दिव्१ कोटिकर्णावदानम्।
div1 koṭikarṇāvadānam/
Sanskrit only: no published translation is held for this verse.
Divyāvadāna 1
बुद्धो भगवाञ् श्रावस्त्यां विहरति स्म जेतवने ऽनाथपिण्डदस्यारामे। अस्मात् परान्तके वासवग्रामे बलसेनो नाम गृहपतिः प्रतिवसति आढ्यो महाधनो महाभोगो विस्तीर्णविशालपरिग्रहो वैश्रवणधनप्रतिस्पर्धी।
buddho bhagavāñ śrāvastyāṃ viharati sma jetavane 'nāthapiṇḍadasyārāme/ asmāt parāntake vāsavagrāme balaseno nāma gṛhapatiḥ prativasati āḍhyo mahādhano mahābhogo vistīrṇaviśālaparigraho vaiśravaṇadhanapratispardhī/
Sanskrit only: no published translation is held for this verse.
तेन सदृशात् कुलात् कलत्रमानीतम्। स तया सार्धं क्रीडति रमते परिचारयति।
tena sadṛśāt kulāt kalatramānītam/ sa tayā sārdhaṃ krīḍati ramate paricārayati/
Sanskrit only: no published translation is held for this verse.
सो ऽपुत्रः पुत्राभिनन्दी शिववरुणकुबेरशक्रब्रह्मादीनायाचते आरामेदवतां वनदेवतां शृङ्गाटकदेवतां बलिप्रतिग्राहिकां देवताम्।
so 'putraḥ putrābhinandī śivavaruṇakuberaśakrabrahmādīnāyācate ārāmedavatāṃ vanadevatāṃ śṛṅgāṭakadevatāṃ balipratigrāhikāṃ devatām/
Sanskrit only: no published translation is held for this verse.
सहजां सहधर्मिकां नित्यानुबद्धामपि देवतामायाचते।
sahajāṃ sahadharmikāṃ nityānubaddhāmapi devatāmāyācate/
Sanskrit only: no published translation is held for this verse.
अस्ति चैष लोके प्रवादो यदायाचनहेतोः पुत्रा जायन्ते।
asti caiṣa loke pravādo yadāyācanahetoḥ putrā jāyante/
Sanskrit only: no published translation is held for this verse.
दुहितरश्चेति। तच्च नैवम्। यद्येवमभविष्यत्, एकैकस्य पुत्रसहस्रमभविष्यत् तद्यथा राज्ञश्चक्रवर्तिनः।
duhitaraśceti/ tacca naivam/ yadyevamabhaviṣyat, ekaikasya putrasahasramabhaviṣyat tadyathā rājñaścakravartinaḥ/
Sanskrit only: no published translation is held for this verse.
अपि तु त्रयाणां स्थानानां संमुखीभावात् पुत्राअ जायन्ते दुहितरश्च।
api tu trayāṇāṃ sthānānāṃ saṃmukhībhāvāt putrāa jāyante duhitaraśca/
Sanskrit only: no published translation is held for this verse.
कतमेषां त्रयाणाम्? मातापितरौ रक्तौ भवतः संनिपतितौ, माता कल्या भवति ऋतुमती, गन्धरव्ः प्रत्युपस्थितो भवति।
katameṣāṃ trayāṇām? mātāpitarau raktau bhavataḥ saṃnipatitau, mātā kalyā bhavati ṛtumatī, gandharavḥ pratyupasthito bhavati/
Sanskrit only: no published translation is held for this verse.
एषां त्रयाणां स्थानानां संमुखीभावात् पुत्रा जायन्ते दुहितरश्च।
eṣāṃ trayāṇāṃ sthānānāṃ saṃmukhībhāvāt putrā jāyante duhitaraśca/
Sanskrit only: no published translation is held for this verse.
स चैवमायाचनपरस्तिष्ठति॥
sa caivamāyācanaparastiṣṭhati//
Sanskrit only: no published translation is held for this verse.
अन्यतमश्च सत्त्वश्चरमभविकश्च हितैषी गृहीतमोक्षमार्गान्तोन्मुखो न निर्वाणे बहिर्मुखः संसारादनर्थिकः सर्वभवगतिव्युपपत्तिपरान्मुखो ऽन्तिमदेहधारी अन्यतमात् सत्त्वनिकायाच्च्युत्वा तस्य प्रजापत्याः कुक्षिमवक्रान्तः।
anyatamaśca sattvaścaramabhavikaśca hitaiṣī gṛhītamokṣamārgāntonmukho na nirvāṇe bahirmukhaḥ saṃsārādanarthikaḥ sarvabhavagativyupapattiparānmukho 'ntimadehadhārī anyatamāt sattvanikāyāccyutvā tasya prajāpatyāḥ kukṣimavakrāntaḥ/
Sanskrit only: no published translation is held for this verse.
पञ्चावेणिका धर्मा एकत्ये पिण्डतजातीये मातृग्रामे। कतमे पञ्च? रक्तं पुरुषं जानाति, विरक्तं जानाति।
pañcāveṇikā dharmā ekatye piṇḍatajātīye mātṛgrāme/ katame pañca? raktaṃ puruṣaṃ jānāti, viraktaṃ jānāti/
Sanskrit only: no published translation is held for this verse.
