Library·Divyāvadāna·112
<११२>भगवानाह--वत्स, भिक्षूणां चारय। स भिक्षूणां चारयितुमारब्धः। भिक्षवो न प्रतिगृह्णन्ति।
<112>bhagavānāha--vatsa, bhikṣūṇāṃ cāraya/ sa bhikṣūṇāṃ cārayitumārabdhaḥ/ bhikṣavo na pratigṛhṇanti/
Sanskrit only: no published translation is held for this verse.
भगवानाह--गृह्णीध्वं भिक्षवः सर्वसौगन्धम्। चक्षुर्भ्यां कर्मापनयो ऽस्य कर्तव्य इति।
bhagavānāha--gṛhṇīdhvaṃ bhikṣavaḥ sarvasaugandham/ cakṣurbhyāṃ karmāpanayo 'sya kartavya iti/
Sanskrit only: no published translation is held for this verse.
भिक्षुभिर्गृहीतानि। गृहीत्वा पुष्पितानि। तेनापूर्वं नीलकृत्स्नमुत्पादितं पूर्वम्। स वृद्धान्ते स्थित्वा तानि पुष्पाणि दृष्ट्वा सुतरां निरीक्षितुमारब्धः।
bhikṣubhirgṛhītāni/ gṛhītvā puṣpitāni/ tenāpūrvaṃ nīlakṛtsnamutpāditaṃ pūrvam/ sa vṛddhānte sthitvā tāni puṣpāṇi dṛṣṭvā sutarāṃ nirīkṣitumārabdhaḥ/
Sanskrit only: no published translation is held for this verse.
तस्य तन्नीलकृत्स्नमामुखीभूतम्।
tasya tannīlakṛtsnamāmukhībhūtam/
Sanskrit only: no published translation is held for this verse.
ततस्तं भगवानाह--वत्स, किं न प्रव्रजसीति? स कथयति--प्रव्रजामि भगवन्निति। भगवता प्रव्रजित उपसम्पादितो मनसिकारश्च दत्तः।
tatastaṃ bhagavānāha--vatsa, kiṃ na pravrajasīti? sa kathayati--pravrajāmi bhagavanniti/ bhagavatā pravrajita upasampādito manasikāraśca dattaḥ/
Sanskrit only: no published translation is held for this verse.
तेन युज्यमानेन घटमानेन व्यायच्छमानेन इदमेव पञ्चगण्डकं संसारचक्रं चलाचलं विदित्वा सर्वसंस्कारगतीः शतनपतनविकिरणविध्वंसनधर्मतया पराहत्य सर्वक्लेशप्रहाणादर्हत्त्वं साक्षात्कृतम्।
tena yujyamānena ghaṭamānena vyāyacchamānena idameva pañcagaṇḍakaṃ saṃsāracakraṃ calācalaṃ viditvā sarvasaṃskāragatīḥ śatanapatanavikiraṇavidhvaṃsanadharmatayā parāhatya sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
अर्हन् संवृत्तस्त्रैधातुकवीतरागः समलोष्टकाञ्चन आकाशपाणितलसमचित्तो वासीचन्दनकल्पो विद्याविदारिताण्डकोशो विद्याभिज्ञाप्रतिसंवित्प्राप्तो भवलाभलोभसत्कारपरान्मुखः।
arhan saṃvṛttastraidhātukavītarāgaḥ samaloṣṭakāñcana ākāśapāṇitalasamacitto vāsīcandanakalpo vidyāvidāritāṇḍakośo vidyābhijñāpratisaṃvitprāpto bhavalābhalobhasatkāraparānmukhaḥ/
Sanskrit only: no published translation is held for this verse.
सेन्द्रोपेन्द्राणां पूज्यो मान्यो ऽभिवाद्यश्च संवृत्तः।
sendropendrāṇāṃ pūjyo mānyo 'bhivādyaśca saṃvṛttaḥ/
Sanskrit only: no published translation is held for this verse.
सो ऽर्हत्त्वं प्राप्तो विमुक्तिसुखप्रतिसंवेदी तस्यां वेलायां गाथां भाषते--
so 'rhattvaṃ prāpto vimuktisukhapratisaṃvedī tasyāṃ velāyāṃ gāthāṃ bhāṣate--
Sanskrit only: no published translation is held for this verse.
