पापफलस्य अज्ञाता परितापं लभते क्रियमाणस्य पापस्य विज्ञेयं कटुकं फलम् । यो न जानाति मूढात्मा पश्चात् स परितप्यते
pāpaphalasya ajñātā paritāpaṃ labhate kriyamāṇasya pāpasya vijñeyaṃ kaṭukaṃ phalam / yo na jānāti mūḍhātmā paścāt sa paritapyate
Sanskrit only: no published translation is held for this verse.
तस्मात् पापं न सेवेत यदीच्छेत् सुखमात्मनः
tasmāt pāpaṃ na seveta yadīcchet sukhamātmanaḥ
Sanskrit only: no published translation is held for this verse.
अल्पादपि महाघोरात् नरकात् पापचेतसः । मुक्त्यर्थ (तानि) पापानि भूयो मोहवशं गताः
alpādapi mahāghorāt narakāt pāpacetasaḥ / muktyartha (tāni) pāpāni bhūyo mohavaśaṃ gatāḥ
Sanskrit only: no published translation is held for this verse.
न विश्वसेद्धि पापस्या(ल्पतां) नरकगामिकाम् । अल्पेन वह्निना शैले दहयन्ते सर्वतो द्रुमाः
na viśvaseddhi pāpasyā(lpatāṃ) narakagāmikām / alpena vahninā śaile dahayante sarvato drumāḥ
Sanskrit only: no published translation is held for this verse.
नास्ति पापसमो शत्रुः पापेन नरकं याति पापेन परिदह्यते । पापेन नैति निर्वाणं नास्ति पापसमो रिपुः
nāsti pāpasamo śatruḥ pāpena narakaṃ yāti pāpena paridahyate / pāpena naiti nirvāṇaṃ nāsti pāpasamo ripuḥ
Sanskrit only: no published translation is held for this verse.
पापाचारो हि पुरुषो न क्वचित् सुखमेधते । (पापं) तस्मान्न सेवेत यदीच्छेत् सुखमात्मनः
pāpācāro hi puruṣo na kvacit sukhamedhate / (pāpaṃ) tasmānna seveta yadīcchet sukhamātmanaḥ
Sanskrit only: no published translation is held for this verse.
साधुकारं च साधूनां पापमार्गस्य दुष्करम् । कुर्वन्तः पापकान् सत्त्वा मोदन्ते(लघुचेतसः)
sādhukāraṃ ca sādhūnāṃ pāpamārgasya duṣkaram / kurvantaḥ pāpakān sattvā modante(laghucetasaḥ)
Sanskrit only: no published translation is held for this verse.
विपाककटुकः पश्चात् परितापो ऽल्पचेतसः । कुतो ऽपचितगात्रस्य कर्मणो दृश्यते फलम्
vipākakaṭukaḥ paścāt paritāpo 'lpacetasaḥ / kuto 'pacitagātrasya karmaṇo dṛśyate phalam
Sanskrit only: no published translation is held for this verse.
तस्मात् पापं न कुर्वीत कष्टा पापस्य वेदना । पापं पापविपाकं च पापिनां पच्यते ध्रुवम्
tasmāt pāpaṃ na kurvīta kaṣṭā pāpasya vedanā / pāpaṃ pāpavipākaṃ ca pāpināṃ pacyate dhruvam
Sanskrit only: no published translation is held for this verse.
न हि पापं न पापस्य तस्मात् पापं विवर्जयेत् । परिवर्जितपापस्य न पापाद् भयमस्ति हि
na hi pāpaṃ na pāpasya tasmāt pāpaṃ vivarjayet / parivarjitapāpasya na pāpād bhayamasti hi
Sanskrit only: no published translation is held for this verse.
स्वकृतं बाधते पापं परीक्ष्यं नैव भुज्यते । कल्याणस्य फलं साधु कष्टं पापस्य पच्यते
svakṛtaṃ bādhate pāpaṃ parīkṣyaṃ naiva bhujyate / kalyāṇasya phalaṃ sādhu kaṣṭaṃ pāpasya pacyate
Sanskrit only: no published translation is held for this verse.
कृत्वा तु पुरुषः पापं कल्याणं नानुसेवते । न शस्त्राग्निप्रपातेभ्यो दुःखं स्यात् तादृशं नृणाम्
kṛtvā tu puruṣaḥ pāpaṃ kalyāṇaṃ nānusevate / na śastrāgniprapātebhyo duḥkhaṃ syāt tādṛśaṃ nṛṇām
Sanskrit only: no published translation is held for this verse.
