यदि न प्रतिविबुध्यते, मुषित्वा गच्छन्ति।
yadi na prativibudhyate, muṣitvā gacchanti/
Sanskrit only: no published translation is held for this verse.
Library·Divyāvadāna·109
Divyāvadāna 109
तैः पादेन घट्टितो न प्रतिविबुध्यते। मुषित्वा प्रक्रान्ताः। स विगतमद्यमदः प्रतिबुद्धो यावत् पश्यति तान्येवानन्तकानि(?) प्रावृत्यावस्थितः।
taiḥ pādena ghaṭṭito na prativibudhyate/ muṣitvā prakrāntāḥ/ sa vigatamadyamadaḥ pratibuddho yāvat paśyati tānyevānantakāni(?) prāvṛtyāvasthitaḥ/
Sanskrit only: no published translation is held for this verse.
ततो ऽस्य भगिनी संलक्षयति--अतिचिरयत्यसौ।
tato 'sya bhaginī saṃlakṣayati--aticirayatyasau/
Sanskrit only: no published translation is held for this verse.
नूनमत्र कारणेन भवितव्यमिति। तस्यासौ दारिका पुनः प्रेषिता--दारिके गच्छ, चिरयत्यसौ, पश्य किमर्थं नागच्छतीति।
nūnamatra kāraṇena bhavitavyamiti/ tasyāsau dārikā punaḥ preṣitā--dārike gaccha, cirayatyasau, paśya kimarthaṃ nāgacchatīti/
Sanskrit only: no published translation is held for this verse.
सा गता यावत् पश्यति मुषितकं तेनैव वेषेणावस्थितम्।
sā gatā yāvat paśyati muṣitakaṃ tenaiva veṣeṇāvasthitam/
Sanskrit only: no published translation is held for this verse.
सा त्वरितत्वरितं गता तस्याः कथयति--आर्ये, मुषितस्तेनैव वेषेण तिष्ठतीति।
sā tvaritatvaritaṃ gatā tasyāḥ kathayati--ārye, muṣitastenaiva veṣeṇa tiṣṭhatīti/
Sanskrit only: no published translation is held for this verse.
सा संलक्षयति--यमागम्य बोधस्य गृहपतेरनेकधनसमुदितं ससुहृत्सम्बन्धिबान्धवं गृहं विनष्टम्, यदि तमिह प्रवेशयामि, स्थानमेतद्विद्यते यन्मयापि श्वशुरगृहमनयेन व्यसनमापत्स्यते।
sā saṃlakṣayati--yamāgamya bodhasya gṛhapateranekadhanasamuditaṃ sasuhṛtsambandhibāndhavaṃ gṛhaṃ vinaṣṭam, yadi tamiha praveśayāmi, sthānametadvidyate yanmayāpi śvaśuragṛhamanayena vyasanamāpatsyate/
Sanskrit only: no published translation is held for this verse.
नासाविह प्रवेशयितव्यः। इति विदित्वा तयाप्युपेक्षितः॥
nāsāviha praveśayitavyaḥ/ iti viditvā tayāpyupekṣitaḥ//
Sanskrit only: no published translation is held for this verse.
तस्यापि पूर्वकर्मापराधाद्विस्मृतम्। स क्रोडमल्लकानां मध्ये प्रविष्टः। ते यत्र यत्र भैक्षार्थिनः प्रविशन्ति, तत्र तत्र निर्भत्स्यन्ते च निष्कास्यन्ते च।
tasyāpi pūrvakarmāparādhādvismṛtam/ sa kroḍamallakānāṃ madhye praviṣṭaḥ/ te yatra yatra bhaikṣārthinaḥ praviśanti, tatra tatra nirbhatsyante ca niṣkāsyante ca/
Sanskrit only: no published translation is held for this verse.
