दिव्१५ चक्रवर्तिव्याकृतावदानम्।
div15 cakravartivyākṛtāvadānam/
Sanskrit only: no published translation is held for this verse.
Library·Divyāvadāna·122
Divyāvadāna 122
बुद्धो भगवाञ् श्रावस्त्यां विहरति जेतवने ऽनाथपिण्डदस्यारामे। धर्मता खलु बुद्धानां भगवतां जीवतां ध्रियमाणानाम् यापयतां केशनखस्तूपा भवन्ति। यदा बुद्धा भगवन्तः प्रतिसम्लीना भवन्ति, तदा भिक्षवः केशनखस्तूपे पुजां कृत्वा केचित् पुण्डाय प्रविशन्ति, केचिद्ध्यानविमोक्षसमाधिसमापत्तिसुखान्यनुभवन्ति।
buddho bhagavāñ śrāvastyāṃ viharati jetavane 'nāthapiṇḍadasyārāme/ dharmatā khalu buddhānāṃ bhagavatāṃ jīvatāṃ dhriyamāṇānām yāpayatāṃ keśanakhastūpā bhavanti/ yadā buddhā bhagavantaḥ pratisamlīnā bhavanti, tadā bhikṣavaḥ keśanakhastūpe pujāṃ kṛtvā kecit puṇḍāya praviśanti, keciddhyānavimokṣasamādhisamāpattisukhānyanubhavanti/
Sanskrit only: no published translation is held for this verse.
तेन खलु समयेन बुद्धो भगवांस् तथागतमाकारतः समनुस्मरंश्चित्तमभिप्रसादयति--इत्यपि स भगवांस्तथागतो ऽर्हन् सम्यक्सम्बुद्धो विद्याचरणसम्पन्नः सुगतो लोकविदनुत्तरः पुरुषदम्यसारिथः शास्ता देवमनुष्याणां बुद्धो भगवानिति।
tena khalu samayena buddho bhagavāṃs tathāgatamākārataḥ samanusmaraṃścittamabhiprasādayati--ityapi sa bhagavāṃstathāgato 'rhan samyaksambuddho vidyācaraṇasampannaḥ sugato lokavidanuttaraḥ puruṣadamyasārithaḥ śāstā devamanuṣyāṇāṃ buddho bhagavāniti/
Sanskrit only: no published translation is held for this verse.
अथ भगवान् सायाह्णे प्रतिसम्लयनाद्व्युत्थाय पुरस्ताद्भिक्षुसंघस्य प्रज्ञप्त एवासने निषण्णः।
atha bhagavān sāyāhṇe pratisamlayanādvyutthāya purastādbhikṣusaṃghasya prajñapta evāsane niṣaṇṇaḥ/
Sanskrit only: no published translation is held for this verse.
अद्राक्षीद्भगवांस्तं भिक्षुं केशनखस्तूपे सर्वशरीरेण प्रणिपत्य चित्तमभिप्रसादयन्तम्।
adrākṣīdbhagavāṃstaṃ bhikṣuṃ keśanakhastūpe sarvaśarīreṇa praṇipatya cittamabhiprasādayantam/
Sanskrit only: no published translation is held for this verse.
दृष्ट्वा च पुनर्भिक्षूनामन्त्रयते स्म--पश्यत यूयं भिक्षव एतं भिक्षुं केशनखस्तूपे सर्वशरीरेण प्रणिपत्य चित्तमभिप्रसादयन्तम्? एवं भदन्त।
dṛṣṭvā ca punarbhikṣūnāmantrayate sma--paśyata yūyaṃ bhikṣava etaṃ bhikṣuṃ keśanakhastūpe sarvaśarīreṇa praṇipatya cittamabhiprasādayantam? evaṃ bhadanta/
Sanskrit only: no published translation is held for this verse.
अनेन भिक्षुणा यावती भूमिराक्रान्ता अधो ऽशीतियोजनसहस्राणि यावत् काञ्चनचक्रमित्यत्रान्तरा यावत्यो वालुकास्तावन्त्यनेन भिक्षुणा चक्रवर्तिराज्यसहस्राणि परिभोक्तव्यानि।
anena bhikṣuṇā yāvatī bhūmirākrāntā adho 'śītiyojanasahasrāṇi yāvat kāñcanacakramityatrāntarā yāvatyo vālukāstāvantyanena bhikṣuṇā cakravartirājyasahasrāṇi paribhoktavyāni/
Sanskrit only: no published translation is held for this verse.
