāṃ kathaṃ kāryaṃ bhaviṣyati
Sanskrit only: no published translation is held for this verse.
इति चिन्तातुराः सर्वे जग्मुर्वैकुण्ठमण्डले । शशंसुर्हरिमेकान्ते स चोपायं जगाद ह
iti cintāturāḥ sarve jagmurvaikuṇṭhamaṇḍale / śaśaṃsurharimekānte sa copāyaṃ jagāda ha
Sanskrit only: no published translation is held for this verse.
कुतश्चिन्तातुराः सर्वे कामकल्पद्रुमा शिवा । जागर्ति भूवनेशानी मणिद्वीपाधिवासिनी
kutaścintāturāḥ sarve kāmakalpadrumā śivā / jāgarti bhūvaneśānī maṇidvīpādhivāsinī
Sanskrit only: no published translation is held for this verse.
अस्माकमनयादेव तदुपेक्षास्ति नान्यथा । शिक्षैवेयं जगन्मात्रा कृतास्मच्छिक्षणाय
asmākamanayādeva tadupekṣāsti nānyathā / śikṣaiveyaṃ jaganmātrā kṛtāsmacchikṣaṇāya
Sanskrit only: no published translation is held for this verse.
लालने ताडने मातुर्ना कारुण्यं यथार्भके । तद्वदेव जगन्मातुर्नियन्त्रा गुणदोषयोः
lālane tāḍane māturnā kāruṇyaṃ yathārbhake / tadvadeva jaganmāturniyantrā guṇadoṣayoḥ
Sanskrit only: no published translation is held for this verse.
अपराधो भवत्येव तनयस्य पदे पदे । को ऽपरः सहते लोके केवलं मातरं विना
aparādho bhavatyeva tanayasya pade pade / ko 'paraḥ sahate loke kevalaṃ mātaraṃ vinā
Sanskrit only: no published translation is held for this verse.
तस्मद्यूयं पराम्बां तां शरणं यात मा चिरम् । निर्व्याजया चित्तवृत्त्या सा वः कार्यं विधास्यति
tasmadyūyaṃ parāmbāṃ tāṃ śaraṇaṃ yāta mā ciram / nirvyājayā cittavṛttyā sā vaḥ kāryaṃ vidhāsyati
Sanskrit only: no published translation is held for this verse.
इत्यादिश्य सुरान्सर्वान्महाविष्णुः स्वजायया । संयुतो निर्जगामाशु देवैः सह सुराधिपः
ityādiśya surānsarvānmahāviṣṇuḥ svajāyayā / saṃyuto nirjagāmāśu devaiḥ saha surādhipaḥ
Sanskrit only: no published translation is held for this verse.
आजगाम महाशैलं हिमवन्तं नगाधिपम् । अभवंश्च सुराः सर्वे पुरश्चरणकर्मिणः
ājagāma mahāśailaṃ himavantaṃ nagādhipam / abhavaṃśca surāḥ sarve puraścaraṇakarmiṇaḥ
Sanskrit only: no published translation is held for this verse.
अम्बायज्ञविधानज्ञा अम्बायज्ञं च चक्रिरे । तृतीयादिव्रतान्याशु चक्रुः सर्वे सुरा नृप
ambāyajñavidhānajñā ambāyajñaṃ ca cakrire / tṛtīyādivratānyāśu cakruḥ sarve surā nṛpa
Sanskrit only: no published translation is held for this verse.
केचित्समाधिनिष्णाताः केचिन्नामपरायणाः । केचित्सूक्तपराः केचिन्नामपारायणोत्सुकाः
kecitsamādhiniṣṇātāḥ kecinnāmaparāyaṇāḥ / kecitsūktaparāḥ kecinnāmapārāyaṇotsukāḥ
Sanskrit only: no published translation is held for this verse.
मन्त्रपारायणपरः केचित्कृच्छ्रादि कारिणः । अन्तर्यागपराः केचित्केचिन्न्यासपरायणाः
mantrapārāyaṇaparaḥ kecitkṛcchrādi kāriṇaḥ / antaryāgaparāḥ kecitkecinnyāsaparāyaṇāḥ
Sanskrit only: no published translation is held for this verse.
