निर्वाणाभिलाषुकः पारुष्यं वर्जयेत् पारुष्यं वर्जयेत् धीमान् सम्यग्वाग् भीरतो भवेत् । माधुर्याभिरतो जर्न्तुनिर्वाणस्यान्तिके स्थितः
nirvāṇābhilāṣukaḥ pāruṣyaṃ varjayet pāruṣyaṃ varjayet dhīmān samyagvāg bhīrato bhavet / mādhuryābhirato jarntunirvāṇasyāntike sthitaḥ
Sanskrit only: no published translation is held for this verse.
वाचं पश्यन् सदाभाषेन्मलिनां च विवर्जयेत् । वाङ्मनेनाभिभूता ये ते यान्ति नरकं नराः
vācaṃ paśyan sadābhāṣenmalināṃ ca vivarjayet / vāṅmanenābhibhūtā ye te yānti narakaṃ narāḥ
Sanskrit only: no published translation is held for this verse.
एकधर्मव्यतीतस्य मृषावादस्य देहिनः । प्रतीर्णप्रतिलोकस्य नाकार्य पापमस्तिह
ekadharmavyatītasya mṛṣāvādasya dehinaḥ / pratīrṇapratilokasya nākārya pāpamastiha
Sanskrit only: no published translation is held for this verse.
मृषावाग् न प्रयोक्तव्या मृषावाचं न भाषेत सर्वा प्रत्ययकारिकाम् । यथा बध्यति संसारे सुगतिं नैव पश्यति
mṛṣāvāg na prayoktavyā mṛṣāvācaṃ na bhāṣeta sarvā pratyayakārikām / yathā badhyati saṃsāre sugatiṃ naiva paśyati
Sanskrit only: no published translation is held for this verse.
साधुप्रत्ययतेनीहा सर्वविद्वेषकारिका । कान्तारः सर्वाधर्माणां मृषावाच प्रवर्तते
sādhupratyayatenīhā sarvavidveṣakārikā / kāntāraḥ sarvādharmāṇāṃ mṛṣāvāca pravartate
Sanskrit only: no published translation is held for this verse.
जातमात्रस्य मर्त्यस्य कठारी जायते मुखे । पश्चात् छिनत्त्यात्मानं वाचा दुर्भाषितं वदन्
jātamātrasya martyasya kaṭhārī jāyate mukhe / paścāt chinattyātmānaṃ vācā durbhāṣitaṃ vadan
Sanskrit only: no published translation is held for this verse.
सर्वा कार्यपताका सा सर्वपापप्रसूतिका । तमसां योनिरेका सा यां वाचं भाषते मृषा
sarvā kāryapatākā sā sarvapāpaprasūtikā / tamasāṃ yonirekā sā yāṃ vācaṃ bhāṣate mṛṣā
Sanskrit only: no published translation is held for this verse.
सत्येन हीनाः पुरुषाः सर्वसाधुविवर्जिताः । तृणवद् यान्ति लोके ऽस्मिन् प्रत्यपायेषु दुःखिताः
satyena hīnāḥ puruṣāḥ sarvasādhuvivarjitāḥ / tṛṇavad yānti loke 'smin pratyapāyeṣu duḥkhitāḥ
Sanskrit only: no published translation is held for this verse.
न वदेदनृतं धीरः कष्टा ह्यनृतवादिता । पूतिगन्ध्यसुखी चापि पश्चात्तापेन तप्यते
na vadedanṛtaṃ dhīraḥ kaṣṭā hyanṛtavāditā / pūtigandhyasukhī cāpi paścāttāpena tapyate
Sanskrit only: no published translation is held for this verse.
सत्यमहिमा सत्यं च न विवर्जेत तस्य धर्मो न विद्यते । विनिवर्तितधर्मस्य स्थितं दुःखमनेकजम्
satyamahimā satyaṃ ca na vivarjeta tasya dharmo na vidyate / vinivartitadharmasya sthitaṃ duḥkhamanekajam
Sanskrit only: no published translation is held for this verse.