उपायपाशैर्वीरेण बद्ध्वाहं तत्त्वदर्शिना।
upāyapāśairvīreṇa baddhvāhaṃ tattvadarśinā/
Sanskrit only: no published translation is held for this verse.
कारुण्यादुद्धृतो दुःखाज्जीर्णः पङ्कादिव द्विपः॥६॥
kāruṇyāduddhṛto duḥkhājjīrṇaḥ paṅkādiva dvipaḥ//6//
Sanskrit only: no published translation is held for this verse.
स्वागतो ऽहमभूवं प्राक्ततः पश्चाद्दुरागतः।
svāgato 'hamabhūvaṃ prāktataḥ paścāddurāgataḥ/
Sanskrit only: no published translation is held for this verse.
आगतो ऽस्मि पुरा नाथ श्रुत्वा वाक्यं तवोत्तमम्॥७॥
āgato 'smi purā nātha śrutvā vākyaṃ tavottamam//7//
Sanskrit only: no published translation is held for this verse.
साम्प्रतं स्वागतो व्यक्तम् संवृत्तो न दुरागतह् ।
sāmprataṃ svāgato vyaktam saṃvṛtto na durāgatah /
Sanskrit only: no published translation is held for this verse.
साम्प्रतं काञ्चनं देहं धारयामि निराश्रवम्॥८॥
sāmprataṃ kāñcanaṃ dehaṃ dhārayāmi nirāśravam//8//
Sanskrit only: no published translation is held for this verse.
रत्नानि प्रतिलेभे हि स्वर्गं मोक्षं च काङ्क्षताम्।
ratnāni pratilebhe hi svargaṃ mokṣaṃ ca kāṅkṣatām/
Sanskrit only: no published translation is held for this verse.
श्रेष्ठा कल्याणमित्राणां सदा सेवा हितैषिणाम्॥९॥ इति।
śreṣṭhā kalyāṇamitrāṇāṃ sadā sevā hitaiṣiṇām//9// iti/
Sanskrit only: no published translation is held for this verse.
यदा आयुष्मान् स्वागतः स्वाख्याते धर्मविनये प्रव्रजितः, तदा सामन्तकेन शब्दो विसृतह्--श्रमणेन गौतमेनासौ दुरागतः क्रोडमल्लकः प्रव्रजितः।
yadā āyuṣmān svāgataḥ svākhyāte dharmavinaye pravrajitaḥ, tadā sāmantakena śabdo visṛtah--śramaṇena gautamenāsau durāgataḥ kroḍamallakaḥ pravrajitaḥ/
Sanskrit only: no published translation is held for this verse.
तीर्थ्यैः श्रुतम्। ते ऽवध्यायन्ति क्षिपन्ति विवादयन्ति--श्रमणो भवन्तो गौतम एवमाह--सामन्तप्रासादिकं मे शासनमिति।
tīrthyaiḥ śrutam/ te 'vadhyāyanti kṣipanti vivādayanti--śramaṇo bhavanto gautama evamāha--sāmantaprāsādikaṃ me śāsanamiti/
Sanskrit only: no published translation is held for this verse.
अत्र किं सामन्तप्रासादिकमित्यस्य यत्रेदानीं दुरागतप्रभृतयो ऽपि क्रोडमल्लकाः प्रव्रजन्तीति? अत्रान्तरे नास्ति किंचिद्बुद्धानां भगवतामज्ञातमदृष्टमविदितमविज्ञातम्।
atra kiṃ sāmantaprāsādikamityasya yatredānīṃ durāgataprabhṛtayo 'pi kroḍamallakāḥ pravrajantīti? atrāntare nāsti kiṃcidbuddhānāṃ bhagavatāmajñātamadṛṣṭamaviditamavijñātam/
Sanskrit only: no published translation is held for this verse.
भगवान् संलक्षयति--सुमेरुप्रख्यो महाश्रावके महाजनकायः प्रसादं प्रवेदयते।
bhagavān saṃlakṣayati--sumeruprakhyo mahāśrāvake mahājanakāyaḥ prasādaṃ pravedayate/
Sanskrit only: no published translation is held for this verse.