कालं जानाति, ऋतुं जानाति। गर्भमवक्रान्तं जानाति।
kālaṃ jānāti, ṛtuṃ jānāti/ garbhamavakrāntaṃ jānāti/
Sanskrit only: no published translation is held for this verse.
यस्य सकाशाद् गर्भमवक्रामति तं जानाति। दारकं जानाति दारिकां जानाति।
yasya sakāśād garbhamavakrāmati taṃ jānāti/ dārakaṃ jānāti dārikāṃ jānāti/
Sanskrit only: no published translation is held for this verse.
सचेद्दारको भवति, दक्षिणं कुक्षिं निश्रित्य तिष्ठति। सचेद्दारिका भवति, वामं कुक्षिं निश्रित्य तिष्ठति।
saceddārako bhavati, dakṣiṇaṃ kukṣiṃ niśritya tiṣṭhati/ saceddārikā bhavati, vāmaṃ kukṣiṃ niśritya tiṣṭhati/
Sanskrit only: no published translation is held for this verse.
सा आत्तमनात्तमनाः स्वामिन आरोचयति--दिष्ट्या आर्यपुत्र वर्धस्व। आपन्नसत्त्वास्मि संवृत्ता।
sā āttamanāttamanāḥ svāmina ārocayati--diṣṭyā āryaputra vardhasva/ āpannasattvāsmi saṃvṛttā/
Sanskrit only: no published translation is held for this verse.
यथा च मे दक्षिणं कुक्षिं निश्रित्य तिष्ठति, नियतं दारको भविष्यति। सो ऽपि आत्तमनात्तमना उदानम् उदानयति--अप्येवाहं चिरकालाभिलषितं पुत्रमुखं पश्येयम्।
yathā ca me dakṣiṇaṃ kukṣiṃ niśritya tiṣṭhati, niyataṃ dārako bhaviṣyati/ so 'pi āttamanāttamanā udānam udānayati--apyevāhaṃ cirakālābhilaṣitaṃ putramukhaṃ paśyeyam/
Sanskrit only: no published translation is held for this verse.
जातो मे स्यान्नावजातः।
jāto me syānnāvajātaḥ/
Sanskrit only: no published translation is held for this verse.
कृत्यानि मे कुर्वीत्। भृतः प्रतिबिभृयात्। दायाद्यं प्रतिपद्येत। कुलवंशो मे चिरस्थितिको भविष्यति।
kṛtyāni me kurvīt/ bhṛtaḥ pratibibhṛyāt/ dāyādyaṃ pratipadyeta/ kulavaṃśo me cirasthitiko bhaviṣyati/
Sanskrit only: no published translation is held for this verse.
अस्माकं चाप्यतीतकालगतानामल्पं वा प्रभूतं वा दानानि दत्त्वा पुण्यानि कृत्वा दक्षिणामादेशयिष्यति--इदं तयोर्यत्रतत्रोपपन्नयोर्गच्छतोरनुगच्छत्विति।
asmākaṃ cāpyatītakālagatānāmalpaṃ vā prabhūtaṃ vā dānāni dattvā puṇyāni kṛtvā dakṣiṇāmādeśayiṣyati--idaṃ tayoryatratatropapannayorgacchatoranugacchatviti/
Sanskrit only: no published translation is held for this verse.
आपन्नसत्त्वां च तां विदित्वा उपरिप्रसादतलगतामयन्त्रितां धारयति शीते शीतोपकरणैरुष्ण उष्णोपकरणैर्वैद्यप्रज्ञप्तैराहारैर् नातितिक्तैर् नात्यम्लैर् नातिलवणैर् नातिमधुरैर् नातिकटुकैर् नातिकषायैस्तिक्ताम्ललवणमधुरकटुकषायविवर्जितैराहारैः, हारार्धहारविभूषितगात्रीम् अप्सरसमिव नन्दनवनविचारिणीं मञ्चान्मञ्चं पीठात्पीठम् न वतरन्तीमुप मध? रिमां भूमिम्।
āpannasattvāṃ ca tāṃ viditvā upariprasādatalagatāmayantritāṃ dhārayati śīte śītopakaraṇairuṣṇa uṣṇopakaraṇairvaidyaprajñaptairāhārair nātitiktair nātyamlair nātilavaṇair nātimadhurair nātikaṭukair nātikaṣāyaistiktāmlalavaṇamadhurakaṭukaṣāyavivarjitairāhāraiḥ, hārārdhahāravibhūṣitagātrīm apsarasamiva nandanavanavicāriṇīṃ mañcānmañcaṃ pīṭhātpīṭham na vatarantīmupa madha? rimāṃ bhūmim/
Sanskrit only: no published translation is held for this verse.
न <२>चास्य अमनोज्ञशब्दश्रवणम् यावदेव गर्भस्य परिपाकाय।
na <2>cāsya amanojñaśabdaśravaṇam yāvadeva garbhasya paripākāya/
Sanskrit only: no published translation is held for this verse.