Library·Divyāvadāna·116
तत्र भगवानश्वतीर्थिकं नागमामन्त्रयते--त्वं तावद्भद्रमुख, पूर्वकेण दुश्चरितेन प्रत्यवरायां तिर्यग्योनौ उपपन्नः।
tatra bhagavānaśvatīrthikaṃ nāgamāmantrayate--tvaṃ tāvadbhadramukha, pūrvakeṇa duścaritena pratyavarāyāṃ tiryagyonau upapannaḥ/
Sanskrit only: no published translation is held for this verse.
स त्वमेतर्हि हतप्रहतनिविष्टः परप्राणहरः परप्राणोपरोधेन जीविकां कल्पयसि।
sa tvametarhi hataprahataniviṣṭaḥ paraprāṇaharaḥ paraprāṇoparodhena jīvikāṃ kalpayasi/
Sanskrit only: no published translation is held for this verse.
इतश्च्युतस्य ते का गतिर्भविष्यति, का उपपत्तिः, को ऽभिसम्परायह्? इति।
itaścyutasya te kā gatirbhaviṣyati, kā upapattiḥ, ko 'bhisamparāyah? iti/
Sanskrit only: no published translation is held for this verse.
स कथयति--भगवन्, आज्ञापय, किं मया करणीयमिति।
sa kathayati--bhagavan, ājñāpaya, kiṃ mayā karaṇīyamiti/
Sanskrit only: no published translation is held for this verse.
भगवानाह--ममान्तिकाच्छरणशिक्षापदानि गृहाण, शुशुमारगिरीयकानां च ब्राह्मणगृहपतीनामभयमनुप्रयच्छेति।
bhagavānāha--mamāntikāccharaṇaśikṣāpadāni gṛhāṇa, śuśumāragirīyakānāṃ ca brāhmaṇagṛhapatīnāmabhayamanuprayaccheti/
Sanskrit only: no published translation is held for this verse.
स कथयति--एषो ऽहं भगवन्तं शरणं गच्छामि, शिक्षापदानि च गृह्णामि, अद्याग्रेण च शुशुमारगिरीयकानां च ब्राह्मणगृहपतीनामभयमनुप्रयच्छामीति।
sa kathayati--eṣo 'haṃ bhagavantaṃ śaraṇaṃ gacchāmi, śikṣāpadāni ca gṛhṇāmi, adyāgreṇa ca śuśumāragirīyakānāṃ ca brāhmaṇagṛhapatīnāmabhayamanuprayacchāmīti/
Sanskrit only: no published translation is held for this verse.
अथ शुशुमारगिरीयका ब्राह्मणगृहपतयः प्रभूतमभिसारं गृहीत्वा येन भगवांस्तेनोपसंक्रान्ताः।
atha śuśumāragirīyakā brāhmaṇagṛhapatayaḥ prabhūtamabhisāraṃ gṛhītvā yena bhagavāṃstenopasaṃkrāntāḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वा एकान्ते निषण्णाः। एकान्तनिषण्णाः शुशुमारगिरीयका ब्राह्मणगृहपतयो भगवन्तमिदमवोचत्--भगवता भदन्त अश्वतीर्थिको नागो विनीतह्? भगवानाह--न मया ब्राह्मणगृहपतयो ऽश्वतीर्थको नागो विनीतः, अपि तु स्वागतेन भिक्षुणा।
upasaṃkramya bhagavataḥ pādau śirasā vanditvā ekānte niṣaṇṇāḥ/ ekāntaniṣaṇṇāḥ śuśumāragirīyakā brāhmaṇagṛhapatayo bhagavantamidamavocat--bhagavatā bhadanta aśvatīrthiko nāgo vinītah? bhagavānāha--na mayā brāhmaṇagṛhapatayo 'śvatīrthako nāgo vinītaḥ, api tu svāgatena bhikṣuṇā/
Sanskrit only: no published translation is held for this verse.