अथ तेषां भिक्षूणामेतदभवत्--पुरुषमात्रायाम् यावद्गर्तायां न शक्यते वालुका गणयितुम्, कृतः पुनरशीतियोजनसहस्राणि यावत् काञ्चनचक्रमिति।
atha teṣāṃ bhikṣūṇāmetadabhavat--puruṣamātrāyām yāvadgartāyāṃ na śakyate vālukā gaṇayitum, kṛtaḥ punaraśītiyojanasahasrāṇi yāvat kāñcanacakramiti/
Sanskrit only: no published translation is held for this verse.
कः शक्यते इयत्कालं संसारे संसरितुमिति। अथ ते भिक्षवो न भूयः केशनखस्तूपे कारां कर्तुमारब्धाः।
kaḥ śakyate iyatkālaṃ saṃsāre saṃsaritumiti/ atha te bhikṣavo na bhūyaḥ keśanakhastūpe kārāṃ kartumārabdhāḥ/
Sanskrit only: no published translation is held for this verse.
अथ भगवांस्तेषां भिक्षूणां चेतसा चित्तमाज्ञाय भिक्षूनामन्त्रयते स्म--अनवराग्रो भिक्षवः संसारो ऽविद्यानीवरणानां सत्त्वानां तुष्णासम्योजनानां तृष्णार्गलबद्धानां दीर्घमध्वानं संधावतां संसरताम्।
atha bhagavāṃsteṣāṃ bhikṣūṇāṃ cetasā cittamājñāya bhikṣūnāmantrayate sma--anavarāgro bhikṣavaḥ saṃsāro 'vidyānīvaraṇānāṃ sattvānāṃ tuṣṇāsamyojanānāṃ tṛṣṇārgalabaddhānāṃ dīrghamadhvānaṃ saṃdhāvatāṃ saṃsaratām/
Sanskrit only: no published translation is held for this verse.
पूर्वा कोट्तिर् न प्रज्ञायते दुःखस्य।
pūrvā koṭtir na prajñāyate duḥkhasya/
Sanskrit only: no published translation is held for this verse.
आयुष्मानुपाली बुद्धं भगवन्तं पप्रच्छ--यदुक्तं भगवता अस्य भिक्षोरियत्पुण्यस्कन्ध इति, कुत्र भदन्त इयत्पुण्यस्कन्धस्तनुत्वं परिक्षयं पर्यादानं गमिष्यति? नाहमुपालिन्न् इतो बहिः समनुपश्याम्येव क्षतिं चोपहतिं च यथा सब्रह्मचारी सब्रह्मचारिणो ऽन्तिके।
āyuṣmānupālī buddhaṃ bhagavantaṃ papraccha--yaduktaṃ bhagavatā asya bhikṣoriyatpuṇyaskandha iti, kutra bhadanta iyatpuṇyaskandhastanutvaṃ parikṣayaṃ paryādānaṃ gamiṣyati? nāhamupālinn ito bahiḥ samanupaśyāmyeva kṣatiṃ copahatiṃ ca yathā sabrahmacārī sabrahmacāriṇo 'ntike/
Sanskrit only: no published translation is held for this verse.
तत्रोपालिन्न् इमानि महान्ति कुशलमूलानि तनुत्वं परिक्षयं पर्यादानं गच्छन्ति। तस्मात्तर्हि ते उपालिन्न् एवं शिक्षितव्यम्, यद्दग्धस्थूणाया अपि चित्तं न प्रदूषयिष्यामः, प्रागेव सविज्ञानके काये॥
tatropālinn imāni mahānti kuśalamūlāni tanutvaṃ parikṣayaṃ paryādānaṃ gacchanti/ tasmāttarhi te upālinn evaṃ śikṣitavyam, yaddagdhasthūṇāyā api cittaṃ na pradūṣayiṣyāmaḥ, prāgeva savijñānake kāye//
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो ऽभ्यनन्दन्॥
idamavocadbhagavān/ āttamanasaste bhikṣavo 'bhyanandan//
Sanskrit only: no published translation is held for this verse.
इति श्रीदिव्यावदाने अन्यतमभिक्षुश्चक्रवर्तिव्याकृतः पञ्चदशमम्॥
iti śrīdivyāvadāne anyatamabhikṣuścakravartivyākṛtaḥ pañcadaśamam//
Sanskrit only: no published translation is held for this verse.