सत्यं सर्वधर्माणां प्रदीपभूतम् प्रदीपः सर्वधर्माणां साधूनां रत्नवत् प्रियम् । स्वर्गस्य च परं वर्त्म सत्यमुक्तं गतज्वरैः
satyaṃ sarvadharmāṇāṃ pradīpabhūtam pradīpaḥ sarvadharmāṇāṃ sādhūnāṃ ratnavat priyam / svargasya ca paraṃ vartma satyamuktaṃ gatajvaraiḥ
Sanskrit only: no published translation is held for this verse.
सत्यं न हि दिवं याति मोक्षस्यासत्यवादिनः । सत्यहीना हि पुरुषाः पशुतुल्याः प्रकीर्तिताः
satyaṃ na hi divaṃ yāti mokṣasyāsatyavādinaḥ / satyahīnā hi puruṣāḥ paśutulyāḥ prakīrtitāḥ
Sanskrit only: no published translation is held for this verse.
जघन्यानां जघान्यास्ते येषां न विद्यते । सत्यं धर्मस्य सोपानं ज्योतिषामाकरो महान्
jaghanyānāṃ jaghānyāste yeṣāṃ na vidyate / satyaṃ dharmasya sopānaṃ jyotiṣāmākaro mahān
Sanskrit only: no published translation is held for this verse.
पन्थाश्च मोक्षधर्माणां धनानां धनमुत्तमम् । पापकैश्च (परि)त्राणां सत्यमुक्तं मनीषिभिः
panthāśca mokṣadharmāṇāṃ dhanānāṃ dhanamuttamam / pāpakaiśca (pari)trāṇāṃ satyamuktaṃ manīṣibhiḥ
Sanskrit only: no published translation is held for this verse.
सत्यभूषितं वाग् भूषणस्यापि भूषणम् ज्योतिषां परमं ज्योतिश्चक्षुश्चक्षुष्मतामपि । द्रविणेन विना सत्यं भूषणस्यापि भूषणम्
satyabhūṣitaṃ vāg bhūṣaṇasyāpi bhūṣaṇam jyotiṣāṃ paramaṃ jyotiścakṣuścakṣuṣmatāmapi / draviṇena vinā satyaṃ bhūṣaṇasyāpi bhūṣaṇam
Sanskrit only: no published translation is held for this verse.
निधानमतुलं सत्यमहार्य (सर्वसाधकम्) । गच्छन्ति (सत्या यिणः) पुरुषाः परमां गतिम्
nidhānamatulaṃ satyamahārya (sarvasādhakam) / gacchanti (satyā yiṇaḥ) puruṣāḥ paramāṃ gatim
Sanskrit only: no published translation is held for this verse.
न तथा भासते राजा नानालङ्कारभूषितः । सत्येन भूषितो धीमान् शोभते देववद् यथा
na tathā bhāsate rājā nānālaṅkārabhūṣitaḥ / satyena bhūṣito dhīmān śobhate devavad yathā
Sanskrit only: no published translation is held for this verse.
न माता न पिता चाथ मित्राणि न च बान्धवाः । त्राणमेवं यथा श्रुत्वा तस्मात् सत्यपरो भवेत्
na mātā na pitā cātha mitrāṇi na ca bāndhavāḥ / trāṇamevaṃ yathā śrutvā tasmāt satyaparo bhavet
Sanskrit only: no published translation is held for this verse.
अनृतनिन्दा वह्नीनां परमो वह्निर्विषाणां परमं विषम् । दुर्गतीनां च सोपानमनृतं परिकीर्तितम्
anṛtanindā vahnīnāṃ paramo vahnirviṣāṇāṃ paramaṃ viṣam / durgatīnāṃ ca sopānamanṛtaṃ parikīrtitam
Sanskrit only: no published translation is held for this verse.