हृल्लेखया पराशक्तेः पूजां चक्रुरतन्द्रिताः । इत्येवं बहुवर्षाणि कालो ऽगाज्जनमेजय
hṛllekhayā parāśakteḥ pūjāṃ cakruratandritāḥ / ityevaṃ bahuvarṣāṇi kālo 'gājjanamejaya
Sanskrit only: no published translation is held for this verse.
अकस्माच्चैत्रमासीयनवम्यां च भृगोर्दिने । प्रादुर्बभूव पुरतस्तन्महः श्रुतिबोधितम्
akasmāccaitramāsīyanavamyāṃ ca bhṛgordine / prādurbabhūva puratastanmahaḥ śrutibodhitam
Sanskrit only: no published translation is held for this verse.
चतुर्दिक्षु चतुर्वेदैर्मूर्तिमद्भिरभिष्टुतम् । कोटिसूर्य्प्रतीकाशं चन्द्रकोटिसुशीतलम्
caturdikṣu caturvedairmūrtimadbhirabhiṣṭutam / koṭisūrypratīkāśaṃ candrakoṭisuśītalam
Sanskrit only: no published translation is held for this verse.
विद्युत्कोटिसमानाभमरुणं तत्परं महः । नैव चोर्ध्वं न तिर्यक्च न मध्ये परिजग्रभत्
vidyutkoṭisamānābhamaruṇaṃ tatparaṃ mahaḥ / naiva cordhvaṃ na tiryakca na madhye parijagrabhat
Sanskrit only: no published translation is held for this verse.
आद्यन्तरहितं तत्तु न हस्ताद्यङ्गसंयुतम् । न च स्त्रीरूपमथवा न पुंरूपमथोभयम्
ādyantarahitaṃ tattu na hastādyaṅgasaṃyutam / na ca strīrūpamathavā na puṃrūpamathobhayam
Sanskrit only: no published translation is held for this verse.
दीप्त्या पिधानं नेत्राणां तेषामासीन्महीपते । पुनश्च धैर्यमालम्ब्य यावत्ते ददृशुः सुराः
dīptyā pidhānaṃ netrāṇāṃ teṣāmāsīnmahīpate / punaśca dhairyamālambya yāvatte dadṛśuḥ surāḥ
Sanskrit only: no published translation is held for this verse.
तावत्तदेव स्त्रीरूपेणाभाद्दिव्यं मनोहरम् । अतीव रमणीयाङ्गीं कुमारीं नवयौवनाम्
tāvattadeva strīrūpeṇābhāddivyaṃ manoharam / atīva ramaṇīyāṅgīṃ kumārīṃ navayauvanām
Sanskrit only: no published translation is held for this verse.
उद्यत्पीनकुचद्वन्द्वनिन्दिताम्भोजकुड्मलाम् । रणत्किङ्किणिकाजालसिञ्जन्मञ्जीरमेखलाम्
udyatpīnakucadvandvaninditāmbhojakuḍmalām / raṇatkiṅkiṇikājālasiñjanmañjīramekhalām
Sanskrit only: no published translation is held for this verse.
कनकाङ्गदकेयूरग्रैवेयकविभूषिताम् । अनर्घ्यमणिसम्भिन्नगलबन्धविराजिताम्
kanakāṅgadakeyūragraiveyakavibhūṣitām / anarghyamaṇisambhinnagalabandhavirājitām
Sanskrit only: no published translation is held for this verse.
तनुकेतकसंराजन्नीलभ्रमरकुन्तलाम् । नितम्बबिम्बसुभगां रोमराजिविराजिताम्
tanuketakasaṃrājannīlabhramarakuntalām / nitambabimbasubhagāṃ romarājivirājitām
Sanskrit only: no published translation is held for this verse.