यथा निषेवितं मिथ्यापापं पापेषु कल्प्यते । विनिवर्जितपापस्य नित्यं च शुभचेतसः
yathā niṣevitaṃ mithyāpāpaṃ pāpeṣu kalpyate / vinivarjitapāpasya nityaṃ ca śubhacetasaḥ
Sanskrit only: no published translation is held for this verse.
तीव्रात् तीव्रतरं यान्ति नराः कुकृतकारिणः
tīvrāt tīvrataraṃ yānti narāḥ kukṛtakāriṇaḥ
Sanskrit only: no published translation is held for this verse.
सुखात् सुखतरं यान्ति नराः सुकृतकारिणः । न हि तीव्रस्य पापस्य सुखं फलमवाप्यते
sukhāt sukhataraṃ yānti narāḥ sukṛtakāriṇaḥ / na hi tīvrasya pāpasya sukhaṃ phalamavāpyate
Sanskrit only: no published translation is held for this verse.
सुखस्य वा फल तीव्रं विपरीतं न पच्यते । अनादिमति संसारे सुकृतानां फलं सुखम्
sukhasya vā phala tīvraṃ viparītaṃ na pacyate / anādimati saṃsāre sukṛtānāṃ phalaṃ sukham
Sanskrit only: no published translation is held for this verse.
कर्मणां सुकृतानां च तथा दुःखफलं स्मृतम् । पापं पापानुगं दृष्टं शुभस्य च शुभं तथा
karmaṇāṃ sukṛtānāṃ ca tathā duḥkhaphalaṃ smṛtam / pāpaṃ pāpānugaṃ dṛṣṭaṃ śubhasya ca śubhaṃ tathā
Sanskrit only: no published translation is held for this verse.
पापी नरकेषुपपद्यते पापाचारः शुभद्वेषी नरकेषूपपद्यते । परिवर्जितपापस्य नित्यं च शुभचेतसः
pāpī narakeṣupapadyate pāpācāraḥ śubhadveṣī narakeṣūpapadyate / parivarjitapāpasya nityaṃ ca śubhacetasaḥ
Sanskrit only: no published translation is held for this verse.
हस्तावलम्बि निर्वाणमदृष्टं तदनाविलम् । आदिमध्यान्तकल्याणा धर्मा नित्यं सुखोदयाः
hastāvalambi nirvāṇamadṛṣṭaṃ tadanāvilam / ādimadhyāntakalyāṇā dharmā nityaṃ sukhodayāḥ
Sanskrit only: no published translation is held for this verse.
तस्मात् पापं विवर्जयेत् आदिमध्यान्तकटुकं फलं पापस्य कर्मणः । तस्मात् पापं सदा वर्ज्यमालम्ब्यञ्च शुभं सदा
tasmāt pāpaṃ vivarjayet ādimadhyāntakaṭukaṃ phalaṃ pāpasya karmaṇaḥ / tasmāt pāpaṃ sadā varjyamālambyañca śubhaṃ sadā
Sanskrit only: no published translation is held for this verse.
परिवर्जितपापस्य नित्यं सुखमवस्थितम् । अनादिमति संसारे दग्धाः पापैः पुनर्नराः । खेदं कस्मान्न गच्छन्ति बाला मोहवशानुगाः
parivarjitapāpasya nityaṃ sukhamavasthitam / anādimati saṃsāre dagdhāḥ pāpaiḥ punarnarāḥ / khedaṃ kasmānna gacchanti bālā mohavaśānugāḥ
Sanskrit only: no published translation is held for this verse.
आपातमधुरं पापं परिणामे ऽग्निसन्निभम् । पापकारी तु पुरुषः सर्वलोके विगर्हितः । शुभकारी सदा शान्तस्तस्मात् पापं विवर्जयेत्
āpātamadhuraṃ pāpaṃ pariṇāme 'gnisannibham / pāpakārī tu puruṣaḥ sarvaloke vigarhitaḥ / śubhakārī sadā śāntastasmāt pāpaṃ vivarjayet
Sanskrit only: no published translation is held for this verse.