विषाग्नितुल्यसंस्पर्श वर्तयेदनृतं पुमान् । अनृतेन हि यो देव दग्धैत्यभिधीयते
viṣāgnitulyasaṃsparśa vartayedanṛtaṃ pumān / anṛtena hi yo deva dagdhaityabhidhīyate
Sanskrit only: no published translation is held for this verse.
सत्यासत्ययोः परस्परविरोधित्वम् तस्मात् सर्वाभिसारेण (न वदेद) नृतं पुमान् । सर्व भयादिकं कष्टमनृतं कीर्तितं बुधैः
satyāsatyayoḥ parasparavirodhitvam tasmāt sarvābhisāreṇa (na vadeda) nṛtaṃ pumān / sarva bhayādikaṃ kaṣṭamanṛtaṃ kīrtitaṃ budhaiḥ
Sanskrit only: no published translation is held for this verse.
वह्नीनां परमो वह्निर्निर्दहेदपि सागरम् । किं पुनर्यो मृषावादी काष्ठलोष्ठसमाकृतिः
vahnīnāṃ paramo vahnirnirdahedapi sāgaram / kiṃ punaryo mṛṣāvādī kāṣṭhaloṣṭhasamākṛtiḥ
Sanskrit only: no published translation is held for this verse.
सत्यं त्यक्त्वा मृषावादं यो नरः प्रतिपद्यते । रत्नं त्यक्त्वा स पापात्मा पाषाणं प्रतिपद्यते
satyaṃ tyaktvā mṛṣāvādaṃ yo naraḥ pratipadyate / ratnaṃ tyaktvā sa pāpātmā pāṣāṇaṃ pratipadyate
Sanskrit only: no published translation is held for this verse.
यस्यात्मा न भवेत् द्विष्टो यस्य वा नरकं प्रियम् । मृषावादं स्वदेहाग्निम् अबुद्धिः स निषेवते
yasyātmā na bhavet dviṣṭo yasya vā narakaṃ priyam / mṛṣāvādaṃ svadehāgnim abuddhiḥ sa niṣevate
Sanskrit only: no published translation is held for this verse.
सदेदं सत्यवचनं भूषणं सर्वदेहिनाम् । सत्यं त्यक्त्वा मृषावादे कस्माद् यान्ति कुबुद्धयः
sadedaṃ satyavacanaṃ bhūṣaṇaṃ sarvadehinām / satyaṃ tyaktvā mṛṣāvāde kasmād yānti kubuddhayaḥ
Sanskrit only: no published translation is held for this verse.
सत्यं गुणानामग्र्यं वै दोषाणामनृतं स्मृतम् । गुणांस्त्यक्त्वा कथं मूढो दोषेषु परिधावति
satyaṃ guṇānāmagryaṃ vai doṣāṇāmanṛtaṃ smṛtam / guṇāṃstyaktvā kathaṃ mūḍho doṣeṣu paridhāvati
Sanskrit only: no published translation is held for this verse.
बीजं सर्वस्य दुःखस्य मृषावादः प्रकीर्तितः । तथा सत्यं सुखस्यैव तस्मान्नानृतको भवेत्
bījaṃ sarvasya duḥkhasya mṛṣāvādaḥ prakīrtitaḥ / tathā satyaṃ sukhasyaiva tasmānnānṛtako bhavet
Sanskrit only: no published translation is held for this verse.
सत्यवादी हि पुरुषः प्रियः सर्वस्य देहिनः । चक्षुर्दोषैमृषावादी तस्मान्नानृतको भवेत्
satyavādī hi puruṣaḥ priyaḥ sarvasya dehinaḥ / cakṣurdoṣaimṛṣāvādī tasmānnānṛtako bhavet
Sanskrit only: no published translation is held for this verse.
देवकल्पाः सदा कृष्टाः पुरुषाः सत्यवादिनः । नारकेयास्तथा मूढा जना ह्यनृतचेतसः
devakalpāḥ sadā kṛṣṭāḥ puruṣāḥ satyavādinaḥ / nārakeyāstathā mūḍhā janā hyanṛtacetasaḥ
Sanskrit only: no published translation is held for this verse.