कर्पूरशकलोन्मिश्रताम्बूलपूरिताननाम् । कनत्कनकताटङ्कविटङ्कवदनाम्बुजाम्
karpūraśakalonmiśratāmbūlapūritānanām / kanatkanakatāṭaṅkaviṭaṅkavadanāmbujām
Sanskrit only: no published translation is held for this verse.
अष्टमीचन्द्रबिम्बाभललाटामायतभ्रुवम् । रक्तारविन्दनयनामुन्नसां मधुराधराम्
aṣṭamīcandrabimbābhalalāṭāmāyatabhruvam / raktāravindanayanāmunnasāṃ madhurādharām
Sanskrit only: no published translation is held for this verse.
कुन्दकुड्मलदन्ताग्रां मुक्ताहारविराजिताम् । रत्नसम्भिन्नमुकुटां चन्द्ररेखावताम्सिनीम्
kundakuḍmaladantāgrāṃ muktāhāravirājitām / ratnasambhinnamukuṭāṃ candrarekhāvatāmsinīm
Sanskrit only: no published translation is held for this verse.
मल्लिकामालतीमालाकेशपाशविराजिताम् । काश्मीरबिन्दुनिटिलां नेत्रत्रयविलासिनीम्
mallikāmālatīmālākeśapāśavirājitām / kāśmīrabinduniṭilāṃ netratrayavilāsinīm
Sanskrit only: no published translation is held for this verse.
पाशाङ्कुशवराभीतिचतुर्बाहुं त्रिलोचनाम् । रक्तवस्त्रपरीधानां दाडिमीकुसुमप्रभाम्
pāśāṅkuśavarābhīticaturbāhuṃ trilocanām / raktavastraparīdhānāṃ dāḍimīkusumaprabhām
Sanskrit only: no published translation is held for this verse.
सर्वशृङ्गारवेषाढ्यां सर्वदेवनमस्कृताम् । सर्वाशापूरिकां सर्वमातरं सर्वमोहिनीम्
sarvaśṛṅgāraveṣāḍhyāṃ sarvadevanamaskṛtām / sarvāśāpūrikāṃ sarvamātaraṃ sarvamohinīm
Sanskrit only: no published translation is held for this verse.
प्रसादसुमुखीमम्बां मन्दस्मितमुखाम्बुजाम् । अव्याजकरुणामूर्तिं ददृशुः पुरतः सुराः
prasādasumukhīmambāṃ mandasmitamukhāmbujām / avyājakaruṇāmūrtiṃ dadṛśuḥ purataḥ surāḥ
Sanskrit only: no published translation is held for this verse.
दृष्ट्वा तां करुणामुर्तिं प्रणेमुः सकलाः सुराः । वक्तुं नाशक्नुवन् किञ्चिद्वाष्पसंरुद्धनिःस्वनाः
dṛṣṭvā tāṃ karuṇāmurtiṃ praṇemuḥ sakalāḥ surāḥ / vaktuṃ nāśaknuvan kiñcidvāṣpasaṃruddhaniḥsvanāḥ
Sanskrit only: no published translation is held for this verse.
कथञ्चित्स्थैर्यमालम्ब्य भक्त्या चानतकन्धराः । प्रेमाश्रुपूर्णनयनास्तुष्टुवुर्जगदम्बिकाम्
kathañcitsthairyamālambya bhaktyā cānatakandharāḥ / premāśrupūrṇanayanāstuṣṭuvurjagadambikām
Sanskrit only: no published translation is held for this verse.
देवा ऊचुः नमो देव्यै महादेव्यै शिवायै सततं नमः । नमः प्रकृत्यै भद्रायै नियताः प्रणताः स्म ताम्
devā ūcuḥ namo devyai mahādevyai śivāyai satataṃ namaḥ / namaḥ prakṛtyai bhadrāyai niyatāḥ praṇatāḥ sma tām
Sanskrit only: no published translation is held for this verse.