धीरैस्तत्त्वनिदर्शकैः पापविवर्जनम् अनिष्टमहितं दृष्टं विपाके कटुवेदनम् । पापं पापविपाकं च तस्माद् धीमान् विवर्जयेत्
dhīraistattvanidarśakaiḥ pāpavivarjanam aniṣṭamahitaṃ dṛṣṭaṃ vipāke kaṭuvedanam / pāpaṃ pāpavipākaṃ ca tasmād dhīmān vivarjayet
Sanskrit only: no published translation is held for this verse.
अस्ति पापं ध्रुवं पापे पापमस्ति न पातकम् । पापाचेष्टा क्षयापेक्षा कृपा चित्तसुगामिता
asti pāpaṃ dhruvaṃ pāpe pāpamasti na pātakam / pāpāceṣṭā kṣayāpekṣā kṛpā cittasugāmitā
Sanskrit only: no published translation is held for this verse.
पापं पापाश्रितं नित्यं धर्मो धर्माश्रितस्तथा । उन्नयत्युक्तमेतद्धि धीरैस्तत्त्वनिदर्शकैः
pāpaṃ pāpāśritaṃ nityaṃ dharmo dharmāśritastathā / unnayatyuktametaddhi dhīraistattvanidarśakaiḥ
Sanskrit only: no published translation is held for this verse.
पापविरहिताः परमं सुखं प्राप्नुवन्ति अचेतना ध्रुवं बाला येषां दुश्चरितं प्रियम् । विनिवर्जितपापास्तु गच्छन्ति परमां गतिम्
pāpavirahitāḥ paramaṃ sukhaṃ prāpnuvanti acetanā dhruvaṃ bālā yeṣāṃ duścaritaṃ priyam / vinivarjitapāpāstu gacchanti paramāṃ gatim
Sanskrit only: no published translation is held for this verse.
अतीव वञ्चनाघोरा नियता पापगामिनी । मानुष्यं दुर्लभं प्राप्य यस्य पापं प्रियं बहु
atīva vañcanāghorā niyatā pāpagāminī / mānuṣyaṃ durlabhaṃ prāpya yasya pāpaṃ priyaṃ bahu
Sanskrit only: no published translation is held for this verse.
शुभाशुभफलयोः परिणामभेदः पापाद् विरज्यते यस्तु शुभे वातीव रज्यते । स सुखात् सुखमाप्नोति निवृत्तिं वा प्रयाति हि
śubhāśubhaphalayoḥ pariṇāmabhedaḥ pāpād virajyate yastu śubhe vātīva rajyate / sa sukhāt sukhamāpnoti nivṛttiṃ vā prayāti hi
Sanskrit only: no published translation is held for this verse.
नरो भवति धन्यो ऽयं यः शुभान्युपसेवते । स त्वधन्यतमो लोके यः पापमुपसेवते
naro bhavati dhanyo 'yaṃ yaḥ śubhānyupasevate / sa tvadhanyatamo loke yaḥ pāpamupasevate
Sanskrit only: no published translation is held for this verse.
आदिमध्यान्तनिधनं सद्भिरेव विगर्हितम् । पापं पापानुगं दृष्टं नरकायोपकल्प्यते
ādimadhyāntanidhanaṃ sadbhireva vigarhitam / pāpaṃ pāpānugaṃ dṛṣṭaṃ narakāyopakalpyate
Sanskrit only: no published translation is held for this verse.
शुभकर्मा सुखमाप्नोति देवलोकं च गच्छति अतीव शोभते लोके शुभकर्मा जितेन्द्रियः । कायस्य भेदात् सततं देवलोके स जायते
śubhakarmā sukhamāpnoti devalokaṃ ca gacchati atīva śobhate loke śubhakarmā jitendriyaḥ / kāyasya bhedāt satataṃ devaloke sa jāyate
Sanskrit only: no published translation is held for this verse.
पापस्य परिणामः सुदारुणः दुष्कृतस्यानुबद्धं हि दुष्कृतं फलमुच्यते सुकृतस्य तथा दृष्टं फलं सुखविपाकजम् । बीजस्याशुविभीतस्य परिणामः सुदारुणः
pāpasya pariṇāmaḥ sudāruṇaḥ duṣkṛtasyānubaddhaṃ hi duṣkṛtaṃ phalamucyate sukṛtasya tathā dṛṣṭaṃ phalaṃ sukhavipākajam / bījasyāśuvibhītasya pariṇāmaḥ sudāruṇaḥ
Sanskrit only: no published translation is held for this verse.