कल्याणानां परं सत्यं दोषाणामनृतं तथा । दोषवर्जी गुणद्वेषी पुरुषः पुरुषोत्तमः
kalyāṇānāṃ paraṃ satyaṃ doṣāṇāmanṛtaṃ tathā / doṣavarjī guṇadveṣī puruṣaḥ puruṣottamaḥ
Sanskrit only: no published translation is held for this verse.
सुखोदयं सुखोदर्कं सुखेन परिपच्यते । सुखेन लभते सत्यं(सत्यं) निर्वाणगामिकम्
sukhodayaṃ sukhodarkaṃ sukhena paripacyate / sukhena labhate satyaṃ(satyaṃ) nirvāṇagāmikam
Sanskrit only: no published translation is held for this verse.
दुःखोदयं कटुफलं दुःखेन सह पच्यते । अनृतं सर्वदुःखान्तं कः पुमान् न विवर्जयेत्
duḥkhodayaṃ kaṭuphalaṃ duḥkhena saha pacyate / anṛtaṃ sarvaduḥkhāntaṃ kaḥ pumān na vivarjayet
Sanskrit only: no published translation is held for this verse.
नान्यदेशागतं सत्यं नान्यस्मात् प्रार्थ्यते हि तत् । सर्वतीर्थोत्तमं सत्यं न तीर्थसलिलावृतम्
nānyadeśāgataṃ satyaṃ nānyasmāt prārthyate hi tat / sarvatīrthottamaṃ satyaṃ na tīrthasalilāvṛtam
Sanskrit only: no published translation is held for this verse.
दीपानां च परो दीपः सत्यं बुद्धेन देशितम् । औषधानां परं तच्च सदा दुःखनिषूदनम्
dīpānāṃ ca paro dīpaḥ satyaṃ buddhena deśitam / auṣadhānāṃ paraṃ tacca sadā duḥkhaniṣūdanam
Sanskrit only: no published translation is held for this verse.
अमृतञ्च विषञ्चैव जिह्वापाशे स्थितं नृणाम् । अमृतं सत्यमित्युक्तं विषं तूक्तं मृषावचः
amṛtañca viṣañcaiva jihvāpāśe sthitaṃ nṛṇām / amṛtaṃ satyamityuktaṃ viṣaṃ tūktaṃ mṛṣāvacaḥ
Sanskrit only: no published translation is held for this verse.
यस्यानृतमभिप्रेतं तस्य सत्यं ध्रुवं स्थितम् । विषन्तु यस्याभिमतं तस्येष्टं स्यान्मृषावचः
yasyānṛtamabhipretaṃ tasya satyaṃ dhruvaṃ sthitam / viṣantu yasyābhimataṃ tasyeṣṭaṃ syānmṛṣāvacaḥ
Sanskrit only: no published translation is held for this verse.
विषेण निश्चितं नाशो मृषावादेन निश्चितः । मृतवत् स पुमानस्ति यो मिथ्यात्वभिभाषते
viṣeṇa niścitaṃ nāśo mṛṣāvādena niścitaḥ / mṛtavat sa pumānasti yo mithyātvabhibhāṣate
Sanskrit only: no published translation is held for this verse.
नात्मनो हि हितं पथ्यं (पर)स्य न कथञ्चन । पश्चात्तु परदुःखाय तत् कथं सेव्यते नृभिः
nātmano hi hitaṃ pathyaṃ (para)sya na kathañcana / paścāttu paraduḥkhāya tat kathaṃ sevyate nṛbhiḥ
Sanskrit only: no published translation is held for this verse.
देशे देशे मया दृष्टं जन्ममृत्युसहस्रकम् । परः सहस्त्रं जनयेन्नाशयेदनृतं वचः
deśe deśe mayā dṛṣṭaṃ janmamṛtyusahasrakam / paraḥ sahastraṃ janayennāśayedanṛtaṃ vacaḥ
Sanskrit only: no published translation is held for this verse.