ताम् अग्निवर्णां तपसा ज्वलन्तीं वैरोचनीं कर्मफलेषु जुष्टाम् । दुर्गां देवीं शरणमहं प्रपद्ये सुतरसि तरसे नमः
tām agnivarṇāṃ tapasā jvalantīṃ vairocanīṃ karmaphaleṣu juṣṭām / durgāṃ devīṃ śaraṇamahaṃ prapadye sutarasi tarase namaḥ
Sanskrit only: no published translation is held for this verse.
देवीं वाचमजनयन्त देवास्तां विश्वरूपाः पशवो वदन्ति । सा नो मन्द्रेषमूर्जं दुहाना धेनुर् वागस्मानुपसुष्टुतैतु
devīṃ vācamajanayanta devāstāṃ viśvarūpāḥ paśavo vadanti / sā no mandreṣamūrjaṃ duhānā dhenur vāgasmānupasuṣṭutaitu
Sanskrit only: no published translation is held for this verse.
कालरात्रीं ब्रह्मस्तुतां वैष्णवीं स्कन्दमातरम् । सरस्वतीमदितिं दक्षदुहितरं नमामः पावनां शिवाम्
kālarātrīṃ brahmastutāṃ vaiṣṇavīṃ skandamātaram / sarasvatīmaditiṃ dakṣaduhitaraṃ namāmaḥ pāvanāṃ śivām
Sanskrit only: no published translation is held for this verse.
महालक्ष्म्यै च विद्महे सर्वशक्त्यै च धीमहि । तन्नो देवी प्रचोदयात्
mahālakṣmyai ca vidmahe sarvaśaktyai ca dhīmahi / tanno devī pracodayāt
Sanskrit only: no published translation is held for this verse.
नमो विराट्स्वरूपिण्यै नमः सूत्रात्ममूर्तये । नमो ऽव्याकृतरूपिण्यै नमः श्रीब्रह्म मूर्तये
namo virāṭsvarūpiṇyai namaḥ sūtrātmamūrtaye / namo 'vyākṛtarūpiṇyai namaḥ śrībrahma mūrtaye
Sanskrit only: no published translation is held for this verse.
यदज्ञानाज्जगद्धाति रज्जुसर्पस्रगादिवत् । यज्ज्ञानाल्लयमाप्नोति नुमस्तां भुवनेश्वरीम्
yadajñānājjagaddhāti rajjusarpasragādivat / yajjñānāllayamāpnoti numastāṃ bhuvaneśvarīm
Sanskrit only: no published translation is held for this verse.
नुमस्तत्पदलक्ष्यार्थां चिदेकरसरूपिणीम् । अखण्डानन्दरूपां तां वेदतात्पर्यभूमिकाम्
numastatpadalakṣyārthāṃ cidekarasarūpiṇīm / akhaṇḍānandarūpāṃ tāṃ vedatātparyabhūmikām
Sanskrit only: no published translation is held for this verse.
पञ्चकोशातिरिक्तां ताम् अवस्थात्रयसाक्षिणीम् । पुनस्त्वम्पदलक्ष्यार्थां प्रत्यगात्मस्वरूपिणीम्
pañcakośātiriktāṃ tām avasthātrayasākṣiṇīm / punastvampadalakṣyārthāṃ pratyagātmasvarūpiṇīm
Sanskrit only: no published translation is held for this verse.
नमः प्रणवरूपायै नमो ह्रीङ्कारमूर्तये । नानामन्त्रात्मिकायै ते करुणायै नमो नमः
namaḥ praṇavarūpāyai namo hrīṅkāramūrtaye / nānāmantrātmikāyai te karuṇāyai namo namaḥ
Sanskrit only: no published translation is held for this verse.
इति स्तुता तदा देवैर् मणिद्वीपाधिवासिनी । प्राह वाचा मधुरया मत्तकोकिलनिःस्वना
iti stutā tadā devair maṇidvīpādhivāsinī / prāha vācā madhurayā mattakokilaniḥsvanā
Sanskrit only: no published translation is held for this verse.