कतमेन भदन्त? इहनिवासिनैव बोधस्य गृहपतेः पुत्रेण। संपत्तिकामो लोको विपत्तिप्रतिकूलः।
katamena bhadanta? ihanivāsinaiva bodhasya gṛhapateḥ putreṇa/ saṃpattikāmo loko vipattipratikūlaḥ/
Sanskrit only: no published translation is held for this verse.
तत्रैके कथयन्ति--अस्माकमसौ भ्रातुः पुत्रो भवति। अपरे कथयन्ति--अस्माकं भगिनेय इति।
tatraike kathayanti--asmākamasau bhrātuḥ putro bhavati/ apare kathayanti--asmākaṃ bhagineya iti/
Sanskrit only: no published translation is held for this verse.
अपरे कथयन्ति--अस्माकं वयस्यपुत्र इति। अथ शुशुमारगिरीयका ब्राह्मणगृहपतय उत्थायासनादेकांसमुत्तरासङ्गं कृत्वा येन भगवांस्तेनाञ्जलिं प्रणम्य भगवन्तमिदमवोचन्--अधिवासयत्वस्माकं भगवान् भदन्तस्वागतमागम्य भक्तं सप्ताहेन सार्धं भिक्षुसंघेनेति।
apare kathayanti--asmākaṃ vayasyaputra iti/ atha śuśumāragirīyakā brāhmaṇagṛhapataya utthāyāsanādekāṃsamuttarāsaṅgaṃ kṛtvā yena bhagavāṃstenāñjaliṃ praṇamya bhagavantamidamavocan--adhivāsayatvasmākaṃ bhagavān bhadantasvāgatamāgamya bhaktaṃ saptāhena sārdhaṃ bhikṣusaṃgheneti/
Sanskrit only: no published translation is held for this verse.
अधिवासयति भगवाञ् शुशुमारगिरीयकानां ब्राह्मणगृहपतीनां तूष्णीभावेन।
adhivāsayati bhagavāñ śuśumāragirīyakānāṃ brāhmaṇagṛhapatīnāṃ tūṣṇībhāvena/
Sanskrit only: no published translation is held for this verse.
अथ शुशुमारगिरीयका ब्राह्मणगृहपतयो भगवतस्तूष्णीभावेनाधिवासनां विदित्वा भगवतः पादौ शिरसा वन्दित्वा भगवतो ऽन्तिकात् प्रक्रान्ताः॥
atha śuśumāragirīyakā brāhmaṇagṛhapatayo bhagavatastūṣṇībhāvenādhivāsanāṃ viditvā bhagavataḥ pādau śirasā vanditvā bhagavato 'ntikāt prakrāntāḥ//
Sanskrit only: no published translation is held for this verse.
शुशुमारगिरौ अन्यतमो ब्राह्मण अहितुण्डिको बोधस्य गृहपतेर्वयस्यः। सो ऽश्वतीर्थिकस्य नागस्य भयान्निष्पलाय्य श्रावस्तीं गतः।
śuśumāragirau anyatamo brāhmaṇa ahituṇḍiko bodhasya gṛhapatervayasyaḥ/ so 'śvatīrthikasya nāgasya bhayānniṣpalāyya śrāvastīṃ gataḥ/
Sanskrit only: no published translation is held for this verse.
स राज्ञा प्रसेनजिता कौशलेन हस्तिमध्यस्योपरि विश्वासिकः स्थापितः।
sa rājñā prasenajitā kauśalena hastimadhyasyopari viśvāsikaḥ sthāpitaḥ/
Sanskrit only: no published translation is held for this verse.
स केनचिदेव करणीयेन शुशुमारगिरिमनुप्राप्तः। तेन श्रुतम् यथा स्वागतेन भिक्षुणा बोधस्य गृहपतेः पुत्रेणाश्वतीर्थिको नागो विनीत इति।
sa kenacideva karaṇīyena śuśumāragirimanuprāptaḥ/ tena śrutam yathā svāgatena bhikṣuṇā bodhasya gṛhapateḥ putreṇāśvatīrthiko nāgo vinīta iti/
Sanskrit only: no published translation is held for this verse.