निमित्तं सदृशं दृष्टं फलं पापस्य कर्मणः । पापेनाकृष्यते जन्तुः दुर्गतौ बडिशैरिव
nimittaṃ sadṛśaṃ dṛṣṭaṃ phalaṃ pāpasya karmaṇaḥ / pāpenākṛṣyate jantuḥ durgatau baḍiśairiva
Sanskrit only: no published translation is held for this verse.
बडिशैर्मुच्यते मीनः पापं पापान्न मुच्यते । दिन पीडापि पापस्य सर्वथा दुःखकारिका
baḍiśairmucyate mīnaḥ pāpaṃ pāpānna mucyate / dina pīḍāpi pāpasya sarvathā duḥkhakārikā
Sanskrit only: no published translation is held for this verse.
अमेध्यस्य यथा गन्धः प्रतिकूलो हि देहिनाम् । शुभस्य वासना रम्या विप्रणष्टस्य दुर्गतौ
amedhyasya yathā gandhaḥ pratikūlo hi dehinām / śubhasya vāsanā ramyā vipraṇaṣṭasya durgatau
Sanskrit only: no published translation is held for this verse.
विलेषु वासनं यद्वत् पुष्पे नष्टे प्रदृश्यते । चलत्ययं पापकारी नित्यं कामवशानुगः
vileṣu vāsanaṃ yadvat puṣpe naṣṭe pradṛśyate / calatyayaṃ pāpakārī nityaṃ kāmavaśānugaḥ
Sanskrit only: no published translation is held for this verse.
के शुभचारिणः? आलस्यानृतिको नित्यं नासौ कल्याणमर्हति । अनन्ता रजनी तेषां (येषां) पापे स्थितं मनः
ke śubhacāriṇaḥ? ālasyānṛtiko nityaṃ nāsau kalyāṇamarhati / anantā rajanī teṣāṃ (yeṣāṃ) pāpe sthitaṃ manaḥ
Sanskrit only: no published translation is held for this verse.
प्रभातं रजनी तेषां येषां पापे स्थिरा मतिः । अनीर्ष्यकाः सकल्याणाः पुरुषाः शुभचारिणः
prabhātaṃ rajanī teṣāṃ yeṣāṃ pāpe sthirā matiḥ / anīrṣyakāḥ sakalyāṇāḥ puruṣāḥ śubhacāriṇaḥ
Sanskrit only: no published translation is held for this verse.
अल्पपापी सुखमाप्नुते ये न पापात्मनो भूतास्ते नित्यं कोटचारिणः । अल्पभारा यथा नावा प्लवते न निमज्जति
alpapāpī sukhamāpnute ye na pāpātmano bhūtāste nityaṃ koṭacāriṇaḥ / alpabhārā yathā nāvā plavate na nimajjati
Sanskrit only: no published translation is held for this verse.
पापीमित्रेण दुःखं भवति तथाल्पपापपुरुषः प्लवते न निमज्जति । न पापमित्रसंसर्गात् पुरुषः सुखवान् भवेत्
pāpīmitreṇa duḥkhaṃ bhavati tathālpapāpapuruṣaḥ plavate na nimajjati / na pāpamitrasaṃsargāt puruṣaḥ sukhavān bhavet
Sanskrit only: no published translation is held for this verse.
पापमित्रं समासाद्य सर्वानलपरो भवेत् । कर्मारम्भ विधिज्ञो यो नित्यं सूक्ष्मार्थ (दर्शकः)
pāpamitraṃ samāsādya sarvānalaparo bhavet / karmārambha vidhijño yo nityaṃ sūkṣmārtha (darśakaḥ)
Sanskrit only: no published translation is held for this verse.
नासौ लिम्पति पापेन पङ्केन गगनं यथा । अश्रुतं पुरुषः शृण्वन् श्रुतञ्चापि भवेद् दृढम्
nāsau limpati pāpena paṅkena gaganaṃ yathā / aśrutaṃ puruṣaḥ śṛṇvan śrutañcāpi bhaved dṛḍham
Sanskrit only: no published translation is held for this verse.