श्रीदेव्युवाच वेदन्तु विबुधाः कार्यं यदर्थमिह सङ्गताः । वरदाहं सदा भक्तकामकल्पद्रुमास्मि च
śrīdevyuvāca vedantu vibudhāḥ kāryaṃ yadarthamiha saṅgatāḥ / varadāhaṃ sadā bhaktakāmakalpadrumāsmi ca
Sanskrit only: no published translation is held for this verse.
तिष्ठन्त्यां मयि का चिन्ता युष्माकं भक्तिशालिनाम् । समुद्धरामि मद्भक्तान्दुःखसंसारसागरात्
tiṣṭhantyāṃ mayi kā cintā yuṣmākaṃ bhaktiśālinām / samuddharāmi madbhaktānduḥkhasaṃsārasāgarāt
Sanskrit only: no published translation is held for this verse.
इति प्रतिज्ञां मे सत्यां जानीथ विबुधोत्तमाः । इति प्रेमाकुलां वाणीं श्रुत्वा सन्तुष्टमानसाः
iti pratijñāṃ me satyāṃ jānītha vibudhottamāḥ / iti premākulāṃ vāṇīṃ śrutvā santuṣṭamānasāḥ
Sanskrit only: no published translation is held for this verse.
निर्भया निर्जरा राजन्नूचुर्दुःखं स्वकीयकम् । देवा ऊचुः नाज्ञातं किञ्चिदप्यत्र भ्वत्यास्ति जगस्त्रये
nirbhayā nirjarā rājannūcurduḥkhaṃ svakīyakam / devā ūcuḥ nājñātaṃ kiñcidapyatra bhvatyāsti jagastraye
Sanskrit only: no published translation is held for this verse.
सर्वज्ञया सर्वसाक्षिरूपिण्या पर्मेश्वरि । तारकेणासुरेन्द्रेण पीडिताः स्मो दिवानिशम्
sarvajñayā sarvasākṣirūpiṇyā parmeśvari / tārakeṇāsurendreṇa pīḍitāḥ smo divāniśam
Sanskrit only: no published translation is held for this verse.
शिवाङ्गजाद्वधस्तस्य निर्मितो ब्रह्मणाशिवे । शिवाङ्गना तु नैवास्ति जानासि त्वं महेश्वरि
śivāṅgajādvadhastasya nirmito brahmaṇāśive / śivāṅganā tu naivāsti jānāsi tvaṃ maheśvari
Sanskrit only: no published translation is held for this verse.
सर्वज्ञपुरतः किं वा वक्तव्यं पामरैर्जनैः । एतदुद्देशतः प्रोक्तमपरं तर्कयाम्बिके
sarvajñapurataḥ kiṃ vā vaktavyaṃ pāmarairjanaiḥ / etaduddeśataḥ proktamaparaṃ tarkayāmbike
Sanskrit only: no published translation is held for this verse.
सर्वदा चरणाम्भोजे भक्तिः स्यात्तव निश्चला । प्रार्थनीयमिदं मुख्यमपरं देहहेतवे
sarvadā caraṇāmbhoje bhaktiḥ syāttava niścalā / prārthanīyamidaṃ mukhyamaparaṃ dehahetave
Sanskrit only: no published translation is held for this verse.
इति तेषां वचः श्रुत्वा प्रोवाच परमेश्वरी । मम शक्तिस्तु या गौरी भविष्यति हिमालये
iti teṣāṃ vacaḥ śrutvā provāca parameśvarī / mama śaktistu yā gaurī bhaviṣyati himālaye
Sanskrit only: no published translation is held for this verse.
शिवाय सा प्रदेया स्यात् सा वः कार्यं विधास्यति । भक्तिर्यच्चरणाम्भोजे भूयाद्युष्माकमादरात्
śivāya sā pradeyā syāt sā vaḥ kāryaṃ vidhāsyati / bhaktiryaccaraṇāmbhoje bhūyādyuṣmākamādarāt
Sanskrit only: no published translation is held for this verse.