अभिजातस निष्कर्षो द्विजातीनां च भूषणम् । दर्शनं मोक्षमार्गस्य सत्यमित्यभिधीयते
abhijātasa niṣkarṣo dvijātīnāṃ ca bhūṣaṇam / darśanaṃ mokṣamārgasya satyamityabhidhīyate
Sanskrit only: no published translation is held for this verse.
तृष्णानदी हयमाराणां सतां सत्येन कर्मणाम् । पूर्ववत् सत्यमित्युक्तं परं सुगतदेशिकम्
tṛṣṇānadī hayamārāṇāṃ satāṃ satyena karmaṇām / pūrvavat satyamityuktaṃ paraṃ sugatadeśikam
Sanskrit only: no published translation is held for this verse.
अनादिनिधने लोके तृष्णापारङ्गता (नराः) । नास्त्यत्राणं यथा सत्यमिति धर्मविदो विदुः
anādinidhane loke tṛṣṇāpāraṅgatā (narāḥ) / nāstyatrāṇaṃ yathā satyamiti dharmavido viduḥ
Sanskrit only: no published translation is held for this verse.
अभिध्यापाशो न सेवनीयः सत्यवध्या सदा क्लेशा वज्रवध्या यथा नगाः । हता(स्ते) पुरुषा (ज्ञेया ये ऽ) भिध्या परिवञ्चिताः
abhidhyāpāśo na sevanīyaḥ satyavadhyā sadā kleśā vajravadhyā yathā nagāḥ / hatā(ste) puruṣā (jñeyā ye ') bhidhyā parivañcitāḥ
Sanskrit only: no published translation is held for this verse.
परचित्तसमेनेदं रूपाद्यैः परिवञ्च्यते । अभिध्यामानसं पाशं सेवितं न विचक्षणैः
paracittasamenedaṃ rūpādyaiḥ parivañcyate / abhidhyāmānasaṃ pāśaṃ sevitaṃ na vicakṣaṇaiḥ
Sanskrit only: no published translation is held for this verse.
दह्यते ऽविकृत आत्मा तैलदीप्तिरिवानलः । अभिध्यादग्धमनसः कारणं नोपलभ्यते
dahyate 'vikṛta ātmā tailadīptirivānalaḥ / abhidhyādagdhamanasaḥ kāraṇaṃ nopalabhyate
Sanskrit only: no published translation is held for this verse.
व्यापादः सत्त्वान् मोहयत्येव यस्मात् तत् सर्वदा वर्ज्यं कटुकाशाविषोदयम् । व्यापादमोहिताः सत्त्वा नित्यं तद्गतमानसाः
vyāpādaḥ sattvān mohayatyeva yasmāt tat sarvadā varjyaṃ kaṭukāśāviṣodayam / vyāpādamohitāḥ sattvā nityaṃ tadgatamānasāḥ
Sanskrit only: no published translation is held for this verse.
न शान्तिमधिगच्छन्ति सर्पा इव बिलेशयाः । अथ कूरस्वभावा ये व्यापादपरमा नराः
na śāntimadhigacchanti sarpā iva bileśayāḥ / atha kūrasvabhāvā ye vyāpādaparamā narāḥ
Sanskrit only: no published translation is held for this verse.
न तेषां विद्यते सौख्यमादित्येन यथा तमः । न धर्मे नार्थनिकरो न धर्मा न च बान्धवाः
na teṣāṃ vidyate saukhyamādityena yathā tamaḥ / na dharme nārthanikaro na dharmā na ca bāndhavāḥ
Sanskrit only: no published translation is held for this verse.
रक्षन्ति पुरुषान् सर्वान् व्यापादाहतचेतसः । तमसामाकरो ह्येष व्यापाद इह कथ्यते
rakṣanti puruṣān sarvān vyāpādāhatacetasaḥ / tamasāmākaro hyeṣa vyāpāda iha kathyate
Sanskrit only: no published translation is held for this verse.