पण्डितलक्षणम् पापं च वर्जयेद् धीमान् प्रेत्य देवेषु जायते । गुणदोषपरिज्ञानम्मेतत् पण्डितलक्षणम्
paṇḍitalakṣaṇam pāpaṃ ca varjayed dhīmān pretya deveṣu jāyate / guṇadoṣaparijñānammetat paṇḍitalakṣaṇam
Sanskrit only: no published translation is held for this verse.
मूढलक्षणम् गुणदोषापरिज्ञानमेतन्मूढस्य लक्षणम् । गुणेषु गुणसञ्चारो दोषेषु च तथैव च
mūḍhalakṣaṇam guṇadoṣāparijñānametanmūḍhasya lakṣaṇam / guṇeṣu guṇasañcāro doṣeṣu ca tathaiva ca
Sanskrit only: no published translation is held for this verse.
मूढामूढयोर्लक्षणम् सदोषगुणतत्त्वज्ञो नित्यं भवति शोकभाक् । पापकर्त्ता (तु) पुरुषः शत्रुवच्चात्मनः स्थितः
mūḍhāmūḍhayorlakṣaṇam sadoṣaguṇatattvajño nityaṃ bhavati śokabhāk / pāpakarttā (tu) puruṣaḥ śatruvaccātmanaḥ sthitaḥ
Sanskrit only: no published translation is held for this verse.
शुभकर्त्ता तथा पुंसो मित्रवत् प्रतिपद्यते । तमोनिरयभूमिष्वमृतो ऽयं प्रतिपद्यते
śubhakarttā tathā puṃso mitravat pratipadyate / tamonirayabhūmiṣvamṛto 'yaṃ pratipadyate
Sanskrit only: no published translation is held for this verse.
यस्य पापरता बुद्धिर्नित्यं विषयतत्परा । विषयारामचपला नित्यं रागानुचारिणी
yasya pāparatā buddhirnityaṃ viṣayatatparā / viṣayārāmacapalā nityaṃ rāgānucāriṇī
Sanskrit only: no published translation is held for this verse.
यस्य बुद्धिर्न धर्मेषु नरस्य दुःखभागिनः । हेतुतश्च महादुःखान्तहेतोर्वह्निसंयुतात्
yasya buddhirna dharmeṣu narasya duḥkhabhāginaḥ / hetutaśca mahāduḥkhāntahetorvahnisaṃyutāt
Sanskrit only: no published translation is held for this verse.
क्षीणपापा वयं सर्वे भूयो लोकमिहागताः । सुकृतस्य फलं साधु ह्यनेकगुणमण्डितम्
kṣīṇapāpā vayaṃ sarve bhūyo lokamihāgatāḥ / sukṛtasya phalaṃ sādhu hyanekaguṇamaṇḍitam
Sanskrit only: no published translation is held for this verse.
दुष्कृतस्य फलं दुःखं विसंवादकमिष्यते । ते वयं सुखदुःखाभ्यां भूयाम भवसङ्कटे
duṣkṛtasya phalaṃ duḥkhaṃ visaṃvādakamiṣyate / te vayaṃ sukhaduḥkhābhyāṃ bhūyāma bhavasaṅkaṭe
Sanskrit only: no published translation is held for this verse.
कर्मवायुसमुद्भ्रान्ताः समुद्रस्य यथोर्मयः । कृतं पापेष्वमनसः पापैः रक्षन्ति ये जनाः
karmavāyusamudbhrāntāḥ samudrasya yathormayaḥ / kṛtaṃ pāpeṣvamanasaḥ pāpaiḥ rakṣanti ye janāḥ
Sanskrit only: no published translation is held for this verse.
ते तस्य हेतोर्नरकं प्रयान्त्यशुभचारिणः । तस्मात्तु नरकान्मुक्ताः ते गच्छन्ति त्रिविष्टपम्
te tasya hetornarakaṃ prayāntyaśubhacāriṇaḥ / tasmāttu narakānmuktāḥ te gacchanti triviṣṭapam
Sanskrit only: no published translation is held for this verse.
ते हि दुःखं (न)संस्मृत्य पुनः कामवशानुगाः । खरीभूतमिदं चित्तं दोलादोलैः सुखासुखैः
te hi duḥkhaṃ (na)saṃsmṛtya punaḥ kāmavaśānugāḥ / kharībhūtamidaṃ cittaṃ dolādolaiḥ sukhāsukhaiḥ
Sanskrit only: no published translation is held for this verse.