श्रुत्वा च पुनर्येनायुष्मान् स्वागतस्तेनोपसंक्रान्तः।
śrutvā ca punaryenāyuṣmān svāgatastenopasaṃkrāntaḥ/
Sanskrit only: no published translation is held for this verse.
उपसंक्रम्यायुष्मतः स्वागतस्य पादौ शिरसा वन्दित्वा एकान्ते निषण्णः।
upasaṃkramyāyuṣmataḥ svāgatasya pādau śirasā vanditvā ekānte niṣaṇṇaḥ/
Sanskrit only: no published translation is held for this verse.
स ब्राह्मण आयुष्मन्तं स्वागतमिदमवोचत्--अधिवासयतु मे आर्यस्वागत श्वो ऽन्तर्गृहे भक्तेनेति।
sa brāhmaṇa āyuṣmantaṃ svāgatamidamavocat--adhivāsayatu me āryasvāgata śvo 'ntargṛhe bhakteneti/
Sanskrit only: no published translation is held for this verse.
आयुष्माअन् स्वागतः कथयति--ब्राह्मण, मामागम्य शुशुमारगिरीयकैर्ब्राह्मणगृहपतिभिर्बुद्धप्रमुखो भिक्षुसंघो भक्तेन सप्ताहेनोपनिमन्त्रितः।
āyuṣmāan svāgataḥ kathayati--brāhmaṇa, māmāgamya śuśumāragirīyakairbrāhmaṇagṛhapatibhirbuddhapramukho bhikṣusaṃgho bhaktena saptāhenopanimantritaḥ/
Sanskrit only: no published translation is held for this verse.
नाहमधिवासयामि।
nāhamadhivāsayāmi/
Sanskrit only: no published translation is held for this verse.
ब्राह्मणः कथयति--आर्य, यदि साम्प्रतं नाधिवासयसि, यदा श्रावस्तीगतो भवसि, तदा मम गृहे तत्प्रथमतः पिण्डपातः परिभोक्तव्य इति।
brāhmaṇaḥ kathayati--ārya, yadi sāmprataṃ nādhivāsayasi, yadā śrāvastīgato bhavasi, tadā mama gṛhe tatprathamataḥ piṇḍapātaḥ paribhoktavya iti/
Sanskrit only: no published translation is held for this verse.
कथयति--एवमस्तु इति। ब्राह्मणः पादाभिवन्दनं कृत्वा प्रक्रान्तः।
kathayati--evamastu iti/ brāhmaṇaḥ pādābhivandanaṃ kṛtvā prakrāntaḥ/
Sanskrit only: no published translation is held for this verse.
अथ भगवान् यथाभिरम्यं शुशुमारगिरौ विहृत्य येन श्रावस्ती तेन चारिकां प्रक्रान्तः।
atha bhagavān yathābhiramyaṃ śuśumāragirau vihṛtya yena śrāvastī tena cārikāṃ prakrāntaḥ/
Sanskrit only: no published translation is held for this verse.
अनुपूर्वेण चारिकां चरञ् श्रावस्तीमनुप्राप्तः। श्रावस्त्यां विहरति जेतवने ऽनाथपिण्डदस्यारामे।
anupūrveṇa cārikāṃ carañ śrāvastīmanuprāptaḥ/ śrāvastyāṃ viharati jetavane 'nāthapiṇḍadasyārāme/
Sanskrit only: no published translation is held for this verse.
अश्रौषीदनाथपिण्डदो गृहपतिर्भगवान् भर्गेषु जनपदचारिकाम्<११७> चरञ् श्रावस्तीमनुप्राप्तः, इहैव विहरत्यस्माकमेवाराम इति।
aśrauṣīdanāthapiṇḍado gṛhapatirbhagavān bhargeṣu janapadacārikām<117> carañ śrāvastīmanuprāptaḥ, ihaiva viharatyasmākamevārāma iti/
Sanskrit only: no published translation is held for this verse.