व्यापादयति जनकं व्यापादः परिकीर्तितः । अव्यापादः परं श्रेयो न व्यापादः कथञ्चन
vyāpādayati janakaṃ vyāpādaḥ parikīrtitaḥ / avyāpādaḥ paraṃ śreyo na vyāpādaḥ kathañcana
Sanskrit only: no published translation is held for this verse.
अव्यापादपरा ये तु ते यान्ति पदमच्युतम् । नियतातथवादी यो ऽधर्मवादी न धार्मिकः
avyāpādaparā ye tu te yānti padamacyutam / niyatātathavādī yo 'dharmavādī na dhārmikaḥ
Sanskrit only: no published translation is held for this verse.
स चौरः सर्वलोकस्य न चौरः प्राकृतः स्मृतः । धर्मवादी नरो यस्तु चरते धर्ममेव यः
sa cauraḥ sarvalokasya na cauraḥ prākṛtaḥ smṛtaḥ / dharmavādī naro yastu carate dharmameva yaḥ
Sanskrit only: no published translation is held for this verse.
स याति शाश्वतं स्थानं यत्र गत्वा न शोच्यते । मिथ्यावचोहत (पुमान्) लौकिकः सम्प्रकीर्त्यते
sa yāti śāśvataṃ sthānaṃ yatra gatvā na śocyate / mithyāvacohata (pumān) laukikaḥ samprakīrtyate
Sanskrit only: no published translation is held for this verse.
लोकोत्तरैः कल्पशतैः कदाचित् कथ्यते न वा । तस्मात् लोकोत्तरं वाक्यं लौकिकं न कथञ्चन
lokottaraiḥ kalpaśataiḥ kadācit kathyate na vā / tasmāt lokottaraṃ vākyaṃ laukikaṃ na kathañcana
Sanskrit only: no published translation is held for this verse.
संसारबन्धनं दृष्टं लौकिकं विषवद् वचः । तृष्णारतः सदा पुण्यान्मुच्यतेति सुनिश्चितम्
saṃsārabandhanaṃ dṛṣṭaṃ laukikaṃ viṣavad vacaḥ / tṛṣṇārataḥ sadā puṇyānmucyateti suniścitam
Sanskrit only: no published translation is held for this verse.
लोकोत्तरो (नरो) धन्यो विद्वद्भिः समुदाहृतः । हितं तत्त्वं च यो मूढो न गृह्णाति गुरोर्वचः
lokottaro (naro) dhanyo vidvadbhiḥ samudāhṛtaḥ / hitaṃ tattvaṃ ca yo mūḍho na gṛhṇāti gurorvacaḥ
Sanskrit only: no published translation is held for this verse.
सत्यवादी सदा देवताभिः पुरस्कृतः स पश्चाद् व्यसने प्राप्ते तप्यते स्वेन चेतसा । सत्यवादी सदा दान्तो देवताभिः पुरस्कृतः
satyavādī sadā devatābhiḥ puraskṛtaḥ sa paścād vyasane prāpte tapyate svena cetasā / satyavādī sadā dānto devatābhiḥ puraskṛtaḥ
Sanskrit only: no published translation is held for this verse.
प्रियो भवति लोकस्य पश्चाद् देवेषु मोदति । प्रियो भवति लोकस्य पश्चाद् स्वान्तेन(वर्धते) । दर्शनीयं मुखं चास्य देवलोकेषु जायते
priyo bhavati lokasya paścād deveṣu modati / priyo bhavati lokasya paścād svāntena(vardhate) / darśanīyaṃ mukhaṃ cāsya devalokeṣu jāyate
Sanskrit only: no published translation is held for this verse.
अभूतवादी पुरुषः सर्वसत्त्वोपपातकः । तमोनिचयसङ्काशो जीवन्नपि मृतः समः
abhūtavādī puruṣaḥ sarvasattvopapātakaḥ / tamonicayasaṅkāśo jīvannapi mṛtaḥ samaḥ
Sanskrit only: no published translation is held for this verse.