वियोगो ऽयं परीघातो न च दुःखैर्न विद्यते । अपारदारसंयुक्त इन्द्रियैः परिवञ्चितः
viyogo 'yaṃ parīghāto na ca duḥkhairna vidyate / apāradārasaṃyukta indriyaiḥ parivañcitaḥ
Sanskrit only: no published translation is held for this verse.
तृष्णापाशवशगः संसारे भ्रमति जनो भ्रमति संसारे तृष्णापाशवशानुगः । नरकात् प्रेतभुवनं तिर्यग्योनिषु प्रेततः
tṛṣṇāpāśavaśagaḥ saṃsāre bhramati jano bhramati saṃsāre tṛṣṇāpāśavaśānugaḥ / narakāt pretabhuvanaṃ tiryagyoniṣu pretataḥ
Sanskrit only: no published translation is held for this verse.
तिर्यग्भ्यो नाकभुवनं नाकाद् भूयो नृजातिषु । एककर्मपरिभ्रान्तो जगद् भ्रमति चक्रवत्
tiryagbhyo nākabhuvanaṃ nākād bhūyo nṛjātiṣu / ekakarmaparibhrānto jagad bhramati cakravat
Sanskrit only: no published translation is held for this verse.
सर्व दुःखम् न च खेदवशं यान्ति(ह्यभ्यास) वशमागताः । रक्षन्ति नाकभुवनं विरज्यन्ते तथा सुखैः
sarva duḥkham na ca khedavaśaṃ yānti(hyabhyāsa) vaśamāgatāḥ / rakṣanti nākabhuvanaṃ virajyante tathā sukhaiḥ
Sanskrit only: no published translation is held for this verse.
सुखात् सुखपरिभ्रान्ता भ्रमन्ति भ्रमचारिणः । दुःखं पद्मसहस्राणि पद्मकोटिशतानि च
sukhāt sukhaparibhrāntā bhramanti bhramacāriṇaḥ / duḥkhaṃ padmasahasrāṇi padmakoṭiśatāni ca
Sanskrit only: no published translation is held for this verse.
न सुखं विद्यते लोके सर्वदुःखैः परिप्लुतम्
na sukhaṃ vidyate loke sarvaduḥkhaiḥ pariplutam
Sanskrit only: no published translation is held for this verse.
दुःखस्य हेतुः भवति उद्वेगं नैव गच्छन्ति प्राणिनो मोहपीडिताः । दुःखेन खिद्यते बालो दुःखहेतौ च वर्तते
duḥkhasya hetuḥ bhavati udvegaṃ naiva gacchanti prāṇino mohapīḍitāḥ / duḥkhena khidyate bālo duḥkhahetau ca vartate
Sanskrit only: no published translation is held for this verse.
हेतौ शतफलं दृष्टं बीजं प्रति यथा फलैः । सुखदुःखकशाबद्धाः प्राणिनस्त्रिभवानुगाः
hetau śataphalaṃ dṛṣṭaṃ bījaṃ prati yathā phalaiḥ / sukhaduḥkhakaśābaddhāḥ prāṇinastribhavānugāḥ
Sanskrit only: no published translation is held for this verse.
न यान्ति परमं क्षेमं सर्वदुःखविवर्जितम् । स्मर्यते (हि) यदा दुःखं तदा विध्यति देहिनम्
na yānti paramaṃ kṣemaṃ sarvaduḥkhavivarjitam / smaryate (hi) yadā duḥkhaṃ tadā vidhyati dehinam
Sanskrit only: no published translation is held for this verse.
विस्मृते च पुनर्दुःखे चरन्ति विगतज्वराः । नारकं तु सदा दुःखं स्मृतं भवति देहिभिः
vismṛte ca punarduḥkhe caranti vigatajvarāḥ / nārakaṃ tu sadā duḥkhaṃ smṛtaṃ bhavati dehibhiḥ
Sanskrit only: no published translation is held for this verse.
तदा कृष्णमिदं सौख्यमनुमानेन तिष्ठति । तदेव विदितं मत्वा जगत् सर्व समन्वितम्
tadā kṛṣṇamidaṃ saukhyamanumānena tiṣṭhati / tadeva viditaṃ matvā jagat sarva samanvitam
Sanskrit only: no published translation is held for this verse.