तद्गुणोद्भावनमस्य कर्तव्यम्, कुत्र कर्तव्यम्? यत्रैव पतितः।
tadguṇodbhāvanamasya kartavyam, kutra kartavyam? yatraiva patitaḥ/
Sanskrit only: no published translation is held for this verse.
इति ज्ञात्वा आनन्दमामन्त्रयते स्म--गच्छ आनन्द भिक्षूणामारोचय--तथागतो भिक्षवो भर्गेषु जनपदेषु चारिकां चरिष्यति।
iti jñātvā ānandamāmantrayate sma--gaccha ānanda bhikṣūṇāmārocaya--tathāgato bhikṣavo bhargeṣu janapadeṣu cārikāṃ cariṣyati/
Sanskrit only: no published translation is held for this verse.
यो युष्माकमुत्सहते तथागतेन सार्धं भर्गेषु चारिकां चर्तुम्, स चीवरकाणि गृह्णातु इति।
yo yuṣmākamutsahate tathāgatena sārdhaṃ bhargeṣu cārikāṃ cartum, sa cīvarakāṇi gṛhṇātu iti/
Sanskrit only: no published translation is held for this verse.
एवं भदन्तेत्यायुष्मानानन्दो भगवतः प्रतिश्रुत्य भिक्षूणामारोचयति--भगवानायुष्मन्तो भर्गेषु जनपदेषु चारिकां चरिष्यति।
evaṃ bhadantetyāyuṣmānānando bhagavataḥ pratiśrutya bhikṣūṇāmārocayati--bhagavānāyuṣmanto bhargeṣu janapadeṣu cārikāṃ cariṣyati/
Sanskrit only: no published translation is held for this verse.
यो युष्माकमुत्सहते भगवता सार्धं भर्गेषु जनपदेषु चारिकां चरितुम्, स चीवरकाणि गृह्णातु इति।
yo yuṣmākamutsahate bhagavatā sārdhaṃ bhargeṣu janapadeṣu cārikāṃ caritum, sa cīvarakāṇi gṛhṇātu iti/
Sanskrit only: no published translation is held for this verse.
अथ भगवान् दान्तो दान्तपरिवारः शान्तः शान्तपरिवारो मुक्तो मुक्तपरिवार आश्वस्त आश्वस्तपरिवारो विनीतो विनीतपरिवारो ऽर्हन्नर्हत्परिवारो वीतरागो वीतरागपरिवारः प्रासादिकह् <११३>प्रसादिकपरिवारो वृषभ इव गोगणपरिवृतो गज इव कलभपरिवृतः सिंह इव दंष्टृगणपरिवृतो हंसराज इव हंसगणपरिवृतः सुपर्णीव पक्षिगणपरिवृतो विप्र इव शिष्यगणपरिवृतः सुवैद्य इवातुरगणपरिवृतः शूर इव योधगणपरिवृतो देशिक इवाध्वगगणपरिवृतः सार्थवाह इव वणिग्गणपरिवृतः श्रेष्ठीव पौरगणपरिवृतः कोट्टराज इव मन्त्रिगणपरिवृतश्चक्रवर्तीव पुत्रसहस्रपरिवृतश्चन्द्र इव नक्षत्रगणपरिवृतः
atha bhagavān dānto dāntaparivāraḥ śāntaḥ śāntaparivāro mukto muktaparivāra āśvasta āśvastaparivāro vinīto vinītaparivāro 'rhannarhatparivāro vītarāgo vītarāgaparivāraḥ prāsādikah <113>prasādikaparivāro vṛṣabha iva gogaṇaparivṛto gaja iva kalabhaparivṛtaḥ siṃha iva daṃṣṭṛgaṇaparivṛto haṃsarāja iva haṃsagaṇaparivṛtaḥ suparṇīva pakṣigaṇaparivṛto vipra iva śiṣyagaṇaparivṛtaḥ suvaidya ivāturagaṇaparivṛtaḥ śūra iva yodhagaṇaparivṛto deśika ivādhvagagaṇaparivṛtaḥ sārthavāha iva vaṇiggaṇaparivṛtaḥ śreṣṭhīva pauragaṇaparivṛtaḥ koṭṭarāja iva mantrigaṇaparivṛtaścakravartīva putrasahasraparivṛtaścandra iva nakṣatragaṇaparivṛtaḥ
Sanskrit only: no published translation is held for this verse.