नैराश्यमापन्ना रिक्तहस्ता रिक्तमल्लकाः शून्यदेवकुलमण्डपवृक्षमूलान्यागताः।
nairāśyamāpannā riktahastā riktamallakāḥ śūnyadevakulamaṇḍapavṛkṣamūlānyāgatāḥ/
Sanskrit only: no published translation is held for this verse.
ते ऽन्योन्यं पृच्छन्ति--भवन्तः, वयं पूर्वम् यत्र यत्र गच्छामस्ततः पूर्णहस्ताः पूर्णमल्लका गच्छामः।
te 'nyonyaṃ pṛcchanti--bhavantaḥ, vayaṃ pūrvam yatra yatra gacchāmastataḥ pūrṇahastāḥ pūrṇamallakā gacchāmaḥ/
Sanskrit only: no published translation is held for this verse.
इदानीं को योगो येन वयं रिक्तहस्ता रिक्तमल्लका नैराश्यमापन्ना इहागता इति? तत्रैके कथयन्ति--नूनं को ऽपि मन्दभाग्यो ऽस्माकं मध्ये प्रविष्टो येन वयं रिक्तहस्ता रिक्तमल्लका इहागता इति।
idānīṃ ko yogo yena vayaṃ riktahastā riktamallakā nairāśyamāpannā ihāgatā iti? tatraike kathayanti--nūnaṃ ko 'pi mandabhāgyo 'smākaṃ madhye praviṣṭo yena vayaṃ riktahastā riktamallakā ihāgatā iti/
Sanskrit only: no published translation is held for this verse.
अपरे कथयन्ति--द्विधा भूत्वा प्रविशाम इति।
apare kathayanti--dvidhā bhūtvā praviśāma iti/
Sanskrit only: no published translation is held for this verse.
ते ऽपरस्मिन् दिवसे द्विधा भूत्वा प्रविष्टाः। तत्र येषां मध्ये स्वागतः, ते तथैव निर्भर्त्सिता निष्कासिताश्च नैराश्यमापन्ना रिक्तहस्ता रिक्तमल्लकाश्चागताः।
te 'parasmin divase dvidhā bhūtvā praviṣṭāḥ/ tatra yeṣāṃ madhye svāgataḥ, te tathaiva nirbhartsitā niṣkāsitāśca nairāśyamāpannā riktahastā riktamallakāścāgatāḥ/
Sanskrit only: no published translation is held for this verse.
ते त्वन्ये पूर्णहस्ताः पूर्णमल्लका आगता।
te tvanye pūrṇahastāḥ pūrṇamallakā āgatā/
Sanskrit only: no published translation is held for this verse.
ये रिक्तहस्ता रिक्तमल्लका आगताः, ते भूयो द्विधा भूत्वा प्रविष्टाः।
ye riktahastā riktamallakā āgatāḥ, te bhūyo dvidhā bhūtvā praviṣṭāḥ/
Sanskrit only: no published translation is held for this verse.
तेषामपि येषां मध्ये स्वागतः, ते तथैव रिक्तहस्ता रिक्तमल्लकाश्चागताः। ते भूयो द्विधा भूता एवम् यावत् स्वागतो ऽन्यश्च क्रोडमल्लकः प्रविष्टः।
teṣāmapi yeṣāṃ madhye svāgataḥ, te tathaiva riktahastā riktamallakāścāgatāḥ/ te bhūyo dvidhā bhūtā evam yāvat svāgato 'nyaśca kroḍamallakaḥ praviṣṭaḥ/
Sanskrit only: no published translation is held for this verse.
तौ रिक्तहस्तौ रिक्तमल्लकौ आगतौ, ते त्वन्ये पूर्णहस्ताः पूर्णमल्लका आगताः।
tau riktahastau riktamallakau āgatau, te tvanye pūrṇahastāḥ pūrṇamallakā āgatāḥ/
Sanskrit only: no published translation is held for this verse.