श्रेयसि क्रियतां बुद्धिर्दोषेभ्यो विनिवार्यते । क्षणाधिकारचपलं जीवितं वेति वर्तते
śreyasi kriyatāṃ buddhirdoṣebhyo vinivāryate / kṣaṇādhikāracapalaṃ jīvitaṃ veti vartate
Sanskrit only: no published translation is held for this verse.
क्षीयन्ते चापि कर्माणि तस्माच्छ्रेयःपरो भवेत् । चित्तवेगं मनः सर्व जीवितं वेति वर्तते
kṣīyante cāpi karmāṇi tasmācchreyaḥparo bhavet / cittavegaṃ manaḥ sarva jīvitaṃ veti vartate
Sanskrit only: no published translation is held for this verse.
अनागताद् दुःखात् ज्ञानी न बिभेति तस्मान्न जीविकाहेतौ पापं कुर्याद्विचक्षणः । अनागतस्य दुःखस्य न विभेति महाजनः
anāgatād duḥkhāt jñānī na bibheti tasmānna jīvikāhetau pāpaṃ kuryādvicakṣaṇaḥ / anāgatasya duḥkhasya na vibheti mahājanaḥ
Sanskrit only: no published translation is held for this verse.
येना(स्य) पच्यते पापं मोहपापवशङ्गतम् । मोहितः पापकैर्धमैरशुभैः शुक्लवर्जितैः
yenā(sya) pacyate pāpaṃ mohapāpavaśaṅgatam / mohitaḥ pāpakairdhamairaśubhaiḥ śuklavarjitaiḥ
Sanskrit only: no published translation is held for this verse.
मूढः पापवशाद् नरकं गच्छति नीयते नरकं मूढो यत्र पापं विपच्यते । यस्य पापाद् भयं नास्ति स पापं कुरुते बहु
mūḍhaḥ pāpavaśād narakaṃ gacchati nīyate narakaṃ mūḍho yatra pāpaṃ vipacyate / yasya pāpād bhayaṃ nāsti sa pāpaṃ kurute bahu
Sanskrit only: no published translation is held for this verse.
स पापानन्तसन्दग्धः पश्चान्नरकमाप्नुते । (अपि) सूक्ष्माग्निकणिका यथा दाहाय कल्पते
sa pāpānantasandagdhaḥ paścānnarakamāpnute / (api) sūkṣmāgnikaṇikā yathā dāhāya kalpate
Sanskrit only: no published translation is held for this verse.
पापविरहिताः सुखमिच्छन्ति अन्यैरपि तथा पापैर्नरकं यान्त्यबुद्धयः । अपापभीरुता तस्मात् कर्तव्या सुखमिच्छता
pāpavirahitāḥ sukhamicchanti anyairapi tathā pāpairnarakaṃ yāntyabuddhayaḥ / apāpabhīrutā tasmāt kartavyā sukhamicchatā
Sanskrit only: no published translation is held for this verse.
हिंसा मिथ्यावचो ऽब्रह्मचर्य भूयः सुखोदयम् । आह्रीक्यमनपत्राप्यमौद्धत्यं पापमित्रता
hiṃsā mithyāvaco 'brahmacarya bhūyaḥ sukhodayam / āhrīkyamanapatrāpyamauddhatyaṃ pāpamitratā
Sanskrit only: no published translation is held for this verse.
विषाग्निसदृशं पापम् विषाग्निसदृशा हयेते तेभ्यो रक्षेत् प्रयत्नतः । दुःखं हि मारधर्मो ऽयं सुखं धर्मसमन्ततः
viṣāgnisadṛśaṃ pāpam viṣāgnisadṛśā hayete tebhyo rakṣet prayatnataḥ / duḥkhaṃ hi māradharmo 'yaṃ sukhaṃ dharmasamantataḥ
Sanskrit only: no published translation is held for this verse.
सुखदुःखयोर्लक्षणम् लक्षणं(सुख) दुःखानां विदुस्तत्त्वविदो जनाः । सत्यं दानं तथा क्षान्तिः सदा चापापमित्रता । मैत्री सदाभिभूतेषु प्रस्थानं त्रिदिवस्य (हि)
sukhaduḥkhayorlakṣaṇam lakṣaṇaṃ(sukha) duḥkhānāṃ vidustattvavido janāḥ / satyaṃ dānaṃ tathā kṣāntiḥ sadā cāpāpamitratā / maitrī sadābhibhūteṣu prasthānaṃ tridivasya (hi)
Sanskrit only: no published translation is held for this verse.