हिमालयो हि मनसा मामुपास्ते ऽतिभक्तितः । ततस्तस्य गृहे जन्म मम प्रियकरं मतम्
himālayo hi manasā māmupāste 'tibhaktitaḥ / tatastasya gṛhe janma mama priyakaraṃ matam
Sanskrit only: no published translation is held for this verse.
व्यास उवाच हिमालयो ऽपि तच्छ्रुत्वात्यनुग्रहकरं वचः । बाष्पैः संरुद्धकण्ठाक्षो महाराज्ञीं वचो ऽब्रवीत्
vyāsa uvāca himālayo 'pi tacchrutvātyanugrahakaraṃ vacaḥ / bāṣpaiḥ saṃruddhakaṇṭhākṣo mahārājñīṃ vaco 'bravīt
Sanskrit only: no published translation is held for this verse.
महत्तरं तं कुरुषे यस्यानुग्रहमिच्छसि । नोचेत्क्वाहं जडः स्थाणुः क्व त्वं सच्चित्स्वरूपिणी
mahattaraṃ taṃ kuruṣe yasyānugrahamicchasi / nocetkvāhaṃ jaḍaḥ sthāṇuḥ kva tvaṃ saccitsvarūpiṇī
Sanskrit only: no published translation is held for this verse.
असम्भाव्यं जन्मशतैस्त्वत्पितृत्वं ममानघे । अश्वमेधादि पुण्यैर्वा पुण्यैर्वा तत्समाधिजैः
asambhāvyaṃ janmaśataistvatpitṛtvaṃ mamānaghe / aśvamedhādi puṇyairvā puṇyairvā tatsamādhijaiḥ
Sanskrit only: no published translation is held for this verse.
अद्य प्रपञ्चे कीर्तिः स्याज्जगन्माता सुताभवत् । अहो हिमालयस्यास्य धन्यो ऽसौ भाग्यवानिति
adya prapañce kīrtiḥ syājjaganmātā sutābhavat / aho himālayasyāsya dhanyo 'sau bhāgyavāniti
Sanskrit only: no published translation is held for this verse.
यस्यास्तु जठरे सन्ति ब्रह्माण्डानां च कोटयः । सैव यस्य सुता जाता को वा स्यात्तत्समो भुवि
yasyāstu jaṭhare santi brahmāṇḍānāṃ ca koṭayaḥ / saiva yasya sutā jātā ko vā syāttatsamo bhuvi
Sanskrit only: no published translation is held for this verse.
न जाने ऽस्मत्पितॄणां किं स्थानं स्यान्निर्मितं परम् । एतादृशानां वासाय येषां वंशे ऽस्ति मादृशः
na jāne 'smatpitṝṇāṃ kiṃ sthānaṃ syānnirmitaṃ param / etādṛśānāṃ vāsāya yeṣāṃ vaṃśe 'sti mādṛśaḥ
Sanskrit only: no published translation is held for this verse.
इदं यथा च दत्तं मे कृपया प्रेमपूर्णया । सर्ववेदान्तसिद्धं च त्वद्रूपं ब्रूहि मे तथा
idaṃ yathā ca dattaṃ me kṛpayā premapūrṇayā / sarvavedāntasiddhaṃ ca tvadrūpaṃ brūhi me tathā
Sanskrit only: no published translation is held for this verse.
योगं च भक्तिसहितं ज्ञानं च श्रुतिसम्मतम् । वदस्व परमेशानि त्वमेवाहं यतो भवेः
yogaṃ ca bhaktisahitaṃ jñānaṃ ca śrutisammatam / vadasva parameśāni tvamevāhaṃ yato bhaveḥ
Sanskrit only: no published translation is held for this verse.
व्यास उवाच इति तस्य वचः प्रसन्नमुखपङ्कजा । वक्तुमारभताम्बा सा रहस्यं श्रुतिगूहितम्
vyāsa uvāca iti tasya vacaḥ prasannamukhapaṅkajā / vaktumārabhatāmbā sā rahasyaṃ śrutigūhitam
Sanskrit only: no published translation is held for this verse.