ते क्रोडमल्लकाः सर्वे संभूय संजल्पं कर्तुमारब्धाह्--भवन्तः, अयं मन्दभाग्यसत्त्वो ऽस्माकं मध्ये प्रविष्टो येन वयं रिक्तहस्ता रिक्तमल्लकाश्चागताः।
te kroḍamallakāḥ sarve saṃbhūya saṃjalpaṃ kartumārabdhāh--bhavantaḥ, ayaṃ mandabhāgyasattvo 'smākaṃ madhye praviṣṭo yena vayaṃ riktahastā riktamallakāścāgatāḥ/
Sanskrit only: no published translation is held for this verse.
निष्कासयाम एनमिति। स तैः प्रभूतान् प्रहारान् दत्त्वा शिरसि च मल्लकं भङ्क्त्वा निष्कासितः॥
niṣkāsayāma enamiti/ sa taiḥ prabhūtān prahārān dattvā śirasi ca mallakaṃ bhaṅktvā niṣkāsitaḥ//
Sanskrit only: no published translation is held for this verse.
अत्रान्तरे ऽनाथपिण्डदेन गृहपतिना बुद्धप्रमुखो भिक्षुसंघो ऽन्तर्गृहे भक्तेनोपनिमन्त्रितः।
atrāntare 'nāthapiṇḍadena gṛhapatinā buddhapramukho bhikṣusaṃgho 'ntargṛhe bhaktenopanimantritaḥ/
Sanskrit only: no published translation is held for this verse.
तेन दौवारिकाणामाज्ञा दत्ता--न तावत् कस्यचित् क्रोडमल्लकस्य प्रवेशो दातव्यो यावद्बुद्धप्रमुखेन भिक्षुसंघेन भुक्तम्।
tena dauvārikāṇāmājñā dattā--na tāvat kasyacit kroḍamallakasya praveśo dātavyo yāvadbuddhapramukhena bhikṣusaṃghena bhuktam/
Sanskrit only: no published translation is held for this verse.
पश्चात् तान् भोजयिष्यामीति। क्रोडमल्लका ये तस्य गृहं प्रतिशरणभूतास्ते सर्वे संनिपतिताः प्रवेष्टुमारब्धाः।
paścāt tān bhojayiṣyāmīti/ kroḍamallakā ye tasya gṛhaṃ pratiśaraṇabhūtāste sarve saṃnipatitāḥ praveṣṭumārabdhāḥ/
Sanskrit only: no published translation is held for this verse.
दौवारिकेण विरोधिताः।
dauvārikeṇa virodhitāḥ/
Sanskrit only: no published translation is held for this verse.
कथयन्ति--भोः पुरुष, अस्माकमेव नांना अयं गृहपतिः प्रज्ञायते अनाथपिण्डदो गृहपतिरिति।
kathayanti--bhoḥ puruṣa, asmākameva nāṃnā ayaṃ gṛhapatiḥ prajñāyate anāthapiṇḍado gṛhapatiriti/
Sanskrit only: no published translation is held for this verse.
तत् किमिदमिति कृत्वा अस्मान् विधारयसीति? स कथयति--गृहपतिना आज्ञादत्ता--न तावत् कस्यचित् क्रोडमल्लकस्य प्रवेशो दातव्यो यावद्बुद्धप्रमुखेन भिक्षुसंघेन भुक्तम्।
tat kimidamiti kṛtvā asmān vidhārayasīti? sa kathayati--gṛhapatinā ājñādattā--na tāvat kasyacit kroḍamallakasya praveśo dātavyo yāvadbuddhapramukhena bhikṣusaṃghena bhuktam/
Sanskrit only: no published translation is held for this verse.
पश्चात् तान् भोजयिष्यामीति। ते कथयन्ति--भवन्तः, न कदाचिद्वयं विधार्यमाणाह्<११०>।
paścāt tān bhojayiṣyāmīti/ te kathayanti--bhavantaḥ, na kadācidvayaṃ vidhāryamāṇāh<110>/
Sanskrit only: no published translation is held for this verse.