कथं न जिह्वा पतिता वाक्यसंस्तुतिकत्तृका । मृषा वदति यो वाचं सद्भूतगुणनाशिकाम्
kathaṃ na jihvā patitā vākyasaṃstutikattṛkā / mṛṣā vadati yo vācaṃ sadbhūtaguṇanāśikām
Sanskrit only: no published translation is held for this verse.
मुखे सन्निहितो ब्यालो मुखे सन्निहितो ऽफलः । (मुखे)सञ्ज्वलितो वह्निर्यो वाचा भाषते मृषा
mukhe sannihito byālo mukhe sannihito 'phalaḥ / (mukhe)sañjvalito vahniryo vācā bhāṣate mṛṣā
Sanskrit only: no published translation is held for this verse.
जिह्वा सङ्ग्रथितैः पाशैः नरकस्याग्रहेतुकैः । छेत्ता च धर्महेतूनां मृषावादः प्रवर्तते
jihvā saṅgrathitaiḥ pāśaiḥ narakasyāgrahetukaiḥ / chettā ca dharmahetūnāṃ mṛṣāvādaḥ pravartate
Sanskrit only: no published translation is held for this verse.
न तस्य माता न पिता बुद्धो नापि सम्वरः । यः पापबुद्धिः पतितो मृषावादं प्रभाषतेः
na tasya mātā na pitā buddho nāpi samvaraḥ / yaḥ pāpabuddhiḥ patito mṛṣāvādaṃ prabhāṣateḥ
Sanskrit only: no published translation is held for this verse.
अकस्माल्लघुतां याति षड्भिश्च परिवर्तते । मुच्यते देवताभिश्च यो वाचं भाषते मृषा
akasmāllaghutāṃ yāti ṣaḍbhiśca parivartate / mucyate devatābhiśca yo vācaṃ bhāṣate mṛṣā
Sanskrit only: no published translation is held for this verse.
असङ्गृहीतवाक्यस्याविचार्य क्रोधनस्य च । चपलस्याल्पभाग्यस्य स्थितं दुःखमनन्तकम्
asaṅgṛhītavākyasyāvicārya krodhanasya ca / capalasyālpabhāgyasya sthitaṃ duḥkhamanantakam
Sanskrit only: no published translation is held for this verse.
परस्य दुःखं दृष्ट्वापि सत्त्वः सत्त्वोपपातकः । परव्यसनवत् तज्ज्ञः पुमान् नरकगामिकः
parasya duḥkhaṃ dṛṣṭvāpi sattvaḥ sattvopapātakaḥ / paravyasanavat tajjñaḥ pumān narakagāmikaḥ
Sanskrit only: no published translation is held for this verse.
ये यथावादिनो मर्त्त्या न च तत्कारिणः सदा
ye yathāvādino marttyā na ca tatkāriṇaḥ sadā
Sanskrit only: no published translation is held for this verse.
सत्यमेव स्वर्गस्य निर्वाणस्य च सोपानम् सत्यं स्वर्गस्य सोपानं निर्वाणद्वारमेव तत् । तस्मात् सत्यपरो नित्यं नित्यं धर्मगतिः स्मृतिः
satyameva svargasya nirvāṇasya ca sopānam satyaṃ svargasya sopānaṃ nirvāṇadvārameva tat / tasmāt satyaparo nityaṃ nityaṃ dharmagatiḥ smṛtiḥ
Sanskrit only: no published translation is held for this verse.
अनृतं न वदेत् अशोकमजरं स्थानं प्रयाति पुरुषोत्तमः । वर्जयेदनृतं धीमान् निन्दितं तत्त्वदर्शिभिः
anṛtaṃ na vadet aśokamajaraṃ sthānaṃ prayāti puruṣottamaḥ / varjayedanṛtaṃ dhīmān ninditaṃ tattvadarśibhiḥ
Sanskrit only: no published translation is held for this verse.